2006 年 3 月 9 日 星期四 【晴】


陳冠希《o徙氣》MV......幾得意......同幾諷刺......哈哈!!!

>>March 10, 2006 at 11:21:18 PM GMT+8

2006 年 3 月 8 日 星期三 【陰晴不定】

先要多謝各位真心關心我的好朋友們！件事已經過去左，平息左，我心情都已經回復左。

最近香港寬頻出左廣告話已經將所有10Mbps光纖寬頻上網既客戶免費自動升級至100Mbps，呢個廣告嚇死我咁滯，真係嘩左一聲，唔係化，全部香港寬頻既寬頻客都變晒做100Mbps喎，我畀咁貴既bb100(100Mbps)月費，但果堆bb10(10Mbps)無啦啦變晒做100Mbps喎，唔嚇死就假，今日上返去hkbn度睇，原來只係promotion，免費畀bb10客戶玩3個月bb100咋，咁都好d，如果唔係，我要佢加到bb1000畀我！lol~~

非牟利「廣告」一則：

科大劇社


<< 一念‧天堂、地獄 >>

九十分鐘的高潮起伏，兩齣與別不同的的舞台劇，一晚之內盡收 眼簾 !! 二月 十七日 起於城市電腦售票網及通利琴行公開售票 !!


< 親愛的 >

道德 ‧ 法律 ‧ 家庭 ‧ 倫理 廿一世紀中，香港訂立了一條新法例 。 本應是個幸福家庭，豈料父親有外遇。 貪得無厭的二奶企圖運用新法例，殺 害情夫的所有家人。 監獄中，疏離的一家反而變得更親密。是福是禍，究竟是 誰在暗中安排？


< 亡情記 >

某年秋， 周小姐準備跳火車軌自殺，卻遇上了火車站中的亡魂，和日復日燒 衣拜祭亡妻的老伯。 周 小姐相約老伯一小時後尋死。就在這生命最 後的六十分鐘， 周小姐找到了生命的 真諦 ……


<<演出詳情 : >>

由科大劇社全體社員合力演出及資深社員親自執導及編劇。 第九屆週年匯演， 乃科大劇社全年度最大型活動，一眾大學生的精心 演出 ，絕對能夠帶給你驚 喜 !! 籌備多時， 三月蓄勢待發 ! !

日期 : 二零零六年三月十六至十七日 ( 星期四至五 )

時間 : 晚上七時三十分

地點 : 牛池灣文娛中心劇院

票價 : $65 ( 不設劃位 ) 城市電腦售票網電話留座及票務查詢熱線 27349009

主辦機構 : 香港科技大學學生會劇社

網址 : http://ihome.ust.hk/~su_drama

電郵 : [email protected]

節目查詢 : 63369338 葉 小姐


監製｜ 何廷熙 陳鈞玉 葉棗兒
導演｜ 趙芷媛 　吳文基
編劇 ｜ 盧澤榮　魯振宇
技術顧問 ｜ 馮翹慧
舞台監督 ｜ 伍志恆
執行舞台監督 ｜ 董愷之 莫迪琪
助理舞台監督 ｜ 黃義潔 李鎂霖 李智健 崔凱媛
演員 ｜ 何浩然 王琳茹 李安婷 何世聰 盧俊業 何家敏 郭志美 黃宇庭 謝婷恩 李境峰 劉正言 陳裕采 黃家威 吳肇軒 馬靜怡 黃德榮 林子皓 歐珮翎

燈光 ｜ 白頌麒 陳麗玲 季益初 蔡浩賢 劉嘉臻
音響 ｜ 蔣敏達 張錦欣 彭凱琪 黃愷琪
道具 ｜ 林敏釗 馬蒨怡 陳淳輝 江佩怡
佈景 ｜ 陳學天 林子聰 陳嘉駿 李達揚 郭家豪 陳啟華 白宇軒 薛永賢 梁可莉 鄧耀豪 鄧允傳 黃灝泓 周澤鋒 黃國熙 羅賢 郭潤華 楊樂升 黃嘉

服裝 ｜ 陳丹麗 李悅芙 楊潔雯 何家威 姜小惠 李金粉 王嘉欣 廖倩瑩

化妝 ｜ 謝德怡 李凱兒 華潔妍 陳斌 麥梓筠 張?儒 鄭淑? 賴珮珊 李紫婷 伍月薇 劉曉樂




請支持科大劇社!

嗯，忽然做左科大劇社週年匯演演員，哈哈！千其咪信，果個唔係我來既！居然又再發現到有人同我同名同姓同埋寫法既人，唔知呢個男仔係咪就係我早前發現果個皇仁仔呢? 有ｄ想去睇佢地既演出，然後走去結識一個同我完全同名既人，感覺都幾有趣！

>>March 8, 2006 at 2:47:00 AM GMT+8

2006 年 3 月 6 日 星期一 【暴雨】

近排其實心情都唔係好好，比較反覆，原因有來自屋企，有來自屋企人既說話，有來自所謂auntie（媽d朋友）既說話，有D野我接受唔到，亦都唔高興成日拎來講，有D說話，對我來講實在太「銀」耳，心情低落。係呢排我心情比較反覆而且大起大跌之際，有一D人自覺「好好玩」，將一D野拎來做「笑柄」或者拎來「玩人」，係明知人地唔鍾意亦都介意既情況下連番挑釁，極之唔尊重人，我覺得好失望而且感到有點憤怒，我認為我已經做到了最大方、最包容，而且到了我所能到之極限，但有一D人唔識睇人眉頭眼額，唔識就此收手，唔知道自己過晒火位，仲反而覺得「越做越過癮」，我本來就想算，不予回應，我知道有Ｄ人認為我回應左佢呢Ｄ無聊行為之後會更加好玩，但結果我已經無法再忍耐，我對佢近日既所作所為作出回應並宣示不滿，可惜得不到正面回應－－道歉，還反指我「斷章取義」、曲解其意思、「成日覺得畀人逼害」等等。我要作出澄清：第一）每個人也有其諗法同情緒，有一Ｄ野係人地既忌諱，就唔該唔好專登去做，去挖苦人，即使對方幾咁大方都終有一日會忍受唔到呢Ｄ精神虐待；第二）我並非「成日覺得畀人逼害」，覺得我有這種想法的人簡直痴線，而且太不了解我，應知道如果一個人被人「玩」得太過火，實有所情緒，就算好CALM內心都會好不滿，況且我從沒有想過有人要逼害我；第三）如果換轉係我明知道你有某Ｄ忌諱而專登去做去挖苦你，我想問你會有Ｄ咩感受，唔該學識易地而處，學識對咩人要做Ｄ咩野，唔係人人咁玩得，而且玩都有個譜，學識就算玩，萬一過左火位要識收手，唔講SORRY都唔係一個大問題，只要唔好再做，迅即轉移另一個話題去令對方好受Ｄ，令氣氛好Ｄ。

我原本係唔想就一D咁無知、無謂、無聊既人去宣洩我既情緒，但我覺得真係屈得好辛苦。

另一個人，尋日本應傾得好地地，我有Ｄ野唔識唔明，問左一大堆，由１１點問到２點冇人應，原來呢個人無啦啦走左去同某個人傾緊電話，仲要傾咁耐......傾電話傾幾耐冇所謂，但返到來可以完全對於我問既野不聞不問咁，BYEBYE都冇一句，即刻OFFLINE。係等佢答覆既過程入面，我真係感覺到好無助，覺得好LONELY，到見到OFF埋LINE，我簡直成個心死左，淡到不能再淡。呢件事，係間接令到我決定唔去尋日國泰既招聘日，對於好想去而因為我話唔去而唔去既朋友真係唔好意思。

XANGA首歌，原本播既係《勞斯．萊斯》，播既原因係我近排好鍾意既一首歌，而我身邊既同學近排都係勁鍾意呢一首，而我呢排鍾意既歌仲有《化蝶》，諗住4月先改播《化蝶》，但我唔想再為一D無聊人覺得好好玩、好得意而再去堅持，我受唔到，由前晚事發日起提早改播《化蝶》。到了今日，同果２個人周旋既結果，我覺得好心淡，原本想播《心淡》，後發覺播《朋友２號》更為貼切，因為更為貼切事件事實－－我，只會係呢段關係做一個朋友２號，可有可無。

>>March 8, 2006 at 2:49:36 AM GMT+8

2006 年 3 月 3 日 星期五 【颳風】

cogpsyreportstatmidtermmicro-skillcaseconferencecogpsymidterm
死亡三月
正式開始
busmgtmidtermbusmgtpresentationengreportmulticulpresentation

2006 年 2 月 28 日 星期二 【乍寒還暖】

原本一早諗住以後最遲都要1點就好訓啦，結果畀人寸話我唔會做得到，好想由今朝（即尋晚）開始「培養」返呢個「早睡」既好習慣，結果沖涼準備訓果陣時，突然醒起：「係喎，今日好似係city deadline喎。」，上床前，個心好忐忑不安，最後都要開返機check check，即刻畀班fd爆寸：「乜你唔係訓左架啦咩？」......check左，真係今日deadline囉，大獲啦，完全未準備任何野囉。十萬火急下，聯同肥魚，兩個雙雙好似趕上機咁，即刻衝左去個webpage度register。呢個咁「頻能」既experience真係.......唔知點形容，可以講有d搞笑同帶點無奈。最衰啦，做咩唔extent個application period嗟，唉。anyway，今日返到學校即著手處理transcript果d野......夜晚收到肥魚既「壞消息」，話late submission of supporting details未必會呈上去department，unless your result is an outstanding one囉！唔知點算，搏一鋪啦！

今日OMG屬下O Movie Group在UA Times Square舉行了「共赴斷背山」電影觀賞活動。在活動舉行前，OMG一行五人齊齊上左KFC食桶雞，仲要係得果15分鐘，搞到要狼吞虎嚥咁，真係搞笑。

anyway，講返套戲《斷背山》。
《斷背山》表達既message其實係好heavy，好沉，唔明點解院內一眾無知少女不定時咁哈哈大笑又依娃鬼叫，少見多怪，極度乞人憎。色即是空，萬物本無色，愛就係愛，愛一個人是無性別之分，男男、男女、女女又有何所謂？何解看見兩個男的在親熱就像看見什麼新奇事，作出如此失禮又無知的行為來？你對果個人有feel就係有feel，絕對唔會因為你對果個人有feel而又因為佢同你同一個性別就即刻變得冇feel，有人認為點可能同同性有feel，這只是一向那些所謂的生按白造出來的「道德教化」去箝制、去抑壓呢種feel，如果真係話你對同性冇feel，你唔會去愛同性，咁你必然唔會有同性朋友（社會學家指brotherhood是同性戀的變種，換句話說是沒有性幻想的同性戀）。心理學話，呢個世界上根本就冇絕對同性戀與絕對異性戀，這只是一個continuum，比例上較為傾向同性戀或異性戀，況且同性戀並不是病，有說是天生因素驅使，也有說是後天影響，無論如何社會現實就是多數就屬正常，少數就是異類，看似較為「小眾」的同性戀就被打為變態、不正常，這合理嗎？嚴格來說，《斷背山》兩位主角不算是同性戀，只可以說是雙性戀較傾向於同性戀，若是較為「嚴重」的同性戀，則不大可能可以跟女伴上床兼生孩子。《斷背山》有著同為同志電影《藍宇》的影子，或許這就是同志們受到社會現實環境壓逼下而形成的現實悲劇寫照。Homophobia而成的所作所為，不論是冷嘲熱諷、歧視、不公平對待、精神虐待、身體虐待，甚至對同性戀者進行殺害或虐殺，簡直是恐怖主義、恐怖行為，令人不寒而慄。其實在印度社會，有一種文化，男男才是高尚、聖潔的行為；而在古希臘，更指男男性交是聖交；在相當保守的中國，也出產了另類浪漫故事「斷袖分桃」、「龍陽之辟」等等，更有指屈原、梁祝故事是同性戀故事之扭曲。可想同性戀是相當普遍，而且源遠流長，更甚者至達尊崇之境界。

2006 年 2 月 27 日 星期一 【微冷】

東薈城未來變動：

進駐
意粉屋（東薈城一期）
Pacific Coffee Co.（東薈城二期）
Novetel．citygate Hotel（東薈城二期酒店項目）
聯邦皇宮（東薈城二期）
金滬庭酒樓（東薈城二期）

撤出
摩囉街（已撤出，舊址將改為意粉屋）
BaLeNO（快將撤出）
bauhaus（快將撤出）
BIEM（快將撤出）
Walker Shop（快將撤出）

改革
百佳超級廣場（4月底將變身成為全新「橙色」百佳）

一個市中心
21間食肆
大家樂、我的茶餐廳、二興燒味、大班麵包、Pie & Tart、鴻福堂、美心西餅、西龍傳香飯糰、意粉屋、DeliFrance、Haagen-Dazs、McDonald's、金暹邏、KFC、美心集團繽紛美食坊、東薈軒海鮮酒家（聯邦酒樓集團）、聯邦皇宮（聯邦酒樓集團）、金滬庭（聯邦酒樓集團）、富東海鮮酒家、Pacific Coffee Co.、Starz Wine Bar（UA Citygate)
讓你食不停

奇怪
單單一個市中心，又何需那麼多食肆，難道不會飽和嗎？
一個市中心，4間酒樓，東涌真的有那麼多人飲茶嗎？還是住這裡的人富泰，經常上酒樓去，不愁沒生意？
最奇怪是，這個市中心已經有4間7-11便利店，真是「梗有一間係左近」！
註：東涌這一個偏遠小鎮，車費昂貴，外客不多，外客通常只有假期去旅行、遠足、camping、上大佛、去大嶼山時才有。

2006 年 2 月 23 日 星期四 【陰晴不定】

今日去7仔叮飯食lunch，見到「壹本賤利」既封面好吸引「陳冠希父子曼谷鴨仔臀」，標題同肉色圖片非常搶眼而且有趣（圖片有「SM摑」），欲將之買來一閱，結果到了放學就決定買一本來翻翻，怎料一閱內容，卻完全是兩碼子事，更完全跟陳冠希無關，擺明陳冠希畀「賤利」擺左上檯等D紙好賣D。失望之餘又帶點受騙的感覺，就這樣被「賤利」騙了$10。

最近「賤利」真的跟以前唔同左，以我所知，「賤利」以前係用過而家"don't" Touch既「硬」紙封面，而家「賤利」用返普通八卦雜誌既粉紙封面，而內容亦由以前「潮書」變為第二本「狒周」，好八婆（封面由咸味女郎照改為八卦娛條照），但一向既咸味依然洗唔甩，仲係好重鹽份，係咁易又頭翻到落尾，差不多近半都係有味，有味到接受唔到，想掉左佢，感覺好似買左Penthouse、Playboy、龍虎豹、夜生活、指男、雄風咁。唔睇「賤利」都唔知，香港真係咁多奇人奇事，而且咁多賤人，難怪刊名要叫「壹本賤利」，因為專講賤人。睇到其中一版，好驚，驚到想成本雜誌掉左佢，內容講一個女中學生自殺，背後又係有關一個賤人。恐怖之處不在此，而是死者母親的所作所為：買晒全套紅色，等佢猛ｄ......由於太恐怖，唔想再寫，亦都唔想提，好似對死者唔係幾尊重咁（註：「賤利」登左個女仔既相，搞到我好不安）。我係一個超細膽既人，唔鍾意睇到呢ｄ咁既報道，亦都覺得呢ｄ報道好唔尊重。

估唔到睇到最後頁，好驚訝見到所謂「香港第一才子」陶傑寫既專欄，真係唔睇唔知，陶生呢ｄ「咁有文化修養」既「才子」居然也會為「壹本（咸書）賤利」寫文章。細閱其文，講岩岩公映hit爆（奪獎無數，導演係李安）既美國西部牛仔同志電影《斷背山》，題為「香港何處有斷背山?」。陶生提及到「異性戀者席地開炮，香港就有一座飛鵝山......硬是少了一座香港的斷背山......搞到同志被逼轉入地下，借港九各大公廁秘密破冰Touch Base，可惜廁格巡迴，不但時常逐臭，還隨時慘遭便衣警員假扮同志無理掃蕩，斷背未成，先行斷正，扣押荔枝角gay留所......」「......香港同志應聯同某些文化人，發動一個『西九斷背山同志特區聯署運動』，要求曾蔭權在港九新界，撥出一座山峰，列為同志風景區，稱為香港斷背山......港九山峰眾多，尚未全遭地產商開發，例如港島的扯旗山，由於峰巒疊翠，有許多峰迴路轉的無人地帶，而且山名勝在切題，開闢斷背專用區，實係大有空間......除了落日美景，一覽無遺，還面對南丫島三支堅挺朝天的煙囪，最宜斷背三人行，簡直是一座造化鍾靈的神山！」......有趣有趣！

先前講到香港有很多奇人奇事、賤人賤事，正睇緊「賤利」既「超賤報道」，肥魚send左d超賤超激既港產地道AV來，真係咩人（居然有人真係會模仿AV自拍）都有，真係比起我前日睇到既「賤利」錄影直擊「洪朝豐急症室"ragu""fire"發癲」勁得多！

>>February 24, 2006 at 2:05:04 AM GMT+8

2006 年 2 月 20 日 星期一 【陰晴不定】

今日真係畀電訊■科玩死
事關今日係屋企固網電話「成功轉線」既大日子
其實今劑固網轉台搞左差不多有半年
由九月中呢間電訊一哥接觸我地開始
到而家足足有5個月
9月中我地應承電訊■科係12月1日香■寬頻合約期滿後轉回用電訊■科的固網服務
電訊■科惟恐客戶流失會導致市場佔有率萎縮
立即派人上門裝線並聲言裝線後合約立即生效
惟轉台需待12月香■寬頻合約完結後才能攜號轉台
故安排了電訊■科臨時電話號碼210■37■5給我們使用
可是到了12月電訊■科卻還未給我們成功轉台
香■寬頻方面回覆並沒有收到電訊■科的轉台申請故繼續提供服務
我們向電訊■科了解
他們居然回應我們遺失了資料所以並未有所跟進
在此電訊■科曾作出承諾指會於1月份成功轉台
但至1月底才分別收到香■寬頻及電訊■科的轉台通知書(先收到香■寬頻的，電訊■科要遲一星期才收到)指2月20日（即今日）將會成功轉台
今天上午10時
要不是我們打去電訊■科熱線1000查詢轉台情況
電訊■科也沒人跟我們聯絡過轉台情況
一打去1000正在跟客服員交涉之際
隨即同一時間收到兩三個是由電訊■科不同部門打來的電話
混亂不堪
而且各說各話有不同版本：
熱線1000：「唔駛師傅上來整架啦......（唔係喎，9月果時師傅話要轉台前再上多來一次架喎，10月果時你地都有人打來話要約多次時間裝線架喎）......咁呀......我幫你call call師傅睇下係咪要上來裝......咁師傅上來裝線既時候，你地駛唔駛順便裝埋寬頻上網同收費電視呀？（唔駛啦！）」
師傅：「唔好意思呀......我一個鐘前已經來左你樓下架啦....但你地大廈既管理員唔畀我入來...留難左我一個鐘我先入到機房咋.....我而家上來同你裝線架啦（心諗：唔係化....即刻殺上來？唔早ｄ通知？)」
電訊■科寫字樓：「......（由於同一時間打來，由我阿媽聽左，為方便溝通，遂請他遲些致電，卻沒後話，我回電，有人接聽，卻沒以「喂，電訊■科」作開場白，聲音像被電話吵醒一樣。）」
裝線進行中
電話又響：「你好呀，我係電訊■科打來架，我地收到消息話你地係咪話唔駛轉線話？（梗係唔係啦，邊個同你講架，師傅而家都係我屋企度搞緊轉線啦）哦，唔好意思呀，咁可能係我地公司溝通上出左問題，以為你唔駛轉條線添。」（流汗量可達一升！）
奇事：
我地原本電話210■ 41■0竟然飛左去210■97■5度（呢個電話同電訊■科安排畀我地個臨時號碼只差一個字），而果個210■97■5就已經畀人剪左線（長響唔通），相反，直到呢一刻（午夜12點）我地都仲未能成功「攜號轉台」，仍然被逼使用臨時號碼。
真係唔知佢點搞...........仲因為咁搞到我返唔到學，交唔到功課，畀唔到書瑋瑋
真係(*&(*&^%&^%#%$