|
2006 年 6 月 17 日 星期六 【晴】
今日係昂坪纜車Ngong Ping 360 Skyrail既試搭大日子，雖然我冇份上去坐，但就結果去左行NP360 Skyrail經過既一段山路。雖然今日好曬好熱，但我就好興奮，睇見頭頂飛過既纜車，覺得好過癮，仲有d位係超近距離去睇果d吊車架！
  
係昂坪纜車站，可以好近距離見到ｄ吊車入站同離站，同海洋公園吊車既感覺好唔同。另外，係纜車站隔離，有一個昂坪市集，係呢個昂坪纜車計劃新設既旅遊景點之一，係呢度仲會見到Starbucks Coffee既蹤影添架！
沿住條山路行，感覺唔似平時行山，因為你頭上經常會有吊車經過，個感覺寧舍有安全感，就算行度半路中途有山賊都唔怕，因為呢段山路，昂坪360纜車公司所屬既地鐵公司已經裝晒監察系統，雖然目的唔係要來影人行山，而係影有冇人係吊車入面唔守規則，但已經夠晒保安，感覺寧舍安全！
 
行到成段路既四分之一，就會到達最接近昂坪站既山頂轉向站，係呢度真係差不多伸手能及果ｄ吊車架，不過當然就唔好咁做啦，因為擅闖行車通道係犯法既而且又危險，都係近距離影下相好啦！係呢度，你會第一次見到最靚既赤立角機場全景，個景靚到嘩嘩聲，極目遠眺，如果視野清晰，仲會見到汀九橋，好不厲害！
 
過左呢一段，就會到達一段以木搭建成既山路，個感覺好特別，好似去左外國既海濱長廊咁，但又係山上面架喎！不過行呢段路既時候要好小心，因為如果跌左ｄ野落地下，就好易執唔返架啦！係呢段木山路既中途，有一個「大峽谷」，建造呢條山路既工程師好犀利，居然整左個「人肉過山車路軌」出來，急斜而且兜兜轉轉地落，然後又要爬上陡峭非常既山坡。我地行呢段路已經有ｄ怯，更何況起呢條路既工人，真係要向佢地致敬啦！
係行到呢段木路冇耐，我地已經發現頭頂既吊車開始停下又郁下，而且仲越停越長時間，果時時間大概係下午3點半左右。
過左兩個山頭，我地終於行到去最接近東涌既山頂轉向站，而頭頂既吊車已經足足停左係同一位置一小時有多，計埋之前既行小小又停一陣，就足足停左兩小時！我地聽到吊車入面有廣播，但就聽唔清楚講緊ｄ乜，只係見到吊左係上面兩小時既乘客一面無奈，我地向佢地揮手，佢地都回返個禮！
 
我地用左大概三個鐘頭既時間，由昂坪行到落東涌。雖然落山果時無乜風，而且隻腳係咁行落山時勁震，好辛苦，但就係好過癮。咁岩果時有班工程人員放工，同我地一路行一路講笑，仲指引埋我地邊度有間士多可以買野飲添！落到山，去左逸東村既食肆食飯，睇亞視《六點鐘新聞》同TVB《六點半新聞報道》，兩個台既新聞都將呢次昂坪纜車故障停駛3小時既新聞放做頭條，仲搵來立法會議員做訪問，而兩個台都有記者去到東涌纜車總站做現場報道，其中亞視既女記者更一度係最接近東涌既山頂轉向站（即上段影片該處地方）做錄影採訪，只可惜我見唔到佢，但我自己都拍左段獨家新聞片。
食完野行返去東薈城，有重大發現！東薈城百佳超級廣場一如我所料，裝修完又拆晒所有百佳招牌後一定改名，結果真係改左！全新既東薈城taste於尋日朝早正式開張！東薈城近排轉營做高檔商場，就連超級市場都要升級，變做百貨型既高檔百佳，又用同係太古集團旗下又一城商場既百佳名稱taste，當堂成個東薈城都高級晒！
>>June 25, 2006 at 3:19:12 AM GMT+8
2006 年 6 月 16 日 星期五 【酷熱】
之前大大話話都連續落左成個月雨都有，今日終於雨過天青勒！亦都因為好天既關係，我終於要獻出我既第一次，一個人返去聽線。成個下晝，好彩都有個case講得到，幾開心，其餘果ｄ只可以不停滴汗。
估唔到我暑假除左by-census之外，仲繼續有著落喎！小五學生尋日試前最後一堂宣佈：暑假繼續上！其實今個月3號果日，有一個又係小五男仔接洽我想搵我補，不過人工太低，居然同我收二年班既同價，推左lu，果日係我舊曆生日，agency想送賀禮乎?
>>June 16, 2006 at 11:30:07 PM GMT+8
2006 年 6 月 9 日 星期五 【溫暖】
1025
1055
1115
50分鐘內先後發出黃色、紅色及黑色暴雨警告，可想而知場雨幾咁犀利。落雨落到瀑布咁，個天又勁黑，今次係今年第二次發出黑色暴雨警告，對上果次係2006年4月24日。睇返紀錄，原來八年前既同一日（即1998年6月9日）都發出過黑色暴雨警告！而且發出黑色暴雨警告既日子原來都好類近，好似真係有個譜咁 2006德國世界盃今晚開波了。
今天係我個個人網站4週年站慶，估唔到咁快就4年，4年前搞果個網站出來都係F.5考完會考得閒無事第一次學人整網站，唉，人真係好快老。尋日都係阿哥22歲birthday=.=
終於肯公布status，好彩！我真係好驚畀人飛左出局，睇果時手心標汗、心跳加速。希望真係大步檻過，一天光晒，獲得重光！
>>June 10, 2006 at 12:59:27 AM GMT+8
2006 年 6 月 8 日 星期四 【酷熱】
好灰
玩完了
就係咁多
>>June 9, 2006 at 12:05:56 AM GMT+8
2006 年 6 月 7 日 星期三 【酷熱】
最近鬧得滿城風雨既事件，除左「巴士阿叔」之外，仲有某電台既投票風波。
事緣「商業電台叱吒903」一個極受年青人歡迎既電台節目《架勢堂》，上星期五搞左個全城「哄動」既網上投票，題目係「我最想非禮的香港女藝人」，隨即引來幾十宗投訴、平機會及婦女組織狠批，甚至可能惹來官非（律政司正研究商台此舉有否觸犯刑事罪行）。《架勢堂》節目監製兼極受年青人歡迎的節目主持人森美小儀雖然已作出了道歉，但仍逃不過「《架勢堂》節目由6月12日下星期一起停播兩個月，節目監製兼主持人梁志健（森美）及阮佩儀（小儀）停薪留職兩個月，期間不可接受任何新的兼職」的命運。目前，森美小儀不但在商台叱吒903主持電台節目《架勢堂》，亦在電視廣播(TVB)主持遊戲節目《15/16》，可謂紅極一時。而《架勢堂》亦最近與《15/16》聯手打造一個新的合作關係，建構了遊戲網站90345678.com，讓跨媒體觀眾上網玩遊戲，故二人今次的事件將影響商台、TVB、90345678.com、《15/16》冠名贊助商Sony Ericsson及90345678.com協作雜誌《milk》。
創意雖是天馬行空，但若胡作非為、失去應有既道德平衡，則為「天馬行兇」，創意變成創傷，何必呢？盼今次事件不僅警醒森小二人，還警醒一向自詡最具創意、最領先潮流、最受年青人歡迎的電台頻道叱吒903商業二台，創意係有個譜，唔好濫用創意！
>>June 7, 2006 at 11:58:38 PM GMT+8
2006 年 6 月 4 日 星期日 【綿綿細雨】
六四 十七周年
十七年前，我還是一個三歲有多，快將四歲的小男孩。
若果不是十七年前，在中國的土地上，發生了中國人打中國人，天安門屠城的事件，我想不到一個三歲小孩的記憶原來能夠延續那麼久。
還記得十七年前的今天，我還在讀K.1，在電視新聞裡看見一幕幕既真實，又刻骨銘心、感人肺腑的新聞片，中共政府在李鵬總理的指揮下，居然出動坦克車，屠殺當時在北京天安門廣場進行追求民主和平集會的學生和工人。
一個個受傷的、一個個犧牲的，仍然歷歷在目，最可恥的事，中共政府在全球傳媒和人民的引證下，居然說出在「六四屠城」中沒有死掉一個人！
六四這個歷史傷口，雖然受著時間的洗禮，以及所謂「愛國」教育的衝擊，新一代，尤其在89年六四事件之後出生的，可能已經不知道什麼是六四，為何要平反了，但我相信，事實可證明一切，就讓歷史事實教導新一代，愛國的定義。
在「心繫家國」的同時，亦應「毋忘六四」。
我喜歡新聞，就是因為新聞紀錄事實，譜出真實的歷史。
今年六四維園燭光集會，有4萬4千人參加。
支持平反六四愛國民主運動的，並不只這4萬4千人。
>>June 5, 2006 at 1:47:27 AM GMT+8
2006 年 6 月 1 日 星期四 【乍寒還暖】
成個禮拜，日日都冇停過雨，仲有時落到好大好大，個天好似穿左咁，但有陣時我都幾鍾意落咁大雨，可以幫呢個污染左既城市沖一沖涼，空氣清新ｄ，視野又遠ｄ，都唔錯丫！
越來越驚，越來越擔心，亦都越來越灰，我唔想再衰。就來21歲，希望有我最想要既生日禮物。
《未解決VI 之 阿叔現身》
《壹本便利》
《壹週刊》
《蘋果日報》
《東方日報》
《太陽報》
《明報》
《星島日報》
《成報》
《新報》
《文匯報》
《頭條日報》
《am730》
「巴士阿叔」陳乙東，曾為行政長官參選人，為一綜援受益人士，並非早前傳聞某電視台「講波阿叔」。
>>June 2, 2006 at 1:22:23 AM GMT+8
2006 年 5 月 27 日 星期六 【乍寒還暖】
《未解決》原裝正版
《未解決 後傳》
《未解決II之商台獨白》
《未解決III之有線新聞》
《未解決IV之全球哄動》
英國--Guardian
http://technology.guardian.co.uk/ne...1783351,00.html
美國--New York Times
http://www.nytimes.com/aponline/art...gin&oref=slogin
美國--CBS News (哥倫比亞廣播公司新聞）
http://www.cbsnews.com/stories/2006...D8HQSOQ80.shtml
新加坡--Channel News Asia
http://www.channelnewsasia.com/stor.../210553/1/.html
美國肯塔基州--Lexington Herald-Leader
http://www.kentucky.com/mld/kentucky/entertainment/movies/14671103.htm
南非--Independent Online
http://www.iol.co.za/index.php?set_...48554081954B252
美國加州--San Jose Mercury News
http://www.mercurynews.com/mld/merc...ws/14665687.htm
阿拉伯聯合酋長國--Khaleej Times
http://www.khaleejtimes.com/Display...ection=theworld
《未解決V之萬千創意》
http://hk.geocities.com/thebusuncle/
《未解決VI之尚未解決》
.......快將開拍
另，思覺失調、妄想被害、妖言惑眾、嘩眾取寵既東方報業集團今日又精神病發作話政府針對佢、逼害佢，又話自己幾咁正義，個個市民都企係佢果邊，之但係好好笑，佢出果d所謂數據，全部唔夠一半人覺得政府針對、逼害緊東方報業，我就唔係好明點解東方d人可以咁誇大其詞，覺得人人都企係佢果邊，覺得政府唔岩呢？跟住，又係講足11年都係果句，猛咁鬧或暗寸對手壹傳媒同蘋果，話人地反中亂港、害人不淺、缺德，所以成日畀政府告，咁點解而家又話政府只係針對佢東方，對其他傳媒，包括果ｄ所謂反中亂港既就視而不見，唔提出起訴，咁樣係咪自打咀巴，話畀人聽東方報業集團既東方日報同太陽報係垃圾報紙，講野唔可信，唔中立（傳媒雖有自己既立場，但新聞應盡量保持中立），應該受香港大眾市民、有識之士所唾棄？近日不斷出果d咩太陽報翻天大行動，打贏蘋果做左銷量第2位，仲話直逼同集團既東方。呢個真係傳媒界大笑話，蘋果入左出版銷數公證會HKABC，人地既銷量有權威機構核實唔係自己老吹，東方報業兩份報紙都冇入到，一味淨係執住自己果Ｄ所謂印數同所謂核實銷量（冇經權威統計）砍贏蘋果既「自稱印數」，就猛咁話自己贏左。如果真係咁高銷量，點解唔夠膽入HKABC呀？太陽報就算真係銷量高左，都係因為之前賣$3，平其他報紙一半，一眾節儉人士當然就唔理啦，買左就算，但我好相信，有腦袋既人一買完份東方太陽睇完，都知呢兩份野係垃圾，下次都係唔好買啦，盞涂毒思想。香港一日有呢D咁既精神病傳媒，真係唔慌唔「反宗亂港」囉！
印尼又地震，仲要好勁，唉......
考完stat，好暢快，希望成果滿意
>>May 28, 2006 at 1:39:32 AM GMT+8
2006 年 5 月 26 日 星期五 【微雨】
巨蟬突襲！
話說我補完習返到屋企，正想擺返部電話既時候，就見到呢隻6cm x 3cm既巨蟬僕左係我書桌既窗前，當堂嚇左一大跳！
>>May 26, 2006 at 8:44:46 PM GMT+8
2006 年 5 月 25 日 星期四 【晴】
＊！又＊左＊啦！果隻死人「驚」係咪想報復呀？！出到ｄ題目鬼咁深，有d terms仲未見過既添！玩野咩？點考呀？望住成份卷眼都大埋，唔識做囉！唔係又炒多科呀？真係呢個sem過到2.5都真係還得神落。好彩今朝份Business Org and Mgt做得幾暢快嗟，不過都係做唔切=.=
一日考兩科，真係好係野，考埋下晝個cogpsy時真係好想暈低，虛脫囉！最慘係下晝份cogpsy真係乜都唔記得晒，認真＊＊囉！
>>May 25, 2006 at 10:36:53 PM GMT+8
|
之前大大話話都連續落左成個月雨都有，今日終於雨過天青勒！亦都因為好天既關係，我終於要獻出我既第一次，一個人返去聽線。成個下晝，好彩都有個case講得到，幾開心，其餘果ｄ只可以不停滴汗。
好灰
最近鬧得滿城風雨既事件，除左「巴士阿叔」之外，仲有某電台既投票風波。
回allinall:
<br>我