2005 年 10 月 18 日 星期二 【晴】

英華書院Prefect Board製作的《校服》Music Video (原曲：李克勤《紅日》)，提供「另類指導」予各英華仔如何是合規格的校服

睇完，諗返起以前做P既感覺同回憶

2005 年 10 月 14 日 星期五 【微雨】

好想睇 容祖兒演唱會
唔知有冇人肯同我一齊去睇呢?
（其實好有可能呢ｄ時候已經冇晒飛賣......聽聞場場全線爆滿，而家可能只望淨返加開果兩場）

由　　未知/逃避你
到　　不容錯失/最新消息/Lovin' U
再　　誰來愛我
之後　痛愛
然後　全身暑假/告解/阿門
再來　隆重登場（原名：炸機女皇）/怯/再見我的初戀
接著　一面之緣/抱抱/綴泣
再到　爭氣
緊接　我的驕傲/習慣失戀/心淡
不久　SHOW UP!/出賣/想得太遠
跟隨　一拍兩散/借過/世上只有/最後勝利
過後　分身術/16號愛人/心病
來到　明日恩典/呼天不應
終於　越唱越強/天之驕女/好事多為

首首動聽　首首風行

由　容祖兒隆重登場演唱會（原名：容祖兒炸爆紅館演唱會）2001
再　容祖兒Show Up!演唱會2003
到　容祖兒Reflection of Joey's Live 2005演唱會

場場爆滿　場場加開

.......
寫完呢個blog有ｄ似做宣傳稿咁添

>>October 15, 2005 at 12:01:14 AM GMT+8

2005 年 10 月 13 日 星期四 【晴】

WHAT?!

衛 生 福 利 及 食 物 局 表 示 ， 會 重 組 現 時 食 物 供 應 相 關 執 行 部 門 ， 加 強 對 食 品 的 監 察 。

當 局 在 提 交 立 法 會 的 文 件 指 出 ， 計 劃 成 立 食 物 安 全 檢 驗 檢 疫 署 以 及 漁 農 環 境 衛 生 自 然 護 理 署 ， 取 代 現 有 的 食 物 環 境 衛  生 署 及 漁 農 自 然 護 理 署 。

食 檢 署 日 後 主 要 負 責 食 物 安 全 、 獸 醫 公 共 衛 生 以 及 食 品 檢 驗 檢 疫 等 工 作 。 轄 下 會 設 有 食 物 安 全 中 心 ， 由 食 物 安 全 專 員 統 籌 食 物 監 察 、 風 險 評 估 ， 農 場 、 漁 場 發 牌 等 。

新 的 漁 農 環 護 署 則 負 責 漁 農 業 發 展 、 環 境 衛 生 及 自 然 護 理 工 作 。

政 府 建 議 ， 明 年 四 月 一 日 或 相 近 日 期 開 始 ， 推 行 新 架 構 。
（以上新聞內容版權由香港電台新聞部持有）

唔係卦?!
四年前度先解散左有百多年歷史既市政總署（史稱「殺局」），將佢分拆成立左食物環境衛生署同康樂及文化事務署，而家咁快又殺署（食環署個標誌先出左一年幾兩年，咁快就可能冇得再用），真係......唉！今次重組會唔會解散減D人手呢？有D擔心添！

2005 年 10 月 6 日 星期四 【晴】

check email，睇到一封email令我不禁滴汗，寄呢封令我感到驚嚇萬分而且不禁汗顏既email畀我既人係我小二學生個媽咪，睇完真係會好無奈，而且感到好不安......

現將該段令我感到既驚嚇又無奈甚至不安的email內容原文節錄如下：
"Since 2/3 years before I also met you at the MTR, when I via train every morning I saw you hv work hard study in the train, so when you came to interview, I knowing I can release my son for you. At least you’re a responsible guide."
(though there's so much grammatical errors, the content there is sufficient enough to make me scare.)
原文翻譯：早在兩三年前，我每早也在地鐵車廂內見過你了。我留意到你每早也很勤力地在車廂內溫習，所以你那次來面試，我已經知道我可以交託我的兒子給你了，至少你會是一個負責任的導師。

．．．．．．
首先：為何她會咁記得我？兩三年前每朝係地鐵車廂見過我，但都冇乜可能到而家都仲咁記得卦？而且，每朝地鐵車廂入面都咁多人，咁都會咁記得specifically一個唔識既人？！好驚人囉！
其次：點解佢會咁留意我？我每朝係車廂入面做乜佢都知？車廂入面咁多人，唔留意其他人係都要留意我既？仲要咁記得果度神奇！
再者：一個又普通又唔識既人，照計都冇乜可能會認得卦。老實講，我認唔到佢囉，佢又會認得我果度好野。不其然記起細個果時，去某某youth center果時原來畀一個唔識既人「點左相」都未知，隔左成個月，果個我唔識既人先走來同我講，問我係咪幾月幾號幾點去左邊個youth center做左ｄ咩，真係好驚人！又有一次，去院校interview，事後其中一位三唔識七既「同學」走來問我係咪係佐敦英皇教育度補過history，My God，我對果位「同學」真係完全冇印象架囉，大家又三唔識七，而且係得三個月既intensive course來咋嘛，夾埋都冇二十堂，咁都認得我，真係好恐怖！......畀人無啦啦點左相都仲未知道發生咩事既事唔只咁少，真係好無奈同好驚嚇囉！我又唔係d咩公眾人物or標青靚仔，咁都會畀人咁有印象，係咁以撞見都咁入心入肺？好誇張囉！
係度諗：咁我係咪即係以後出親街都要行為檢點ｄ呢？我咁易畀人認得架喎原來。唉．．．搞到好似做藝人咁添，真係.......唉

2005 年 10 月 4 日 星期二 【晴】

好喇！「死亡十月」既第一關presentation one終於過左啦！而第二關既Reading Report亦都延期左一星期，真係開心死我啦！仲有仲有．．．由於課堂調動既關係，無啦啦今個禮拜又多左一日day off，真係正死啦！係連續捱兩晚夜準備個presentation one之後，即來一日day off又唔駛交功課住，真係盞鬼！

講返個presentation one，我都覺得正到爆，Lida猛話好impressed，仲畀左好高既評價添！連捱兩晚夜乜都值返晒！今次係我提議起用全新既presentation way去做，效果唔錯，真係好開心，覺得自己既creativity都幾高下，哈哈！不過都要多謝一班組員，without their prefessional help，一定唔會做得咁幾近完美囉！（conscious的，而且係事實，並非什麼persona或ego inflation.....lol）

百年中國（＋三年零八個月） X 開心大發現 X 百法百眾 X 英語一分鐘 X 百萬富翁　建構「亞嫫（音：無）電視」式連鎖game show gimmick presentation，有live有片有animation有埋音效，乜到玩晒，真係「巔峰」！死啦．．．突然有感到了我呢d百變presentation gimmick design既極限添，下次presentation唔知再有d咩可以做。

可能我同班中另一個男同學Avery有ｄ「相似」，如果唔係，點解連續兩日，Grace同Dawn兩位professors分別可以「撈亂」左我地兩個......仲要而家無啦啦合組左"Boy'z"( Boy Twins )囉....lol....

原本諗住今個星期六返scout，結果又因為要做interview report，返唔到lu，哎呀，收左班新仔，我都未得閒同佢地溝通溝通添。

>>October 5, 2005 at 12:37:59 AM GMT+8

2005 年 9 月 28 日 星期三 【晴】

一年前，名嘴可以灑脫地丟下「身心俱疲」四個字，然後自行走去放假；現在，我都感到非常「身心俱疲」，可是卻不可能像名嘴般灑脫地自己走去放假。我渴望假期，而且越長越好！

本以為早些完成presentation之類的東西，便可以輕輕鬆鬆，想不到卻炮製了一個「死亡十月」！單單在十月上旬，便已經要交兩份reports、兩份writings、兩份presentation scripts、兩個presentations（其中一個要三小時加長版），還要做interview，除此之外，家裡的固網電話轉台、阿爸得獎講稿、隔天的補習、星期一的勞役（差不多有五小時已經奉獻給小朋友了）......真的想不「疲憊」也不行！

很懷念穿校服上學的日子，很想重回穿校服上學的日子，很想重新來過，或許會跟現在所走的路有所不同。

該是時候要consult counselor吧！不論是為了fulfill course requirement，還是為了fulfill自己的psychological needs，我想也該是時候了！大概過了「死亡十月」，也就是要開始的時候。

Defence Mechanism......it's really true!

>>September 28, 2005 at 11:49:31 PM GMT+8

2005 年 9 月 25 日 星期日 【驟雨】

究竟讀Social Science、讀Psychology有什麼地方開罪別人？
為何有人要一而再再而三去詆毀別人的科目以抬高自己？
我不明白為何有些人總要「撩交嗌」先安樂？
讀完Master才獲得「專業認可資格」成為專業人士又有什麼問題？
總好過一些讀完4年學士後，無論有否繼續修讀碩士，社會人士也不會視該行業從業員為專業人士的科目吧！
我也不認為讀Social Science、讀Psychology，甚至做任一範疇的psychologist會比從事一個「夕陽行業」的從業員差。
Social Science/ Psychology只講理論，「唔practical」？倒不覺。這是理論與實踐並用的科目，否則就不需要做placement了！
讀Social Science/ Psychology或從事相關行業的人質素較修讀或從事一個「夕陽行業」的人差？我不敢說，也不敢像說這句話的人一般見識地以偏蓋全去抨擊他人，但我想指出，在本港大學收生成績中，不管在哪間院校，修讀Social Science/ Psychology的平均入學收生成績也比修讀「夕陽行業」科目者為高（取樣比較自兩間同時有兩所相關學系的院校、一間專為培訓「夕陽行業」從業員而開設的院校以及另一所有開辦心理學系但沒有「夕陽行業」科目開設的院校）。
有人心中的「自我優越感」只是自己一廂情願地想像出來的，把自己放在中心位置，總覺得自己比別人優越，但卻沒有實際及充足證據去支持，這只是井底之蛙的可笑表現。
我不介意別人怎樣比較兩個學科，只是觀點與角度的問題而已，但將學科之間的比較轉化為對他人的人身攻擊，我絕對不能接受，而且我容忍程度有限，上次有人以同一句說話說了一次，我回應了幾句不認同就算，但如今再一次作詆毀性人身攻擊，我絕對不可再原諒。
團體中有這樣的一個「自以為是」、「自我中心」、「目中無人」的井底之蛙，實不是該團體之福，難怪別人要以「我跟其他人夾不上」為由要辭去職務，免得再跟這井底之蛙有任何「聯繫」，免得把自己氣死。

童軍運動，由始至終，也是從遊戲中學習的活動，如今也是青少年兒童課外活動的一種，並非什麼正式軍隊訓練，而且所訓練的是培養青少年兒童的各樣興趣及技能，同時也照顧到他們的成長及心理所需。我看不到為何只是教步操、繩結一類才是童軍訓練活動的「真諦」。

「3分鐘熱度」？何以見得？
我一向不喜歡別人不知道實況也不清楚其為人而胡亂地對別人作出批評！
我有時間，我有幾可「托手肘」？
明明不屬自己的旅團，我也抽空去幫手，又何來「3分鐘熱度」？
我比批評我「3分鐘熱度」那位的孩子更來得有責任感，有熱誠。
我可在兩旅團間作出平衡，兩邊兼顧，有人的孩子就不可以，也難怪別人又一而再的confirm旅團名冊(9月24日版)中沒有她孩子的名字了！

3號強風訊號吹亂了我的心
原本一早約好家人去到訪「永不復見」的雍雅山房
但想為了準備好presentation
不惜後悔地約談presentation的東西
我不想星期二要交，星期一才談
這樣怎趕也趕不了
而且質素一定不高
時間也不夠
更何況我的星期一是被「割讓出去」的
我根本就沒有時間去處理我的東西
可是時間夾不了
拉倒算了
「各自修行」吧！（不是負面語氣）
星期一我交我所找到的給組員們去討論算了
但我不能參與其中

想起來
真的要到雍雅山房處散散心
實在氣死了

>>September 25, 2005 at 1:27:19 AM GMT+8

2005 年 9 月 23 日 星期五 【驟雨】

有感近來生活壓力逼人
好想放一個長假期
什麼也不用做、不用理
只管hea

最近某聲稱正義的團體連日來在某報發表一些廣告式樣的偉論
講及歧視
說起來也很可笑
該團體認為某某反歧視法立法了後
會使很多人不論在任何範疇講及某社會現象時也可能觸犯法例而被定罪
這是白色恐怖
壓制言論自由、宗教自由、學術自由云云
更認為該歧視法案立法後是為另一種對持相反立場者的歧視
又搬出一堆所謂數據、案例出來以其增強說服力
說到某某社會現象、某某社群是何其的負面
可是
若讀者深入分析「諗深一層」
若然不是社會上一直存在對某社會現象、某類社群一直存有偏見、誤解，甚至歧視
現在又何需討論是否需要為保障這類被歧視的「遭欺壓者」而立法
若然說到立法後持相反立場者可能因所謂「講事實」而誤觸條例是對他們自由的一種歧視、一種「欺壓」
那麼
他們又何以要先去歧視他人、欺壓他人？
怎講也講不通
簡直不合邏輯
「求同存異，互相尊重，和諧包容」
是現今社會所追求的
你不認同不等於就要排擠欺壓
甚至「煽動」群眾恐慌，甚至仇恨
這又何必？
顯然易見
該團體的確患有恐慌症
所說的只是事實的一部分
故不可盡信
有獨立思考能力的
可自行加以思考

>>September 24, 2005 at 12:33:08 AM GMT+8

2005 年 9 月 18 日 星期日 【驟雨】

「中秋先黎打風，唔通連個天都要玩殘我？」
「我地中秋要玩架囉，正日一定會好天既！」
「你點知架？」
「唔知架，希望在天文台丫嘛，凡事冇絕對既。」
「其實打風又有咩可怕喎。」
「中秋掛風球，明月要自求！」

驚訝囉....................無啦啦個風又打唔正，又離香港有段距離，咁都掛一號波，仲一度聲言要掛三號波！又咁，風同雨又真係幾大既！

>>September 23, 2005 at 10:53:46 PM GMT+8

2005 年 9 月 17 日 星期六 【晴】

呢個禮拜真係好「新世界」feel.......

13號上去個私人補習學生屋企面談，了解情況，個學生仔又係讀九龍塘區名校，今次係德雅小學（而家先realize德雅小學係男女校，中學先至係女校），父母都係有識之士，同緊佢阿媽傾緊，電話響，個阿媽以超流行普通話對應，跟住聽到佢講一句：「請你等一下，我有call-in。」，之後又可以即刻轉channel，以流利英文對答，真係好嘩然！最嘩然既應該係，佢個仔次次功課測考默書都有至少八十幾分，仲有好多次100分咁，其實真係唔駛搵人補架囉。傾談之下，其實佢想搵個哥哥仔來同個仔「補習」，除左想真係「補習」教下佢野同睇下功課外，係想可以同佢個仔一齊睇係故事書，培養下佢個仔睇書既興趣，又話佢係加拿大同仔仔一齊買左幾本故事書返來，可以睇下咁。佢屋企係雙職家庭，係機場做，個阿媽有時要出trip，工人又教唔到佢功課，所以要請「補習哥哥」返來補。講返個小朋友，真係好smart，而且好叻仔，做野好有條理、好整齊，顯出佢屋企真係好有家教，而且教導有方。見住佢，覺得好似自己以前細個既影子，真係好似，好有感覺。呢個小朋友係可造之材，真係唔好徙左佢！

14號，收到循道衛理打來叫我去interview tutor一job，約好之後一日見（呢個已經係唔知第幾份同我接觸既補習JOB，之前好多已經因為時間唔岩而不了了之或推左）。
呢日社署AD Miss Chan請班「迪士尼team」食飯，book左金鐘PP既北京樓。去到原來只係請左連埋我連埋AD本人一共七人食飯，而且全部大粒果D，覺得有D受寵若驚，AD又再送左份禮物畀我，真係好感動。btw，北京樓ｄ野食唔錯，而且好高效率，真係幾好。
返社署office拎返張cert以及探班同事。實在太開心啦，返到去好似返左屋企咁（copied from what Gertrude said)，影相啦，傾計啦.......AD主動邀請我去參觀佢間房(actually it's a revisit)，順便係果度影下相（影左好多張），仲願意同我拍返段片添！
Kelly (SWA)笑話佢會keep her promise，真係送左盆紫羅蘭畀我，好開心呀，佢養果d花好靚架！佢仲教埋我點樣種，我希望我盆紫羅蘭有佢果ｄ咁靚啦！
Connie（CA）亦都遵守佢先前既Offer，話畀我下學期教佢個仔，我又有job做啦，哈哈！

15號去in，循道衛理請我，傾時間同幾時開始返工，但最後傾唔掂時間，我decline佢既offer，但叫佢如果有新班想搵人，可以聯絡我。不過唔緊要啦，我都想找d時間畀自己處理自己既野，日日係咁cher到盡，真係自己ｄ野都顧唔掂。

16號上小二德雅仔（天天）既第二堂，佢成日掛住趕起d功課然後去學抬拳道，搞到d功課冇咁整齊（comparative speaking)，係咁易笑左佢兩句，話佢今次實冇A級，佢話星期六日先再執都未遲啦！呢個小朋友真係好好笑。（上佢堂真係好開心，好似自己多左個細佬咁架，而且仲要次次上到去，都有野飲，真係優待囉！）

>>September 17, 2005 at 12:35:38 AM GMT+8