2006 年 4 月 10 日 星期一 【酷熱】

十句女仔最憎的說話 (男士一定要睇)： 1‧你咪咁小器啦！ 女人點解憎： 小器是女人擁有但又不想認擁有的特質，你明寸佢？等開拖吧！ 男人說這句話時通常笑笑口，點解？因為知女人唔岩聽？ 明知不應說但堅持說出來，就是撩交嗌？ 男人說這話前通常已說完「嬲完未呀？」、「唔好嬲啦？」之類的話， 但游說不果；唔識哄人就賴人小器，即係話我唔應該嬲者？ 女人發嬲一定有佢道理，男人駁嘴即係話我蠻不講理，作死！ 建議： 要女人唔嬲，真的惟有等她自己嬲完，但不等 於什麼 都不做， 男人最好做點事來縮短過程，愈拖只會愈難哄。 基本上連個嬲字都不能提，女人好憎呢個字，唔嬲都變嬲！ 告訴你，叫女人唔好嬲，佢嬲得仲勁！ 女人在小器、嬲爆爆，男人哄佢盞晒氣！ 要軟化女人從身體入手，抱抱或緊握她手吧！ 版主的話： 我從來冇講過呢句, 因為我一係就認低威, 一係就諗 D野哄返琬婷, 不過次次都要有新野都幾難, 所以我搭車時就會諗新方法哄琬婷, 諗到之後抄低佢, 有一定數量既「儲備」系度, 唔駛到時先諗... 至於梁小姐呢, 發皮四既機會率都幾高, 佢成日都俾佢爸爸媽媽, 佢姐姐, 佢 D朋友搞到發哂燘憎, 到頭來咪又係要我哄返佢, 好彩我一早就預計到, 大約三日一小燘, 五日一大燘, 七日一小哭, 十日一大哭, 所以一個月大大話話都要哄佢十幾廿次, 當然我冇唔耐煩, 亦冇唔理佢, 仲會細心聽哂佢講, 之後哄返佢 (我真是個好男人), 我知道她經常很委屈的, 爸爸媽媽姐姐咩都要哂佢做, 好似奉旨咁, 剷雪、洗碗、換車呔、剷草、淋水、 吸塵、大雪下推返部車上路面、 安裝新抽氣扇、整水喉、系天頂加隔熱綿、填 form、整 printer.... 但係就冇為佢做過 D咩, 仲成日鬧佢掛住傾偈唔溫書, 身為男朋友既我又咩都做唔到, 唔通梁琬婷發皮四時唔理佢咩, 我覺得男朋友係要有一個功能, 就係聽女朋友呻, 當女朋友喊或發嬲時, 就要識哄返佢笑, 雖則我都有時整嬲梁琬婷, 不過兩三個月先一次, 仲係因為我訓左覺冇同佢傾偈所以嬲, 當然過左幾個鐘, 梁琬婷就會 say哂 sorry咁叫我唔好嬲佢發皮四, 好好笑... 2‧對唔住囉！(同類說話：我唔岩囉 、我衰囉、我錯囉) 女人點解憎： 「囉」什麼？晦氣到死！ 最討厭是加個「咁」字在前頭，「咁對唔住囉？」， 一個咁字包含了「我唔覺得自己錯但買你怕囉」這十二個字的意思，明激我啦！ 男人說時通常皺眉頭、眼神厭倦，擺明在說「你又來了」，乜我好難頂咩？ 建議： 用口去表示歉意是低層次的做法，倒不如用行動表示。 唔該比 D性格，唔覺得自己錯的話，老虎蟹都唔認錯！ 唔該比 D風範，道欺最緊要誠意。 版主的話： 我都係唔會講個「咁」同「囉」字, 我次次認低威都好有誠意, 小婷就會話：「咁就乖勒！」一係就話：「hehe, 我奸計得逞 la又....」 唔好講笑, 我有時仲會扭耳仔道歉, 之後又一輪攻勢哄返佢笑, 好明顯, 呢招唔係個個用得著, 一來個男仔要勁厚面皮, 同埋肯認低威扮下野, 有時唔係自己錯, 都要扮哂係自己犯下彌天大罪咁, 跪哂喊哂咁話冇下次, 例如：「嗚..嗚..嗚..對唔住...下次我唔會再掛住訓覺唔醒 ga la, 求你原諒我 la...」 第二, 個女仔要係思想單純, 傻傻更更, 冇機心既小妹妹先得, 因為只有呢類女仔先受呢一套, 其他？冇五卡鑽石都唔會原諒你, 其實認下低威又唔會死既, 至多縱壞小婷之 ma, 小婷都成日話, 佢咁橫不講理我都就哂佢, 遲早我會縱壞佢 wo... 成日都怕呢樣怕o個樣, 怕就唔好扭計 la..... 3‧鍾意嗎？ 我送比你丫！ 女人點解憎： 因為得個講字，男人總以為講左就等於買左，毋需真的買！ 見我雙眼發晒光仲問，你盲架？ 要我用把口去講我鍾意，即係要我認貪心！ 建議： 講得出就要做得到！一定要趁熱買，一拖，女人又話你無誠意！ 立即在她面前付款是最方便的做法，但女人最憎呢種方便，唔浪漫。 男人總係唔識送禮物，以為買左然後交過去就大功告成！ 其實送禮物最重要是點樣交到對方手上，即係心思、驚喜。 版主的話： 講真, 真係冇講過, 因為婷婷已經成日叫我唔好買野送俾佢, o徙錢買又o徙錢寄, 不過我就係鍾意見到婷婷收到時勁興奮 surprise個樣, 至於用咩方法送, 就真係不能盡錄, 試過系銅鑼灣, 拖住婷婷來回行左幾次, 等佢自己發現間突破, 上到去佢指住個火柴人大嗌：「我未見過咁大隻火柴人公仔, 好得意啊！」 我二話不說拎荷包出黎買左佢, 婷婷好不知所措咁問我：「你。。做咩。。啊。。」 結果佢系銅鑼灣攬住隻火柴人公仔行街, 全程望地下, 面都紅哂... 仲有用了成個月拍左三個鐘既片送俾佢做生日禮物, 系香港同加拿大各買一個蛋糕, 一個寫住「夢中的夢」, 一個寫住「有你有我」, 另外織了三個月既頸巾, 同埋親手整情人節朱古力俾婷婷, 兩樣都係特登為左婷婷而學, 都係我平生第一次整, 加上我又係男仔, 所以婷婷覺得我做 D野好 amazing... 4‧使唔使幫你？(同類說話：使唔使車你、使唔使幫你拎？) 女人點解憎： 廢話！問來幹麼？答得你我都做完！ 建議： 女人最憎男人「齋 TALKING 」，唔聲唔聲做左先才是英雄。 做多無壞，即使自己搞得掂，女人都鍾意男人獻殷勤的。 版主的話： 梁琬婷話加拿大 D男仔超冇風度, BBQ要由佢「透」爐、拎野, 兩人划艇玩激流, 其他組都係男仔落水推艇, 但係同梁琬婷一組那個男仔唔肯落水, 所以要身為女仔既梁琬婷落水推, 個男仔就坐系艇上面等, 之後划艇時梁琬婷已經好累, 冇哂力, 個男仔就不停發出不削的聲音, 玩完後個導師問個男仔做咩唔落水, 佢竟然話：「落水條褲會濕 ga ma...」 勁乞人憎, 勁冇風度, 組組都係男仔落水, 條友竟然唔肯落, 要梁琬婷落, 令到梁琬婷對腳花哂, 癡那線, 所以梁琬婷先話加拿大 D男仔好唔掂, 所以點解眾人都詫異一個咁完美既女仔會落入我陳俊峰手中, 所有系我身邊既朋友, 我識得同我唔識得既人, 都覺得我超幸運, 超好彩的說, 竟然俾我遇上世上最好的女人, 總之就係所有人都覺得梁琬婷真係一個可遇不可求的情人, 究竟點解佢系加拿大咁耐都冇拍過拖？原因就是她說加拿大的男孩真的不太好唷, 當然我不是說自己很好, 但...我又真係幾好仔既... 所以上年梁琬婷返香港, 我晚晚都送佢返天水圍, 其實真係好累 ga, 佢黎我屋企食飯, 我由香港仔送到佢返天水圍, 我再由天水圍返番香港仔, 來回 $50三個鐘, 我又未至於膠到問梁琬婷：「駛唔駛送你返屋企？」 大佬, 女朋友黎 ga, 仲駛問！？送 la, 有邊個女仔唔想男朋友送返屋企 ga.. 雖然天南地北, 但係我知道梁琬婷鍾意, 所以我從來都冇問... 話雖如此, 但梁琬婷系我屋企食完飯後, 我依然經常要佢當住我屋企人面前, 「met」橙同餵我食, 那種感覺很 high的說... 5‧搵日同你去.... 女人點解憎： 搵日，通常不會兌現，又信口開河了！ 你估我係你 D客，「搵日出黎飲茶」咩！ 建議： 女人記性很好，此等不兌現的小事是她日後炒大鑊的導火線。 女人無要求的話，男人切忌自動 OFFER， 無謂製造機會比人 CHALLENGE。 版主的話： 異地戀其實並不可怕, 雙方需要係信任, 其實呢樣正正係戀愛需要的東西, 如果一對情侶互不信任, 那麼就算終日相見, 最終也只會分手收場, 雖然異地戀係無得見, 比平常情侶增添了多一重隔膜, 但同時更加多左一份神秘感同思念, 見面時會份外珍惜雙方見面時間, 其實諗諗下分隔異地都唔係唔好, 大家都各有各忙, 如果終日相見, 有很多事都會話「下次先la..」, 一星期見一次？兩次？ 三個月後、半年後、三年後, 會怎樣？冇人知, 加上梁琬婷留系香港既時間係有限的, 唔似其他情侶可以成日見, 所以上年夏天我們遊歷了很多地方, 影了很多相, 珍惜大家相處的時間, 為大家不斷製造很多很多的回憶, 她的加拿大朋友拍了拖一年, 也說沒有像我們去過那麼多地方... 6‧得架啦！得架啦！(同類說話：掂架啦！掂架啦) 女人點解憎： 你覺得佢係怕你煩，想塞住你把口，所以吹到天咁大， 但其實得鬼！結果錯漏百出無樣得！ 建議： 無希望就無期望，無期望就無失望，實話實說吧！ 女人要講野，一定要比佢講；而比佢講，佢先唔講。 版主的話： 吹水吹到天咁大就梗 ga la, 初初拍拖梁琬婷都會信到十足十, 仲好驚訝咁問返我：「真係 ga！？」當然我會答佢：「假的..」 之後佢就好燘咁話我當佢傻瓜咁厄佢, 我就話：「你係丫..」 見到佢好嬲好嬲個樣, 真係好得意, 因為佢知我笑緊佢蠢, 但又奈我唔何, 好好玩, 以前我講笑佢就當真, 佢話唔知我幾時認真幾時講笑, 因為我講笑時個樣都好認真, 咁梗係 la, 唔係邊好玩... 但係拍拖耐左, 佢開始知道我咩時候係講真, 咩時候係玩緊, 仲會陪我一齊玩, 反而我開始俾佢玩返.... 7‧明啦明啦 (同類說話：係啦係啦、得啦得啦) 女人點解憎： 真係明？咁我岩岩講到邊度先？想我收聲至真！ 建議： 她在跟你說一些她認為很重要的事，即使你覺得無聊， 也請耐心聆聽，硬食吧！在她喋喋不休時緊握她的手， 信我，好快收口。適當時候發問，讓她知道你在聽； 無傷大雅的小事不妨附和，大事情則要糾正。 版主的話： 好明顯嫌人長氣的人不是我, 而是梁琬婷嫌我長氣, 的確, 我成日都當梁琬婷好似小朋友咁教佢, 提醒佢, 叫佢自己小心 D, 帶暖蛋, 帶頸巾 (我織那條！), 帶暖水壺, 而佢個樣又越來越細個, 越來越似 BB, 都唔知係咪食左反老還童藥... 諗諗下又唔多覺自己嫌梁琬婷煩 wo, 好似真係冇講過「明啦明啦」, 反而梁琬婷又真係成日話「係啦係啦」,「得啦得啦」, 結果之後問佢, 佢竟然會話因為趕時間而乜都冇帶, 之後又嗌好凍好凍, 真係激死, 不過都好, 近排乖左好多, 我叫佢做既野佢都有做, 雖然梁琬婷成日嫌我煩, 但只限於佢出街時, 平時傾偈我地都好好傾, 話說梁琬婷小學時成日俾老師掉位, 但係依然掉到邊傾到邊, 連本身唔多傾偈既同學都俾佢影響埋, 可見梁琬婷既魅力真係好勁, 所以我先可以同梁琬婷有無盡既話題, 永無「死空氣」, 我地上至天文下至地理, 朋友, 家庭, 學業, 時事, 新聞, 娛樂, 未來, 上堂學到既野, 書本睇到既野, 出街返學遇到的事, 甚至更會一齊 jam歌, 正常歌搞笑歌自作歌統統都有, 談情說愛依依泣泣就更加唔駛講, 好明顯梁琬婷係我既知己情人, 係我既紅顏知己, 我地咩都講, 我地相處得好舒服, 因為我地既知趣相同, 所以就算對方長篇大論, 我地都會耐心聆聽, 之後俾一個對方有共鳴既反應, 接著大笑就話：「你都覺呢！？」 「你又會知既！？」「我正想講！」「醒喎！知我想講咩！」 而當我長篇大論教佢時, 梁琬婷有時會以傾慕仰慕的眼神聽我講廢話, 之後就話：「點解我覺得你好似教緊小朋友咁..？」 當然有時 (多數加拿大白晝) 梁琬婷會話：「你入正題未？可唔可以講快 D！」 8‧是但啦！ 女人點解憎： 無要求，無原則，無性格！你又嫌我煩了！ 你寧願 SUFFER任人擺布，我諗我真係好討你厭，嗚.... 建議： 大可拋個波比佢，溫柔地說：「你話呢？」 她反而覺得你尊重她。不在乎說什麼，而是在乎怎樣說； 男人說話時語氣夠堅定就是說服力，女人自然收聲。 版主的話： 由一開始拍拖, 我已經用一個極度專制既處事方式去拍拖, 每一日出街, 我都已經 plan定好去邊, 而梁琬婷亦講過, 佢好鍾意我大男人, 因為佢唔駛諗去邊玩, 去邊度食野, 睇邊套戲, 全部都由我決定哂, 佢覺得好幸福, 佢鍾意依附系我身邊做小女人, 梁琬婷話過有好多男仔冇主見, 去邊度都冇所謂, 但係到頭來花左好多時間系決定食咩野, 去邊度, 結果就浪費哂 D時間, 又或者無所事事, 唔知去邊好, 混混愕愕又過一日, 浪費哂 D日子, 但係就係因為我專制, 我大男人, 所以我一早就已經決定哂行程, 今日去長洲, 聽日去澳門, 後日上山頂, 梁琬婷就會好滿足咁話： 「真係好, 你咩都同我決定哂, 等我唔駛煩...^^」 9‧想唔想做愛？ 女人點解憎： 摸緊先問，遲左D喎！別懶尊重我吧！ 乜你睇唔出咩？點答你呀？唔好難為我啦！ 建議： 女人做愛講 MOOD，一句說話足以摧毀一切。 不反抗已是默許，醒 D啦！ 版主的話： 中四我有個花名, 叫「淫峰」, 敬金郭冇理由唔記得... 我亦同左梁琬婷講, 佢仲覺得我好勁, 因為可以出名到全級都識... 仲成日拎呢個名黎串我, 我同佢講, 呢 D都係虛名黎姐, 就如浮雲一樣... 識我既人都知, 我係一個正人君子, 對於女子的身體非禮勿視, 冇動過任何歪念, 連一套色情光碟都未看過, 試問又點會對梁琬婷毛手毛腳呢？你地唔係唔信我 ar ma？ 難道要我重演返當年中四班主任課, 企起身對住全班, 同埋 Miss Choy面前大嗌：「邊個淫蕩 ar？我淫蕩！」？ 10‧你開唔開心？(類似說話：你 HIGH唔 HIGH？、我得唔得？勁唔勁？) 女人點解憎： 焗住要答開心？迫人講大話！乜你睇唔出咩？ 建議： 抱抱算吧，別生不必要的事端， 比機會佢問番轉頭：「咁你愛唔愛我？」 唔提反而唔諗，別「刺激」她去思考，你真係好渣斗！ 版主的話： 咁私人既問題......等梁琬婷答... 我諗我未至於糯到結婚那晚洞房時, 三更半夜打電話俾人問： 「嗯...我想問...點入 ga？同埋...插系邊 ga？我搵唔到...」

>>July 10, 2008 at 3:29:16 AM GMT+8

2006 年 4 月 8 日 星期六 【微冷】

《笑死人冇命賠系列》 關二哥大戰咸蛋超人！ 苦練二千年, 今日終於可以大派用場！青龍偃月刀！ 究竟呢套係龍珠定係網球王子？ 點解打網球打到變超級撒亞人出龜波氣功咁...sosad...

>>June 27, 2011 at 12:54:18 PM GMT+8

2006 年 4 月 5 日 星期三 【酷熱】

又有教師自殺, 已經係唔知第幾個... 個死人李國章同飯焦快 D拎去打靶 la.... 【東方日報專訊】被校方稱讚教學盡責的一名中學理科女教師， 疑不堪工作壓力，前晚在青衣卅三樓住所跳樓死亡。 死者家人指她是因工作及英文科基準試壓力，以及不甘薪金被減半， 津貼新入職老師，以死向教統局作控訴，希望女兒是最後一個受教改壓力輕生的老師。 不過校方及教統局否認全部指控。 跳樓女教師何淑英（卅二歲），九六年在科技大學物理學系畢業， 後在元朗中華基督教會基元中學任教，其丈夫姓吳（卅三歲）從事電腦業， 居海欣花園第六座一單位。 何在學校身兼數職，除是中七班班主任外，亦教導中三綜合化學科及中四物理科， 她並負責校內交通安全隊工作。何除面對日常學校的工作外，亦自行報考英文科基準試。 三日前，何致電母親訴苦，透露學生要面對高級程度會考， 自己又忙於溫習，壓力很大。前日下午，她因在學校情緒激動， 需由社工陪同回家。當晚九時許，何於晚飯後，趁丈夫在廚房洗碗， 由客廳攀窗跳樓，當場死亡。警員無發現遺書，自殺原因有待調查。 何的家人昨晨往殮房認屍，與男家親人抱頭痛哭，何的丈夫則神情呆滯，由親友攙扶。 母斥校方講大話 何母表示，女兒教學認真，在她到學校任教第一年，物理科會考成績最佳， 是該校歷年之冠，校方曾加以表揚，她亦感自豪，每次她談及工作時， 常投訴赲峓蓮F策令老師感到壓力，指出去年九月新學期開始， 該局聘請兼職老師到學校，原意是減輕現職老師工作量，但她被迫減薪一半， 由三萬多元減至一萬多元，用作聘請新老師經費，若不接受，便會被解僱， 但實際工作無減少，女兒曾指摘教統局欺騙。 對校方回應其女兒毋須考英文基準試，何母斥校方「掩住良心講大話」， 並質疑教統局高層曾指老師自殺與教改無關。 李國章同羅范椒芬真係拎去打靶 la, 將十年的教改濃縮成兩年, 頂.. 最激氣既係, 飯焦 D仔女都係系外國讀書, 一個教育高官都唔俾自己 D仔女系香港做自己既白老鼠, 呢個香港就黎玩完 ga la.. D人淨係識話行行都辛苦有壓力, 其實你地知唔知, 一個老師要做幾多額外野？ 改簿教書備課係基本, 依家又要殺校, 校長要老師出去 promote自己學校, 確保要有一定收生, 課外活動老師又要理埋一份, 依家又要咩通識, 老師又要不斷睇多 D資料去跟上教改, 又要咩基準試削教師, 頂..邊有時間溫書, 提倡活動教學係好, 但係咪又增加老師工作量 law, 一次過幾百件事要做, 最重要既係..一個教師對卅個學生, 個個好乖, 坐定定聽書都好 D, 補課 OT都值得, 但係依家 D細路, 唉.. 上堂噪已經小事, 其他唔駛多講, 其實星期六日補課, 老師仲辛苦, 每個學生都有其背景, 卅個背景, 卅個故事, 唔通真係唔理咩, 有教無類, 我相信老師想救得一個得一個, 但每個人的思想, 心態, 背景, 故事, 心路歷程都唔同, 邊有時間逐一了解, 家訪？開玩笑.. 外國累積幾百年的教育制度, 李國章同飯焦要兩年完成.. 自己 D仔女就免受教改之苦, 世間竟有如此厚顏之人！？ 唉, 佢地就 un un腳, 榨住雞毛當令箭, 將 D老師舞來舞去, 自己就幾百萬年薪, 仔女保送哂去外國免受教改之苦... 依家做老師真係好慘, 又要成日開 D唔知咩會, 咩學校行政事務又要老師處理, 嫌工作量唔夠多咩, D時間要黎教好學生仲好 la, 又要兼顧每一個學生既進度, 每一個學生有唔既教學報告, 點留意得到咁多人 ar？一對卅個呀大佬, 你對丫笨, 老師又要做埋社工, 留意學生心理狀況加以開解, 依家 D學生又唔聽話, 又噪, 老師又唔鬧得唔打得, D家長郁 D就投訴老師對自己個寶貝仔唔夠細心, 唔理佢, 頂, 淨係對你個仔一個咩.... 唉..我勸 D老師安安份份拎份糧算 la, 唔好俾咁大責任咁大壓力自己, D學生聽就聽, 唔聽就算, 勞氣只令自己死多 D細胞, 作育英才, 香港呢個教育制度唔岩你, 用兩年做人地外國幾百年累積而成既野, 李國章真係李國章, 抱有一番教學熱誠又如何？ 一日八個鐘要做十五個鐘既野, 你做得哂咩, 俾夠你一日做足廿個鐘, 人工？唔減已經偷笑, 減一半人工, 工作量倍增, Orz！！ 老師們, 教完就拍拍屁股走人, 安安份份拎份糧算 la...

>>April 17, 2006 at 10:49:57 PM GMT+8

2006 年 4 月 4 日 星期二 【酷熱】

《斷背山》

>>May 14, 2006 at 6:32:00 PM GMT+8

2006 年 4 月 2 日 星期日 【陰】

發夢夢見自己有 degree offer, 好興奮, 仲問其他人我係咪眼花, 係咪發緊夢, 點知醒左先知, 原來係發夢.... 「做咩事唔開心 ar？」 「唉....唔好提 la...」 下面條友打 online game俾人偷哂 D武器, 結果發哂癲, 好似俾人殺哂全家咁, 癡 Q左線, 唉...一個大好青年就咁癲左.... http://www.dumpalink.com/media/1140251493/Most_Patient_Guy_In_The_World

>>May 14, 2006 at 6:30:51 PM GMT+8

2006 年 4 月 1 日 星期六 【晴】

《曼聯曼聯 Goal Goal Goal！！！》 曼聯 2:1反勝保頓！！同日伯明翰迫和車路士 0:0！！！ 曼聯只落後車路士 7分！如果次循環作客史丹福橋贏到車路士, 就只係差 4分！！究竟曼聯可唔可以在半季落後 13分的情況下, 最終奇蹟地後上趕車奪冠！？下星期在主場奧脫福對阿仙奴, 你爭你既歐聯, 我有我地追車, 放水俾我地 la！！

>>April 2, 2006 at 2:23:13 PM GMT+8

2006 年 3 月 31 日 星期五 【炎熱】

《吃不消的龍虎門》 對黃玉郎又愛又恨，愛他創作龍虎三皇、火雲邪神、白蓮聖上等角色， 也恨他玩殘這些經典人物。想讀書年代一放學，即趕往書報攤追買《龍虎門》， 既怕老師出現回家又怕被娘親搜書，那年頭，穿校服買漫畫要記小過， 娘親也說看與畫漫畫的人沒出息。由每本 $3.5捧場到現在每本 $14， 追看衝動卻和書價成反比，追看漫畫的熱情稍冷卻了是理由， 黃玉郎狂食老本不思進取更是理由。 我認為，《龍虎門》一出現老祖宗這亦正亦邪死十次翻生十次的角色便變質了， 九死邪功一拳打破大氣層、御劍飛行飛出地球進入「虛無」境界、與活神仙大鬥法， 最後東方真龍引發十陽功力毀滅地球草草收場.... 我在看《龍珠》還是《鬼書皇》？失望；好了，終於等到黃玉郎重新執掌此書， 《龍虎門》變成《新著龍虎門》，畫功美了但故事骨幹依然，繼續失望； 現在呢，《龍虎門》還拍成電影，除甄子丹飾演的王小龍有幾分神髓外， 謝霆鋒飾演的王小虎一臉邪氣似奸角多過似忠角，余文樂飾演的石黑龍， 則似出入砵蘭街帶北姑上馬檻的馬伕姑爺仔，唉！算吧，我明， 選角合適與否實屬見仁見智，但為宣傳再加推一本《電影龍虎門》， 加上已推出一輪的《復刻版龍虎門》，一個報攤居然充斥三個版本的《龍虎門》， 三個版本的《龍虎門》角色橋段場景武功卻在無限倒模，我自問吃不消，問心，你呢？ 睇到形容余文樂那段真的笑死我,「則似出入砵蘭街帶北姑上馬檻的馬伕姑爺仔」, 記得今年叱吒 juno拎獎, 在場依然有人報以陣陣噓聲, 但是他們有否記得, 三四年前與 juno同期的新人去了哪裡？ 我想他們連是誰也記不起了, 那時與 juno鬥爭新人獎的, 一個叫蕭正楠, 一個叫余文樂, 頒獎台上大嗌「邪不能勝正」的蕭正楠, 依家已經消失左, 他說得對, 果然「邪不能勝正」, 而余文樂呢？ 如果不看娛樂緋聞和香港電影的人, 真的不知道他是個歌手... 看見很多新登場的歌手, 如戴夢夢, 周麗淇, 便覺麥浚龍其實唱得不差...

>>April 1, 2006 at 3:51:59 PM GMT+8

2006 年 3 月 30 日 星期四 【颳風】

《車路士已成功收購舒夫真高》 Chelsea-Sheva Reports Spread It has been reported this morning that Andriy Shevchenko has signed a four-year contract with Chelsea. A report in the Daily Mail has claimed that the Ukrainian striker will join the Premiership champions in a £ 35m deal, which will include former AC Milan player Hernan Crespo. The 29-year-old will earn a massive £110,000-a-week, according to the report, which if true would end Chelsea''s long-running bid to sign the player. 唔通真係要加盟車路士！？團長點算！？ 車仔以三千五百萬磅加基斯普, 買廿九歲既團長, 下季車仔中場有埋波歷克, 前鋒有埋舒夫真高, 玩哂... http://www.goal.com/en/articolo.aspx?ContenutoId=29769

>>March 21, 2007 at 5:39:57 AM GMT+8

2006 年 3 月 29 日 星期三 【颳風】

《阿仙奴 vs利物浦》 尋晚阿仙奴竟然贏左祖雲達斯 2:0！！ 如果一個唔覺意入埋四強, 同國米或者維拉里爾爭入決賽, 唔好忘記兩三年前阿仙奴殘陣作客聖西路, 阿郭搬出一大堆理由說明阿仙奴作客意大利必輸, 仲叫我地信佢既專業分析, 話國米最少贏 3:0, 結果國米慘敗 1:5, 從此阿郭獲稱為「燈神」... 如果決賽真係阿仙奴對巴塞隆拿, 真係十足十上年利物浦咁, 阿仙奴主將韋拉為歐聯走去祖記, 利記主將奧雲為歐聯過皇馬, 點知一走, 母會就奪歐聯 (當 AC, 里昂, 巴塞, 國米死的...), 第二, 阿記皇牌亨利跳草裙舞, 利記皇牌謝拉特扭計要走, 跳跳下, 扭扭下就拎埋歐聯, 咁仲走唔走？？ 第三, 今年阿記同上年利記都係聯賽不入前四, 但係可以憑衛冕冠軍身份踢下年歐聯, 唔會咁橋掛？

>>March 30, 2006 at 12:39:41 AM GMT+8

2006 年 3 月 28 日 星期二 【颳風】

《The truth is out there》 究竟呢個世界有冇外星人呢？我是相信有的, 因為全宇宙咁大, 大到有幾億萬個銀河系, 每一個銀河系裡面又有幾億萬粒曉發光既恆星, 每粒恆星又有幾廿粒行星, 如果整個宇宙只係得地球有高智慧生物, 個機會率一定細過有其他高智慧生物好多, 一個接近無限大的宇宙裡, 只係得小小的地球有生物, 創世論支持者如何解釋其他 99.999%既宇宙製造來作甚麼？ 如果其他 99.9999%宇宙都是一片死寂, 不是太過浪費資源了麼？ 如果是自然演化論支持者就更加說不通, 99.999%既宇宙中, 都冇一個星球演化到有生物出現？機會率不會太小吧.... 整個宇宙只得地球有高智慧生物, 是人類太自大, 還是太自卑呢？ 呢段片係模倣 1997年有一家人俾外星人擄走時所拍的 video, 係真係假, 就不得而知了... http://video.google.com/videoplay?docid=-9116627889692030949

>>March 29, 2006 at 2:37:58 AM GMT+8