2006 年 5 月 21 日 星期日 【颱風】

今日落好大雨, 梁琬婷來我家陪我溫書, 幫我寫英文 notes, 下晝我地兩個落去綠野仙蹤食飯, 叫左野飲先知原來跟餐可以配芒果布甸, 我地問佢換唔換得, 佢話入左數, 所以唔換得, 我話算 la, 下次黎食過, 先叫芒果布甸 la.... 我地講起小學時代打 game boy, mario同 donkey kong, 仲有玩 MB智樂既 hotel, 我們都是這樣長大, 不要見怪.... 返屋企時依然落緊好大雨, 梁琬婷專登大力踩水 tum, 成個小朋友咁, 搞到我條褲濕哂.... 我地就好似 D同居男女, 踢拖落街食 lunch, 著短褲街坊 look, 用手拎住銀包同碎銀包 (姑媽仔)就咁落街, 好溫馨... 之後上返屋企溫書, 梁琬婷好惡咁教我英文, 成日鬧人, 梁琬婷見到我老豆對住我阿媽講悄悄話, 佢就問我：「你估你老豆係咪同你阿媽講, 乜大仔個女朋友咁惡死 ga？」 p.s.我之前食飯時咬爆唇, 仲係連咬兩次同一位置, 仲生埋菲滋, 搞到好鬼痛, 冇得 kiss, 好慘....

>>July 6, 2008 at 6:22:18 PM GMT+8

2006 年 5 月 20 日 星期六 【暴雨】

今日約左梁琬婷系金鐘等, 本來約十點, 之後梁琬婷打電話黎話 9:45am, 結果佢 9:25am到左, 我 10:10am先到, 就俾佢鬧左好耐... 我地系 space樓下間大快活食早餐, 好好味, 又平又多野食, 之後返 space溫書, 梁琬婷就幫我 make notes, 我見到梁琬婷訓著左, 我就話不如返屋企 la... 返到香港仔, 去左百佳買壽司回家食, 好好味！ 不過百厭星梁琬婷系度玩豉油, 佢用個空既豉油魚仔吸返 D豉油入去, 玩到成台都係豉油, 有冇搞錯... 之後梁琬婷教我英文, 因為星期一考, D idiom真係好難.... 講開世界盃, 梁琬婷話佢支持巴西多過英格蘭, 講到自己好似好識咁, 我問佢點解, 佢話因為有朗拿甸奴, 我又問返佢, 咁點呀？ 佢就話：「勁囉！」我問佢有幾勁？佢話：「總之就勁 la！」 之後阿郭上黎借 SD咭, 我講俾阿郭知樓下個密碼, 佢話乜個密碼唔係達文西咩, 好爛... 阿郭生問我駛唔駛買野上黎, 我話買四個橙 law, 梁琬婷叫佢買雪條, 搞到好似駛人唔駛本咁... 點知阿郭佢真係買左四個橙同雪條上黎, 我心諗, 講下姐, 唔駛咁認真 ar ma... 跟住我, 梁琬婷, 阿郭三個人打迷你麻雀, 打左兩圈, 阿郭不停搞爛 gag, 都係冇人笑, 最令人難忘既係, 梁琬婷打左兩隻紅中出黎, 阿郭就話, 知唔知兩隻紅中係咩丫？就係一個「串」字... 反而梁琬婷自己搞完爛 gag之後自己爆笑, 冇人理佢... 因為梁琬婷唔識打牌, 所以阿郭同我一步一步咁打, 好好笑, 我阿爺見到我地打牌又技癢 wo, 所以從旁教梁琬婷點打... 最令人難以置信既係, 身為巴西人既阿郭, 竟然身穿荷蘭隊衣！！！ 如此大逆不道叛國變節行為, 如果在國內, 早已不堪設想... 早前有阿根廷球王馬勒當拿著巴西波衫, 今有巴西插花王郭家豪著荷蘭隊衣！！

>>July 6, 2008 at 6:27:40 PM GMT+8

2006 年 5 月 19 日 星期五 【暴雨】

梁琬婷今日陪我去金鐘 space溫書, 又係系我地既老地方等, 細雨紛紛好浪漫, 不過o個度係銅鑼灣公廁, 系銅鑼灣惠康買壽司, 揀完好多件, 之後梁琬婷見到人地 pack好哂o個 D好似抵 D, 梁琬婷就換左佢, 放自己揀o個 D落個櫥窗度, 但排排下隊又覺得自己揀o個 D好似抵 D, 佢又跑去換返, 成個師奶咁, 笑死我.... 系金鐘 space study room裡面, 我一邊溫書, 一邊俾梁琬婷玩, 佢坐系我隔離不停咁騷擾我, 又 met我 D面毛, 又拉扯我塊面, 塊面俾佢拉到好闊, 佢笑我拉面人, 自己系 study room爆笑... 我地系 study room裡面食壽司, 當時對面對情侶應該出左去食 lunch, 點知梁琬婷唧魚仔豉油時, 整到對面個女仔 D notes好多豉油, 我地兩個用個女仔其他 notes遮住 D豉油積, 笑到我地肚痛... 我好正經咁同梁琬婷講, 四個月後我會死, 佢話：「咩 ar..又係o個 D我返左加拿大掛到死 ar？」 我話唔係, 而係我日日係咁啜你塊面, 食哂 D sun block落肚, 四個月後一定死... 梁琬婷又系 study room裡面發癲咁笑, 不過要忍笑, 見到佢就辛苦... 梁琬婷系我 D notes上面用綠色筆畫左個姑媽仔碎銀包, 我話乜姑媽仔個樣咁邪惡 ga？一定係姑媽仔外星人變左綠色, 邪惡既化身... 之後梁琬婷話見到有個肥仔放屁, 之後扮冇野拎本書去坐梳化, 佢又系 study room想爆笑但係要忍笑, 跟住個豉油女仔返黎, 我地兩個扮冇事系度溫書, 我地去左百佳買野食, 買左好多糖, 梁琬婷見到咩都話好食, 未食過都話好食, 點知佢之前好恨食 cream puff, 食左兩啖就話唔好食, 好似我呀妹咁.... 系金鐘太古商場見到 D修剪左既植物, 好似兩個胸脯同乳頭, 我地就一齊唱「我我我我有胸脯」, 其實我係咪同緊隻豬拍拖？ 梁琬婷今日只係講左呢幾句話：「我地食咩啊？」 「呢個好味, o個個又好味, 呢個好似好好食...」 帶佢去任何地方, 佢都話：「有冇野食 ga？」 去到旺角, 大熱天時仲想食魚蛋, 佢話：「你買返野飲俾我咪得 law！」 梁琬婷約左姑媽仔系太子站等, 之後去食飯, 我地去到太子站, 打極姑媽仔電話都唔通, 我問佢係咪打錯, 佢好 sure話一定冇打錯, 之後我拎個電話出黎 check, 原來梁琬婷將 973打左 937, 自己就系度傻笑....

>>July 6, 2008 at 6:32:54 PM GMT+8

2006 年 5 月 17 日 星期三 【驟雨】

今日三號風球, 返完學一點鐘, 就由金鐘去銅鑼灣, 因為約左梁琬婷系中央圖書館個招聘展覽申請暑期工, 我地拎哂 D form, 因為好肚餓所以出左去, 梁琬婷話想搵個地方可以坐低慢慢填 form, 咁我話不如去 CEO唱卡啦 ok啦, 因為出面又落雨又打風, 點知去到 CEO, 冇自助餐之餘, lunch仲要另外加錢, 我同梁琬婷講, 不如走囉, 梁琬婷話：「點得 ga？依家都入左房, 點走？」 咁我地唯有豪一次 la, 我地一邊填 form一邊唱歌一邊食 lunch, 梁琬婷癲左不停咁打我, 又喪喊喪笑, 我問梁琬婷個展覽去到幾多點, 佢話去到八點, 我地七點半前要填好哂 D form拎過去中央交, 梁琬婷寫個 expected salary係 $8000- $10000, 我話大佬 ar, 我地依家申請 part time咋, 你寫咁高人工冇人請 ga, 跟我寫 $3000 la, 佢唔聽, 係都要寫八千至一萬, 係都要鬥氣, 又癲左咁笑... 點知填到六點半, 佢睇一睇張宣傳單張, 竟然寫住個展覽去到 6:30！ 我地就梗係即刻執野走 la, 本來都仲未夠鐘交房 (唱卡啦 ok only, 不要想邪野), 但我地提早交房埋單, 蝕左 D唱 k錢, 雖然我地去 CEO neway係為左填 form而非唱 k, 但已經係o徙錢, 早知唔去 la, 我地都係想搵個地方食 lunch同填 form, 點知唱卡啦 ok唔包 lunch, 要另買, 鬼知咩, 我都唔唱 k既, 因為我五音不全, 張 neway k fun咭申請左成幾年, 依家都好似得幾廿分.... 之後我地趕到去中央, 遲左十分鐘, 人地已經清場清得七七八八, 我地只有仰天苦笑, 因為我地填左好多張 application form, 份份都填同一樣野, 填左好多份, 填得好累, 點知... o徙錢唱 k唱唔哂之餘仲要交唔切 form, 前功盡廢, 賠了夫人又折兵... 之後我地去左 sogo買 cream puff, 我同梁琬婷講, 我中六七時有個同學叫山根, 佢問我係咪「從前如不羈的風不愛山根」既山根, 跟住我地就一路系度唱, 去左惠康買蟹子飯, 俾錢時梁琬婷問佢有冇匙叉, 點知排系我後面個女人鬧我：「行快 d la！」有冇搞錯... 跟住我地搭巴士去鴨利洲東華三院填 form申請做托管導師, 交完 form打電話俾阿郭叫佢落黎, 因為正正系佢樓下, 佢竟然叫我地去球場, 之後系個窗伸個頭出黎望下我地, 大佬依家打緊風, 梁琬婷已經發哂爛渣, 最後阿郭都係冇落黎, 激死我地！

>>July 6, 2008 at 6:51:31 PM GMT+8

2006 年 5 月 16 日 星期二 【驟雨】

今日梁琬婷黎我屋企 print application form, 順便拎埋 D手信俾佢未來奶奶, 就係楓葉糖漿同埋冰酒茶, 之後我阿媽煎餃子俾我地兩口子食, 同梁琬婷一邊睇碟一邊食餃子, 仲好過出銅鑼灣同人迫, 又熱又多人, 真係 sosad... 但係就咁岩得咁橋, 黎左先知道打風, 我阿麻就叫佢孫新抱留低食飯, 我話打風要早走呀, 阿麻竟然話：「打風！？冇 ga！」 之後阿麻話溫哥華多野買, 梁琬婷就話多倫多都好多, 阿麻就話：「溫哥華多 D！」梁琬婷都唔知好嬲定好笑... 本來拎左一袋 VCD俾梁琬婷帶返天水圍睇既, 因為好大雨, 我送佢去巴士站時我幫佢拎住先, 點知梁琬婷上左巴士之後, 我先知唔記得俾袋 VCD佢拎走....

>>July 10, 2008 at 3:23:24 AM GMT+8

2006 年 5 月 13 日 星期六 【清涼】

今日係梁琬婷回到香港第二日, 感覺依然好唔真實, 好似發夢咁, 摸得到 ga！ 我地兩個都好似將呢一年所發生既事完全唔記得哂, 淨係記得呢兩日... 梁琬婷陪我去中央溫書, 佢就用電腦上網, 竟然系 mini見到個中央圖書館偷情實錄俾人擺左上 youtube, 我地心諗, 後面冇人偷拍緊我地呱.... 之後我溫溫下書時, 有工作人員行埋黎同我講, 中央圖書館係唔俾自己帶野黎溫書, 一定要睇屬於圖書館既書, 梁琬婷見到 D工作人員行來行去就係為左 check人有冇溫書, 仲係每一個 region都有特派駐守工作人員巡視有冇人溫書, 激到梁琬婷不停系度鬧, 話香港政府就係浪費哂 D錢請人黎巡邏, 睇下有冇人溫書, 有冇搞錯... 既然此處不留人, 自有留人處, 我地就打算去 starbucks坐兼溫書, 點知去到發現間 starbucks爆左, 梁琬婷當堂呆左, 佢問我點解 starbucks會爆 ga？ 加拿大既 starbucks係唔會爆 ga！點解香港咁熱 ga？點解香港咁多人 ga？ 我地就好有共鳴咁話, 星期六日最好留系家中睇碟, 邊度都唔好去... 之後我地去左行玩具反斗城, 梁琬婷買左個碎銀包, 雙面既, 其中一面係同梁琬婷既姑媽仔一模一樣樣, 我地就成日扮姑媽仔既 tone, 拎住隻「姑媽仔」講野：我係一隻有髮髻既姑媽仔... 跟住去左行惠康, 我地一入去就將支大樽蘋果汁放入擺雪糕既雪櫃先, 之後先慢慢行惠康, 行左一陣, 就返去個雪櫃拎返支雪凍左既蘋果汁出去俾錢, 好彩冇俾人拎走左姐, 之後梁琬婷竟然系銅鑼灣鬧市, 系行人路中心即席吹左支蘋果汁佢, 當然支蘋果汁咁大支, 佢梗係吹唔哂 la... 我地返左香港仔, 去左 pizza hut食野, 我一個唔覺意就整瀉左杯水, 好似已經唔係第一次, 都唔知梁琬婷有咩咁好笑, 倒瀉水之 ma... 我地系度吹水講笑, 話阿虫係越王勾踐, 郭駿仁就係楚霸王項羽, 至於點解？haha...諗起都好笑, 梁琬婷仲笑到傻左... 食完野我地去數碼天地間扭蛋店行左一陣, 就上左我屋企做神偷, 點解係神偷？因為只有神偷先會系犯案時故意留低蛛絲馬跡, 我地支蘋果汁都仲未吹哂, 結果我地系返天水圍途中, 梁琬婷再系 sogo門口打算吹哂佢, 可惜支野實在太大, 我一早都話咁大支飲唔哂 ga la, 梁琬婷又唔聽我講, 梗係 la, 唔駛佢出錢 ar ma！

>>July 10, 2008 at 3:23:46 AM GMT+8

2006 年 5 月 12 日 星期五 【晴】

等左三百三十四日, 終於等到今日 la！！ 今朝一早, 我就去左搭新開既 A10巴士往機場, 由香港仔出發, 大概一個多小時去到, 梁琬婷班機十二點半鐘到, 我就 11:45去到機場, 之前佢同我講, 話自己班機既 no.係 FT, 我搵極個顯示版都冇, 咁我又唔知佢系邊個閘口出 wo, 此際電話聆聲響起, 來電顯示係一個陌生的號碼, 當我一接通後, 電話的另一邊即時轉來一句： 「知唔知我係邊個呢？」我就答佢：「你係...」 她就語帶嬲怒對我說：「我係邊個！？你夠膽講唔知！？」 原來梁琬婷已經落左機, 系行李輸送帶等緊拎行李, 禁區裡面有免費電話, 所以梁琬婷就急不及待撥個輪俾我先, 我就問佢：「你又話你班機係 FT既, 我搵來搵去都搵唔到...」 梁琬婷話原來佢睇錯左, 應該係 OZ先岩, 有冇搞錯... 我地系機場搭巴士返天水圍, 因為我坐正最後排中間個位, 途中系巴士上衝左出去, 唔通因為太耐冇見梁琬婷所以緊張兼怕醜！？ 我地返到去天水圍, 就放低哂 D行李先, 之後就同佢姑媽姑丈飲茶, 飲完茶我倆就去左商場行街街... 首先梁琬婷要系匯豐開個戶口, 因為佢冇住址證明, 梗係 la, 佢住系姑媽仔度, 又唔俾得自己真正既加拿大地址, 所以唯一辦法, 就係搵我做介紹人, 因為我都有匯豐 account... 之後行下商場, 行下百佳, 買下日用品, 洗面奶, 真係好寫意, 因為太耐冇試過呢種感覺, 感覺好唔真實, 好似發夢咁, 終於都摸得到 la！梁琬婷就在我眼前, 我就在梁琬婷眼前！ 兩個人就好似傻瓜咁, 捉實大家隻手唔放, 梁琬婷話, 怕自己一放開手, 我倆就又再分離遠去, 所以幾歹都唔放手, 而我呢, 就好似蜜蜂摟蜜糖咁, 全程不停咁癡住, 搞到梁琬婷透唔到氣要鬧我... 我地去左麥記坐左陣, 就返屋企食飯勒, 今日真係好開心！！

>>July 10, 2008 at 3:24:02 AM GMT+8

2006 年 5 月 11 日 星期四 【酷熱】

《笑甩肺冇命賠系列之巴士阿叔》 現今香港最流行的巴士阿叔, 相信冇咩人未睇過, 不過....件事至今依然係未解決！未解決！未解決！ 你做咩挑釁我？你做咩警告我？唔渣手即係未掂 la？ 每個人系社會都有壓力, 你又有壓力, 我又有壓力, 我地大家都有壓力... original version.... (註：內有大量粗口, 請家長陪同十八歲以上人仕觀看) 有字幕 version, 整字幕 D人得閒到呢.... (註：內有大量粗口, 請家長陪同十八歲以上人仕觀看) 無線足球評述員林尚義鬧李克勤.... 少爺占 I love you boyz萬世巨星劇場之巴士阿叔.... http://www.fotop.net/panorama/bm/903bm?r=fotop

>>January 2, 2007 at 6:21:27 AM GMT+8

2006 年 5 月 10 日 星期三 【酷熱】

《鐵達尼號續集 - Jack is back！》 今夏必睇之作！Titanic2！！Jack is back！！ Jack在 2006年被人從深海拯救回來, 用激光雷射割開冰塊, Jack竟然能活動, 但被人用作研究, 幾經辛苦逃出研究所, 面對的是一個非常陌生的世界, 任何的事都是新的, 但 Jack從電視上看到 Rose已死的消息, 他不能相信, 繼而出發尋找 Rose, 面對追兵, Jack終於找到 Rose的墓穴.... 可以活多幾年又如何？可以復活又如何？ 如果身邊的人、事、物全部轉變, 甚至連最愛都消失了, 復活過來, 生存下去, 結果都只是悲哀.... (註：假的)

>>May 14, 2006 at 6:21:00 PM GMT+8

2006 年 5 月 9 日 星期二 【酷熱】

五月是會考的季節, 以下是送給各會考考生的心聲..... 無信心的我的生日願望:「萬物自有生命，只消喚醒它們的靈魂。」(店舖) 讀理科的毛病:「多情應笑我，早生華髮。」(念奴嬌) Repeater:「明年花更好！」(花潮) 我的處境:「此誠危急存亡之秋也！」(出師表) 今天溫書的狀況:「頹然乎其中。」(醉翁亭記) 憂慮會考:「才下眉頭，卻上心頭！」(一剪梅) 面對會考:「恆惴慄！」(始得西山宴遊記) Past paper:「如足如手！」(弔古戰場文) 距離會考:「不多不多，多乎哉?不多也。」(孔乙己) 無溫書:「不為也，非不能也。」(齊桓晉文之事章) 對著一大疊筆記:「實在束手無策！」(竹林深處人家) 補習名師:「受人錢財，替人消災！」(請客) 對貼題的看法:「緣督以為經，可以保身，可以全生， 可以養生，可以盡年。」(庖丁解牛) 名師貼題:「私望諸君和我一同受用。」(敬業與樂業) 批評自己的說話:「百行業為先；萬惡懶為首。」(敬業與樂業) 自己的毛病:「他覺得中國作家最大的毛病是濫用浪漫熱情、感傷的文字。」 (驀然回首) 每天早上溫習:「恨晨光之熹微。」(歸去來辭並序) 和好友一齊溫習:「親賢臣，遠小人！」(出師表) 未能完成溫習:「吾生也有涯，而知也無涯。」(庖丁解牛) Mock卷做錯:「過則勿憚改。」(論仁論君子) 往考場的路上:「往來而不絕者！」(醉翁亭記) 考場:「將近代歟？」(弔古戰場文) 考場內:「一時多少豪傑！」(念奴嬌) 考場內:「冷月無聲」(揚州幔) 遲到、入錯考場:「既不注意時間，也不注意地方。」(我看大明湖) 步入考場:「獨上蘭舟。」(一剪梅) 名校學生:「專想考第一！」(驀然回首) 考試技巧:「我們知道。」(漢字的結構) 坐在試場後方的我:「山光水色一望收...」(我看大明湖) 考官:「張目叱之。」(廉頗藺相如列傳) 試場的氣氛:「掌櫃是一副兇臉孔，主顧也沒有好聲氣，教人活潑不得。」(孔乙己) 明天應考情況:「要讓手跟心相應，自由驅遣語言文字，想寫個甚麼， 筆下就寫得出個甚麼，這才算是熟。」(以畫為喻) 問題有錯:「趙予壁而秦不予趙城，曲在秦！」(廉頗藺相如列傳) paper 3的音樂:「也許你聽這般的音樂，比那咒罵的人聲更美。」(也許) 做卷的態度:「執事敬。」(論仁論君子) 接觸答題簿的手:「十指在翻飛疾走....」(聽陳蕾士的琴箏) Sketch graph時:「雙手游隼般俯衝滑翔翻飛。」(聽陳蕾士的琴箏) 做閱讀理解時:「看得明白，認得確切！」(以畫為喻) 如何從引文尋找答案:「只要細心去看！」(店舖) 做讀本問題:「應當說明！」(漢字的結構) 答題紙的感受:「子孫視之不甚惜，舉以予人，如棄草芥。」(六國論) 老師對我答題的手的鼓勵:「君莫停。」(將進酒) 發現重要的提示：「眾裡尋他千百度；驀然回首，那人卻在，燈火闌珊處。」(青玉案) 冷的時候穿衣的動作:「驀然回首。」(青玉案) 做卷時發現:「太難了...」(我和我的唐山) 不懂得回答的時候:「火光中映出的是一雙雙愴然的眼睛...」(我和我的唐山) 不懂paper 4時:「夏蟲也為我沉默...」(再別康橋) 坐著不動的考生:「沒有一件事不足以表示中國是一個禮讓之邦...」(請客) 拿著貓仔的考生:「無傷也，是乃仁術也。」(齊桓晉文之事章) 鄰座的考生:「無論誰都不能驚醒你...」(也許) 我對其他考生的反應:「尋夢？」(再別康橋) 有其他考生中途退出:「我們正要離去，忽然傳來了女孩子們的歡笑聲。」 (竹林深處人家) 考試時間尚餘五分鐘：「君不見高堂明鏡悲白髮，朝如青絲暮如雪。」(將進酒) 第二份卷的來臨:「算而今、重到須驚。」(揚州幔) 離開試場的感受:「『予欲無言』，其實也甚是多事。」(花潮) 期望:「凡數州之土壤，皆在衽席之下。」(始得西山宴遊記) 怕怕:「我聽見人說，就是中相公時，也不是你的文章， 還是宗師看見你老，示過意，捨與你的。」(范進中舉) 會考順利時:「哈哈大笑！」(范進中舉) 考試後有感:「役夫敢申恨？」(兵車行) 回家的感覺:「鳥倦飛而知還...」(歸去來辭並序) 放榜時成績差:「哭聲直上干雲霄...」(兵車行) 會考差的人:「肉食者鄙...」(曹劌論戰) 成績差的原因:「六國破滅，非兵不利，戰不善...」(六國論) 會考成功: 「這就是我的心願..」(我和我的唐山)

>>May 11, 2006 at 2:33:34 AM GMT+8