2006 年 8 月 17 日 星期四 【酷熱】

《華東之旅第三站 --- 自助早餐篇》 今朝我地一早起身, 就落左去樓下食自助早餐, 但係八點落到去, 八點三就要上車, 我老豆竟然話未食夠, 難得有自助餐食, 梗係食盡佢, 佢仲想拎走個橙, 拎埋碟野上車食, 係一個典型唔蝕底既香港人 sosad... 身為紳士既我, 當然出面喝止佢咁樣做, 之後我仲同我細佬吹水, 如果老豆真係拎左個橙走, 可能架旅遊車開出左之後, 個酒店經理追住架旅遊車, 一路跑一路大叫：「lee bu ka撚 die酒 wo憫 de慘！！」 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地一早先去蘇州寒山寺, 睇下幅相, 係咪感覺到好「寒」呢？ (待續...)

>>April 21, 2007 at 1:00:42 AM GMT+8

2006 年 8 月 17 日 星期四 【酷熱】

《華東之旅第三站 --- 蘇州寒山寺篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地系蘇州寒山寺, 見到四大天王銅像, 一個拎住把劍, 一個拎住把遮, 一個拎住個琵琶, 仲有一個唔記得左, 我同我細佬系度恥笑中, 四大天王果然強勁... 之後當地導遊「豬膏紅」先生帶我地去左大雄寶殿, 我同我細佬又系度吹水, 我地話大雄寶殿係用來供奉大雄既, 除左大雄寶殿之外, 應該仲有靜宜寶殿, 技安寶殿, 多啦 A夢寶殿, 同埋牙擦仔寶殿！ 聽到我地兩兄弟系度廢 up, 梁琬婷梗係笑不攏咀... 其實系呢 D香火咁鼎盛既地方, 係好易中毒, 因為呢 D香燭散發出黎既煙, 係包含有毒既 benzene... 我同梁琬婷悶得滯系度共鳴「喃嘸阿彌陀呼」, 當地導遊「豬膏紅」先生就介紹呢間寒山寺既碑文... 《楓橋夜泊 --- 張繼》 「月落烏啼霜滿天, 江楓漁火對愁眠, 姑蘇城外寒山寺, 夜半鐘聲到客船」 張繼聰我就識姐...sosad... 寒山寺有個鐘, 俾五個大洋就可以敲三次, 睇黎呢個寺院都幾識做生意, 我阿妹當然唔執輸走上去敲, 我地就系度等集合, 又熱又曬又多煙, 真係好難頂... (待續...)

>>April 21, 2007 at 12:59:33 AM GMT+8

2006 年 8 月 17 日 星期四 【酷熱】

《華東之旅第三站 --- 蠶絲廠篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地返上旅遊車, 當地導遊豬膏紅先生問問題, 我老豆興高采烈咁搶住答, 但係豬膏紅一次又一次咁話： 「錯丫！」「錯丫！」「錯哂丫！」笑死我同我細佬... 去完寒山寺, 我地就去左蠶絲廠, 我阿妹, 我阿妹個朋友, 同埋 ivy姨姨個仔楊一, 三個小朋友對蠶虫好有興趣... 我自己就唔夠膽掂勒, D蠶虫好核突... 再行入 D, 就見到一排好多部機系度抽緊蠶絲... 我地入到去廠裡面, 睇人抽蠶絲, 原來有 D蠶繭入面有兩條虫 ga wo, 真係得意... 睇下點樣將蠶絲「拉」成一張蠶絲被, 原來係要幾百塊鋪上面... 睇下我地癲左咁「拉」蠶絲, 結果最後搞到成身都係絲... (待續...)

>>April 21, 2007 at 12:58:14 AM GMT+8

2006 年 8 月 17 日 星期四 【酷熱】

《華東之旅第三站 --- 地獄採礦師篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 話說我同我細佬幫其中一名團友, 改左個名叫地獄採礦師, 佢係一個冇靈魂既人, 佢將自己既靈魂出賣左俾閻羅王, 所以表情呆滯, 而我地更稱佢個仔為「地獄之子」！ 「地獄之子」同 ivy姨姨個仔楊一仲好 friend！ 呢段世人不容許既友情, 究竟結局會點呢？ 楊一會唔會俾「地獄之子」拖入地獄呢？ 其實地獄採礦師呢個名, 係出自《天使事典》一書, 之前同梁琬婷去書展買既, 呢個名稱係形容「瑪門 mammon」... 梁琬婷, 我, 同埋我細佬三個系度食住花生等睇戲, 見到地獄採礦師都買蠶絲被, 佢一定心諗：「系地獄都要 com蠶絲被..」 之後我細佬扮我阿媽講野：「嘩, 今次真係抵呀！」 笑死我同梁琬婷！但係幾十袋點拎呢？咪又要我細佬幫手拎... (待續...)

>>April 21, 2007 at 12:56:03 AM GMT+8

2006 年 8 月 17 日 星期四 【晴】

《華東之旅第三站 --- 上海篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 跟住我地又要穿州過省去最後一站 --- 上海！ 系車上面, 導遊小姐一路講野, 我地就一路訓覺, 但係我老豆又耍膠, 佢好專心聽導遊小姐講野之餘, 仲成日答咀, 每次導遊小姐講完野, 佢都好肯定咁講：「岩！」 梁琬婷, 我同我細佬三個坐系後面狂笑... 我地去左上海城隍廟行街, 我細妹超麻煩, 又要食雪糕又要指定係 hargendaz, 結果用幾十個大洋買左一啖仔, 我同梁琬婷冇咁好氣, 兩口子自己行, 我細佬就慘勒, 冇得自己行, 結果佢就要跟大隊 sosad... 食完晚飯後, 導遊小姐就買左個大蛋糕, 因為哎也姑媽生日, 我老豆就俾返二百個大洋俾導遊小姐, 但佢又唔心熄, 想知自己有冇俾多錢, 佢又要落去間餅店問個究竟, 我地個個都叫佢唔好 la, 佢係都唔聽, 咁做真係好鬼核突, 我細妹同佢都一樣, 好鬼麻煩... 夜晚我地去左行上海南京路, 原來創新, 真是一個民族進步的靈魂..orz (待續...)

>>April 21, 2007 at 12:54:40 AM GMT+8

2006 年 8 月 17 日 星期四 【晴】

《華東之旅第三站 --- 夜上海篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我老豆又系度大叫：「大吉大利團呢邊！」真係頂唔順... 我地去行夜上海, 原來真正既夜上海, 唔係好似上海灘咁 ga wo, 等我仲以為夜上海係好多歌舞廳, 好多歌女用國語唱「夜上海」, D女人係著旗袍, D男人係著黑色長褸加頂偵探帽, 街上面好多旋轉門, 同埋許文強會俾人槍殺既 tim... 我地見到全棟大廈表面有轉換緊既歡迎 logo, 我細佬話可能「膠神圖」會出現系大廈上面, 笑死我... 梁琬婷旁白 version, 睇下夜上海既夜景... (待續...)

>>April 21, 2007 at 12:52:28 AM GMT+8

2006 年 8 月 17 日 星期四 【晴】

《華東之旅第三站 --- 步行車篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地去搭甚麼步行車, 根本我地都唔想搭, 每一次有麻煩野都係我阿妹, 今次又係佢話想搭... 一上車, 有個人唔知講咩話叫我地俾錢, 我地都聽唔到佢講咩, 又唔係普通話... 之後搭搭下車時, 有人飛 D野入黎！ 係廣告咭片！一大堆咭咁飛入黎, 激死我地, 我細佬仲問佢：「你今天膠了沒有？」 知唔知點解創新係一個民族進步既靈魂？ 因為我地「不走尋常路」sosad... 唔知點解見到呢 D口號, 我地會覺得好好笑... 架車行多一陣, 又有人飛野入黎, 梁琬婷好大聲叫佢唔好飛呀！ 笑死我同我細佬, 我地話佢聽唔明 ga！應該用普通話講！ 梁琬婷旁白 version, 我地話我細妹同我老豆, 兩個臭味相投都係咁, 一樣咁麻煩... (待續...)

>>April 21, 2007 at 12:50:26 AM GMT+8

2006 年 8 月 17 日 星期四 【晴】

《華東之旅第三站 --- 書店篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地三個落左車, 去左行書店, 一隻 CD都係十幾個大洋, 之後見到一本書, 叫「chalie & the chlocolate 精彩電影版」, D插圖係自己畫！仲要好核突好馬虎！笑死我地... 我細妹真係好麻煩, 但我老豆又包庇我阿妹, 楊一想借佢個陀螺玩, 佢都唔肯, 結果成餐飯楊一都唔開心, 但係楊一買老鼠仔玩具時, 又送隻俾我阿妹, 買護腕時又買多個俾我阿妹, 又要全部人就哂佢, 勁麻煩, 梁琬婷上年仲話佢好可愛..orz.. 書店中的 A貨史囉皮同米老鼠... (待續...)

>>April 21, 2007 at 12:47:03 AM GMT+8

2006 年 8 月 17 日 星期四 【晴】

《華東之旅第三站 --- 上海灘篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 回旅遊車中, 我細佬又系度搞笑... 系旅遊車上面, 導遊小姐話腳底按摩系深圳仲抵, 手勢仲好, 我老豆又好大聲咁話：「冇錯！」 我地以為回酒店 la, 點知仲有地方去, 就係去上海灘！ 上海灘並唔係一個海灘, 而係五十年代上海既西式建築, 即係許文強在百樂門外被槍殺的地方, 我地就系旅遊車上觀摩... 旅遊車一直駛過, 眼前的就是上海灘... 我同梁琬婷「你影我影你」, 到上海灘的盡頭時, 我地就落車睇上海灘, 仲有隔岸看東方明珠塔... (待續...)

>>April 21, 2007 at 12:45:39 AM GMT+8

2006 年 8 月 17 日 星期四 【晴】

《華東之旅第三站 --- Amy大姐篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地隔岸觀望東方明珠塔, 當我地諗住影相時, 聽到遠處有把聲大叫 winnie！我地都未有反應, Amy大姐已經衝到我地面前攬住 winnie, 佢地又跳又叫, 勁搞笑, 我阿媽又興奮捉住 Amy大姐隻手, haha！又會咁有緣份既, Amy大姐同佢家人又黎上海玩, 但係同我地唔同團, 估唔到人海茫茫, 離開香港上到黎上海, 都俾我地撞到 Amy大姐, 好巧合！

>>April 21, 2007 at 12:44:17 AM GMT+8