2006 年 6 月 24 日 星期六 【清涼】

今日同梁琬婷去左黃埔, 黃埔系邊？我都唔知... 我地系尖沙咀碼頭等, 之後搭巴士去黃埔, 應該係紅磡再入去, 今日又熱又哂, 真係囉命, 我地去到黃埔, 就搵o個間學校, 因為梁琬婷返既補習社系o個度做 briefing, 我地系烈日當空下行左好多路, 又要上長樓梯, 搵到間學校之後, 梁琬婷就叫我 5:00pm黎接返佢, 咁我就系烈日當空下, 搵個巴士站搵左半個鐘, 行到身水身汗, 雙眼朦朧, 搭緊車返香港仔時, 梁琬婷話佢依家走得 la, 當時先兩點, 佢仲話有阿媽陪個女坐系度聽 briefing, 早知我就唔返屋企住, 早知就陪埋梁琬婷聽 briefing la, 結果我返到香港仔, 沖個涼又出返尖沙咀, 梁琬婷坐系商務睇書等我, 之後我地就去左尖東海旁既長樓梯坐...

>>July 6, 2008 at 4:11:43 PM GMT+8

2006 年 6 月 22 日 星期四 【颱風】

今日香港仔好熱天晴, 點知出到尖咀同旺角就落大雨, 我同梁琬婷去左旺角新世紀廣場食野, 梁琬婷成日系度抆我 D面毛, 仲目露凶光, 瞳孔收縮, 掙大對眼大, 一路抆一路奸笑, 露出面目猙獰既一面, 超恐怖, 仲要係系大庭廣眾下抆我面毛, 不論搭車定食飯佢都會咁做, 我地去左睇《she is the man》, 中文叫《球愛可人兒》, 又幾好睇 wo, 講個女仔好鍾意踢波, 代佢阿哥去入男校, 鍾意左自己個房友, 呢 D輕輕鬆鬆既愛情小品喜劇真係好正, 記得上年同梁琬婷睇左三套戲,《star war3》、《天國驕雄》、《星際快閃黨》, 我地三套都訓著, 大卡士大製作都冇好野, 反而呢 D愛情小品仲好睇好笑, 我地系我家睇既《the girl next door》、《豬兜有情人》都好正... 夜晚團長, 阿郭, dennis上黎睇意大利同巴西, 中間o個三個鐘空檔好快過, 因為我地五個人十隻手系一個 keyboard上玩炸彈人同娛眼金魚眼, 超好玩, 早上拍拖, 夜晚睇波, 呢 D生活夫復何求？可惜兩星期後世界盃就會完...

>>July 6, 2008 at 4:11:58 PM GMT+8

2006 年 6 月 20 日 星期二 【晴】

今日我地去左鑽石山荷里活廣場, 嘩！呢個 mall超正, 係我地行咁多個 mall之中最正既, 第二就係旺角既新世紀廣場, 個 mall大得黎唔亂, 好有條理, 知道自己系邊, 又多野行, 又少人, 簡直就係正, 而最廢既 mall, 就係朗豪坊同屯門新城市廣場, 大係好大, 但好亂, D電梯都唔知 link去邊, 又多人, 又冇野行, 又冇野買, 又冇野睇 sosad.. 我地系鑽石山荷里活廣場行左成個下晝, 真係好正, 又冇咩人, D鋪頭賣既野又正, 我地就買左個紙巾盒套, 真係正到爆, 本來想當做父親節禮物既, 不過諗諗下不如送俾 dennis la, 佢八月生日, 但又諗諗下, 咁正既野, 點解唔自用呢？ 我地去左百佳買雞蛋仔個朋友格仔餅, 買左燒八爪魚丸, 去左專門店買左個奶白 pie同蘋果 pie, 就上去 food court開餐, 點知食食下有個商場職員話唔可以系度食帶入黎既野食, 梁琬婷話係系下面百佳買 ga wo, 個職員竟然話, 只可以食系呢個 food court買既野, 梁琬婷梗係發老皮 la, 系中央唔俾人溫書, 系 food court唔俾人食野？ 何況依家先六點, 成個 food court得三分一人, 大把位冇人坐, 你話好多人搵位而唔俾我地系度食野都言之成理, 但依家咁多位都唔俾？我就一於少理, 依然慢慢咁食, 我就唔信佢會趕我地走, 佢行埋黎咪扮拎走 law, 佢行開咪繼續食 law... 好彩呢個 mall都算好行, 我地心情都幾靚, 先冇影響食慾... 食完野我地行多一陣個 mall, 就去左影大頭貼, 今年呢輯大頭貼影得幾好, 好過上年那輯, 之後我去一去洗手間, 梁琬婷就剪大頭貼同過膠, 我返黎時見到下面已經坐滿哂人, 我當然走過去大頭貼相鋪叫梁琬婷快 D.. 之後我地兩個就好似傻瓜咁衝落地下, 因為我地有入場券, 所以有薯片, 杯麵, 啤酒, 國旗, 吹氣捧捧送, 當然呢 D就留返今晚睇波時食 la, 梁琬婷見到有人幫人畫面, 就叫我一齊畫, 我就當然唔肯 la, 梁琬婷畫完後就沾沾自喜咁話： 「阿郭又話上黎睇波畫面, 依家我仲畫得早過佢！」 開始後見到個司儀 (冇睇錯應該係 road show個爛 gag王), 佢話今晚既嘉賓係官欣娜, 我地梗係失望 la, 官欣娜真係唔知佢走咩派, 好多 AV都靚過佢多多聲... 之後我地出去拎禮品時, 俾個職員叫我地等陣上台玩遊戲, 有禮物既, 咁我地就系出面等左一陣, 就上台玩遊戲, 係兩人一組, 一個系前面向後拋波, 一個系後面用個籃接波, 三組邊隊接得多就贏, 結果我做接波, 梁琬婷做拋波, 最後三個波我接得一個, 另一組都係一個, 兩個麻甩佬o個組就接到兩個, 所以就每人有一件英格蘭波衫, 成 $450一件, 我地就每人一條 umbro連內膽既波褲, 應該都唔平 ga...

>>July 6, 2008 at 4:12:41 PM GMT+8

2006 年 6 月 18 日 星期日 【清涼】

《巴西與法國》 先談阿郭最愛的巴西國家隊, 這支大熱門, 擁有卡卡, 大細哨, 阿祖安奴... 基本上開賽前十個有九個都話巴西會六奪世界盃, 但可惜歷史告訴我們, 世界盃大熱門都沒有好下場, 98年巴西大熱, 結果決賽慘負 0:3, 02年阿根廷與法國是大熱門, 可惜最後兩隊皆分組賽出局, 06年的巴西, 真的如想像中般強嗎？ 無錯, 巴西真的很強, 但並非無可匹敵, 縱使巴西分組賽三戰全勝, 但不要忘記他的對手只是克羅地亞, 澳洲同日本, 與巴西差成兩三班, 巴西全勝是正常的, 另外, 如果巴西續用朗拿度, 十六強或可擊敗加納, 但八強對法國或西班牙, 遇上法國還好, 萬一是西班牙, 巴西未必可以全身而退, 更有可能喪師鬥牛兵團腳下.... 世界盃之前, 朗拿度在皇馬的表現與魯爾一樣, 表現乏善足陳, 朗拿度 fans同魯爾 fans既爭辯無日無之, 魯爾 fans話因為朗拿度黎左, 搞到魯爾要做輔鋒, 既唔係最善長位置, 又唔係最有機會射門, 搞到魯爾沉哂, 但好過朗拿度, 起碼魯爾仍努力回後場追波, 每場盡自己百二分努力, 朗拿度只懂在禁區內等波餵, 唔走唔郁, 懶洋洋, 是皇馬沉淪的原因.... 朗拿度 fans就反駁, 朗拿度做到前鋒的責任 -- 入波！ 而魯爾則久久入唔到波, 還要長期任正選, 魯爾入球率急跌之餘, 狀態信心還十分低迷, 是皇馬沉淪的原因, 皇馬應該放棄佢.... 反觀朗拿度, 雖則他的在皇馬的表現不願致評, 但朗拿度是大賽球員, 到大賽時就會變回外星人... 世界盃打到現階段, 朗拿度表現人所共知, 無需多講, 佢入的那球只是隊友做就而成, 而非其個人本領.... 魯爾追平一球雖是執雞, 但魯爾好像已找回射門觸角, 當然, 有人說一兩場的表現不能作準, 但朗拿度已經是強弩之末了嗎？ 他真的會從火星回來嗎？他還是大賽球員嗎？ 這一個曾經令後衛聞風喪膽的朗拿度, 會不會就這樣慢慢從球壇中淡出來？ 法國領隊杜明尼治更是一名膠童, 佢選多拉素入法國隊, 只係因為星座書話天秤座有利球隊, 所以無論如何都要入選廿三人大軍, 但星座書話天秤座不能正選上場, 上場時間越少越好, 因為天秤座最有利的位置是後備席, 所以同是天秤座的查斯古特, 皆在最後兩分鐘出場, 得返兩三分鐘, 用施丹換查斯古特, 星座小王子你係得既！ 而杜明尼治唔選巴塞隆拿既古利同阿仙奴既皮里斯係有原因的, 因為古利出生日期係 1976年 7月 4日, 皮里斯則是 1973年 1月 29日, 星座書話, 球隊中只能有兩名巨蟹座球員, 第三名巨蟹座會對球隊不利, 施丹和韋拉同是巨蟹座, 所以不能選古利, 水瓶座則諸事不宜, 不利球隊, 所以唔可以入選廿三人大軍, 所以皮里斯不能入選...

>>November 20, 2006 at 3:39:07 AM GMT+8

2006 年 6 月 17 日 星期六 【清涼】

今日同梁琬婷去左屯門黃金海岸, 被騙了！！ 我地由天水圍出發, 搭西鐵去屯門, 出左閘我已經發覺唔對路, 又熱又哂, 我叫梁琬婷不如返天水圍行商場 la, 佢話既然都出到黎, 要去左先, 結果去到黃金海岸, 又熱又哂又冇野玩, 又冇野睇, 得 D西式建築物, 我同梁琬婷講, 我好細個黎過一次, 又係又熱又哂, 又係冇野睇冇野玩, 哂到溶左, 梁琬婷都話, 得咁 ga咋！？ 之後我地去左行屯門市中心商場, 好多人, 多到嘔茄, 我地又見到個大電視俾人睇波, 不過我都係鍾意系屋企睇方便 D, 搵來搵去都搵唔到平野食, 一係就多人都爆, 所以我地去左惠康打算買魚生飯, 我地經過戲院就行過去睇睇有咩戲, 點知間戲院殘爆, 又冇人睇, D海報仲停留系人手畫既時代, 我以為灣仔間新東京執左就已經宣佈時代完結 ga la, 呢 D戲院係一定有鬼, 全院滿座同埋冇冷氣都覺得好凍既戲院, 我同梁琬婷梗係走夾唔抖 la, 之後我地行左間精品店, 梁琬婷拎起左個野睇, 個 sales就行埋黎壓低把聲話：「呢個音樂盒黎 ga..」 梁琬婷聽到佢既不屑語氣就即刻走, 返到去天水圍, 梁琬婷又喊肚餓, 條友成日都掛住食, 除左佢既人生只有食同笑... 我地去左間茶餐廳, 間茶餐廳既吸煙區同非吸煙區只係一條走廊之隔 sosad... 我地叫左個 $12既餐唔加野飲, 個阿嬸問我地駛唔駛加凍飲, 我地話唔駛, 個阿嬸就話：「你唔識計數姐, 加埋都唔駛廿蚊...」 我差 D想反問佢一句, 既然你咁識計數, 係咪你俾錢？

>>July 6, 2008 at 4:13:00 PM GMT+8

2006 年 6 月 16 日 星期五 【微雨】

今日我地去左香港藝術館同太空館, 因為梁琬婷落錯車, 話系 k16巴士總站, 見到尖沙咀新世界中心, 咁我就落行人隧道過梳士巴利道去太空館那邊, 因為條馬路做緊工程, 又闊又多車, 所以係望唔到馬路既另一邊, 點知我去到 sogo再上去公園, 行到去新世界中心, 都搵唔到梁琬婷, 我打電話俾佢, 佢話原來佢係系我未過馬路前那一邊, 所以先望到新世界中心, 點知我自己過左去新世界中心, 結果我地搵左大家好耐, 最終系條行人隧道匯合到對方, 好好笑, 之後我地系尖東海旁見到有隻張保仔海盜船, D音樂仲要好激昂 tim, 正！ 我地先去香港藝術館, 因為有古羅馬展覽, 話到明唔俾影相, 不過我都偷偷地影左幾幅, 因為有 D野好得意, 例如原來幾千年前已經有骰仔, 見到個女人石像好搞笑, 個頭好大, 個身好細, 仲要擺個海棠春睡姿勢, 笑死我... 上左二樓有個中國國畫展, 好似擺左系度幾年, 中六成班黎o個時都仲有... 都係唔俾人影相, 但當我見到有幅名畫叫「鴛鴦比翼圖」時, 我就知道我又要以身犯險, 因為呢幅畫實在太搞笑, 笑到我傻左... 真係太靚, 完全表現出「鴛鴦比翼雙飛」那種感覺... 之後我地去左太空館, 梁琬婷成個大細路咁, 呢樣未玩完就走左去玩第二樣, 又笨蛋 wo, 夾石仔夾來夾去都夾唔到, 笑死我, 我地又玩左月球漫步, 本來我唔想玩 ga, 係佢迫我玩, 玩完我地就去左睇《宇宙的起源》, 梁琬婷睇睇下訓左, 有冇搞錯...

>>July 6, 2008 at 4:13:37 PM GMT+8

2006 年 6 月 15 日 星期四 【酷熱】

今日同梁琬婷去行旺角, 去左朗豪坊, 一大朝早真係咩鋪都冇開, 去行女人街, 系商務行左一個鐘, 去左信和買 EVA公仔限定版, 即係綾波麗同明日香既女侍應裝, 之後去左新世紀廣場, 我同梁琬婷都買左個紅白藍筆袋, 超正！ 我地一路食 lunch一路睇 hawking, 因為佢黎左香港系科大演講, 不過都係講返佢系《時間簡史》D野, 之後我地系書局度睇左三個鐘頭書, 對腳累到呢, 由 3:30pm睇到 6:30pm, 跟住去左食晚飯, 好豐富, 好好食, 最後系我心大心細下, 梁琬婷買左件英格蘭波衫俾我.... 當中仲有兩張入場券, 係去鑽石山荷里活廣場, 唔知咩咩之夜, 考慮左好耐去唔去好, 梁琬婷就好想去, 我就唔多想, 仲有幾日考慮...

>>July 6, 2008 at 4:14:21 PM GMT+8

2006 年 6 月 14 日 星期三 【微雨】

今日同梁琬婷系我屋企睇猿人爭霸戰, 幾好睇 wo, 最鍾意睇時空科幻片, 最頂癮係個主角最後俾自己養既馬騮救返, 而 D猿人仲當隻馬騮係神, 之後個主角想返地球, 點知去左一個新地方, 個神殿裡面既林肯像, 原來係自己之前打敗左既奸角！個主角就知道自己去左好幾百年後... 好好笑, 每隔三日我爺爺麻麻就會問梁琬婷一次： 「你讀緊大學？我都去過加拿大...」 之後就問梁琬婷去過歐洲未, 梁琬婷話未 ar, 我爺爺麻麻就會話：「我去過...」 百厭星梁琬婷每次陪我去聖堂祈禱時, 因為要舉起雙手, 佢就系度「jum jumbo！jum jum jumbo jum jum jumbo jum jum jumbo jum jum jumbo, jum jumbo！」 夜晚食飯時講起我細個, 話我細個兩三歲時同爺爺麻麻飲茶, 成日向對面台個細路丟杯, 見到人踩三輪車, 我就騎上人地架車度, 新年唔收利是, 系 lift度見到陌生人會咬佢...(汗) 今日梁琬婷又見到我細妹野蠻的一面, 食食下飯唔知做咩細妹打細佬, 仲推佢落地下, 救命...

>>July 6, 2008 at 4:14:41 PM GMT+8

2006 年 6 月 13 日 星期二 【微雨】

今日同梁琬婷去左淺水灣游水, 冇咩風, 好熱, 上次好 D.... 今次我地都有落水, 浸浸下, 結果成個褲袋都係沙, 沖沖下身時阿郭打電話黎, 問我佢今晚上黎睇波得唔得, 之後我地返左香港仔, 系利群買左三件波衫, 都係$50, $70, $70... 夜晚阿郭、dennis同溫敬良上左黎睇法國同巴西, 梁琬婷已經係我既人, 所以佢系度睇波唔駛多講... 凌晨十二點場法國對瑞士,「新施丹」魏貝妮...丫唔係, 係列貝尼係岩, 佢可能跟得多區偉輝...丫打錯, 係睇得多歐偉倫既球技, 竟然推波推入小禁區, 單對單面對龍門時來一記「單刀橫傳」俾亨利, 睇到我地 >O<哂咀, 真係俾佢厄哂, 連守門員都估唔到... 南韓球星朴智星指出, 十分期待第二圈與法國對壘... 「我看過他的比賽片段, 真是妙極了！ 那記橫轉, 我簡直呆了！「新施丹」魏貝妮真是十分冷靜！」 門將李雲在亦為那記橫傳驚嘆！ 「如果當時把關的是我, 我會不知如何是好, 以為他會勁射, 正當猶豫應該撲向近柱還是遠柱之際, 他竟出奇不意地作出橫傳！傳送位置更是我估不到的, 是傳給被兩名後衛看守著的亨利！還傳到他的腳後面！」 賽後當地記者立即訪問作出驚世橫傳的「新施丹」魏貝妮... 「當時作出這個驚世動作時, 你的心情和腦海是如何的？」 「當時我只覺得...不能就這樣把球射入網！ 雖然四野無人, 面對空門只一、兩呎那麼近, 但也不能這麼做！ 因為足球是團體的運動！所以我就把球橫傳給亨利！ 只是我的速度太快了, 亨利不能跟得上去接應！！(這時顯得有點失望.....)」 法國國家隊現時的球員對這名一戰成名的隊友給了一些感想.... 後衛杜林：「幸好他是我的隊友, 否則我便頭痛了！」 中場施丹：「看見這一球, 他絕對有資格代替我成為球王, 甚至比我更佳, 閱讀球賽的能力, 傳球的精確度, 以及傳球傳向的地方, 都是無人能及, 無人能預料得到他將球傳向哪兒！」 前鋒沙夏：「作為球員, 能夠和「新施丹」魏貝妮這麼好的球員做隊友, 你還可以有什麼要求？我為他感到高興和驕傲, 但我不會感到驚訝, 因為以他的級數, 是卓卓有餘和不會驚訝的！」 睇完法國, 之後 hea一個鐘, 成班人都唔知做咩好, 結果系度睇我部電腦裡面既笑片 video, 三點巴西對克羅地亞, 一百八十磅既朗拿度全場掂左唔夠五腳波, 又唔肯走, 淨係識企定等波, 就好似打少個人咁, 連卅四五歲既卡富都打得活躍同勤力過佢.... 巴西節奏超慢, 好 lup, 結果下半場換走肥哨換入羅賓奴, 行軍速度即刻加快, 攻勢一浪接一浪, 都唔知係咪成班夾埋玩肥哨... 睇完之後, 佢地就睇下個時間表, 下次幾時再上黎... 睇完兩場波, 由夜晚十一點睇到凌晨五點, 個個都頹哂, 累到咩咁.... 好心就唔好影相 la, 全部人個樣都殘哂, 好鬼眼訓 ar大佬！(其實是我影的...) 阿郭睇法國時就食住花生等睇戲, 巴西時就鬼死咁緊張, 又手振又沉默...

>>July 6, 2008 at 4:15:06 PM GMT+8

2006 年 6 月 10 日 星期六 【陰】

今朝一早就去左尖沙咀, 同梁琬婷去左食老麥, 有張屈臣氏傳單, 內容係 $2000一部手提 DVD連 LCD mon減到 $200, $1000一部手提攝影機減到 $200, $400一部電子琴減到 $20, 嘩！抵到爛 la, 不過可惜頭兩樣既優惠價係尋日同前日, 而今日係電子琴, 我要要部手提 DVD機 ar！ 我地去左屈臣氏, 搵來搵去都搵唔到電子琴, 問個 sales, 佢話 8:30am開門, 9:00am就賣哂 la, 搞錯.... 夜晚 winnie黎我家睇世界盃, 英格蘭對巴拉圭, 仲有阿郭同黃志榮, 之後佢兩個睇完走左, 凌晨兩點溫敬良打電話黎, 話佢依家o係我樓下, 問我佢同黎宏可唔可以上黎睇波, 佢兩個就上左黎睇阿根廷對科特迪瓦....

>>July 6, 2008 at 4:15:40 PM GMT+8