2006 年 7 月 17 日 星期一 【陰】

今日我地同阿郭, 郭駿仁去左香港仔間 neway唱卡啦永遠 ok, 超正, 我地勁唱經典懷舊歌, 有郭富城既《有效日期》、 《鐵幕誘惑》、《第四晚心情》、《純真傳說》, 《有效日期》MTV中, 郭富城個頭真係柒到爆, 又要拎支企咪, 著西裝咁唱, 笑到我地丫... 「覺悟吧慶幸吧, 不必等最好, 結伴吧決裂吧, 於有效期限, 暢聚吧快活吧, 不必等結疤, 告別吧再會吧, 聲線未變差, 下班機, 登機證怕已無效, 下首歌, 遲來錯過了熱鬧, 下班車, 風景已變了容貌, 下一位, 如何再去與光陰賽跑！」 我地又唱草蜢既《失戀》、《忘情森巴舞》、《三分鐘放縱》, 佢地個 MTV又要著 D勁柒既衫, 我地幾個跟住個電視跳舞, 笑死... 《失戀》：「將敵意, 將身份放低些吧, 今夜裡, 應一起了解她, 失敗過, 那用怕, 即管說吧, 共於苦戀中找點瀟灑, 像你這般深愛她, 心裡只得一個她, 她偏卻太傲氣, 見面也不多說話, 要坦率分析, 為何沒法得到她, 心裡長留下舊創疤....」 仲有唱王傑既《幾份傷心幾份痴》同《心癮》, 我地又扮王傑既唱腔, 其實我有兩個問題想問好耐, 究竟點解「哭泣聲絕無意義」呢？咁又點解「可以笑的話不會哭」？ 我諗因為「它不會扭轉分開的心意」, 所以「夢似是失去了收結一首詩」.. 之後唱劉華既《獨自去偷歡》, 我地又唱又跳, 加埋黎老明既「奶奶奶奶奶, 能否進一步」, 笑到碌地... 之後我地幾個去左海怡, 上左郭駿仁屋企打炸彈人, 幾好玩, 唔係炸其他人而贏, 而係鬥食蛋, 拖住成串仔, 等個窿開跳入去拎分, 不過可以炸死人地拖住 D仔, 跟住我地去左柴灣探 winnie婆婆, 再返香港仔, 因為 winnie大學要報科, 要上網 apply...

>>February 2, 2007 at 5:06:40 PM GMT+8

2006 年 7 月 16 日 星期日 【陰】

今日我地去左濕地公園, 今日係星期日, 冇閂到, 但就好多人, 我地系裡面有冷氣都由自可, 出到去又熱又多人, 有人系我地身邊大叫：「阿強你系邊 ar？」之後另一處就傳來：「我系度 ar！」 行緊冇欄杆既紅樹林橋時, 有個師奶系後面大聲咁話： 「如果我個仔跌落水我就救, 第二個個仔我就唔救！」 winnie另後去啤一啤佢, 佢就話：「我係咁大細超 ga la！」 我地心諗：「踢你個仔落水丫 la！」 之後 D人成日大叫「都冇野睇既」, D細路又週圍走系度玩, 系觀鳥屋 D人坐系度吹水, 有 D人又週圍同人講冇野睇, 大佬, 咩雀仔都俾你地嚇走哂 la, 有個牌寫住：「雀鳥也有耳朵, 請安靜..」 但實在太多冇公德心既人, 搞到成個街市咁, 香港人冇公民意識就梗 ga la, 我諗如果 D花草樹木如果有腳有翼既話, 佢地都會飛走 law... 我地系室內睇生物, 有巨鉗既招潮蟹, hehe, 我細個會整斷佢個臂, 因為其實佢地既巨鉗只係用來吸引雌性, 整斷佢等佢溝唔到女... 移動要塞 --- 馬提蟹... 金雞獨立 --- 馬提蟹... 超級巨鉗招潮蟹大王當值完畢, 兩隻雌蟹等仔溝... 原來超級巨鉗招潮蟹大王係唔鍾意女人既... 我同梁琬婷系度監視雀仔, 當然係乜都睇唔到, 梗係 la咁鬼嘈, 仲有人會拍你膊頭同你講, 冇野睇架, 走 la.. 行完出面, 我地就返入去室內, 我同梁琬婷系度玩捉依因, 結果兩次都俾我捉到！濕地公園好似街市咁, 多人到呢...

>>February 1, 2007 at 6:48:57 PM GMT+8

2006 年 7 月 15 日 星期六 【微冷】

今日我地去左會展既婚紗展, 因為梁琬婷個家姐下年結婚, 佢想幫佢家姐睇下有咩岩買, 香港呢邊整回禮同請帖都比較平... 結婚真係好麻煩好麻煩, 我可唔可以唔擺酒？ (咩話！？唔擺酒) 梁琬婷：「其實..我一早都想唔擺酒 ga la, 但係我怕雙方家長斬死我地之 ma, 你唔好擺酒 la！」 多謝你丫！當我排好期知道個日子之後, 就會同你講一聲, 等你預時間同我去簽紙結婚丫 ma... 講真, 結婚係兩個人既事, o徙幾萬個大洋同無限既心機精力, 去搞個婚禮公告大下：「我地結婚 la！」我一定唔制, 除非你出錢兼搞掂哂所有野, 我出席做主角就唔同, 要我吃力不討好出錢之餘仲要搞咁多野籌備婚禮, 我真係啋你都有味, 好彩梁琬婷都係一個怕麻煩既人, 我地都覺得同朋友出黎食餐飯, 同雙方家人出黎食餐飯咪得 law, 既然雙方家長咁想大宴親朋, 你地幫我地搞, 要我自己搞就勢係假... 之後我地去左柴灣探 winnie婆婆, 探完 winnie婆婆之後就返天水圍, 我地兩個去左大家樂想食鐵板燒香蕉船雪糕, 但我地等位等左好耐, 終於等到位但竟然賣哂香蕉船, 有冇搞錯！ 之後 winnie系天水圍惠康玩野, 佢叫我請佢食薯片, 我俾左六個大洋佢, 佢話唔夠, 叫我俾多兩三個大洋, 我話唔得, 我叫佢自己貼兩三個大洋 la, 結果同我爭持不下, 我話如果我俾左, 咁聽日去濕地公園既入場費就係佢既, 梁琬婷又唔肯 wo, 我話兩包珍珍細薯片都係六個大洋, 佢又嫌包細薯片樣衰, 結果搞左好耐, 又成日扮可愛, 一到手就露出真面目, 仲話我四個大洋都唔肯俾, 其實我一早俾左六個大洋 la！ 之後梁琬婷又打算唔食野自己袋左六個大洋佢, 仲話不如買兩蚊既野食, 自己就袋左幾個剩餘既大洋, 奸笑話有得食之餘仲有錢賺, 我叫佢自己出兩三個大洋 la, 佢點都唔肯, 我從來冇見過 D人咁度縮, 咁無恥... 我都已經夠無恥 ga la, 點知佢仲無恥過我！ 結果我地為左幾個大洋又搞左成晚, 我唔信有其他情侶都係咁...

>>February 1, 2007 at 1:35:36 AM GMT+8

2006 年 7 月 14 日 星期五 【酷熱】

《別了, 球王》 個人覺得今屆世界盃決賽係近四屆最好睇既決賽, 90年冇睇, 94年巴西悶和意大利 0:0, 98年巴西 0:3大敗於法國, 朗拿度發波瘟, 02年巴西輕取德國 2:0, 德國完全唔夠班, 巴西好似練波咁... 但今屆決賽夠哂經典, 兩隊互有攻守, 勢均力敵, 兩隊都有入肉埋門鏡頭, 比今屆大部份賽事好睇, 我覺得亦比 94, 98, 02決賽好睇, 今場一開波五分鐘, 先有亨利倒地冇哂知覺, 再有馬特拉斯禁區犯規被罰十二碼, 施丹入波領先一比零, 及後意大利三球角球, 有一球馬特拉斯破網追平一比一, 另一球頂中兼中目標, 但被後衛用腳擋出, 第三球亦是頭鎚卻中眉, 反映法國後防完全應付不了角球... 戰至加時, 施丹踢到飛甩隊長臂章, 勁型, 好似大空翼！ 之後佢手臂受傷, 本來以為球王從此淡出世界舞台, 但施丹竟然話：「就算隻手永遠殘廢我都要踢落去！」 加時上半場星座小王子換入久未出場既查斯古特, 本來以為有野睇 la今次, 點知原來杜明尼治既星座戰術真係有料到... 接著施丹重演九八世界盃決賽那記劇力萬均既凌空飛頂, 在冇人 mark之下那金色的皮球以高速直飛意大利龍門, 但世界第一首鋼保方以瞬雷不及掩耳既速度將施丹既攻門撲高！ 頂得靚救得靚, 睇到呢場決賽真係有今生冇來世！ 加時下半場發生與 86年馬勒當拿上帝之手同樣經典幾廿年, 無論幾多年後都會有人談論既事, 就係施丹鐵頭功怒頂馬特拉斯！ 球王施丹最後的一戰, 就以一個鐵頭功, 一張紅牌作結束, 至於為何施丹突然用頭頂向對方, 其實係因為馬特拉斯出言挑釁球王... 馬特拉斯：「你呢個地中海球王冇得撈 ga la, 退休吧 la！」 施丹：「我已經 book左個髮型師, 等我贏埋世界盃幫我織髮...」 馬特拉斯：「依家潮流唔興織髮 ga la, 你睇我幾多頭髮, 用維生烏絲素 la ！」 施丹：「我頂你丫！」 但這一場經典戰役還未完結, 另一主角查斯古特亦主宰這場球賽, 加時一百二十分鐘賽和一比一, 要以極殘忍既互射十二碼作冠軍爭奪戰, 意大利與法國每一球十二碼都射得又勁又靚, 除了他.... 杜明尼治一直死都唔出查斯古特, 場場後備入替既唔係韋托特, 就係沙夏或者多拉素, 今場沙夏停賽, 結果查斯古特後備入替, 最後成為唯一一位射失十二碼既球員, 意大利成功四奪世界盃, 唔通查斯古特既星座真係唔利法國？杜明尼治真係好勁, 好似咩都知道哂... 但係人算不如天算, 星座小王子話過天蠍座係佢既命中克星, 所以唔會選天蠍座既人入法國隊, 更何況落場比賽？ 佢最忌既就係天蠍座, 但他萬萬都料不到, 今場執法球證既星座, 原來就係克死法國既天蠍座！ 妖！機關算盡, 竟然算漏左個球證！ 估唔到連球證既星座都要計埋！ 意大利國家隊奪得本屆世界盃冠軍, 意大利偉大的左後衛格羅素堪稱奪標功臣, 十六強對澳洲完場前三秒搏得十二碼, 四強對德國加時一百一十七分鐘, 射入一球關鍵性既入球帶領球隊闖進決賽, 決賽對法國互射十二碼, 意大利偉大的左後衛自動請纓射第五球一射中鵠！意大利四奪世界盃！ 日本武士甘莫蘭尼斯完場後在中圈剪頭髮亦令人難以忘懷.... 如果意大利兩大神級人物, 巴治奧與馬甸尼亦在陣中的話, 相信結局會更完美, 偉大的左後衛與偉大的十號！四年後南部非洲的盛宴再見！

>>April 24, 2007 at 4:20:12 AM GMT+8

2006 年 7 月 13 日 星期四 【酷熱】

個人覺得今屆世界盃決賽係近四屆最好睇既決賽, 90年冇睇, 94年巴西悶和意大利 0:0, 98年巴西 0:3大敗於法國, 朗拿度發波瘟, 02年巴西輕取德國 2:0, 德國完全唔夠班, 巴西好似練波咁... 但今屆決賽夠哂經典, 兩隊互有攻守, 勢均力敵, 兩隊都有入肉埋門鏡頭, 比今屆大部份賽事好睇, 我覺得亦比 94, 98, 02決賽好睇, 今場一開波五分鐘, 先有亨利倒地冇哂知覺, 再有馬特拉斯禁區犯規被罰十二碼, 施丹入波領先一比零, 及後意大利三球角球, 有一球馬特拉斯破網追平一比一, 另一球頂中兼中目標, 但被後衛用腳擋出, 第三球亦是頭鎚卻中眉, 反映法國後防完全應付不了角球... 戰至加時, 施丹踢到飛甩隊長臂章, 勁型, 好似大空翼！ 之後佢手臂受傷, 本來以為球王從此淡出世界舞台, 但施丹竟然話：「就算隻手永遠殘廢我都要踢落去！」 加時上半場星座小王子換入久未出場既查斯古特, 本來以為有野睇 la今次, 點知原來杜明尼治既星座戰術真係有料到... 接著施丹重演九八世界盃決賽那記劇力萬均既凌空飛頂, 在冇人 mark之下那金色的皮球以高速直飛意大利龍門, 但世界第一首鋼保方以瞬雷不及掩耳既速度將施丹既攻門撲高！ 頂得靚救得靚, 睇到呢場決賽真係有今生冇來世！ 加時下半場發生與 86年馬勒當拿上帝之手同樣經典幾廿年, 無論幾多年後都會有人談論既事, 就係施丹鐵頭功怒頂馬特拉斯！ 球王施丹最後的一戰, 就以一個鐵頭功, 一張紅牌作結束, 至於為何施丹突然用頭頂向對方, 其實係因為馬特拉斯出言挑釁球王... 馬特拉斯：「你呢個地中海球王冇得撈 ga la, 退休吧 la！」 施丹：「我已經 book左個髮型師, 等我贏埋世界盃幫我織髮...」 馬特拉斯：「依家潮流唔興織髮 ga la, 你睇我幾多頭髮, 用維生烏絲素 la ！」 施丹：「我頂你丫！」 但這一場經典戰役還未完結, 另一主角查斯古特亦主宰這場球賽, 加時一百二十分鐘賽和一比一, 要以極殘忍既互射十二碼作冠軍爭奪戰, 意大利與法國每一球十二碼都射得又勁又靚, 除了他.... 杜明尼治一直死都唔出查斯古特, 場場後備入替既唔係韋托特, 就係沙夏或者多拉素, 今場沙夏停賽, 結果查斯古特後備入替, 最後成為唯一一位射失十二碼既球員, 意大利成功四奪世界盃, 唔通查斯古特既星座真係唔利法國？杜明尼治真係好勁, 好似咩都知道哂... 但係人算不如天算, 星座小王子話過天蠍座係佢既命中克星, 所以唔會選天蠍座既人入法國隊, 更何況落場比賽？ 佢最忌既就係天蠍座, 但他萬萬都料不到, 今場執法球證既星座, 原來就係克死法國既天蠍座！ 「妖！機關算盡, 竟然算漏左個球證！估唔到連球證既星座都要計埋！」 意大利國家隊奪得本屆世界盃冠軍, 意大利偉大的左後衛格羅素堪稱奪標功臣, 十六強對澳洲完場前三秒搏得十二碼, 四強對德國加時一百一十七分鐘, 射入一球關鍵性既入球帶領球隊闖進決賽, 決賽對法國互射十二碼, 意大利偉大的左後衛自動請纓射第五球一射中鵠！意大利四奪世界盃！ 日本武士甘莫蘭尼斯完場後在中圈剪頭髮亦令人難以忘懷.... 如果意大利兩大神級人物, 巴治奧與馬甸尼亦在陣中的話, 相信結局會更完美, 偉大的左後衛與偉大的十號！四年後南部非洲的盛宴再見！ 四年後我地五個又再一齊系一個 keyboard上打過炸彈人！

>>February 6, 2007 at 10:56:31 PM GMT+8

2006 年 7 月 12 日 星期三 【酷熱】

今日梁琬婷系我屋企整糯米糍, 三碗水, 兩碗糖, 三碗糯米粉, 要一路煲一路攪溶哂佢, 之後蒸半個鐘, 我地驚覺唔夠椰絲, 所以系呢半個鐘落左惠康買, 之後上返去, 就同我阿媽細妹一齊包紅豆餡, 又幾好食 wo, 叫梁琬婷整多 D過我食先.... 陳太教你整糯米糍, 每一個步驟逐步教你, 睇唔明就留言問 la！ 梁琬婷又爆粗 sosad！之後佢話呢次係佢第一次自己整, 所以好驚整得唔好食, 不過睇個樣有板有眼, 應該冇問題既... 好 sad, 竟然當面鬧我白痴... 煲好左, 食家拎去蒸, 好似燉蛋咁, 好得意... 好野！蒸完就包得 la！ 我同梁琬婷落左惠康買椰絲, 而樓上就蒸半個鐘, 上返去時, 終於蒸完 lu, 之後我阿媽, 我細妹同梁琬婷三個人開始包糯米糍... 阿郭, dennis, 團長佢地走寶勒, 如果佢地仲系度就有得食既... 我細妹一路包一路食, 結果搞到越包越少..sosad... 終於完工, 又真係幾好食 wo...

>>January 31, 2007 at 5:21:33 AM GMT+8

2006 年 7 月 11 日 星期二 【微雨】

今日我地同梁琬婷姑媽仔, 同埋佢姑媽仔 D朋友去天水圍濕地公園, 點知去到門口見到濕地公園閂左, 先知道星期二休息, 咁我地唯有去第二度 la, 因為我地 prepare好哂去濕地公園既野, 雪左幾支冰, 太陽眼鏡, sun block等等, 所以我地決定去元朗綠田園, 呢個地方都冇咩人會去, 都見唔到遊客, 我地踩左三十分鐘水上單車, 雖然成個塘得我地, 但個塘好細, 都唔好玩既, 又累 wo, 只係踩踩下見到有條金色既錦鯉游過咁大把.... 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 點解架船會唔平衡既？唔通....聽下梁琬婷點解釋... 梁琬婷竟然當眾爆粗！！我地發現池中金鯉魚！！ 「從前如不羈的 win不愛生根...」雖然今日冇太陽, 不過梁琬婷話佢發出太多甜蜜光波, 所以要戴返幅超... 再發現金鯉魚！！不過梁琬婷竟然想撞佢！！ 之後同佢姑媽仔去到綠田園既觀音像, 我同梁琬婷系o個度餵龜同魚, D魚就好醒目, 好快就食左 D糧, D龜就要丟正系佢面前佢先識食, 真係餓死都冇人可憐, 我地就系石橋上面向龜山同荷花池兩邊不停咁丟.... 梁琬婷用個鼻抹落我件衫, 我問佢做咩抹我, 佢話因為有汗... 跟住我地去左個商場度食大快活, 我又同梁琬婷 share一個下午茶餐, 食完野我同梁琬婷兩個人就搭輕鐵去左元朗, 我地搵左一陣就搵到 B仔涼粉, 嘩！厄人既, 只不過係一大兜罐頭生果加涼粉, 五十三個大洋超大兜, 我同梁琬婷兩個人點食得哂, 好似五餅二魚咁, 食完仲多過未食, 食食下又有飛烏蠅衝落台上, 個侍應見到若無其事, 梁琬婷就嚇到彈開廿尺, 早知叫芒果糯米慈仲好, 又好食又平, 好過 B仔涼粉.... 搵極都搵唔到涼粉, 唯一可取之處係將 D波羅放入提子裡面... 我地一邊食一邊細訴今日俾人厄既事！！俾人厄左三次！！ 因為我地偉大既梁小姐關係, 我地叫多一串芝士腸.... 諗返今日o係綠田園個 tum仔裡面, 踩左半個鐘唔知做咩 sosad... 我同梁琬婷講, 只要將芝士腸放入 B仔涼粉中, B仔涼粉就會有芝士味, 佢竟然唔信我！！ 唔知點解, 食食下會有烏蠅衝落台上 sosad... 仲有梁琬婷賴貓實錄, 明明係我出錢買墨魚丸食, 佢竟然話佢頭先請我食墨魚丸, 我話我出錢 ga, 佢就笑笑口話： 「明明我話請你食 ga, 既然你咁想出錢, 咁我唔阻止你 la！」 佢仲話, 見我咁慘, B仔涼粉就幫我出十個大洋, 真係謝主隆恩！

>>January 23, 2007 at 10:06:34 PM GMT+8

2006 年 7 月 10 日 星期一 【晴】

今日梁琬婷系我屋企食完晚飯就返天水圍勒, 但係我地竟然系香港仔巴士站鬧交 wo... 事緣係梁琬婷叫我俾返 $13薯片錢佢, 因為佢出左 $13買薯片俾自己食, 不嬲都係我出錢既, 但佢出一次錢就問我拎返, 不過佢自己買左之後, 尋晚睇波時又唔食, 包薯片留左系我屋企又唔拎走, 之後佢拎左我手上我地兩個既搭車錢, 話當係薯片錢, 要我再拎碎銀包出黎拎兩人既巴士錢, 我梗係唔制 la, 我搶返佢手上既十三個大洋, 梁琬婷竟然發老皮嬲我, 咁我諗住篤佢塊面 tum返佢, 佢一手 fing開我, D散紙就咁跌哂落地下, 我執返時, 好多人望住 sosad.. 我唔出聲, 梁琬婷都知衰, 想 tum返我, 上到巴士, 我打緊呵欠, winnie就塞個拳頭入我個口度, 痴線 ga... 佢又當我 BB咁, 我另個頭過去, 見到佢扁咀, 另去另一邊, 之後再另個頭過去, 佢又係扁咀, 個頭另去另一邊, 再另返過去, 佢竟然依起棚牙, 笑到我肚痛.... 跟住佢用我隻手抹鼻, 我話做咩姐, 佢話佢個鼻有汗, 我心諗原來如此... 但我諗左一陣, 佢繼續用我隻手抹緊, 我先發覺自己俾佢搵左笨！ 佢仲要理直氣壯若無其事咁話因為佢個鼻有汗！ 隔左陣我捉佢隻手放入我個鼻窿, 佢問我做咩姐, 我話因為有鼻屎, 佢就心諗：「哦...原來係咁..」佢又係諗左一陣先發覺唔對路... 我諗呢個世界上冇邊幾對情侶會為左 $13港紙而嗌交... 識梁琬婷咁耐以黎, 第一次嗌交既情況就係咁勒, 唔知好嬲定好笑, 原來我都幾搞笑, 平時睇戲睇演唱會, 我都會出哂兩個人既錢, 而覺得冇咩所謂, 但細眉細眼幾個大洋, 就同梁琬婷計得清清楚楚, 仲當街當巷為 $13嗌交 tim, 究竟係咩心態呢？

>>January 10, 2007 at 1:21:38 PM GMT+8

2006 年 7 月 9 日 星期日 【晴】

今晚係世界盃決賽, 意大利對法國, 夜晚 D阿叔姑姐黎食飯做節, 梁琬婷都有一齊去, 食完飯八點, 我地就返屋企整芒果湯圓, 我細妹, 我阿媽都有一齊整, 幾好玩.... 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 整完芒果湯圓, 時間岩岩好, 三劍客就上黎睇波 la, 今晚係最後一晚, 梗係要盡興而回, 都唔知下次咁玩要等到幾時 lu... 雖然諗起都有 D失落, 但得快樂時且快樂, 開心埋今晚佢, 今日唔知聽日事, 及時行樂最緊要！ 我地依然系開波前幾個鐘玩炸彈人, 玩極都唔厭, 玩玩下就走左去睇阿叔話當年, 但都係系度廢 up, 我地又走返過去打炸彈人, 係阿郭死纏住部電視唔肯過黎打... 今屆世界盃決賽終於開波 lu, 我地開始食野睇波, 當然唔少得頭先整既芒果湯圓, 加上阿郭買上黎既黑芝麻糊, 兩樣溝埋一齊食簡直一絕, 三種味道完全唔 match, 芒果有芒果既酸, 糯米有糯米既淡而無味, 黑芝麻糊有黑芝麻糊既甜到漏, 三種唔同既味一次過擺入口食, o個種感覺好難形容, 仲難食過上次梁琬婷整既冇花奶雜果涼粉 sosad..

>>January 10, 2007 at 12:52:26 PM GMT+8

2006 年 7 月 8 日 星期六 【晴】

尋日同梁琬婷去左會展個教育展, 拎左好多資料, 整理完今日又要再去過, 不過先去金鐘 space問左先, 結果原來 space所講既野全部都係得個講字, 問深入 D佢就叫你去第二個部門問, 我地岩岩先系o個個部門黎, 係佢地叫我黎呢度問, 結果走來走去, 終於問到個話得事既, 佢俾既答覆係, 本小冊子上面寫既全部都係得個講字, 唔怪得之 la, 佢印一印個名有幾難？仲要印廿幾三十間, 原來全部都唔得既, 激到梁琬婷抽筋, 我話預左 la... 之後返去會展個教育展, 問埋 D詳細資料就走勒... 我地返左香港仔, 去聖安娜拎之前訂既芒果 mousse蛋糕, 睇落好似好好食咁, 加上 winnie有一百銀代用券, 所以呢個蛋糕一百五十個大洋就 ok la！ 今晚係世界盃季軍戰, 德國對葡萄牙, dennis、阿郭、團長又上黎睇波兼打炸彈人, 今次阿郭買左兩大支汽水同雜果打算整什果賓治, 我地就拎左個湯煲用黎溝汽水, 之後倒 D雜果落去, 咁就搞掂, 又幾好飲 wo, 倒出黎一杯杯唔錯唔錯... 我地五個人都不停咁斟黎飲, 因為真係幾好飲, 不過你地班死仔, 我阿媽見你地成日上黎睇波, 又捱夜又食埋咁多熱氣野, 次次都煲 D白果糖水俾你地飲, 結果個個都唔俾面, 係得 dennis捱義氣飲兩碗, 依家整雜果賓治又搶住飲... 上得黎當然又五個人十隻手系一個 keyboard上玩炸彈人 la, 三點先開波, 佢地十二點就上黎打機, 勁好玩, 不過如果得返阿郭同其餘一人未死, 而o個個未死既上左火車, 再俾阿郭按左個制整到變左循環火車, 咁阿郭就會出極冇體育精神既絕招, 企系中間拉布拖時間, 出面死左既三人掟極炸彈都炸唔到中間既阿郭, 阿郭又唔會放火車上o個個出黎, 等到 times up落石頭, 火車上o個個就會被壓死, 阿郭勝之不武豈止呢招, 系雪地或樹林呢 D咁多隱閉既地方, 成日玩玩下唔見左個人, o個個就係阿郭, 佢籬埋左等人見佢唔到, 系出面互相殘殺, 自己就系度拉布拖時間, 不過通常 dennis同團長時不時都會大叫： 「點解少左個既？」咁我地就會不停放炸彈系隱閉既地方迫阿郭現身..... 最好笑始終係場上得返兩個人, 而佢地一齊被炸死, 個個以為 draw game時, 突然有個死左既人復活一秒之後贏左, 因為o個兩個被炸死既人, 應該有一個係俾出面死人發出既流彈所殺, 所以死左既人只要系出面掟炸彈入黎炸死到人, 就可以復活取代你殺左o個個人, 而有 D好狗既玩者例如我同團長, 有時會一開始自殺, 之後系出面掟炸彈入黎殺人復活... 最屈機既係拎到追蹤炸彈同「對串牆」(周星馳套唐伯虎點秋香), 有追蹤炸彈就可以迫到籬埋左既阿郭現身.... 各人對於雜果賓治的評價...

>>January 4, 2007 at 4:45:08 PM GMT+8