2006 年 4 月 25 日 星期二 【陰】

《歌神陳奕迅非人歌集》 1.《時代曲》 呢隻係 eason出道第一隻歌, 填詞黃偉文, 我試過唱卡啦 ok唱呢隻俾人鬧, 咁呢隻唔係 k歌, 咪俾人鬧 law, 不過呢隻歌真係好正, wyman都係搏一搏, 因為呢隻歌好難唱, 所以俾新人唱有 D冒險, 當中「好想唱一闕歌, 叫你認清楚我」一句, 正好表達 eason初出道的心聲... 2.《游離份子》 「離別你, 懷念你, 尋覓你, 卻未忘記你」好好聽, 正歌！ 3.《第五個現代化》 我同我女朋友成日手舞足蹈咁又唱又跳呢隻歌, 「多麼多麼新鮮的東西, 叫我叫我處處去控制, 要愛要愛卻要按哪掣, 日日問上帝！」 最激既係, eason可以三秒內讀完下面呢句歌詞！ 「禁多一個什麼的制就多一套幸福真諦再禁多一個什麼的制就多一次愛心的發揮！」 好多人都淨係留意 eason D慢歌, 不過 eason D精神分裂歌都好正！ 4.《每一個明天》 填詞林振強, 正到爆！《今日》都係佢作！ 如果《今日》係講自己既話,《每一個明天》就係講愛人, 一開始 eason會同班小朋友一齊大合唱.. 「結伴創將來多麼的美, 你的路我的途, 再也不分己與彼, 有浪有風來, 不捨不棄, 每一明天也贈你....」 之後呢一句, 係講 eason自己同徐濠縈,「無問獅子雙魚, 前面有沒有驚喜...」 因為 eason係獅子座, 佢徐濠縈係雙魚座, 係咪好 sweet呢？ 「天佑我的愛人, 這日明天一世把她寵愛, 天佑我的愛人, 有她不再覺得生命無奈, 敢愛... 你是我將來, 不捨不棄, 每一明天愛著你....」 有好多人以為呢隻歌叫《天佑愛人》, 其實佢係叫《每一個明天》ga！ 唯一遺憾係, eason咁多個 concert都冇唱過呢隻歌, 唔知 get a life有冇呢？ 5.《時光倒流二十年》 「遺憾我當時年紀不可親手擁抱你欣賞, 童年便相識, 餘下日子多閃幾倍光, 誰讓我倒流時光一起親身跟你去分享, 能留下印象, 閱覽你家中每道牆, 拿著你歌書, 與你合唱...」 隻歌好正, 好中學 feel, 好懷念... 6.《專家話》 eason精神分裂第二炮！最正係有一段 eason一路唱, 後面又用自己把聲「朗讀」歌詞, 結果有兩把 eason既聲, 「朗讀」得勁搞笑, 好似小學生朗誦新詩咁.... 「十萬樣做法像是對, 但錯我也不知, 實在沒辦法辨別每樣看法與構思, 有專家會蝕言, 一些卻未能辨, 誰是對, 或會準, 或有偏差, 有商確異見...」 7.《一匹布》 呢隻歌好溫情, 好warm, 特別係呢句.. 「話當年, 談改變, 老花花鏡裡浮現, 一疋布長長懷緬, 老掉牙嘆數十年...」 我成日一聽呢隻歌, 就諗緊我五六十年之後, 兒孫滿堂, 同老婆梁琬婷甩哂 D牙, 同 D孫仔孫女講我地以前既故事, 緬懷當年我地有幾傻, 有幾癡, 笑騎騎咁就一世 la, 幾開心.... 8.《人來人往》 我覺得《人來人往》正過《明年今日》好多, 呢隻歌真係會唱到喊 ga, eason唱出了很悲涼無奈的感覺, 「愛若為了永不失去, 誰勉強娛樂過誰, 愛若難以放進手裡, 何不將這雙手放進心裡....」 9.《1874》 呢隻歌真係正, wyman D詞真係「到」到呢... 好明顯 eason係 1974年出生, 隻歌係講戀人比自己早一百年出生, 「仍然沒有遇到, 那位跟我絕配的戀人, 你根本也未有出現, 還是已然逝去, 懷疑在某一個國度裡的某一年, 還未帶我到世上那天, 存在過一位等我愛的某人, 夜夜為我失眠, 從來未相識已不在, 這個人極其實在卻像個虛構角色, 莫非今生原定陪我來, 卻去了錯誤時代... 情人若寂寥地出生在 1874, 剛剛早一百年一個世紀, 是否終身都這樣頑強地等, 雨季會降臨赤地, 為何未及時地出生在 1874, 邂逅你看守你一起老死, 互不相識相處在同年代中, 仍可同生共死....」 依家仲未搵到另一半既人, 有冇諗過, 其實你既絕配, 其實已經系一百年前, 某一個國度裡等你出現, 但係大家出生在錯誤的時代, 而見唔到面呢？ 我同我女朋友未邂逅前, 大家都覺得自己可能會孤獨終老, 因為我地彼此的絕配戀人, 都出生了在錯誤的時代..... 直到遇上對方為止, 我地先知本來大家都係一百年前既人, 兩個都出生在錯誤的時代 (現在), 兩個錯誤同時發生, 才令我倆有幸遇上, 不致於同情人分隔兩個時代.... 我地兩個都好迷 eason~ 10.《兩名男子街頭相遇》 呢隻正啊！get a life有唱呢隻 tim！eason精神分裂第三炮, 真係超頂癮！ 我諗只有 eason這種精神分裂既人才唱得出這些歌, 叫李克勤、古巨基唱《明年今日》還可以, 不過佢地絕對唱唔到呢隻！ eason就係因為精神分裂先至咁有魅力, 正經有正經唱, 慘情有慘情唱, 溫情有溫情唱, 厲志有厲志唱, 悲歌有悲歌唱, sweet sweet有 sweet sweet咁唱, 癲喪狂有癲喪狂唱, 這樂壇只此一臣！歌路真係超廣, 咩歌都唱得！ 「你知唔知我 (我唔知播), 今日發生乜野事, 我男人老狗, 走去買個 Barbie, 佢望左我一眼, 話我鬼咁白痴, 出黎行, 梗係要有 LV！」 11.《Katrina》 「殘忍的單戀非你專利, 我卻在這裡照顧你, 如果比辛酸怎跟我比, 我愛慕的卻是我知己, 真喜歡你, 尚要借你暗戀他去接近你, 才可悲...」 黃偉文加陳奕迅等於無敵, 正！ 12.《不良嗜好》 我覺得 U-87裡面, 最正係《葡萄成熟時》, 之後就到呢隻, 一聽到個 intro我同我女朋友就會手舞足蹈郁身郁勢, 好鍾意呢類輕快既歌, 聽落好舒服, 再加上當時 (上年夏天)柔和的陽光同風, 正到震！ 「茶和咖啡, 同樣供給刺激, 可惜世上唯有煙, 熱吻足我十年....」 另一個咁鍾意呢隻歌既原因, 係因為係林一峰作曲, 黃偉文填詞, 我最鍾意既三個音樂人炮制既呢首歌, 真係正到冇得頂！下面呢句真係金句, 金句.... 「早知快樂和有益, 就似水碰著油...」 13.《大個女》 好少人會鍾意呢隻歌, 可能因為冇共鳴吧.... 《葡萄成熟時》因為有極大既共鳴, 先令所有 eason迷同非 eason迷鍾情呢首歌, 我都好鍾意《葡萄成熟時》, 不過我亦好鍾意《大個女》, 唔駛問, 又係 wyman填詞, 呢隻歌好 warm, 好溫情, 感覺到 eason已經去到另一個階段, 由《每一個明天》對女朋友的眷顧, 到現在對自己個女既期望, 更令我感動的, 是以下這一句.... 「時光會迫你這副萬金之軀, 競逐世上各樣乜乜之最, 你若決定要做最尾一名絕對允許....」 相信每個人都想自己的爸爸對住自己講呢一句, 我諗康堤大個時聽返一定會好霖~ 最後一隻, 亦是我覺得 eason唱得最好的一首.... 14.《預感》 可能冇咩人識, 不過如果冇聽過呢隻, 我覺得會係一種遺憾, 你可以訓系度齋聽呢隻歌, 聽到 eason既歌聲, 就彷彿去到另一個時空, 咩野都唔駛煩, 只係專心聽呢隻歌, 無論如何一定要聽呢一隻歌, 真係好好好好聽, 好柔和, 聽落好舒服, 呢隻歌真係一隻「純聽覺的享受」...

>>July 10, 2008 at 3:27:48 AM GMT+8

2006 年 4 月 24 日 星期一 【溫暖】

《豪氣吞吐風雷, 飲下霜杯雪盞》

>>May 14, 2006 at 6:29:16 PM GMT+8

2006 年 4 月 23 日 星期日 【清涼】

《孝順仔給爸爸的一封家書》

>>May 14, 2006 at 6:29:01 PM GMT+8

2006 年 4 月 21 日 星期五 【晴】

《小丸子的心事》 小丸子又有心事　呆望雨 小丸子的腦袋　中央諸多鬼主意 小丸子又再出事　鼻上碰灰 小丸子的理想構思　沒人和議 最害怕這一個月連續　七科考試 盼望我每一個月　行公司七八次 最愛動物　要做博士　小妹也有大志 研究小蚊子　飛鳥大象樹熊或魚 孩子與學士被迷住　並非因小妹本事 喜歡我　小丸子　原因我真摯 何韻詩 1996年參加新秀出道, 第一隻屬於自己的歌就是《小丸子的心事》, 之後四年苦無機會出碟, 便跟梅艷芳週遊列國登台, 2001年回歸樂壇, 學得百般武藝, 出了第一張屬於自己的唱片, 但仍是寂寂無名, 之後到我的聖伯多祿中學擔任歌唱比賽嘉賓, 很記得那時我是中四, 何韻詩唱了三隻歌,《千千萬萬個我》、《光榮之家》、《小丸子的心事》, 過了不久, 何韻詩就紅起來了....

>>September 24, 2006 at 10:23:53 AM GMT+8

2006 年 4 月 18 日 星期二 【晴】

《皇馬如何能像巴塞一樣, 從沉淪的深淵復甦, 成為皇者？》 前幾年巴塞仲沉淪緊, 聯賽中游, 冇得踢歐聯, 而皇馬唔係聯賽冠軍, 就係歐洲冠軍, 冇記錯巴塞當年購入細哨 (兩年前), 半季後依然冇起色, 仲係中游八九名徘徊緊, 而皇馬就係榜首球隊, 首循環魯營主場對皇馬輸 1:2, 廿年聯賽主場不敗於皇馬的光輝歷史被破, 巴塞隆拿跌落萬劫不復的深淵... 之後列卡特做左佢領隊生涯最重要既決定, 向祖記借戴維斯, 當年戴維斯已走下坡, 所以祖記肯借走佢, 而皇馬仲潤一潤死敵, 話希望戴維斯真係能夠幫到巴塞 la, 我估列卡特都係孤注一擲, 九成球迷都唔睇好巴塞可以即刻復甦.. 但戴維斯一黎到, 即刻將巴塞從深淵救出, 聯賽九連勝, 最後聯賽第二名, 直迫皇馬 (如果冇記錯), 下一季戴維斯離隊, 細哨 on fire, 重奪失落五年的聯賽錦標, 反而風水輪流轉, 依家到皇馬沉淪, 雖不致於冇得踢歐聯, 但成績好唔好, 表現如何, 有目共睹.... 我覺得皇馬賣馬基利尼係近十年做得最大既錯誤！ 仲有就係迪保斯基, 放棄一個幫球隊贏得無數聯賽、歐聯的領隊, 真係前所未見, 聞所未聞, 有 D領隊蛋都呵唔到隻, 迪保斯基當時一定好無奈, 不過依家一定好心涼, 皇馬班高層至到球員, 一定好後悔當初放棄呢兩個人.... 一命, 二運, 三風水, 先不論後防問題... 中場：碧咸有能力, 但由佢一個出波的話, 用來用去都係得一招, 難以突破.... 施丹雖老, 但組織力不會因為老而下降, 皇馬需要一個似施丹、尼維特、細哨般的天才中場, 巴迪斯達的正中場能力不可忽視, 因為他的冷箭很可怕, 不過, 正中場需要組織同入波一樣重要, 多些時間的話, 他可能係皇馬的核心中場.... 加維臣身為中場中路, 要他打防守中場, 唔攻只守, 最大問題係能力未能解放, 是因為後防問題, 如果後防好的話, 他的能力便會大解放... 前鋒：魯爾太沉, 或者係叫黑仔, 傷的時間, 皇馬連勝8場, 佢好似雞肋一樣賣又唔係, 留又唔係, 個人見解係放走佢好 D..... 肥度, 如伍晃榮話「勁既時候真係好勁」, 我覺得佢冇左鬥心, 係唔係因為乜獎都拎晒而放緩自己呢？定係受過重傷, 怕再受多次要收山？ 卡斯辛奴, 放佢打正選 la！買佢番黎又唔用, 皇馬做乜春？ 羅賓奴, 有待成長, 但皇馬可以將佢轉型成左中場, 我覺得皇馬左側擊能力弱了不少, 羅賓奴轉型都不是壞事.... 後防：希古拿不是後防的材料, 但我怕佢連防中都唔識打.... 活基治, 有能力, 但易傷, 皇馬願受風險的話, 留多一年都可以, 沙治奧拉莫斯有待成長, 後防球員是由每場比賽累積經驗的... 沙加度, 打後備 la, 卡路士, 打多年好 la.... 施仙奴, 好用, 但留意自己好似師兄卡路士咁, 經常上前場, 你都係等師兄退休後先打番個進攻型的左閘 la..... 始終我都覺得如果皇馬想好似巴塞咁從深淵復甦, 就要購入一個像戴維斯能攻能守, 打掉門牙帶血吞, 全能型的防守中場, 瞻前顧後, 有用不完的氣力, 前又見佢後又見佢, 就好似足球小將既葵薪伍一樣, 否則復甦遙遙無期....

>>April 26, 2006 at 5:04:37 AM GMT+8

2006 年 4 月 16 日 星期日 【微冷】

《足壇十位怪才》 NO.10 在法國隊新一代前鋒當中，誰是最先崛起的天才？ 是安歷卡。 早在98－99賽季，他就已經成為阿仙奴奪取雙冠王立下頭功， 在99年法國客場完勝英格蘭的比賽中，他更是獨中三元（最後一球被誤判無效）。 然而在轉會到皇家馬德里之後，他的分裂人格被媒體捅了出來。 他個性孤僻，行為古怪。 當時西班牙有個很流行的關於他的笑話： 一個小孩子慌張的對媽媽說：「不好了，有個人闖進咱家來了！」 媽媽說：「他長什麼樣子？」小孩子說：「瘦瘦高高，身穿皇家馬德里 14號球衣。」 媽媽說：「不用怕孩子，這個廢物什麼事情也作不成。」 可是，當年正是這個廢物用後腦勺淘汰了當時的王者拜仁慕尼克， 令皇家馬德里最終摘下冠軍杯。 如今，安歷卡正在積極爭取進入國家隊，但全世界都清楚最大的障礙在哪裡... NO.9 足球場上的各種過人動作早已經被先人發明出來了， 什麼告魯夫轉身，馬勒當拿踩球...... 可是在98年的法蘭西賽場上，一個來自墨西哥的小個子球員， 卻竊了中國人民玩毽子的動作，雙腳夾球跳起。 這個看似笨拙的動作十分惡毒，後衛為了避免犯規常常不敢輕易出腳。 因為這個動作這位球員聲名大噪。 隨後，這個小個子球員又在洲際杯上率隊擊敗巴西隊捧杯。 記住他，雖然他亮相的時間不多，他叫白蘭高。 NO.8 在金庸的筆下不乏身懷絕跡的武林高手，其中有一位還是舉世聞名的足球運動員。 他，就是金毛獅王謝遜，洋名叫做華達拉馬。 哥倫比亞瘋子太多了，能作瘋子們的隊長已經說明了他的實力。 雖然他在榮譽薄上沒有什麼大的斬獲，但他的球風卻獨樹一幟。 很多人認為他應該去打籃球。 他的絕活就是把球恰到好處的作給前鋒， 類似于籃球場上的空中接力。在傳球從不超過 15米的墨西哥聯賽裏他如魚得水。 但是他最大的遺憾就是人才濟濟的哥倫比亞沒有在世界大賽裏取得好成績。 而他的盛名，多半源自他張狂的髮型。 NO.7 1997年，誰是世界上盤球技術最好的人？ 是朗拿度？ 不是。 是施丹？ 不是。 他是巴西醜人足球隊裏面長的最象類人猿的那個，他的藝名叫丹尼臣。 在98世界盃前，世界上沒有後衛可以防住他，他的雙腳象風車一樣令人眼花繚亂。 世界盃之後，一切都變了。他就象從中國旅遊回來一樣，變的只會踩車輪子了。 就在人們逐漸忘記他的時候，這傢伙又在 2001年爆發， 成為巴西隊在美洲杯和世界盃預選賽上的關鍵人物。 而他所在的俱樂部皇家貝迪斯也成為一支勁旅。 可惜的是，他已經和普通的球星沒什麼兩樣了。 NO.6 有個身高一米七出頭的球員，居然是他們國家隊的頭號守門員。 更離奇的是，這位守門員摘了手套還能打前鋒。 在一場美國大聯盟足球賽中，這位守門員下半場換下守門員衣服， 充當前鋒梅開二度，創造了足球史上的奇跡。 他，就是墨西哥花蝴蝶甘波斯，一個好門將兼一個好前鋒。 NO.5 誰是巴西醜人足球隊裏最帥的人？ 就是那個總是一臉壞笑的小矬子，巴西泡妞王， 世界上射門力量最大的人，羅拔圖卡路斯。 當李華度,朗拿度們正在鬧離婚的時候，這個總是以巴西頭號帥哥自居的矬子， 卻是家裏大旗不倒，家外彩旗飄飄。 在神奇的 1997年，這位矬子總是能夠獻上怪異的定位球， 零度角淩空破門等類似於科幻電影的鏡頭。 近年來雖然他進球少了，但每個守門員都懼怕他的大力抽射。 估計他的某些功夫也是令人可望不可及的吧。反正妞們都迷他呢。 NO.4 在英格蘭，有個天才，他在場上的一舉一動都令對方防守人員頭疼， 並且吸引全世界的目光。而在場外他也是狗仔隊的頭號鎖定人物。 他是誰？ 碧咸？ 天哪，如果碧咸也算天才的話那麼足球場上的天才也太多了。 不錯，他就是那個死胖子，加斯居尼，英格蘭90年代唯一的天才。 他肥碩的身體並不能妨礙他練就超強的控球技術， 而他富有想像力的傳球則更令古板的英國人津津樂道。 和多數天才一樣，這個死胖子也是現實生活中的弱智兒童。 不停的搞事連累了他的足球生涯。 聽說中國人正在和他打官司呢，沒下文了。 NO.3 哥倫比亞的瘋子們有的靠長毛出名，有的被人幹掉出了名， 真正靠瘋狂出名的就是這丫了。 該用手接的球，他跳起來用腳後跟踢出去。 經常晃對方前鋒，90年被米拉大叔撿了個便宜，這丫居然沒給哥倫比亞黑社會幹掉。 最近沒他的信兒了，2003年的時候他火了一把， 老邁的他居然在哥倫比亞一場乙級聯賽中球門球直接破門， 直接將另一位門將中的怪才芝拉華特擠出了十大怪才名單。 有一年丫想到北京國安隊淘金，北京人居然說他難以管理拒絕了。 真菜了。就這種思維中國那些所謂的天才永遠不知道自己幾斤幾兩。 狂人希基達。 NO.2 以前有個小孩得了小兒麻痹症，一個腿長一個腿短。 可他楞是成了和比利齊名的球星。他的盤帶技術連比利都自歎弗如。 當時一個後衛這樣評價他：假如世界上有 10米賽跑，加林查一定是冠軍。 是的，他叫加林查，一個和比利齊名結局卻淒慘異常的苦命天才。 NO.1 誰是世界上進球最多的人？ 是巴迪斯圖達？ 不好意思我實在是太喜歡這傢伙了才忍不住提了他一下。 是比利？ 恭喜你，差點就說對了！ 其實，進球最多的人不是大家經常提起的比利，而是一個中國人。 對了，他就是我們在電影上看到的「大力金剛腿」。 他射出去的足球象炮彈一樣，禁止民間收藏武器的國家應該把他抓進監獄， 因為他的腿上藏了一門加農炮....... 在中國同比利時的一場足球賽中，他帶球形成單刀之後， 居然嚇的對方門將抱頭鼠竄，寫下了世界足球史上的傳奇。 據統計，他的正式比賽進球比比利還要多。而他的力量更讓人稱道， 據說他可以一腳把球踢爆。 他最後一次活躍在賽場上是在1936年以教練的身份帶隊參加奧運會。 他的名字叫李惠堂，我們的中國球王。

>>April 24, 2006 at 2:29:36 AM GMT+8

2006 年 4 月 15 日 星期六 【颳風】

聖神修院避靜之山園祈禱.... 聖神修院避靜之慕道班同學分享... 很久沒有被人稱為最小的同學, 或者被稱呼為年青人, 個個都是媽媽輩.... 星期六慕道班中唯一說普通話的婆婆, 每天也會到聖堂祈禱, 很厲害... 參加彌撒的 winnie奶奶, 聖詠團的細妹, 還有幫手拍攝整晚彌撒 video的細佬.... 這個是儀姨, 我地同佢都差不多七八年冇見過面, 以前是 winnie奶奶的同事, 很驚訝今晚見到她... 金毛獅王頭的是 winnie奶奶, 另一個就是儀姨, 以前成日一齊跟聖堂去玩的... 我四五歲時已經跟 winnie奶奶返聖堂, 應該不是為了識女仔吧.... 點解...我會笑得咁奸 ga？當時只不過是四五歲... 左邊的是成人慕道班的導師陳國輝, 右邊的就是我當年青少年慕道班的導師姍姐姐.... 話說我中一二時曾經參加過青少年慕道班, 導師就是姍姐姐, 但唸完整個課程後, 準備領洗時, 我老豆以一個非常搞笑的原因唔俾我領洗... 「細佬同妹已經係天主教徒, 所以你唔可以, 你要繼承我既佛教, 傳宗接代..」 所以當時姍姐姐與 winnie奶奶通了好幾次電話, 但最後亦無疾而終... 上年七月我再參加過慕道班, 但身邊的過半是媽媽輩, 我經常被稱為最小的同學, 仍在讀書的亦只有我一人, 而其中一位導師就是陳國輝... 有一晚姍姐姐突然出現並坐在我身邊問我：「陳俊峰你記唔記得我 ar？」 「我當然記得！中一二時青少年慕道班的導師 ma...」 閒聊了幾句近況後, 我就好奇問她：「咦！？點解你系度既？」 「陳國輝係我老公黎 ga ma！！」 那時我大叫了很多聲：「下！！！點解會咁 ga！！？」 姍姐姐就話：「呢 D就係緣份 la, 你俾我地兩公婆都教過...」

>>May 14, 2006 at 6:27:28 PM GMT+8

2006 年 4 月 14 日 星期五 【微冷】

《橙色冰人 --- 柏金》 雖然我係曼聯迷, 但係伯金真係好正, 一個痴波痴到咁靚咁實既人, 幾廿層樓跌落黎都痴到好似落左膠水咁, 世上真係冇咩幾個... 真想睇佢拎世界盃, 當年的死敵阿仙奴, 前鋒有伯金, 奧華馬斯, 伊恩胡禮, 中場仲有比提、韋拉、柏奴亞, 後防五老迪臣, 溫特本, 阿當斯, 基昂, 施文... 好想柏金告別賽, 係 JVC時代既阿仙奴對現役既 O2阿仙奴.... http://www.youtube.com/watch?v=gviFtq6vXu8&search=dennis%20bergkamp http://www.youtube.com/watch?v=GY3xckT2H4I&search=dennis%20bergkamp http://www.youtube.com/watch?v=z2qgsrxZOxE&search=dennis%20bergkamp

>>September 24, 2006 at 10:27:50 AM GMT+8

2006 年 4 月 13 日 星期四 【微冷】

真係爽！天氣涼快得真想永遠都是這種天氣... 三四日前仲熱到發燘憎, 幾時都話凍好過熱.... 一首好正既歌, 宮崎峻《貓之報恩》主題曲, 當中既結他聲真係好好聽, 正到爆, 好聽到狂 repeat幾百萬次！ 一路聽一路唱, 一隻可以令人忘記所有煩惱事的歌, 勁喜呢類輕快的歌, 另一隻係魔神英雄傳的 opening《step》, 都係聽幾百萬次都聽唔厭, 好好聽, 沉醉在自我的空間, 咩都唔洗煩... http://www.dmcoo.com/Files/ComicMusic/dmmusic/猫之报恩.mp3 下面條片笑死我, 黑武士大戰日本警察, 仲用埋 master劍比武, round 2最後真係超爆笑的說！The power of dark side！Darth Vader... http://www.metacafe.com/watch/102484/darth_vader_vs_japanese_police/ http://lln-videos.metacafe.com/ItemFiles/[From%20www.metacafe.com]%20102484.498895.8.wmv 如果下面篇報導係真既話, 真係可喜亦可悲, 可喜的是廿年後石油耗盡, 都唔會冇能量用, 可悲的是...D政客同商人, 真係人類的大毒瘤, 為了自己的私利而損害全人類的幸福, 阻礙人類的進步, 更令地球受到不能挽救的污染, 真的有夠可惡.... 《真空能》 造物主的神妙總是那麼無法想像甚至無所不能，就看愚蠢的人類是否尋得曲徑通幽。 「交流電」之父美國科學家尼古拉泰斯勒（Nicola Tesla）除了發明「Tesla感應線圈」， 讓直流電變成交流電之外，他還發現只要豎起一支類似天線的東西， 就不需每家每戶裝一個電錶去買電力，換言之，尼古拉的發明將會使電錶不再存在。 這是個非同小可、徹底改變人類生活面貌的發明， 試想像每個人都可以「無中生有」的發電，而無須被電力公司吸血， 科學家告訴我們，如果當年尼古拉的研究得到資助並成功的話， 世界將比現在起碼進步八十年。 然而，在無不官商勾結權錢交易的人類社會， 由石油公司到發電廠所壟斷的龐大商業利益都緊扣著政客的利益， 試想像人類一夜間可以在空氣中得到取之不盡的能源， 那些狼狽為奸的政客商人將蒙受何等樣的損失。 所以尼古拉的研究終於因為缺乏資助而夭折， 即使在歷史上有千篇以上的論文證實他的放大轉換器和磁場轉化器的構想。 今天科學家在尼古拉的理論基礎上，對宇宙的能量有一個新概念， 發現宇宙充滿無數的永恆能源，根據現代物理，如一塊方糖的空間看似空空如也， 實質充滿了電磁能量，多得足以令世界運作十億年。 這些永恆的能源真的實實在在存於真空中，真空能絕對不會有任何污染， 不會有燃燒所產生的廢氣，不會有核廢料。 以下是運用真空能的一個概念：利用兩塊金屬板，在板與板之間當然是要真空的， 然後給兩塊金屬板微微充電，電壓盡可能提高，再將之駁上電池， 當真空把兩塊板拉近時，電荷互相排斥並流入電池，令它充電， 無中生有及無窮無盡的乾淨能源便產生了。 這種理論上的假設，已經有量子物理學家進行過驗證了， 甚至製造出一些真空能用品。當然，這距離實際投入到全人類的應用， 尚有漫長之路，況且能源供應商以及在他們卵蛋下漁利的政客， 絕不會坐視不理。然而，哪怕要再花上幾十甚至上百代人的努力， 只要我們夠聰明，大自然是非常仁慈的。

>>April 17, 2006 at 5:04:19 PM GMT+8

2006 年 4 月 12 日 星期三 【微冷】

《細路下次做功課小心 D la....》

>>May 14, 2006 at 6:26:55 PM GMT+8