2006 年 9 月 4 日 星期一 【晴】

《金庸群俠傳》 依家唔單止有《神鵰俠侶》睇, 凌晨兩點三亞視重播《倚天屠龍記》, 緊接凌晨三點三無線重播張衛健套《鹿鼎記》, 九月四日早上十一時四十五分無線重播黃日華套《天龍八部》, 好期待睇返黃日華扮喬峰, 那種豪邁真係激似, 好似仲有李若彤做王語焉, 除左唔滿意麻甩成份甚高既張鐵林飾演美男子楊逍外, 其他都幾好幾好, 小昭, 趙敏, 周芷若, 郭襄, 姑姑, 程英, 陸無雙, 個個女角都幾好幾好, 依家夜晚唔駛訓 lu.... 講真我真係為左睇小昭而再睇呢套《倚天》, 唔通睇吳啟華套《倚天》咩, 我相信呢套應該爛到俾人遺忘左... 楊逍、范遙當年江湖上人稱「逍遙二仙」, 都是英俊瀟灑的美男子, 不悔仲子踰我牆, 這時眼見楊逍英俊瀟洒, 年紀雖然稍大, 但仍不失為一個風度翩翩的美男子, 比之稚氣猶存的殷梨亭六叔, 只怕當真更易令女子傾倒, 紀曉芙被逼失身, 終至對他傾心相戀, 須也怪她不得... (張鐵林 pet鬚真係猥瑣得黎又麻甩, 你都係做返乾隆 la, 英俊瀟洒未到你...)

>>July 13, 2011 at 12:01:31 PM GMT+8

2006 年 9 月 4 日 星期一 【晴】

《最後在機場說再見》 今日我們一大清早便醒了, 與梁琬婷姑媽仔同姑丈仔飲完茶之後, 就正正式式由天水圍出發往機場, 記得八月中去上海, 我們都去過一次機場, 但兩次的心情好唔同, 記得那次從上海回到香港, 在機場裡梁琬婷話, 下一次再來機場, 就是離別的時候了... 在往機場的巴士上, 梁琬婷夾硬塞件風褸入細菌小子個頭, 結果扯爆左條拉鏈, 真係 sosad... 上年與梁琬婷拍了一個月拖, 她就要返回加拿大, 一年後, 即今年五月, 她才返香港過暑假, 這四個月過得好快, 不過我們在機場一 D傷感都冇, 我地仲笑到碌地, 梁琬婷臨入閘前仲好輕鬆咁講：「下年見！」 因為下年到我飛去加拿大探佢... 上年機場離別就真係好傷感好唔捨得, 不竟都係拍左一個月拖而已, 咩都唔穩定, 但捱捱下咁又一年, 都唔係好難姐, 好快過... 姑媽仔開始暴走, 係都要買野叫梁琬婷拎... 終於都買左, 竟然仲塞得落個袋度...= = 今年這四個月, 我們去了好多好多地方, 世界盃月晚晚在我家, 與阿郭, dennis, 團長一起睇波, 睇波前整野食, 糯米慈, 雜果賓治, 芒果湯丸芝麻糊, 雜果涼粉... 雖然芒果湯丸芝麻糊同雜果涼粉俾阿郭評為好難食, 但呢個回憶好好笑, 就係要咁先難忘... 到紅館看軟硬天師演唱會, 在會展看黃金十年音樂會, 再去南區球場看太陽計劃音樂會, 好興奮, 好難忘... 同 Amy大姐、溫敬良一起在長洲宿營, 踩單車食糖水, 兩個大男人唔夠兩個女仔飲, 話咁快就訓左真係 sosad... 申請左全年證到海洋公園玩夏水禮混水戰, 同我阿妹, 我阿妹 D朋友, 我表妹, 我阿媽一齊去, 總共去左六次, 完全抵返哂, 每次都係五十個大洋... 與我們一家人一起去了上海, 看過了黃埔江, 東方明珠塔, 到了杭州, 遊歷過西湖, 再去蘇州, 嘗過了萬三蹄.... 始終都是旅遊車的冷氣最正, 在酒店與我弟妹玩 com棉胎最好玩, 地獄採礦師同我老豆更成了我們四日取笑的對象... 平日一起在家懶洋洋的睡到中午, 吃過午餐再拼砌圖, 下午與我妹妹一起看卡通, 和我弟弟打電玩, 晚上一起看美女廚房, 女王的教室, 再踢拖落百佳買野食, 返上樓睇 VCD, 凌晨一面看女殺手一面 met我面毛, 見到咁既場面, 我細佬笑到抽筋... 與我阿媽、細佬妹一起到南丫島, 到我舅父的漁排曬鹹魚, 釣魚, 戴竹帽扮漁姑, met沙菜, 結果我們用盡方法都撈不到魚毛, 除了餵石頭魚吃龍眼皮外, 最好笑是梁琬婷忘記了自己是個都市人, 如果我們不提醒她, 她將永永遠遠留在漁排 met沙菜！ 與我們偉大的 7B中學同學一起坐遊艇出海玩, 唔識游水既我, 都俾梁琬婷迫我同佢玩香蕉船, 黃昏坐在船頭玩 killer, 梁琬婷每次都動議係我 sosad... 同溫敬良與 katrina到南丫島遠足行山, 由索古灣行到榕樹灣, 行左成兩個鐘, 之後因為一號風球可以玩衝浪, 不過好淺水... 去了科學館, 太空館, 歷史博物館, 足球展, 書展, 美食節, 漫畫節, 行過旺角新世紀廣場, 旺角朗豪坊, 屯門新城市廣場, 沙田新城市廣場, 馬鞍山廣場, 鑽石山荷里活廣場, 柴灣商場, 天水圍銀座...始終都是新世紀廣場與荷里活廣場最正！ 還記得在柴灣落錯車之後迷路, 行了很遠才問人, 先知道商場不在這邊... 去過金魚街, 每樣生物買了一包, 結果除了龜兄外, 其他生物在沒有食物, 沒有氧氣, 冰冷的冷氣房內, 都活不過兩天, 連面紅的波波魚都凍僵了...>< 到過淺水灣遊水, 在淺灘玩水, 吹海風, 吃七仔咖哩飯... 與阿郭, katrina, ivana到深水灣掘蜆, 之後返香港仔食艇仔粉, 相處十年定有吧的阿郭, 我還是第一次看見他發惡..^^ 去了太古城看冰雕, 在零下溫度錫錫好溫暖... 最後都要在機場告別, 但我倆沒有一絲傷感, 比上年開心得多, 我今年已經拍了 15GB與梁琬婷遊山玩水的 video, 睇返真係好開心, 好搞笑, 比起靜態的相片真實很多, 更動感, 更令人發笑, 更懷念... 我扮 Amy腔講野：「阿 winnie leung, 你咁做我都無話可說...」 梁琬婷入閘後都仲伸返個頭出黎... 異地戀, 只要你心中有佢, 佢心中有你, 就已經足夠, 我與梁琬婷拍一個月拖就分離一年, 到現在還好像熱戀期一樣, 就知道其實異地戀並不難, 甚至比本地更令人珍惜, 更令人懷念 ... 緣份要我們一起, 一起讓我們快樂, 快樂令我們忘形... 歲月要我們改變, 改變讓我們懷念, 懷念令我們珍惜... 成長要我們相距, 相距讓我們分別, 分別令我們回憶....

>>February 21, 2008 at 8:37:24 PM GMT+8

2006 年 9 月 3 日 星期日 【晴】

《Imagine there's no heaven, no hell below us...》 各大宗教的本質是沒有問題的, 佛教主張「放下屠刀, 立地成佛」, 基督教天主教主張「愛你的仇人」、「愛人如己」, 他們的最終教義都是為「善」, 如果全人類都照著最終教義生活, 這個世界就會和平, 沒有戰爭, 沒有仇殺, 美國鎗擊事件不會發生, 人人和諧相處, 每個人都為有「愛」.... 可惜就連「神」的民族 --- 猶太人, 都不明白這個道理, 為了一塊地而打生打死, 不停打打殺殺, 自殺式襲擊巴勒斯坦人, 他們甚至是「弒神」的民族... 基本上各大宗教的最終教義都是沒有問題, 有問題的, 是人... 其實每年天主教, 佛教, 回教, 基督教的高層, 都會聚在一起開會, 去商討如何「和而不同」, 基本上各大宗教領袖都好尊重其他宗教, 只是一些極端教派搞風搞雨, 反對其他信仰... 如果抱著「愛」與「放下」的信念去做人, 這個世界會和平好多, 可惜, 根本沒有人明白「最終教義」, 其他的繁文縟節, 根本不重要... 佛家思想與耶教道理, 其實可以並存, 前者的隨緣, 放下, 自在, 後者的愛你的近人, 如同自己一樣... 不可以並存的, 只有偏執極端信徒與繁文縟節...

>>June 27, 2011 at 12:53:26 PM GMT+8

2006 年 9 月 3 日 星期日 【晴】

《冰雕節》 今日我地去左太古城睇冰雕, 我地排左一陣隊, 梁琬婷仲話唔想著大褸, 因為個個都著過, 怕污糟, 不過好彩最後我地都有著, 因為裡面真係好凍, 裡面好細, 仲細過一個籃球場, 但係系出面唔駛排好耐隊, 因為多數人入去唔夠十分鐘就出返黎, 真係好凍... 入去 lu, 梁琬婷話佢好似返到加拿大咁... 梁琬婷扮冰雕超搞笑... 梁琬婷變成梁琬波, 籬左入冰屋... 原來凍既地方真係好凍, 我地行過時光隧道... 最衰阿郭仔唔系度, 如果唔係可以叫佢幫我地渣機... 我地排隊玩冰滑梯... 玩完冰滑梯, 我地出返去, 結果我幅眼鏡矇哂睇唔到野... 我地排隊時, 我仲走左去買老麥, 但係入去前食唔哂, 出返黎諗住再食, 已經變凍哂 sosad... 之後我地系太古城行商場, 梁琬婷要買泳衣同潛鏡, 買完之後我地就返天水圍勒.... 因為聽朝梁琬婷搭早機, 所以我就留o係天水圍過一晚, 我地睇左《美女廚房》, 之後仲同梁琬婷姑媽仔傾偈傾到半夜...

>>February 21, 2008 at 8:38:11 PM GMT+8

2006 年 9 月 2 日 星期六 【晴】

《掘蜆記 --- 序章》 今日我地去左深水灣掘蜆, 有阿郭, katrina同 ivana, 梁琬婷話, 只聞其聲而不見其人既夢夢終於出現, ivana亦都一嚐多年來既心願, 見到震撼 7B既梁琬婷... 阿郭話今日有驚喜, 不過要等到夜晚先... 我地系香港仔集合, 之後一齊出發去深水灣.... 去到深水灣, 佢地全部人去左更衣室換衫, 得返我同梁琬婷兩個系出面, 我地就無聊望下天望下地, 突然間梁琬婷叫我... winnie：喂！ 我：咩 ar？ winnie：睇下我... (梁琬婷扮鬼臉...) 我：wakakakakakakaka！！你個樣好白痴 ar！ 之後我就影左佢個樣, 笑死我！ 試問天下間還有比我們更白痴的情侶麼？ 我們真是一對非一般的情侶 --- 陳大 win與傻佬陳... 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 到達目的地！我地開始掘蜆... 我地發現有蟹仔, 同時間阿郭掘到第一隻蜆！ 捉到三隻蟹仔！！仲有螺！！ 不過阿郭叫我地唔好捉螺, 因為有好多, 好多就會成筒都係... katrin同梁琬婷問 ivana, 點解佢會俾人叫夢夢？ 係咪因為個名有個夢字？阿郭同我都笑左, 其實係因為有一日上上下 physics堂, 阿郭突然問我, 覺唔覺得 ivana好似戴夢夢, 當時同台既 dennis同團長, 聽到阿郭咁講, 一個個樣變成咁 --> 囧 另一個個樣變成咁 --> 結果呢個名開始流傳出去 sosad... ivana叫我地打電話俾佢時, 清楚係佢接電話先好叫夢夢, 因為佢屋企人唔知佢叫夢夢... ivana仲話, 阿郭系佢本紀念冊留俾佢既問題仲未諗到... 大概係「如瀑布般的長髮, 魚逆流而上, 猜一樣野」, 但係梁琬婷竟然篤爆左阿郭既「有深度」問題.... 原來阿郭對掘蜆有研究 ga wo, 聽下佢講咩...

>>October 12, 2007 at 11:56:22 AM GMT+8

2006 年 9 月 2 日 星期六 【晴】

《掘蜆記 --- 放棄篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 阿郭宣佈放棄！D蜆已經俾人掘哂... 阿郭講返世界盃時, 食雜果涼粉同芒果湯丸既經歷... 梁琬婷都已經放棄掘蜆, 走去「片石」, 但係 katrin片塊石系梁琬婷面前飛過... 阿郭講解雜果賓治製作法, 同埋「片石」要 15度先「片」到.... 梁琬婷話過去游水, 我叫佢信我, 半個鐘後就有成筒蜆, 阿郭竟然篤爆我...

>>October 12, 2007 at 11:56:05 AM GMT+8

2006 年 9 月 2 日 星期六 【晴】

《掘蜆記 --- 沙灘玩蟹篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 梁琬婷同 katrin游完水, 我地發現個筒有寄居蟹！ 阿郭都游完水返黎... 我地系度玩蟹仔, 但係佢地一路食餅一路講野, 唔知佢地講咩... 原來我地捉左隻青口, 寄居蟹真係好得意, 但係梁琬婷想成隻拉佢出黎... katrin講佢細個成日俾人厄既故事... 我地捉左 D蟹出黎玩, 總共有五隻, 但係佢地俾我地玩到唔識郁, 有一隻蟹仲係獨臂, 阿郭提議一人拎一隻蟹黎拍片, 但係結果放系沙灘上面既蟹仔想走佬！！ 梁琬婷同 katrin各自捉左一隻蟹仔咀咀, 但係阿郭大叫兩隻都係男黎 ga！ 「每個人心中都有一座斷背山！」D蟹仔仲會用後腳鉗實手指, 而獨臂蟹仲識出一招「黯然銷魂鉗」！

>>October 12, 2007 at 11:55:47 AM GMT+8

2006 年 9 月 2 日 星期六 【晴】

《掘蜆記 --- 斷背蟹篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 阿郭叫佢地快 D斷背 la！仲用沙堆左一座山, 之後阿郭係咁推隻蟹向前, 想推佢上斷背山, 梁琬婷竟然話：「唔係 ar, 蟹係打橫行 ga, 唔識打直行...」 阿郭先晃然大悟！估唔到梁琬婷呢個時候仲咁清醒...點知又走蟹！ 阿郭同 katrin不停叫梁琬婷出去行多一轉, 唔知做乜... 我地發現 D蟹反轉左就唔識郁, 但係獨臂蟹就得！ 阿郭見到梁琬婷既瘋狂行為後就話, 終於明白點解我同梁琬婷咁襯... 阿郭又系度吹水, 話感覺到呢個殼有生命力, 所以裡面有蜆... 之後梁琬婷竟然丟左成堆沙落個筒, 同埋佢地個個用筒裡既水洗手, 搞到個筒勁多沙, 我地要將 D蟹倒哂出黎, 之後倒哂 D沙, 再將 D蟹捉返入個筒度, 就係因為咁, 俾隻寄居蟹走甩左... 估唔到連阿郭都會「目及」沙灘女郎...sosad... katrin同梁琬婷系度四圍望, 想搵返頭先既黃衫大波妹, 有冇搞錯, 之後梁琬婷指住 D沙問咩黎 ga, 我話係我隻腳指...= = 我地放低哂 D野又衝過落水, 都唔知會唔會俾人偷野...

>>October 12, 2007 at 11:55:32 AM GMT+8

2006 年 9 月 2 日 星期六 【晴】

《掘蜆記 --- 楊過郭芙篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 阿郭, katrin, 梁琬婷三個系海中撩 D細路玩... 梁琬婷同郭芙楊過鬥玩韻律泳, 系海中倒立, 之後梁琬婷俾人嗌姨姨...真係 sosad... D細路開始失控, 同梁琬婷鬥撥水, 唔知做咩又倒立... 梁琬婷忠告市民, 切勿生育！ 佢地開始為撩起班細路而後悔... 我識阿郭咁多年, 都未見過佢發咁大皮氣鬧人...

>>October 12, 2007 at 11:55:14 AM GMT+8

2006 年 9 月 2 日 星期六 【晴】

《掘蜆記 --- 夕陽無限好篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 上返岸, 一人拎一隻蟹影相, 仲有咸蛋夕陽... 我地已經 standby好影相, 睇下佢地未埋位之前既樣, 佢地根本唔知我影緊, 好好笑...其實相片係一樣很奇妙的東西！ 明明係想抓住想拍那一刻的感覺, 但係卻會在 3、2、1時的那一瞬間, 莫明地喬裝起自己, 依家正好可以看看我們等影相既情景... 其間阿郭竟然想成盤蟹淋落佢地個頭上面！ 梁琬婷想踩住阿郭個囉 pat影相, 又撥哂 D沙落阿郭個背脊...

>>October 12, 2007 at 11:54:51 AM GMT+8