2006 年 9 月 2 日 星期六 【晴】

《掘蜆記 --- 艇仔粉篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地返到香港仔, 去左食艇仔粉！睇下架艇仔, 真係好有特色... 我地叫左四碗艇仔粉, 一碗糯米飯, 真係好正！ 我地坐低o係石梯食, 好有風味... D糯米飯又好好食, katrin本來要走 ga la, 但係佢都留低試兩啖先走, 但試試下竟然食左好多, 佢地去左買野飲, katrin就每一碗食一啖... 阿郭返到黎見到冇哂糯米飯！！我地問下第一次食既 ivana有咩評價... 睇下我地既食相！唔好講笑, 真係好好味... 我, winnie, ivana一家三口乎？

>>October 12, 2007 at 11:54:36 AM GMT+8

2006 年 9 月 2 日 星期六 【晴】

《掘蜆記 --- 賭神阿郭篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 阿郭, ivana, winnie, 阿郭個樣好串... 食完艇仔粉, 賭神阿郭就開始玩 magic, 我地系石梯上面好似聚賭咁, 梁琬婷問阿郭可唔可以睇下副牌第一張, 阿郭話梗係唔得 la, 就好似睇睇下魔術, 問個魔術師, 我可唔可以睇下個箱入面個女仔？ 我地睇左幾次, 都睇唔到破綻, 點解隻牌會由中間變左第一張？ 點解會由底上左面？之後梁琬婷系度發癲, ivana就話, 唔怪得你地兩個咁襯 la, 原來你地都係癲 ga！好 sad... 明明係反轉左放入去, 點解出黎會反返轉？ 阿郭話係劉華套《再說一次我愛你》入面學返黎, 睇佢個樣一定會黎溝女 la, 近排成日搵我地黎做試金石...

>>October 12, 2007 at 11:54:15 AM GMT+8

2006 年 9 月 2 日 星期六 【晴】

《掘蜆記 --- 驚喜篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 阿郭同 ivana, 睇下阿郭個樣幾囂... 神棍阿郭玩完 magic, 就揭曉佢預備既驚喜, 佢系袋拎左三個月餅出黎！！佢話因為 winnie後日走, 所以冇得同我地賞月, 依家就提早慶祝中秋節, 我地應該係全香港第一班賞月慶祝中秋節既人... 阿郭本來想買埋蠟燭, 不過因為仲係農曆七月, 佢驚驚... 三個月餅之中, 有一個仲係鮑魚月餅！！ 我地切左四件, winnie拎左既係「鮑」字, 阿郭係「魚」字, ivana係「月」字, 我雖然食左, 但就應該係「餅」字！ winnie掃哂 D月餅碎落夢夢隻腳度, 阿郭話o個 D係鮑魚黎 ga！ 之後阿郭話佢食到有魚味, winnie話食到有餅味, 我就食到有鮑味, 咁夢夢係咪食到有「月」味呢？ 佢地話今晚有《驚兆》做, ivana竟然唔記得中七上 bio時, 郭 sir出左去, dennis就推部電視出黎睇《驚兆》... 之後我地講開煲蠟, 就盤問 ivana有冇煲過蠟, 仲要拍低過程, 「夢夢小朋友, 你細個有冇煲過蠟？」 我地就好似審犯咁, 夢夢不停另頭, 竟然講大話！ 我地話夢夢個樣咁慈祥, 估唔到會講大話！仲煲蠟！ 第時同 D小朋友講：「護士姐姐以前煲過蠟 ga！！」 最後由阿郭做旁白, 阿郭話佢做左團長個位, 再影下個月亮, 又大又半圓, 又有星呀, 我地話其實係雲黎既..= = 點解要去阿郭旅行團？好玩！點解要去阿郭旅行團？正！ 之後再睇睇今日既成果, 用電筒照住筒蟹, 阿郭話好似即刻去左海洋生物館, 我地竟然發現多左一隻蟹...

>>October 12, 2007 at 11:54:00 AM GMT+8

2006 年 9 月 2 日 星期六 【晴】

《掘蜆記 --- 完結篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地本來有五隻蟹, 應該係換水後, 捉多左一隻入筒, 所以變左六隻蟹, 但係 winnie拎左隻出黎玩, 點知玩到跌左隻蟹落坑渠, 最後又得返五隻, 隻蟹仔走左隻落坑渠, winnie用電筒照坑渠去搵返跌左既蟹... 之後阿郭系度串 winnie同夢夢肥 sosad.. 阿郭真係變左, 以前都唔串人既... 我, ivana, 阿郭... 之後佢地上左我屋企, 睇以前中五同中七 D相, 仲有中一至中七既班相, 之後俾阿郭睇小學二年班同四年班時, 李華蚊俾我既聖誕咭, 裡面用紙整左道門, 上面寫住「請開門」, 當阿郭一開門, 見到一樣野, 真係連阿郭都笑到喊, 佢即刻打俾李華蚊同佢講, 估唔到小二同小四既佢竟然可以做出咁厲害既野, 小四既聖誕咭仲係小二既進化版, 更精簡, 更成功, 更立體, 更搞笑... 連聖記笑丈阿郭都甘拜下風, 真係好好笑... 夜晚梁琬婷同我細佬玩蟹仔, 竟然要隻蟹仔抬朱古力..= = 結果隻蟹仔食朱古力食死左..= =

>>October 12, 2007 at 11:53:39 AM GMT+8

2006 年 9 月 1 日 星期五 【晴】

《大功告成之一千塊》 尋日我地返左天水圍, 梁琬婷陪佢姑媽仔去元朗, 成夜晚六點先返, 我就系天水圍過一晚夜, 不過訓生保床, 半個鐘醒一次 sosad, 第二朝六點由天水圍回香港仔, 我地約左唱梁琬婷個加拿大朋友 Amy大姐, Amy細佬, 同埋郭駿仁系銅鑼灣唱卡啦 ok, 不過我地都唔係唱歌既, 我地同 Amy細佬玩 ABC拍手超好玩... 唱完卡啦 ok, 我地就去左玩具反斗城, 之後我地兩個去左探梁琬婷婆婆, 探完之後就返香港仔屋企打機... 夜晚我地同我細佬作最後衝刺, 一定要系今晚砌好塊 puzzle佢, 終於花費一個月既時間, 我地終於砌好一千塊既 puzzle, 不過當日我地係買左兩套一千塊 puzzle, 依家只係砌左一套... 我地打算放隻蟹上 puzzle上面等佢走, 不過怕佢鉗走一塊 puzzle走, 最後有一塊會唔見左... 我地三個排排坐砌 puzzle時, 極頑皮既梁琬婷, 不停推開我地既手唔俾我地砌, 因為佢自己要砌... 終於都完成 la！！ 當我想企系梳化上面, 從高處影塊 puzzle時, 暴力狂梁琬婷一拳打落我囉友, 之後狂爆笑, 每當我準備好影時, 佢都會一拳打落我囉友, 搞到我專心唔到... 梁琬婷已經不分青紅皂白, 瘋狂咁拳打我囉友...

>>October 11, 2007 at 1:55:12 PM GMT+8

2006 年 8 月 30 日 星期三 【晴】

《逛》 梁琬婷約左 katrin去行旺角, 我同梁琬婷出左去之後, 我就去左剪頭髮, 佢地兩個就行街, 我剪完後搵返佢地... 之後梁琬婷話要去荃灣買鞋, 我地搵左好耐, 終於俾我地搵到, 但係o個度好恐怖下, 冇咩人, 係貨艙黎既, 夜晚開鐵閘真係幾恐怖下, 結果都冇咩好買, 我地就去左仙跡岩食野...

>>September 26, 2007 at 6:25:12 AM GMT+8

2006 年 8 月 29 日 星期二 【晴】

《史上最強的農夫》 今日梁琬婷全日都系我屋企玩牧場物語, 因為佢系第一年不停搵錢同耕種, 日頭就上山釣魚去賣, 夜晚就去掘地, 播種, 淋水, 當體力透支時, 就上山食果實, 但後來發覺浸溫泉仲快仲方便, 結果日日如是, 因為夜晚可以不停「屈機屈時間」, 所以梁琬婷所有野都夜晚先做, 就連溝女都係溝夜晚開檔既吧女... 而每天大概可以系「出荷」前釣到三條魚, 賺到既錢就去狂買種子, 基本上佢種得太多蕃薯同粟米, 所以當收成時, 雖然由朝早六點至晚上六點, 都不停將收成丟落「出荷箱」, 但係有人黎收貨時, 佢依然有三分一收成係未丟落「出荷箱」, 所以o個 D冇得收錢, 要等到第二朝先可以再丟落「出荷箱」... 搵夠錢, 就買牛買雞, 梁琬婷仲將整個牧場種哂稻草, 可見佢幾有錢, 所以當秋天時, 整塊地都是金黃色... 梁琬婷越買越多牛, 打風落雨時, 佢竟然將整個牛欄既牛, 全部趕出去淋雨！！D牛梗係暴走 la... 梁琬婷由得 D牛系出面淋雨過夜, 你估第二朝會唔會死哂！？ 我同我細佬講：「你唔好忘記佢係...」 之後我細佬話..「係癲既...」 梁琬婷為你解釋咩叫「shit jam」... 我細佬竟然同梁琬婷用我部 laptop打炸彈人！？ 個 keyboard爛左冇得換 ga！！

>>September 22, 2007 at 4:51:17 AM GMT+8

2006 年 8 月 28 日 星期一 【晴】

《平凡的一天》 梁琬婷在我家半夜三間砌 puzzle, 我地仲要一邊聽住女殺手, 一邊食住薯片, 諗起呢個情景真系笑死我... 最好笑既係我細佬, 尋晚諗住三個人一齊 KO副 puzzle, 點知大家眼定定望住個電視, 變左睇椅天屠龍記, hahaha... 播廣告先砌兩塊, 死得啦, 睇黎梁琬婷臨走前都係砌唔完架啦... 梁琬婷仲要 met我面毛, 我細佬見到呢個情景, 就爆笑咁話我好似老孫, 梁琬婷就係猴子猴孫, 幫我 met面毛... 「我係老孫, 猴子猴孫快 D幫我 met面毛, 之後食左佢！！」 之後又笑我好似受緊酷刑, 因為我叫哂救命... 「人黎 ar！」「在！」「met面毛待候！」「大人曉命 ar！！！」 最搞笑係, 梁琬婷食完包薯片就塞個袋入個窿度, 自己走左去洗手, 又唔順便丟落垃圾筒, 之後又使喚我去拎野飲俾佢, 自己行兩步都懶... 「猴子猴孫快 D幫我 met面毛！」「係既大王！」 梁琬婷夾硬扯爆人地滴水... 我細佬仲話好似酷刑：「來人！met面毛一百條！！！」 我已經毫無還擊之力, 只可以任 win魚肉, come on babe！魚肉我吧！

>>September 20, 2007 at 3:48:36 AM GMT+8

2006 年 8 月 27 日 星期日 【清涼】

《太陽計劃 --- 前篇》 今日我地去左黃竹坑運動場既太陽計劃, 我地六點鐘去, 都要排隊排到七點鐘先入到場, 因為有兩種飛, 一種係系草地, 一種係系看台, 我地本來係看台既, 但係我地入到場, 上看台搵過哂都冇位, 本來想去隔離看台既, 不過落返地下時, 見到一堆人入緊草地, 我地就蒙混入去, 成功入到草場, 仲係最前位置！！ 不過我地唔知入左邊個 fans club, 到有人派個閃燈牌俾我地時, 我地都唔知咩事, 不過拎左先有著數, 我地睇下個牌有個 C字, 先知我地糊里糊塗混入左何韻詩 fans club「光榮之家」之中, 真係好彩, 雖然唔係「千嬅群英會」, 不過如果係 D弱雞 fans club, 或者係 twins之類的, 就真係 sosad... 梁琬婷又話要去廁所, 我問佢忍唔忍到, 因為我怕出左去入唔返, 結果好彩我地拎住 hocc個牌, 所以出去入去都冇人過問, 佢地完全以為我地係 fans club既人, 成功蒙騙過關！！ 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 開場 lu, 千嬅同側田！我地企既位超近！！ 梁琬婷將 D吹氣棒棒塞落我個袖口袋度！！ 聽到我慘厲地嗌一聲「唔好呀！！」 可以睇到我地企既地方有幾近, 不過當我地想開著個牌時, 係唔知個開關制系邊, 要叫人教我地開, 勁樣衰... 側田決戰二世祖...Oh I can't see anybody will look like that... 楊千嬅《大傻》.. 傻瓜一點看我們還有, 手仍能拖, 夢仍能造, 眼仍能看, 心仍能開, 腳仍能企, 口仍能食, 耳仍能聽, 鼻仍能吸... 睇下梁琬婷期待個主持係講緊何韻詩出場, 點知係 twins, 佢個樣好失望, 好似想爆粗 tim... (待續...)

>>September 16, 2007 at 11:19:00 PM GMT+8

2006 年 8 月 27 日 星期日 【清涼】

《太陽計劃 --- 後篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 何韻詩真正出場, 梁琬婷個一瞬間突然興奮樣真係超爆笑... 何韻詩《花見》... 何韻詩《勞斯萊斯》... 好搞笑, 我當時唱得好大聲, 但又唔識歌詞 wo, 又得我一個男仔, 好好笑, 我自己聽返自己唱, 真係好難聽好難聽, 好心五音不全就咪唱 la, 基本上成段片係聽唔到 hocc唱, 只係聽到我把聲同 fans club既人唱..sosad.. 最後古巨基壓軸, 但係 hocc fans club開始收牌走人, 令人最 surprise既係, hocc fans club既幹事黎收我地個牌時, 佢問我記唔記得佢, haha, 梗係記得 la, 佢係我上年 IBS project既 group mate, 我仲上過佢屋企整 poster, 不過佢問我地係「光榮之家」既咩組時, 我地笑笑口話, 其實我地唔係 fans club既人, 我地只不過係蒙騙入黎..^^

>>September 16, 2007 at 11:17:22 PM GMT+8