2006 年 8 月 26 日 星期六 【微雨】

《海洋公園遊記第六回 --- 夏水禮篇》 今日我同梁琬婷去第六次海洋公園, 不過今次有阿郭, 我地依然去左玩下水禮, 不過因為冇人看袋, 所以我地第一次要租儲物櫃, 不過海洋公園懶高科技, 唔係用傳統鎖匙, 係用電腦自動化, 不過好麻煩, 真係整咁多野做乜？又 hand機又開唔到櫃..sosad... 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 入面水戰戰況, 阿郭問點解得一個水筒, 我地話對面都有一個, 阿郭就話：但係有個人看守住丫麻！！點過去！！ 我地三個一齊玩水滑梯, 我同阿郭都係上唔到樓梯..sosad... 我地入去玩泡泡戰, 阿郭都唔投入既... 我地想去淋水沖身, 點知沖身都要排隊... (待續...)

>>August 25, 2007 at 12:53:20 PM GMT+8

2006 年 8 月 26 日 星期六 【微雨】

《海洋公園遊記第六回 --- 山頂篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 梁琬婷同阿郭跳彈床, 由我黎旁述... 我去跳彈床, 阿郭既生鬼旁白, 超搞笑... 我地搭吊車上山頂勒, 阿郭勁興奮！好似 D第一次搭吊車既小朋友... 我地上到去, 先去睇左海獅, 跟住去左鯊魚館, 阿郭話一定要系鯊魚口影相, 因為細個黎玩時, 最記得呢樣... 之後我地就去左玩滑浪飛船！！不過佢地迫我坐第一個！！ 玩完之後我地去睇下臨衝落去前影既相, 影到我未衝落去已經縮低個頭唔見左, 完全見唔到我...sosad.. 之後我地去左睇海洋劇場, 夜晚睇又另一番味道, 後面既摩天輪又好靚, 第一次夜晚遠眺摩天輪... (待續...)

>>August 25, 2007 at 12:53:09 PM GMT+8

2006 年 8 月 26 日 星期六 【微雨】

《海洋公園遊記第六回 --- 兒童王國篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 跟住我地搭返吊車落山腳, 去左兒童王國玩旋轉木馬, 小學時代就會覺得呢 D玩意好低 B, 唔會玩, 大個左反而會玩返, 心態唔同左... 好好笑, 阿郭扮騎馬好認真, 仲開埋鞭... 我地去到兒童王國既摩天輪, 除左兒童王國我地係主角之外, 阿郭就要我同梁琬婷鬥唱天荒地老流連在幸福摩天輪... 之後我地三個鬥唱古巨基既《勁歌金曲》, 你唱一句我唱一句, 本來想唱哂成首, 不過唱唱下唔記得歌詞呀！！ 臨走時系門口見到人跳森巴舞, 阿郭想走入去跳... (待續...)

>>August 25, 2007 at 12:52:58 PM GMT+8

2006 年 8 月 26 日 星期六 【微雨】

《海洋公園遊記第六回 --- 艇仔粉篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 返到香港仔食艇仔粉, 不過九點返到去, 已經差唔到賣哂, 得返 D送頭送尾, 我地買左最後三碗, 老闆求其執 D俾我地, 風味艇仔粉, 好好味, 真係食過番尋味！！得 D鵝頸都好好食, 阿郭好好笑, 佢好興奮咁話：「我有一舊紅腸呀！」 我一開始仲以為係用海水做湯底, 正！我淨係食到好味！！ 不過我住香港仔咁耐都係今日先知有呢樣野, 如果唔係阿郭介紹真係唔知, 下次一定要早 D黎食, 送頭送尾都咁好食, 有埋叉燒一定好正！！

>>August 25, 2007 at 12:52:42 PM GMT+8

2006 年 8 月 24 日 星期四 【驟雨】

《南丫島遠足記 --- 序章》 雖然今日打一號風球, 但係我、梁琬婷、 佢加拿大既朋友 katrin, 同埋溫敬良四個人, 依然出發去南丫島, 本來仲有梁琬婷個加拿大朋友 Amy既, 不過仲病緊所以去唔到, 等溫敬良仲打電話俾人, 問人地幾時得閒到南丫島宿營..sosad.. 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地搭緊船去南丫島, 坐系船頭吹海風, 真係好正！！ 好舒服既海風！katrin講佢去越南做實習護士既經歷... 我地四個開始由索罟灣行去榕樹灣... 見到日軍侵華時既防空洞, 裡面仲滴緊水, 不過我地唔敢行入去, 因為 D蚊好鬼大隻！仲好毒！ (待續...)

>>August 21, 2007 at 12:24:55 PM GMT+8

2006 年 8 月 24 日 星期四 【驟雨】

《南丫島遠足記 --- 遠足篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 系防空洞影完相, 我地就繼續行山勒, 我地已經行到好高, 不過仲未到頂... 由高處鳥瞰南丫島海, 再仰望我地將要繞過的山頭... 經過千山萬水, 我地已經可以望到榕樹灣既三支煙囪, 不過途中落好大雨, 佢兩個女仔用一把遮, 我地就淋雨, 溫敬良就問咁岩駛過既機車司機, 借左兩個黑色大垃圾袋... 行左兩個鐘, 我地終於去到洪聖爺灣, 太好勒！！ 之後我地去左食野, 一碗公仔麵要十七個大洋, 真係 sosad... (待續...)

>>August 21, 2007 at 12:24:42 PM GMT+8

2006 年 8 月 24 日 星期四 【驟雨】

《南丫島遠足記 --- 衝浪篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 準備落水, 因為打風, 所以好大浪！！不過好淺水... 我同溫敬良好似帶小朋友去沙灘玩咁 sosad... 睇下梁琬婷同 katrin衝浪既英姿, 超搞笑.... 因為將會掛更高風球, 同埋雨越落越大, 所以廣播叫海中既人上岸, 佢地玩完浪返黎, 見到我捉左隻蟹, 不過梁琬婷唔信係我捉, 話簡直難以置信, 以為係溫敬良捉...好衰... 之後佢地去換衫, 溫敬良就o係度撩蟹, 都唔知會唔會整死隻蟹... (待續...)

>>August 21, 2007 at 12:24:29 PM GMT+8

2006 年 8 月 24 日 星期四 【驟雨】

《南丫島遠足記 --- 山水豆腐花篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 雖然越來越大雨同大風, 不過我地都去左食山水豆腐花, 試過o係長洲踩踩下單車停低食, 好冰涼既感覺, 依家就o係三號風球下衝完浪食, 好寒冷既感覺.... 兩種感覺完全唔同, 別有一番風味... 我地一邊食豆腐花, 一邊放隻蟹仔o係台上面玩, 不過好多蚊, 我地急急腳食哂就走人.... 我地行去榕樹灣碼頭搭船, 溫敬良不停大叫好痕呀, 笑死... (待續...)

>>August 21, 2007 at 12:23:08 PM GMT+8

2006 年 8 月 24 日 星期四 【驟雨】

《南丫島遠足記 --- 回程篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 回程時本來可以直接搭返香港仔, 但見到有張表寫住, 八點先有船去香港仔, 咁我地唯有搭去中環先, 不過我地見到另一架船開, 我地問個職員, o個架船係咪去香港仔？依家上得唔得？ 佢話開左 la, 唔得 la, 當時六時四十五分, 我地話, 見到個表寫住八點先有船去香港仔, 佢話邊有... 我地指俾佢睇, 佢話係舊既, 冇人用, 激死我地！！

>>August 21, 2007 at 12:22:31 PM GMT+8

2006 年 8 月 22 日 星期二 【晴】

《遊船河 2006 --- 序章》 今日風和日麗, 我地偉大的 7B又出海遊船河！ 梁琬婷未去過, 我就帶埋佢一齊上船玩, 仲有就係佢o係加拿大既朋友 katrina, 本來仲有上次去長洲既 Amy, 點知佢今朝突然發燒唔黎得, 等溫敬良之前仲問我拎人家電話, 我地o係碼頭見到黃衫男子溫敬良行過黎時, 梁琬婷就同佢講 Amy唔黎得, 佢好大反應咁大嗌：「點解呀！！？？」 今次遊船河班底都係以往那些, 再加上阿郭, 同豬豬既三個朋友, 最好笑係上到船, 豬豬自己有自己玩, 我問佢點解咁衰唔理自己朋友, 佢竟然話... 我地個朋友 (katrina)咪理緊佢 D朋友, 真係搞笑, 結果朋友們有朋友們傾偈, 我地有我地癲... 郭家豪導遊介紹宋朝末年唐太宗用直勾釣魚既石... (待續...)

>>August 14, 2007 at 9:48:31 AM GMT+8