2006 年 8 月 18 日 星期五 【晴】

《華東之旅第四站 --- 最後一日的早上篇》 系酒店過完最後一晚, 我地一大早就去食自助早餐, 呢間酒店 D房好細, 張床都好細, 前兩晚系杭州同蘇州既酒店, 真係一張單人床等於雙人床, 我同我細佬孖鋪都仲可以碌來碌去, 個廁所又超級大, 完全可以系廁所走來走去, 有一個大浴缸, 仲有一個站立式沖涼室系個大廁所入面, 照道理即係話, 可以一個人系裡面用浴缸沖涼, 另一個用站立式, 一個系度洗面, 一個系度爆石, 都仲有好多空間, 我估計個廁所有三百尺, 真係大得離譜... 去到上海既酒店, 真係細得交關, 同我屋企個廁所有得比, D燈光又暗 wo, 之前o個兩間酒店既房間燈光都幾猛 ga ma... 以為上海咁先進, 點知間酒店仲差過杭州同蘇州, 不過有樣搞笑野, 就係我地發現上海酒店既廁所, 係有人聲講野, 當係沖緊涼, 辦緊公, 洗緊面, 會有把人聲講普通話, 好好笑, 我地仲要整極都整唔走把聲, 好搞笑... 今朝食自助早餐時, 我老豆又系度吹水, 我老豆話白居易個「易」字, 係讀「奕」, 因為佢好鍾意奢華既生活, 要住紅牆綠瓦既屋, 我問佢咁同「居奕」有咩關係？佢話紅牆綠瓦 law！ 我再問佢, 咁個「奕」字音同紅牆綠瓦有咩關係？ 真係笑死我, 根本就同佢個名完全冇關, 係唔係天下間所有老豆, 都係以為自己咩都識, 咩都爭住答爭住做既呢... 之後我話梗係唔係讀「奕」la,「居易」「居易」, 係有意思既, 係佢阿媽想佢居住得容易, 唔駛庸庸碌碌咁... (待續...)

>>May 7, 2007 at 6:42:28 AM GMT+8

2006 年 8 月 18 日 星期五 【晴】

《華東之旅第四站 --- 日頭上海灘篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 今日係最後一日, 我地食完早餐, 先去左隔岸觀望上海灘, 尋晚我地見過上海灘既夜景, 依家我地就睇下日頭既上海灘, 我覺得好似以前美國曼克頓咁, 好多美國街頭既感覺... 我們與導遊小姐的合照... 之後我地準備上東方明珠塔, 但途中有好多小販, 追住我地賣東方明珠塔既紀念品, 我地就好大聲咁叫：「走開 ar！」 之後我地見到有人纏住 ivy姨姨, 我細佬, 我, 同埋梁琬婷三個就衝埋去, 好大聲咁叫：「走開 ar！」 但係好可惜, 梁琬婷竟然抵受唔住, 買左一個「膠塔」, 價值十個大洋, 我同我細佬系度恥笑梁琬婷買左個紙鎮, 我細佬話兩個大洋可以買普通紙鎮, 十個大洋就可以買個膠紙鎮.. 梁琬婷就係買左呢個膠紙鎮..sosad.. (待續...)

>>May 7, 2007 at 6:42:20 AM GMT+8

2006 年 8 月 18 日 星期五 【晴】

《華東之旅第四站 --- 上海東方明珠塔篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 系東方明珠塔既入口, 有上海十年轉變既圖, 可以見到十年前上海仲係荒蕪一遍, 只有一座東方明珠塔, 現在整個上海, 就好似香港一樣... 我地上左東方明珠塔, 好多人... 從明珠塔遠眺上海灘... 睇下呢棟大廈, 唔係棟大廈個名叫「震蛋」丫, 定係幫緊「震蛋」公司賣廣告...orz (待續...)

>>May 7, 2007 at 6:42:11 AM GMT+8

2006 年 8 月 18 日 星期五 【晴】

《華東之旅第四站 --- 上海東方明珠塔篇 2》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地出左戶外, 好大風, 好舒服！不過好多人, 好迫... 睇下我同梁琬婷都吹到披頭散髮, 我地兩個都覺得, 上年去澳門個旅遊塔正 D, 我地一年一塔計劃, 第一年去澳門旅遊塔, 第二年去中國上海東方明珠塔, 第三年, 即下年我地就去加拿大多倫多 CN tower, 第四年就去日本東京鐵塔, 第五年就去法國巴黎艾菲爾鐵塔... 影下我地兩口子先, 我地落左戶外下層, 擺脫左大吉大利, 呢度仲正 la, 冇咩人, 唔駛迫... 我地準備搭升降機走, 點知架升降機係透明玻璃, 但出面係一面面既牆而唔係風景！ 我細佬大叫：「嘩！D牆果然好好睇 ar！」 創新果然係民族進步既靈魂 ar！玻璃升降機睇牆夠創新！ (待續...)

>>May 7, 2007 at 6:42:01 AM GMT+8

2006 年 8 月 18 日 星期五 【晴】

《華東之旅第四站 --- 皮優廠篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 之後我地去左皮優廠, 皮優就係一種只會食, 唔會呵既生物, 所以舊時賭場一定會有一隻皮優, 喻意有入冇出, 而賭場開檔時就有人大叫：「開皮！」 打烊時就有人大叫：「收皮！」收皮二字亦係咁樣黎... 而佢係用全身分泌汗水去排泄廢物, 而呢 D汗水會帶有食物既香味, 吸引小動物來覓食, 結果皮優就唔駛郁都有獵物自己走上門, 喻意坐享其成, 齋坐都唔憂做... 神棍話, 大家快 D摸, 唔好執輸勒！ 神棍開始講風水... 之後個神棍助手肥女人系度吹水, 佢話我老豆係家中最大壓力既, 鬼唔知咩, 我都識講 la！之後佢話我細妹好大方, 我地笑到碌地, 因為根本就唔係！！我細妹自私到爆！！ 跟住仲搞笑, 佢話二仔既女朋友或者老婆, 會大佢十年或者細佢十年, 之後我細佬就好大聲咁話：「大兩年咋！」 我同梁琬婷笑到痴左線！！鬼拍後尾枕！！ 我阿媽同細佬係羊, 我係牛, 我細妹係豬, 我老豆係馬, 我地全家都係家禽, 但係梁琬婷係屬虎！！ 究竟佢會唔會食哂我地全家呢？個神婆話唔會, 佢仲話大仔 (即係我) 既女朋友屬虎, 所以會「利」大仔, 我地心諗：「關乜事....」之後個肥女人仲好激動系度爆粗！ 我細佬聽到系度爆笑... 我細佬話成世人既禮物加埋都冇我細妹呢隻野咁多！！ 之後我細佬仲話, 佢地旅行一開始時, 都冇俾人慫恿到, 仲好慬慎... 但係慢慢就俾人慫恿到, 佢仲扮我阿媽話：「嘩！感覺真好！」 笑到我同梁琬婷碌地... (待續...)

>>May 7, 2007 at 6:41:48 AM GMT+8

2006 年 8 月 18 日 星期五 【晴】

《華東之旅第四站 --- 珍珠廠篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地去完皮優廠, 之後就去左珍珠廠, 車！！D珍珠, 我阿麻都大把 la！ 珍珠佬叫我地估下有幾多粒珍珠系個貝殼裡面... 地獄採礦師話：「你估下我個鼻可以噴幾多粒出黎？」 估中有獎呀！我地三個又系度爆笑.... 呢 D咁既珍珠, 我阿麻大把, 佢仲成日叫我穿... (待續...)

>>May 7, 2007 at 6:32:57 AM GMT+8

2006 年 8 月 18 日 星期五 【晴】

《華東之旅第四站 --- 上海新天地篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地去到最後一個 check point, 上海新天地... D建築物好有法國風味, 不過冇咩野睇... 等我話俾大家知, 咩叫做感覺蘇豪 la... 個上海新天地真係好無聊, 我地系度等集合去坐磁浮列車... (待續...)

>>May 7, 2007 at 6:32:31 AM GMT+8

2006 年 8 月 18 日 星期五 【晴】

《華東之旅第四站 --- 磁浮列車篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地搭磁浮列車去機場, 最高速係 301 km/hr, 7分 21秒到達.. 我地系度等緊架磁浮列車, 梁琬婷, 我, 同我細佬系度吹水... 我細佬又系度搞笑, 我地要「講文明, 知榮辱, 除劣習！」 已經到站, 我地準備上車, 我細佬話系個車窗倒影, 見到地獄採礦師.. 我地上左車 la... 開始加速, 感覺好浮磁... 睇下架車加速緊, 就快到 300km/hr... 真係好快, 我可唔可以落車？ 「咩話！？落車！？其實我地一早都想落車 ga la, 不過太快落唔到之 ma, 你落 la！！」多謝你 ar！ 我地到達上海國際機場, 影下自己先... (待續...)

>>May 7, 2007 at 6:32:03 AM GMT+8

2006 年 8 月 18 日 星期五 【寒冷】

《華東之旅第四站 --- 機場重遇 Amy大姐篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地又系機場見到 Amy大姐 wo, 我地六點幾去到機場, 但係領隊話班機 delay至 9:10pm先起飛.. 我地同 ivy姨姨傾偈, 講我細妹真係好自私, 梁琬婷話, 我細佬真係好唔同, 佢細個好乖好 nice, 唔知點解我細妹會咁, 之後我細佬串梁琬婷話： 「係 ar！佢細個成日黎探我！」 笑到我肚痛！！串到應一應, 梁琬婷自己都笑... 我地系機場玩頭文字 E, 飄移！ 究竟我地轉唔轉到早機呢？ Amy大姐話, 之前系杭州蘇州, D低下階層仲有禮貌, 來到上海, D人就超冇禮貌, 上海新天地又廢到爆！ 同 Amy大姐系度吹水, 佢話佢系皮優廠, 佢老豆反方向掃隻皮優, 睇下會唔會掃哂 D錢走... (待續...)

>>May 7, 2007 at 6:31:44 AM GMT+8

2006 年 8 月 18 日 星期五 【溫暖】

《華東之旅第四站 --- 回程飛機篇》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地依家上飛機 la, 再見 la上海... 我地班機 delay左, 我又為食 wo, 之後梁琬婷叫個空姐黎, 我好出奇, 原來可以隨時叫空姐黎問佢拎野食 ga wo.. 終於起飛 la！不過出面好似閃電 wo, 太黑咩都睇唔到, 我同梁琬婷講, 不如我地玩 com棉胎丫.. 我地有飛機餐食 la, 竟然有 hagandaz雪糕 wo... 我地開始食是次飛機餐既主菜 --- hagandaz雪糕... 影下我地兩口子訓覺個樣先, 梁琬婷同我系度玩, 想遮住個鏡頭, hehe, 好搞笑... 終於回到香港, 好彩我地有將行李寄倉, 如果唔係既話, 依家就一抽二 lung... 頭先系飛機上面, 行雷閃電震得好勁, 好似玩過山車, 我細佬嚇到飛起, 真係好震, 離心力勁大！ 不過梁琬婷訓左, 佢完全唔知發生咩事, 訓醒已經落機...

>>May 7, 2007 at 6:30:58 AM GMT+8