2006 年 6 月 8 日 星期四 【雷雨】

今日我地去左淺水灣, 我地冇落到水, 只係坐系沙灘食七記咖哩飯, 好好食, 一邊吹海風, 一邊食咖哩飯, 一邊傾下偈, 真係寫意, 今日好好風好好坐, D雀仔飛黎搵食野, 我地用沙拋佢, 好好玩...

>>July 6, 2008 at 4:19:23 PM GMT+8

2006 年 6 月 7 日 星期三 【寒冷】

今日我地約左系尖咀等, 我地一齊行日頭既尖東海旁, 嘩, 唔講唔知, 原來日頭行尖東海旁仲正！ 夜晚唔單止冇海風, 又熱, 又多自由行, 又噪, 又整 D咩「幻彩詠香江」, 射 D射燈上天, 搞到冇哂 D浪漫氣氛, 日頭行原來仲正, 又有海風, 最正既係冇人！真係正爆, 又靜又冇人... 之後我地去左科學館, 原來今日星期三唔駛錢入場 wo, 唔講都唔知 tim, 如果平日要 $25 ga, 兩個成 $50 la！ 我地玩左好多野, 真係好玩, 梁琬婷又醒目解開左條謎題 wo, 其實科學館好多野玩, 不過梁琬婷話太細, 下年帶我去加拿大那個, 玩成日都玩唔完, 我地去完科學館就去左大家樂食下午茶, 因為約左 winnie個加拿大朋友 bosco六點系尖咀等, 所以我地系大家樂 hea左成個幾鐘, 真係好舒服, 同梁琬婷坐系度傾偈, 咩都傾一餐, 種感覺就好似同自己拍拖咁, 好正.... 之後我地見到 winnie個朋友 bosco, 就去左睇下尖咀有咩食, 行行下話不如去睇戲, 梁琬婷話想睇驚兆 the omen, 我地就去老麥買個包入去食, 我同梁琬婷成套戲睇得三分之一, 因為都幾恐怖, 我就成日遮住佢對眼, 佢又成日掙扎想睇, 一比佢掙扎成功, 睇到少少就大叫尖叫, 成間戲院佢叫得最大聲, 仲驚到喊, 所以我一見到差唔多有驚嚇場面就遮住佢對眼.... 結果我地成套戲睇得三分之一, o徙左成一百二十個大洋, 梗係 la, 兩張飛都要我出錢, bosco見到我地兩條茂利, 入到場又遮住對眼唔睇, 一係就大呼小叫, 都唔知係唔係想睇套戲...

>>July 6, 2008 at 4:22:30 PM GMT+8

2006 年 6 月 6 日 星期二 【清涼】

今日係小弟生日, 一早就同梁琬婷、阿郭去唱卡啦永遠 OK, 溫敬良隔左陣先到, 阿郭送左份生日禮物俾我, 係兩隻杯, 唔好以為係普通杯, 一隻杯下面寫住個「界」字, 一隻就寫住個「世」字, 即係咩？咪就係世界杯 law, 不過我以為兩隻杯買返黎時真係寫住世界兩個字, 梁琬婷話咪傻 la, 阿郭自己系報紙剪兩個字出黎貼上去 ga咋... 我地唱 k唱極都唔完, 阿郭又 book左 3:00pm系逸港居篤桌球, 所以未 cut我地歌, 我地已經要走, 最令人氣忿既係, 我竟然要俾錢！ 仲係俾雙倍！！因為要俾埋梁琬婷的份兒, 話哂都係我生日丫... 之後我地四人加埋黃志榮就展開一場激烈既士碌架大戰！！ 當然我同梁琬婷係完全唔識既, 不過都幾好玩, 差 D贏埋... 打到 5:00pm, 梁琬婷、阿郭同溫敬良就上左我家 dum波鐘, 因為約左韓斯麗 7:00pm系尖沙咀食飯, 所以我地系我屋企又打麻雀, 打到五點九我地就搭 107去尖沙咀, 由 poly行去九龍公園行左成半個鐘, 又熱又累, 都唔知姓溫既同姓郭既行咁快做咩.... 我地等左一陣, 就見 audrey黎到, 佢話要帶個「讚果雨」既問路人去目的地, 所以就遲左, 之後我地去左尖沙咀間 pizza hut食野, 因為 audrey黎緊呢年會去加拿大 exchange, 所以佢問左梁琬婷好多野, 我地食到好飽, 阿郭就話落去接郭駿仁, 但係去左鬼死咁耐, 唔會走左唔俾錢呱, 半個鐘後佢就同郭駿仁拎住個蛋糕上黎, 佢話個蛋糕叫「幸福戀人」, 我點睇都只係一個太陽花蛋糕, 之後阿郭吹口琴吹生日歌, 仲自備曲譜, 我都估到有 D野 ga la, 頭先篤士碌架時同梁琬婷密密斟, 黎到尖咀梁琬婷就話對面有間通利琴行, 我問佢咩事, 佢就話 hp托佢買結他譜, 其實係想自己買個口琴, 抄阿郭條橋同佢一齊吹生日歌, 事緣篤緊桌球時, 阿郭問梁琬婷有咩送俾我, 有咩驚喜俾我, 梁琬婷一副理直氣壯既嘴臉咁話：「冇 ar！」 阿郭碌大隻眼望住佢, 之後搖頭嘆息, 就話自己有條橋, 就係切蛋糕時, 拎個口琴出黎吹生日歌, 梁琬婷就話好 wo, 問阿郭介唔介意俾佢 join埋, 自己唔駛諗之餘又有 surprise同禮物俾我, 幾好丫, 無恥程度同我不徨多讓.. 阿郭真係有潛質開公關公司幫人度橋, 如果第時真係開公關公司, 我第一個支持, 不過我同梁琬婷系度諗, 阿郭應該係搵我做試金石, 可能係為第時追女仔試金, anyway, 多謝阿郭今日既 planning！

>>July 6, 2008 at 4:35:34 PM GMT+8

2006 年 6 月 5 日 星期一 【陰】

今日約左梁琬婷系柴灣等, 我去到柴灣萬寧, 就見到佢俾個 sales tum緊買美白護膚品, 佢聽到入哂神都唔知我系後面, 我打電話俾佢佢先知, 之後就要我出錢, 成 $200, 搞錯.... 之後去同 winnie婆婆飲茶, 再上去睇劍雪浮生, 陳寶珠扮任劍輝, 跟住陪佢婆婆打麻雀, 梁琬婷好慢, 又成日小相公, 因為我不斷叫佢打牌出黎 la, 每 round都搵隻要打出黎既先, 之後先摸, 佢打完又唔記得摸, 次次打打下發覺自己得十二隻, 唔知做咩打牌打到成日喪笑... 之後我地去左旺角, 我去左剪頭髮, 上次系爺爺剪既, 農曆新年既時候, 再上一次係上年七月九日, 都係呢間剪, 一年剪兩次頭髮, 可想而知頭髮真係好長, 但個髮型師竟然認得我, 仲問我上次個頭 ok ma, 上次樽髮泥 ok ma, 好次上次教我咁吹頭, 我都好詫異, 成年前都認得我！？ 之後去行女人街, 梁琬婷買袋時使出講價最高招式, 問價後即走, $128變成 $80, 結果 $70買了, 再行潮流特區, D細菌小子毛公仔好貴, 成 $300, 之後去信和, 買左 EVA扭蛋公仔, 綾波同明日香, 好可愛, 早知尋日唔扭 la, 扭左兩個女班長 sosad... 溫敬良打電話黎問我係咪聽日唱卡啦 ok, 佢仲問我係咪聽日生日, 我同梁琬婷唔駛二人世界咩？我地日日都已經二人世界 la, 冇咩分別... 佢叫梁琬婷系今晚搭正十二點同我慶祝, 梁琬婷話已經係老夫老妻, 唔駛用呢套, 叫溫敬良留返黎 tum女仔好過... 跟住我地搵巴士返天水圍, 但搵左好耐都搵唔到, 結果見到架去南昌既 701巴士, 我地喪跑過去, 好好玩, 跑到氣咳.... 之後搭西鐵再轉輕鐵, 我地仲一路唱《葡萄成熟時》... 差不多立春, 一早一晚還是有雨, 差不多夏至, 一早一晚還是有雨, 差不多立秋, 一早一晚還是有雨, 差不多鬼節, 一早一晚還是有鬼, 差不多聖誕, 一早一晚還是有雪, 差不多端午, 一早一晚還是有稯, 差不多清明, 一早一晚還是有雨, 差不多重陽, 一早一晚還是有雨, 一發不可收拾, 不停咁唱...

>>July 6, 2008 at 4:40:25 PM GMT+8

2006 年 6 月 4 日 星期日 【陰】

今朝一大清早我就去左旺角, 因為約左梁琬婷八點半系旺角等, 皆因我去陪佢見工, 我地系旺角行左一陣, 咩鋪頭都未開, 之後 winnie上左去面試, 我就行左未開檔既女人街, 真係未見過... 等左個幾鐘, 就去接返梁琬婷, 佢話面試時有個中文大學既人好囂張, 不過 D英文就好難聽, 我就問佢有冇用英文挑佢機, 佢竟然話冇理到佢... 之後我地返香港仔去聖堂, 阿郭仲叫我去唱卡啦 ok, 我地系聖堂見到我慕道班同學個女著公主衫領洗, 梁琬婷不停咁話佢好可愛, 之後我地去左堅島無原罪聖母堂望彌撒, 係 for新教友, winnie陪左我成日, 由 1:30pm去到 5:00pm, 我地見到陳日君, 又見到趙海珠, 不過趙海珠唔肯影相, 原來佢好矮 ga, 仲矮過梁琬婷半個頭.... 之後我地搭車去中環, 再搭船過尖沙咀, 去到中環, 我同梁琬婷講, 我帶你去一個你好想去既地方, 我地入到去, 梁琬婷都唔知呢度係邊, 行埋條樓梯, 見到棟樓大門上寫住「婚姻註冊處」, 梁琬婷先知, 之後佢不停拉我走, 我問佢唔係好想黎 ga咩？ 三日唔埋兩日就同我講：「不如結婚囉！」 但當我帶到佢黎時佢又話唔制, 都唔知佢諗咩.... 我地見到有雪糕車, 梁琬婷又嚷著要影相.... 去到尖咀行海港城, 佢又話肚餓要食野, 見到玩具反斗城, 又嚷著要去, 我問佢：「你唔係肚餓咩？」佢話見到玩具反斗城就唔肚餓 la wo.... 去完玩具反斗城, 買左隻兔耳, 就系門口見到有 EVA扭蛋, $10一個, 扭左兩次, 結果 double左兩個班長, 抽唔到綾波麗同明日香 sosad... 食完 kfc, 我地就去買許留山, 之後去返潮樓搭 k16巴士, 再搭西鐵轉輕鐵, 返到天水圍, 行左陣銀座, winnie就系頭飾店行左好耐, 揀來揀去, 結果咪又要我俾錢....

>>July 6, 2008 at 4:50:52 PM GMT+8

2006 年 6 月 3 日 星期六 【陰】

我今朝七點鐘, 一大清早就起身去 book場打羽毛球, 梁琬婷就九點黎到香港仔, 同我系大快活食早餐, 好好食, 因為兩個人食一個餐都好飽, 好多野食... 之後返我屋企同佢加拿大既朋友 jen姐姐 web cam, 約左阿郭十一點系鴨利洲打羽毛球, 不過我地遲到.... 我好勁, 唔駛郁原地踏步都贏到, 我仲要全場冇抖過... 梁琬婷話森美小儀做完 15/16後要趕返 903做節目好辛苦, 我同阿郭聽到呆左, winnie以為無線套套野都係 live, 阿郭就話, 係 ar火舞火沙都係 live ga, 晚晚都要系沙漠都拍一個鐘, 笑到我傻左, 我真係好勁, 梁琬婷做左我負累, 我支拍仲要係短過人既... 因為我係問我阿妹借, 唔係阿郭用左我支拍同我講, 乜支拍咁短既, 我都唔知原來支拍短過人.... 之後我去幫人補習, 梁琬婷就系我屋企訓覺, 我返屋企後一齊睇 the girl next door, 超好睇, 個結局估佢唔到...

>>July 6, 2008 at 5:04:31 PM GMT+8

2006 年 6 月 1 日 星期四 【陰】

今日約左系長沙灣西九龍中心等, 因為我遲到, 梁琬婷嬲左好耐, 我地系西九龍中心行左陣, 幫梁琬婷部電話增值, 行下書局, 行下 D精品店, 阿郭就打電話黎, 話佢同郭駿仁想叫我地聽晚出黎飲野, 我地話今晚 la, 因為我地依家系長沙灣, 佢地話諗諗, 之後梁琬婷就要去見工, 佢姨媽介紹佢去做補習社, 我就系門口等佢, 等左成半個鐘, 佢話人工好奀, 四個鐘一百個大洋, 星期一至五都要返, 佢話要諗諗先, 之後我地去左銅鑼灣, 同阿郭、郭駿仁去 mc'cafe吹水, 吹左成個鐘, 之後我同梁琬婷由銅鑼灣行去灣仔會展搭船去尖沙咀, 途中見到隻流浪狗, 我立即換手拖梁琬婷, 等我個位置係近隻狗o個一邊, 梁琬婷梗係霖哂話我好細心, 駛乜講... 去到尖咀, 本來想搭 k16去南昌, 點知我地去到九龍公園徑都搵唔到個巴士站, 不過見到北京道一號十樓有間野叫「潮樓」, 之後我就帶 winnie去左九龍公園.... 我以為九龍公園徑個巴士站會系度, 點知都係搵唔到, 梁琬婷開始發脾四, 因為我帶佢行左好多路, 由銅鑼灣行到灣仔碼頭, 再由尖咀碼頭行到九龍公園, 結果我地都係搵唔到 k16, 所以搭 269b直接返天水圍... 我地系老麥買左兩個包上車食, 點知梁琬婷嬲得滯話唔肚餓, 咁我食埋佢 la, 返到天水圍佢又話好肚餓, 我問佢做咩頭先我俾你食你唔食？ 佢話咁頭先嬲緊 ar ma, 依家嬲完咪肚餓 law！

>>July 6, 2008 at 5:33:11 PM GMT+8

2006 年 5 月 31 日 星期三 【陰】

今日終於考完試, 同梁琬婷又系德福商場行街, 佢話要我買返 D色彩繽紛既衫著, 所以我地去左睇衫, 見到好多波衫, 不過好貴, 所以一件都冇買到.... 之後我地去左食大家樂鐵板牛扒, 梁琬婷話要飲雪糕紅豆冰... 行左好耐, 我就癡足梁琬婷咁耐, 佢不停推開我, 不過....梁琬婷實在太可愛 la！ 返左天水圍睇 X-men3, 我地先去百佳買野食, 本來想食蟹仔, 不過太貴, 所以買左粟一燒、媽咪麵同蘋果汁, 睇戲時梁琬婷叫我唔好食粟一燒食得咁大聲, 仲話：「信唔信我打你兩巴？」之後佢見到妖后個樣又尖叫, 見到狼人俾人插左刀又大叫, 見到 gag位又笑又鬼死咁大聲, 個 professor死左又喊, 我咪同佢講, 佢發出 D聲響仲 annoying過我, 仲話要星我兩巴, 回家途中要穿過天水圍公園, 我扮左佢好驚咁尖叫好多次, 佢就不停咁痞系地上爆笑好多次, 因為我扮得佢太似...

>>July 6, 2008 at 5:33:45 PM GMT+8

2006 年 5 月 25 日 星期四 【晴】

今日系九展考煲冬瓜, 去到最後有四分之三人走左, 可能佢地去左煲南瓜, 煲西瓜同煲北瓜... 之後約左梁琬婷系中央等, 我地就決定返香港仔食綠野, 食完返屋企, 咁岩細佬放學返黎, 佢系學校整左個太陽能煲水器, 就係用一大張黑色硬咭紙整個底同四面牆, 中間放個汽水罐, 用鐵線連住個汽水罐既底部同成個 system既外圍, 我細佬話 D熱力就會因為黑色咭紙而吸收, 再加上條鐵線做導熱, 就可以煲滾汽水罐裡面 D水, 笑到梁琬婷碌地兼撞到頭, 爆笑... 之後我地睇手指惡搞鐵達尼號, 見到 jack賭贏張船飛既方法, 係兩隻姆指鬥快按住對方, 同埋 jack系架車上面同 rose搞野, 原本係佢兩個整都成架車都有霧氣, rose用手拍落個窗度, 惡搞變成手指 rose成個頭 (即係隻有眼耳口鼻既大姆指)拍落個窗度, 笑到我地碌地, 可惜成套野得 30mins, 太短... 因為我要考試, 所以梁琬婷未天黑就自己返天水圍先... 我叫佢返到天水圍打電話俾我, 點知我阿媽玩野, 因為係我阿媽接電話, 梁琬婷問我阿媽可唔可以俾我聽, 我阿媽竟然話：「可唔可以ar？你錫啖我先 la！」 之後梁琬婷同我阿媽傾左一陣, 我聽到我阿媽話： 「你諗清楚嫁唔嫁得過 la, 佢係大少, 要人幫佢 met橙, 擺埋落佢個口先肯食...」

>>July 6, 2008 at 5:34:27 PM GMT+8

2006 年 5 月 23 日 星期二 【雨】

今日又要去九展考數, 因為錯左一 part, 搞到下面成題冇哂分, 人地明明識做哂, 唉...所以我話我唔識做數... 尋晚梁琬婷鬧我著來著去 D衫都係黑色, 要我買齊紅橙黃綠青藍紫既衫, 我咪同佢講, 我係唔會買衫既, 冇錢 ar.... 之後今朝佢又發皮四, 話我唔俾佢同 bosco出街, 系屋企好悶 wo, 我話佢系香港人新路不熟, 我又借左 VCD同小說、漫畫佢睇, 講真, 我考埋呢幾日試咪成個暑假都可以出街 law, 我認我係大男人左 D, 但梁琬婷咁可愛, 容乜易俾人搶走 ga？ 今日我考到四點半, 佢話黎九龍灣德福廣場等我, 自己早 D出黎行陣, 我叫佢唔好, 因為佢唔識路, 佢話佢細個系度住, 一定識！ 咁好 la, 既然梁琬婷咁堅決, 我都無話可說... 我地系德福商場行街, 見到有o個 D osim肚腩機, 我話我阿媽都有部, 佢仲一路用洗衣機洗衫, 一路用部機震肚腩, 要插電線既.... 我同梁琬婷講, mass同 energy係唔可以 destroy or create既, 所以 D脂肪一定冇可能震兩震就消失左, 一定唔知去左邊, 呢個係 conservation of mass... 所以結論得出, 可能係我阿媽震動佢個肚腩, 之後發電俾洗衣機... 我地去左 pizza hut食野, 一路食一路睇黃偉文本書, 原來個十百千萬億兆之後, 仲有中文量詞.... 十既十六次方叫「京」, 20次方叫「垓」, 24次方叫「秭」, 28次方叫「穰」, 32次方叫「溝」, 36次方叫「澗」, 40次方叫「正」, 44次方叫「載」, 48次方叫「極」, 所以下次見到個靚女, 你可以同佢講：「小姐, 我想十既卅二次方你...」 如果個女仔咁都知你講咩既, 你地仲唔係天生一對？ 你以為「極」已經去到極限 la咩？高處未算高... 52次方叫「恆河沙」, 56次方叫「阿僧衹」, 60次方叫「那由他」, 64次方叫u不可思議」, 68次方叫「無量大數」.... 「恆河沙」勉強可解作恆河沙數,「那由他」係咪即係個數太大 la, 已經去到本 pea既地步,「由得佢 la」咁解？ 個數大到「不可思議」就真係叫「不可思義」, 再大就真係數唔到, 不過「無量大數」呢個名又真係「行」左 D既... 一以下既數仲精彩, 十既負一次方叫「分」, 負 2次方叫「釐」, 負 3次方叫「毫」, 如此類推, 去到十既負十二次方為止, 分別為... 「絲」、「忽」、「微」、「纖」、「沙」、 「塵」、「埃」、「渺」、「莫」... 下次鬧人時就可以話佢：「你都十既負五次方乘十既負五次方地既...」 唔講唔知, 原來沙係大過塵十倍, 塵又大過埃十倍, 唔好驚訝住, 仲有... 由十既負十三次方至十既負廿一次方分別為... 「模糊」、「逡巡」、「須臾」、「瞬息」、「彈指」、「剎那」、 「六德」、「空虛」、「清靜」....去到「模糊」夠細 la呱, 細到模糊 wo, 瞬息萬變原來係解十既負十六次方咁多時間單位裡面, 有成萬樣既轉變, 係咪依家先知呢個成語係咁解呢？ 黃老邪既彈指神通係咪就係指佢系十既負十七次方咁多時間單位裡面, 去發射內勁？唔好成日話一剎那光輝唔代表永恆,「一剎那」係有得數的, 即係系十既負十八次方咁多時間單位裡面所發出既光輝, 唔代表永恆, 唔知「永恆」一詞又是否量詞呢？最後兩個,「空虛」同「清靜」, 十個「清靜」先換來一個「空虛」, 唔知好嬲定好笑.... 我地食完野, 就聽到香港獨有, 全世界最討厭既聲音 ---「唧」, 一個字包含了「快 x D啦！阻住地球轉, 有冇搞錯, 最憎你呢 D人....」 我地行左宜家傢私, 見到 D屋企布置真係好靚, 雖然細細地, 但好精美... 之後入左間玩具店, 有個女 sales拎住 toy story隻綠色三眼仔跳出黎 hi, 嚇到 winnie呆左, 個女 sales問佢係咪好鍾意, 梁琬婷苦笑咁話：「係好憎.....」 之後我地睇下其他野, 行行下梁琬婷呆左, 好似見到咩咁, 原來見到兩個著住米老鼠衫既 sales系間鋪頭入面, 我地忍唔住一路爆笑一路向門口狂奔, 那兩個 sales除左有尾之餘, 仲有對老鼠耳, 笑到肚痛, 梁琬婷唔知係咪食錯野, 入每一間鋪頭都會大叫： 「都冇野買既...」「嘩好核突 ar...」「乜咁貴 ga？走 lu....」 驚死人聽唔到咁, 都唔知佢係咪特登既.... 之後我地見到有射十二碼比賽, 不過射既唔係龍門, 而係螢光幕黎既, 我地見到個小朋友, 軟弱無力咁射埋去, 俾螢光幕裡面個守門員救到, 但都彈個 goal字出黎, 就知呢個 game係要黎厄細路既... 我地去左梁琬婷間小學「星馬泰小學」睇下, 佢話以前隔離仲有另一間小學, 不過應該搬走左 lu, 之後我地經過個球場, 行天橋去搵巴士站返天水圍, 但係搵左成個鐘都搵唔到, 兜左好多冤枉路, 梁琬婷又話腳痛, 因為行左好多路, 我同佢講, 所以咪叫你唔好自己出黎住, 你又話想自己行一陣, 結果到依家咪腳痛 law, 自己又唔識搭車, 本來話自己系牛頭角大, 一定認得路, 小姐, 八年咩都變左 la, 俾著第二個, 晨早自己走左唔理你 la.... 之後系七記買野飲時, 我問佢駛唔駛叫個收銀員開埋個樽蓋佢, 梁琬婷話唔駛, 因為可以擰開, 最後經球場返左地鐵站問個職員, 梁琬婷聽唔到佢講咩, 要我問多次, 終於搵到個巴士站, 原來系地鐵站隔離, 根本唔駛過天橋, 我見到對面有兩間小學, 一間係梁琬婷既「星馬泰小學」, 另一間就岩岩好系「星馬泰小學」隔離, 我就問梁琬婷：「你話搬走左o個間小學係咪呢間？」佢話係 ar, 我就串佢, 話間小學搬過隔離咁得閒既, 成棟拆左, 之後系隔離起返棟新既, 梁琬婷仲話：「唔得咩？」結果上到巴士, 先發現其實係汽水蓋, 梁琬婷不停咁話呢個牌子系加拿大係擰得開 ga！ 結果我地試左好多次都開唔到個樽蓋, 之後我先醒起好彩我有萬用刀跟身, 話明萬用刀, 梗係有一萬種用途, 開瓶器一定唔少得, 所以話呢, 我唔係專制到唔俾佢同第二個出街, 而係系香港佢自己又唔熟, 向個地鐵職員問路梁琬婷又聽唔到佢講咩, 又唔識返屋企, 又搵唔到巴士站, 俾著第二個, 晨早自己走左唔理你 la, 自己一個人點返屋企？ 今日我唔想佢自己早出黎, 佢唔聽, 所以咪腳痛 law....it's for your own good！

>>July 6, 2008 at 6:10:58 PM GMT+8