2006 年 8 月 4 日 星期五 【陰】

《黃金十年 --- 第一章　－　末代畢業生》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 由何韻詩, 陳奕迅, 楊千嬅唱出他們新秀時的參賽歌曲... eason《望月》 詞：潘源良　原唱：張學友 千嬅《等得太久》 原唱：彭羚 hocc《女人心》 原唱：梅艷芳 第二章　－　馬克雷的純真傳說 由 hocc唱出郭富城的《純真傳說》, eason唱出 leon的《情深心說話未曾講》... (待續...)

>>March 3, 2007 at 2:56:20 AM GMT+8

2006 年 8 月 4 日 星期五 【陰】

《黃金十年 --- 第三章　－　亂世兒女》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 黃偉文獨白之後, eason唱出佢出道第一首歌《時代曲》, 接著是《怕死》, 再與千嬅合唱《明年今日》與《其實我記得》... 千嬅 solo佢出道第一首歌《狼來了》, 當唱到最後... 「怎麼我, 卻妄想天天真真的簡簡單單的...」 觀眾席上有女 fans大喊一句：「愛過！！」 楊千嬅笑左...個情景超好笑... 之後陳奕迅用結他自彈自唱一曲《反高潮》！ 救命...勁到喊... (待續...)

>>March 3, 2007 at 2:56:08 AM GMT+8

2006 年 8 月 4 日 星期五 【陰】

《黃金十年 --- 第四章　－　毫無代價唱最幸福的歌》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 三首都係我至喜愛既歌, 真係好正, 好聽到震... 由華星時代, 去到英皇時代, 再到新藝寶時代, 三個不同時期的陳奕迅, 唱出三種不同風格的歌... 第一首：《我的快樂時代》 「長路是漫漫如何走過...」 第二首：《人來人往》 「愛若難以放進手裡, 何不將這雙手放進心裡？」 第三首：《葡萄成熟時》 「誰都心酸過, 那個沒有？」 (待續...)

>>March 3, 2007 at 2:55:55 AM GMT+8

2006 年 8 月 4 日 星期五 【陰】

《黃金十年 --- 眼睛想旅行》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 第五章　－　土炮的土夠格 千嬅, eason同 hocc三個合唱出雷頌德四首歌, 《Happy 2000》、《點夠喉》、《眼睛想旅行》、《打開天空》, 《Happy 2000》中有一段國語 rap, eason扮黎明 rap, 自己作歌詞, 講國語亂咁唱！「甚麼都會變, 甚麼都會變」... 唔單止所有觀眾爆笑, 連台上的千嬅同何韻詩都笑左... eason、hocc、千嬅三個又跳又唱《眼睛想旅行》, 舞姿超搞笑, 好正！ (待續...)

>>March 3, 2007 at 2:55:43 AM GMT+8

2006 年 8 月 4 日 星期五 【陰】

《黃金十年 --- 楊千嬅與何韻詩》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 第六章　－　萬紫千嬅新曲+精選 楊千嬅的讀白, 千嬅話好榮幸一出道時, 其他人覺得佢似 sammi, 之後講自己既心路歷程, 最後仲搞左個 gag, 令人會心微笑... 之後千嬅唱出 sammi的《叮噹》, 跟住係《再見二丁目》, 《少女的祈禱》、《小城大事》.... 第七章　－　露詩瑪莉四年抗戰 何韻詩唱出 fiona的《奇洛李維斯回信》, 之後用結他自彈自唱《千千萬萬個我》, 勁型！！ 再來《天使藍》同《勞斯萊斯》, hocc話, 希望將來唔會再有勞斯萊斯呢個故事既嘆息... 第八章　－　獨家試唱 雷頌德同 hocc合唱《K歌之王》, 千嬅就唱出《好心分手》, 之後千嬅再唱出《可惜我是水瓶座》同《野孩子》... (待續...)

>>March 3, 2007 at 2:55:30 AM GMT+8

2006 年 8 月 4 日 星期五 【陰】

《黃金十年 --- 第九章　－　為何你要早走》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ wyman出黎講獨白, 佢話有一首歌, 佢想今晚搵人唱, 不過無論佢搵邊個歌手都好, 就算係張學友黃耀明林憶蓮, 都話對唔住, 唱唔到, wyman話佢最後終於明白, 的確係冇人代替到... 現場播出張國榮同梅艷芳, 系梅艷芳演唱會中, 《絕代芳華》既 live mtv, 之後 hocc唱出 swing既《帝國大廈》, 我好鍾意呢隻歌, 英重拆 swing捧 boy'z真係極盡戇鳩之能事... eason唱左隻新歌《不求人》, 作曲藍奕邦, 填詞林夕, 隻歌係送俾張國榮既, 楊千嬅致詞之後, 就揀左一隻歌, 作為佢最後一首歌, 每次演唱會我都諗住楊千嬅會揀呢隻做最後一隻, 不過次次都唔係, 今次千嬅終於揀左呢隻作為最後的歌, 其實唔知點解, 我好鍾意呢隻《最後的歌》... (待續...)

>>March 3, 2007 at 2:55:18 AM GMT+8

2006 年 8 月 4 日 星期五 【陰】

《黃金十年 --- 第十章　－　Y》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 黃偉文 wyman的讀白, 估唔到《歡樂今宵》原來係佢填既... 陳奕迅同何韻詩唱出黃偉文呢十年黎作過既歌, 「最佳損友, 再見露思瑪莉, 會過去的, 高妹正傳, 絕, 痛愛, 三角誌, 我的驕傲, 歡樂今宵, 垃圾, 我不懂唱歌, 美中不足, 每日一禁果, 你唔愛我喇, 好戲在后頭, 零四好玩, 頭髮亂了, super獎門人」 笑死, eason同 hocc唱《你唔愛我喇》同《super獎門人》, 好白痴！^^ 全晚高潮所在！eason同 hocc唱完之後, wyman系後台行出黎, 獨唱一曲《浮誇》！！！全場起哄！！！正！！ 「你當我是浮誇吧, 誇張只因我很怕, 似木頭似石頭的話, 得到注意嗎？ 其實怕被忘記, 至放大來演吧, 很不安怎去優雅, 世上還讚頌沉默嗎？ 不夠爆炸, 怎麼有話題讓我誇, 做大娛樂家....」 (待續...)

>>March 3, 2007 at 2:55:04 AM GMT+8

2006 年 8 月 4 日 星期五 【陰】

《黃金十年 --- 謝幕》 請各位讀者留意： youtube影片一次過只可以睇七至八段, 第八至九段片開始會冇聲, 如要繼續收看, 請移玉手去 click一下 refresh鍵, 唔駛另外收錢的, 勞煩哂！睇片 la！ 我地以為 wyman唱完歌之後就完場, 因為 wyman入返後台, 但係大螢光幕 show出「to be continuous...」 D人開始走, 點知佢地系後台出哂黎來一個大合唱《紀念日》, 全場企哂起身大合唱, 個氣氛好正！！我地都嗌到聲沙哂！ 最後散場, 因為太多人既關係, 我同梁琬婷就坐系度等 D人走哂先, 我地一邊拍下個會場, 一邊講下自己既感想, 不過唔知點解俾人趕走..sosad... 全晚精華！！有 eason清唱《貝多芬與我》同自彈自唱《反高潮》！！ 精華 part2！！有千嬅個人獨白！！紫髮千嬅真係好靚... 最後陳奕迅、楊千嬅、何韻詩、雷頌德、黃偉文各自講出, 十年後最想其他人記得佢地 D乜野, 最好笑係雷頌德同楊千嬅, 聽下佢地講咩, 真係笑鬼死, 全場爆笑...

>>March 3, 2007 at 2:54:49 AM GMT+8

2006 年 8 月 3 日 星期四 【驟雨】

今日打風, 雖然風力強勁, 但天文台依然維持三號風球, 我地去左尖沙咀「潮樓」同梁琬婷既大姑媽食晏, 食到三點幾, 我同梁琬婷就去左旺角, 雖然橫風橫雨, 但我地去左睇 depp佬套《魔盜王決戰加勒比海盜》, wow, 好睇到震！今年同梁琬婷睇左四套戲, 另外三套分別為... 《球愛可人兒 she is the man》、《X-men3》、《凶兆 the omen》, 除左《the omen》之外, 其他三套都好正, 正過哂上年睇既垃圾片.. 《天國驕雄 kingdom of heaven》、《星際快閃黨》、《star war3》.. 上年真係 sosad, 三套都睇到訓著覺, 仲訓左大半套, 悶到冇朋友, 今年除左《the omen》睇得三分一外, 其他都好好睇, 有 sweet sweet唔駛用腦既愛情喜劇, 有節奏明快既特技動作片, 同埋大卡士大製作得黎又風趣幽默既特技片, 好難得續集唔比第一集遜色, depp佬真係好正, 又縮骨又賤格又衰衰地, 魅力沒法擋！ 十分期待第三輯《魔盜王決戰張保仔》, depp佬大戰周潤發！！ 最後悔係睇左《凶兆》, 因為《the omen》大部分時間, 我都掩住梁琬婷對眼唔俾佢睇, 因為佢真係嗌到全戲院都聽到, 但又係佢話要睇 ga wo, 驚既又係佢, 早知唔睇 la, 每次睇戲都係我俾哂錢 ga ma, 好睇就話冇所謂姐... 雖然我唔怕鬼片, 但我都怕突然間彈出黎、跳出黎個「moment」, 所以我同佢都係睇得三分之一, 三分二都係恰埋眼 so sad... 《Pirates of the Caribbean》最後賣左關子, 暗示有第三集, 要在世界的盡頭搵返 depp佬, 梁琬婷話要睇埋個片尾先走, 佢要我陪佢一齊等, 本來一開始都有人坐o係度等, 走下一個走下一個, 最後得返我同梁琬婷, 等左五分鐘都仲未完, 結果我地都係走埋... 一開場既時候, 梁琬婷好嬲咁叫我食粟一燒時唔好食得咁大聲, 叫我合埋口食, 點知自己睇戲時見到 depp佬扮野走佬, 佢就系度大叫尖叫「wow yeah~」, 見到海魔張大個口就驚叫, 全場得佢一個人叫, 仲要係叫到全戲院都聽到, 淨係識叫人細聲 D, 但自己就係最噪最 annoying o個個... 我地o係地鐵上面既無聊玩意.... 如果佢係彭羚, 咁我就係阿 jen...^^ 返到屋企, 梁琬婷話佢尋晚「訓矮頸」, 個頭完全轉唔到, 咁我就好似阿四咁, 不停幫佢用熱水、扭毛巾、敷頸, 因為 D熱水好快凍, 所以我每隔三十秒就要去換一次熱水, 佢叫我扭條毛巾要扭得大力 D, 因為如果有水既話, 整濕左衫領就會令到條頸好「拿」... 得寸進尺既梁琬婷仲話, 如果有得一路食薯片一路敷頸就好勒, 有冇搞錯.... 之後我幫佢用驅風油摔頸, 摔到我手都痛埋, 梁琬婷就梗係嘆 la, 佢不停叫我大力 D、唔好停、大力 D, 佢話越大力摔, 佢就越舒服, 佢仲一邊俾我摔, 一邊用頭先剩低既熱水浸腳, 不知幾爽, 慘得過我好似個工人咁...

>>February 23, 2007 at 11:46:03 PM GMT+8

2006 年 8 月 1 日 星期二 【酷熱】

《長洲之旅 --- 後篇》 今朝一早七點幾就醒左勒, 幾好訓, 全晚都冇發過夢, 溫敬良起左身就返去佢屋企拎野, 我地就系度吹水, 等到溫敬良返黎, 吹多陣水, 我地就系極不願意下, 落左去樓下食粥, 因為個冷氣實在太正, 出面太熱... 尋晚遺留下來的「戰績」... 食完早餐, 我地就去左交房, 同埋去溫敬良屋企擺低 D袋, 我地四個就去左長洲海灘, 幾靚 wo, 靚過香港那些... 留意一下溫敬良係入到鏡頭... 我地就系海邊玩水, 本來我唔多想落水既, 一來我唔識游水, 但係佢地話想玩浮床, 我地就去左租隻浮床鱷魚, 二十個大洋全日, 本來我都唔肯上去既, 點知梁琬婷迫我上去, 又話會睇住我, 點知我一上到去, 梁琬婷就反左張浮床, 搞到我跌落水, 有冇搞錯, 之後又 tum我捉住浮床邊踢水, 梁琬婷同 Amy大姐就一人一邊踢水, 點知越來踢越出, 佢地想出浮台！ 頂！我唔識游水 ga ma！嚇死我... 溫敬良就系旁邊游, 我地幾經辛苦先出到浮台, 佢地三個就上左浮台玩, 溫敬良訓系浮台度, o個兩個女仔就系溫敬良兩邊跳來跳去, 識溫敬良既人都知, 好少見佢騰哂雞好驚既樣, 但今次佢就真係好驚, 佢地又系浮台上面跳舞, 我就冇上到浮台, 因為我怕上左去落唔返浮床, 我就捉住浮台邊, 見到好多魚仔, 但係捉唔到, 佢地系浮台傾多陣偈就落返浮床, 我地又踢水回沙灘, 點知差唔多到沙灘時, Amy大姐同梁琬婷就上左岸, 我自己就越踢越遠, 梁琬婷話唔好救我, 等我自己踢水返黎, 但我越踢越遠, 飄左返海中心, 梁琬婷真係好玩唔玩, 搵個唔識游水既黎玩... 留意得到溫敬良麻？ 我地還左隻浮床鱷魚後, 就去食長洲牛腩米粉, 游左咁耐水個個都好肚餓, 不過間鋪頭 D冷氣都幾凍, 因為我地岩岩上水, 一路食粉一路滴水, 搞到人地個地下濕哂, 我地食食下先開始後悔頭先去左游水, 因為我地係系正午十二點至一點呢個時間, 系烈日當空下去游水, 仲要游出浮台, 歷時一小時, 我地將要負出沉重既代價.... 下晝我地去左溫敬良屋企打麻雀, 佢去左買袋金魚仔, 返到屋企俾條龍吐珠食, 條龍吐珠成三尺長, 佔左四分之三個缸, D金魚仔一落到去, 成班塞縮埋一角, 咁梗係驚 la, 條龍吐珠咁大條, 但不消一刻, 幾條金魚仔就俾條龍吐珠一啖食左, 真係渣都冇, 溫敬良話餵佢食金魚, 就會令到條龍吐珠 D鱗有光澤, 梁琬婷不停咁話溫敬良變態, 又話 D金魚仔好慘, 游埋一角好似等死咁, 我就同佢講, 你好興奮咁踢蝸牛時, 又唔見你可憐佢！？ 梁琬婷竟然話, 因為 D蝸牛係要黎踢, 同埋佢有個殼, 又唔係踩死佢, 踢佢之 ma... 我地四個就攻打四方城, 見到溫敬良個妹, 嘩！完全同佢阿哥唔同樣 ga！ 以前唔知聽邊個講, 話溫敬良個妹同佢一樣樣, 我心諗男仔就話冇所謂姐, 女仔黑黑實實又大隻咪好恐怖！？ 原來唔係, 不過溫敬良個妹俾我既感覺係, 一個好硬朗既女仔, 可能因為佢短頭髮同染左既關係, 不過都唔太差.. 我地一路打麻雀一路聽歌, 有次梁琬婷食左鋪對對糊, 溫敬良話因為有番子, 所以得兩番, 詐糊！ Amy大姐又幫口話詐糊, 梁琬婷系知 D唔知 D既情況下, 唯有接受自己詐糊既現實.... 黃昏六點時我地落街食小食, 買左雞蛋仔同格仔餅, 我地再去尋晚間糖水鋪食豆腐花, 之後就行下海旁... 行左一陣, 就唔見左溫敬良同 Amy大姐, 我地行到好遠都唔見, 唯有坐系海旁 D長椅上面等佢兩個返轉頭, 我地心諗, 佢兩個都唔知係咪特登走開, 不過佢兩個都幾襯, 一齊左就好勒... 點知我地等左好耐都唔見人... 我同梁琬婷就返轉頭睇下佢地係咪已經返左碼頭 la, 原來 Amy大姐同溫敬良又係坐系海旁 D長椅上面等我地, 我地兩 pair只係隔左兩三條長椅, 真係好笑, 佢地話我地經過時, 佢地係見到 ga, 不過見我地兩個越行越遠, 就冇叫我地, 我地經過時佢兩個又唔叫住我地 wo, 分明就想二人世界 la, 溫敬良真係... 行返去搭船時, 梁琬婷話明明記得對對糊係三番, 溫敬良話係丫, winnie就話：「咁頭先又話我詐糊？」 之後 Amy同溫敬良好平淡咁話：「哦..厄你之 ma..」 梁琬婷激到紮紮跳, 繼上年同溫敬良玩飛行棋, 差一隻棋差一步就贏, 結果俾溫敬良搞到三條六返哂大陸, 今年就俾溫敬良厄左對對糊唔可以有番子, Amy仲夾埋一齊厄, 唔知下年又會點呢？ 如果今次唔係有 Amy大姐, 睇怕溫敬良都唔會咁好客, 溫敬良話今次係佢咁耐以黎, o係長洲最好玩既一次, 以前籃球隊甚至緋聞女友 kerry ho黎長洲, 都冇今次咁好玩, 梗係 la, 今次有兩個癲喪狂既女仔, 的確幾好玩....

>>February 21, 2007 at 2:32:50 AM GMT+8