2007 年 1 月 15 日 星期一 【晴】

《如果我們可以先大個, 後細個就好了》 人從懂事開始, 就要開始面對競爭, 開始有壓力, 小學時代係最無憂無慮, 雖然好多限制, 但真係好開心, 小小事, 小小禮物, 好小既野都可以好開心.... 升中考試、升中面試開始, 就感受到唔係你死, 就係我亡... 中一至中三都仲可以相安無事, 升到上中四中五, 就要面對會考, 旁人鼓勵說： 「過左呢關就一天都光哂, 中六係 honey moon year！」 考過左, 以為會輕輕鬆鬆, 點知中六七又係另一回事, 課程比會考深四倍, 多四倍, 根本就只有更大壓力, 更花精神心血努力... 旁人又說, 撐過 AL, 入到大學就神仙！ 點知又係厄鬼, 大學爭 GPA, 爭 1st hon, 完全又係喘不過氣... 旁人又話, 捱三年者, 大學畢業就 happy la.. 畢業後競爭仲大, 依家搵工又難, 老闆又刻薄, 讀完三年出黎, 未有工做已經爭落政府週身債, 要賺幾多先夠養家？三萬？四萬？有咩工有咁高薪？ 工作壓力又大, 朝九晚十二, 又要受老闆氣, 又要受雇客氣, 要跑數既工仲慘, 唔知幾時開始, 身心神就沒有完全放鬆過... 要食, 要住, 要交稅, 要交差餉, 要交水電煤氣費, 要交呢樣o個樣... 供樓每月幾萬, 利息都俾銀行榨乾哂, 地少人多, 樓又貴, 一間幾百尺既屋都要百幾萬.. 又要供養父母, 照顧老婆仔女, 自己唔食, 老婆仔女都要食, 依家學費書簿費考試費年年加, 生兩個已經冇哂錢... 水電煤氣費又加價, 又要加稅, 絕對係得閒死唔得閒病... 大公司大企業又裁員結業, 年年有盈餘都寧願請廉價勞工, 都唔請本地人, 自己一支公都仲好, 如果成家等你開飯咁就慘, 年近歲晚裁員減薪, 餓死老婆瘟臭屋？ 人生就係咁樣過？奔波五六十年勞碌一生？ 《雪糕車 --- 林一峰》 背上過重書包放學　看看店裡新到筆盒 穿梭機快快四點開　 一家七口三百呎內　各有各繽紛一角 電視劇晚晚都精彩 叮叮噹樓下笨重音響漸大催促小子快下來 迷住了　頃刻開心了　每當聽到雪糕車靠近　功課也溶掉 紅綠燈飛機一起跳　你出包我出剪他有"Dub"　輸贏繼續笑 心思開始遷到髮上　再冷我也不怕著涼　穿新裝對鏡子欣賞 到處逛逛公園坐下　轉轉轉也不想歸家　天黑黑寂寞更可怕 鐵閘門匙就像一把心鎖愛恨參半知多少 迷惑了　青春不可笑　每天都與聽筒多接近　偶爾到天曉 紅綠燈　拖手的幾秒　遠處的雪糕車不再被需要 太舊了 時代換了　人情淡了　還未習慣新的都已變舊了 沿途風景漸後退　餘音漸幻化藏在記憶裡一隻紙飛鳥 傢俬膠袋充塞貨櫃　載滿了記憶的箱子　搬走當天確有點依依 車子駛經村口發現　老伯伯雪糕車生意不怎麼好　轉角已不見 一天天過去混亂中忙著應戰 忙極了開始不懂笑　要供車要供樓水與電差餉也不少 紅綠燈街中爭分秒　你有卡我有錢他有疊支票 告別了 進化太快高速過度　退化了一些感覺　未及著地又要起飛 看過聽過新的變舊　再見說了多次以後　一些東西再也想不起 街角傳來笨重音響剎那間　一種騷動直搗心深處 差點忘掉了　簡單的歡笑　只需聽到雪糕車靠近 便完全溶化掉　停住了　看著小伙子 滿足握著雪糕筒那幸福感　沒比這更重要 la...la...la...la...la...la...

>>June 11, 2011 at 2:50:49 AM GMT+8

2007 年 1 月 12 日 星期五 【乍雨乍晴】

《碧咸好廢》 官方網頁正式宣佈, beckham於今季結束後, 離開效力三年的皇馬, 加盟美國職業大聯盟球隊 --- 洛杉磯銀河隊, 週薪五十萬磅, 即是每星期人工約八百萬港紙, 平均一小時賺五萬港紙... 將大幅拋離第二位的波歷克及舒夫真高, 他們的週薪是十五萬磅... 如果我有碧咸 0.1%人工已經好心滿意足, 週薪八千, 月薪三萬二千... 「碧咸好廢！」 相信好多人都聽過呢一句說話, 而當中亦有不少人說過這一句說話, 有好多人用貶低 beckham的方法, 去說明自己識睇波, 雖然我沒有特別崇拜或仰慕 beckham, 我反而喜愛 giggs多於 beckham, 不過在我心目中, beckham絕對唔廢... beckham 有一般職業球員應有的速度, 只係唔快, 但唔快就等於慢？ 看看多年前 beckham於歐冠盃上對皇馬的一場比賽, beckham於右路 K角位左擺右擺再加速扭過兩三個皇馬守衛, 再射遠柱死角破網, 卡斯拿斯欲救無從, 你沒有眼花, 這的確是 beckham.. 他亦有足夠的體能去應付 90 分鐘比賽, 加上他是中場球員, 助攻助守都應付有餘, 他有精湛的長傳與罰球技巧, 在現今足壇下, 不是每個中場球員都有... 最重要的是, 他有 heart去踢好波, 好落力, 比起朗拿度, 比起阿祖安奴, beckham對足球的熱誠與鬥心, 同 Rooney有得比, 而 beckham的球品在 98之後亦好了很多... 很多人都話 beckham廢, 因為他冇腳法冇速度, 但上面已經看過, beckham是有突破能力, 只是不需要用到, 加上廢的定義是甚麼？他們看得太表面太膚淺... 個個都認為要識扭波先叫好波, 其實碧咸都唔係扭唔到波, (曼聯對皇馬段片已經說明這點...) 只不過他改變了打法, 不需要落底都出到靚波, 咁點解仲要死扭爛扭？ 看看曼聯 vs巴塞隆拿, beckham的突破能力, 就知道他的速度及盤扭技術不是坊間說得那麼糟... 3:3的比賽, beckham兩個助攻加一個典型自由球... 不過, 扭得多只會增加自己受傷的機會, 亦間接縮短了自己球員壽命, zidane, figo這些技術型球員走下坡走得幾快, 唔可以咁表面只係睇幾場比賽就判斷球員既好壞, 其實球員既發揮, 好多時都同領隊戰術、球隊風格、球員配合、合拍與否有關, 比較亨利在法國同阿仙奴既表現, 唔通單憑法國幾場波就可以話亨利廢？ 比較舒夫真高在 AC米蘭同車路士既表現, 單看今季就可以話舒夫真高廢？ 碧咸是一個令人敬佩的隊長, 佢做得好好, 球壇上有球員射罰球與碧咸不相伯仲, 歷史上, 亦有球員射得比碧咸更準更靚, 但他們的名字不能常掛在球迷口邊, 無論你擁護的球隊是誰, 只要是球迷, 在往後的日子裡, 若果看見弧度十足的香蕉形罰球中死角入網, 想必心中想起他, 口中唸唸有詞地道..「wow..碧咸式罰球！」 其實 beckham的路可以說是比普通球員易走, 亦可以說是比普通球員難行... 這正正印證了人性的一面, 擁有美麗外表的人, 容易得到別人得不到的東西, 但同時也會被人認定, 他得到的東西, 是全靠美麗的外表... 擁有平凡或醜陋面孔的人, 則比較困難去得到一些東西, 然而, 他所得到的一切, 便也順理成章是靠努力得來的.... 人往往是看外表去定下一切, beckham的確是一個外表俊秀的男子, 結果他付出過的努力都會被人看低... 朗拿度的足球天份肯定比 beckham多好多倍, 但我夠膽講, beckham為足球付出的努力, 一定比肥哨多... 可能有人覺得天份大哂, 好波大哂, 識扭波大哂, 但我比較喜歡付出努力, 不斷進步既人, 如果肥哨有 beckham咁努力, 肥哨或者不會落至如斯田地.... 我肯定咁講一句, 如果 beckham係樣衰衰既, 可能無咁快出到名同賺到咁多錢, 但一定會得到更多人認同... 如果球員每樣能力都係 100分滿分, 施丹、費高的平均分有 85以上, 但 beckham可能只係得 65~70, 但他的罰球及傳中都絕對是 90以上, 我用一個例子, 玩三國志, 曹操、諸葛亮平均值 80~90, 但張飛得一樣武力 90以上, 其他都是 20~30, 張飛一樣可以好好用, 他一樣可以名留青史... 好多人話 beckham廢, 就好似有人同你講, 張飛好勁, 你就答：「挑！有幾呀？政治、智力、魅力得 20幾, 仲俾人暗殺咁鬼蠢, 咁就叫勁？」 請學懂欣賞別人長處, 只看短處是很容易的... 一個球員無特長叫平庸, 一個球員有一至兩項特長已經可以叫勁人, 一個球員咩都勁, 已經是球王... 難道巴迪高扭波唔強, 但把握力超一流唔叫勁？ 列基美無速度, 慢條斯理, 但盤球傳球都一絕, 又唔可以叫勁嗎？ 好多人都話, beckham罰球同長傳係勁呀, 不過其他唔勁呢... 用別人既短處同其他人既長處比, 無得比, 呢個世界除左你認為的那一個球王之外, 就冇勁人了... 有些人話, beckham得一兩場好波, 其實, 唔係入波先叫好波, 馬基里尼一場比賽做幾多其他人唔願做既野, 一 D都唔起眼, 但係對球隊超有作用, 咁佢可唔可以叫勁人？佢唔快、傳送射門都唔強, 但佢肯定係世界上最勁防中之一... beckham在我心中肯定唔係一個球王, 但絕對係一個好勁、同埋好有用既球員...

>>June 9, 2011 at 11:50:55 PM GMT+8

2007 年 1 月 9 日 星期二 【微冷】

《新世紀福音戰士 EVA》 咩叫知識產權？有利益既咪有知識產權囉, 咩叫知識產權？有權力既咪有知識產權囉, 咩叫知識產權？有財力既咪有知識產權囉, 咩叫知識產權？關乎自身既咪有知識產權囉, 香港根本只有產權, 沒有「知識產權」, 不要再為自己的利益而扣上冠冕堂皇的帽子了.... 大家可能唔知咩叫《浩然的抉擇》, 單聽個名真係柒到冇朋友, 但有睇過 EVA既人, 都知道明日香同綾波麗係邊個.... 睇到《浩然的抉擇》真係笑到我痴線, 再睇下正版既 EVA係點.... 再聽埋國語版主題曲《殘酷的天使》, 真係包你嘔血.... http://www.cc.chu.edu.tw/~u8702017/eva_OP/peva_op.wma 美麗的天使在遠方召換你 勇敢的少年阿 快去創造奇蹟 迎面吹來和煦的風 輕輕的扣擊著我的心靈 你的臉上露著微笑 偷偷的凝視著我 你正義地面對一切 這一切都看在我的眼裡 我知道你無所畏懼 我知道你無比堅毅 總有一天 你會發現你的力量強大無比 總有一天 你會發現你可以創造奇蹟 美麗的天使在遠方召換你 為了明天 少年快去努力 理想遨遊在藍色的天空 擁抱明天 喚出青春洋溢 為了明天 請你不要再猶豫 勇敢的少年阿 快去創造奇蹟

>>June 27, 2011 at 12:12:54 PM GMT+8

2007 年 1 月 8 日 星期一 【晴】

《看看日本人如何迫入地鐵》 係咪 on9 ga？

>>June 9, 2011 at 11:49:28 PM GMT+8

2007 年 1 月 7 日 星期日 【乍雨乍晴】

《車仔對利記 --- 黃興桂語錄》 1. 如果連拿可以有十足狀態救晒所有波, 杜奧巴無論點在狀態都射唔入... 2. 唔知幾時香港人將 sorry變左 sorly, handball變左 hamball, 火腿球... 3. 施治睇得好準, 我相信個頭罩無影響佢視力... 4. 卡奴應該叫所羅門卡奴, petr cech應該叫彼得施治, 頭先講左呢個係捷克讀法... 5. 各位記住要睇到五點半, 分到勝負先去飲個早茶, 再去處理你你既工作, 因為已經過左五一勞動節, 五一勞動節並唔係放一個禮拜架... 6. 卡勞又甩腳啦, 作為一個球員傳失波未必係最大弱點, 但一定係個致命弱點... 7. 林柏特係上半場無乜參與, 只係參與左 45分鐘, 加一分鐘補時... 8. 講到尾, 如果艾辛可以係中場助攻, 車路士就會多 D中場既助攻... 9. 岩岩換入黎既係呢位西班牙人, 佢會將惡夢帶入利物浦 (停1秒)... 既敵人車路士身上 (停1秒), 隊中嗎？ 10. 我相信領隊呢個時候飲嘉士伯啤酒都無用... 11. 佢有個名叫神奇的史提芬, 但千其唔好搞錯, 呢個名唔係佢真名... 12. 如果呢個時候車仔入作個作客入球, 咁就坐定粒..(停兩秒)七添喇, 坐定粒六都唔止, 直情坐定粒七... 13. (話所羅門卡勞) 唔係話佢唔好波, 但佢腳腳都甩...

>>July 14, 2011 at 3:40:03 PM GMT+8

2007 年 1 月 7 日 星期日 【乍雨乍晴】

《爆門情報科》 爆門前打關斗...= =" 刑事情報科 OCTB出動爆廁所門！ 唔話得俾你知, 講左要殺你滅口！ 我地o個層爆屎渠！ 熱血既 OCTB又出動喇！ 打關斗, 踢門, 拎開度門, 再入去...動作一氣呵成！

>>July 14, 2011 at 3:39:21 PM GMT+8

2007 年 1 月 6 日 星期六 【晴】

《超強颱風桑美浙江登陸》 cctv4記者快崩潰了！

>>June 9, 2011 at 11:48:43 PM GMT+8

2007 年 1 月 5 日 星期五 【微冷】

《球場新影帝新鮮出爐》 02年世界盃四強, 巴西 vs土耳其, 李華度被人用足球射中腰部掩面倒地, 05年英超紐卡素 vs維拉, Steven Taylor用手護空門「中槍」倒地, 06年歐聯分組賽, 車路士對巴塞隆拿, 迪高插水「斷腳」倒地痛苦呻吟, 被泰利用足球「省」左一下, 以瞬雷不及掩耳既速度跳起身, 衝向泰利理論, 難道泰利射既波有醫療作用？斷腳都立即好返？迪高你係得既！

>>July 20, 2011 at 3:11:05 PM GMT+8

2007 年 1 月 3 日 星期三 【乍雨乍晴】

《你知道雪溶了是甚麼嗎？》 化我的思念　為白雲片片　飄過平原 飄過高山　飄到你的頭項窗前 默默的投給你　我那愛的詩篇 一千遍　一萬遍 化我的思念　為藍星點點　閃在黑夜 閃在凌晨　閃在你的眉睫夢境 輕輕的彈給你　我那愛的琴鍵 一千遍　一萬遍 化我的思念　為山花朵朵　開滿山谷 開滿丘陵　開滿你的髮鬢庭園 暗暗的寄給你　我那愛的書簡 一千遍　一萬遍

>>July 20, 2011 at 3:11:36 PM GMT+8

2007 年 1 月 3 日 星期三 【晴】

《笑甩肺冇命賠系列之神奇、頂級、超卓！》 我愛黃興桂！

>>June 9, 2011 at 11:47:26 PM GMT+8