2004 年 9 月 15 日 星期三 【晴】

今朝~見到猩猩online~既然咁耐都冇叫過佢~
所以就叫一叫佢la~
咁傾下佢d近況la~其實...最大目的~都係因為前排聽到雞蛋話佢溝到女~
我都想確定一下係咪真o既~而且我都去左爆光個板度講左~
不過...佢話溝唔到~只係追ja~
咁傾左一大輪之後~就係時候換衫返工la~咁聽日係佢生日~佢話達達會去~我就一定去la~
至於其他人....就不得而知la~

>>September 18, 2004 at 1:12:28 PM GMT+8

2004 年 9 月 14 日 星期二 【晴】

今朝~睇左陣願此刻永恆~雖然只係短短o既兩集~
我又開始鍾意lee套野lu~
雖然~可以話d"橋"會係舊d~但係都係果句la~"橋"唔怕舊~最緊要係受~
我~當然好受la....中晒毒咁添....
而且個男主角有幾part都真係幾得....果真唔錯~

忘了.........................................................................

>>September 18, 2004 at 1:29:06 PM GMT+8

2004 年 9 月 13 日 星期一 【晴】

今日又返兩點la...看來...lee幾個星期都係要返兩點lu....
十八歲呀~你幾時先到架~
係囉~好正架喎~今個星期阿民放喎~
出奇地~我問阿豪(偉豪)佢都話好討厭lee個人~
呵呵~原來勁多人都唔鍾意佢呢~真係估唔到~

今日放工~阿豪又係住富亨喎~
佢開頭話帶我響公司果頭搭k巴架~不過剛剛走左去唱錢~
咁o岩唱錢o既ok又係相反方向喎....
只好又搭284走la~
咁去到大埔我就跟佢搭巴士~因為我平日都係行返屋企o既~
其實個個聽到我話響太和行返屋企都好驚訝~話我傻....
傻我就一般la....不過我又唔係咁熟d巴士...而且我一直以黎都只係會搭我需要o既車~
以前住林村就64k~出尖咀旺角就271~返六福記咪75x囉~
有時真係行唔到~一個人都只係會行路~死都會行....除左有人一齊而且佢話搭巴士la~
唔係都唔會點搭架la~

>>September 17, 2004 at 2:36:40 AM GMT+8

2004 年 9 月 12 日 星期日 【晴】

今日又返兩點la~既然冇野做~又要開始清清d動了~
雖然我已經忍痛咁del左勁多野....但係...d gb越來越小....
星期6如果唔係睇埋個妄想科學美少女的話....都係得1gb....
咁今朝就睇lee個~願此刻永恆la~其實lee出野響網上都叫做大受好評~
而人物都叫做ok~但係我彈下彈下咁睇見到佢個女主角已經係人女友la....
已經係人地o既野我就冇咩興趣~所以就冇睇la~
但係一睇~原來唔係喎~第一集都係講個女仔同個男仔表白~到最後先叫真正開始~
可惜只係睇左一集~家姐就走出黎~
過多陣~譚德叫我同佢一齊set個私服...........

喔~又撞到阿亨呢~唉....不過我好怕lee種人....
點講呢....形容唔到...
返到去~阿占今個星期要返la~呵呵~我學阿水講果句~有冇掛住我呀~
不過lee d野都唔多o岩出自我把口~以前都係禁左佢算lu~
唉....又7點收工la...只有150蚊ja....好灰呀....

>>September 17, 2004 at 2:25:23 AM GMT+8

2004 年 9 月 11 日 星期六 【晴】

今朝10點鐘起身~o岩o岩好就睇電視la~
見琴日蔡蔡還返d聖槍修女果時借埋果隻龍騎士比我~
所以就開機玩la~
玩左半個下午~已經唔想玩住la~
熄左機~就入左譚德個私服玩~
可惜丫...都冇咩人....得我同佢兩個~佢又話叫人~但係又唔見有人....

>>September 15, 2004 at 2:00:28 AM GMT+8

2004 年 9 月 10 日 星期五 【清涼】

唉....琴晚都成兩點幾先𤍣...而且打完通頂都係𤍣得果個幾兩個鐘...
仲要今朝差唔多9點o既時候...阿媽打返黎比佢嘈醒左添....死得人la....
既然起左身~就睇埋果3集o既妄想科學美少女~wa~激正呀~(不過....隔太耐了~唔記得d內容lu~)
睇到12點半先完....結果搞到成點幾兩點先出門口....

返到學校~我見佢地做緊體能~而且我仲有點呆~
所以閃在其中一條柱後等佢地做完先出~不過遲到就比人罰20個圈la....
跑完上返去又開始上堂la~不過心情好似有d不爽~
結果今日都係敷衍下算了~
只可惜今天有free fight~本來都唔想打架la...但係比周兄叫左我著甲....
出到去又冇人同我打喎....之後佢就話同我打la...
睇佢個樣都係嬲我今日o既態度....(人家唔夠𤍣ma...係咁上下la...)
佢全力攻...我只好奮力還擊....只可惜真係太耐冇認真打過了....
比佢搞到我亂了...而且隻左腳踢佢踢到好似扭咁o既感覺~而且仲腫左....
加上行都行唔到....因為勁痺....最後~佢仲問有冇人打~因為我仲想打~雖然仲痺痛中~

咁我就叫左蔡蔡出去la~我再一次亂了....結果....感覺上係我連輸兩次....
不過....對我黎講...技術上的取勝才是勝利~力量壓制就是和~打和就是輸了....
因為咁樣...我左腳~右腳~左手都跛左....不過左手同腳係極嚴重的...
正因如此~或者~已經激起我o既鬥心了~

放左學~我地又去左天外天食~本來都唔知食咩好架~
不過見到有個沙律好似幾好~所以就叫la~而肥董又跟我食~
咁食完佢地就去打機~但係因為阿媽叫我落舖頭~所以我就唔去la~
拎完我今晚o既晚餐之後就返屋企la~
本來阿媽話唔返屋企o既~不過...佢又返黎喎....咁我爐左d野~食完之後又開個千與千尋睇...
嘿嘿~勁正~真係睇幾多次都係勁正o既ja~

>>September 14, 2004 at 1:54:21 PM GMT+8

2004 年 9 月 9 日 星期四 【晴】

世昌~志惠都去~不過~我去到都冇咩野好玩....
只好睇住肥昌玩果個yahoo message(?)同icq~
因為佢個腦都死左好耐下~而且都仲未整返好~所以黎網吧就勁玩la...
時間過多好快~睇睇下都成點鐘la~咁佢就開始玩war3~
玩左好耐呢....不過第一次爆到lee個版圖~
爆左之後~就玩cs la~玩到4-5點~世昌同志惠就𤍣左la~

得返我同肥昌兩個人玩~玩果隻唔知咩game~好似1942咁~
玩左幾舖之後就冇玩la~既然冇野完佢就話aoc~
aoc....好耐冇玩過lu~而且玩得aom多~唔識玩....而且都唔慣la~
玩返先覺得aoc原來係咁弱....比起aom原來差咁遠...
我地玩完之後~就𤍣左la~
不過我都係𤍣左半粒鐘~之後世昌都係時候要返工la~
得我一個人醒左~又冇野做~之後就入cs睇下la~又有人開喎~所以就入去玩la~

8點幾到~我同肥昌就走la~志惠就𤍣多陣先走~
咁我就搭的士返屋企la~有d肚餓~所以就響樓下買左d野食返屋企食la~
返到屋企~睇完本o岩o岩買o既666之後先開始食~
食完沖埋涼都10點幾la~入房𤍣~
𤍣到12點幾竟然醒左....之後就𤍣唔返la....
出去玩腦~之後dl完果幾舊野就開始玩ro私服~呵呵~玩gm原來超正~

>>September 13, 2004 at 2:19:06 AM GMT+8

2004 年 9 月 8 日 星期三 【晴】

唔知點解今日咁遲先起身o既呢~11點幾先起身喎~
set好晒d野~玩左陣ro~都已經差唔多1點lu~
不過感覺上都仲係好玪~所以就拎左d被舖出黎~
開左果個妄想科學美少女~𤍣響個廳度睇la~
睇左6集到~有d想打機~之後就開左個cs玩~玩左陣就玩aom~

玩完~都成7點幾lu~阿媽都返左黎煮飯la~
呵呵~久違的咖哩薯仔雞翼~超正呢~食完飯之後佢就走左la~
睇睇下電視~譚德無lala問我玩唔玩ro o既私服~
其實以前我都想玩架la~不過見到人地講得咁煩.....
又要set lee樣~又要搞果樣咁....你唔比我接觸佢有幾好玩之前~
都咪洗旨意叫我搞呀~

佢叫完我之後~好多個鐘後都未回我~咁我就去沖涼la~
沖完肥昌就打比我叫我出去打機la~
就響lee個時候~譚德就叫我dl幾樣野~我叫肥昌去到先打比我~
而我就響屋企dl住譚德叫我dl果個野先~然後換好衫等肥昌電話la~
哈....佢11點9到先到喎....lee個時間係咪有d問題呢....
不過算la...我又唔洗返工~去下都冇所謂la~

>>September 12, 2004 at 2:48:38 PM GMT+8

2004 年 9 月 7 日 星期二 【晴】

琴日~差唔多做晒所有要出街做o既野~
所以都冇出街o既必要lu~
今朝早好多人呢~阿媽又響度~家姐同佢男友又未返工~
雖然~阿媽響度好多野食~不過咁多人好嘈...唔鍾意....

到到下午~所有人都走晒~得返我一個人~
好靜呢~不過又好舒服~鍾意做咩就做咩~都唔錯~
既然咁無聊~所以就清一清個腦d動la~
左簡右簡都諗唔到睇邊個好~之後諗諗下~記得有個d人幾靚架啵~
之後就開左lee個~妄想科學美少女la~
lee出野都幾得架啵~因為佢勁搞笑~而且有d鹹濕~o岩晒我口味la~
睇左3集就停左la~
借左朋友ro個acc(冇問到佢~)~開左個人~之後就勁玩la...

>>September 12, 2004 at 2:31:22 PM GMT+8

2004 年 9 月 6 日 星期一 【晴】

琴日~好耐都冇聯絡過o既天偉icq acc我同我傾陣~
咁我知佢lee排都得閒~咁我今日就約佢出街la~
因為有好多野都未買想買~好似話洗contact水咁la~已經大前日已經用完~
但係琴日又放得夜~所以冇得去買~好彩我冇倒左d水佢ja~

約左佢點幾響洪橋等~本來叫佢落舖頭等o既~不過佢又唔肯喎~
咁好la~不過我都係要落去o既~因為要比錢阿媽~
不過落到去佢又唔日度....所以就做今日o既行程之一~交電話費la~
交完~我地行到公園仔比龜逗...我o既第3次....雖然天偉話佢個頭o既問題~
的而且確~佢個頭真係幾"腸"眼~而且lee d時候正常人都返左學架ma~
不過~其實我已經有9成肯定係我而搞到比龜逗o既~
因為我用張5百蚊黎交錢~之後我未放好d錢落銀包我地就行la~
而果個警察又問我有冇偷過野果d~好明顯佢係認為我d錢係偷返黎la~
經過此事之後~結論只有一個~香港警察~好得閒....係lu喎~日光日白偷錢喎~點幾行街唔比喎~就算偷你都唔知la~

要事1~做左~之後到第二件~買洗contact水~買完之後就去大中行下la~
去到大中~d老翻比人掃晒~其實咁樣都好o既~我發覺我又對個ps2冇咩興趣....
之後就做第三樣重要o既事la~就係買~千與千尋o既碟~
去到果間碟舖~行行行~搵極都極唔到喎~咁天偉有d放棄o既意欲o既時候~(叫我問人....)
我自己行下行下見到~原來就係響頭果度....因為一枝箭咁標左入去睇~
所以冇發現....買完碟~之後就去左食野la~食就唔係食左好耐o既~
不過就傾左好耐~搞左成個鐘先走~
落到去下面~見到有買書~買埋~再過去買邊商場睇睇野~買多兩份碟套之後就返屋企la~

今晚~因為個腦真係爆晒la....冇位...
只好睇埋之後燒左個水色佢la~不過....燒完~我就諗住睇下得唔得~
不過佢load load下成隻爆左喎~d碎就係咁射出黎~
諗住睇下點la~一開~成隻碎左~而且...有d仲響入面....
lee d時候都冇得我選擇~雖然我未開過個腦個殼~只好硬著頭皮上~
我已經盡快搞架la~廢事家姐返到又插我la....不過佢11點幾就返左黎la....好彩都係比佢哦左兩野ja~
本來同天偉約左今晚打機o既~不過佢放飛機喎......

>>September 10, 2004 at 3:45:01 PM GMT+8