2005 年 2 月 22 日 星期二 【乍雨乍晴】

琴晚已經想發表下架la~咁前日晚上o既絕情谷倪震就講我最想睇o既在世界中心呼喚愛~
雖然我就未睇過~不過聽佢講完都有d不爽...
人家滿心期待著~講真~到時唔好睇先算la~但係你e+就話佢睇o既時候~連小小酸o既感覺都冇...
咁你分明係叫人地唔好去睇ja~咁阿谷乜乜就比我o既感覺其實佢想兜o既~
但係佢一直以來比我o既感覺在節目中都係可有可無的~所以都冇咩作為囉....

今朝都係8點起身la~感覺上已經冇咁凍la~不過都係凍~
換完衫諗住入個ro搞下野la~不過一搞就又搞到遲左....結果遲左出門口...
但係就追唔到平日搭開果班車~所以返到去其實就o岩o岩好~
今日一樣都係圍數不多~真好呢~都幾悠閒~而且阿俊仲請我地食雪條~(譚德知道一定好驚訝ja~)
又收到3點啵~正~

收到個電話~今晚係冇飯食~返到屋企所以就唔換衫la~
其實都唔知做過d乜~就咁就到7點幾la~都係時候去買飯了~

其實老早已經覺得自己都有d...自戀的...(唔知係咪呢~?)
肥~我係肥o既~不過...我自己睇落又幾順眼架啵~
感覺上係有d惡o既~不過又好似有d....我發覺lee幾年我真係改變左好多~
不過出到街成日都兩種感覺~一係就覺得自己好似好巨大咁~家因d人太細粒了...
一係覺得自己好小朋友咁...好似剛剛咁~有個女仔睇落比較高大~我頓時覺得我好似個細路仔咁la...
丫~屋企個鏡真係照得個人好靚o既ja~有時照鏡真係自己睇到著迷XD~

隻眼終於都有人發覺佢好紅~不過...點解呢~?我都唔知...
不過一除左隻con之後呢...雙眼就好似好重咁~之後又有d痛~感覺就好似想爆想爆咁...

天氣好潮濕呢~唉...凍~唔係太凍我就勁鍾意架la~不過勁凍都不錯~
但係潮濕正正就是我的最大的敵人...我lee種愛儲漫畫的人~一遇到潮濕的天氣就會煩惱~
而且我又肥底的~意味著𤍣教時會出汗la~(5張被的床~)
咁d牆又出水啵...想掂下都唔得...咁多野唔方便個人就煩躁la~一煩躁做咩都做唔到la~
做唔到野時又會搵人出氣啵~你話潮濕係幾咁煩呢....

雖則我同樣未睇果個school days~(上面張gif那出~)
但係無聊時上2000fun見到人討論~死la...我發覺真係勁想睇~而且佢一個月出一次咁...
要追都有d難度...而且睇落都好有...
ova呀果d o既感覺~ja係好靚~好有大螢幕o既味道~超正~
(lee類型o既雖則睇唔小~不過...對於咩咩咩o既我~依然係極感興趣的~)

呵~好耐都冇人黎留言~咁問到果d公仔o既野就真係...
我都唔知點答好~單眼果個真係...諗唔到點解喎~木口木面果個就叫做平平無奇~
O口果個就叫做驚訝掛...

>>February 23, 2005 at 4:23:46 PM GMT+8

2005 年 2 月 21 日 星期一 【乍雨乍晴】

終於...終於個鬧鐘都正常返la~可能真係我自己o既問題la~
琴晚我拎開d~今朝就係比鬧鐘鬧醒la~好凍...又眼𤍣啵...
出左廳開左個爐~開左個腦~之後拎埋張被就卷埋一舊野響個廳度碌la~
𤍣就𤍣唔到架la~不過凍到都唔知點玩個腦~等到咁上下都係時候換衫了~
雖然係遲左出門口~不過都好小理~落去買左個包醫醫肚先~

返到公司~之後就食飯la~食完阿俊就叫左我去買野~
買果個膠膠~唔知咩黎~咁佢就叫我去五金舖買la~不過果間又冇啵~
我行行行~行左都幾遠下兜左都幾大個圈先買到~
呵~搞笑呢~d人慢慢黎~而且又唔多圍數~睇個勢係唔辛苦的~不過要企就有d...
而且仲有幾日先放假...又冇得放埋個星期日~真灰呢~佢兩個又差唔多走~我都快要歸西了...

食埋個糖水兩點半就走la~同樣都係去左買包~
買左個咩公仔麵包~呵~老實講~我就覺得唔好食囉~不過...或者係因為凍左la...
唉~lee個時間放工就真係唔著數...不單只搵小左錢~而且...放工又冇野睇黎慰藉下個心靈~
看來捱多d lee d咁o既日子真係好有問題...搵到咁上下錢真係要搵過份工了...

仲有個包淨~好彩就唔係餓....睇左陣電視阿媽打返黎之後話比我知有野食~
之後就整果d野食la~呵呵~真係幾好食架啵~雞翼加金菇~
不過今晚都係食lee個~本來就唔錯o既~不過...未熟就拎左黎食...咁就搞到怪怪的...而且食果時都有d擔心...

唉...個死人日本空間~開頭就超好用~有一排冇佢d質素就下降了不少~
e+搞到仲死埋添...結果就用yahoo個空間la~不過有d又好似有問題咁...post響個主題果個...
之後就用左個台灣網的~第一次睇係會疾下疾下的~不過佢去左一次之後就會順架la~
其實lee排都有d想換換d圖~不過最想換係隻音樂~不過...時間唔係冇o既~只係...唔知點解唔想去搞...

超不爽呢...我家姐又叫朋友上黎la~又唔帶鎖匙~搞到我冇得去沖涼...(我去左沖涼佢返到黎又插la...)
咁佢地返到黎~一個沖完到一個~咁我點呀...大佬~我要早起身架...
屋企多個人我又唔自在...真討厭呢...
e+隻眼又唔知發咩神經...紅晒...又唔舒服...好煩呀~~!!!!

>>February 22, 2005 at 4:49:22 PM GMT+8

2005 年 2 月 20 日 星期日 【乍雨乍晴】

討厭呢~一個人響度睇鬼片~恐唔恐怖我真係唔知...
不過佢d音效就強到嚇到我~所以就熄細d聲睇~不過一到d恐怖位就....望電腦~
結果佢做到一點我就睇到一點~套野怪怪的....咁我最後都係唔敢熄廳o既燈...
不理佢就入房la~其實某程度上我睇鬼片真係幾著數架~
o拿~有d人睇鬼片冇感覺~咁你睇黎~就已經浪費左la~我就唔同呢~
我睇完一出真係勁的話~我可能成世都記得佢...驚足一世呀~你都咪話唔著數呀XD~

個鬧鐘依然係神神地...我就7點11起左身~但係個鬧鐘係唔知點解比人熄左的...
未響的話我都冇可能自己去用手拍熄佢la~而且...屋企真係冇人...家姐都冇返屋企...
死la...我成日都係得一個人我真係有d驚添...
琴晚淨左3個壽司加多杯奶就當早餐了~響個廳碌下碌下~碌到差唔多鐘數就去換衫la~
返到公司今日得我同阿然ja...而且...佢今個月尾都唔做了~
其實就唔多圍數的~不過都係谷埋一次過出~而且又多富貴~d小朋友又食唔晒啵...食得果小小~
重到爆呀...不過今日都有d靚女啵~(有....一個....)

今日就收3點半~走之後我又去左買果個包~一個吞拿魚三文治~(巨無霸型的~)
之後響架車度~我都唔知係咪𤍣左...不過合埋眼之後就唔覺唔覺咁就去到廣福la~
返到屋企就真係冇野做...想𤍣~又𤍣唔到啵~但係又好玪~
玩icq~又冇人同我玩~打機~都冇野好玩了~
我又諗通左d野la~時間...會響不知不覺間流逝~但係如果我咩都唔做的話...只會浪費...
ja係其實我就唔係諗前途方面o既野~但係~成日驚~成日怕~我諗lee世都冇囉~
努力~?如何努力~?奮鬥~?從何奮鬥~?從來都係埋頭埋腦咁諗~
但係...就冇去做過~唔得...我要去睇戲呀~!!!

>>February 21, 2005 at 3:06:38 PM GMT+8

2005 年 2 月 19 日 星期六 【乍雨乍晴】

之前唔洗返工~我都冇咁喜歡星期日~e+要返工~我就更加討厭星期日...
一來對我黎講放假o既日子係星期6日~我星期6要返學已經冇時間玩架la~星期日就咁就冇左....
二來~星期日電台就冇咩野好聽...真吹波la...
今日唔知點解個鬧鐘熄左...好彩8點半我自己自動起左身~唔係就死得了...
非常之咁衝忙咁去換衫果d~之後就出門口la~咁要去入八達通所以就順便買多個包~
去到巴士站咁o岩又有巴士啵~(其實就要追o既...)

上到車都見到咁多人~我就唔多好意思拎個包出黎食la...只好留到遲d先食...
返到公司竟然見到譚德啵~佢話比我聽佢做埋今日就唔做la...唉...以後o既日子我點過呢...
呵~今日我就要戴個walkie la~基本上都係我戴架la...譚德走左~阿賢今個月底走~
阿民又唔戴...我都係時候學下lu~係幾得意o既~(感覺上高lv左XD)不過...會轟爆個耳隻...
同埋我聽住電台就有d...佢地講d野又唔係咁清啵~所以都有d煩....

今日收3點~唉...我真係好想返一至五咋...平日要我早早返都冇問題...不過係冇可能的....
我地放左譚德就去買左個包la~之後上到車就食~佢唔信我真係有個包~
不過都唔到佢唔信la~我都食緊la~其實我都有d後悔返左黎...
咁辛苦其實我就...我覺得出面都係差唔多o既ja~講捱的話~我都捱過不少日子~
(但我個格係沮底...雖則唔係有咩大風大浪比我經歷~總比某人差得遠...
思想方面我本人都覺得叫做不過不失la~不過...始終性格改變命運...我o既命途~看來會越來越坎坷...)
但係本來意謂可以見多譚德半個月~但係好突然地佢又話走~真係有d...
今晚果餐真係正呢~又係壽司大餐呢XD

累積落黎o既遺憾就越來越多...
我今晚真係諗過下~我係咪真係搵返門專門d o既工做好d呢~?
學廚~?做包~?再唔係學下其他野都仲得...讀書讀唔成~依家連份工都...
講上進~我直頭係一個沮爆o既人~講學歷~通街都高過我~講能力~完全同年齡不相稱...
論樣貌~雖則就唔係太差~不過...未至於可以依靠佢~
至於性格就...怪人中的怪人...怪得黎又唔出眾果下先唔底..深交d o既朋友都知道~(唔知o既証明我同你不太熟~)
至少...我有某人一半咁唔知醜~都強la~
總結以上咁多點~結論就係...我自己都唔知自己想點....一無事處就不在話下~
咁大個仔都好似冇咩點真係追過女仔咁...雖則d目標都係怪怪的~(搵唔到~見唔返~唔知道~唔清楚...)
或者真係冇...不過...一來金錢方面又唔允許我去做~至少...出街都要請下人la...
二來~我o既時間真係冇~星期6返埋學我真係冇咩時間去聯誼咁~icq又唔鍾意叫人咁...
不過...好多野都係自己做成o既~細個唔好好讀書~大個又唔搵份好工~有位又唔識把握~
有時...真係希望時光可以倒流...

>>February 20, 2005 at 3:00:22 PM GMT+8

2005 年 2 月 18 日 星期五 【乍雨乍晴】

家姐lee排成日帶佢果個女仔fd一齊返黎𤍣....佢地唔會搞基呀....
討厭呢~兩日就習慣左早起身lu啵...7點幾就起左身la...
碌下碌下咁~碌到咁上下先出廳~玩左陣aomt之後~本來就打算開電視睇魔界小金毛~
結果係做果d唔知咩...過份....

返到去都差唔多點半lu~不過因為未開始~所以都唔算遲到~
開頭就鬆根la~我依然係無視佢的~之後就操體能la~或者真係太耐冇返la...
而且最近都成日響屋企就真係...所以能力上係直線下降的~操起上黎都有d辛苦....
完左之後~休息左幾分鐘又開始la~咁就練腳la~丫~又幾好玩啵~
其實係叫一個對手著住3件甲~之後就踢佢la~聽聞就係可以練實d隻腳~
lee個完埋就繼續~

時候都唔早la~咁miss問有冇人打free fight~
阿誠又同白白打la~本來我都想打的~不過又懶得去搵人打~但係周兄又叫我著甲啵~
我只好著la~我又係同阿誠打la~um...真係唔多記得點打了...
守都叫做守得幾好o既~因為我係咁衝前~佢踢我就用手擋~
雖則我都有起腳o既~不過...好似唔多中咁...死la~我好似真係老了....
感覺上係冇咩得著就完la~但係又多左幾個瘀傷了...
又到我la~咁又同周兄打la~呵呵~佢比我砍到個上5寸下5寸呢~所以就完左la~

放學la~阿桌桌就話去大中買野~之後叫我地去大中食~
我地幾個就去la~阿誠聽日就好la~同兩個女仔去同人果d....嗚...我唔想返呀...聽日....
如果返一至5你話幾好呢....可惜...看來我再一次失去自由了...
哎唷~阿誠都想去睇在世界中心呼喚愛喎~
唔...我都叫過下佢去睇o既時候搵我o既~不過...自己去搵會唔會好d呢~
去到大中o既美心~(又係美心...)之後都唔知食咩好....求其點左個奶油多就算la~
食完野就陪佢去買野la~買完都係返屋企la~

返到屋企~玩左陣icq就冇得玩la~咁就等到睇殘酷一丁la~呵呵~第一次由頭睇到尾咋~
真係幾吸引呢...一秒一百蚊~如果我再唔知醜多一千倍我都會去o既~(錢o既魔力真可怕...)
嘿嘿~有兩個小朋友呢~真係超可愛呢~
今晚睇大佬愛美麗~呵~都幾好睇啵~特別係最後果part~
其實都叫做睇過好多次~不過就冇用心去睇...應該係話聽先真.....
沖涼la~喔喔喔~厲害呢~返一日就搞到我成身傷痕累累咁...強呀...

>>February 19, 2005 at 4:13:33 PM GMT+8

2005 年 2 月 17 日 星期四 【乍雨乍晴】

好危險呢~8點鐘就起左身la~不過...唔願起身囉~
𤍣左兩個字到~某程度上都係比d鼻鼾搞到我起身~但係都係全靠自己o既意志囉...
起左身就開腦la~玩左陣aomt~食左d野之後就換衫la~
到咁上下時間就出發la~響架車度𤍣唔著啵~不過就閉目養神(𤍣唔著就強行休息囉~)~
咬唷~鄭中基唱在世界中心呼喚愛的中文版~超好聽呢~
不過諗諗下~看來要搵個人陪我睇都有d難度...唉...好灰呢~

返到公司~換完衫~出到去食飯la~阿然就返到黎la~
佢就好緊張咁~同佢地講話唔見左個銀包~搞左陣之後又出左去~
過左都好耐下~之後佢返到黎好開心咁就話搵返lu~
有一個女人幫佢執左~之後去鍮佢個電話打返比佢la~呵~香港都真係仲有好人架喎~
比著我就...邪念的~拎晒d錢~拎埋個八達通~之後好有手尾地將冇用o既野就放落垃圾桶囉~
但係佢個銀包都成9百幾(名牌奴)...而且仲有張琴日出o既身分證~加埋都成千蚊...

呵呵~今日要整老鼠膠呢~講真~係幾得意o既~而且我又第一次搞~
但係都比較麻煩...好彩我有戴手套ja~d膠其實都真係幾臭下~而且...我諗痴上手都幾煩...
我地就3點幾搞掂~之後就收工la~不過我d野響譚德度~咁佢就出左去...
所以我就要等佢返黎先有得換衫...阿俊就比條鎖匙我開返我個自己櫃la~
我真係唔得你死囉...咁個櫃就有d衫~而且...仲好多蟑螂...吹波la~
之後我一放手跌左落地...搞到我比果個廚房佬~最討厭果個鬧...真討厭...
譚德返到黎~換好衫之後佢話等到踏10先去打卡~(當4點ma~)之後先走~

我一個人搭車返到大埔~掛住諗野~諗諗下都唔記得左落車添...
好彩都係差一個站...唔會差得太遠....
好玪呢~11點幾因為太玪所以就𤍣左響個廳~醒左之後先去沖涼...
真係唔想沖呢~又凍~又玪咁...不過又好難忍受個身污漕....

>>February 18, 2005 at 5:42:04 PM GMT+8

2005 年 2 月 16 日 星期三 【雨】

討厭呢...𤍣到咁上下無lala熱到起左身....張被濕埋...
唔知幾點我家姐帶左佢朋友返黎𤍣...佢地勁嘈囉...而且佢仲地都唔知我醒左~
佢一野就扯左我個枕頭去...就算你真係當我𤍣左~我都醒la會....
雖則我教左8點鬧鐘~但係7點幾就起左身la~嘩...你老虎丫~我唔知佢兩個邊個la~
d鼻鼾真係強勁到爆囉.....

9點幾就出發la~不過都係睇住架車走左la...
等左兩個幾字就有車la~搭到去廣福譚德打黎叫我早d返....
呵~我冇可能控制到架車架ma~不過一落車我都要行快d囉~
響架車~𤍣下醒下𤍣下醒下~終於都返到去la~返到去就都係咁做la~
不過放野o既地方同有d位多左d野囉~做就其實一樣咁做架la~
今日就收3點~不過...企到好玪囉....

返到去大埔~突然好想食麥記~之後買就左好多野返屋企食la~
呵呵~今晚阿媽又買野食返黎~我就叫佢買kfc~今日都可算超熱氣了...不過好正~
嘿...溝妹妹仔呢...爽死XD(冇好收場呢...)
又冇玩天傳la~不過都冇咩時間玩了....

>>February 17, 2005 at 2:59:43 PM GMT+8

2005 年 2 月 15 日 星期二 【乍雨乍晴】

11點幾就到la~之後就去開位la~搞左d野之後佢地就打aomt la...
基本上去網吧來來去去都係玩埋果d野~aomt~cs~雖然我lee排開始玩天傳~
不過...升到去lee個40lv...都已經唔想玩了...難升到爆....前日我就用左成3個幾鐘~
39衝40...真係玩死人...隻手玩到勁酸.....暈低了....
雖然都入一入~不過見到d人響度勁搶...都冇咩心情玩la~
玩aomt係幾搞笑o既~有一舖我肥昌桌him一team~咁桌him就一開波比甘地搶左個部落...
如果唔係我同肥昌佢都死左la...正當我同桌him守得好辛苦o既時候肥昌就ko左佢地~咁就win左la~
譚仙就係因為lee舖而超不爽...仲響度講3講4~不過我地都冇理佢la~
再玩多舖我地就輸左la~因位置o既不利我地就輸左~譚仙就勁串肥昌~lee個時候到肥昌不爽la~
玩左陣cs之後桌him就走左la~哈哈~刀仔黨又出現la~桌him臨走都受盡凌辱XD
玩多陣~但係時間又未到~我地幾個就又打aomt~打電腦~不過...d電腦真係好弱~
我地5個玩北歐一齊爆未日~哈哈~超勁呀~

8點幾就走la~我地又去食野~食完野又傾多幾個字咁就返屋企~
上次甘地比錢搭的士~今次就到我比la~
我隻眼就真係勁囉...左眼係紅到爆的...右眼雖然都有紅~不過就冇咁勁咁囉~
我都估到會紅架la...因為打果陣隻眼都超唔舒服~返到屋企就立即除con~
等d水滾o既時候就𤍣左陣~𤍣完其實真係唔願去沖涼...不過都係死下死下咁去沖~
沖完就𤍣la~

一𤍣就𤍣到下午o既5點la~

差d變左淨係講打機o既一日~

今晚無聊上網睇野~見到人地篇文章幾有趣~玩aomt打電腦~
12神大混戰~我自己都想試試~咁就開黎玩~唔覺唔覺~都玩左成兩個鐘...真係玩到頭暈....

>>February 16, 2005 at 6:20:11 PM GMT+8

2005 年 2 月 14 日 星期一 【微冷】

痛苦呢~我點幾鐘就入房𤍣la~無lala3點幾因為唔舒服搞到起左身~
看來d感冒又返黎la....其實我都覺得有問題架la~琴日下午6點幾~
個人好空虛咁~咁咪勁食野囉~之後食埋個晚餐先覺得飽到上心口....
響張床震左成半個鐘之後就出去搵藥同煲水~之後食藥~飲下d熱茶咁~
雖然係好左d~不過都搞左成個幾兩個鐘先𤍣到...
個身又發滾~但係個人一出被外又勁唔舒服...就咁𤍣下醒𤍣下又醒~幾次~
終於6點幾就𤍣到落去la...

9點3到~阿誠就打黎話比我知10點去到大埔火車站等...
睇個時間已經知唔夠~所以我用超極速~(XD)
結果去到都係遲左小小ja~超正la阿誠就~出左個k700i喎~我都想要啊.....
等齊人就出發la~咁去到阿水就出左去接阿雪la~我地就響度唱住等~
嘿嘿...嘿嘿...嘿嘿嘿~爽死呢~不過我覺得自己都有小小賤...
雖則話點歌係正常的~大家點幾數目都係差唔多~我就點左好多霆鋒la~deep~
小家金曲:活著VIVA~苦海孤雛~愛後餘生~討厭~心仍是冷~先入為主等等o既~(最衰冇接受我...)
而且佢地點果d同樣都係我o既最愛~七友~耿耿於懷~沒有人等等~
老實講...我係可以一直勁唱不停的...(有d唔鍾意唔識就唔好講la~不過得好小...)

哈哈~雖然冇重傷~不過都有d唔舒服o既感覺la~
咁我同阿誠就去睇漫畫la~我地響尖咀行過去信和~行左都好耐下...
睇完書去埋買野飲用左成個鐘~之後我去大中買碟la~佢又陪我去~
買完我地兩個就去左吃奶凍~呵呵~超正呢~芒果味~爽死~
食完之後就各自各返歸la~

我返到屋企基本上都冇咩野做~玩下icq睇下電視咁囉~
天傳我就冇開黎玩~不過桌豪6點幾打黎叫我今晚去打機~
我當然係要去的~上次我同佢講話早d打黎~佢今次咁早打黎比時間我準備....唔去都唔得la...
但係我琴日咁樣...所以我就響個廳度𤍣~𤍣左個幾鐘到睇完d電視我就出發la~

>>February 15, 2005 at 2:53:48 PM GMT+8

2005 年 2 月 13 日 星期日 【乍雨乍晴】

情人節喎~~~~咁有情人的話幾時都係情人節la~
咁我冇情人的話~即使你咩日子都好...都唔係我o既情人節囉~對我完全冇意義~
仲有幾件蛋散祝我情人節快樂...玩咩....

基本上今日都冇咩特別~同琴日~前日~大前日都差唔多~

咁聽日就或者去唱k la~唔知係咪~

今晚做人鬼情未了呢~激正的說~不過...都係miss左好多~
基本上就唔算叫做睇的....因為都係望住個腦...
以前雖然都有做過好多次~但係次次都睇唔到完完整整o既一套...可惜可惜....

>>February 14, 2005 at 4:15:00 PM GMT+8