2005 年 3 月 24 日 星期四 【晴】

happy firady~!!

2005 年 3 月 23 日 星期三 【晴】

"思思然~思思然"咁行過去~
不過去到又冇位啵~咁...佢地係咁催我快d去快d去...都唔知想點....
響果間死人吸煙房等左陣~就有位la~
上去打la~一開波就玩aomt...我~卓豪卓him同一個唔知咩水一team~
咁肥昌譚仙甘地加多個電腦~可惜...果個唔知咩水比個電腦還要弱~我地就輸左la....
之後落黎都係咁~玩一次aomt~又玩cs~
咁我地玩多兩次~不過玩得好怪~原來有得一齊均分d野用....
嘿嘿嘿~因為果個不知名o既人走左~我地3個就一team~合作無間la~
所以今晚玩左3舖~我地就二勝一負~

咁因為一陣要返工~本身就打算6點走o既~不過玩多左舖cs~搞到6點11先走~
皆因要爭取時間~趕返屋企𤍣~所以都飛的la~
真係好快呢...7點11就返到去lu啵~返到屋企~換左條褲之後就用一個整唔亂個頭o既姿勢𤍣~
𤍣到8點半就起身~碌下碌下又等到9點幾先搞d野~
落到去~喔喔喔~看來有d人已經開始放假了~可惜...我係冇份....
咁有d學生響度賣旗~有個女仔問我~先生~買枝旗丫~
我個未𤍣醒o既樣同狀態感覺上有d怒啤o既感覺~本身我都想拎錢出黎架la~
不過見到佢退後左小小又冇追問XD~所以算左佢囉~而且我都係趕緊車....

車來了~𤍣左一陣ja....
返到公司~我都冇咩胃口食飯lu~只係食左小小飯同飲左個湯就打算入去換衫果度𤍣陣la~
唉...其實我都估到𤍣唔著架la~果然....當係養下神囉...
好彩ja~今日圍數不多70幾80 ja~即使眼𤍣到暈低都搞得掂~嘿嘿~而且聽日仲有3個仔來幫我手添~
搞下lee樣~搞下果樣~其實老早都可以清場架la~心諗~冇理由收兩點半架~
等到兩點先開始動手~整整下阿俊又叫左我去買燈膽喎~返到黎仲有多圍要我出...
咁就3點先走得la~

有d唔想做lee度o既感覺添...本身我冇乜野冇乜野咁架la~
但係做做下野~應該係話冇咩野做o既時候有幾個阿姐走埋黎問我幾錢個鐘~
我咪話~都係咁多~(我既意思係同之前做一樣咁多~)之後佢問我係咪22蚊...
之後話~得我一隻仔~去周佢講加人工....
出現問題的就係22蚊果句....咁佢問得我22蚊...ja係...會唔會係...佢係22蚊個鐘呢~?
好煩呢...佢唔咁講我都可以傻下傻下咁過左lee兩3個月佢....

上到車~都係堅持架~不過d人開始放假咁~都冇咩好睇了~𤍣左佢好過...
去到屋企果頭~都係以緩慢o既腳步速飄返屋企~
返到屋企阿媽竟然響度啵~佢整左d野比我食~咁佢就叫我等果個整爐o既人黎~佢就走la~
佢走o既一刻...應該係話我返到屋企果一刻...我已經開始暴走了...
係咁食係咁食~幸好我自己都覺得出左問題~已經忍得就忍架la....可惜...食左o既野點可以當冇件事呢...

今晚~聽鬼故...唉...唔好提...𤍣鬼左喎....嗚............

>>March 25, 2005 at 12:55:51 AM GMT+8

2005 年 3 月 22 日 星期二 【晴】

又7點幾起左身~不過有人比我還要早起....
咁呢~我就入多左隻歌~同埋打左陣機就換衫出門口la~
今日好似早左啵~但係架車就等左我好耐...
上到車~唉...我個靚位勁污糟呢...只好坐第二邊~
雖然個人就好玪o既~不過就𤍣唔著囉...

返到公司~我都有d擔心會好強悍...弱就不太弱~
比琴日同前日就舒服好多囉~
本身就要洗盤o既~咁推下推下今日就不用洗~
收3點la~去到屋企果頭~突然好想買野食~去左買包~
有野食又點可能冇野飲呢~咁就入左百佳買~唉...中計添...
一入去其實只係打算買一個野飲就算架la~不過買左個奶咁~見到oj又平~
見lee排熱返就買多個止汗劑....60蚊...飛走了...

返到屋企~無無聊開左個ro去精野~搞左我勁耐...真係煩...而且收購不大...

卓him無lala打黎~唉...中計了...上次話一定去...咁都已經冇得我唔去la...e+....我暈了...

>>March 23, 2005 at 1:58:26 PM GMT+8

2005 年 3 月 21 日 星期一 【暴雨】

7點幾就起左身la...邪惡的說...返左一日早就咁樣了...好玪呢...
9點幾先出門~落左去ok買野食~嘿嘿嘿~又買個芝士蛋糕吃呢~
上到車先慢慢吃~不過...真係唔知用咩方法食好...又拎唔起~又唔可以"囡"個頭埋去食~
用手搣出黎食又污糟...不過最後都係用lee個方法~唉...真係要鬼鬼祟祟咁食...

今日真係起強悍...雖然阿根叔有返~但係阿華哥就冇幫手...
而且都有百7百8圍到....兩個人做~真係...做到我暈呀~
咁返到公司已經唔多舒服架la~其實開頭出已經覺得架la~咁阿俊又係唔舒服喎~
清完場3點~之後office果度就有d野搞~搞到3點半~本身就話冇飯食o既~
不過我見到d野~諗住4點先走o既~之後阿華哥行埋黎話有飯食~問我食唔食~
我老虎都話食la~咁我響lee幾個字時間就坐左響度....

食完飯就走la~我諗都冇得我留到5點架la~
所以快快手手換完衫就走la~行過去搭車o既時候~
見到一個妹妹仔~我就分唔到佢幾多歲la~不過真係好靚女....(5-8歲到囉...)
又可愛~真係想拎個電話出黎拍低佢...
上到車~又係睇風景睇到鑽石山~之後就暈左la....

返到屋企~玩aomt唔知點解呢...話就話之前打唔win兩個ja~
不過呢~都頂到好耐下~而且仲win過幾次添~
但係e+就唔知搞乜~第三個時代都進唔到...可能太著重軍事方面la~
以前我就係玩快進~資源大王~e+就唔湯唔水咁...看來要練下了...

嘿嘿~晚餐係乳鴒~又可以了解鳥的結構了XD~(代價係..........肥........熱氣................)

>>March 22, 2005 at 1:53:49 PM GMT+8

2005 年 3 月 20 日 星期日 【晴】

呵呵~今日返早呢~不過我琴晚都兩點幾先𤍣...
今朝就6點起身la~雖然係想𤍣o既~不過就好似𤍣唔到~碌下碌下~
處於一個半睡半正o既狀態咁就冇左半個鐘~
之後就去換衫la~唔知點解會去到巴士站已經踏4 lu啵...
而且等左好耐先有車...我都知會遲架la~又有d地方塞喎...返到公司已經8點19了~(公司個鐘...)

早餐我都係返過幾次...所以好多野都唔識~好在今朝就唔多圍~好彩ja....
其實都冇咩野做~之後覺得隻眼就唔多舒服...所以就去左搞搞佢先~
我諗唔舒服o既原因係...太耐冇洗con了...咁當你想洗o既時候又冇時間~
有時間o既時候又唔得閒~得閒o既時候又唔想洗...結果就搞到e+咁囉...
看來阿健仔真係88了~今日佢都冇返~算la~一般黎講~多佢一個唔多~小佢一個唔小o既~
只係...真係幫到小小忙囉~收下盤都不錯~(只係見到佢o既工作效率就眼火爆囉...)

今日真係超強悍呢~我~阿俊~華哥~(根叔放假呀....)
百幾圍喎~而且出果度就邊個見到就邊個出~所以係十分之忙的....
做到兩點幾先停...咁清場清到3點~阿俊就叫我搞廁所...
唉...我本來仲打算未來都唔會洗廁所架la...萬萬想不到今日要我洗喎...
討厭呢...雖然就唔係話十分污糟o既...不過就"形"住有野咁囉...
搞到4點~有飯食~不過果時我個人都開始鱔呆了...
本身就打算收5點o既~不過...阿俊睇住...看來都收唔到了...

lee個時晨就真係...不過要比的話~風景同金錢的話~我有金錢~我唔洗睇你d咁低質素的風景呢~
都係去到鑽石山果頭先開始𤍣~雖然真係好眼𤍣...不過都到大埔了....
今晚又冇飯食la~只好吃杯麵啦.........

找到個十分正的軟件~正~

>>March 21, 2005 at 2:02:52 PM GMT+8

2005 年 3 月 19 日 星期六 【晴】

雖然琴晚夜一夜先𤍣~不過起身果下都冇咩感覺~
玩左陣mabinogi~之後就去換衫~換完出黎都已經比人霸左個腦la...
想搞下d小b都唔得添...如就好在有得用阿媽間房囉...
落左去買包~之後又係行到去學校果頭阿誠就打黎話一齊返~
上到車~阿庄冇上星期咁死o既~不過傾左兩句佢去到吐路港果頭都𤍣左la~

返到公司~食飯食到咁上下阿雄先返到~佢食左兩啖飯就話落去買煙仔~
唉...有d悶添...阿健冇返冇人比我地串~即使我地點傾點講都冇平日咁開心o既~
本身就阿雄戴walkie~但係佢又唔肯戴...塞左比我~我就冇咩所謂o既~
一個星期一人戴一日囉~星期6佢~今日就我囉~
不過lee個位真係吃力不討好~看起來就好似好高級~
但係~如你所見~我係做到隻狗咁o既~有咩事~?第一個叫我先囉...
隻手又污糟~都唔知點應佢....

雖然就唔係多圍數~都係百幾ja~星期5我同阿俊兩個都係咁做la~
不過唔知點解特別玪o既呢....而且~今日大家都做到隻狗咁~
但係阿何姑娘指住我地清場...講明3點收...唉..琴日佢地幾個都有3點半la~
我地...?3點...
收左工la~阿榮響度的話可能會去麥記o既~不過得我地3個就...
其實最大問題都係阿庄囉~
上到車佢又死左la~哈哈~個傻仔𤍣𤍣下醒左一醒撞親個頭喎XD

返到去大埔~我同阿誠就打算去食野la~諗來諗去都唔知去邊度食~
結果都係去麥記食....呵~見到以前個同學~叫咩名呢...?唔記得lu~
不過同佢都冇咩兩句~而且又係果d男仔頭~唔理佢~
食左成個鐘~之後就散la~

(有d失憶...)

>>March 21, 2005 at 1:29:50 PM GMT+8

2005 年 3 月 18 日 星期五 【晴】

癲線架....8點幾又起左身lu啵....咁就玩電腦la~
都係玩mabinogi la~玩到12點...咁我做假動作去換衫~
有人去搶電腦~所以就有得睇電視la~不過就比人插囉...(屎忽開花lu XD)

差唔多成點先出門口~返到去學校就遲到la~
雖然我係遲到~但係都冇比人罰~不過...家樂遲過我~但係佢就唔好彩lu~
阿水果d今日有返~經過多日黎o既壓抑~真係要爆出黎~
再一次發狂地勁講野~等對面學校有靚女行過撩~(當然等唔到la XD)

今日佢地打free fight~因為冇對手係冇得打o既~
見到d低級響度玩~我都想玩下添....
咁打到咁上下~我同阿水就話2打一周兄~haha~阿基都出埋黎~
打...?其實就唔係打o既~都係郁動下囉~我追你~你追我~
我捕你~你又捕我~之後就搵人接力咁~場面一片混亂~不過...就好搞笑囉(我)~

放左學~今日冇去食野lu~所以我地就直接返屋企~
行行下去到71a巴士站阿肥仔就唔見左la~
咁我今日真係發神經~勁針住佢囉~而且阿卓卓又唔理佢~所以我諗係佢走o既原因la~
卓卓今晚開party~佢話如果我想去都可以去~不過...
佢話本身可以叫幾條女上去o既~但係佢唔知點解唔叫啵~都係睇定d....

返到屋企~家姐又響屋企la~唉.....等到好似6點la~做天煞-地球反擊戰~
lee出野~我記得就響小4(?)o既時候~學校果頭有個商場仔~(寶湖呀~)
咁有間唔知咩就播出黎啵~係播隻狗跳跳跳跳跳~跳入去避d火果場~
之後我就好深刻咁記住左la~其實有好多機會睇到~但係就冇去睇~
今日叫做完完整整咁睇一次~喔喔喔~真係超正呢~
可惜...做到中段家姐叫我落去買飯...咁因為我返黎冇換到衫~而且個頭因係搞搞就出得門口la~
所以就我落去囉....

落到去~買左兩個葡國雞~之後入左百佳買左d野飲~再去ok買兩個包就返屋企la~
返到屋企睇埋個天煞個尾剛剛好睇丁丁~
好正呢~lee集~果兩個唱帝女花果個呢~果個女仔真係~正~
看起來也很好吃呢~886果個都唔弱~不過...真係幾可憐下...咁樣就88左lu喎....
睇完又係時候搶返我個腦~之後完成之前o既日記就玩mabinogi~
我發覺我o既目標~魔法戰士因為之前亂用錢...搞到我o既目標越來越遠...
而且有d點都加錯...只好重玩la....
因為咁玩~而且聽埋個森美移動~再睇埋個怪談....點幾先去沖涼~
兩點幾先𤍣到.......

>>March 20, 2005 at 1:54:43 PM GMT+8

2005 年 3 月 17 日 星期四 【晴】

邪惡的說....今日阿健冇返喎~聽聞何姑娘第一日見到佢已經想炒佢架lu啵~
咁因為今日佢射波~所以就有可能同佢講88了~
強悍~?一般la~百多圍ja~死~?唔會~只係比較忙ja~
不過因為今日滅蟲~同時我都搞得都算快~所以收3點係正常的~

返到屋企~本身就想玩果隻~上次吃圖時見到果隻日本o既online game~
可惜係玩唔到的~而且仲搞左我都幾耐下~
無無聊聊咁就睇書la~年幾兩年前發現到一隻online game~
玩~我就唔知好唔好玩la~但係至少我就十分有興趣~
個名就叫做mabinogi~咁前排韓國唔知公測定封測la~
e+到日本公測~(其實佢封測到最後果日我先知.....)
呵呵~本身就唔想搞架la~其實都幾煩下~要搵~
因為唔係日文o既windows作業系統~所以就彈左句要用日本句先入去到申請~
雖然佢話就話台灣3月尾都已經公(封?)測la~但係...我已經等唔到了....
咁就上網搵la~呵呵~又比我搵到d方法去搞啵~結果...當然係玩到la~開心的說~

今晚...我真係火滾囉...事情我都唔太記得了~
不過忍無可忍~加上各方面o既壓力~今次真係爆出來了....
基本上我都唔係好記得講過d乜~不過d唔開心o既野~都係忘記佢好了....

>>March 20, 2005 at 1:55:01 PM GMT+8

2005 年 3 月 16 日 星期三 【晴】

最近都比較難入睡~不過都𤍣得唔錯~
但係就越𤍣越玪咁囉....𤍣極都好似唔多夠咁~
今日再比平日遲左出門口~而且仲要去禁錢~
又禁左300蚊出黎la...感覺上...d錢洗晒響食果度囉...
辛苦搵黎志在食~但係...又肥左...又用多左錢...真係要節制下了...
響架車度真係暈左咁~又係𤍣到果間女校果度先起身~不過個人都勁沮了~

返到公司~好彩ja 34分~食完飯之後阿健先返~
唉...我今日真係忍唔住了...果個廚房阿姐~我真係忍左佢好耐囉~
成狗日阻住晒~又響度唔知講乜咁~今次因為佢越幫越忙~所以我就鬧鬼佢la~
唔知搞咩呢~?或者我開始適應(?)lee度o既生活la~
同埋都睇得自己都幾重下~雖然就唔係冇左我唔得o既~
但係如果得一個阿健幫你手的話~我諗都會越幫越忙囉~

而且最近我都太過自我了~雖然都有d...叫做...比面何姑娘la~不過同時又無視佢~
佢唔比我戴住個handsfree喎~係~我係有時聽mp3果d~
但係我唔係做唔到野丫~你講野我都聽到架~有時閒聊果d就真係聽唔到la~
不過我咁樣其實就好衰o既...我就唔係話博炒o既~
但係如果你炒我的話我都冇問題囉~
咁我話我衰o既地方就唔係因為lee d~而係...夾響中間o既阿俊好難做囉....
而且最近我把口都唔多收囉....以前阿明仔教我果3樣野...
"抵屌~臭當~爛做~"~lee 3樣野我都差唔多做到la....
講d野都十分刻薄~看來...要收歛一下了....

呵~公司開始冇咩生意~做係我就做到越來越玪~
因為冇生意要cut人手了~好多阿姐都要強制放假~
我地同樣都要la...但係lee d咁o既正野就輪唔到我囉...
阿誠阿榮阿健都比人cut左一日...本身阿誠放星期日o既~
不過反正都係放~同我一齊休星期6~返跆拳好過la~

收3點la今日~又死左響架車落....
其實一早就打算收工去買d碟o既~因為冇左果3gb野...
看來我都再受不住痛失摰愛的苦呢....
本身就打算去果間~至少有一半都燒到丫...其他我都對佢地冇咩信心la...
因為...有時最多燒到一隻....
見有d口喝就去左ok買~唉...中計添...8蚊兩鑵咩la~
我睇都唔睇就拎左兩鑵去~之後比錢o既時候原來唔同的...
唉...11個幾...而且仲...比d學生妹見到我"um"錢"um"勁耐的...
收銀果個阿嬸勁叫我小朋友....真係吹波....感覺上...
d人o既目光好似有d問題咁....

今日星期4~咁就有鬼故同果d城市傳聞聽la~本來就好地地響張床聽o既~
不過...𤍣鬼左喎...又好似上次咁~𤍣左幾個字我諗都係十分精彩的~
因為....miss左個頭淨係聽個尾都嚇到我.....

>>March 19, 2005 at 12:47:46 AM GMT+8

2005 年 3 月 15 日 星期二 【微冷】

早知琴晚就唔鬼響個廳𤍣la~入到房又𤍣唔著啵....
好煩呢...個頭抹得唔係咁乾~搞到gel完個頭之後都塌下來...(後面~)
今朝又好似唔多夠𤍣咁~響架車度都𤍣到去果間女校果頭...
返到公司~嘿嘿~正~有麻婆豆腐~結果我係食左兩碗飯的~強呀~!!(兩碗加埋都唔夠一碗果d XD)

個身依然仲痛~阿健(壞人)雖然(食唔知咩丸食)d藥力未過~仲好精神~
但係感覺上佢都係同平日差唔多...舍得就舍囉~不過...我都冇咩精神~工作效率比較飄忽的~
做做下野~卒卒隻眼~搞到甩con...立即衝左去廁所搞...
咁兩點幾到阿俊就叫我幫佢搞d燈~之後又去左買燈膽咁~
阿健就兩點半走左la~雖然佢就話搞得7 7 8 8咁~但係...d野就好"蟵西"囉...
到最後都係要我跟...

收3點la~唔知點解都係好玪la~一早就𤍣左la~返到去屋企果頭~
咁今晚又冇飯食~只好去ok買杯麵la~15蚊3個~抵玩la~
返到屋企~食左個杯麵先~之後就睇電視la~
本身就想玩果隻日本o既online game~不過...又安唔到啵...
即使用左app都轉唔到日文安...雖然就唔係話好想玩o既~不過...一心意謂有得玩~
但係又冇左就好似...有d失望....

最近就減到肥啵~個腦~del左3gb幾野~不過....又吃返一gb幾野....
好邪惡呢...前排我都係咁~輕左一陣~之後做返野就....彈返上去...
不過...要忍住唔食咁多野~唔食果d好肥o既野真係好難...
你知la~對於我黎講抗拒唔到o既野都有好多...最明顯o既都可算係...
a~靚女(唔靚o既都係o既...)b~美食~c~即使係邊個求我....都抗拒唔到...(當然係睇咩事la...)

最近聽電台(?)聽到一句說話~咁你借得錢比人就預左佢唔還架la~
唉...聽到我都覺得...係喎...可惜當時...當日...果個又係...唉.........................

天氣又變得濕濕了...真討厭呢~搞到周身唔舒服....help..................

>>March 16, 2005 at 3:29:13 PM GMT+8