2004 年 9 月 25 日 星期六 【晴】

今朝9點幾起身~全身勁痛...正~有得睇棋魂~但係lee兩集都睇過lu~
下午~雖然又做珍珠港~不過都係睇唔到個頭~但係比琴日睇多左d~
睇完都冇咩野做la~見有d無聊~所以都開左個朝霧的巫女黎睇~
其實以前都睇過幾集~但係睇睇下第3原來係第二集黎架喎....
咁算la~見以前都睇過咁咪繼續睇囉~睇到第5~已經忍無可忍la~
因為第5係出我最鍾意果個~所以開始上網搵la~不過搵左勁耐都搵唔到....只好放棄la~
不過總算有d收穫~因為有d dl錯左o既都及時搵得返~過多排我諗都搵唔返lu~

今晚~睇果個繼續無敵掌門人~真係笑到仆街XD~
我真係諗唔到有第二個形容到我笑到咩樣囉~因為有d位真係~爆搞笑~
不過一個人睇~笑到咁o既樣真係有d落寞o既感覺....
睇完就快快咁轉去睇史力加la~lee出野真係爆正呢~特別係救左公主果度同之後~
而且有一幕真係好深刻....某程度上...我同主角史力加係有d相似....

>>September 27, 2004 at 1:39:17 PM GMT+8

2004 年 9 月 24 日 星期五 【晴】

今朝都𤍣到11點幾到先醒~食左d野~完沖涼換衫之後~
都12點幾lu~呵呵~無線竟然做魔界小金毛喎~
本來開頭想買佢d漫畫架la~不過見到佢出到第4期~所以都冇買la...
原來lee套野幾好睇架啵~不過書好似出到十幾....我諗都係買唔到架la~

今日我都唔想遲到~所以都12點幾就出門口la~
返到去~佢地又串我la~早返又嘈~遲到又嘈~都唔知咩人黎~
其實我唔想遲到都有原因o既~
既然都返得咁早~我當然係想認認真真咁上堂la~
所以~鬆完根之後做體能o既時候都冇偷雞~

萬萬想不到miss竟然今日返喎~真係估佢唔到喎~
操體能放面~當然係miss強過周兄la~而且剛剛都有d去到盡....死得人la~
咁miss就叫我地做果個跳下跳下o既Turning Kick~
玪就不在話下la~而且剛剛返黎果踢double Turning Kick o既時候~隻腳勁撞落地下~
搞到勁痛~而且我懶左咁多堂....加上好多因素~我o既體能係由一般跌到去弱....
雖然我弱到咁都冇偷雞~但係最後果3轉我都係做唔到o既~所以就留返遲d先做la~

差唔多放la~阿蔡蔡響度勁煩叫我做埋果3轉佢~
好~我做~有咩大不了ja~60腳ja ma~
係冇咩大不了架la~頭50腳丫ma~去到尾o既時候已經係格硬頂落去~
不過miss都講過la~當你玪得要死o既時候~就係真正練野o既時候~
但係...我踢完lee60腳之後....成個人真係痛到郁唔到囉....
咁操埋d拳套就放學la~

放左學~佢地又走左去大埔果間麥記食la...食完~都係勁傾~傾到6點幾先走~
今晚~冇飯食~咁我返屋企o既時候順便買埋飯la~
但係阿媽一個電話打黎話~我地返黎喎...之後...無奈.....最終都係冇返黎o既....
今晚做果個恐龍世紀~本來我係睇架~不過....我望住個腦聽囉....
都差唔多12點~我就轉台睇有線~係喎~今日做珍珠港~
不過都做到一半有多~但係同樣都係咁好睇~一個字~正~

>>September 26, 2004 at 12:10:42 PM GMT+8

2004 年 9 月 23 日 星期四 【晴】

終於都等到今日la~真係等左好耐呢....
我d金錢已經越來越小...唔返去都唔知點幫補下~
看來下個月月頭都儲唔夠錢比屋企~
要去銀行拎以前儲落d錢lu~

雖然我返到去係早左一個字~
但係都要等...等左成兩個字先上到去...
上到去就開始工作la~
今日都叫唔錯架la~佢比我地返到8點放~不過肥昌好似已經唔做la...所以我又冇叫飯又冇飯食...
嗚....我d漫畫呀....死人阿成又未還我d書....
本來要問公司地址同名果d架la~但係因為我差唔多係最後一個出糧~
而且見到阿田佢地幾個都走左la...因為趕住去追佢地~所以都唔記得左lu~
好彩屋企有飯食ja~唔係餓死都似~

>>September 25, 2004 at 4:06:50 PM GMT+8

2004 年 9 月 22 日 星期三 【晴】

今日都係勁玩幻水o既~
不過....7點幾o既時候~我發覺原來我就爆機lu喎....
相比起第2集~感覺上真係差好遠~
其實玩落真係冇咁好玩~至少~6個人一齊點都好過4個人o既~
而且我鍾意第2集個據點囉~話晒都係一個城丫~
lee集果個只係一隻船....不過佢係有佢o既理由o既~今集主題係海~
而一個可以四維去o既據點~的而且確係一個唔錯o既賣點~
只係...玩親lee d game....我都會覺得頭暈....所以我都比較討厭d 3d game....
雖然話就爆~但係我諗都冇咩可能....因為個死人大佬勁到死....
而且聽肥昌之前講~打完lee個~後面仲有一個~我咩對策咩超都用晒~係打佢唔死~
大概~幾個星期後到~開返又練下d人~先去爆囉....

>>September 25, 2004 at 3:46:18 AM GMT+8

2004 年 9 月 21 日 星期二 【晴】

本來~起身想打機架la~不過見家姐果d都仲未走~
所以都廢事比佢鬧我又開電腦又打機....
無無聊聊~無lala有人add我喎~不過....開頭佢係用d古古怪怪o既英文....
"yaya~im grace nice 2 meet u!!!"←(lee d)
搞到我都意謂係鹹網果d~之後傾左廿幾30句之後~大概佢都有結論~
"無可能o架，你都是天秤座。頭先一開始同你傾，你都几好玩o既。"
係囉~佢終於都發現到我係超悶的~所以都off左佢黎避避~
其實~有時人地約我出街咁~我唔係唔想去囉~因為明白到我真係太悶la~
如果多人o既~我諗我會係最唔顯明o既一個~而且仲會唔出聲~可能會一直跟到聚會o既結束~
或者~我走左都冇人知la~

下午~雖然唔多想落街買野食~不過...想餓死就唔好落la...
去完大家樂買左個飯之後~就去百佳買d野比聽日同後日la~
好奇怪呢~我見到奶~竟然係想買~因為我平日都唔多飲奶~雖然唔係討厭~
但係有時又唔會多想去飲~見lee排虛左咁多~都係時候要補充下先得la~
食完飯就開始打幻水4 la~

有時我都覺得自己點解會玩online game o既呢~?玩lee d單人遊戲~
我會好開心呢~雖然我唔識日文~話晒都睇左咁多動畫~佢講咩做咩~
其實唔係太過深入o既野都有d明~估估下撞撞下咁~又明多一句la~
但係玩online game又唔同~雖然係溝通到~但係...可能係同香港人玩la~
9成o既香港o既都係賤人~台灣o既....我又溝通唔到喎....
或許玩online game o既時候重來都冇開心過o既我~都係時候放棄.....

>>September 24, 2004 at 3:30:40 AM GMT+8

2004 年 9 月 20 日 星期一 【雨】

唉~今日就係比人cut o既第一日~
不過都係有好有唔好~因為都開始有d唔想返~
返去得果5-6粒鐘~果舊幾水....好蝕ja...
不過冇左lee幾日我月低比埋錢屋企之後大概都冇幾多得淨....

下午肥董打完黎~到咁上下我都係時候出門口la~
一出去~行到落樓下竟然落雨喎....上去拎完遮之後~又出發la~
唉....落雨喎...但係又熱到死....我....濕透了...
行到學校門口肥董同肥仔已經到左la~等左陣佢地就出黎~
然後就出發去果個社區中心~去到就換衫la~
本來意謂得d公公婆婆la~雖然都可以話係o既~但係又唔算係喎....好複雜....

唉....今日大家都好似好唔掂咁....差唔多個個都出錯....
我當然就失敗中o既失敗la....
表完之後就走la~咁因為我地表演人地就送左兩盒朱古力~
我就冇食呀~而且都唔係好多人食~不過....見到阿肥仔...一路行一路勁食~
難道...佢平日冇得食~?感覺上~佢好可憐....但係亦都好令人討厭....

肥董問我去邊~咁我就問返佢去唔去大中la~因為我想買碟~
本來都有d話唔去~不過就比我迫la~可惜....又比人掃晒喎....
次次都係咁o既....唔去o既時候個個都話有得買~我去親都冇o既....都唔知佢想點....
好彩~日月星果度係收埋黎賣~所以就去果度買la~
咁簡左都好耐先比我簡到兩隻~一隻就係目標幻水4~不過感覺上買一隻唔係咁好而且都想買多幾隻~
所以就買埋隻鋼練2~買完~就各自各歸家了~

返到屋企我就開左個鋼練玩下先~玩落都ok~
之後玩到咁上下就唔玩la~所以就諗住試下隻幻水4有冇事~
不過試試就係玩埋落去~點講都好~我都算叫做一個幻水fans~
雖然1同3我都冇玩~因為一個系統果d野唔係咁好~而3個主角唔係咁o既我睇~所以兩個都冇玩~
就係咁樣玩下玩下~咁就玩到成點先𤍣la......

>>September 23, 2004 at 2:54:31 PM GMT+8

2004 年 9 月 19 日 星期日 【雨】

緣份~?咩先叫緣份呢~?有人話~擦身而過已經算係一種緣份~
但係...我覺得~相遇唔相識~都只不過係有緣無份...咁樣又點樣稱得上叫做緣份呢~?
自從返兩點~我差唔多每一次返工都見到果個人~
其實見過幾次之後大家都好在意對方o既存在~見到面都會互相對望一番~
之後我就會唔好意思咁四維望....上火車之後~佢有時會偷望我....
都係果句la~你唔望我點知我望你ja~當然我平日都係四維望o既~不過見到佢望我咁解ja~

去到大埔~竟然見到阿亨同阿風喎~呵~阿風終於都還書la.....
不過佢原來拎左人好多書....叫我幫佢還....
響lee個時候~佢好似比平日望得明目張膽左喎~我當然係同阿風傾o既時候望佢la~
不過...搭搭下車竟然落雨....死la~我d書d紙袋快要分解了....
我地幾個去到火炭就一齊飛的返la~
唉....阿民今日返添....我諗又會有一個不愉快的一日了....

今晚~肥董打黎講比我知聽日要點~不過佢又未問好就打黎la~
傾左咁上下~佢就話打比阿水問下~
10-11點到佢地兩個打黎一齊傾~咁lee個時候我係試下燒唔燒到碟o既~
計埋琴日到e+好似死左都有6隻之多....不過無lala又得左喎~yeah~好開心呀~
曾經佢係試過得得返45mb的.....平均就響1gb上下....e+ 勁del野就響6gb到....真係要錫住佢lu....
今晚~我地傾到12點9到~因為我個電話冇電cut左~所以就收左線la~
P.S.開頭講果個係男仔黎架~~!!!

>>September 22, 2004 at 4:39:18 AM GMT+8

2004 年 9 月 18 日 星期六 【晴】

琴晚都成兩點幾𤍣丫~但係今朝7點就起左身lu喎....
願此刻永恆睇左一集願此刻永恆之後~見有d玪所以就響廳度𤍣左la~
一𤍣就𤍣到11-2點....起身~有d餓添~不過又唔想出街....
lee個時候~天偉icq就add我話比野我喎~
o岩晒la~所以我就叫佢幫我買野食la~咁佢想到黎先落去o既~

我地食完飯搞左陣野之後阿媽打返黎問我食唔食野喎....
唔食又好似....所以叫左個腿蛋治~諗住夜d餓餓地就食la~
我見咁無聊~咁就話開機打la~可惜我得果幾隻碟...而且...大概95%都係得我自己一個玩架ja ma~
所以8成都係一個人玩o既game~佢見到z就同我玩la~
我意謂佢識玩架~原來....都係白痴一個XD
爆左兩邊軍之後....(有幾難丫...)佢就唔玩la~丫~又比佢見到我隻澪喎~
佢問我點解會買~以我o既性格~大概只要唔係avg我咩game都會買~
(電腦game又唔同講法~有中文版ma~)
所以我地兩個就玩lee隻死人恐怖game la~

佢4點幾就有人打比佢叫佢走la~我都冇理由咁傻一個人響度玩恐怖game架ma~
所以就熄左部機佢lu~見有d無聊冇野玩就開左個aom一打2 la~
以我o既功力果然係唔夠打....只係做到剛剛好抗衡到~打成均勢之後就比兩個吃左我....
玩完~我就勁睇埋d願此刻永恆~就響今晚~完成了~不過...個結局我唔鍾意囉....
但係最後一集個開頭係最好睇的~如果要講唔鍾意~係因為男主角選擇左水月....

今日無線做這個夏天有異性~我都睇過一次咁多囉~
開頭睇都冇咩感覺~睇戲咁睇囉~e+睇返覺得佢幾唔錯喎又~
而且e+聽果首眼紅紅都唔同左~因為之前係覺得佢唔好聽o既....
可能以前冇咁留意d歌詞~e+又覺得佢原來係ok架喎~不過....要搵就有d難度....

>>September 21, 2004 at 3:03:45 AM GMT+8

2004 年 9 月 17 日 星期五 【清涼】

其實~7點打後都已經𤍣得唔係咁好~
不過到咁上下又好𤍣落去喎~搞到𤍣到成點9先醒.....
起左身都唔知點好~打比阿水同肥董又冇人聽...
快快手手咁搞掂就出門口la~不過都搞到成兩點3~
或者真係太趕la~又搞到成身濕透.....

咁又係行山路返la~不過比起平日多左一份期待~起因~都係因為今朝𤍣前的狂想~
可能就係琴日同佢地傾偈la~我𤍣之前~平日都係會諗好多好多無謂野~
之後諗到去好似至身其中就會𤍣著~不過今次內容其實係記憶加幻想~人物當然係真la~
但係...我都唔想多提....因為...都好耐冇見lu~

響山路望過去二樓~竟然係冇人喎....我都唔知點la....
之後行返去轉頭果條路睇下禮堂有冇開la~有開喎~
咁我就走入去睇下la~入到去佢地唔知響度做咩~師兄就問我星期2得唔得閒咁la~
其實我到e+都仲未知係咪比人cut左2,3,4 o既~不過講左得閒先囉~
原來要表演比d公公婆婆睇~d咁有意義o既野o岩晒我la~
本來意謂只係傾表演d野o既ja~不過無lala又打free fight喎....
有個新o既人黎左~好似好惡咁啵~好似同我上次打比賽果個差唔多高...
而且仲做到一字馬~(100%肯定佢係演野囉...)

阿水係做第二個挑戰佢o既人~因為佢個朋友之前同佢打左場~我自問我e+真係"回唐"....
100%冇作為~如果唔係我都會試下~睇阿水打~嘿~感覺只係~認真x2~
我諗果個黃帶估唔到阿水會有咁o既lv~有d比佢打亂左~如果佢可以冷靜落黎一定好可怕~
而且佢表演慾都好強下~勁Reverse Kick喎~我都話叫做睇位出丫~佢係又出唔係又出~
之後我見到佢地打得咁開心~但係自己又咁o既身世....只好叫阿誠陪陪我la~
要尋回當初o既感覺~一定要搵個不太強~而且又不弱o既對手~
更何況阿誠e+正處於一個進步得最快o既階段~如果同我lee d高級o既打~
對佢日後對高級o既恐懼係可以大大咁減少~所以~大家都有好處囉~

放學la~我地去ok買野飲~喔~原來Wasabi個二房客係有出書架喎~
我想買架~不過又唔知佢仲有冇其他~都係算住先la~
好怪架喎佢地~新達有麥記又唔去~去大埔果個喎....
食完野之後~之後就勁傾la~傾到6點幾o既時候先走~肥董又話去打機~
而我又冇咩野做~所以都一齊去la~只可惜有個死傻佬霸左一部....
冇得玩添...等肥董落完場之後~我地都係時候走lu....

唉....今晚冇飯食~只好等到咁上下阿家姐買野食返黎la~
電視又好似冇咩野睇~所以就開願此刻永恆睇la~
越來越正呢~不過....感覺上有d怪....咩怪~?唔知呢~?你睇過咪知囉~

>>September 19, 2004 at 4:14:58 PM GMT+8

2004 年 9 月 16 日 星期四 【雨】

今日~猩猩生日la~祝佢生日快樂~(大概佢都唔會睇到架la.....算la~)
早上~因為我琴晚返屋企o既時候買左d野食~
呵呵~好難得有一日有早餐食呢~
食得早餐多~人都健康d呀~睇左一集願此刻永恆~一路睇一路食~
睇完之後就諗住叫猩猩la~不過佢又冇應我喎....
難道佢真係咁忙...?

到1點la~我就出門口la~行行下佢就打比我話我知佢地咩都冇搞掂....
只好等佢地睇下佢地點la~
今日返工都叫做順利~而今日已經係星期5 la~
聽日又請左假~又有得休息lu~不過...可惜o既係...下星期比人cut左3日...2,3,4....
咁我放左工就打比猩猩la~佢話文達要去富亨搞d野先~
我只好返屋企等la...返到屋企都係8點ja~等呀等~睇埋皆大歡喜之後猩猩都叫我地出去先~
因為我都話佢知我勁餓....

去到約定地點之後~原來我最早....算la~等下囉~
之後到猩猩到~因為佢太慢la~所以我地兩個就行下睇下野先~
本來想買d game玩o既~不過....佢又冇幻水4.....失望的說....
行左陣~就出去睇下文達到左未la~出到去見到佢都係好似o岩o岩到~
之後就出發去食野la~我地行行行~行左好耐都搵唔到o岩野食~
而且猩猩生日喎....咁又有咩可能食得咁兜蹲呢....你肯我都唔得la~
結果去左果個奧門街食~哈哈~食不言寢不語果然係正確的~
因為....食食下野講笑...不單只身邊o既人笑~講果個都笑到暈....搞到食唔到飯....

食完野~文達就話去打機~去到機舖我同猩猩都冇諗過要打~
只係得佢一個玩舖拳皇ja~(比人挑死左...)之後就走la~
講講下文達就話去海賓坐下傾下計~我地就行去la~
去到個塔果度~見到人踩單車~唔知佢望咩la~一撞~撞左落果個叫單車行左行右果個牌度....
成個人飛左去....我想話去幫佢架~不過佢自己又起左身~咁唔理佢la~
不過見佢想扯返架車出黎....呠!!!....忍....等佢走左之後先笑~XD
坐左陣就左個台度~之後就響上面傾la~

傾傾下無lala落雨喎~都好大下~然後只好走去好耐之前同師兄跑步果個放野地點~
又繼續傾la~好開心呢~我都好似好耐冇傾得咁盡興lu~
傾以前返學d野~邊個miss阿sir好呀~點解自己以前唔好似e+咁識諗呢~?
如果我以前努力d讀好d書~一定會好好多冇e+出黎工作咁煩~
又傾下別人的感情關係~原來猩猩係用sms send比佢話表達佢o既愛意喎....
老實講丫~雖然我冇資格去話人~因為我都冇咩作為~或許我真係連小小o既都冇....
但係~正因為如此~我可能會係最心水清與此同時我亦都係最無知最憧憬o既一個~
不過....既然開左口或者傳達左自己o既心意~何必現在又要怕呢~?
如果真係鍾意~點解唔繼續努力呢~?有時機會o既野....真係未必只得一次~但係....
好多野錯過左係冇得返轉頭....

雨停左~我地就行返去果邊個台度~繼續傾~
但係傾傾下~文達發覺好似有問題咁啵~而且我地傾返以前學校果d"戰績"~
或者係佢紀人憂天~定係我地唔好彩.....有一班o靚仔好似想搞我地~
文達話佢地所做o既野係話比我地知佢地想對我地唔知點....
而且佢地勁吹雞~2-30人....不過文達同我地講~"雖然我都好驚~但係我盡量唔會令你地有事~"
wa~果然係見過下大場面~而lee個時候唔可以有咩異動~
所以我只好努力去維持我地3人目前o既氣氛~不過....4點幾到...已經唔得lu~(死人猩猩又冇野講...)
都差唔多大家都想走la~結果只好走la~唔係響度等佢地咩....

好彩~走都冇事~之後我地就各自返屋企la~
不過....我返到屋企個鎖左....而且又急喎....真係難頂.....結果搞到5點幾6點到先𤍣.....

今日~猩猩都有一個難忘o既生日~而我都有一個難忘的一天~
而且又學到好多野~其實我好矛盾囉....心諗如果發生事我會點做呢~lee d經歷都唔易搵架啵~
但係...同時又驚得要死...不過...既然冇事就最好la~
我諗我要感謝猩猩囉~因為佢開始去追求lee樣野~而令我開始都有d渴望lee樣野~
到時候~我真係再一次遇到心儀o既對象o既時候~我一定會好好把握機會~

(雖然係好長~而且我都努力咁去縮短~但係....今日實在最少要係咁~我比左好多心機~慢慢睇~
"有d地方或許會比人話我誇大~但係真係冇~不過猩猩方面就唔太清楚~
果d只係我諗佢大概會係咁~所以想知都係自己問佢~唔問的話信我la~"
而且有d地方我係冇咩特別意思~)

>>September 19, 2004 at 4:10:23 PM GMT+8