2004 年 11 月 24 日 星期三 【晴】

今朝醒左一醒~不過又𤍣返~我知道自己開左個口~
咁就打"規"左個身黎𤍣la~過多陣都醒~咁樣o既睡姿~一定會留口水la...
但係我搵個枕頭又冇喎~不過唔知點解隻腳指feel到濕濕地o既...
都唔理佢la~不過出到廳先知得8點半....唔理佢lu~吃個早餐之後就玩巨商la~

1點就出門口la~咁一落到樓下阿田就打黎~
佢話踏5-6響第6卡等~但係...如果我e+咁樣去~最遲都只係踏4就去得到la...
結果去到真係要等~等左個幾字就到la~
返到公司~呵呵!~好開心呢~因為我聽到阿樂講左句~你上16樓la~
其實係應該o既...因為見到佢地都冇野做...唔上都唔得la~而且阿旋lee排又放假~
今日唔知搞咩呢~可能開心掛...個人開始有d喪喪地....同佢地響度玩....
呵呵~原來阿麟佢係學(大概)跆拳架喎~佢同阿螳螂玩~自己轉左個360turning~(當然冇踢出黎la~)
不過我問佢又好似聽唔到咁...之後我怕樣衰都冇問lu~

唉...又係收6點...咁我地5個人就一齊飛的走la~
阿田就講la~佢話公司要改~part time一日返得5個....只可以返4個鐘...而且30減到25蚊一個鐘....
而full time就冇ot...每個月吃底薪...
真係好有問題囉~不過聽阿田講~話想搞咩集體放飛機喎....
我就覺得冇可能囉~因為有d人又唔會理你地~而且我覺得搞完都係自己鮏黎衰囉...
返到屋企~今晚又冇飯食la~好彩琴日有d痃~不過食食下阿媽就返黎la~不過佢返一返黎就走左la...

瘋狂咁玩左幾個鐘巨商之後~都12點半la~
本來就諗住開住個日記準備定先走去沖涼la~開之前就上網睇野~
去到某個網~睇到一篇睇完令人心寒o既文章....嗚...好可怕呢...(其實都有d驚訝...)
不過細想一下~我諗大概都唔會太關喵喵喵喵la~
(都係唔post出黎~免得又大家都心寒~而且...如果真係post~我就好喵喵囉...)

>>November 26, 2004 at 4:54:19 PM GMT+8

2004 年 11 月 23 日 星期二 【晴】

琴晚都成3點半到先𤍣~但係差唔多𤍣o既時候~
電台果度無lala話咩黃霑死左喎~當時我就諗邊個黃霑呀....?
𤍣到咁上下無lala聽到好嘈~醒左一醒~咁...其實我都驚見到d"咩la"~
所以都唔理~合埋眼迫自己快d𤍣返la~
今朝竟然8點半就起身喎~咁玩巨商時又聽電台la~
黃霑真係死喎~我真係有d唔相信囉~平日響電視見到佢都係開開心心精精神神~
而且佢o既才華大家都有目共賭~難道真係天妒英才......

個5天精華遊冇左~咁果個時段就勁播佢d歌~佢d詞真係填得好正囉~
哈哈~阿發哥歌果首唔知咩歌勁得意~
當佢播到笑傲江湖o既時候~心情真係好沉重~
其實我最鍾意係笑傲江湖囉~細個o既時候~雖然唔多明白佢出劇係講咩~
但係聽佢首歌~就令我著迷....其實金庸d野我都唔係咁歡喜~
大概喜歡o既都只有笑傲江湖同倚天屠龍記(吳啟華(係咪呢?)做果出~)

1點就出門口la~我聽到個有趣(?)o既新聞~其實都唔係有趣o既~或者係變態la~
日本有條o靚仔因為畢左業之後成年都唔做野~佢屋企就煩佢比壓力果d佢la~
之後佢就殺左佢父母(唔知殺左邊個定兩個都殺晒...)~而且仲想殺埋個16歲o既妹~
當我聽到佢想殺埋個16歲o既妹~真係有火la~(日本妹~正呀~16歲~正呀~XD)
聽埋落去原來佢因為驚~所以就自己報警....
返到公司~又要響地獄9樓癡label~唉...變態架la...又收6喎~
咁不過阿豪都同我地講~如果你地有洞路就走la~我都唔想阻你地~120蚊~哈~我比你地都覺得....
唉...講真丫~我就真係唔想走囉~難得其實lee度都唔錯~只係有幾個我討厭o既人~
但係我鍾意o既都有唔小~

>>November 24, 2004 at 5:03:09 PM GMT+8

2004 年 11 月 22 日 星期一 【晴】

今朝o岩o岩好10點起身~玩左陣巨商~之後就維護la~
咁到12點到~聽完5天精華遊又玩la~玩左陣其實諗住去換衫架la~
不過我見家姐個男朋友響電話度同人鬧交喎~本來就唔關我事o既~
但係走左去廁所果邊....我又唔知佢大概響咩位置~所以我就諗住等佢鬧完先搞la~
不過時間唔等人~已經12點半la~我只好不理就去搞la~
原來佢入左廚房果度喎~

出門口la~諗住打比偉豪叫佢落黎拎錢o既~
不過又冇人聽喎~所以就唔理佢la~返到公司~都係要響果度癡label...
癡到3點幾~就比人叫左我地兩個上去16樓幫手搵貨~
咁佢地話今日收6~之後阿占話想食飯喎~佢就問阿次la~
之後佢話搞得快就可以食~其實我就冇咩所謂o既~因為我返屋企都可以慢慢~而且我都只係小小餓~
但係阿占佢地食喎~我唔食就好似有d...

今日真係收6~而且冇糧出...結果我地4-4咁飛的返去~
返到屋企~無lala見到架ps2竟然想玩喎~所以就開左個z玩la~
基本上技術係退步左超多...以前用兩架廢機都可以打爆~而且上榜~
但係今日用高達同龜背果d都輸....玩到8點幾阿媽就返黎la~
呵呵~其實佢話今晚冇飯食架~不過..見佢拎住個piazz張傳單(?)~
所以我就叫佢叫la~咁樣我就有早餐食la~

我真係好討厭響game帶人....老實講句~
今日真係好嬲囉帶到我~樂樂突然比我有一種蠢o既感覺~
真係想鬧爆佢~雖然都鬧左幾句...不過算la....
佢off左我都差唔多off la~其實我真掛響度囉~咁我開左隻z又玩la~
咁玩到點幾兩點~icq無lala有個唔知咩人~但係又響我識果條list度喎...
無lala send左句我覺得最侮辱o既粗口過黎~雖然我好火~但係我冇用粗口鬧佢la~
如果我鬧返佢~我同lee d人有咩分別呢~而且陳冠希果首歌有一句~"我唔怪佢已經係最大懲罰"~
最後我send左句大概係話~"真可憐~都已經2004年~仲有d好似"你"咁冇家教o既人"~
呵~咁都嗝返小小~

>>November 23, 2004 at 6:55:15 PM GMT+8

2004 年 11 月 21 日 星期日 【晴】

今朝起身就玩巨商la~死la...看來我真係有d上左癮添...
lee間公司出d game真係...以前天堂係咁~e+到巨商~
咁玩到佢維護o既時候就去換衫la~換完都聽左陣歌就出門口lu~
今個星期偉豪放假~死la...一個人返又好似唔知點咁...

返到公司雖然今日冇咩野癡~但係阿豪都唔比我上去~
咁到左個休息時間la~阿樂就叫我上去~之後我就響16樓過la~
食完飯我地就響廁所坐la~因為上次阿次都已經整過(儲火機d氣之後燒)~
不過佢係用雙手~而且都真係幾大火下~咁佢整左次比我睇之後佢地就拎左個可樂鑵出黎~
阿奇就又用果個方法玩la~一點火~wa~個鑵個口響度噴火喎~
d火係好似果d吹唔熄o既火機果d火咁~而且佢都嘖到有我隻中指咁長下~
阿奇隻手就就咁中左招la...
阿次同阿旋見到咁樣都想試一次~不過今次又冇事發生喎~只係個火停留左響個鑵口度ja...

今晚返到屋企又玩巨商la~樂樂就叫我帶佢~
其實~到咁上下lv...(十幾到la~)已經帶唔到~不過算la..佢叫到...
不過令我討厭o既事情發生la~唔知係佢電話定佢講野有問題~佢講得勁細聲...
佢講野又唔知講乜~又成日有d唔知咩聲~問佢講野佢又話冇...討厭....
呵呵~終於都達成左果個千人斬o既任務(個名冇咁勁o既其實...)
解完個人已經到46lv了~嘿嘿~46lv買高武~有得出技了~
有技出真係好玩~而且佢清怪又快~原本要打半至兩分鐘一場o既都只係用大概10-20秒不等...
因為行到埋去爆兩次技就得la...所以玩到成點先𤍣...

>>November 22, 2004 at 5:16:22 PM GMT+8

2004 年 11 月 20 日 星期六 【晴】

係囉~I''s個結局好怪...同我上網dl果個好似唔多同咁...
或者上次睇到好玪~所以唔覺唔覺咁睇小左d la....
今朝9點幾就起身la~咁入左巨商冇耐玩左陣之後阿水肥董阿誠就3 line打黎la~
佢地問我去唔去睇阿桌桌打比賽~基本上佢地都唔係傾lee d....
講講下都唔知講左去邊~之後就約左10點半響大中74x巴士站等la~

咁我好快咁搞掂就出門口la~o岩o岩好10點半就行到去la~
之後見佢地未到我就打比肥董~原來佢仲未到...
等等下阿誠就到左la~一齊等左個幾字之後佢地兩個先到....之後就出發la~
出到去觀塘(?)果頭就轉地鐵去藍田~去到果度阿水就打電比miss問點去~
阿水仲錄埋音~不過....聽來聽去都唔明白~行多左好多路之後就決定搭的士去la....
我地去到之後上去見到miss~miss就話比我地知佢輸左lu~

個對手戇下戇下咁o既呆子~不過佢都係輸左....
我冇野好講囉~miss話~如果你出去~一定贏呀~咁我又唔否認佢咁講喎~
雖然話就話兒童賽~但係高過我地o既都有~不過要贏佢地~easy la~
既然佢都輸左lu...我地就去九龍灣果頭la~(其實出黎o既目的~大概都唔係睇比賽~)
去到我地去左kfc食~咁食完就為今日黎o既目的而發進la~
就係去打機~阿肥董其實打黎第一句就係問我出唔出去打機~睇比賽只係一個出去o既藉口....

上到去~阿水同肥董就去左打z DX~我見冇野做就同左阿誠行行企企睇下野~
咁我見到我一直渴望想玩o既鋼琴game~我就叫阿誠玩la~
佢都有興趣啵~所以就一齊玩la~可惜...我地簡左隻超勁o既歌(?)~
就咁就ko左la...而且身旁果落仲有兩條女玩緊...我地真係覺得瘀爆囉~
咁佢地搞lee搞lu!咁~我地最終都係難逃lee隻鋼琴game~
講真丫~好想玩好佢o既ja真係~因為我都講過好多次~想學鋼琴~咁唔去學真o既都想玩game玩得好架~

4點幾5點阿水因為趕時間都要走la~
無lala講返巨商喎~因為我一直都有玩~而肥董又唔知~
之後我地就一直響度傾la~之後傾傾下佢都話想玩返~
返到大埔la~我同阿誠都仲想玩~然後我地就去去左i-game玩la~
本來意謂佢會平d~但係...都係3蚊...而且個位仲好當眼...要玩就好多人睇....
最後我地係玩左3舖~今日加加埋埋都玩左都差唔多有十幾舖lu~但係就冇咩進展咁囉...
走la~佢地就話上我屋企~反正屋企冇人我就冇所謂la~
佢地兩個上到黎就響度玩z~我就自己響度玩巨商~因為佢地都想睇下我隻帥~
玩到7點幾~阿誠想走~但係肥董又唔比佢走~要佢打爆先走...
結果搞到我落場先走~不過都輸左幾舖la~

>>November 21, 2004 at 4:45:45 PM GMT+8

2004 年 11 月 19 日 星期五 【颳風】

今朝起身就玩巨商la~到11點就冇得玩la~
上一上個日記~見到竟然有人黎留言喎~見到仲有人黎~心裡都有d安慰~
咁阿樂無lala問我響邊度dl巨商~之後我就send左比佢la~
好囉~再一次又有人陪我玩la~
11點幾就開電視就諗住等睇魔世小金毛la~不過見佢做果個唔知咩賽車~
我就上tvb個網睇下la~結果個網係話冇得睇...只係做果個咩龍騎...過多冇耐都出門口la~

兜一兜過去ok果邊買左d野飲~之後就返學la~
返到學校見佢地都仲未換衫~但係就響度講佢地學界d野~傾左陣就換衫la~
跑左幾個圈之後~(佢地~我就徑步~)就開始鬆根la~再唔知搞咩~好懶~唔想鬆又唔想跑~超沮~
不過踢把o既時候又好衝勁喎~因為踢個turning果時有一種舒暢o既感覺~

因為阿誠同問題少年兩個學界果度撞左~所以佢地就話要睇下邊個可以唔洗增同減la~
本來周兄話100米o既~不過唔知邊個話打過咪知邊個出囉~(好似係我...)
咁佢地真係打~第一場wino既係阿誠~第二場就比佢win返~當時好明顯係睇得出阿誠唔夠氣...
而且...軟軟的...就連佢短短的腳都踢得中~可想而知~阿誠已經用盡所有....
佢輸埋果第三場係理所當然...
但係~如果要選擇~我當然係簡阿誠架~不過...佢輸左兩場~對人地都好唔公平ja...
所以舉手果時得家樂舉~(阿誠成日針對佢~佢都舉佢...)而問題少年就有桌桌佢兩個舉~
結果大概都係問題少年唔洗改掛~

到我la~周兄無lala問唔知邊個~咁我又傻左咁話我得閒我得閒~
原來....佢係搵人同果個~唔知咩人~但係都知佢好大o既打...
其實同個唔識o既人打我唔驚~但係...我唔會為左lee d練習o既時間而受傷囉...
因為佢d腳都好兇狠下~重腳囉~但係我避到~
基本上接觸係有3次~第一次我半擋半避~第二就比我用back kick反擊(中正呀~呵呵~開心的說)~
第三次我攻la~雖然我只係出左兩下turning~但係佢都還唔到手~(或者佢冇諗過我會衝埋去la~)
時間我計得好準~o岩o岩我攻完就完la~冇仇報~(其實係我諗住認真佢就完....)

完左~周兄就話玩咩咩咩運動~唉...又係一個無聊o既遊戲...
就係玩果個~只可用單手拍頭同"失"頭以下~拍到o既就係win~
其實lee個遊戲都幾暴力下....(到我玩o既時候~)
話到底我其實個求勝心都幾強下~我出得黎玩就可以話會出全力~(唔玩野果陣~)
不過我真係唔想玩囉~因為頭兩次都係輪返果幾個人...兩次都係輸比桌桌~
第三次唔同la~周兄又笠頂高帽落黎...肥家玩lee個遊戲高手黎架~win得最多係佢~
其實玩lee個game~反應當然要快la~但係講快大家都差唔多o既ja~
所以就要講求~奸~我其實真係一等一o既奸仔~做好多無謂o既動作令人分心~
好似啤住佢隻腳拍佢個頭~踢下腳兇人~跳來跳去行黎行去走來走去~不過最勁都係認真個樣~
唔好講笑~都嚇得下人架~

呵呵~連win所有人~不過最後輸左比蔡蔡~周兄話輸收尾~
但係....win到咁多人已經好光彩la~而且我一直都覺得講勁o既~都係~
基~水~蔡~(基本會員~)咁叫見得下人o既咪家樂囉~所以輸都好正常ja~只係個結局冇咁完美ja~
放左學好多人都冇去食野~咁都係得我~為~桌佢地3個同問題少年~
咁食完就傾多陣偈就走la~搭巴士o既時候~我lee個師兄(而且打過兩次比賽~)就要指導下~桌桌~
因為佢明天要打比賽了~其實如果佢win到兩場都已經叫做好好彩~
雖然佢係好有心學~而且佢可能打開波~個腦都轉得比較快~但係佢d腳始終都係唔得~動作太硬~唔得靈活~
所以我e+都唔敢點太肯定佢點~

今晚自己一個響屋企吃杯麵~咁我玩玩下巨商~帶緊樂樂o既時候阿誠問我響邊度dl巨商喎~
呵呵~正~又多個人同我玩la~不過都幾煩下~因為佢打字果度好有問題~
一來我要帶~二來我又要叫佢地喎~所以都幾煩...
不過我覺得如果玩的話~樂會玩得長~阿誠就...覺得佢好快放棄囉~
今晚日記進行o既時候發現到個有趣o既game~不過都叫做卡住左~冇咩心情玩~而且要𤍣了~

http://www.abc.net.au/gameon/chasm/chasmgame.htm

>>November 20, 2004 at 6:10:00 PM GMT+8

2004 年 11 月 18 日 星期四 【晴】

←(只限用於朝早~)


琴晚又唔知咩事....無lala比人嘈醒左陣~之後就𤍣返la~
好依稀咁記得家姐響電話度同人鬧交...咩事~?唔知呢~
不過今朝起身都冇晒人la~大概...都估到la~
今朝起身就玩巨商la~玩玩下竟然cut左喎~又連唔到上線....
所以就試下琴日買果d碟~基本上琴日試左隻~報銷左....
試多兩隻~都比佢ko埋....咁我就試下用40x咩咩咩o既速度去燒~而且仲燒住一半先~
又得左喎~之後就燒埋果半la~最後燒多幾隻之後就出問題...所以都唔燒住lu~

又係一點出門口~又係見到偉豪~咁返到公司~
阿豪就比左d label我(此label不同彼label~)~叫我拎上去比大佬~
之後就大概都冇講野la~我問佢地咁我今日響邊度做~結果當然係冇人答到我....
咁阿偉豪話唔知~阿占就叫我響15樓~所以我都好小理la~
嘟左5-6板野之後~大佬就叫我落去睇下有冇label~呵呵~我都係第一次落去拎label架咋~
有d緊張添~雖然唔係咩事~但係都叫第一次丫ma~而且拎到上黎大佬就叫我癡la~
再來一個第一次~第一次自己分左d label~嘿嘿~一黎就黎兩個第一次喎~(無聊的說~)

本來今日收6點架~不過好彩~又唔知點解變返做收7喎~
阿占佢地走晒去食飯~不過我又要幫阿宏手去執貨~但係因為我都叫做幫到手~所以都覺得開心~
佢執好晒我就諗住去丁飯la~阿占竟然拎左個飯出黎幫我丁喎~感動呢~估唔到佢會幫我丁~
食完飯坐多陣就放工la~我地4-4咁飛的去火炭轉火車返屋企~
咁我返到屋企~阿爸就響度~佢就話阿媽走左~
之後佢叫我入去睇佢今日o既收穫~眼見o既就有3條都好大下o既魚~
(當然不及我當年響大尾督釣果條咁大la~)
不過好似唔只lee3條...冰格仲有d已經變左刺身架la...佢叫我食~
我都係試左一舊~之後都有d驚所以冇食到~

>>November 19, 2004 at 3:01:56 PM GMT+8

2004 年 11 月 17 日 星期三 【晴】

又要早起身la~不過又好似平日咁~早過個鬧鐘半個鐘起身~
玩左陣巨商之後就換衫la~等埋佢之後就要出去la~
落到舖頭~就行去火車站搭去紅磡~本來我就一個人坐o既~
不過中途有成班阿婆上車喎~一左一右~響度勁傾~
咁佢就唔只兩個la~對面4個都係~企o既都好似有3-4個....
如果小d耐力都會發癲囉...好彩我都有一個方法o既...就係開"恆"個電話響度聽la....
當然我就好似I''s個男主角咁~佢就滿腦子都係色情o既影像~
我就係打緊人黎發洩o既影像....

落車la~阿媽都話我勁咁都忍得到~其實要忍都唔係好難ja....時機到就可以逃離苦海la~
莫講話打la...就連叫佢收聲o既理由都冇la....話晒都叫做公共場所~而且人地都幾ar勾....
去到賓館之後換好衫又等la...搞左一大輪之後~
就去火化場~咁做埋d儀式之後都走得la~果架車~車返我地去新浦岡果邊~又成班去飲茶la~
飲完~都係時候各散東西la~因為既然都出到黎lee頭~我就想出旺角買下書la~
咁我一個人就搭架小巴出左去~行到去果邊~買左d空碟~之後買埋買7本魔法老師之後~就返屋企la~

今晚o既晚餐係麥記果個咩沙津...不過食完o既感覺好似有d怪~而且d生o既蔬菜我就比較小食....
再夜d阿媽走出黎~佢問我所買o既果d書係咩~(佢見唔到有個膠袋~)
一場無聊o既罵戰就開始左la....結果當然係不歡而散la....
不過我反思一番之後....我雖然都係覺得佢錯~但係我都係唔o岩.....想死中......

(不爽中~壓縮壓縮再壓縮~算.........)

>>November 18, 2004 at 4:03:10 PM GMT+8

2004 年 11 月 16 日 星期二 【晴】

今日~因為要搞阿公o既喪事~所以我就要同家姐兩個12點出到舖頭~
出到去就出發la~去到新浦岡之後就去左果個越秀廣場果度飲茶~
等齊人食埋野就出發去阿婆屋企la~
上到去見到阿婆都好似冇咩野~咁o岩佢又聽緊山寨王喎~
呵呵~估唔到阿婆都有追開架~有taste呀~

過多冇耐我地就走la~出到街口佢地真係截停左架小巴~
叫佢車我地去"賓兒"館果頭~佢地講返個經過~
佢地話~阿琪琪同阿豪仔兩個坐響度笑~阿家朗就同到阿婆咁就唔知點樣咁~
我開頭都唔知咩事~原來阿婆喊呀~死la...我剛剛拎野比佢仲勁叫佢~
唔怪得佢唔出黎la~

咁去到都係做法事果d野架la~其實都冇咩人會非常唔開心~只係阿婆佢一個....
不過去到d 咁o既地步~又做得d咩呢...
今晚搞到都幾夜先走得~咁成班就走左去食野~
食野佢地就傾偈la~佢地又講返阿媽以前d野喎~勁搞笑~
而且阿媽仲有好幾次差d死....如果佢當初死左...就冇我lu~

(頭痛中...忘記左好多野... )

>>November 17, 2004 at 5:17:51 PM GMT+8

2004 年 11 月 15 日 星期一 【颳風】

感覺上好似越來越玪咁~或者天氣凍左d la~(琴晚都已經唔洗開冷氣lu~)
平日大概𤍣到8點幾基本上都夠架la~不過今日𤍣到10點9都好似唔多夠咁~
其實都仲想𤍣架~不過諗起~咦~做緊5天精精華遊lu喎~
所以就衝左出廳聽la~
真係估唔到上網睇天氣係咁準架~琴日仲係都話有24度到~之後話今日會跌到20度到~
諗都諗唔到會咁勁囉~不過仲好~我最鍾意秋冬架la~
嘿嘿~出到街見到d女仔~你著得小布我反而冇咁大興趣睇~都係著到"擁擁粽粽"咁先得意架ma~
而且秋冬lee兩個季節都比人一種好特別o既感覺~o岩晒我lee d"懶"係多愁善感o既人架la~

呵呵~果日新晒果件衫真係買得合時~上星期買~今個星期就用得la~
落到去又撞到偉豪喎~不過最後大家都係遲到收場的....
返到去阿豪就同我講~你兩個去癡label la~之後我地見到冇野好癡都唔知幾開心~
不過都係被迫留響度o既...響lee個冇野搞o既情況之下~阿豪就叫左我去執返靚d貨~
嘿嘿~其實我好鍾意執野架唔知點解~不過屋企個衣櫃~放書o既地方~所以有關我o既野都亂...
有時想執又冇時間~有時間o既時候又唔會去執喎~好矛盾....
執好左之後o既工作都係勁癡label~真係...癡左同一隻貨都有三板...搞到d手指勁痛~
而且冇買飯~所以連飯都冇得食...人間地獄啊~!!

>>November 16, 2004 at 3:55:27 PM GMT+8