2005 年 1 月 3 日 星期一 【晴】

um...其實有d野想提一提o既~不過...又好似針對於某人而發咁...
都係算左佢la...(樂樂~同你都傾過下架~不過小事黎ja~)

其實今日下午都幾無聊~不過肥昌下午又打黎叫我去打機la~
開頭我都話唔去架la~但係傾傾下又比佢講服左...
最近都冇咩點同人傾電話了~不過同佢傾天堂以前果d所謂o既風光史~
去斬人呀~響水店同人打呀~果d~可惜自己又唔掙氣~玩兩野就企~而且係玩就玩法師多~
所以d戰績都比較小...真真正正出去打o既盟戰都係兩3場...(其餘o既都係行行企企...)
最後果次咪比阿肥昌昆左囉~開頭意謂係佢表弟黎o既~但係原來係佢黎喎...佢叫我離盟出去打~
好彩死唔去ja...不過其實果次都係行行企企~都係同肥昌兩個響第二個出口度出去玩偷襲~
不過條死仔打左冇耐自己走左去練功...我自己就響度打~
本身果個盟個公主又冇上...所以求求其其問個路過o既公主收唔收~(要個title丫ma~好似型d咁~)
入左反而玩得仲少...最後因為d私人理由所以都對佢灰晒....永別了...天堂....

阿為icq叫我話知佢要比賽了~唉...學介比賽呢...當年雖則只係一個小小o既季軍...
但係佢都係我我生之年第一個拎o既獎~可以話係開心死了~(學校果d cheapcheap野就唔好講la~)
雖則咁開心~但係我都係冇話比人聽~所以知o既人都係遼遼可數~
所以都係我地跆拳果班人~同埋um....一兩個朋友知道囉~
(miss同阿水講架~我自己都冇講出黎~果年得我一個人拎到獎~而且仲有一份禮物添~XD)
其實我地係咪太弱呢...打比賽穫獎o既都係得我~生豪同賣魚~miss以前都好勁架~全港女子黑帶的亞軍~
入過香隊的~真厲害呢~不過我見過佢個對手了~E+可能生左仔果D LA~
我諗MISS見到佢E+個樣...可能會唔甘心...
(講真丫~有邊個唔想拎冠軍先得架~不過LEE D野好講天時地行人和o既...我比師兄搞到我隻腳瘀左..
唔係都有機會win o既~ja係以前玩單q右腳...冇左等同冇左75%戰力~不過都痛到行唔到咁滯...算la...)

今晚11點幾就出發去搵佢了~
(e+都係10點幾咋XD)

>>January 4, 2005 at 3:12:27 PM GMT+8

2005 年 1 月 2 日 星期日 【乍雨乍晴】

唔~有點開始討厭咁凍o既天氣了~家因我都比較懶~
到目前為止我都好小會鮏褸出黎著...所以多數都係短衫短褲~
聽聞~笨蛋係唔會感冒的~我...算唔算叫證實到係真架la~?
下午o既午餐都係琴晚o既邊爐野食~不過又落得太多...所以就分開左~早+午餐同下午茶黎食~
玩左陣ro覺無聊就又開左個可可露圖書館黎睇~
如我以前所說~真係悠閒呢~可惜我目前o既狀況都係...不過佢地o既大事~對我地黎講都可算是好小事了...
雖則仲想睇~不過...做山寨王了~所以又留返下次睇lu~

又係因為一d事(個ro囉...)而搞到遲左出門口~咁我用最快o既步速出發la~
不過見個銀包又冇乜錢了...又要用絕招了...唉...都唔知頂到幾耐添架~好彩~只要我努力d就可以幫補幫補了...
去到火車站又要等下班車la~哈哈~一上車就見到佢lu喎~不過...我心諗...又話6點3響尖東站等o既...?
算la...我自己都遲左咁多~我都冇資格去怪人了...

今日又上左一堂寶貴的一課~不過我都要開始努力搵人了~
咁樂樂猩猩同肥董佢地都一早話黎~所以我就約左佢地3個星期去報~
(嘿嘿~點解我咁努力?你去到就知架la~)
咁我又自己一個出左去諗住買書la~可惜...有d又太多~果d等一次過買~但係又冇其他喎~
所以只係買左兩本game書~之後就搭271返屋企la~哈哈~
次次都係咁...行到去廣華就一定見到有架車走...不過又有一架好似爆左"太"~
我等左陣個司機就叫我地等緊車o既過去~呵呵~真幸運呢~

電台今晚有正野聽~特備節目~這個新年真搞事~為期兩星期~
今晚正正就係我最愛的芝See菇Bi加上佢所扮的兩個人物~小苦妹加苦榮~
呵呵~阿水之前教左我一個方法播出黎聽~所以...沖住涼都可以聽了~(不過水聲太響~有d唔清楚...)

>>January 3, 2005 at 4:35:41 PM GMT+8

2005 年 1 月 1 日 星期六 【晴】

琴日溜左句說話:
香港人...真係太幸福la~與其做埋咁多無謂野~不如努力d去搵錢~有錢o既時候咪可以幫下人囉~

都係果個時間起身la~起身打左陣機之後樂樂icq就叫我la~
咁下午就陪佢出旺角買衫~我家姐聽到我話出去~個樣真係...
佢問我幾點返~我話4點幾5點到囉~之後佢個樣又立即....
點幾我搞掂就打比樂樂~之後就搭271出發la~
出到去同樂樂去左吃野~唔...果度d麵怪怪地咁~個豬扒就真係...加起上黎真係怪上加怪囉...
其實都冇咩好記~只係覺得行左好耐ja~而且見到果個賣衫果個老闆好似一個人~一個討厭o既人~
係邊個~?我自己都清楚....不過佢係咁叫樂樂買果d衫~老實講~佢話仲有好多碼果d我覺得就唔好買囉~
我聽到佢話lee隻仲有好碼o既時候立即諗到~ja係冇人買la....

佢買完我地就去左信和~之後買左5本 school rumble~
之後返去之前佢話果雞蛋仔~我見到果度有得買章魚丸喎~而且仲要係10蚊~
所以我就買左個la~嘿~lee間果然冇章魚小丸子果d咁好食~用佢響朵真係用佢響朵~
真係比其他o既勝一疇~難怪佢開咁多間~
樂樂見到我一陣就吃晒佢話~o岩o岩食果時又唔見你咁快~e+咁快就食晒~
其實呢~我都唔多喜歡響街吃野~所以都快快搞掂就算了~去舖頭吃o既就不同la~慢慢都冇咁樣衰丫ma~
上到車傾左一陣佢就𤍣左la~呵呵~我開左第一本黎睇la~哎呀~
早知早d買la~勁搞笑的說~
咁傾傾下~(其實我都知佢有睇我日記~)不過~雖則我打得出o既都係見得人o既~
唔見得o既都唔打la~咁其實我都冇咩唔見得人~有o既都係果d...咩囉~(你知架~仲問~!!)
不過睇還睇丫~講返出黎我都覺得有d尷囉...有時睇到有咩唔明~有咩感覺~有咩想發表的話...
icq同我講囉~如果唔係歡迎留言囉...如不喜歡的話~都真係可以前接同我講o既...

今晚又打邊爐~lee排又通頂又咩咩咩咁...已經爆熱氣了...
3個"非枝"都搞到我痛不欲生...好在死左兩個...仲有一個令我痛苦中...
個面今日又係勁乾...搞到超痛...
阿媽果d走晒~我見又有d口癢癢的就去"6" d菜黎食la~不過...放得太多了...吃唔晒...真浪費...

>>January 2, 2005 at 4:51:54 PM GMT+8

2004 年 12 月 31 日 星期五 【晴】

老實講~我本身對海嘯一事冇咩感覺~即使知道慘劇發生~
雖然冇刻意去咁諗~但係好多時都係第一時間就諗左去...關我咩事呀~?
我發覺果個好討厭o既名話得我都係冇錯~其實我都幾冷...而且都諗d野都幾偏激...
不過聽完今晚o既絕情谷之後就有d....
咁有個叫阿豪o既打上去(又係阿豪..)~佢o岩o岩去完果邊返黎香港~
佢就為左幾個朋友去好~(友情...哈...!!)其實lee d都冇關係~
重要係~我係聽到佢o既感覺~去o既時候只係去到付近已經聞到果陣臭味~
佢強調聞到真係想調頭走囉~而且佢都形容過下d味~其實...只係有些少~唔洗多~些少ja~
都諗到係腐爛o既肉o既味道~不過係超濃~咁主持人話(唔記得邊個講呀~)~
就算叫你一諗就諗起蘋果o既味道係冇可能架ma~(我一諗就諗到囉...)
女主持就講話~死屍o既味道係記一年~(大大力地強調~)
其實果時我已經諗左隻味出黎架la...諗出黎已經令我難受...可想言之~去o既阿豪親身去感受lee種味道...
真係...有想死o既感覺吧...
(我記得阿sir講過~聞到其有已經食左架la~就好似話你響街邊見到狗屎聞到佢臭的話~你已經食左屎la~)
有d想捐錢添~可惜我自己都已經見底了....

吃過早餐之後~就再搞個ro la~真係玩到人火滾~不停咁勁鬧加咀咒~
都唔知搞乜~雖則你係test ja~你都唔洗咁...咩囉...
又玩左次aom~不過今次2打一~2打一就用唔到速攻lu~而且輸埋...
不過玩多次又win左喎~真係~慢左兩秒就係慢左~敵人唔會比返果兩秒你...
等佢地走左之後~其實我都有d心癢癢開個可露露圖書館黎睇架la~不過有人就...
結果睇左一集就轉左去睇有線...結果冇睇lu~

我家姐無lala打返黎~同我講佢條仔生日喎~叫我聽日~下午5回點幾出去~
我已經比個ro搞到我火大架la~你e+同我講埋d咁o既野~
我諗到好多說話想講出黎囉~不過都係冇講...如果佢有上黎睇咪見到囉~ja係果d~
"你當屋企係咩呀~o下~成日叫人返黎住~咁洗唔洗包晒佢d生養死葬呀~!!"
"喂~你唔好成日同人地講~我阿媽阿爸都唔響屋企𤍣咯~我細佬又冇咩所謂o既~你黎𤍣咪得囉~"
(我好有所謂囉~耐唔時一兩次都話丫~你直頭入黎住~咩意思呀~以前阿寬都話7日有5日黎ja~)
"如果佢係好o既你去佢屋企住囉~你地搬出去都仲得架~你黎咩我屋企住呀~"
"'冇用架佢~雖然我唔知你果度幾辛苦~但係我以前六福記都唔見得好好丫~
基本野~o下~出盤菜果d~洗廁所~倒垃圾~換垃圾車~講真真係咩都要做~人工又小~返完我仲要返學~"
(都差唔多la...)

今晚睇叱吒~正呀~
(好似唔多似日記咁....不過...唔響度宣洩下唔通搵人傾lee d咩...)

>>January 1, 2005 at 4:18:16 PM GMT+8

2004 年 12 月 30 日 星期四 【乍雨乍晴】

天氣好似又再凍d la~9點幾碌到10點就出廳la~
咁又開始更新個ro la~搞左我成個早上先成功~真麻煩呢...
"我愛你之後"~今日就係最後一集了~不過...個結局就唔係咁好囉...
之後下午就玩ro la~搞好左個bot之後就可以唔洗理la~
到咁上下時候就入去轉職~原來玩3個都真係幾煩...以前都唔覺白手起家係咁煩~
因為有d地方唔去得~而且我對game o既耐性又減退左...
所以...轉完都叫佢地自己去d最cheap o既地方~自生自滅lu~

5點幾~屋企已經冇晒人la~雖然肥昌叫我去打機~不過都唔去la~
我都冇咩錢了~而且...咁凍我都唔想行過去果邊囉~屋企都有得玩la...
lee個時候~咁見無聊~阿媽又整好左d痃la~吃飯了~
吃完都有d無奈~唔知做咩好~一連氣玩左兩次aom~一對一~
真係好簡單....第一舖大概30分鐘到就完玩~第二舖我有睇時間~竟然係22分就ko左佢lu~
其實都幾矛盾...一係難到爆~一係又弱到咁....

好無聊呢~人地就出街玩~我就一個人響屋企拾下拾下睇電視....有d灰添...
個電腦開始出現問題~唔知咩事~今日都hang左數次...死la~佢壞左我都唔知點死....

(又過多一個充滿遺憾同怨念的一年....真係越大個人越去諗野個人就越灰~
而且搞到d脾氣同性格越來越怪.....
"等~?!等到幾時呀~!!""係你自己唔肯寬容d~""你估我想架~!!咁係過唔到自己果關丫ma....")

>>December 31, 2004 at 5:05:02 PM GMT+8

2004 年 12 月 29 日 星期三 【乍雨乍晴】

又係9點幾起左身~不過又𤍣返~10點幾就起左身la~
wa~一日比一日凍~死人咩...
阿紅無lala叫我~原來佢叫我幫佢set bot~呵~我以前d野都冇晒la~
所以我都要好努力先幫到佢set~
"我愛你之後"~都已經到尾2果集lu~聽完都有d感慨...
咁同佢傾傾下又比佢扼左我一齊玩la~見佢唔洗錢我又冇野做而且又有得掛機我先玩咋~
下午就用左勁耐時間dl個主程式....dl完安埋不過又差佢更新唔到...所以都冇得玩了...

6點幾到就換衫果d過去雞蛋屋企la~佢話打邊爐喎~
咁去到就見到大羅同佢細佬la~過份呀~佢細佬玩緊diablo喎~
佢玩緊咁我點玩呀~而且我都係一個以貌取人o既人~所以有點兒不爽~(靚仔就冇問題~)
停左la~之後就到我玩la~樂樂到左先~之後猩猩先到~
玩左冇耐就開始la~咁食la~食到9點幾阿繆先黎~因為佢要響屋企食完飯先黎~
佢帶左d野食黎~不過...冇樣好食囉...(吃左一個~有芝士...食到我嘔...其他唔知~)
食完睇埋個精裝追女仔2004就走la~
嘿嘿~琴日阿媽去打牌佢叫我比10蚊佢話咩借運(?)鮏個意頭(?)~
佢真係win左喎~所以就比左100蚊我la~

返到屋企~我入房睇下~心知不妙架la~一睇~
你老虎丫~我個仆街家姐下午打返黎問我今晚出唔出街話執屋喎~
佢果然真係亂咁塞塞晒我d書落櫃~真係仆街丫~我最緊張d書係搞埋d咁o既野~
你話執屋我返到屋企見到仲有亂~而且你亂咁塞d野都叫做執屋~?
咁你食屎la~lee個世界再冇一個地方係亂la~你返工老闆呀你放d錢落櫃你塞落廁所囉~
我已經不滿佢成日叫d男友返黎𤍣架la~e+仲搞我d野~
如果我唔係今日搵一搵d野先發現佢成日"dum"我d野...(其實老早已經知~)
雖然我有打算打去鬧佢~不過打到去又出唔到聲...次次都係咁...同親佢地講野我都口"疾疾"...
況且...男人邊度會夠女人鬧先得架....

(又一個icq的..................貓頭鷹................)

貓 : hihi~~~^_^

我 : hi~

貓 : 你中意唱歌家~~~唱得好唔好聽啊~~~你中意聽邊個人o既歌啦~~~你偶像係誰啦~~~~~~hehehe

我 : 一般~唔好聽~
deep~nichlas~eason~

貓 : 你O既嗜好係咩啊~~~~~~工作定讀書啦

我 : 我冇咩特別嗜好
咩都係一般~

貓 : 咁無野同你講~~~~~無主見~~~~~88

我 : 8

lee個又點睇呢~?難道人地add自己我就要好好咁招呼人??
我係你邊個收你幾錢人工呀~!!

(今天已經到達更加憤怒o既狀態~目前進行一次無聊反抗~不過...都係搵一個抓狂的機會~)

>>December 30, 2004 at 5:03:06 PM GMT+8

2004 年 12 月 28 日 星期二 【乍雨乍晴】

凍凍凍凍凍~凍到爆呀~9點幾起左身~
聽到電台都仲係做緊9點幾個節目~所以都唔起身la~
不過一𤍣就𤍣到去11點...又聽小左成個鐘la...
最近都係成日都聽小左~不過...最緊要o既廣播劇~"我愛你之後"~ 聽到就已經冇問題了~
喔喔喔~都差唔多就黎完la~劇情已經進入高潮了~(不過都唔太留心去聽~)
可惜o既係有日聽小左一集~唉...可惜...

阿媽買完飯返黎之後就走左la~當我玩緊aom o既時候肥董同阿誠打黎~
佢地話想上黎喎~雖然家姐佢地仲𤍣緊~本來都唔想佢地黎架la...
不過肥董響度um um沉沉係咁講野~其實我都唔知佢講乜~不過算la~叫佢地細聲d好了~
阿誠第一個到左~不過當然我玩緊aom~一打3中~嘿...
我力抗左好耐~到肥董黎埋~結果當然死la...因為~3個敵人~等於有12個神力~
而一個敵人最少估佢得一隊得30人~等於90人撞埋黎~佢地有不同o既兵種~
我比盡都係得45隻兵仔到....就響我第二個城牆爆埋之後~就意味著我o既死亡...

開機比佢地打la~之後就開左個日記o既板諗住打架la~
不過又諗唔到做過d咩喎~無lala又有人add我~我不嬲都唔理d人~但係都算叫做來者不拒~
(要唔要就睇下個info~個名~個年齡囉~有d(可能係)鹹網或者唔知咩la~都成日add人o既...)
其實見到個名已經不爽了~我見完阿基個fd~而且以前有個我極度討厭o既同學都有lee一個字...君...
問題或者真係出響我度la~咁我e+就post出黎~(冇咩關係o既我就省略d la~頭兩句hi...)

君 : 你好冷啊~

我 : 咩好冷呀?

君 : 你個身同心囉~

我 : 嗯~今日係好凍~
但係你又點知我個心冷呢= =?

君 : 你個名話我知0既~

我 : 果個歌名黎o既= ="

君 : 哦~~~邊個人兄唱嫁~

我 : 梅艷芳+倫永亮

君 : 咪聽過~好好聽嫁~

我 : 你估下=0=

君 : 好聽嫁~

我 : 嗯= =

君 : 你識唔識唱啊~

我 : 識就係人都識
係唔好聽咁解o既ja~

君 : 但係我唔識喎~咁我咪唔係人囉~

我 : 嗯
你不是人 (有點不爽了~開始敷衍~)

君 : 嗚嗚............你話我唔係人~~我啊媽一定傷心死啦~

我 : 或者la

君 : >_<無野好講~

我 : 嗯 (咁樣答~諗明眼人一睇都知~已經有叫佢收聲o既意思了~)

君 : 你好冷哦~真的好冷好冷~熱d好唔好~我唔想咁快凍死~

我 : 有幾冷= =?
我一熱就勁鬧人=0= (真係想鬧爆佢了~)

君 : 下~咁你可唔可以中間啊~

我 : 我個人比較極端 (我未鬧你之前你好收聲la~!!)

君 : 咁88啦~怪人

我 : 8

嗯~我覺得佢好冇禮貌囉...咁樣話人都得o既咩~不過算la~我都唔想同d唔識o既人玩埋d唔知頭唔知路o既icq~
不過上次仲勁~好似得5-6句~(聽日post埋佢出黎XD~)

玩左一個下午~阿媽買左野食返黎~阿誠就走先~之後肥董就7點幾先走~
我個咁o既死人家姐又響度發脾氣~佢仲同阿媽講~你明知我發脾氣你仲同我講野~!!
呵~好笑la真係~(算了~不講了)
不過一走就冇晒人了~都係一個人比較適合我~

>>December 29, 2004 at 3:47:48 PM GMT+8

2004 年 12 月 27 日 星期一 【乍雨乍晴】

今日超凍呀~凍到都唔多願起身~
不過都唔理佢lu~琴晚搵到個打zz gundam同卡碧尼mkll o既方法~
而且屋企今日又冇人~可以盡情咁玩lu~
玩左成日~4點幾5點終於都完成了~不過我都差唔多要去了~
結果搞到遲左出門口~又要人等了~

可惜~出到去又搞唔掂la~因為個身分證果個野唔掂所以下次又要黎la...
不過又要交多樣野~所以唔關我事~
去到金鐘我就叫佢走先~因為我要去買野~
自己一個人去信和買書了~出到去~今次o既收穫只有5本書~
可惜可惜~

(唔係好記得發生過咩事~不過...又好似冇咩事發生過啵...)

>>December 29, 2004 at 6:53:39 AM GMT+8

2004 年 12 月 26 日 星期日 【晴】

果隻死人online game(knight online)終於都更新完la~加加埋埋用左我都有3個幾鐘~
結果就玩左我成個下午~
今晚餐飯真係唔係幾得~不是味道不好~只是...份量不夠...
可惡的人啊~將剛剛買o既豆漿飲晒~可惡~!!好想飲呀~!!
琴晚睇方世玉~今晚睇續集~呵~真係超正~
當年o既郭藹明真係靚爆~戲內o既佢有些少令我著迷~
成日有人問我鍾意邊個女明星都唔知點答~e+唔同la~
雖然只係有小小鍾意~不過~都係答郭藹明~!!
搵到隻舊歌超正~唱果個唱得勁好聽~d詞又填得勁好~(歌名叫~心仍是冷~睇我info都見到個名架la~)

(無聊的一天....)

>>December 28, 2004 at 6:41:43 PM GMT+8

2004 年 12 月 25 日 星期六 【晴】

見無聊~又開左個tor玩la~玩到7點幾到先停~因為電視做勁歌~
無無聊聊咁睇埋個四葉草諗住有得睇掌門人la~
唉...好灰呢~竟然做果個咩醫大結局~真係比佢吹帳...
見餓了~阿媽又冇打返黎話返唔返~所以就打比佢la~之後佢就叫我等佢電話la~
等到10點幾~佢先打黎叫我叫pizza...咁我都冇幾可叫過pizza...所以都要等佢返黎叫~
又餓~下午個pk又唔知發咩神經係咁小我~我已經成肚氣la~
我都唔想出聲架la~好聲好氣叫佢幫我張from張返好佢佢都仲要話我~
結果都係忍唔住鬧左佢幾句...

12點幾到~icq無lala有人add我~咁我當然係求其敷衍下佢囉~
佢最後留低左句~"咁無野同你講~~~~~無主見~~~~~88"~
車~關你春事摩~係咁架la~又唔係我add你~唔o岩傾又要話人~冇家教~
條pk話冇帶鎖匙叫我開門比佢~咁我都叫左佢早d返架la~我成兩點幾先𤍣佢都未返~
我意謂佢去佢條仔度𤍣la~點知...兩個白痴5點幾死返黎~
你返唔返係你o既事~但係你冇帶鎖匙就自覺d早d返~要人幫你開門都唔係人黎架~
明知我要𤍣返真係難上加難~再加上我一肚氣~佢地仲要響個廳度睇戲勁嘈~真係想出去鬧爆佢地~!!
結果用左個幾鐘時間~勁響張床碌~碌完拎本勁多字o既死亡筆記出黎睇睇到玪先𤍣得著...

(充滿怨念的一天~吃下不小氣~負能量再一次暴升~目前都係處於生人勿近o既狀態~崩潰時唔知會發生咩事~!!)

>>December 27, 2004 at 3:16:16 PM GMT+8