2004 年 12 月 24 日 星期五 【晴】

正~真係正到爆呀~魔戒~我e+先睇真係太遲了...後悔當初阿俊(六福記)話借我我冇追問~
不過...可惜o既係~第二隻碟花花地~第三隻碟因為猩猩趕住要返工~所以勁飛~
或者因為以上兩個原因~所以搞到點講都係一集係最好睇的~

由一至3集~個主角比人o既感覺同埋我親眼睇到佢都係廢的...如果唔係佢有咁多人保護~
仲有兩件"神器"~一把係輕如羽毛的劍~一件硬如龍麟的(好似鎖子甲的)甲囉~

而我最鍾意o既當然係又型又俊o既妖精~戲入面真係勁爆~
佢o既動作係眾多角色之中係最靚o既~雖然我諗過用枝箭係可以就咁攻擊~
但係諗都冇諗過佢可以插完再扯返出黎射囉~(好似有d...XD)
第二集果度~就係果度開始因為隻碟花左搞到"疾"得好勁~果度果一幕佢飛上隻馬度真係爆型的~
第三集尾段佢一個人ko左一隻象騎兵~(有隻象~上面好多人)
完全表現到妖精果種敏捷~同埋射箭o既準確度~
佢都有搞笑o既一面~一隻手掌就拍唔響o既~只要佢同個矮人一齊~就會有d笑料出架la~

最令人失望o既都可算係魔法師~甘道夫~
我一直都嚮往魔法lee樣野~但係...戲入面佢o既角色...比我o既感覺只係一枝電洞~帶路o既人同埋軍師(?)...
而且佢仲係用劍同埋用佢枝杖去打...似樣d o既咪打果隻火o既大怪物時用果招~
d電劈落把劍落~之後一野ko左隻野囉....
基本上佢都係一套極之出色o既戲~不過...有d地方令人失望...

雖然冇睇足9個鐘~但係都有8個幾...我都差唔多頂唔順...
7點幾就走la~猩猩就返工~樂樂都話𤍣一陣先返工~我就最正la~返屋企𤍣 lu~
買左個早餐~返屋企~開個熱水爐之後就食野la~食完都仲未得....
結果都𤍣左幾個字先去沖涼~之後就入房𤍣la~
可惜丫~11點幾就𤍣左la...都𤍣唔夠5個鐘...好在~起身冇耐就做魔界小金毛~
睇完之後~玩左陣電腦就開左個tor玩la~玩玩玩玩玩一玩就玩到8-9點~
如果唔係比人小我都玩落去o既~
討厭...真係討厭~我家姐又叫左個唔知乜頭乜路o既人上黎~響度睇戲喎~
大佬~我d fd上黎見你地返黎佢地都自己醒水走la~但係佢地都唔理我o既死活~
係又叫唔係又叫~就算我𤍣教佢地都響度打被牌~真討厭~!!
而且今晚已經冇野食架la~佢返到黎仲話~你阿媽點會比你餓親丫~
好一句咁o既說話~我冇理佢~因為佢真係意謂我好幸福~但係...我並唔係...至少我已經餓緊~

>>December 26, 2004 at 4:30:11 PM GMT+8

2004 年 12 月 23 日 星期四 【晴】

白痴架d人~晨咁早就打黎~本來我都冇醒架la~但係我家姐又響度"閣"個牆~
搞到我唔醒唔得....出到去有個不知名電話同埋肥董打黎...
估都估到佢想點la~不過屋企今日有人~佢係唔黎得o既~
個人仲呆下呆下咁~都唔知做乜好~開電腦玩la~又玩aom la~同個電腦激戰~
因為今次用北歐~所以都不太熟識~搞到一開波就比人攻陷左la....(二打一係咁上下la~)
一個下午咁狗長~始終都win左一兩次o既~

肥董唔信邪~同阿誠一齊打黎問多次~唔係我唔比你地黎la~
係一早已經有人霸左我架機~我想比~都唔得la~
2-3點佢又打黎話咩阿水去什麼嘉年華會喎~佢又叫我去~咁阿誠話睇我~
我覺得佢次次都想去囉~因為平日我次次都應承~不過今次唔得la~老實講~就算我冇街出~
我都唔想響lee d日子見到果兩隻野獸禽獸囉~仲有果條仔都係令我不爽~
即使用我以往o既絕招都唔得~只係見到~見到咋~!!都已經眼火爆~
如果喜慶日子都搞到自己不愉快的話~我去都真係仲衰過響屋企囉~

況且雞蛋返左黎都未見過佢~都係去佢果度好d~
6點到換好衫果d就出發去佢屋企~上到去佢地3個響度鋤d~
粉無聊的...佢地叫我一齊~咁我真係唔想囉~不過...結果都係就範左...
我都叫佢地唔好架la~雖則玩一毫子一隻~但係十幾廿舖內我都win左3.3~你話幾唔好意思呢~
大家咁fd~果幾蚊都唔收la~其實lee十幾舖都玩左個幾鐘...其間我都係一直玩diablo~
而且我o既戰術都係一貫o既輸小當嬴~雖然win就唔係食佢地好多~不過我又冇比人炒過~
lee 3.3真係~呵~運氣黎o既~都8點la~我地幾個就同雞蛋一家人去食飯~

落到去又係去返對上果次果間度食~一人叫左一個痃~
我見到佢地個個都吃飯o既~不過我就唔吃的~猩猩都仲記得我不太吃飯~
不過真係好勁...樂樂同猩猩兩個吃左兩碗飯喎....叫我吃一個都簡直係地獄呀....
食完我地就上返去la~咁雞蛋個diablo又唔知搞乜...我果個ser又入唔到喎....
無聊就開icq la~而且仲叫佢試下佢架ps2點解玩唔到~
怪事又再發生la~好日個icq都冇人理我~但係...一叫...又幾個幾個一齊叫~都唔知係咪玩野~
本來諗住打琴日個日記架~不過...佢地係咁叫搞到我冇時間囉...而且又開左隻魔戒o既game~
我玩左兩野~之後唔知講左d咩就變左睇魔戒la...

(打死我都唔出尖咀果d同人迫架la~咁樣簡簡單單過其實係最好不過~
可惜...身邊o既...都只係朋友...對我黎講...節日都只不過係一個沒特別的閒日~
只不過...佢係既討厭又多人又煩人的日子而已...)

>>December 25, 2004 at 3:06:06 PM GMT+8

2004 年 12 月 22 日 星期三 【晴】

肥董同阿誠下午無lala話黎~而且阿誠仲要出發左~肥董先通知打黎話我知~
佢真係當我lee度機舖....你話黎就黎呀...?
硬吃左一個大包之後~見阿肥董黎我又唔知點解叫佢幫我買飯喎...(唔記得自己食左野...)
佢地黎到~本來話7點幾8點到就走架la~而且阿媽打比我仲話比我聽冇飯食~
咁我換好衫之後~佢地仲打緊~打到成10點先出去....
又行左去大中~再一次勁兜勁兜勁兜~兜左個大中兩3個圈先求求其其搵左間野食~
咁食完又傾la~傾到12點先走~返到屋企搞搞下都成點幾兩點先𤍣...

(忘記了...)

>>December 25, 2004 at 1:48:48 PM GMT+8

2004 年 12 月 21 日 星期二 【晴】

yeah~有人請打機而且仲有人請吃打冷霄夜添~呵呵~冼志真好人呢~
雖然咁多人去打機~但係都係得我肥昌同志惠去食~
上返去就打機la~我冼志同志惠3個就搵左隻online o既音樂game玩~
嘿嘿~佢地好弱呢~差唔多win晒~之後又打其他game~
玩到咁上下~佢地又撩我玩aom~咁冇所謂la~都好似有6點到la~
一玩~喔~玩左成個幾兩個鐘喎...因為太長時間了...我地賽後未睇返晒個過程就要熄機la...
(我果邊win左lu又~)

咁佢地話去食野~而我就仲有個幾兩個鐘先去得搵佢地~
所以就去左飲早茶la~好耐都冇飲過早茶了~不過...吃左我50蚊...(同自己比錢打機都差唔多了...)
食完野就各自各返屋企la~肥昌譚仙甘地就叫我去打機~正好我要等到10點~
所以就去左la~佢地話玩z喎~好在~街機我都話叫做玩過下~而且屋企都有玩開~
我地就護挑~我就識d o既~所以我叫肥昌用高達~而我就用細機~
甘地同譚仙就唔係咁熟~(佢地屋企好似都有玩~)所以我地就win左la~
挑左3-4舖~我地輸左次...原因係...(唔知)
8蚊玩左成個鐘~都抵la~之後就話走la~我同肥昌兩個一齊行去火車站~
行到一半~大概響平日放跆拳買野飲果間ok度la~佢同我講話佢地溫緊書喎...
你老虎丫~佢叫我返轉頭喎~好彩我未入閘ja~之後我就送肥昌到閘口我就返轉頭返佢地la...

行到去~阿誠就等緊我~佢話佢d朋友唔黎~講真丫~我都冇咩所謂了...
e+都暈暈地咁~理得你多人定小人丫~落到去佢地真係溫書~好la~唔理我事~我都到左咯~
搞左陣就出發了~最後就搭271去la~本來話得我地幾個男仔去~都冇問題la~
不過最後...連果個kubby都去喎...我唔係話咩~我不嬲都係咁講架la~
你樣衰~你串~你賤~你肥~你咩都好~我都可以同你做朋友~好似阿基舊女友咁~
完全冇問題架~係唔靚~係肥~但係佢好~係一個做到朋友o既人~
但係lee個kubby就真係唔掂囉...係~你話我個樣惡~好似好大咁我都冇所謂~不過...我討厭lee個人~
我討厭好多野都冇原因~不過...(我都唔想提~問阿誠la~!!)
(好在我冇佢icq ja~佢睇唔到~)

去到~今日可算係開懷地唱~雖則我都可算係五音不全XD
但係冇所謂la~去玩ja~而且在場o既都係熟人~(兩個囉~兩個不熟)同埋~都係一齊唱o既~
不過可能太行了~所以唱到都有d痛...而且都唔夠𤍣...
兩點就走la~本來話咩等肥董果d o既~不過果個樹輝話要返大埔~而我都要返屋企𤍣陣先~
咁阿誠都係跟我地架la~阿水就搵阿雪~
返去又搭271~正la~今次我可以𤍣la~剛剛去o既時候我都冇𤍣過~
哈哈~我去到火炭醒左一醒又𤍣返~之後又係去到廣福果度醒喎~次次都咁o岩o既~

返到屋企~我就諗住打日記o既~不過真係爆眼𤍣~咩都諗唔到lu~
所以望住個電視發呆...呆左陣~之後𤍣左3-4個字又醒返~之後佢就打黎la~
好似係話約左5點半o既~而且仲話出門口就打比我~不過我又唔多肯定喎~
換左衫之後都睇書睇到5點5先出門口~唉...落到樓下又禁左500蚊出黎...
死la~想儲錢點知d錢越用越小...我都差唔多山窮水盡了....
搭車去緊o既途中~佢就打黎叫我出門口la~但係去到佢都係到先~

去到果度~等左陣去左一間房~之後比左一個人之後就等la~
等到咁上下follow我果個就到~佢睇左陣~之後睇清楚就話有度有問題...
唉...又搞唔掂...又要搞過...其實我都爆眼𤍣了而且又唔知等咩...
等左陣就話教我果d野~之後講左陣佢地就開會la~
佢開始講解佢d野~呵呵~正呀~雖然我真係好𤍣眼~但係我聽果陣真係好精神囉~
今日我真係又上左一堂寶貴的一課~而且lee度d人都好nice~
唔~我真係要好好向佢地學習一下先得了~要改左lee個怕醜o既習慣了...

返到屋企~搞掂埋琴日果個咁求其o既日記之後去沖涼~完事之後一上床睇左一話書就𤍣左la~

(e+都係好眼𤍣~而且果日超呆...有d唔記得~但係又有d無聊野~)

>>December 23, 2004 at 5:27:55 PM GMT+8

2004 年 12 月 20 日 星期一 【晴】

又玩左成日高達la~好無聊呢......
6點9到就出發去阿"女麻"度做冬~不過...得我同家姐同阿"女麻"3個人吃...
阿媽佢地話返左貨喎~所以黎唔到~我地就收到命令拎d野落去比佢地食la~
不過落到去....原來佢地講大話...只係唔想上阿"女麻"而已....
今晚又去打通頂~其實我就唔想去o既~因為聽日要去唱k la~
但係見到冼志lee個超孤寒種都話請打機~我唔去都唔好意思la~(有著數唔去我咪好笨~去𤍣都好la~)

(通頂過後~乜都唔記得la...)

>>December 22, 2004 at 2:54:22 PM GMT+8

2004 年 12 月 19 日 星期日 【晴】

又到新o既一天la~就真係新o既開始了~
今日o既五天精華遊加多左一個廣播劇~個劇個名就叫做"我愛你之後"~
見到個名~已經知我日日都會追la~不過...聽完之後....我追佢o既意志就更加堅定~
實在係爆笑的~而且個故事都幾有趣~得閒有機會的話~11點半聽903就有架la~!!
下午~極度無聊的~勁玩左一日高達....爆左一個故事~e+玩緊第二個....
而且一路玩一路勁食野...(琴日笠返黎果d~XD)

下午5點幾佢就打黎la~我就換衫la~6點鐘出發~
咁o岩又要等個幾字車~所以...要人等了~去到~丁一聲~大叫~啊~我明白了~!!(鬆一口氣~無言...)
上車前傾過下d課程之後就冇點講過d咩la~超尷的說....
出到好遠之後~就到la~上到去果度~咁就有幾個人黎講解la~
我終於都明白d祈福黨係點架la...佢係咁講~我真係小市民囉~去到一個陌生o既環境~
顯得比平日更不自然~a不熟~b不熟~c不熟~你一句我一句咁~help~
不過...其實佢講左咁耐~係有道理o既~~我有d明~有d唔明~
但係又諗唔到有咩問題~佢叫我做乜咪做乜囉~但係其實又唔係冇著數o既~
點解仲有做左水魚o既感覺呢~?因為.................

咁佢送到我去地鐵站就走左la~我自己一個人又走左去買書...
唉...比人吃左3舊水~身上都冇乜錢了~開埋阿"女麻"比我果一百蚊利是~
不過身上都係得百幾蚊...點解呢...?星期6先禁左500蚊出黎~咁快又見底o既....
買左4本書之後就返屋企la~阿媽話冇飯食~咁我之前買定左d麵~所以只需要買野飲就ok了~
10蚊一個大可樂~之後返屋企就吃麵了~
好彩ja~阿媽響度喎~咁就唔洗我聽日出舖頭搵佢叫佢幫我搞la~

(又勁眼𤍣~所以我都唔知自己打乜.......)

>>December 20, 2004 at 3:43:22 PM GMT+8

2004 年 12 月 18 日 星期六 【晴】

琴晚咁夜𤍣~今朝成11點幾先起身都係理所當然o既~
開左個腦~之後上左陣網之後~見有d無聊~之後又記得之前有隻online槍game申請唔到喎~
所以就試下la~喔得左~咁玩la~開頭都唔知點制點禁~不過重要o既我諗都已經統一左架la~
會行會走會開槍~所以一玩就大殺四方~其實佢同r6就係一樣o既...
不過有d制就唔同左...所以就玩得好白痴囉~唔識開門~所以就要用炸彈爆開佢果d....
見到佢好似r6咁玩都有d無聊....所以就del左佢la~

阿媽打黎叫我地4點前出到舖頭~因為今日要去飲~
咁我見無聊就試下個tor玩唔到玩~呵呵~一開又玩到呀~而且都冇卡住響出特效度~
所以一玩就玩到3點la~3點就去換衫la~等埋佢兩個就出發~
落到舖頭~呵~要幫手喎~我都好耐冇落黎幫手lu~不過都冇咩關係~
因為賣野果方面我其實都冇咩點幫過手~唔識~就都係唔識架la~
雖則係唔識~但係都要出去幫~等到阿媽返返黎我都企左個幾鐘lu~
見佢返左黎我咪去睇下書囉~本來諗住去飲冇本書睇下就真係悶死la~我又唔同佢地傾偈o既~

行到過去平常買開果間又冇開門喎~只好行去第度la~
本來想買幾本o既~不過只係買得到一本ja~買左本翼~咁我行到返舖頭都收好舖了~
收完等埋阿爸就出發la~5個人飛的直接去沙田~呵呵~都係8-90蚊ja~
去到果度~咁家姐就叫我打麻雀la~講真~我一d都唔識囉...本身佢地叫我打~
好彩後來都叫阿爸落場~咁佢打左一兩舖之後就話去廁所...之後就叫我打住先la...
我一向都有手震架ma~見到佢地踏牌咁快我自己又震下震下咁...都唔係幾好意思la~
唉...而且又"出充"(?)~害阿爸輸左廿蚊la....因為咁樣~心裡面不停咁回響一句說話~
"你話打麻雀幾無聊~乜都冇做過就有錢la~"~不過可能係因為我輸左先咁la....

佢地打多幾十舖之後就開始la~個開場真係好長la....
搞左勁耐先有得食~不過....佢地果份喜悅我完完全全感受到囉~(飲結婚喜酒啊~)
真係好羨慕o既ja~都唔知我要等多幾多年先有lee一日~或者...lee世都冇lu~(無聊的目標之一...)
今日可能係d親戚見到我笑得最燦爛o既一日~
食食下野~icq果個人就打黎約時間地點la~不過都冇約得出d咩~最後都係要聽日先決定~
哈哈~都差唔多完場la~我地就走la~但係...一袋二袋咁...咁又係o既~好似話冇左成3千蚊呀~lee餐都幾甘~
本來就有車返大埔o既~不過遲左落去所以都要飛的走la~
一上車肥董打黎問我巨商入面d野...係~係我衰o既~佢放棄左我做乜要叫返佢玩呢~自己鮏黎賤~
因為我唔係響個電腦面前所以都答唔到佢d問題la....

(其實今日我係好開心~而且感覺上都係極度有趣的一天~可惜超眼𤍣...不完全版睇住先~"完全版係冇o既"~)

>>December 19, 2004 at 5:09:35 PM GMT+8

2004 年 12 月 17 日 星期五 【晴】

又發癲la...11點幾經已走左入房𤍣~不過...又係𤍣唔著...
睇左幾本書又碌左好耐下~兩點鐘就決定出廳開腦睇下有咩搞la~
見到咁耐都冇睇過d動~所以就簡la~掙扎左好耐~最後真係是是但但求求其其咁簡左個~
可可露圖書館~見到個名~大概都已經估到我點解會dl同睇~
咁我睇左兩集就入返房la~老實講~我都幾鍾意個主角o既~不過...衰d講句其實都有d無聊...
但係睇完幻想下都唔錯~因為我比較喜歡d簡簡單單~無無聊聊o既日子~
而且佢入面又會發生奇蹟喎~人o既思想又單純~或者~我夢寐以求都係lee種生活~不過...到我幾多歲先有呢...

𤍣到11點幾~不過仲係勁眼𤍣~11點半到先出廳~
咁上網睇左陣野聽左陣歌就睇魔界小金毛la~睇完就換衫la~
不過無lala有人add我~我一路換就同佢傾左幾句~結果搞到我就遲左出門口la~
去到果邊ok~見到家樂~我地一齊行la~行行下又見到阿基~佢好似幫miss lee買野喎~
原途都有不少o既女童軍~喔喔喔~返到學校原來今日d女童軍又響度集會la~
雖則可以大飽眼福~(迷之聲:吃豬扒乜可以飽眼福嗎??)不過我地就比佢地霸左個禮堂囉...

久未露面o既蔡蔡終於都返la~佢隻手好返la~不過隻腳又返炒...
上左半堂師兄先返~而且好早就做完d訓練就打free fight~
唉...琴日跑完d根緊到丫~而且比肥董爆完我右腳都仲未好~
不過~我又有d心癢癢請人吃我的reverse kick~見阿誠打完又打我就話同佢打la~
出到去~開頭我衝前佢又走喎~其實我都係等一個比佢攻o既機會ja~咁我就話~阿誠~你又走~
嘿嘿~我自己知我想點當然做準備la~阿誠唔知咩事佢就攻埋黎la~
可惜~真係可惜~出到呀~不過比佢擋左~咁我想做o既野就做完la~而且阿誠好似踢到我d手"掙"~
之後就停左la~
大滿足的我坐低左之後~睇多佢地打幾場~唔記得邊個同師兄打~不過又整到~所以比人點名叫左出去la...
單q加唔夠𤍣的我~狀態極度欠佳的我出到去~都係任人魚肉架la...所以出到去都係向頭發展la~
唉...隻右腳又踢到佢手掙...傷上加傷...早知忍忍佢就算la...

4點就放學la~我地又一班走左去食野~
食完野就行去大中~本來我同蔡蔡要去買碟~順便就陪師兄去買野o既~
不過...師兄要買果d野又左果間冇喎~所以就要咁夜先出旺角la~
我同蔡蔡就走左去日月星度買~搞左好耐~我就買左個gundam z vs g同tor~
本來想睇下套魔法騎士幾錢o既~不過...佢擺得太密la...所以都冇心機去睇~
我睇完又到蔡蔡la~佢去租書睇~嗚...我見到一set o既i''s呀....help~唔知邊度有7同12買呢....
搞掂之後陪埋阿水去廁所就各有各走la~今晚又冇飯食~咁我就落左百佳買野食la~
而且要買泥~呵呵~9個幾5個福麵唷~好似好抵呢~不過一個17個幾o既奶就貴左d~個泥就...38元...
死la~今日又禁左500出黎~銀行都唔知仲有幾錢添架...而且又冇得返住...我真係諗緊點死...

返到屋企~諗住玩個tor la~唉..唔知點解佢卡左響個頭果度入唔到la...
只好開個高達玩la~不過lee個高達好似有d怪...而且有得玩故事呢~
玩到咁上下我又試個tor la~呵呵~咁我等佢load到果度之後就開一開出黎入返又得喎~
咁就玩la~唉...但係有線做ptu..好想睇添~睇左9個字之後都唔睇lu~
miss左個頭都唔知點睇落去...其實好多位都順~不過硬係去到d特別位就load唔到...
嗚...想死呀~等左你咁耐~用左我50蚊買你返黎你竟然咁對我...玩又玩到~但係又唔順...ja係冇得換la...
既然都玩唔到又開個高達玩~一玩~玩到成點幾兩點~家姐佢地都返黎la~
廢事比人鬧~所以都係熄機好了...
個日記搞到成2點10...沖埋涼都唔知幾點先有得𤍣呀....

>>December 18, 2004 at 6:49:43 PM GMT+8

2004 年 12 月 16 日 星期四 【晴】

6-8點到就醒左la~做咩呢~?唔知...碌左個幾兩個字~
本身就想小個便~去到廁所突然有小小(大的)便意la~
一去~竟然搞肚喎...而且...仲好響添XD~唔知...有冇人聽到呢~
唉...梗係琴日d瀨尿蝦有問題la....
大概5-10分鐘到就完事la~之後入返房繼續𤍣....
一𤍣𤍣到11點3~唉...聽小左成半個有多o既節目了....
聽完~食左個午餐~之後搞左小小野又dl左d歌~無lala覺得眼𤍣~
之後又入房𤍣lu~

剛剛好~3點07就起左身~之後就聽電台la~
4點幾5點~肥董同阿誠無lala打黎~佢地話一陣去跑步~不過響我屋企集合咁囉....
我話左好之後~lee個時候我突然又好想玩d online game或者普通game~但係又唔想玩巨商~
所以就上網搵la~搵到個幾有趣o既online音樂game~佢8月就開始公測~不過e+12月都仲響度測緊...
最後我搞左勁耐先玩到囉...剛剛玩完第一版肥董同阿水就到la~
咁我開左架ps2比佢兩個我自己就繼續~到冇耐阿誠都到左la~
我就比左佢玩~我自己就走左去沖涼換衫了~

約左桌桌佢地6點響下面71a等~咁到左之後阿裝(?)又未到喎~
等下又一個字~等下又一個字~佢條死仔遲左4個幾5個字先到....肥董終於都感受到等人o既滋味了~
人齊之後就出發la~去到火車站問題少年都已經到左好似好耐la~如果叫我同佢兩個人等真係生不如死...
唔知搞咩呢~突然唔想講野~佢地撩我都只係敷衍下ja~
我地行到果個科學園之後先開始跑~其間我只係因為有個位行唔到過去而停一停o既ja~
所以我用一條氣跑完全程~而且到最後仲全力衝添~可惜...最近lee兩次~跑親都要跌一跌個電話o既...

我地去食飯la~阿水就自己一個人走先~我就依然沉默~
其實有d位我想講野架la~好似阿問題少年咁~我慢跑la~佢竟然響我面前行喎~(冇位過...)
之後阿誠同桌桌講鬼故或者自己d恐怖經歷la~(我聽緊電台唔知到...)
不過肥董就勁響度駁故...仲話~果個係你阿媽個姦夫同你阿媽搞完野佢關埋道門咋~
我真係幾想出聲鬧佢呀...可惜~當時我處於一個沉默o既狀態~唔想講野~
去左果間野之後就食飯la~呵呵~我都好耐冇据扒了~不過lee度d扒就真係肥左d...不過都好正~

食完我地都返屋企lu~肥董本身想去買野o既~不過我就要跟住桌桌佢兩個~
話晒大家都住富亨丫ma~佢地好都話好玪...個個都話聽日都唔想返...
梗係la~佢地都傻傻地~明知聽日要返跆拳仲搞埋d咁o既野~我就冇咩所謂呀~我沮佢地都冇聲出la~
返到屋企~家姐o岩o岩好就開個餃子睇la~其實lee出野...感覺上都有d變態...
而且有d性愛場面都有d多餘...明明可以快快咁過左佢又響度播~
不過因為icq今晚都算叫做有唔小人叫我~所以都冇專心睇...搞到有d唔明...
我都係今日先知雞蛋返左黎咋...真係好驚喜呀...
icq有個女仔叫我去讀果個咩助學基金~咁我見我自己lee排又冇工返~我就應承左話去la~
唔知...去到果度係點o既呢XD

今日都好多突然....

>>December 17, 2004 at 4:21:22 PM GMT+8

2004 年 12 月 15 日 星期三 【晴】

今朝開埋個魔法騎士黎睇~嗚....激正呀....
可惜我一路睇一路就聽電台果個女仔就一路叫我....
結果有d位都係miss左o既...(um...同時做3樣野~分左心去果邊又唔記得lee邊~講到邊又唔係咁記得la...)
雖則最尾果幾集都係正爆~(我鍾意~所以係咁講~睇過o既都有唔同感覺掛~"個結局有d行囉~而且不完滿"~)
當我睇到最尾果個(48-49)~佢唱我第一隻買o既日文cd其中一首歌~(同時亦都係第一隻買o既cd~)
立即感動到爆la~而且佢(46-47)果度有問題~所以....等我呀~我一定會帶你返屋企架~~~~!!!!!!!

下午~我叫肥董同我一齊去拎身分證~咁佢就話食完飯打比我la~
咁冇野做o既時候~果個女仔都勁叫我~我明白~其實有人叫都幾煩....
煩人(?)我又試過~比人煩我又試過....同樣討厭....如果唔係有咩特別o既都唔好搞我了~
約左佢2點半~之後我就出門口la~我2點5就到lu~
去到等la~我一上到去等左陣架車就到la~肥董都到la~嘿...算佢識趣la~唔遲~
wa~佢傻架~雖然我又唔可以話好凍~不過外一件長內一件長la~佢竟然著短衫褲喎....
去到果度~響火車站買左個包吃~係我今日o既第一餐....上到去果度比左張行街紙佢等左一陣就搞掂la~
感覺上都有d無謂...而且張行街紙靚仔d~XD

佢又話上我屋企la~見佢陪完我我都冇所謂~
返到屋企~一路打機icq都仲有叫我~有時又答得好敷衍~有時都答得幾長~
不過我諗佢都feel到我d悶氣...所以都冇叫我la~
打打下肥董叫埋阿水上黎~之後我地3個就一齊打la~
7點幾就走晒la~而且今晚有飯食~正呀~
哎唷~望望下原來樂樂生日喎...咁夜先同佢生日快樂佢會唔會嬲呢~
不過我地都傾左好一陣子~

(其實...唔知做咩呢~好多野想講~但係又出唔到喎...重新黎過一篇我真係頂唔順....
或者第日有機會再有d咁o既事o既時候講出黎la~感覺上有d唔自然...好似又暈暈地咁...)

>>December 16, 2004 at 3:26:27 PM GMT+8