2005 年 4 月 23 日 星期六 【酷熱】

今朝剛剛好8點先起身...家因都比較玪...其實都唔多願起身呢...
到差唔多時候就換衫~搞掂晒d野就出門口~
去到巴士站~阿誠同阿庄已經到左la~我地等左一架車~阿榮都未到....
我其實都諗~如果佢返的話佢都唔會走過黎~會直接響富善上車掛~果真佢咁做....

返到公司都遲左d~其實d人飯都差唔多食完~而且最近玩果個司服...
同阿雄就可以不停講la...都未食完飯就同佢係咁傾la~搞到要開工~我都係拎住碗湯飲緊...
原來我返黎果時我係未寫返果d資料架喎...今日再次寫返字...(好耐冇寫字了...)
真係有d執筆忘字呢...而且手字比以前仲弱...(震震震震震震.............)
今日都比較強~都有二百...但係要洗盤~要洗地毯...邪惡的說~
你兩樣野一齊叫我地做~你都幾識點人做野喎~

當然唔洗我洗la~不過我同阿榮就出去搬"翞搬完都死左半...
果度又熱喎~好賤格呢~佢一早已經熄晒d冷氣...我地搬果陣真係死得人....
搞掂之後~我地就等囉~佢地都洗埋好d盤之後我地就開始等la~
我阿雄阿庄落去倒埋d水之後就開始要排返好d"緄a~話就話多左人一齊執~
但係呢~都係好煩的...所以都搞得特別耐...搞掂餅同後宮之後都未排得住~
之後咪傾計呀~我就拎左阿雄個電話打下飛機game咁~
無lala阿誠個朋友打黎~之後阿雄就唔知食左咩咁...十分之咁興奮~
咁又係o既睇佢個樣...而且lee個係人地o既朋友~點玩都冇所謂la~

今日收5點半~嘿嘿~早上o既時候阿榮問我有冇睇藉著雨點說愛你喎~
我當然係冇睇la~但係我就超想睇~呵~咁o岩佢又未睇~阿誠就不用說la~
本身阿庄都會去o既~不過佢咁自私...而且加上好多因素佢都係冇去的...
出發前我地就去左麥記食野~食完野宦傾左好耐偈~
偈到咁上下先出發~我見阿誠都有d猶豫咁問去邊~不過都已經行緊去旺角了~

去到新世紀商場就冇啦~本身就打算去沙田o既~不過我又要去買書~
買完書之後~係喎~我都唔記得左lee點都有一間添...唔係阿榮講都真係唔記得囉~
去到之後~喔~原來仲上緊~之後睇下有咩位la~結果得d山卡la o既位...
我唔知佢地點諗la~但係我其實都唔會點介意o既...
比錢la~呵呵~佢問我地有冇學生証~之後阿榮拎左出黎見佢都係睇睇就算~
咁我咪都係拎我以前果張出黎囉~wakakaka~冇問題呢~平5蚊喎~不過阿誠就冇lu....

睇完o既感覺係...一個字~正~其實睇時都有d不爽~
雖然我真係唔想分心囉~但係...我右後方果個人抻隻腳上黎喎...(當然不是我果邊la~)
實際上佢係搞唔到我o既~但係我見到d野郁郁下~之後見到佢咁就不爽了....
我發覺d人都幾cheap下~講真有好多位都唔係笑位囉.....你地笑乜春ja...仲要笑得勁大聲...
咁到有d真係笑o既~d人又慢幾拍咁...(lee d當然係我好主觀o既睇法la~)
相信lee套劇都唔會係谷人地喊果d劇~當然...感動得很的~
至於故事其實真係好簡單~只係有一件不可思議的事情而變得特別~
如果你去過未來~而且知道自己會在不久o既將來會死~你會唔會選擇返lee條路呢~?
愛...果然係可以令一個人即使面對死亡~依然能夠勇往直前的...
女主角我就十分之鍾意~講外表的話~佢o既衣著係十分之撲素的...(e+要搵到個咁o既人都幾難....)
至於性格同各方面~果d都係lee套戲o既設定ja~但係響我心目中係已經近乎完美了~(同上)
男主角呢就...講真丫~真係幾特別下...睇下佢個樣...
而個小朋友就勁cute~我見到佢就覺得好似當年的小柏林(?)~真係勁得意呀~

返到屋企~冇得玩電腦la~不過就睇返剛才的掌門人~
睇完掌門人都冇得玩就去沖涼~都係冇得玩就入房好了...本身就想睇完一本我的主人就𤍣o既~
不過又幾得意喎~所以就睇晒3期先去𤍣la~
感覺上有d無謂...佢搞到咁鹹...但係又咩都冇得睇喎~(可能係因為咁~佢吸引到我睇埋果兩期la~)
而故事就....太過咩囉~我知...漫畫丫ma~但係佢滿一話都以咁o既方式去進行....
不過佢都有值得睇o既地方o既~

>>April 25, 2005 at 10:20:45 AM GMT+8

2005 年 4 月 22 日 星期五 【酷熱】

琴晚本身好早就入左房打算𤍣架la~睇左本書就打算𤍣~
𤍣唔著喎又...之後咪又開燈睇多本囉~再睇完又𤍣過~但係...
都唔知咩事幹...咁鬼死多人喎~唔係話d人嘈~但係佢地一人一句加起上黎都幾....煩....
我記得係𤍣左陣架...不過...下面不再嘈...但係屋企有人響屋嘈呢...
本來已經𤍣唔到架啦~就係咁搞一搞...磨到好夜先𤍣得到...

今朝起身~可能真係唔夠𤍣la...個人仲懵懵下咁....之後一睇個鐘比佢嚇左一嚇...
咁8點~我真係唔知星期幾了今日...差d意謂要返工添...
其實都冇咩野o既~8點~我其實係早左~咁多出o既時間都係比我沖涼~換衫~玩陣電腦咁囉~
出到廳~就玩ro la~自己幫自己升~但係開兩個acc都幾lag下...
呵呵~屋企冇晒人得我一個人真好呢~
咁玩到12點就睇電視~睇完之後就換衫出門口la~如往常一樣遲出門口啦~

落左車冇耐~阿基就打比我la...佢問我響邊~開頭都唔知邊個...所以都講到有d牛頭唔答馬咀咁...
原來返得佢地果3個人....咁其實我返到去都係冇用架...難道我地4個人上咩...
等左陣~換好衫都係無無聊聊咁冇野做...唉...其實都幾眼"怨"下...
咁阿基同師姐就咩啦...肥仔就係白痴仔我一向都唔理佢架la~咁佢兩個就響度卿卿我我...
講真丫...我真係好有衝動想走囉...咁你知我咩架la...怨念..怨念...

見冇咩野做~我就跑步la~因為都就快比賽了...咁比賽係想打呀~
但係...我o既決心就比一般人弱得多了...到底...打重d好丫~?剛剛好還是打個低d o既級數好呢~?
咁...keep我又唔會keep架la~增我覺得會幾簡單囉~不過後果都幾嚴重下...而且要大量的錢...
而講到減的話...真係...對於一個意志力同決心都極度薄弱o既人黎講...可算係難上加難...
雖然曾經嚐試過~當然成效得一半啦...家因進行中時破戒丫ma...

兩點幾~師兄終於都返la~但係...我都唔知幾時拗到腳....
不過咁o岩又對住肥仔~即使要我死...我都會殺左你先架~
做左好多體能上o既訓練啦~結果就搞到我都死左半了...
放學了~放3點幾4點~咁o岩有個波~我地就玩射key~傳說中的疾風神射...就是我了~
不過那個傳說中的我只在從前...可能太耐冇掂過個波啦...
以前就算落到場~我o既都係一個射手~當然都要幫手la~進攻時都.........某技術方面都比較欠佳的...

放左學~冇人去食野la~肥仔就叫我去o既~不過對住佢.....我真係咪搞la~

今晚睇侏羅記~又幾好睇喎~我...好似第一次睇lee集jo啵...

佢地又去打機了~好強呢~佢地星期四打完...今晚又去打了~
冼志都去喎~咁ja係我去就多左個人啦~而且...我今日都真係幾玪下....

>>April 23, 2005 at 3:24:13 PM GMT+8

2005 年 4 月 21 日 星期四 【晴】

6點幾就起身啦....碌到咁下先出廳~吃早餐~
今日有新突破呢~再一次一打二成功了~雖然資源的位置不利~
但係出奇地頂到~仲win埋~嘿嘿~正~

唉....公司d痃真係弱到丫...即使有d餓都冇咩食慾...食左小小就算la...
但係我o既決定係錯的..因為今日都二百幾...做做下真係餓起上黎...痛苦的...
二百幾~當然有飯食la~叫做搵d野頂頂肚囉...
收4點半~咁返屋企時都幾好𤍣下~因為都真係幾玪了...看來是太早起身呢...

(無聊的一天~完...)

>>April 22, 2005 at 2:02:09 PM GMT+8

2005 年 4 月 20 日 星期三 【微冷】

都係果句~一早就起左身la...出到廳發覺~係喎~琴日個aomt玩到一半仲未玩完啵~
所以就玩埋佢la~今日好強呢~挑戰左3打4~同2打3~兩個都大成功~
之後玩到咁又想玩ro啵~咁就玩左陣~玩玩下覺得好肚餓....
但係屋企只係得前幾日買o既公仔麵~公仔麵就真係...唔多想吃囉...
我考慮左好耐就決定落去買野食~換左好耐衫~之後去左大咩咩買完個飯就去百佳買其他野la~
買左個方包~同檸檬茶加多個餅~本身想買個奶o既~
見佢好似好抵咁啵~買個奶送個小的朱古力奶~但係我一睇見佢咁樣~之後睇個日期....
22 04 2005....你玩野呀...雖然話就唔係話唔飲得~即使到果日打後多幾日都有可能仲飲得~
但係佢都唔可以保證唔會響之前o既日子壞了...博唔過呀....所以就去左ok買la~

返到屋企打住機就食飯la~過多冇耐家姐無lala返左黎...
唉...冇左個腦玩只好開個toe玩la...很邪惡呢...我係set左最難的玩~
之前打冰之大晶精~都好易的~以前打到我死...而剛剛好這個雷之大晶精係相反的...
雖則佢不會用物理攻擊~但係...就係lee點佢狂用晶精術~佢狂車狂車~結果我係比佢屈死左的...
我死果下我家姐就走la~之後都係玩電腦算了....

今晚冇人煮飯~結果都只係吃公仔麵~基本上係冇問題的~
咁夜d~阿樂就叫我~之後我地就傾la~突然~有個野睇~十分之邪惡的說...
係一班女仔一齊蝦個女仔...咁我地一齊睇完就分享la~
可能我開得太多野la....同佢玩緊icq~又上網睇野~之後仲開住兩個ro...
個icq就咁就hang左幾次...我lee d永不言敗o既死完就繼續努力~
其實睇完都有d感想~咁就...好變態la~d人好傻la~好無聊la~
雖然我地之前都有做過d類似的事~不過係細細地玩下~lee d搞到咁認真...
而且拍野果條仔我就覺得佢賤到唔賤囉...咁都唔阻止o既...

http://www.tiaoye.com/mv/w-ls.rm

今晚聽森美~嘿嘿~終於都聽到la....好邪惡呢~今日都好恐怖呢....正~

>>April 22, 2005 at 12:07:56 AM GMT+8

2005 年 4 月 19 日 星期二 【晴】

==================================無聊的感想=======================================
最近𤍣前睇返Pita Ten~即使返睇都係咁感人呢...(唔知之前有冇講過呢~)
好耐好耐之前~係睇動畫的~當時我仲讀緊書~不過其實動畫其實都冇咩特別~
感覺上係純粹搞笑囉~記其實就唔係太記得架la~因為...我仲讀緊書o既時候...你話la...
漫畫o既分別就差得遠囉~當然~頭果4期同第五期o既一半都差唔多~
第五期打後o既先係故事o既真正開始~
之前買o既時候~咁我其實我就係一次過買o既...出奇地猩猩仲比我早買添~
我都問過下佢個結局~不過佢又唔知點講咁...我就睇過動~我諗大概都差唔多o既ja~
估唔到係差咁遠的...動係大團圓結局....但係漫個結局都幾悲下....
==================================我是分隔線======================================

今朝又7點幾起左身la...死𤍣爛𤍣都𤍣唔返~強行響張床度碌~
但係我聽住電台又發到夢架喎....真離奇....
碌到8點幾先出去開腦~玩左陣ro個人物又卡住左la...玩唔到所以唔玩lu...
無無聊無無聊~見冇咩做就開住歌玩toe了~
玩左冇耐~家姐突然返左黎...唉...要同我果個淫賤o既假期講聲再見了...
冇得玩腦只好玩落去la~上午玩到晚上差唔多8點先停.....

阿樂已經開始催我la....咁有時有d野...唔係我話事架ma...(星期6到la~)

就算放假響屋企都儲埋儲埋不少怨氣...有人唔知做乜~日日心情唔好~
每日例排~1:未入門口已經開始搵野出氣~(例如門~垃圾~或者已經鬧緊~)
2:一入到黎立即爆爆爆爆爆~就算冇野都搵野黎插~(好似話煮野食~都執好晒d野都照插...)
3:好似大晒咁~咩都要話事~咩都要管下~用d無聊野威脅我~
(開到口叫我比電腦佢用~咁用一個正常人o既角度去睇丫~
d野唔熟....叫人地點吃...仲話要分開~我就冇所謂呀~我覺得我自己煮呀~咩都冇問題的~唔食都仲得~)
4:搵返d舊野黎計計計計計~算到你一棟都冇~算到係爆呀~
(都係電腦呀~仲有d咩囉~)

(哈哈(苦笑中)~比人睇到我真係仲有得淨~?)

>>April 20, 2005 at 2:40:25 PM GMT+8

2005 年 4 月 18 日 星期一 【晴】

好耐都冇咁悠閒了~不過都係7點幾起身...真係想𤍣多陣都唔得...
其實我好明白~點解d男人一到放假~就響屋企扮死屍囉~
雖然我都想扮~可惜...我𤍣唔著呢...
起身就食早餐啦~早餐過後冇野做就開個ro玩~
玩到11點幾到都冇咩癮玩了...然後就又開左個aomt玩~玩故事的~見最後一版~玩埋佢囉~
但係突然又覺得餓喎~就去左煮野食~唔知點解呢...
最近好似食極都唔夠咁...食左個感覺都好似冇食到咁~
其實我都買左d包o既~諗住可以頂到兩3日la~唉...到e+死淨得一個.....

食完野~又唔想玩電腦~其實最近我都玩返toe~
當我買個ps2 o既時候~我都問個老闆~可唔可以玩返ps d game架~咁樣~
之後就比個老闆話我...話我浪費...咁其實就唔係話咩o既~既然我真係鍾意的話~
我就會想盡辦法去做到~得到我想要o既事與物~咁我都玩左成個下午~到我家姐返到黎先停~

講真丫~我就唔知佢做咩~一返到黎~其實響門口已經發緊脾氣了...
一返到黎~左插插~右插插~真係屎忽都開晒花....

最近都有好多野想講~但係又唔記得左喎...之前都講左兩樣~咁其他就...仲係唔記得~
咁今日都記得返d~
係囉~前排搭車~好似見到波波(x2)....咁其實兩個都唔知係咪佢....
因為兩個又差唔多樣~高度就...好似高d~都有半個頭到~(難道真係有第二期發育!?)
不過我第一次見到果個就好似歷盡倉桑咁o既樣...(不過睇落都幾型下XD)
第二次見果個唔記得了...到底...係咪呢~不過我諗到落車就唔記得了...
係喎~之前返學~咁其實我老早就覺得佢好似唔知點咁....
當我再睇多次野獸之瞳~(唔記得之前f.2-4到睇第一次~所以有d印象~但係又不太...)
到lee排見到果兩個唔知係咪o既~e+覺得仲似~佢當然矮好多la~XD

無聊的一天....淫賤的假期XD

>>April 19, 2005 at 2:06:15 PM GMT+8

2005 年 4 月 17 日 星期日 【晴】

又痴線la...又7點幾起左身...碌到8點先出廳~玩左陣見冇咩做就開左個ro玩~
玩到9點幾先換衫~雖然遲左出門口~但係都冇問題~
琴日阿榮icq話我放2,3,4~真係放果2,3,4....算la~某程度來說是好的...
我知何老太一直都睇我不順~開刀都係搵我架la...冇所謂架~
我都打算唔做~你放多我幾日都好~等我考埋個試~打埋個比賽~搵工好過~

今日都百幾...唔知做咩呢..做做下死左...好沮呢...
但係都收兩點半...其實都好o既~早d走~我都唔想留響度~
咁返去la~去到屋企樓下~見有得放3日~當然係去買野食la~
其實我都打算唔去買野架la...lee排花錢都花得幾凶下...
不過呢~就係因為放假~而我又唔會出街的~所以就要買野食~
不然...我好快就會餓3日了~
買左廿幾蚊包~之後買左5個公仔麵~一包餅~一個奶~慢慢食都頂到3日o既...

>>April 18, 2005 at 2:06:51 PM GMT+8

2005 年 4 月 16 日 星期六 【颳風】

發神經呀...又7點幾起左身~點𤍣都𤍣唔得返....真係...
其實我真係唔想放星期日囉~放黎把鬼咩~一黎~我家姐又放假~
二黎~放今日我又見小佢地一次~三黎~根本返完跆拳係最精神的...
玩腦玩到咁上下就比人搶左個腦la...冇野做就睇電視la~
之後阿女麻打黎叫我地去拜山...我打死都唔出la...大佬~難得有一日係咁樣o既假日~
我死都唔出街架la~咁之後就得家姐一個出~我就自己一個響屋企了~

真好呢~我又回復自由了~一個人又冇咩做~之後就玩左陣ro~
玩左陣都冇咩癮了...(真係驚心臟病發...)
上左陣網又見冇野做~之後就玩aomt~玩個故事囉~玩玩玩玩玩~玩到晚上先停~
今日同阿榮icq~佢都有不少怨氣呢~唉...既然係咁~都差唔多時候了........


最近日本果單野~其實我都覺得幾無聊下~一來日本改教科書無聊~二來中國果班友仔好無聊囉...
果d已經係上一代o既事~而且....你搞咁多野都係損人不利己的~話你無聊就無聊la~

最近聽電台聽到個好正o既故事~係謝茜嘉講出來的~大概都唔係好記得~得閒開下都有可能聽到的~

>>April 18, 2005 at 12:30:33 AM GMT+8

2005 年 4 月 15 日 星期五 【乍寒還暖】

痴線~!!又7點幾起左身喎~又𤍣唔返...只好出去玩下腦算了...
呵呵~玩ro私服呢~真好玩啊~又唔洗錢~
玩到12點~嘿嘿...又係時候睇加旋了~雖然今日lee集好似冇咩特別咁~
但係...粉搞笑的說XD
因為睇電視而遲左出門口~結果都成點先出發...

行返去o既時候買完野飲~見到個天好似想落雨咁啵...邪惡呢...
好彩~冇事啵~差唔多到la~今日又響後面果度上堂~咁佢地見到~就好似發左癲咁係咁叫我...
因為呢~我發覺件發套同條褲好似出現左問題咁...其實我行返去果陣已經好高速架la~
e+後面又有隔離學校d學校~所以我都扮晒野行快d好了....
今日冇咩野做~因為冇把~咩都冇~原因係肥仔冇返~因為條鎖匙係佢keep o既~
咁我見佢地都有d頭腦啵~用學校果d墊黎做把~所以呢~今日都幾無聊下~
完全係齋踢~而且我lee d實戰型o既人~練習時都係偷懶的~所以都...
(不小心~pk了...隻手損左添~)

放學la~呵呵真好呢~去食野而且肥仔唔響度~我就可以開開心心咁食la~
可惜...死人大乜乜都係得果幾樣野食...算了...吃個瀨好了....(反正人家最愛吃的是瀨唷~)
食完我地幾個就響度傾偈la~咁見到有幾個小妹妹幾得意~阿水就響度講話佢地得意~
我都係講出我o既感覺ja~就咁就比人話孌童癖袠...
係~我唔否認我鍾意~但係未至於...咩囉...
今日要落舖頭拎痃所以就要走落去la~真係好彩呢~上上下堂落雨~完左又停喎~

今晚~我親自操刀斬雞~我都係覺得煮o既好斬好多....
生"歐歐"咁....d肉又"髮泡泡"~不太好斬的....

>>April 17, 2005 at 12:45:18 PM GMT+8

2005 年 4 月 14 日 星期四 【晴】

越來越討厭呢...今朝遲到喎....雖然今日冇咩野做....都係百幾~
雖然..爆沮中...但係爆左一爆局住要快手....唉...洩左...
今日收3點~但係...3點3先走...又洩左...

黑暗過後就是光明~上到車~坐到個靚位~
本來打算冇人過黎我果邊坐架la~不過去到咁上下人開始多~
見到咁多人~都有d驚d阿公阿婆走埋黎...好彩~有兩母女落左黎坐~坐我對面~
個阿嬸就唔理la睇落都幾凶狠下...不過個女就...嘿嘿嘿~3-5到la~好細~好細~
搭到去d紅綠燈就要等~之後窗外有個公園~其實我就聽緊電台o既~
不過就隱隱約約咁聽到佢嗲佢阿媽~嘩...成件事都好小苦妹的~而且佢本身就超可愛~
然後佢無啦啦望過黎~我倆就你眼望我眼~我眼望你眼~
成件事係好咩架....ja係~好似話你響學校見到同學~同你互相對望~所感受到果種好.....
(人物角色自己諗...咩野o既事情都自己諗~如果你想像力係弱到某一個地步的話~我都幫你唔到~不想多講了...)

(事隔多日....咩都唔記得了...)

>>April 17, 2005 at 6:30:00 AM GMT+8