2004 年 11 月 14 日 星期日 【晴】

今朝本來都8點幾就醒左~但係唔知做過d咩黎...
玪到起唔到身...不過好就好在我又𤍣得返喎~
雖然係𤍣𤍣下又醒返~𤍣𤍣下又醒返咁~不過都幾舒服下~
因為早上醒左o既關係~我意謂佢兩個都走左la~
所以就開大個收音機諗住出廳聽la~原來...我家姐男友佢未走...而且我仲熄埋個冷氣添...

如常1點鐘就出門口la~我都有d期待見到偉豪~
而且我o既壞習慣又黎la...自己諗到乜就覺得好似係~之後諗諗下自己就響度驚....
咁因為上星期兩點3有人打比我問我響邊~之後自己就諗到擴(?)工~諗諗下就覺得自己會唔會比人炒左....
好在見到偉豪~佢都知我上個星期放假~之後就一齊返la~
唉...見到佢雖然係安心左d~但係同佢一齊返冇咩事傾就覺得自己一個返好似好d咁....

今晚收8~都係得180蚊ja~不過下午返到去我佢比返埋上星期果兩日錢我~
所以個銀包又可以肥返d la~我地4,5咁搭的去火炭~
不過上到火車佢地自己有自己傾~而且傾d野都唔o岩我傾~
雖然阿民都冇野講...但係我好似比人孤立左咁...嗚...
下次都係唔好對佢地有咁大期望好~只要冇希望就會冇失望la~(唔明就算la~)

>>November 15, 2004 at 4:20:47 PM GMT+8

2004 年 11 月 13 日 星期六 【晴】

今朝10點鐘起身~幾乎忘記左有棋魂做la已經~
咁因為d碟有好多都燒唔到o既關係~所以只好del部份冇咁想睇架同唔齊架la~
不過最後都只係上返1.60gb ja~
下午再一次睇魔法老師~不過又一路玩巨商喎~搞到兩頭唔到岸~睇又睇得慢~玩又升唔到~

(無聊的一天....沮廢中~)

>>November 14, 2004 at 2:29:36 PM GMT+8

2004 年 11 月 12 日 星期五 【晴】

今日都係如常果個鐘數返學~咁去到運頭塘ok見到家樂~所以就一齊返la~

其實今日咁樣冇遲到~同以前比我真係好早返~
不過...最近我有新o既領悟之後~都算叫做下定決心去學好囉~
今日miss奇蹟地有返喎~咁佢就講我已經再唔想聽o既野la....
下星期桌桌打o既兒童賽同學界o既報名~
本來佢都話有得同我地lee d離校生拆掂佢o既~不過...我同阿水都已經18歲lu...
唔好講阿水la~就算比佢e+打其實我都覺得佢係冇咩希望囉~
目前o既狀況雖然都冇得係打~但係我敢誇下海口講句~如果我出去打~一定有牌~
雖然我已經冇以前咁勇猛~不過我e+有o既係經驗~而且~話就話冇咁勇猛~但係要爆起上黎都唔小野~

唉...成日都比人狠狠地笠頂高帽落黎...
咁根鬆la~其實我今日都比較緊o既~不過完結o既時候我就第一個彈起身咁囉~
有人問~肥家你冇事呀~我冇理佢la~不過阿水就話~根鬆咪得囉~
老實講丫~其實我以前都係一定扮痛囉....不過鬆唔鬆我就可以話比你聽~我夠用囉~
之後就開始踢把la~唔知佢地係沮定係我今日真係幾勁咁la~
不過miss就誇張咁講....你地睇下肥家~佢e+咁o既力度都係偷緊雞架咋~你睇下你地~
我明白佢點解會咁講o既~因為我響佢地心目中已經有一個"癲佬"o既形象響度...
不過miss就太誇la~你咁我都唔好意思放鬆la~雖然真係要爆上去都仲得~不過有d難度囉~

3點miss就走左la~之後阿誠就問周兄~今日有冇得打free fight~
周兄就好神氣咁講左句~梗係有la~之後就開始打la~
見佢地都打左好幾場~咁我見阿問題少年又問~有冇人同我打呀~
係人都怕左佢架la...打人地隻腳~雖然我都中過招而且仲瘀左兩個幾3個星期~
但係我都係自告奮勇咁話我打o既~
不過同佢打都幾沒趣~太弱la...但係今日我勝在心情好~所以我都叫做指導左佢lee一場~
指導佢之餘我自己都有得著~雖則我係出去散步~但係比佢我練左幾腳同迴避~
雖然迴果方面佢係令我練唔到...不過我以一個我命中最差o既一招jump back kick而且上埋頭黎完結~
我都覺得自己好似返左黎咁~不過衰就衰在其實都唔係咁比上頭~不過唔小心上左囉~
哈~佢有問返我佢打成點架~都話我心情好架la~所以我都話返比佢知~而且都教左佢兩野~

放左學~雖然今日人係唔多~不過都有唔小人去左食野~食完野我就同阿為兩個搭巴士返屋企la~

其實我真係要感謝蔡蔡囉~佢借左果7本魔法老師比我~
之前我一直煩惱買唔買佢好~心大心細左好耐~結果都係決定唔係~
但係佢今日借左比我就唔洗煩la~好睇咪買囉~唔好睇就算la~
其實我唔買佢o既原因係因為lee個赤松健之前o既作品~純情房東悄房客~我睇左一期就覺得佢係垃圾la~
佢實在係太多無意義o既暴露~而且...如果你真係要暴露的話起碼加返d點囉...(最好就有格仔la~XD)
如果真係要數的話....真係好多~
不過我睇完lee7本之後~我真係好似比人打左一身咁~恍然大悟~看來...我再一次愛上一本書la...
因為lee 7期我都係叫做省略咁睇~其實我睇一本書最少都要睇3次先叫睇完囉~
第一次省略咁睇~第二次睇埋d字~第三次感受下d內容~
不過想知我點解會鍾意呢~我e+講唔出囉~想知自己睇下就會明~不過lee本野都仲係有d俗....

12點沖完涼諗住出黎打埋今日o既日記~
當我打到12點9o既時候~已經到尾聲la~但係一下o既爆炸....一下閃光一下聲響...
電視電腦就熄左la...我果個咁o既家姐吹頭竟然吹到個風筒爆鬼左...
我當然好冷靜~我只係笑佢用咩都壞....其實我內心係幾咁激憤...9個字o既日記~仲要係非常滿意~
但係比佢咁搞一搞...我e+要用多過9個字~而且仲覺得今篇係冇咁好...仲要改短埋....

>>November 13, 2004 at 5:46:23 PM GMT+8

2004 年 11 月 11 日 星期四 【晴】

唔知發咩神經~5點幾起左身~因為發左個怪夢....
內容我都唔係咁好意思提~想知就自己估下la~
提示:平面方角電視~比較起上黎我鍾意lee個多d~小數人都會喜歡的~大部份人就唔多鍾意~
其實我已經勁想𤍣返架la~不過....我發覺自己好精神~仲要x2添...
所以我就拎左d被舖出廳~之後就開個萌娘商社黎睇la~
睇左兩集之後都有d玪~咁休息休休下就𤍣左la~

下午阿媽返黎~不過今日就唔多想佢返黎囉~佢搞到我好多野都唔做得~
響佢返黎之前已經睇晒果3集萌娘商社la~而且仲睇埋個I''s ova~
佢返到黎~過左陣煮完野比我食我就拎d I''s出黎睇la~睇左一個下午~
結果到晚上都只係睇到第4期ja~今日唔知點解睇得特別慢....
但係一諗到佢去到第6期....第7就cut左~真係有d唔想睇....討厭呢....

>>November 12, 2004 at 3:18:56 PM GMT+8

2004 年 11 月 10 日 星期三 【晴】

唉....又黎la....見到野又勁dl~結果搞到局住要del埋個aom~同好多野~
今日約左猩猩一齊出旺角行~咁佢就收6點~
我就差唔多要5點半就出去la~咁6點2到就出到去~
之後就約左響火車站出面條樓梯等la~

本來我o既目的係出黎買外套同去睇猩猩所講100蚊9隻ps2 game~
不過去到佢所講o既100蚊9隻果度竟然冇開...
之後就走左去睇書la~平日就行得一間就得架la ma~
不過今日就行晒成個信和~因為我見唔到我想要o既目標~I's~
咁上到去上面係就係有呀~1-6,8-11,13-15都有~
係冇7同12....真係行晒成個信和~而且猩猩帶埋我去果d上樓舖都冇....
只好買住先la...結果就買左果13幾本加多3本書~4百幾蚊....

買完去左baleno度睇左陣衫~不過...都有d餓la~
所以就去左食野先~我地去左咩泰xxx度食~果度d咖哩真係令人回想起~
以前學校上面果間"荔枝"莊(?)果d咖哩~真係好好食~
好似7點幾8點到開始食~食完之後又勁傾偈~傾到9點半先走~
最後~真係買左件外套~而且行行下仲買多兩件衫~
唉...次次出黎都用咁多錢...都係小出為妙....

>>November 12, 2004 at 6:11:46 AM GMT+8

2004 年 11 月 9 日 星期二 【晴】

呵呵~教左8點鐘鬧鐘~諗住今日去換身分證la~
不過因為琴日都差唔多成點先𤍣~所以響床成典多左半個鐘先起身~
一出到廳就去開熱水爐la~開左就諗住去個廁所~
但係個廁所竟然有人...我家姐男友響度...佢可能係肚痛果d la~
搞到我都冇得去換衫果d添....結果搞到成9點半先出門口~

去到火炭la~我仲懵下懵下咁~淨係記得向左行~
行到去果個死人商場~之後就上去la~雖然人就唔係好多~
但係我又唔知點喎~結果響果度就遊左個幾兩個字先發現到申請果條隊...
咁申請完佢就叫我咩填好果份野~之後睇住個咩螢光幕....
我差唔多填完la~之後就叫我la~我入去~比左份野佢~之後佢就幫我填埋佢la....
猩猩話打指模果度好得意~而且仲有個姐姐同你傾計~
係就係有個人~不過....係阿嬸黎架~而且仲幾串添架....
最後佢又叫我等~等到之後就去埋最後果個攤位(= =?)之後佢比張行街紙我就走得la~

wa~依然係超早呢~我返到屋企樓下都仲係10點10咋~
咁早出去搞真係蠢....買左個早餐(午餐?)之後去埋ok買d野飲就返屋企la~
返到屋企~食住早餐(午餐?)聽住五天精華遊~睇埋果兩本pc game書~
就諗住上網睇野la~不過無lala又上唔到網喎....只好等下la~
等等下又好返喎~咁又係時候上網dl野la~dl左幾首歌~dl左d動~
之後...我又發現個腦d gb又冇晒la....
哎唷~我發現到前日dl落黎o既I's o既漫畫~我竟然未睇喎~

之後成個下午就響度睇la~其間我有放棄唔睇住~
差唔多兩點幾o既時候入左一入巨商~不過玩唔夠一個字~心養養的~
因為佢真係好正~但係你要知道響電腦睇漫畫其實好辛苦...而且仲會好玪...
但係...都係果句la~真係超正的~無論佢點"難睇"都冇辦法唔睇落去~
不過都冇所謂la~聽日都約左猩猩出旺角~睇下有冇得賣先~不過....之前睇過又好似冇得賣...
5點幾6點~終於都完成左la~
佢比我o既感覺係..原來草莓100%係抄佢囉....雖然兩本我都覺得唔錯~不過當然係I's正好多la~
故事性豐富~人物造型極好~超感人~爆搞笑~不過衰就衰在感情線...唔係複雜~係麻煩....
而且~係男人一睇就覺得~wa~比著我就好la~但係個主角永遠都唔敢...而且次次都係拖拖拉拉咁...
可以話佢係拖劇情囉~不過I's佢拖期數個感覺就冇咁勁囉~

呵呵~睇完之後都係時候改改個日記d野la~好耐都冇搞過~
咁都係換左個頂果個圖同改左個名~不過個名諗左好耐~結果響yahoo竟然係有相似o既野出現~
ja係有我諗果d字囉~不過意思就唔多o岩~但係放落去都幾好~所以就懶得諗~算la~
雖然我原諒左我家姐del我d珍藏~咁我都冇話佢知我知佢del左佢地~
不過之前好灰係因為冇左有d搵唔返o既圖~嘿嘿~我又蠢左la~
其實我都有其他地方可以dl返~嘿嘿~水月我終於都搵得返你la~雖然以前o既百多張~
變成幾十張....都叫做值得高興o既~因為有始終好過咩都冇~
今晚已經係紅玫兇宅o既結局la~果個女人死左真係叫人大快人心~絕對係抵死~
不過力克就真係死得唔抵la....個結局感覺上都唔係好完美咁~同我所想o既有出入~
但係都唔錯丫~

>>November 10, 2004 at 3:32:44 PM GMT+8

2004 年 11 月 8 日 星期一 【晴】

痴~~~~~~線架~𤍣得好地地~都4點幾la~
無lala電話響喎~但係唔知點解我又走左去開門....
一開門見到兩個人~咪又係我家姐同佢男友la...
我問佢地做咩~佢話冇帶鎖匙喎.....真係比佢兩個吹帳~

食完個早餐~都冇咩事做la~之後就入巨商玩la~
但係佢又維護喎....然後就開左個gba模擬器玩~但係又卡住左...
所以到12點又開始玩巨商~之後就一直玩落去la~
其實我都想清下d動o既~不過...佢兩條粉餅又放假....真討厭....

佢地兩個6點幾就走左~然後就開始諗下睇咩好la~
諗左好耐~終於都諗到睇I'S同萌娘商社~因為加埋就可以一齊燒同埋睇落d人物都唔錯~
最後都係因為要聽鄭家輝o既發潮狂~所以就冇睇la~
不過一浪接一浪o既電視劇~結果最後都係睇唔到...等聽日先睇....

>>November 9, 2004 at 3:36:07 PM GMT+8

2004 年 11 月 7 日 星期日 【晴】

今個星期放假~起左身冇野做就聽住電台打aom la~
呵呵~有新突破~一打二同二打三都win左~
下午~阿媽打返左黎~嘿嘿~有野食~
兩點3到~有個人打黎~我唔知係志惠定阿樂la~
佢問我響邊~問我係咪返緊公司~啥~?咩事呀~死la~佢咁問一問我~
我e+都唔多肯定係咪放假添....好驚啊~~~~~~

今晚~勁玩巨商~唉...又黎la~
次次玩game都比人搵笨o既...家陣d香港人真係信唔過...
猩猩今晚同我say sorry~話因為前排個腦神神地同我講唔到生日快樂~
哈哈~我心諗~你唔可以打比我o既咩~?不過算la~令我最失望o既都唔係佢~
咁我都差唔多係時候要去轉身分證la~但係又唔識路喎~
本來就想搵人同我一齊去o既~不過...冇理由叫人陪我去d咁o既地方架ma~
所以都只係問下人就算la~

>>November 8, 2004 at 3:19:48 PM GMT+8

2004 年 11 月 6 日 星期六 【晴】

今日雖然係星期日~但係~都要返工~
所以8點半就起左身la~開左個腦搞左d野之後就換衫la~
不過~等等下等到過龍...遲左小小出門口...
落到去下面買左個包食~所以走左07分果班車...而且感覺上今日架火車好似特別慢咁...

返到公司都遲左3個字la~咁簽完個名又唔見阿樂喎~
我響9樓遊左陣~之後果個最討厭o既阿姐叫我幫佢手癡label~
癡到踏半先見到阿樂~我就問佢上去la~佢話~今日星期日~就比你休息下la~
上到去~其實今日都冇咩事做~12點阿旋佢地就落去食飯la~
我冇飯食~所以就去執個床位去𤍣la~
執好~阿螳螂就走過黎問我借電話~不過佢又話唔打住喎~
之後佢就拎左把"劍"出黎~我地就響度玩~劈果個大紙箱la...
玩左一陣之後把野爛左~之後就去𤍣la~今日都算唔錯~我都𤍣到3個幾4個字~

>>November 8, 2004 at 7:38:59 AM GMT+8

2004 年 11 月 5 日 星期五 【晴】

今朝終於都完成左個花右京女庸隊la~
雖然開頭果d同第一集冇咩極大分別~但係都加左好多野~
而且...原來第二集真係比第一集好睇~
等到就做魔界小金毛之前就去換衫~換好出黎都o岩o岩做la~
睇完聽多兩隻歌都差唔多la~

落到樓下~去到巴士站竟然見到阿為~前排因為有d牙齒印~
所以我都特登扮睇佢唔到同盡量唔比佢見到我~
其實都唔知佢見唔見到我~因為返到去學校果邊我地都入左ok買野~
不過我就去左夾麵包就係搵個背"得"住佢囉~
最近情緒o既波動都比較大~有時會無lala就會大聲鬧人~但係就經常性發呆...而且個人鈍晒....

今日就我帶鬆根~帶完就開始操la~提腳500百下~
之後就玩果個左右腳turning~一就一下~二就兩下咁~去到十五~
lee個野真係玩死人~加上o岩o岩果500下提腳~當你踢完之後~真係腳軟....
之後落黎都係d好輕鬆o既練腳~最後當然有free fight la~
佢地d低級就響度打la~其實都真係好弱下...叫做有d睇睇頭都只係得阿誠同家樂打果場~
不過佢兩個都高級la...最後就係我打la~我就同師兄打~
大家落到場都有個共識~基本上大家都響度練反應同腳~可能太耐冇打la~差唔多都唔係好識打~
但係lee兩堂都操返起左個人小小~

放學la~本來意謂冇咩人去食野喎~不過都有7個去~
但係佢地食完就一個一個走~最後得返我蔡蔡阿誠同肥仔~
咁我要過大中"禁"錢~而且想買d空碟....小喇叭~果日買果d又係燒到一隻...其他都唔得...
所以我就叫佢兩個陪我一齊去la~好彩佢兩個都肯去ja~
唉...今日都出左小小血....25蚊空碟~3隻ps2 game75蚊~一本naruto同純愛塗鴉56蚊~
之後就要禁多1000蚊比阿媽~銀行得返3千蚊咋.....冇錢la~

返到屋企~阿媽都仲未走~咁我就比千3蚊佢la~
走左之後就開d game玩la~兩隻得左~一隻壞...不過有隻超正~
雖然唔係我搵果隻~但係睇左個op之後有d好熱血同感動o既感覺~
之後就玩la~玩到9點~就轉台睇下有冇電視睇~喔~今日做蟻哥正傳~
我記得好似睇過...但係又唔同喎...都唔知點解~但係lee出野激好睇~
睇完真係仲更加熱血呀~

今晚家姐佢返黎~之後我就打機la~我咩都冇講又冇出聲~
佢問我咪答囉~之後諗住唔玩去沖涼la~佢就唔知做咩講左句~
死la~李家豪唔玩la~之後我因為有d玪~我就用帶悔氣o既語氣答佢~係呀~
之後佢就響度勁鬧la...咩事呀~?唔知呢....痴線....

>>November 7, 2004 at 1:17:12 AM GMT+8