2005 年 4 月 3 日 星期日 【晴】

真係好擔心~其實...今日係咪返早呢...?有理冇理~都5點10到就起左身la~
不過...打算去開電腦o既~但係唔知點解load唔到入去喎....
死la~好驚添~雖然正常方式進入就唔得~但係就用其他特別o既方式進入到~
搞完已經遲了~而且...個電話比個腦吃晒d電...咁打算差耐d都唔得~所以只好急急腳咁搞~
本身就冇打算去買包架la~但係真係好餓...咁行到去巴士站都已經6點9了...好驚添...

唉....趕到暈低~個頭都仲未搞好就走la~比人睇到就真係...
返到公司~好彩我返得黎係冇錯ja~因為根叔就返10點半~阿俊又放假喎...
都係做返果d野la~但係...看來今日都弱勢...洩左添...
呵呵~d阿姐叫我食炒麵呢~其實我一早想試下架la~雖然食落都ok~但係...未炒得"暈秦"囉...

要倒好多粥呀...本身就打算一個一個倒的~不過見咁多就用絕招~成個上~
嘩...真係勁重呀...基本上我一個人o既力量有限...手~用盡力只係拎得起小小...
好彩~用埋腳就可以勉強拎起去倒la~倒完都真係暈暈地...
之後就咋咋帝咁走左去摺膠袋~不過我摺左大半~就響度坐la~
死la...d電用完了~咁我食完飯~就開玩笑咁同阿誠問佢借舊電黎用~
想不到佢真係借喎...咁又係o既...如果在於我io既角度黎講就係...冇人搵我囉~
咁佢就唔知la...

今日要帶walkie~好彩今日都係唔多~百多圍ja~而且仲遲遲先黎~所以都冇咩感覺了~
做到果個鐘數~先比人叫收工...真不爽呢...我地只好快快手手咁搞~
放左工了~之後上到巴士咁我就話坐下面~風景好位丫ma~我就同阿誠坐la~
阿榮就自己坐~嘿嘿嘿~今朝真係正呢~我睇睇下o既時候~見到一個~背面唔掂~
但係...前面就勁得~嗚...最衰真係睇到一眼...
下午就真係好弱呢...我地去到鑽石山~差d失手~好彩~我同阿誠對腳都抻去對面~
咁d人坐唔到就埋唔到黎la~

我地一齊去食野~嘿嘿~大埔都有不少好風光呢~同阿燦去禁錢~
咁去到竟然見到譚德喎...如果佢有錢就好la...還到比我丫ma...
都係果句la...借得比人...就要預左人地唔還...唉...佢都係咁窮呢...仲要返大陸搵阿邊個...
lee隻仔真係丫...佢搞掂就去食野la~去到佢兩個竟然見到佢地d同學~
唉...條仔就唔差o既...不過...身邊果個就...(矮果個~)
食完野阿榮就叫我地陪佢去百佳買野~我地行左陣~佢比我講多兩句就話返去屋企果頭買...

返到屋企時候都不早了~無lala留左好多message比我...都唔知搞乜...
阿樂就問我有冇cs~傾傾下佢就話可以幫我燒碟la~雖然只係實驗中~
不過我就send左個di gi charat比佢幫得燒燒看~send到咁上下就講下個紅外線d野~
之後毫話比碟佢果d~反正我要出門口~冇所謂啦~
不過出門口前要打比gary~其實我都係要交野比佢o既ja...講講下就變左cola講...
本身就話聽日~不過又講返到今日~到咁上下就落樓下比碟阿樂la~
落到樓下見到佢阿肥昌就打黎叫我打機...我幾大都唔去la~返完早~lee排又玪~最大o既問題係我冇錢...
你話我想去都冇得去la~

嘿嘿~同樂傾傾下~叫左佢陪我去火車站~佢又肯喎~本身想叫佢車我去o既~
不過佢車又響屋企~慢慢行慢慢行~去到佢都未到就打左個電話比佢la~
佢叫我等等~之後我地就行下商場囉~其實都冇咩野好行...好無謂咁就落返去等la~
傾左好耐佢先到...我就冇怨言la~係我自己衰...冇出去...搞到人地我自己唔好意思囉~
不過樂就比較無辜...陪左我咁耐~

搭車返屋企o既時候~講真~都好耐冇見雞蛋了~猩猩都係o既~
咁樂就打左比佢響度佢有咩大計la~看來...事事不順呢....
返到屋企~就再食左一餐令人擔心的飯...好邪惡呢....................................

本身下午打算去剪髮~頭髮太長了~e+個個個頭都係樹起的~我早前都係~
不過長左就唔得了~咁打去舖頸~阿媽竟然返左大陸喎...中計添...

睇完lee d新聞真係有d......
http://www.tvbs.com.tw/NEWS/NEWS_LIST.asp?no=vestashi20050204142719
(一半認同~只怪d小朋友太天真了....)
http://www.tvbs.com.tw/news/news_list.asp?no=jean20040716123847
(點解我冇睇過....!!!)

http://www.tvbs.com.tw/news/news_list.asp?no=alisa20031113180244

http://www.tvbs.com.tw/news/news_list.asp?no=alisa20031031121753

http://www.tvbs.com.tw/news/news_list.asp?no=alisa20030926120851
(真係...睇完都冇野講....怒...)

>>April 5, 2005 at 12:51:00 AM GMT+8

2005 年 4 月 2 日 星期六 【晴】

又6點幾起左身喎...成點幾先𤍣架啵...咁怪o既...
開腦搞左陣就入房𤍣返la~𤍣到8點半到就起身~換衫就出門口la~
又去左買野食~唉...金錢都快要用光了....
嘿嘿~星期日~果真多人呀...幸運~?不幸~?阿誠就真係不幸了~
有個阿婆同佢坐喎~嘿嘿嘿~我就唔同呢~有個靚姐姐同我坐XD

返到公司~阿雄都係已經坐左響度la~唉...公司日日都係果d飯....真係....邪惡的說...
好驚呢~剛剛食完飯就有人黎la~幸好~今日只有百幾~真好彩呢~
大家都咁玪~都冇理佢係咪收兩點半了...早走早著....不過其實今日已經回左氣~都幾精神下~

返到屋企~又係冇野做架啵~都係聽下歌咁囉~
平日吃圖時~都有人放d歌仔上去~好吃的就吃下啦~
其實真係好正~之前睇w-wish o既時候覺得佢個op係超正的~
但係又搵唔到喎~不過又有人放出來~e+入左落個電話度~播放指數....超高...遲下又放出黎先~

今晚...唉...又吃咩啦...唔係話咩o既...只係對佢冇咩信心咁囉....
知就知冇事架la~大不了咪死~況且....我d咁o既人~點都唔會死響lee d咁o既事度掛...

邪惡呢...天氣已經回暖...其實都可以話係熱...
但係仲著住冬天衫~好似好怪咁呢...不過...好唔捨得秋天同冬天呀...
ja係~自己怕熱~冬天衫又好睇d~我又唔鍾意睇街d女仔著得咁暴露...
你知la~暴露的...就唔係個個著得好睇o既...好睇咪望多兩眼囉~咁但係大多數都係邪惡的...
望lee邊又係咁~望果邊都係咁...到果時就真係眼睛受罪了...而且...心靈會受重創的...

>>April 3, 2005 at 1:48:15 PM GMT+8

2005 年 4 月 1 日 星期五 【晴】

真好呢~可以𤍣到8點幾...可惜6點幾無lala起左身喎~
開左個腦搞左d野之後就入返房𤍣~可惜丫~𤍣得又唔係咁好啵~
咁早左起身就早左換衫~而且個頭一抹就覺得好順眼咁~所以都唔洗點搞...
早左~就可以去買野食la~買完野食就行去搭車la~我諗緊如果見唔到佢地走先好無呢~?
不過去到都見到阿庄~而阿誠都好似係剛剛到~本身打算響架車度𤍣o既~不過...真係𤍣唔著...

返到公司~阿雄已經響度la~因為佢今朝返早~
今朝lee餐真係...好彩食左個包先ja~剛剛食完就有人到~
好彩都唔係好勁ja~不過我就勁玪囉...手手腳腳都有d乏力....但係阿榮放假~只好一起努力啦~
其實大家都想早d走o既...不過...一黎就有飯食la~二黎~d人又黎得遲...三...洗盤呀........
好彩唔洗我洗~但係就仲有一份更加艱鉅的任務...去買可樂...
買兩個八鑵裝的可樂...其實就唔係唔好~不過咁o岩我又著緊最短果件衫~
我條褲又咩lu喎...幸好個頭就冇咩野~人都係只係冇咩後生~
但係d可樂都幾重下...哈哈~佢竟然送左5包果d唔知咩麵比我喎~都唔知搞乜...
唔知3點幾出門~成踏8先返到去...看來真係去左好耐呢...

食埋飯就走la~響架車落~都係睇風景睇到果頭先去𤍣~
但係又𤍣唔到~合埋雙眼~但係感覺上~好快就返到大埔la~
返到屋企~咁阿榮就add同我傾左陣la~之後我地就打算一齊連ip打aomt~
佢就搞la~咁佢話我屋企果頭有個靚女住~佢又識o既~我就問左佢拎icq睇下la~(無聊~睇下點都好丫ma~)
咁add左佢~又add埋阿雄喎~(佢今日比我的...)不過兩個都冇on......
阿榮7點幾先話得~咁就打算玩la~可惜...版本不一...玩唔到...佢叫我重安喎...
但係我個磁碟機又虧虧地...燒果陣已經虧架la...e+死埋...真係丫...

我忍唔住la~落完街買飯之後食埋~我就放棄左la...佢問我...我都話放棄好了...
今晚做倩女幽魂...呀...哥哥呀...正呀~好正呢~~~~~~~

>>April 2, 2005 at 4:12:00 PM GMT+8

2005 年 3 月 31 日 星期四 【陰晴不定】

過份啦...返完7點半~其實已經好勁架la~11點半先𤍣...
真係好想聽埋佢囉~不過唔知點解次次星期四都有d事...搞到好玪就聽唔晒la...
哎唷~遲左兩個字起身喎~好彩我都係拎個電話做鬧鐘ja~
個鬧鐘叫我唔醒~都仲有個電話丫ma~
今次真係勁勁勁趕咁換衫la~其實想去買野食架...不過...唔夠時間唷...

返到公司~換完衫都係做返果d野la~死la...一睇之下~原來個電話冇咩電喎...
傻仔左添...冇叉電添....其實今朝都過得不太順利~
有野你咪直接同我講囉~你叫人講叫我唔好聽歌喎~我真係十分之咁不爽囉~
今朝個早餐都幾勁下...好彩我就住就住ja~唔係倒粥又倒死我了....
完成所有工作之後~就去摺果d死人膠袋...真係手都軟呀...
搞掂埋之後就食飯la~
我都唔知係心情唔好定係咩la~阿俊唔講就冇咩野~佢一問我係咪唔舒服~見我好似有d問題咁~
立即真係覺得好似真係唔舒服囉...而且佢話我臉紅紅咁...我都覺得有d"興"喎...

所以佢地今日就要辛苦d la~因為...我有d沮呢...
其實想沮都冇得我沮...因為我真係好谷氣囉~d死pk~阻狗住晒咁~搞到我隻圍裙污糟左...
我一火起唯有衝衝衝衝衝~撞撞撞撞撞~雖然有不少人遭殃~但係都難洩我心頭之憤...
3點幾先停喎...好似好厲害咁~但係都未上到300圍~
阿俊走左~我地就自由lu~我地清場都搞左不少時間~搞到踏9到~之後出去幫手~
幫到咁上下都食飯了~呵呵~飯就不好吃~不過食完飯可以坐到咁上下~所以5點收工~
本身可以留夜架~不過有好多因素la~我返左早~?我似唔舒服~?唔比我開咁多鐘~?
所以唔到我留~阿誠同阿庄留~所以我都冇咩野留戀了...

響架車度都半死中~其實我真係十分之玪的~
雖然𤍣得唔係咁好~不過就比平日𤍣得長時間~但係起身時個身都濕源地...真討厭....
返到屋企~阿邊個就打黎叫我出去交野...老實講~我就唔係話咩野o既~
家因我個八達通又冇咩錢~我d身家都冇幾多...咁又遠~我又玪~只好推得就推la~
過多冇耐~阿gary打黎~之後佢地(有幾個人聽...)就叫星期一黎搵我~
好la~星期一黎搵我囉~唉...我自己都唔係咁好意思la...要人咁樣幫我~
我又好似好衰人咁了...

>>April 1, 2005 at 3:03:26 PM GMT+8

2005 年 3 月 30 日 星期三 【颳風】

今個月的最後衝刺~返早~7點半~所以就要6點起身~仲要一起身就換衫la~
好彩換左個爐ja...唔洗等...而且琴日買定左個早餐~可以上車慢慢食~
不過比人睇住我飲奶就真係好似有d樣衰咁....
本身想響車度𤍣架~但係又驚𤍣過頭喎~所以都冇𤍣到~

返到公司~嘿嘿~好準時呢~7點28分就返到去la~
換完衫就開波~其實時間過得好快~但係呢~做就做左好多野囉...
開頭我都意謂有好多圍o既~不過其實做落好似多唔係好多喎...
只係...比人叫左我"北"左好多粥~我就真係"北"左好多呀~結果咪要我倒好多好多囉...
當我整到咁上下o既時候~阿誠就返到黎la~得佢一個~
因為阿庄同榮去開戶口~看來佢地都安全抵達~

今日都係咁勁呢...但係感覺上都係一般ja~阿俊話佢地開始上手~
我都覺得係~不過阿華哥就話阿誠好似唔係咁掂咁...其實就...一般囉~點講~到目前為止都係阿健最弱...
佢地幫得手之餘我可能返左早掛....唔知點解又唔係好玪喎...
只係覺得好熱ja...係出晒汗囉~我肥仔就冇野講la~但係佢地都出的話~真係好熱囉...
兩點幾就停左~唔~我諗佢地真係完全適應左lee度o既生活了~
因為佢地已經開始會吞pop了...
我本人就係一勁就博命~冇咩人就悠悠閒咁囉~但係清場方面...至少阿榮係幾毑西的...

出面都幫完手la~之後就去左廁所搞d鎖~之後就出去食飯la~
食就係有得食o既...不過就係食盤菜...真係...日對夜對~而且偷食都食唔小la~
所以我地幾個都冇食到...大家都食唔落...咁差唔多時候就比人叫收工~
之後我地就去左麥記食野~
呵呵~我o既隨口講廢話功能好似回復正常~今日去麥記傾到6點先走~
咁響車落又同阿誠傾~傾左好多野~話題都離不開果幾個~個阿嬸響我隔離...
看來佢都聽唔小我講o既野...我發覺阿誠落左車之後佢地似得閒就啤啤我~得閒就啤啤我咁...
真討厭啦...

痴線架...我真係估唔到呢~我~阿誠同阿庄3個都勁急...
阿誠就安全返左屋企la~我同阿庄就加速~以最快o既速度衝返屋企了...
好彩屋企冇人ja...呼...舒服晒...

>>March 31, 2005 at 1:41:25 PM GMT+8

2005 年 3 月 29 日 星期二 【寒冷】

邪惡的說...傳說中~每一位女性掂過o既高科技產物都會無一幸免地被破壞...
根據我多年同某女性一齊生活~看來...lee個傳說係真....
無lala就唔會突然講lee d野o既~不過...琴晚打算去沖涼~光脫脫咁就打算開水la~
點知一"樓"個禁~wa....點解唔得o既...我立即著返衫去追究~
當然有人自首la~唉...點沖涼好呢...唔沖涼唔得架...只好整la~好彩~我都總算整得返好佢一半~沖到囉...

今朝~7點幾起身~開左腦set好晒d野之後就響個廳度碌la~
到咁上下就換衫la~出門口~我去左買包~禁錢(唉...禁埋lee三百蚊出黎銀行得返一蚊...)
入埋個八達通我都仲早過佢地3個~其實我打算見唔到佢地就走o既~
不過阿誠就到左~佢地兩個就仲未到~好期待架車到~走先丫ma~
可惜...佢地黎到架車先到...討厭啦~塞車喎...都唔知咩事...但係你搞到我冇左半個鐘囉...

超強呢...又二百幾了...我地4個做到癲....又遇到好多谷氣o既事....討厭...
咁3點就清完la~二百幾都唔比我地食飯就冇可能架la~所以我地就幫出面手搞野la~
食完飯~4點5到就入去換衫~剛剛好4點半走la~
返去o既時候~其實都唔好𤍣o既...𤍣左陣就𤍣唔到la...

落車la~今日好奇蹟地同阿庄有話題喎~或者今晚會有好事發生~
呵呵~屋企個爐終於都換左la~以後唔洗等了~
唉...又收到個電話話冇飯吃...不過既然上身又未換衫~個頭又未搞亂~都冇所謂了~
而且仲買埋聽朝果餐了~
睇果個咩花~向海南終於都收皮了~真好呢~之前睇佢真係睇到我火滾...
嘗試去燒碟~個燒碟機看來真係死左了...要去買個了...嗚...珍藏們...永別了...

聽日返7點半...要早d𤍣la...

>>March 30, 2005 at 3:16:56 PM GMT+8

2005 年 3 月 28 日 星期一 【晴】

又放假lu~不過就癲左囉...6點幾就起左身lu喎~
之後就進行左一次變態實驗...實驗好順利~完成後掛b~入房𤍣...
睇左陣書~之後就𤍣la~10點11點幾先起身~
屋企雖然有好多野食~不過...都係零食...
飽唔飽其實都唔多肯定...因為密密食~密密食~食下食下都唔覺原來係食左好多...
唉...突然間放假~都唔知有咩好做...aomt...玩到冇野好玩~
ro~用小b好過la~又lag...其餘o既咪睇埋個守護之心囉~呵~其實都真係幾好睇~
不過呢~睇完就真係冇計了...冇得燒只好del佢...真係想收藏左佢...

今晚睇左個大事件~又係好睇架啵~點好睇呢~?自己睇囉~

發現了某的真相~討厭啦~唉...無疾而終都好o既~如果當面講可能我吃不消...
不過靠某的話...真係幾討厭下~雖則我都冇得靠~但係...有機會比我回頭的話我都唔會~
太過份了~好唔開心呢...

>>March 29, 2005 at 1:34:17 PM GMT+8

2005 年 3 月 27 日 星期日 【晴】

好玪呢~起左身就開腦玩la~玩到咁上下就換衫~雖然都已經踏5~不過都唔理佢~去買個包食先~
去到巴士站佢地都已經等緊我~搞到我都唔係咁好意思添....
搞到好似我遲到咁....上到車~基本上早上都唔想講d乜~聽完電台~做完就聽歌~
佢地3個就響度𤍣教~

返到公司~遲左小小~不過已經見到有人黎左la...
好彩唔關我事ja~換完衫就出黎食飯lu~唉...吹波丫...
食都未食完~而且都未到11點就有人黎局住要收檯喎....
今日依然強悍...玪就不是一個問題~不過d汗就...好討厭呢~e+d咁o既天氣真係...
又係兩點幾停左la...都有270++~但係清完場都3點ja~
今日咁強~阿俊都叫我地響度幫手~食埋個飯先走~4點半食完~咁搞到5點就走la~

走o既時候~一人坐一角~4個都響度𤍣教~
落到車~講真丫~真係同阿庄冇野好傾~大概我地其實都唔係咁熟...而且..冇野講都冇所謂了...
返到屋企~冇得玩腦就睇琴日買o既書la~睇完火鳳~之後仲未有得玩腦o既時候~
就拎左本ZETMAN出黎睇~嘩~桂正和真係有料到la~真係超超超超咁勁好睇呀~
不過都係睇左兩期ja~因為冇咩時間睇....

有個有趣的咩測驗la~不過就勁準囉....我所選擇的是A....(你認為呢~?)


適合外出旅遊的季節，和三五好友結伴郊遊，在琳瑯滿目的零食中，哪種最讓你垂涎欲滴？

Ａ.醃漬類，例：蜜餞、酸梅、烏梅、芒果乾、無花果……
Ｂ.袋裝類，例：乖乖、可樂果、洋芋片、王子麵、鱈魚香絲…
Ｃ.餅乾類，例：煎餅、可口奶滋、夾心餅乾、蘇打餅乾、方塊酥…
Ｄ.糖果類，例：軟糖、硬糖、巧克力、口香糖、棉花糖……

選擇Ａ的人

你挺有個性的，遇到一群人在喧嘩吆喝時，你會先瞧瞧裡頭有哪些人，如果是熟人好朋友，就會上前去熱鬧一番；但是如果剛好碰到你心情不佳，又或者那群人和你沒啥交情，你不但不參與，可能還會擺出一張臭臉，心裡嘀咕著。

選擇Ｂ的人
個性隨和的你，在看到眾人歡欣鼓舞的在嚷嚷著時，你的心情也會跟著high起來，但是你並不一定會主動上前去湊熱鬧，除非裡頭有人吆喝你一起加入，否則你通常只會在一旁，跟著所有人瞎高興，所以你算是個喜歡看熱鬧，但不見得愛湊熱鬧的人。

選擇Ｃ的人
你很少跟著人家瞎起鬨、湊熱鬧，喜歡安靜的你，甚至會刻意逃避過於熱鬧的場合，可能有一些人會覺得你有些難以接近，不過其實你也有幽默、和善的一面，在面對熟人時，你甚至還會有無厘頭的搞笑行為，只是你不太愛和別人湊熱鬧而已。

選擇Ｄ的人
你特愛湊熱鬧的，而且還有點"人來瘋"傾向，反正哪邊有好玩的你都會摻一腳，而且你可能還是那個製造熱鬧的始作俑者，大呼小叫地吆喝在旁邊看熱鬧的人一起加入讓現場氣氛更熱絡，所以在團體中，只要有熱鬧的地方，你是一定不會缺席的。

>>March 28, 2005 at 3:50:21 PM GMT+8

2005 年 3 月 26 日 星期六 【雨】

又7點幾就起左身la....都唔知搞乜...咁開左個腦玩左陣~
因為遲左去換衫o既關係~所以就遲左出門口la~遲左出門口又要趕車lu啵~
話就話星期日o既車會快d~(有咩根據...?)但係都要加快腳步去搭平日搭開果班車~
去到佢地3個就坐響度等la~
個肚就空空的~琴晚又冇啖好食...結果我係嬲~嬲自己遲左出門口冇得去買野食~
所以見到佢地我都冇睬佢地~之後我個靚位比個阿叔霸左~不爽~
阿誠坐左埋我第二號靚位~不爽x2~然後阿榮坐到樣衰衰咁~頂我個背脊~不爽x3~
忍唔住要調位~所以就走左去前面坐~
其實就唔係𤍣o既~只係合埋眼咁~𤍣唔𤍣到我就唔係記得咁清楚~因為...途中就冇咁d記憶咁囉~

返到公司la~如果要計的話真係快左o既...因為平時我坐lee班車的話返到黎佢地已經食緊飯~
喔喔喔~食飯呢~不過我果碗飯都係小得可憐...ja係我就不太喜歡飯lee樣野~
大家樂果d有汁汁o既又唔同啵~今日o既痃就夾唔到太多囉...雞~太多就好癢眼o既...
菜就...今日d菜好弱...不吃~條魚就...其實d粉絲係幾正架啵~不過太少...魚就...感覺上食左落肚等於冇吃~
食完都有6成飽o既...夠頂掛~我諗~
剛剛食完就有人黎la~唉...玩野咩~看來今日同琴日一樣~二百幾了....

今日真係十分十分之咁忙~二百幾十啵~而且仲要我戴個walkie....
一來耳隻轟爆...二來~阿雄不在工作量加倍....
(話就唔係話佢地3個幫唔到d咩手o既~之不過....唉....)
不過感覺上就冇咩玪~只係想去廁所又唔比~換下個手套又唔得咁囉....
兩點幾就完結了~佢地3條友仔真係玩野...3點同我清完場喎...
唉...我只好樣衰衰地去問下阿俊有冇飯食~(二百幾都冇我切la~)
"咋家兒"叫佢搵野比我地做~其實我就一早諗住叫佢比我地抹車~
不過d阿姐叫我去拎野我就未講到~只係叫佢搵野比我地做ja~

最後佢地當然係抹車la~家因阿俊都有咁o既意思~
我比人點我去運果20箱水過去導遊~見佢地好似好辛苦咁~我就自己一個人搞la~
經過我獨力運lee 20箱水之後都差唔多時候了~無謂叉隻手埋去~
不過...就有人埋怨囉...怨我就你唔o岩la~我自己都有野做~都係停左手一陣ja...
食飯前阿俊叫我地清埋d垃圾~我地就鬼鬼祟祟咁等~等到佢食飯~之後等食飯後先搞~
咁真係食完飯就慢慢搞~不過...比人鬧囉...佢地就唔知點咁~好似好趕...
當然有地方出錯先比人鬧la...我....最衰佢地~咀咒你~

放工la~我見佢地都好玪~ja係唔係話我開到口佢地都一定肯~但係我都唔想被拒絕...
所以我就自己一個人行過旺角買書la~講真丫...今日我都不在狀態架la...
因為個頭就比較亂...梳得唔係咁好囉...我就比個不合格自己~但係又有好多書出啵~真係...唔理lu~
買左都不少書~有翼~火鳳~武裝同埋ZETMAN~lee本野就真係...頭3期都吸引唔到我囉~
而且都睇唔到桂正和個名~但係第4期~見到阿邊個個樣....丫~真係~睇咁耐佢個樣都覺得佢仲係咁靚o既ja~
所以我就唔理佢咩故事呀~咩咩咩呀~就買左佢la~

買完就返屋企la~唉...架車冇位喎...行完過黎就覺得好玪囉...
腳就一般la~但係精神上就...真係企響度鐘下鐘下咁...好樣衰呢...
但係去到大埔la~有位la~ja係唔係話精神~但係又唔眼𤍣咁囉~不過雙眼又睜唔開咁...怪的說...
返到屋企la~見到時候都不早~我都知架la~所以打比阿媽問下~果真冇飯吃...
算~好彩屋企仲有個杯麵~同埋可樂~正....
我飲野o既速度真係越來越強~基本上~如果浪費地飲的話不出5啖就可以ko一鑵~
而且論飲野的話~多多都飲得下~死la...好想飲多兩鑵添...

哎呀~掛住打機~玩完先記得做怪獸公司~嘩~睇完我真係冇野好講囉~
真係正到爆呀~又好笑~又感人...如果佢有第二集你話幾好呢...

感動呢~阿誠話有打算介紹兩個女仔我識~雖然經過佢咩la~就決定唔比我了....

某....好似比人打左一身咁....醒晒囉~經過多次的不幸...我多年來o既顧慮係冇錯~
看來~堅持下去才能達到我的最低目標了...

>>March 27, 2005 at 5:32:06 PM GMT+8

2005 年 3 月 25 日 星期五 【晴】

正~~~𤍣到9點幾先起身~都唔錯la~
看來今日會過得幾無聊~跆拳又唔洗返~街又冇得出~屋企又冇野做~
都唔知有咩好搞...來來去去都做埋同樣o既野~
玩下aomt~上網"禁來禁"去咁...唉...都真係幾悶下~
好彩下午家姐出左街~屋企都係屬於我架la~真好呢~

唉...個燒碟機看來都死左了....咁點呢~?遲d買返個囉...
目前只好睇左d唔值得燒o既....搵得返o既先囉~
我都有好耐冇睇過la~咁早就有目標了~天罰~出自畫工堂的作品...
雖然我真係好鍾意某某某la...不過都不禁講一句....爛....
之後再開左個守護之心~lee個野...我真係唔知咩黎~見佢得6集~而且仲兩個兩個癡埋一齊~
所以就打算睇左佢la~睇左3集幾~有人就返黎阻住我睇la....
本身就覺得佢留唔留都冇問題o既~不過睇落又幾好睇啵...只係太多多餘o既暴露....
但係佢真係幾搞笑...ja係~你要知道~一個人睇野o既時候笑的話呢...
感覺上都有d白痴...即使有咩感覺都好小會表露出黎掛...

今晚果餐都可算係冇啖好食...食唔飽咁囉...個鴨就幾好食囉~衰就衰在冇肉...
丁丁都幾乎冇睇~但係有線就做新警察故事~嘿嘿~霆鋒呀~~~~
lee出野真係幾正~有幾正~?睇過咪知囉~

>>March 26, 2005 at 3:33:38 PM GMT+8