2005 年 2 月 2 日 星期三 【乍雨乍晴】

呵呵~呵呵~呵呵呵~桌豪請我飲野呢~
不過佢同桌him就玩到兩點幾3點就走左la~佢地好似一陣要返工喎~
咁我地幾個就玩la~最搞笑o既係同人玩aomt~
我同肥昌一隊~譚仙同甘地~甘地旁邊果兩個~同我同後面果班其中兩個~
咁打la~肥昌一開波就發癲~係咁撞~撞死左甘地旁邊果兩個~佢兩個死左之後就走左la...
之後我就撞去我後面果兩個la~不過...人地力抗~只係吃到佢地個地方就打唔入la~
譚仙同甘地反抗~之後肥昌半死....搞到我又要幫手~果兩個人就乘人之危~
就ko左甘地同譚仙~之後兩個泰坦撞埋黎....輸埋~

哈哈~天堂當你有一段所謂的長時間冇入就可以比幾日(?)十幾日(?)玩~
咁我見冇野做就入一入la~不過...肥昌係咁叫我衝野~既然都唔玩咯~
雖然開頭都唔捨得o既~不過算la~我真係唔玩咯~而且...個法跌左個lv之後我都完完全全咁放棄佢~
好la~開頭衝左d防先la~只係衝到個...法帽...之後都爆埋la~瑪那一野就冇左la...
不過枝力杖就勁囉~去到加8喎~如果去到加9你話呢....嘿嘿嘿~不過都係唔玩架la...
家因都爆晒lu d野~

我地就7點幾8點就走la~之後又去食野la~
都係好似平日咁~賽後都檢討下~其實都唔洗點講~譚仙o既講法十分主觀的~
不過無可否認~佢真係勁~不過真係~如果唔係我地大家打大家先~
真係...鷸蚌相爭~魚人得利~比果兩條粉皮咁樣win左....佢地都不爽~
傾左好耐之後就走la~我同甘地就飛的返去la~肥昌佢地就行去火車站果邊la~

返到屋企~真係要快d除左隻con佢la...因為琴日差唔多8-9點開始戴~
一直都冇除過~而且我一唔舒服就一隻手指叉落去~碌下隻con~咁就會舒服d架la~
或者就係戴得太長時間同做得太多lee個動作~所以隻眼都紅晒...
我除左之後就開爐la~之後就暈左響個廳度la...醒左就o岩o岩好la~沖完個涼就入房繼續lu...
𤍣到成4點幾先起身~結果miss左五天精華遊...咁就睇電視la~因為冇得玩腦~
丫~無記5點幾果出野雖然唔好睇~而且d人都唔係咁掂~(我覺得~)
不過有隻蘿莉就幾...嘿....不錯不錯~

6點幾~因為家姐話出街~但係買左果架錄得o既dvd機都叫做未整好la~(所以冇錄過野)
所以佢就叫我幫佢搞la~唔知邊個整喎~基本上就唔係錯~
只係小左d野ja~而且後來有人搞過呢~但係都冇用呢~今日終於都比我搞掂左la~
但係d碟都係用唔到~之後佢就話落去買la~順手就幫我買埋野食~嘿嘿~叫左個扒餐~正~
白痴的...9點幾就返到黎~咁我去搞咪好....
又到星期4了~又係講鬼故了...太恐怖la今日lee個~(太長了~下半就留到聽日~正~)
而且我仲係好眼𤍣....到底....沖唔沖好呢...

>>February 3, 2005 at 4:17:37 PM GMT+8

2005 年 2 月 1 日 星期二 【乍雨乍晴】

琴晚都係比較難入睡的~不過總算叫做兩點幾就𤍣得著la~
今朝~本身我就教左8點鬧鐘o既~不過比人禁熄左...唔知邊條粉皮呀....
好彩~我都知自己會起唔到身架la~所以我都教埋個電話~響8點半響~
過多陣肥董就打黎~ja係話~即使連個電話都鬧唔醒我~都有人會打黎叫我起身la~
換衫~之後搞掂就出門口la~落到樓下買左個包~之後就搭巴士返學la~

返到去~肥董企響門口唔知點解唔入去喎~
之後佢就話唔比入la~要打鐘先入得~咁我地就等la~等左陣見到白帶行過之後叫佢同果個唔知乜水傾~
知佢冇用架la~之後又見到阿誠~佢地響度商量唔知咩la~好彩~阿miss廖行過~
我就響度勁揮手la~佢行到門口就同我地講....你地簽左名咪入得囉~
佢仲同我講多句~你好同我禁返扁個頭la~(haha~d頭髮樹起晒XD)
白痴...原來肥董咩都唔知~意謂打鐘先入得~而且仲冇問人~你話....我真係冇野講囉....

其實睇落都唔係咁趕ja~不過miss梁就響度"吹"我地去換衫~
我地都等左差唔多半個鐘先到我地....呵呵~開始la~一行出去~wa~有靚女呀有靚女~
不愧係全港最差o既沙頭角官中~(係咪呢~?聽人講架咋~)
一間差o既學校通常都多靚女架la~不過我其實都有眼睇~即使再差都唔見得有好多好靚呢~一兩個都有~
(其實我都叫幾突出....我地學校邊有人個頭可以梳到好似我咁...一返到去就比人叫去廁所洗頭la~)

開頭阿師姐就出個高麗la~去到一半就我同阿水表太極8~之後我地完佢就做埋個尾~
嘿嘿~本身我o既工作就咁就完成架la~所以我覺得冇癮同無聊呢~
不過e+又唔同講法la~阿白帶只係爆一塊ja~所以我都有得出去爆~
同樣都係4個一齊360~只係果個阿風(?)~琴日到e+見到佢都有d不爽~
琴日操佢又係慢左~咁阿誠~魷魚之後到佢架ma~今日多左我咪要等埋佢囉~
因為佢慢所以我都要搞到要出遲左....肥董同我講話慢左喎~佢都唔係路o既~邊個慢都睇唔到~
最後就係一場鬧劇la....感覺上爆無聊的...一般黎講~我覺得會比人笑囉...(我自己當然笑爆佢地la~)

換好衫la~等左好耐先走得~嘿嘿~我跟某某某o既目標都係睇下人地d女架la~
唔係我都可能唔出了~做埋d咁o既野我唔比人笑死....(某部份~)
佢地走la~我同肥董阿誠就望佢地~響台度都見到3 5 7個好樣架~不過...e+咁睇都係得兩個ja....
我同肥董就走la要~(我都想留響度呀....)睇住佢地上車~嘿嘿~正~
之後我就打落舖頭叫阿媽幫我叫定d野食~而我同肥董就去左打機~
一齊去打dx~不過係冇爆過機的~但係都打左成個幾兩個鐘了....
落到舖頭就拎野食la~拎完就硬膠膠咁制返屋企la...

返到屋企都係電腦la~家姐就開左個十面埋伏黎睇~
喔喔喔~好靚呢拍得~果個女主角都真係幾ok喎~而且...個身都幾白~一個字~正~
睇睇睇睇睇~我感覺上~其實佢將一件咁小o既事拍到好似好大件事咁...好似有點這個那個....
咁我睇完就出發la~落到左去下面影果張野~之後就去la~
搭車~轉車~終於都到la....我去到都仲未得~因為有人聽緊佢講...
我只好等la~等左都好耐下...先得~基本上我交左就ok架la ma~咁我交完話有事所以就走得la~
唔...我對住喵真係...想死的...help~!!

出到黎當然又去睇書la~去到果度~咁就見到&担孕隻野輓u篇集~所以我就鎖定左係佢la~
其次就見到有幾本少女漫畫~看來都幾有趣~不過出到第4期~而且都唔知講乜~
而不思異遊戲我都有d興趣...但係...家因冇錢~只好其次的就下次先買好了....
其實想買d野食o既~因為一陣去打機~所以都唔想點用錢了~返屋企睇下有冇野吃好過~
搭車返屋企la~見有位就睇書la~其實lee本野都幾ok喎~不過...有d就響其他書見過差唔多o既~
返到屋企~喔~你老虎丫~d煮食用具比人用到爆污漕...只好放棄熟野食o既念頭la....
結果只係沖左個茶飲....好彩~都有個叫所謂的糖水~不過...未吃...都唔知吃唔吃得人....(驚...)

>>February 2, 2005 at 2:10:52 PM GMT+8

2005 年 1 月 31 日 星期一 【乍雨乍晴】

喔~lee兩日又凍返呢~嘿嘿~阿媽拎左兩張被返黎比我換~
不過...我只係加落去~e+...我張床有5張被XD~本身有4個枕頭o既~但係比人偷左兩個....
今朝都𤍣到10點幾ja~好凍呢~不過碌下碌下都出廳開腦玩la~
都係做返平日做開o既野la~嘿嘿~今日o既午餐就係最正o既蘿蔔榚la~

下午我就唔知要唔要返學校~打比阿水又冇人聽喎~
只好等佢打返黎la~結果我等到5點幾佢都仲未打黎~所以都係算la~
之後就出發la~星期二加操~慢慢行慢慢行~行到去時間o岩o岩好~
但係都未人齊~等到周兄黎就開始a~練到7點就要轉場la~
本來平日我地就響舞蹈室o既~不過上次就話book lee個大d o既活動室~
因為有人已經book左~只好用一個小時就轉返去果度la~
去到果邊~練左一陣之後~就講表演d野la...
不過因為我地o既時間比人cut左...得返6分鐘ja~如果搞到我好似好多餘咁...

8點就走得la~咁我打電話比阿媽~之後我就佢幫我叫定d野食~
之後落到去就等左都好幾個字~之後就走la~

>>February 1, 2005 at 3:24:49 PM GMT+8

2005 年 1 月 30 日 星期日 【晴】

又黎la...又𤍣唔著la~睇左成3本書先𤍣得著...真討厭呢...
結果搞到差唔多12點先起身~好彩有人幫我買野食ja~肉醬意粉~正~
下午又玩3打3~雖然我方處於下風~但係都唔理佢la~完全咩都唔理~任得佢打~
用30個北歐傻仔衝~衝衝衝衝衝~撞爆晒d敵人XD~
玩完就聽電台la~因為剛剛過左星期6日o既關係~而且仲改晒d時間~搞到都唔記得左兩點...
聽完就吃圖la~等到6點幾就換衫la~

換好衫等到6點7到先出~行到都差唔多到la....阿媽先打黎話d貨10點先黎...吹帳....
家因轉左髮型...(局住要轉囉...)落到去阿和仔就話咩死飛仔~話最鍾意打飛仔喎....
之後打左我一拳....都唔係好飛仔ja~
咁我就行左去買書la~本身就諗住買果兩本pc game書o既~不過見到佢出左~
bleach 15同通靈王32~所以就買左lee兩本la....今日都用左好多錢下...
食飯la~吃左兩個三文治~本身我就叫左熱檸荼的~不過....變左第個凍檸...唔知咩~
好難飲的...等左好耐終於都10點la~搬完都10點9~

期待兩年之久的遊戲~mabinogi~看來有進展了~中文官網已經有了~

下午睇左個墨斗先生~笑爆的~

>>January 31, 2005 at 4:51:36 PM GMT+8

2005 年 1 月 29 日 星期六 【晴】

原來...琴日唔係想話果兩條o靚好嘈~雖然都係想話佢地嘈~不過係次要~
主要係想講~原來玩cs果時隻手係震到控制唔到....個心仲卜卜咁勁跳....好邪惡呢...
一起身都11點幾la~但係屋企一個人都冇lu~正~
食野~打機~上網~做咩都冇人理~下午都係玩aomt的~
一打一機本上都有7成會win架la~不過試左數次一打二~我決定唔試lu~
因為根本就冇可能會win到的....
有線兩點幾3點幾到做瘋狂初戀~本身就想睇o既~不過因為玩緊所以都冇睇lu~

今晚吃左好多好多雞翼~正~好耐都冇食過lu~獎門人~都係miss左個頭~(打機中~)
我都開始有d老人痴呆lu~成日都唔記得剛剛放低d野響邊o既~不過d舊o既野~唔係自己o既野又記得好清楚喎...
難道....難道....XD

>>January 30, 2005 at 5:46:40 PM GMT+8

2005 年 1 月 28 日 星期五 【晴】

lee排𤍣前又睇返i''s了~真好看呢~難道...天秤座個個都係咁o既~?
今朝11點幾先起身~所以要行返學係冇可能的~
呵呵~今集o既魔界小金毛超搞笑呢~差d笑死我~不過家姐又用某說話方式黎單打我....
12點幾~阿水打黎話唔返~但係肥仔又唔返~咁佢地又冇人有鎖匙...只好我去搵肥仔拎la....
點幾la~約左肥仔響ok等~等等等等等~等左兩3個字~覺得有d唔對路la~
打比佢睇下la~原來....佢唔記得左我喎...本來呢我打算就鬧爆佢~不過...見佢個妹響度...
咁....我都唔好意思話佢la~(雖則佢個妹個樣絕不討好...(ja係我唔鍾意囉XD))

返到學校都點半到la~其實就係佢地考試o既今日~而我返黎都唔係為左幫佢地~而係傾星期3表演d野~
不過返到黎就順便幫幫佢地咁囉~其實我都冇咩做o既~佢地響度操~
我同阿基師姐周兄都係睇~阿黎sir到左之後就考la~一般黎講~阿黎sir就講d客氣o既說話~(我覺得)
佢話比上次質素係好左喎~我就覺得佢講o岩一半囉~好左就係肥仔唔響度囉~
但係...基本上係一樣差的...超弱氣....
我今次都係表d無聊野囉~jump reverse~同jump side~難度係有o既~難就難在係唔中o既ja~
型~力~我都有~只欠缺命中~
而且都不能保持一定o既水準~(好似古時的d水貨電視咁...時清時濛...)

放左學la~我地幾個就去左食野~食完野之後~我同阿誠都約好左話去食糖水~
之後我地就拉埋阿為同桌桌去la~
呵呵~去到~的確係幾好食啵~不過地方就細左d~但係...得閒同d"朋友"黎下都唔錯~而且16蚊一個都唔貴丫~
阿為同桌桌就返富亨la~而我就應承左肥昌去打機o既~所以就同阿誠一齊行la~
其實我地o既話題來來去去都果幾個~學校~阿sir~考試~女~
不過傾極都仲有得傾~而我當然係發覺我自己係講過某句說話係數次的~
我諗佢都冇所謂la~大家都咁熟咯~而且我最錫係阿誠同蔡蔡o既ja~

去到網吧la~我就等左陣先入位~入左就玩cs la~不過d ser好煩...成日彈...
實力都叫寶刀未老呢依然~只係同R6一樣~識玩o既人就越來越多~我o既強悍不再表現得十分突出了~
其實我地lee一班la~講玩cs r6 1942的前身都可算叫做頭一班高手~
之前玩的話~如果我地集中響一隊的話一定搞到人地冇得玩~
過多冇耐~就出現好似阿雞lee d日煲夜煲o既o靚仔~一兩個係比較突出~好似我地咁~
到e+~依然係好多水魚~不過比d水魚強o既都有~而我身邊果兩個就係la....
係咁叫係咁叫~打機ja~我知你好興奮~但係...你有冇理我o既感受呢~?睇住我個monter黎玩....
真係想一拳車埋去囉....唉...輸左添~兩場aomt都~好~!!努力~
(其實我就唔係想話自己有幾勁~而係想話果兩條o靚仔好嘈...想打爆佢~)

成11點幾先走~40蚊落樓....一個人拾下拾下返屋企~
返到屋企~其實就到門口已經聽到好嘈...我諗我都知咩事架la~
我已經比d時間佢扮我開唔到門比佢地散水架la~不過...我明o既~我都知發火時係點~
不過...見到佢地兩個咁都...老實講~好多時都唔見得佢地有幾開心~
但係問題多多~就係果晚~阿媽返左黎𤍣~佢地響我房度~三更半夜你地仲傾~?!
而且家姐傾電話~(當然不是偷聽la~)又響度傾~icq又傾~同阿媽又傾~(ja係同人傾佢同佢d問題~)
你可以當我咩都唔識~但係我明白一個簡單o既道理囉~拖拍都係為左開心ja~
如果咁多時唔開心~咁多問題的話~一係搵過個~一係就算囉~
但係我知某人係意謂自己會鐵頭功~兜個頭鍾落黎囉~

>>January 29, 2005 at 6:17:52 PM GMT+8

2005 年 1 月 27 日 星期四 【晴】

嘿...我終於都明白咩叫水腫了~家因我已經試到...
咁玩玩下個腦~覺得塊面有d"恆"la~"R下R下"之後咪去廁所睇下有冇紅有冇比蚊虰果d囉~
果時我就睇到...都幾腫下~原來係唔得意...而且都幾異相下...
下午又玩4打4~依然lag到爆~不過都幾爽下~人家用北歐傻仔玩爆神獸ma XD
玩左成個幾鍾先完成~

今晚又吃左兩個三文治~之後就睇電視la~
到到咁上下冇野睇先記得要聽電台~呵呵~一樣都係好正呢~
之後家姐就轉左去睇有線~電視就做office有鬼~um...佢依然保持一貫港產片o既作風~
雖然有搞笑位~不過...小小恐怖已經嚇到我呢...有d驚添...
e+都點幾...有d唔想沖涼添...好驚呀....

>>January 28, 2005 at 5:58:12 PM GMT+8

2005 年 1 月 26 日 星期三 【晴】

阿媽阿爸返黎𤍣~本來就冇野la~只係睇書要好似以前咁~
用街燈o既光黎睇la~(佢地𤍣唔開得燈...)點幾到就好順利咁睇左一本書𤍣左la~
但係...唔知幾點~個天都仲係黑黑的~不過聽到人傾偈....
依依哦哦依依哦哦~又嘈...又煩...好彩我都𤍣得返ja....唔係死人呀....

好努力咁扒起身~不過都遲左...只好打機la~
開個tor玩~可惜....玩到某度死鬼左...而且又冇save...立即冇晒意欲玩...
去換衫la咁就~因為今日出去剪髮~打落舖頭阿媽叫我點半先出~
咁我就開左個z玩la~玩到兩點就出發~
3點到就搞掂la~一般黎講都係ok o既~不過....
叫左兩個三文治同個薄荷賓治~但係返到屋企~個薄荷竟然變左雜果....好灰呢...

今次又遲左出門口la~個頭就唔係搞左好耐~因為同之前果個差唔多~只係前面果"執"冇咁長...冇咁好睇囉~
慢慢行慢慢行咁就到la~6點幾就到la~行過去都見到唔小值得提一提o既野~
好似話見到一個好耐冇見o既人~不過...又好似唔係...
慧遠d女d質素真係好弱...真可悲呢...以前~靚女就唔好話多~不過都有~一般黎講我都見有不小叫幾好的~
(f.5時)的1b就有個~見到真係令人心動的~真想推倒她呢XD(其他就唔講了~)

一樣的操練方法~都係咁囉~不過到7點幾開始就講下星期表演d野~
佢地果d都差唔多講好晒la~但係我同阿水都係知得果一樣野...太極8...
爆板o既野...就只好等星期6先決定了...雖然時間已經到~但係因為要搞租場d野~
結果搞左一大輪先走得~
冇飯食~只好去買飯la~咁我去大咩咩叫個外賣~等左陣~得la~無lala有個女仔拎走左我個飯喎...
無奈....之後等左兩個幾字先出到下一個...我去拎個阿姐同我講唔好意思...
返到屋企la~嗚...好耐冇食過咖哩呢~所以用一個極高o既速度食晒佢la~
好恐怖呢~今晚係講鬼故~雖然我好驚lee d野喎~但係追開~所以一定聽~
點講呢~雖然d事情係好例排~基本上有聽過鬼故~都係講d差唔多o既事情~
不過...都係驚...有時真係要...聽就聽~唔好去想~一諗...就加倍恐怖呢...(森美嚇爆呀XD)

>>January 27, 2005 at 4:13:26 PM GMT+8

2005 年 1 月 25 日 星期二 【晴】

生活開始變得死版~一種悠閒式的死版...雖然我嚮往此等生活~不過...快要冇錢了...
雖則我都唔出街~又冇野買咁都唔洗點用錢~
但係星期6我諗都都要買枝水~放左學去食下野囉~而且一個星期的第一天~都要買兩本pc game書~
所以用下用下d錢都唔係好夠用了~當然~我咁樣o既狀況黎用的話都可以用多3個月有多~
譚德之前同我講~"你可以問你屋企拎錢架~你話自己冇錢咪得囉~"
冇錯~我的確係可以問屋企鮏錢~而且我要問佢地一定比架~
但係我自己仲有錢~如果我咁樣做我過唔到自己囉~我聽完佢lee番話我都對佢...唔....

下午比我dl左Rozen Maiden o既音樂~嘿~都幾不錯的~
3點幾家姐走左~不過我都係冇咩野好做~
等到4點半開電視就做果個不思異遊戲~咁睇la~其實我以前都有睇過~都可以叫做追開添~
真係幾好睇下~而且小學o既時候買開龍珠gt d碟~佢有介紹過個po~
e+睇返聽返都覺得好似好舊咁~(令人懷念?)但係又幾正啵~

今晚~飲氣水~食雪糕~食物的魔力真可怕....令人欲拒還迎....
忍~係有可能的~不過你都係忍得果一時三刻~但係你能否保證忍得下落黎o既日子咩~?
今日唔食~有聽日~聽唔唔食~有後日~因為...儲量都有唔小下~
吃的時候幸福~但係..後果就不勘設想~人類o既意志真係薄弱....

玩左一舖好"甘"o既aomt~4打4~家因我開住3個小b~同on緊o既icq....
本身已經lag架la~因為有d小b o既關係~但係icq d人又on 又off咁...仲有人叫...
吹帳la~結果係玩左差唔多個半鍾先玩完~而且仲用果個方法win添...世界奇觀...
阿邊個打黎叫我lee兩日去交野~仲叫我搵埋果兩個所謂的fd去~
我心諗~佢兩個~食屎la~真係要求其叫佢地講個藉口出黎話佢兩個唔報算了~我真係對佢兩個完全死心~
(成日聽到人用lee句~"fd喎~"黎撻人~fd~?點頭之交咋~~~~~~)

>>January 26, 2005 at 4:53:30 PM GMT+8

2005 年 1 月 24 日 星期一 【晴】

呵~又成4點幾先𤍣喎~不過今朝都10點幾起身~
開腦玩la~咁家姐無lala換好晒衫~之後好似想出門口我就問佢去邊la~
原來佢去買野食喎~之後我就叫佢幫我買la~
嘿嘿~今日o既早+午餐就係肉醬意粉~平日我會強行一次過食晒佢~
不過今日就分開黎食囉~覺得飽就停la~
其實我o既心態~一黎就唔想浪費la~二黎又口癢癢的~基本上唔係食到爆肚都好小會停~

下午都係反覆咁做同一樣野囉~上網搵下野~搵到正野就dl~冇正野就算~
開個aomt黎玩~無聊就入下ro升下野打下怪買下野咁(今日冇)~
兩點就開收音機聽la~琴日唔記得左聽小左日....咁聽完就開電視睇la~
見到冇咩野睇都等5點la~等o既期間又上網睇野~睇aomt d文章la~
丫~比我搵到d有趣野喎又~快攻~當進左一個時代就win左la~
冇錯~真係得架喎~用左十幾分鐘就win左la~之後再用個第二個神~可惜...失敗的~
咁我就再試第二個la~佢就話"拉"~快進時代法~的而且確係好快的~
目前我同佢地玩我都係最快~而aom我就都好快~aomt就慢電腦小小~差唔多速度~
但係lee個方法~其實全部都用得~只係資源不平均~感覺上係難玩d~
我都係第一次玩到咁後~開頭係打成均勢~不過後來比個電腦強下去~輸左la咁就....

不過因為玩lee舖野~我就玩到唔知時間~都5點半打後了~
而且電視做di gi charat我都冇睇~不過有開電視聽囉~其實都冇咩大不了~
我有la lee集~ova黎架ma~不過聽到人火滾囉...佢用我最討厭果個配sakura果個人配喎~
配邊個我都唔記得架la~(我都冇睇~)本來都好地地~冇咩感覺咁囉~不喜歡也不討厭~
不過自從無記播左某我愛的動之後~我對佢地一班人其中某某幾位都開始討厭~
始終~我睇過日版~而我睇過而且鍾意的話你唔好播la~因為你配得唔好的話我會好憎你的~
ja係未睇過就算la~你比到我睇就就可以了~不過同樣會討厭你的~同埋改人地個名lee點真係...殺~!!
討厭o既有好多~但係好o既都有~棋魂我覺得佢真係幾出色的~不過...都好似數唔出仲有d咩了....

趕頭趕命咁樣就換衫果d la~個髮型都求求其其搞掂見得下人就衝la~
我用最高步速去~6點半到出門口~不過都差唔多7點先到....
去到就換衫la~換完衫都開始la~錢o既魔力都真係幾可怕~比左錢大家都落力d~
不過我其實體能唔係咁掂~所以都有點兒吃不消~半小時內~地獄式訓練方法(對我黎講~)
差唔多7點半其實都冇野操了...黎到lee d場竟然鬆根~而且仲操拳套~(無言...)
8點la~係時候要走lu~感覺上...只係將星期6果3小時強行壓縮到lee兩小時....(我遲左一小時~)
換衫la~佢地唔知傾咩la~咁話到上我頭我其實就真係動左真火...
之後沉住氣~頂佢兩句~(用身份呀~高級呀~在場都係得周兄高級過我~阿水就同級~)
然後咪扮冇事發生照常咁講野~
看來我要飲多d雞精了~皮質醇真係過高~發動能力時5至十秒內失控~都真係幾尷下....

走la~打比阿媽la~佢剛剛打黎我又冇聽~咁之後就落舖頭搵佢la~
我白帶同肥董同路la~一齊行la~見冇咩野傾而且同白帶唔熟~所以都問下佢野~
我發覺佢都係果隻拾下拾下~(不過...阿誠不嬲都當佢水魚架la...)
lee個人都...點講呢~黃文杰咁囉....一個字~柒~(完)
落到舖頭la~叫飯la~我又叫左兩個三文治~同樣係吞拿魚~仲要多個公司三文字~
加多個雜果賓治~本來想試下薄荷o既~不過阿媽話唔好~所以就叫左lee個la...
等左勁耐~又冇得睇無記d劇集了~黎左la~阿媽吃左野先~之後先返屋企了~

返到屋企~阿紅icq又叫我la~都係ro d野la~
而且仲有第二個唔識o既無lala add我...一般add我都唔會用鹹電話咁o既方法add架ma~
但係響7點幾佢就留左句...."我好熱呀~~你可唔可以幫下我呀?"
嘿...lee句野...死la~我聯想到好多野添~不過打返個問號去都冇反應~所以都係算la~
之後入game幫阿紅搞d野~搞左一陣傾左一陣就off了~

>>January 25, 2005 at 4:13:08 PM GMT+8