2004 年 10 月 25 日 星期一 【晴】

haha~好野~e+因為我18歲lu~上返11點~
唉...如果返10點又可以多30蚊....而且可以同佢地一齊飛的lu...
我就教左鬧鐘8點半~不過都係8點就起左身la~
本來想𤍣到踏半~不過....一來就𤍣唔著la~二來~我想睇埋個elfen lied呀~
超正呢~lee幾集娜娜又出返黎~又講喵喵o既過去....超好睇~
睇完就諗住放返好之前dl果d圖la~啥~?!唔見左我個file o既~
之後用搜尋搵~結果都係搵唔到....好傷心....好嬲呢....估都唔洗估都知邊個做架la~
第一時間~諗住del佢個我的圖片~不過...我諗住只係放入去~如果佢見到有垃圾就自己會del~咁就唔關我事la~

不過就算我做埋d咁o既小動作都平息唔到我o既心情....
呀~我個美耳呀~我幾年內o既心血呀~一次過比人ko左....
下午食完飯~我就去𤍣la~咁o岩又𤍣正阿次個位喎~結果我地就兩個一齊𤍣la~
但係𤍣𤍣下~比個死人阿佳嘈醒左~其實我都大概叫做𤍣左3-4個字~
不過因為琴日開始無lala背脊痛喎~所以搞到一起身都勁痛....
今晚收7~210 la~不過如果我返10就仲好la....
唉...好慘呢~又要同lee個阿佳一齊走~一個人飛的又太貴喎...不過lee個人又令人有一種討厭o既感覺...

返到屋企~睇完皆大歡喜~就繼續我o既elfen lied la~
嗚...超正呀~結果都係好多未知o既野~冇交代o既野~差唔多咩都冇講...
只係響個門口有個人影.....到底係邊個呢~?冇人知....
不過我睇完我都睇化左比人del我果d珍藏件事...所以我拎返佢個我的圖片出黎~
第日有機會同佢講返.......

>>October 28, 2004 at 1:09:16 AM GMT+8

2004 年 10 月 24 日 星期日 【晴】

今日又返兩點la~因為個腦已經被發現左冇gb lu~
所以就要開始煩惱睇下邊出la....
諗左勁耐~終於都決定左睇elfen lied~阿水蔡蔡果d都叫我睇左先~而譚德都成日問我拎~
但係我一向都堅持要儲晒先睇~
本來都唔係咁想睇住架la~因為佢比我o既感覺係極度暴力賣弄色情~
但係又冇咩野想睇住~而且佢地又極力推介~唔睇都唔得la~
睇左兩集~wa~ok得喎~之後見時間尚早~所以就睇多集la~
睇多一集之後就去換衫~搞掂晒d野見到個鐘都仲係12點半到~所以睇埋第4集la~
雖然我所想同所見o既係一樣~但係佢個故事真係激正~難怪果班色情暴力狂都勁叫我睇la~
有佢地喜歡o既野不在話下la~而且個故事仲咁得~我都冇睇錯~

>>October 27, 2004 at 3:55:49 PM GMT+8

2004 年 10 月 23 日 星期六 【晴】

今日~一開腦見到佢上唔到網....點解呢....???
之後搞左我勁耐~先知佢o岩o岩連左之後~收到("信號"?)4千之前先上到...
結果我都係冇理佢...睇電視la~
因為做假如愛有天意~琴日做已經想睇架la~不過因為睇緊其他野而冇睇~
lee出野都係勁爆得~睇到都真係好感動~

睇完~因為因為上唔到網o既關係~所以就諗住睇埋個女孩萬歲~
lee出野雖然係搞笑o既~但係都係有一般動畫不可缺少o既原素~感情~
感覺上第9集就突然變得好正經....搞笑同無里頭o既野一樣有~
但係...佢講友情....唉....好感觸添....
睇完....個網果度都仲係咁~但係我又響果"4千"內開左個icq喎~所以都冇追查個原因lu~

6點幾~見個icq都冇咩人傾~所以就拎左本迷糊天使出黎睇~
買左咁耐~我一本都仲未睇過....
不過睇睇下~肥董又打黎la~所以都分唔到身睇書la~
比佢搞左半個鐘到~傾就傾星期日去果度d野~本來我都諗住得我地兩個去~
不過...佢又好似唔多想咁....其實兩個人我都冇所謂~只要有人同我去就得la~
咁佢叫左阿水~阿水d fd~一個叫幾個咁~好似話叫左十幾廿個人....
不過...好似唔多好咁~我都比較怕多人....

比佢搞完都差唔多9點la~諗住睇掌門人la~
不過...點解做少林足球o既....唉...好灰~見無聊咪搞下個腦囉~
我都唔記得我仲有絕招字出添~就係系統還原la~
呵呵~搞完之後真係得左喎~唉...都唔知發生咩事呢...不過唔係咁我諗我都唔會拎d迷糊天使出黎睇~
因為我睇完~我發覺lee本野真係~超出色的~
頭3-4集真係有d無聊~但係5開始就有勁多感人位~而且佢個結局仲要係慘o既添....
雖然~心情沉重~難過~難受~但係....都冇方法宣洩出黎....
我諗起蔡蔡講過一句說話~突然間...我好想變做佢....
或者我經歷得未夠多la....痛得未夠深...

>>October 26, 2004 at 4:47:40 PM GMT+8

2004 年 10 月 22 日 星期五 【晴】

嘿嘿~正呀~星期6~返10點唷~
不過都有代價....就係要8點起身....
基本上係冇咩問題o既~我7點幾已經醒左la~不過係唔願起身ja~
搞好d野都要換衫la~9點就落去樓下搭車返工la~

咁佢地就約好左9點3-4到就去到第6卡等~
但係佢地都只係響閘口等ja~我去到阿武都未到~所以都要等埋佢la~
佢遲我一班車都係遲我小小到...早知就慢慢黎la...
返到公司阿豪都仲未返~咁我就要問下阿樂去幾樓la~
佢本來就叫我去16樓o既~不過上到15樓阿旋就叫我去15樓做就得la~
因為16樓今日都夠晒人有多~

本來都冇咩野做~我地幾個響度坐都坐到踏半la~
不過阿占話問大佬有咩做喎~大佬就叫我同佢爆箱la....
因為冇箱~所以都冇得爆~但係今日乜label都冇~
所以就冇野做...大佬話今日要"遊油"~所以就要我地打掃下la~
結果今日都全日都係做打掃...好似返左六福記咁....

下午我地叫外買~大佬話請飲野~不過當然我都未知佢地講咩...
但係又見到阿占勁講多謝大佬~我咪跟佢講句囉~講完佢地就勁笑la...
食完野~阿田同阿占就話去𤍣教~之後就帶左我去MCR果邊個"床位"la~
其實果度真係唔錯o既~但係我又𤍣唔著....或者係個心勁跳o既關係la....都唔知點咁...
所以都係𤍣左個幾字到都響度眼光光~見到佢地𤍣得咁順利~真係羨慕呢....

唉...我地打掃完結果15樓都係唔洗"遊"~只係9樓要ja~
今日收4點~我地落左去9樓~d天那水其實真係幾香~所以我都索左幾野~
結果去搭車o既時候勁唔舒服...
返到屋企~唉...終於都比人發現左個電腦得返果小小容量...
雖然冇比人殺...但係都被怨左一大餐...好可怕....

下午就睇左果個追擊8月15~其實我都冇咩點睇...
因為今日icq特別忙~平日同一d唔識o既人我都唔多理~就算識o既~
我都曾經講過一句~自備話題~
不過或者lee排玩左果隻羽音la~個人識多左d點同人溝通~
結果就同今朝add我同剛剛add我果兩個人傾la~結果搞到我個Di Gi Charat o既變聲器勁響~
冇得睇電視之餘仲比我家姐鬧.....

今晚阿媽返左黎~之後就開左個六壯士黎睇~
um....lee出野真係唔錯~而且果首(插曲??/主題曲??)講笑~
感覺上真係唔錯~或者...我睇到佢歌詞入面有一句講中我o既......咩la~

>>October 25, 2004 at 4:33:05 PM GMT+8

2004 年 10 月 21 日 星期四 【晴】

今朝~都又係時候睇第二出動la~
既然都有唔小已經齊o既而且又想睇~所以都唔洗點煩惱去睇邊套~
而且心中早已經有一套想睇la~
女孩萬歲~基本上~睇佢o既原因都係好簡單....
人往往都係睇外表先架la~所以就係因為佢d女角比較靚所以睇佢la~
睇左一集之後~因為驚唔知點搞個頭好~
12點都已經去換衫整la~好在踏7到已經搞得掂ja~
所以就睇埋個第二集佢la~睇完都1點lu~所以就出門口la~

今日好似係清明~返到去公司果頭都冇咩人....
而且樓下又落左閘咁...我就兜去後面睇下la~
本來我打比阿偉豪問下o既~不過又冇人聽喎...
只好硬著頭皮上la~唔係唔返我驚比人小la...
上到去真係要返~不過原來係返十點...因為之前3日我都係唔洗返架ma...
所以就唔知la~不過阿豪都冇鬧我果d~因為我真係唔知~
咁講左幾句我就上左16樓幫手la~

差唔多放~咁我就比人叫左我同黑仔兩個落15樓幫手~
不過...落到去都冇咩野做...大佬就叫左我地兩個爆左d燈仔佢~
就係因為冇箱搞...所以...爆完搞左其他小小野都叫我地坐下休息算la...
真係好黑呢~放6點喎今日~返得果4個鐘...
今日得120蚊咋....

>>October 24, 2004 at 2:13:06 PM GMT+8

2004 年 10 月 20 日 星期三 【晴】

今日我生日~都係要祝下自己生日快樂先~
好柒呢~有幾個響兩日同一日前icq add我生日快樂~
講真丫~我覺得佢地都係見到先打句黎...算la...都勉強叫做有d心囉....
最有心都係我曾經討厭過o既一位朋友~david~
佢係唯一一個打黎同我講生日快樂之後傾多幾句o既朋友~

咁我11點幾就出左去剪髮la~今次個髮型都叫ok o既~(自己搞完~)
之後阿媽就話返屋企la~佢就買左4個大閘蟹~
我地返到屋企一人兩個~食完之後~都一直響度打羽音lu~

今晚~唔單只冇人陪我~而且...仲有我最討厭o既家姐響度....
而且10點幾仲搶埋個腦...唉...生日不單只無聊~而且仲好沒趣添...
雖然都有好幾年係好似咁~不過....今年係我18年之中過得最差o既一次~
唉...今次~我真係睇化晒la~
我響朋友o既心目中~可能真係好似一個避孕套咁la~用完即棄....
或者係一個鋁鑵~都有用o既~不過佢唔識點去運用...落到你手~都只不過係一件垃圾....完全冇價值可言...
人生就係咁架la~友情...大概都只不過是一文不值的東西....或許我遇人不淑吧....

>>October 23, 2004 at 1:43:20 PM GMT+8

2004 年 10 月 19 日 星期二 【晴】

今朝一起身就玩羽音la~咁lee d係咪叫做新屎坑都有三日香呢~?
不過~台灣人果真可怕....琴日我都識左個台灣仔~
我都成2點幾3點先𤍣佢都未off~但係今朝我on o既時候佢已經玩緊la....
而且仲升多左幾個lv添....

樂樂無lala send句果d祝我生日快樂....唔係聽日咩~?
點解咁多人都係咁o既呢....
之後傾傾下我又撩佢玩羽音~不過我又唔知響邊度dl喎~
咁咪叫佢上我屋企~我借比佢安囉~順便可以叫佢幫我買野食~
佢上到黎架~嘿嘿~正~有飯食~不過我都仲未食~
因為game果個男仔幫緊我解任務~
過多陣我發覺有d唔對路....係la~我隻碟唔見左喎....搵到我死死下都搵唔到~

我只好放棄~同樂樂say sorry~之後問下台灣仔邊度有得dl~
佢話官網~?不過我又唔知邊度有喎....
原來....個官網就響開game果度....笨....
樂樂走la~咁我就繼續la~係咁打係咁打~打到...我盒飯2點幾食到6點....
正呀~今晚冇人同我搶電視睇~不過因為打緊機...所以...睇小左d咁囉~

>>October 23, 2004 at 12:54:58 AM GMT+8

2004 年 10 月 18 日 星期一 【晴】

電腦...又要死了~因為發現左好多套正野~
結果要del左個巨商同埋科隆la~
不過唔知點解個巨商del左佢o既時候會有3gb出黎架喎....真奇怪呢....
12點到~真係冇野做la~所以....就開左個DearS睇~
其實~真係睇到好玪囉....不過又係因為佢係太好睇la~
所以一直睇落去~
最後個結局都幾感人o既~不過...衰就衰在佢果度又有搞笑位喎....
當你感動之際~突然大笑....真係唔知點咁...

既然del左兩隻online game~而且aom都爆埋~
所以就安左果個羽音online la~因為佢個樣都幾唔錯~令我有衝動想玩~
其實我冇諗過玩得長~所以我都開左個女角玩~
我o既想法係~望住d cute o既野玩~唔係仲好玩咩~?
反正我都唔會同人傾偈果d~有咩所謂丫~

>>October 22, 2004 at 2:38:34 AM GMT+8

2004 年 10 月 17 日 星期日 【晴】

今朝~我偷偷地....(點解要偷偷地呢~?我自己都唔清楚....)
睇左一集DearS~老實果句~睇真係幾好睇o既~不過....太過賣弄色情la...
搞到有d cheap o既感覺~但係亦因為咁...笑料會多好多~
睇完~都冇機會睇落去la~所以就開aom玩~終於都完成埋個aom的第二個故事~
不過~因為要等阿媽個飯...所以搞到遲左出門口la...

返到去~我大概比人放逐左上16樓lu~(可能la~不過我鍾意16樓喎~)
今日都好似平常咁~一路聽電台一路做野~
不過做做下野~傾傾下講講下阿螳螂冇lala話自己比人搶左條女...
ja係雖然唔關我事~但係我自己響度分析~不過lee件事好似唔多值得去傾呀講呀各樣各樣~
因為識左又唔係耐~行埋都係好似得果兩3日...大概都冇發生過咩事~
相信要講佢地o既關係都只係一雙掛名o既情侶~
而且到目前為止佢都係唔知頭唔知路~8成野都係估估下....

可怕o既事終於都發生左la~我地食完飯~阿樂走左上黎~
之後佢地見到阿樂成頸都係"咖哩雞"~其他人當然係追問la~
不過佢地問到o既結果係....佢條14歲o既女做成...而且佢仲食埋人地隻豬...
毫無疑問~阿樂真係好靚仔~正常黎講一個靚o既同順眼o既人~我都會對佢生興趣~
但係...佢竟然做出d咁o既事....真係人人得已誅之~
話雖如此~但係比著我都會咁做~但係我有話佢o既資格~因為未來o既事...有邊個估到呢....

今晚~佢地叫左pizza~又買左壽司~
真係好豐富呢~好在我返得合時ja~
不過我家姐男朋友都響度...討厭呢........................
搞我架ps2~!!搞我張床~!!搞我電腦~!!整唔見我個枕頭~!!!!!!!

>>October 21, 2004 at 1:57:28 PM GMT+8

2004 年 10 月 16 日 星期六 【晴】

琴晚因為玩隻多羅羅~玩到3點幾到點先𤍣....
不過今日又要6點9起身換衫la~
因為要去拜山~咁我因為搞到7點半先搞掂....所以就要飛的出去la~
但係出到去阿爸都仲未搞掂...
等到佢出黎我地就搭車去馬科水碼頭la~
剛剛去到架船都就開la~o岩o岩買左本pcw~所以就唔洗悶la~
而且電話又有得聽電台~

不過我睇完之後~有個個樣好柒o既男仔無lala問我~
"可唔可以借本書比我睇呀~"我...本來真係唔想借....
但係我lee世仔都不太會拒絕d陌生人....就算係一個問卷調查o既人比佢問多兩句我都晒投降咁...
所以我都係借左比佢睇~
極度無聊之際可以做o既都只係聽電台同埋睇風景ja~
坐到屁股都痛o既時候終於都到la~
我就入返去我地自己果間屋度坐~等佢地出發~不過其實每年都係咁~
分兩邊拜~開頭去果度都冇咩感覺~因為大概同果度果d都冇咩感情~
(有d見都未見過~有d就因為我當時太細個...)

但係去到阿爺果邊心情始終都好沈重~或者~當佢仲記得我地(我同家姐)o既時候~
佢就係住響舖頭後面街o既老人院~細個日日放學我同家姐都去搵佢~
雖然~係有目的o既~而且回想起都有d賤....但係當時仲細~唔怪得的....
拜完~再一次將自己孤立~都唔知點解~始終都係接受唔到lee邊d親戚~
雖然~姑媽同姑姊lee兩邊都唔見得好得去邊~都係一句起兩句止~(分開3邊黎講la~)
但係lee一邊d親戚始終見到都有d不爽~見到就會有一種討厭o既感覺la~
不過咁樣對我都影響o既~我都係習慣一個人~

點7 la~終於都比我等到出去o既時候la~
本來阿爸留響度釣魚o既~不過阿媽唔舒服喎~所以佢都冇得選擇lu~
出到去大埔~我就買左兩個杯麵同可樂返屋企做午餐同晚餐~
今晚~佢地又唔返la~晚餐總算有著落~好又一餐唔好又一餐la~
肥董今晚又打黎la~或者我真係咩都冇咁渴~但係傾偈lee樣野~難得搵到個好對手~所以每次都勁傾的~
好正架...佢e+要計劃整一隻game~雖然佢仲同佢同team d人煩惱緊要咩好~
但係因為咁樣我真係極感興趣囉~雖然我冇咩創意~但係對於創作我又極有興趣喎...討厭...點解我冇報lee個...

不過有時佢好厲害架~勁dl d鹹片睇~之後又可以勁睇~但係佢睇又話冇咩反應喎~
其實我都同佢差唔多~勁dl動畫~不過~我係唔睇o既~絕對要睇心情~
我太弱la~!!我真係要睇多d鹹片~做到好似肥董咁""""臨危不亂""""呀~!!
但係睇lee d片比到我o既感覺係污穢?的~
今晚~肥董講左lee句~肥家真係與別不同架~(意思大概係咁~唔係好記得~或者我美化左lee句說話la~)
佢咁講我真係應架~因為我都唔知自己點解會搞到d性格咁怪...
做又冇膽做~講又冇膽講~最多都只係會響一個冇人睇o既日記同info或者響d冇人覺o既位度~
舒發一d好無謂同冇必要o既感受出黎~我始終係個失敗者同怪人一個...........

>>October 21, 2004 at 4:32:54 AM GMT+8