2004 年 11 月 4 日 星期四 【晴】

今朝半睡半醒o既時候~個口唔知點頂左一下~左上角隻牙就冇左一半la...
因為未醒得晒~
套左佢出黎~就咁就掟左佢落床邊就算la~
過多陣起左身都冇左件事....

lee排真係日日撞到阿豪~而且...仲日日要響9樓癡label...
不過e+癡癡下都麻木左la~係唔係都係咁la~只係辛苦左d ja~
哈哈~佢地上面果班今日竟然收6點喎~阿占今日得120蚊~超傻~
不過其實我都唔好多佢好多~今日得150ja~不過因為前排都冇出糧~今日一次過出~
我加埋都有810蚊~其實都真係好少....見到阿風同文瑞成千3蚊....唉...覺得自己有d可憐添...
因為佢地收左6~又冇咩人一齊走la~好彩阿奇都係收7~咁我偉豪阿奇3個人一齊搭的返去la~

>>November 5, 2004 at 4:34:30 PM GMT+8

2004 年 11 月 3 日 星期三 【晴】

呵呵~今朝有勁正o既麥記早餐~我都好耐冇食過薯餅lu~
見到人地響度討論lee個巨商~我開始有d想努力咁升級了~
lee排冇糧出~而且又交左次咁"容"o既電話費....阿媽又問我鮏家用...
只好搵日去"禁"銀行d錢出黎...

lee排日日都撞到阿豪~可惜丫~我地都冇咩野好傾~
返到公司~呵呵~因為阿志話冇野癡~我好高興聽到阿樂講左句~你地上16樓~
都唔知發生咩事~佢地響度講話咩螳螂要同阿佳隻揪~
我地個個都好期待有事發生la~而事因聽聞係爭玩具.....
咁做做下野聽到果邊咁嘈~之後我就行埋去睇下la~見到阿旋同阿奇兩個勁講~響度煽風點火~
當然~無論佢地做幾多野都只不過是徒然~因為佢兩個都淆底~
最後阿佳自己話要落去癡label~所以就走左la~

不幸o既事發生la~阿樂上黎叫我偉豪阿志落去...
今日咩事呀~洗唔洗4個人癡呀~
幸好今日都冇增加d咩傷口~只係手指痛ja....
結果都係收9~都算係咁la....但係我討厭返兩點囉放9點囉~佢地走晒咁~好似好悶....
而且我都想睇下電視...不過個阿樂又唔比喎~等阿豪返黎先問佢la......

>>November 4, 2004 at 4:59:57 PM GMT+8

2004 年 11 月 2 日 星期二 【晴】

阿媽今朝返左黎~不過佢冇買野食~好彩琴日有幾個杯麵ja~
雖然冇野食~但係就帶左兩個不幸~?o既消息返黎~就係阿公響大概響琴日已經去左la~(我冇留心聽...)
其實咁樣都好o既~唔係我黑心~
只係你辛苦時大家睇到你咁又難過....比著我~不如乾脆咁死左佢算~
第二個消息係我今個月o既電話單...哈...諗都冇諗過我會爆分鐘~
而且都爆得幾金....爆左4百幾~e+加埋上個月未交果d要交5百幾~下次傾都係叫佢打黎我屋企好d...

又係1點出門口~落到去~上左巴士又撞到偉豪la~
返到公司~唉...又要響9樓癡label lu...
好慘呢~雖然感覺上今日係冇咁多野做~其實就差唔多~
不過比果d label界到隻手爆晒~之後又因為要拎d飛碟出黎搞到又界爆左~
e+隻5隻手指勁痛~而且d傷口又隱隱作痛喎....真痛苦....

今日又收9 la~um...響9樓做好就好在lee點囉~
但係因為我地大家都只係食左個包~所以就話去食野la~
搭車返到沙田就去左麥記食~都好耐都冇未食過麥記~而且好耐都冇比人話我食野慢lu~
或者真係佢快la...

>>November 3, 2004 at 3:44:14 PM GMT+8

2004 年 11 月 1 日 星期一 【晴】

12點到都差唔多要𤍣la~lee排都唔知點解好似好玪咁~
所以早𤍣左~咁正當我就快睇完本書之後~阿媽就返到黎la~
佢走入黎問我食唔食蛋糕~喔~做左佢個仔咁多年其實都唔多清楚佢幾時生日...
原來係11月1...不過算la~12點都過左~已經唔係架la~

今朝~搞lee搞lu~又冇左一個早上la~
下午又係1點出門口~呵呵~搭巴士o既時候又撞到阿豪~
返到公司~唉...唔想發生o既事又發生la...阿樂叫我地兩個響度癡label...
我都冇佢咁好氣~一路聽電台一路癡~重複一個動作n次~真係好難受...
d阿姐講野又細聲...好麻煩....
6點幾...開始肚餓la~本來就諗住響16樓叫外賣o既~不過點都估唔到響9樓癡label...
不過我發覺如果多野做的話響9樓都唔錯~因為我今日收9~佢地就收8~
但係...我響度都做左3個月有多~第一次有受到屈辱o既感覺...
第一桌個阿姐真係~你老虎丫~咁佢行開左丫ma~個高級o既就叫我癡住先囉~
咁我見冇位放我就放響個檯面先la~佢自己睇都唔睇就走去嘟左喎~之後仲小添...
我承認我係有唔o岩~但係佢自己唔睇~錯佢就一定有錯囉~有時好多野自己柒係唔怪得人~

終於都9點la~放工la~可惜...冇人同我一齊走~
去到巴士站就見到"毑型"~佢同朋友一齊~同佢傾左兩句就有車la~
返到屋企樓下~因為今晚冇飯食~所以就響ok度買左幾個杯麵la~
你老虎丫~家姐佢兩個11點11到就返到la~本來就諗住早d𤍣o既~所以咪早解決埋d事就沖涼囉~
結果佢兩個返黎就搞住晒...搞到我遲左成半粒鐘先得~仲諗住同我爭沖涼~
好彩我咩都唔理就沖左入去~
不過討厭o既事又發生la~果條pk成日叫屎忽屎忽洞人咁~好煩~真係想打柒佢~!!

>>November 2, 2004 at 4:33:27 PM GMT+8

2004 年 10 月 31 日 星期日 【晴】

唉....返兩點喎...lee個月都係咁...
朝早無聊~上網睇野la~見到勁多野dl....死la...又dl到爆晒添...
只好開左個花右京女庸隊黎睇快d清左佢~睇左兩集就唔想睇la~之後開左個aom黎玩la~
不過玩到唔知時候~搞到差唔多踏7先開始換衫~
但係o岩o岩好又1點出到門口喎~

咁就搭車去火車站la~落車o既時候竟然見到偉豪~
呵~有人陪我一齊返工lu~咁見冇咩野講都傾下公司d野~
返到公司~阿樂話~你地上住16樓先la~一陣有得癡label就叫你地落黎~
聽到佢咁講好灰呢....不過~直到食飯都係平安無事~
不過今日16樓真係勁多人~我,偉豪,次,旋,武,佳,達,螳螂,細佬,奇,仲有個新黎o既~
成11個人~不過感覺上都係做得好慢咁~但係慢有慢好~

通知左18以下o既放~咁螳螂佢地就諗住準備落去la~
阿武就話~"我地執阿螳螂一滯"~之後佢地就做野la~開頭就扮冇野咁行埋去~
之後阿旋一郁~佢地就做野la~哈哈~勁搞笑呢~
螳螂都算勁la~佢地5-6個人去捉都反抗到一陣~不過結果都變左隻大閘蟹~
唉...低能架...我都18歲la~佢都叫我收8喎~你叫我返兩點我冇野好講丫~你叫我收8~
阿豪一走左比阿樂鍮fit就亂la....
而且lee間公司真係都係好講關係囉~因為佢地草猛3兄弟中o既細佬~
真係阿樂個細佬~所以佢地3個未到18都有得返10~肥昌e+一走左~我就冇左個靠山la....
所以要努力去巴結佢地...不過我又唔得丫....佢地果班真係好爛...
食煙飲酒爛賭爛口~樣樣我都唔多好....算把la.....

>>November 2, 2004 at 4:53:10 AM GMT+8

2004 年 10 月 30 日 星期六 【晴】

最近果幾日返左11點之後~搞到lee兩日都早左起身...
難得放假~點解唔可以好似人地𤍣到4-5點先醒ja~
起左身又唔想打機~所以就開電視睇la~睇左兩集睇過o既棋魂之後~
就開始上網睇野~
哈哈~好無聊呢~因為前排被人洗晒d珍藏....所以...今日就上網搵la~
唉...只可惜~雖然有d係近日先搵返黎~
但係舊d果d~唔好話上網見到就吃果d la~因為真係唔見一排就一定搵唔返架la~
至於好似水月果套CG就真係...都係唔洗望la...仲有代表我果張美耳都冇埋個原圖....
結果真係成日都響度搵~勁dl勁dl~
好就好在搵到d新囉~唔好o既咪....真係搵唔返我以前最喜歡果幾十套果幾百張囉...

>>November 1, 2004 at 2:43:20 PM GMT+8

2004 年 10 月 29 日 星期五 【晴】

今朝~睇埋個花右京女庸隊o既最後兩話~之後咪睇下花右京女庸隊二囉~
睇左第一集之後~有d唔想睇o既感覺囉~
雖然話就話係第二集~但係佢又重頭講過...而且都好似冇咁好笑~
大概都只係重整一次個故事同d畫ja~
睇完都上網睇野算la~等到12點就睇魔世小金毛la~
因為未換衫~所以今日就差唔多成點先出門口~而且落到去又冇車喎~

返到學校~換完衫就出去比人罰la...
比人罰左我出去跑10個圈~不過我都慢慢黎慢慢黎咁~
今日又開始沮lu~跑完就上堂la繼續~
不過今日其實都冇咩野做~都係練下腳咁~
我地休息o既時候~阿水先返~都兩點幾la~佢帶埋佢條女~仲有果日果條女~(唔知咩名la...)
蔡蔡佢地真係幸福la~有運動會~嗚....好掛住以前果個啦啦隊妹妹呀~今年佢都f.3 lu~

就快放學la~咁今日有得打free fight la~
見咁耐冇野我都要做下野la~今日打左兩場~正確黎講都係一場囉~
第一場同阿誠打~咁我地大家都唔會點出重腳~所以都係走黎走去~
所以當熱身囉~咁第二場係因為師兄剛剛打完~咁蔡蔡又想同佢打喎~而師兄仲未回到氣~
結果我就頂左佢個位la~
真係太耐冇打lu~大家都只係用turning...而且又唔比上頭~
大概都係硬砍~不過次次都係我有事...佢地多數都係單q右腳~我就最近就比較用埋左腳~
所以...我左~佢右...重傷o既當然係我la~

佢地打多幾場~之後就放學la~
本來就去食野o既~不過阿水就同埋果兩個走左去~而其他人又冇黎~
所以得我阿誠蔡蔡3個人去食la~食食下肥董打黎~叫我等佢喎~
我問佢響邊佢話響青衣~佢都傻傻地架...而且仲叫我去打機~明知我都唔多會打機仲叫我去....
本來講好話聽日去海洋公園架....因為我想去睇下果個鬼屋....
不過成班仆街話貴喎~好柒囉~你出得去玩就預左架la~而且佢仲話開頭意謂幾十蚊張飛....
又話肉痛又乜又7咁~你問屋企鮏都痛的話~我用自己錢咪要死~?
佢仲叫我唔好去~叫我去打機~佢都痴線架...打丫打丫~你返屋企打飛機la~

傾傾下果日果條女打比佢~之後肥董膊埋佢喎~佢兩個傾la~我唔出聲~
之後肥董就叫我~我咪應囉~果條友就話~肥家好似好憎我咁~
肥董就加句~係呀~肥家係好憎d唔靚o既女仔(大概係lee d說話~)好彩佢聽唔到ja~
不過我發覺肥董同阿水兩個係響我背後不停不停不停咁將我抹黑...
我都講過9萬幾次la~我唔係討厭果d唔靚o既女仔架~我唔出聲代表討厭的~
而我所討厭o既係某種癡身癡世極度外向o既性格~同埋一d奇裝異服~
以上兩種~通常阿水d女性朋友都係~所以我都唔多理佢地~你唔好搞我得架la~我一定唔理你做咩~

最後我阿誠蔡蔡3個勁傾~傾到6點幾半到先走...
搭搭下車收到個電話~唉...今晚又冇飯食la~不過響樓下ok買左個三文治~
因為剛剛食完野~大概小小都頂到我𤍣la掛~

>>October 31, 2004 at 4:31:10 PM GMT+8

2004 年 10 月 28 日 星期四 【晴】

今朝無聊~就開左個花右京女庸隊黎睇~
喔~睇落又幾正啵~勁搞笑的~
睇左7集到先出門口~之後就返公司la~
今日都冇咩野搞~一返到去就同阿武響度界箱~超無聊的....

下午食完飯就去𤍣la~不過又係好似平日咁....
𤍣得3-4個字到....算la~好過冇~
下午分埋果幾板野都已經冇野做la~之後阿奇果邊就響度融合~
我就同草猛兄弟一齊界箱la~
差唔多6點~我地開始食飯~但係阿旋收到個電話話今日收6點...留兩個...

唉...今日得180 ja~而且睇到下個月更表...你老虎丫~又係返2喎~都唔知佢咩事...
返到大埔la~我一個人走左去大中~咁見到有書買~就買左3本la~
之後買左一"踏"碟~再去埋百佳買左兩枝噴噴....咁就冇左兩舊水la~

>>October 31, 2004 at 3:32:27 AM GMT+8

2004 年 10 月 27 日 星期三 【晴】

嘿嘿~今朝1返11點la~
其實真係好正~因為朝早果幾個鐘~感覺上係最好過~
下午食完飯就去個"床位"度𤍣~雖然我都係𤍣唔著~𤍣左一兩個字就醒左~
不過搵個位攤下都好丫ma~

lee排阿豪都好似唔返~不過糧果方面就阿樂幫佢轉交比我地~
今日收8~咁就同阿達螳螂佢地走la~一齊飛的去火車站返屋企la~
其實我響公司已經食左飯la~但係阿媽又有煮飯喎~
都唔知點好....算la~人地煮左出黎唔食係好冇禮貌架ma~(雖然我都冇乜架la~)
所以都硬著頭皮食埋佢....

>>October 30, 2004 at 2:41:35 AM GMT+8

2004 年 10 月 26 日 星期二 【晴】

琴日肥董同阿水打黎問我唱唔唱k~不過我自從上左中一之後都好似冇去過lu....
但係見佢地話有女喎~而且仲話有適合我o既年齡層面o既女~
所以我就應承左佢地話去la~
不過搞到今朝要好似琴日咁~8點半就起身la~但係都係一樣la~8點到就醒左la~
呆左一陣之後就換衫果d~
之後就9點11出發la~唉~估都估唔到我最早到~之後等等下阿誠就到左la~
我地就期待緊有咩女會響我地面前出現呢~

阿水已經遲左7分幾先打黎話下一架車先到....
佢黎到又話響第6卡...去到~真係有條女喎....不過....冇野好講la~
而且其他人都遲到....小喇叭丫~踏7先到喎~早知就遲d先黎la~
的而確且係有女o既~不過都係一d連街頭庸俗貨色都不如o既女...
又有兩個一個懶型~一個就癲癲得得o既仔...估唔到我果界走左之後~d lv跌到咁低呀....

幾經辛苦就到左la~um...睇上去果真比以前o既好~
一黎到~果個高o既就開始la...大家當然係耳仔受罰la~
不過其實都係大合唱...幾十人拎住個米一齊唱~不過見到果個男仔真係有d不爽~
懶係型咁~或者佢係我討厭果類型la~如果你話我見到阿樂~我到e+都覺得幾型架~
之後都係飲飲食食一番之後又繼續la~
因為我就走~而阿誠就要搵個人陪佢唱~果個當然係我la~因為....大家都可算叫做坐埋響同一條爛船...
haha~個死仔簡埋d女歌~但係咁樣都唔錯~因為唱得唔好都冇問題la ma~

結果我就響12點11鐘~放低左40蚊就走la~
好似好唔抵咁...都叫做食左個飯~不過睇住d勁嘔心o既野食...
不過好o既咪叫做見識下e+ d k房囉...如果有機會我都想一個人黎~
因為人多始終都唔知點咁....而且我都比較喜歡一個人做d咁o既野~
去到沙田都係好早ja~咁我就去一去個廁所等唔好咁早返公司~
之後踏半就去到巴士站~竟然見到阿豪喎~好似都好耐冇見佢lu~
而且又聽到d唔知咩人話佢唔做....

今晚收8~咁就同螳螂阿達3個人飛的去搭火車返屋企~
不過返到屋企~個門鎖好似爆左咁~我問阿媽咩事~佢又冇答我喎~
之後我就開腦la~阿媽就打比唔知邊個傾~死la....佢傾傾下好激動仲喊左出黎....
喊當然係發洩o既最好方法之一la~所以我都冇必要做d咩~
聽聽下原來係阿爸搞成咁...一個男人點可以搞喊女人呢....
佢果然係非常差勁的....討厭啊~!!

>>October 28, 2004 at 3:50:05 PM GMT+8