2005 年 3 月 14 日 星期一 【乍雨乍晴】

琴晚𤍣唔著呢....可能因為早早就𤍣左陣~點幾上到床就眼光光咁...
等左幾個字~𤍣唔到就睇書la~睇埋果半本死亡筆記~再等多半個鐘到先𤍣得著....
但係今朝又7點幾起左身啵...同樣係出廳𤍣到咁上下先去換衫~
之後因為記得八達通有錢就去左ok入錢~順手就買左d野飲野食la~
上到車~唉...平日坐開個位比人霸左添...今日真不順利...

返到公司~咁今日阿健就放假la~我就唔知點咁~
個身又痛~而且都有d唔舒服...好彩直到12點3到之前都比較平靜~d人黎得又散~
所以都冇咩大問題~至於12點3後其實都談不上什麼~只是我就好唔舒服...
個人就死死下咁囉....今日洗盤~咁就阿俊洗~我就清場~佢洗完我就拎入去衝水~
我發覺做洗果個都係好d ja~咁衝水o既我又唔可以開水開得太大~
唔係就會彈到我成身都係~
咁o岩我又有野搞喎~之後洗碗果個阿姐就幫我衝~真好呢~

今日又收4點la~4點...我行到出去見到班車...其實我跑兩步都已經追得到架la~
但係真係有d唔想郁~而且...lee樹風景都不錯~至少...勝在夠多~
上到車~坐開個位又比條粉皮霸左...雖然就好眼𤍣~不過都堅持到去鑽石山果度先開始𤍣~
返到屋企~好似冇咩野做咁...之後7點半到收到個電話話比我知冇飯食...
咁我就諗左半個鐘到~睇下落唔落去la~結果都係冇落~
至於今晚o既晚餐就好似d早餐咁囉...4塊得一半o既火腿...同一隻蛋....
加上屋企仲有d曲奇~咁就一餐la~

電視都睇晒la~到聽電台o既時候我就𤍣著左~
一𤍣就𤍣到點幾~起身冇耐家姐就返黎~咁搞左d野先去沖涼....

>>March 15, 2005 at 6:13:12 PM GMT+8

2005 年 3 月 13 日 星期日 【乍雨乍晴】

終於都可以𤍣到最後一秒la~不過出到廳開左個腦都係𤍣~
8點9就起身換衫la~呵呵~家姐今日終於都有工返la~而且仲比我早走添~
真好呢~小b可以安全地等我返屋企了~
突然好想買d野飲啵~雖然遲左小小出門口~但係都好小理~遲果小小係冇問題的~

落到ok~唉...冇咩平野飲添~只好局住買d貴架la~
見到佢又有芝士蛋糕啵~上次吃左個原味~今次就買果個朱古力味~
好彩架車冇咩人ja~慢慢食都仲得~不過...原來朱古力味係唔好食的....

返到公司~又開始工作了~阿健又遲到la~佢返黎之前又出左16圍...吹波呢...
唉...家下真係重傷la...琴日都冇咩事o既~不過今日d根呀~d關節位呀~個肚呀~都勁痛~
本身可以收3點我兩點半就快快手手都搞掂晒佢la~
收兩點半...真係完全唔掂la~風景又冇得睇~錢又小左喎...
就算返到大埔呀~都冇人o既...得d阿公阿婆...唉...學生妹呀~~~~~XD

痴左線la...屋企有個薯片~有朱古力~有豬肉乾~
咁無無聊聊見到有野食...又冇野做~咁...食食食食食...食到飽飽地囉...
最近真係...唉...我要死了.......................

討厭呢~某某人又要icq add人話約阿sir出去吃飯~
咁我當日問返又冇反應~(我又冇追問la~)
咁ja係唔預我la~唔預我ja係當我冇到la~今晚...我要咀咒你~~~~~~~~~~~~~~~~!!!!!!!!!!!!!!!!

>>March 14, 2005 at 2:00:35 PM GMT+8

2005 年 3 月 12 日 星期六 【乍雨乍晴】

琴晚𤍣唔著都成3點幾先𤍣...不過今朝7點幾又起左身la...
本來就打算搞埋d野就𤍣架la~但係又𤍣唔著囉...
響個廳碌到咁上下就換衫la~換換下家姐就走左出黎....雖然有得用阿媽間房~
但係...冇得搞d小b了...
同平日差唔多時間出發la~行行下阿誠打比我~開頭我都意謂各有各返~
原來佢地約好左lu喎...咁我行到去阿庄同阿榮就去左買野食~等到佢地返黎都有車就出發la~

返到公司果頸勁大風...又凍喎...死人呢...
一返到去~阿雄已經坐左響度la~原來佢返早~真好呢~我都想返早呢~
咁食完飯阿健先返~呵呵~今日咁多人~真好呢~
唉...今日要我戴果個死人walkie...ja係戴就唔係問題~不過就比人潤囉....
咁我剛剛叫左出黎阿雄聽唔到ja ma~咁阿肥佬就串我....之後我咪發狂囉~
做到中段~咁我出完再入返去咁阿雄去左廁所我就入去拎野la~
阿肥佬又潤我囉~我有d不爽囉真係~但係今次我有得駁佢囉~我話~
大佬~你估我唔洗做咩~我又要出盤菜又要收盤菜咁多野搞~好似你咁咩~
之後佢都冇聲出la~而且廚房果個阿姐都幫~(順返條氣~)我家因我同佢o既工作剛位根本就係唔同o既~
(呵呵~又有人讚我個頭型la~不過....頭髮長了...好難打理呢~)

死la~阿誠佢地響度我真係有d失控囉...開始針對住阿健串~
但係有時就真係好難忍口o既....而且好多時我都係不自覺地串左佢我都唔知...
算la...一個星期都係對佢五日ja~況且佢都唔做得幾耐~
今日就收2點半~本身就打算等到3點o既~不過阿俊睇住....失敗了...
之後我地又去左麥記食野~食完野就傾左陣偈先走~
咁我要去買書就叫阿誠陪我~阿庄本身就唔多想架la~不過阿榮又陪我去佢只好跟la~

行到過去之後就向信和出發la~去到平日去開果間野~
咁就買左本pc game書同兩本o既~買完佢地又冇野行~所以我地都走lu~
冇野傾就好怪o既~咁講講下我就同阿誠講~我一直堅守o既原則看來要打破了~
佢就唔係咁贊成囉~um...其實我都唔係咁想~不過...我都成18歲la....
雖則就唔係真係好大~但係都樣衰la...如果你真係唔想我咁~你就彈d高質素o既過黎比我洗住先囉....
不過我諗都幾難~有苦自己知la~
而且咩香港女多男小~有春用咩~琴晚聽乜野地獄~果個女仔都打去話~
一個樣子普普通通~但係就識小小影相~都可以一腳踏四(或以上)船la~
而且佢都係冇隱瞞咩事實...你話la...你一個玩幾個咁...幾時先輪到我呀....而且到到我手都唔知第幾手lu...

返到屋企~個腦比人霸住...只好睇書la~今晚打邊爐~食完野~睇埋獎門人先有得用...唉...
而且我都好耐冇吃圖了...一次話吃太多真係會暈呢~

今晚睇到一出戲~係幾好睇~叫做3人愛過界~又好笑又感人~真係好想有個女呢XD

>>March 13, 2005 at 5:29:08 PM GMT+8

2005 年 3 月 11 日 星期五 【乍雨乍晴】

痴線架....又7點幾就起左身喎....本身就打算𤍣返~
不過家姐走左出黎...所以都冇去𤍣la~咁就玩aomt la~玩左陣就搞下個ro~
搞到12點就睇魔界小金毛la~呵~終於都比我等到了~上星期又冇得睇...真討厭呢....
又係睇完先去換衫~搞到又係遲晒la~都差唔多搞到成點先出門口~
討厭呢~又落雨la~唉...個頭又未乾~加上要拎住把摭...頂到佢都可能會塌下來...

返到學校~雖然係遲到~但係都未開始~佢地只係練緊腳ja~
咁一眼睇晒~加埋我都係得7個人.....真係小貓三四隻lu...咁都有原因o既~
阿誠同阿裝比我叫左去六福記~阿水又考mock...蔡蔡同問題少年又要會考~
咁卓卓可能因為阿裝冇返就唔返la~阿為就...唔知佢lu~

上上下堂~對面個"羅定邦"有人望過黎~咁我同師兄一組又企響最出~
佢話比我知有女喎~係喎~真係有3條女~唔知點解呢~一返親跆拳d手手腳腳都好似有問題咁...
一係搞下人~一係就發黎發黎去咁~咁我見到有人咪揮下手囉....
哈哈~佢地又見到我揮手啵~之後佢地繼續睇~我地就繼續上堂la~
見到佢地行開左~我同師兄咪望落下面囉~佢地好似想走啵~但係搞左都有成半個鐘都唔知搞乜...
又行返入去喎~
咁其實我之前都想大叫過去架la~不過miss響度~咁就唔係咁好意思la~

miss走左之後~師兄就帶師姐剛剛帶返黎果個朋友~
哈哈~周兄都對阿師姐帶返黎lee個有d期望~我都講過架la~唔好咁大期望~
嘿...果然....咁我就帶佢地~阿周兄依然望住對面個門口~我就帶la~
到我帶完佢地都未出返黎~最後就做體能la~做完就落堂la~
換完衫~見到有個....唔知咩樣la~咁阿周兄好似就有d興趣囉~我當然陪佢玩到底la~
狂叫佢望上黎~可惜...係冇望上黎的...
其實我都成日諗~如果佢個樣超弱氣的話...我點應付呢~?同icq玩online game一樣~
佢出到黎個樣超弱氣咁又點呢~?我都有經驗o既...(太多類似的故慮了...)
咪就係佢唔問我野我唔理~睇下有咩位講下d廢話咪講囉~講真...再出都唔想了...
(其實樣都係其次~一黎我自己就悶la~二黎佢都係悶啵~三黎...佢講d野...好似話講自己就考試咁...我點答人呢~?)

放左學la~咁我同師姐果d去食野la~之後我咪屈佢請我食野囉~
唉...其實同自己比冇咩分別~下次我請返佢囉要...不過就益左肥仔~師姐請埋佢~
要講多謝的話...應該係肥仔囉...
食完傾左陣偈~之後5點到就走la~本來我就同肥仔一架車o既~不過佢就唔知話咩搭咩k咩喎...
我理得你丫~我自己搭囉~上到車~你老虎丫~有兩班人響度勁嘈....
我開行個機都仲係聽到佢地嘈...討厭呢....

返到屋企~見無無聊聊就開個aomt玩la~玩一打二~
雖然我之前好似win過一次~不過.....e+都係打到均勢ja~但係人地多我咁多~輸係正常的...
家姐返黎la~今晚冇飯食佢就叫我夾錢食kfc~我就冇咩所謂o既~
之後佢返到黎就要搶我電腦玩la~算...我都冇野玩~比佢la~
咁咪睇電視囉~個丁丁今日真係強悍呢~第一個果個跳果隻舞真係跳得幾得架啵~
有個男扮女妝果個真係強呀~佢剛剛出黎我都話...lee個男仔黎架~咁似果個咩屋果個男主角o既...
之後影個大頭又唔多似係男丫...到尾先知~原來佢真係男仔黎架啵...真羨慕呢....

終於都睇到拳霸la~老實講~如果睇一次的話會好好睇~不過你叫我特登去睇一次就唔洗la...
動作就一流la~故事就一般般ja....
咁睇完la~我聽日要返工~我就打算早d完成個日記la~不過個腦就比人霸住...
你又搞埋d無聊野我真係火都黎埋...你冇野做聽日大把時間la~你搞成個鐘先比我...真係吹波la...

唉...腦海裡經常重複我有點討厭的關心妍o既一隻歌....慘得過我...睇完歌詞咪明白架la....

>>March 12, 2005 at 5:08:42 PM GMT+8

2005 年 3 月 10 日 星期四 【颳風】

又7點幾起身...碌下碌下都碌到8點9就去換衫la~
換衫前就吃藥la~其實我都諗緊~果粒係咪安眠藥呢~?
但係之後又有粒一日一粒架o既藥架啵~唔理lu~食左先算~
食完~個人真係暈暈地....換衫果陣都差d暈...

上左車la~好快就𤍣著左...唉...本身因為暈暈地咁去換衫已經搞到成9點半先出門口架la~
e+仲搭車搭過龍...好彩都唔係過左好多個站ja...但係返到公司都已經10點11了...
阿雄今日有返~真係好呢~其實今日都幾強~不過我地今日都算多人~同樣係冇咩感覺呢~
其實做就唔係問題~不過果個阿姐成狗日阻住我....真係火都黎埋~真係想鬧爆佢...
阿雄就收兩點半~之後阿健就收左3點~我自己就留左響度~
咁其實都冇咩野搞~但係我又搞到3點半~所以阿俊叫我食埋飯先走~
我開頭就自己搵野做la~但係已經搞到冇野好搞la~所以就問阿俊有咩好搞la~
結果就去左抹窗~早知就"吞pop" la~企響度抹就真係搞到個人玪晒咁...坐下咪好囉...

食完飯~之後仲有d手尾跟~所以搞埋先走la~
響架車度都係死左的~返到屋企都差唔多6點lu~返到去都冇咩野做...
行行企企碌來碌去~都搵唔到d咩做~見咁無聊就開左個aomt玩~
玩個故事la~之後玩到8點就睇電視la~

今日係咩咩西o既結局~呵~之前有d覺得唔係咁好o既~
同果個咩花一樣~但係兩出睇落都幾好睇~
不過...個結局感覺上佢就有d惡搞...lee個就係果個個女~但係lee個又變返果個女喎...
真惡搞呢...
家姐同男朋友響電話炒呢...真邪惡...

一個無聊的咩la~http://msn.veryname.com/fate/name/star/standard/index.php~

完全相反囉

2005 年 3 月 9 日 星期三 【炎熱】

唔知又痴左邊條根...7點幾就起左身lu喎~𤍣唔返la~
本來打算出聽就𤍣到o既~不過又𤍣唔著就玩腦la~
咁其實我就冇咩玩d咩o既~只係想入隻歌入個電話度~
係一隻十分可愛o既歌~遲d upload比大家聽下~
因為咁樣~你知la~果條usb線send野就真係超龜速o既~
而且去到一半又cut左啵~搞到我為左佢而遲左出門口~不過...都冇所謂la...
只是不太過份都冇問題~

返到公司只係31分ja~不過都已經開始食飯了~但係d人就失蹤晒...
阿俊就食完飯先浦頭~阿健都係唔見影囉....
過多冇耐~佢就打比阿俊話唔返~之後唔知講講下又話佢唔見左個銀包返唔到黎...
我心諗~都唔知係咪o既~唔想返就講d咁o既野咋...
算la~雖然今日強勢~雖說係冇左佢~但係都冇咩感覺~好似同平日差唔多囉...
可想言之佢存在o既價值...真係可有可無囉~

嘿嘿嘿~今日收4點半呢~其實我就可以收5點o既~不過...我又唔係咁好意思留到5點...
咁阿媽打比我要我落舖頭幫家姐買飯...
落到去la~打返去問佢想食咩~佢竟然話~你比20蚊我得la...
你老虎丫~昆狗左我落去添~我又諗唔到食咩喎~搞到成6點到9到先走得...
返到屋企就食飯la~冇野做就吃圖la~感覺上好耐都冇吃過圖了~
今日o既收穫依照多....

10點就聽電台la~好邪惡呢~上星期有一隻聽完會自殺o既歌~今日都有~不過中文版~
我聽完依舊係冇感覺的...不過...當佢一開始做節目o既時候...我o既感覺只有一個字...驚...
好可怕呢~今日又講一本書~日本禁左的~叫做牛頭~
其實聽到佢地介紹都一般ja~因為禁左~而且只係聽佢地介紹~所以冇咁恐怖掛...
哈哈~白痴的~11點幾我聽到一半𤍣左喎...好彩我11點到半就醒左la~
不過....起身同樣都係感覺到一個字....驚...

星期日見過猩猩之後~聽到佢近日o既狀況之後~
我突然都有個奇妙o既想法..."不如求其搵件算la..."
老實講~我當然係想一擊即中la~但係...眼見猩猩都已經...............
我自己又....咁....我係咪應該努力(?)d呢~至少...搵個目標先囉....

(這個是猩猩啦~)

>>March 10, 2005 at 5:07:13 PM GMT+8

2005 年 3 月 8 日 星期二 【炎熱】

真係唔多願起身呢~家因個腦又上唔到網...所以又拎左張被出廳𤍣la~
佢兩個就差唔多時候出門口la~我就好似好怪咁...我就𤍣響度但係佢兩個就行來行去咁~
我都差唔多時候換衫la~佢地就出左門口la~正~阿媽間房冇人霸住~
所以今日個頭都比較強勁呢....

出門口la~落左ok入八達通同買野飲~之後就去搭車la~
可能剛剛𤍣得太耐~所以響架車落都𤍣唔著呢~
返到公司就食飯la~食食下阿健就返黎la~返到黎就搵阿俊~不過我都見唔到佢~
喔~原來佢唔見左個電話呢~呵呵~借比佢打左次去~個電話已經關左機了....
關左機的話...意味著你已經被一個冇打算比返你o既人執左la....
咁其實比我都關機先la~6230啵~雖則就唔係好勁~但係...e+買都2千幾架~
賣出去又好~自己用都好~點都好過比返你囉~銀包...都話會比返你丫~最多都係拎晒d錢ja~
唉...好煩架~成狗日問我借電話打比人...

今個3月節都可算超弱氣lu~客就唔係好多~都只係得百多圍~
阿健就食左丸仔~所以都好精神~呵呵~雖然唔可以話有咩大o既得益~
但係就比平日好得多囉~
唔知d客係咪叫做唔通氣呢~?真係死唔斷氣咁~停左又黎一兩圍~lee個狀況持續到兩點幾~
本來我就打算收3點半~但係...響兩點10到阿俊就話收3點la....只好加速搞晒佢la....

放左工la~今日都係冇去買野食la~上到車其實就有d眼𤍣~
但係又係𤍣又𤍣得唔係咁順咁~吐路港又冇咩風景睇...只好閉目養神la~
落車la~本來就打算買ok果d佢所講o既芝士蛋糕o既~不過又冇晒喎~
唔...入左去運吉感覺上真係樣衰呢....
返到屋企~都係上唔到網呢~無無聊聊就開左個aomt玩個故事la~
家姐無lala打返黎問我上唔上到~之後佢就打去有線果邊問下~
佢打返黎就叫我完全cut晒d野佢~之後等十分鐘~
做我有做呀~不過等唔到果十分鐘囉...結果我見到佢都係唔得...但係我見到個制咁~
既然唔得就禁下囉~呵~原來關鍵係響lee個制度喎...成功上網呢....

今晚又一個人吃pizza~真爽呢~不過就冇果個肉丸同薯蓉...可惜可惜...
而且又吃左好多好多吃~唉...我個人越來越悲哀...
咁ro又有野玩la~玩左陣都係掛返b算了...無無聊聊就睇下人地d info 咁囉~
呵呵~見到有人抄我d野呢~比人抄~真係要睇邊個~睇下感覺上有冇價值~
咁...果段野被抄都算叫做o岩用~?寫得好~?咩都好la~有人用就真係...好彩我老早改左ja...
最近都比d歌呀~戲呀咁吃左個info...得閒都要改下先得lu~

小的邪惡髮型的背面~


>>March 9, 2005 at 3:03:04 PM GMT+8

2005 年 3 月 7 日 星期一 【炎熱】

唉...傷風呢~鼻塞塞咁樣真討厭呢....
因為塞住塞住好唔舒服所以就去左ok買d勁薄荷o既物品通通佢la~
呵~見到d飛粒子勁平呢~本身就想買最勁果個o既~
不過見到佢8個幾...只好買lee個潔齒果個la~平丫ma~5個幾呀~
之後仲買多個野飲la~見到個蔘蜜又特價喎~而且又未飲過...
買左飲左啖之後...我後悔了...家因我吃不消果陣苦味...
本身我就係勁討厭人蔘果d味o既~不過因為今次太失策了~意謂係甜甜地~
所以咪買囉~(偶是小朋友口味的~(根本就係小朋友...))
目前只好硬著頭皮飲埋佢la...

返到公司~換完衫都食得飯la~食完飯都係等佢有野做la~
果個阿健今日放假~如果係閒日的話佢放我覺得係好o既~不過~今日係婦女節~
咁大陸o既婦女節係十分之咁強悍的~一放就勁放~
有人放就會去旅行~去旅行就會落黎香港~落香港就會黎吃盤菜~
咁佢黎吃盤菜就ja係要我做la...我記得上年差唔多日日都二百圍以上...
所以我都有小小驚...
結果呢~都係百幾ja~做都只係得一小段時間十分忙~所以忙完都冇問題了~

嘿嘿嘿~好似好多野搞咁呢~我清完場之後就同阿俊整老鼠膠la~
呵~又整la~果陣\味都真係幾勁...我發覺自已對氣味lee樣野比較敏感~
好似話平日d客食煙我都有d頂唔順...(可能勁過頭la~食到好似火燭咁...)
"敏"完落去之後就出發放上d假天花la~
基本上就唔洗我做o既~因為之前有嘉然搞o既~e+都係阿俊搞ja~
但係....打死我都唔做la...萬一見到d中招o既老鼠...我都唔知點好...

呵呵~收4點呢~lee個時候放工真開心~搵又搵多d~
放工時又多"風景"睇啵~雖則就唔係好靚~但係...勝在夠多...
其實就冇分別o既...因為太眼𤍣了...所以都會不自覺地𤍣左o既....
鐘左一鐘~咁醒左一醒又有個女仔坐響我對面啵~
我諗好多男仔都知~睇後面係睇唔出果個女仔係咩級數的...
家因背多分大行其道~通街都係架~不過我又好奇想睇下係咪真係靚女啵~
所以都有d專注咁望住佢~都係等佢個頭"令"到比我見到~
等等下都唔等了~去到鑽石山果度就𤍣la~返到大埔~我再等~
終於都比我等到la~冇錯~大家都知我係失望而回的...

返到屋企果頭la~本身就想去買野食o既~不過行行下又唔想去啵~
嘿嘿~好彩我冇去買ja~因為返屋企o既時候~見到個都幾好樣o既女仔~
我果身便服同那個邪惡的髮型響星期一至五都比較注目的~
等o既時候~上去o既時候都...........最衰我住2樓la..........

返到屋企~唉...唔知搞乜春....冇得上網...
算~我睇電視~我發覺~原來我又好似睇過lee集啵~(di gi charat~)
但係...點解上星期又好似未睇過o既呢...真奇怪...
今晚吃麥記~咁我仲好記得以前d餐號~不過...e+果d就唔係咁記得囉...
所以...我想要o既孖芝變成豬柳蛋....錯有錯著~好耐都冇食過~都幾好吃呢~

>>March 9, 2005 at 10:59:43 AM GMT+8

2005 年 3 月 6 日 星期日 【乍雨乍晴】

𤍣得4個幾鐘...勁唔想起身勁難捱呢...不過到咁上下都要換衫了~
上星期10點有得聽鄭輝個節目~不過今個星期到細so做好明天~冇計la~
點講我都唔係咁得d國語歌~唔係話唔鍾意聽佢做節目o既~不過....
換左電話有得聽mp3又唔同講法架laXD~

返到公司~阿健死左響個卡鐘門口度~打完卡換完衫叫佢食飯佢話唔食~
不過阿俊叫佢佢又過黎啵~樣衰la佢就~玩左兩晚通頂~(其實佢有𤍣到我覺得冇咩問題ja~)
食完飯都係咁等la~11點到12點半都超弱~意謂佢又比我經歷超小圍數o既日子添~
果個阿健話想收早~冇錯~慢慢做其實都係可以做到兩點半到~
但係佢話想收早的話不如同佢地講話早走la~而且阿俊走左~你走左的話我可以收3點囉~
本身佢就話唔想講架la~不過阿邊個走埋黎我咪同佢講囉~(返黎都有半個月多都唔知點叫佢...)

呵呵~佢終於都走左la~我就慢慢黎la~搞到踏10到我就拎埋d野過水吧~
嘿嘿嘿~有野食呢~我唔知佢果隻係咪真正的飛碟~(某食品~)
因為以前做果邊~我地叫外賣有個叫飛碟~又係...ja係...有d三文治咁囉~
食落都唔錯o既~不過我就比較討厭午餐肉...冇左佢我諗會好正~
換完衫~去埋個廁所都3點la~不過個卡鐘都係56分...唉...你老虎丫~點解慢成個字架....

返去la~我係冇去買野食果d o既~不過行過去果邊係望住架車走囉....
咁都係等左十幾鐘~上到車真係有d暈囉~睇左陣風景都頂唔順...我要𤍣了....
到大埔la~要落舖頭呢~因為要幫阿媽佢搞返好個電話同埋我自己都要拎返d相~
咁落到去就搞la~um...我真係不太識....但係電話o既野搞搞下就得架la~
整完之後就叫野食~本身又係想叫個吞謭魚三文治o既~不過佢地極力推介果個~
吉豬沙律~聽到吉豬就....我驚佢係果d好似石頭咁硬o既所以就有d唔想食~
不過~又冇雞排喎~咁就唔理佢la~

返到屋企就食la~喔~真係幾唔錯啵~食完之後就玩個腦la~
lee幾日都冇吃過圖...所以一吃就吃左好多...睇都睇到眼花...
呵呵~今晚睇功夫呢~本來我就覺得睇唔睇都冇咩所謂o既~有就睇囉~
冇咪等無線做囉~睇落都有d幾好笑o既~但係講佢同果個啞妹果度都真係幾感人的....

>>March 7, 2005 at 4:58:01 PM GMT+8

2005 年 3 月 5 日 星期六 【乍雨乍晴】

遲左起身添...本身剛剛好架~不過...又𤍣返ja ma~
好彩都8點半起身~打比阿誠就剛剛好la~之後我就搞lee搞lu咁~
搞到咁上下先換衫~換完都9點3到la~打比阿莊~但係佢都出左門口lu~
因為我要搞個ro...而且去左禁錢...再因為今日個喉嚨仲痛緊去左買喉糖...
結果我係遲到的~雖然係比人怨~但係...都係果句la~吹波呀~!!

返到去公司~阿俊又唔響度啵~咁就食飯先la~食到一半佢就返黎~過多陣阿雄先返到...
咁我地食完就帶佢地去換衫~換完衫之後就搞野la~
不過都冇咩好搞~因為都未有人黎...講解左d野比佢地知~不過都要等有人黎先得o既~
咁果個咩健就成11點半先返到~佢仲話想開多d鐘喎...你日日咁遲~你開條毛咩~
阿雄都同我講話佢d口吻好有錢仔~而且做野都唔掂~我就絕對認同la~不過都唔理佢....

本來今日都幾開心的~而且阿肥佬同阿健佢改個7彩lee個外~
我地當然讀到柒彩la~咁阿俊就比張糧單我la~佢想一手搶黎睇~
但係又搶唔到喎...我捉得好緊la...雖然搶唔到...但係張野就比佢鍮到....
我當時就爆左句~"你濛架~"加左句(唔記得咩~冇粗口的~)其實想開頭講完果句就想笑出黎o既~
不過又笑唔出咪鬧鬼佢囉~之後阿俊就捉左我出去出面講經~
佢同我講果d出到黎做野唔可以點唔可以點~我知丫~不過我唔理ja ma~
況且~e+我唔鬧佢第日都有人鬧架la~(其實我不嬲都有d想鬧醒佢架la...唔好咁天真la~)
朱仔以前比我鬧完都醒左好多la~e+~我都係做福人群ja~講真~我轉個頭就冇事架la~你驚咩~

我就叫佢地等到踏4先打卡o既~不過阿誠就自己打左....阿莊就用左黎示範點打卡~
唉...好賤架~我地等左陣ja ma~踏4去打卡阿俊走出黎話計3點喎...咀咒你~~~~~~~~~~~~~~~~~~
咁我地幾個就去左果邊麥記食野la~呵~好耐都冇黎呢~果幅我好想影o既畫仲響度啵~
不過今次都係冇影的....咁因為我約左猩猩所以我地就坐左好耐先行~
5點到先出發~行過去就好快ja~去到果邊都係5點7到~
我同阿誠就部佢兩個買褲la~不過都6點la~我打比猩猩叫佢等我一陣~
之後佢地買完我就行過去信和等佢la~不過到猩猩要我等la~佢去禁錢....

等左佢個幾字之後就到la~我地落左去睇書先~我就買左4本囉~本身就多d o既~不過...下次出黎先囉~
我買完就到猩猩la~佢就上左去買ps2 d碟~簡好左都要等~所以就四維行左陣~
拎完佢就陪我去買usb線la~咁去到先達~都係行左陣ja~好快就簡左間野落買la~
買完其實就打算去食飯o既~不過目的就係去睇猩猩舖頭囉~
經過之後我就話返大中食~咁就等車la~
喔喔喔~好耐都冇同猩猩傾計了~我發覺佢都成長了不少~不過自己就...停滯不前咁...

我地去到大中la~又去左果間奧門街食~咁食完野我地就狂傾la...
可能lee排小左講野la~而且見到猩猩咁樣...我真係唔忍心囉~講真~自己未發力住都想d兄弟好la~
我講左好多鼓勵佢o既說話~有冇用我就唔知la~但係既然都做到果個地步~
我聽佢咁講~都知已經得米la~但係佢竟然e+先話放棄...係...我都覺得做人第三者就不太好la~
不過~如果係你的話~一定冇問題囉~過左真係追唔返架ma~後悔都黎唔切呀~
我地食完行出間野都係咁傾~不過聽日大家都要返工~所以都散了....

返到屋企就試下條線la~唉...但係失敗左...結果我家姐返黎我都未搞好~
因為有英文的關係~我係比佢搞到頭暈的~我叫佢幫我睇佢就幫我問人~
最後問就問唔到d咩呀~好彩我就聰明~自己搞掂左....但係因為搞一搞~e+都成3點半了...
發現左新技~邪惡的說....

(整體上黎講今日都係開心的~響公司同佢一齊又開心~放左工同猩猩行街又開心~
我同佢傾左咁多野仲開心~我真係好耐冇講咁多野了...得閒咁樣勁傾都幾好~
至少...都叫做講我最有興趣之一~同埋...我自己真係覺得我講咁多野係幫到佢~
做唔做同做唔做到就一件事la~但係...我諗佢都會諗下o既...)

>>March 6, 2005 at 7:39:15 PM GMT+8