2006 年 12 月 26 日 星期二 【颳風】

sarah & 十仔生日快樂~

返工~開工大吉,不過仍是放假心情,咩都唔想做,懶懶閒~不過,上班路上冷清,mtr train都幾吉~因學生不用上課吧~

copy~上去copy我既cert....apply大學嘛~點知歐陽姑娘有上黎,嚇我一跳~先幫她放大~

驗糖尿~歐陽姑娘出去活力操,中心好多活動盧姑娘盡多都比較少做~所以還是由我來吧~她工作多,planning多,報告又寫得多~

貼書仔~無野做,就幫下手貼錯左既地方~上幾個月都有貼過,初上班不久吧~

lunch~上唔到網~

中文班~得3個人,一個人因為沒帶眼鏡,回去抄,剩下兩人~冷清清的~而且個topic都好似幾悶~因我自己亦都係放假心態,都係懶洋洋~

tutor~都係3個人,做晒功課就溫書~都係懶懶閒~太慢的進度~

由8th行樓梯返home~哈哈~練氣,做下運動~不錯~

上唔到yahoo同hotmail,god~原來台灣南部地震~上唔到網無關係,因我上網都無咩野做,我只想check email~

>>January 1, 2007 at 8:14:23 AM GMT+8

2006 年 12 月 25 日 星期一 【颳風】

有太陽但都陰風陣陣~仍然係凍~

0330 sleep,11xx起身~

幸福及快樂其實好簡單,你睇下cyrena就知~又一個難忘的生日~著實為她感到高興~

陪emily~因佢同mummy都想換裙,所以就去了~點知兩母女都無換,哈哈哈~亦都約左度size及fitting的日子~似乎我又要趕緊買鞋了~emily mummy同auntie都幾nice~哈哈~真係好多野講,不過emily話在家中除外~

順便行下,遇上欣欣及小葉~想睇下爬玉山的equipment~心郁郁又入左giodano~個d equipment睇到我頭都暈,overlander又多人,又有陣味........又唔識睇,毫無頭緒~真係...都係遲d先~不過overlander袋款唔多~不過鐘意deuler個sharp & colour,great,要買返個~equipment都係問下各方意見~同埋睇下大家姐有咩先~

回家~整下呢樣個樣....咁就一day,明天開工大吉~

>>December 27, 2006 at 1:12:19 PM GMT+8

2006 年 12 月 24 日 星期日 【颳風】

joanjoan生日快樂~

踏單車~0400先sleep~不過10xx都起到身,先去拎cake再食早餐~由於沉醉左響叮噹的積木王國,所以遲到,點知有人仲遲~早知睇多陣先~有細米,我,cecilia,sandy,emily,大細ryan去~1130大圍等,不過1200先去揀車~都去到幾遠下揀~揀都揀左一陣~有一個小朋友真係太多表情,唔match佢既age,又懶可愛,真係.....,emily話佢大個之後係另一個鄭中基!!!出發去.....cool~

景點~先去景點take下photo~休息下....又熱又涼又有風~都算舒服既~~不過好易冷親~好耐無踩過好開心~呵呵~由於我都有做運動都唔覺累~由於cecilia有點不舒服,所以閒時我地都休息下~好多人,又有家庭車,又有一d一team人既,人地阻住我又激氣,我地阻住人地又尷尬~哈哈哈~anyway都ok既~期間....又潤我了,又話咩唔可以超越我....大ling姐....人地頭髮吹亂左,揚下個頭又串一做佢地就即刻訓低....作死~不過知佢地玩.....我都知大家都喜歡我,好多人都喜歡我,因我人太好了~死人大ryan話我係女兒身男人心~哼~期間阿cat找我,大細ryan好搞笑地等埋我,所以我都好快收阿cat線,之後又問下我佢既野,慌死我同佢有路,亦都怕我有危險~入到大埔,問下人,之後就搵返條路食lunch~

dinner~由emily介紹,去左一家酒樓,幾好味,又抵,不錯~如果又ride bicycle,去呢間,不用入禾輋都不錯~大家睇下news,傾下計....great~都係鐘意同呢班人仔多d,好舒服,又玩得,又傾得~佢地既活動適合我多些~不過都特別鳴謝sandy同細ryan刻意就emily同我,揀一些有益身心又健康的活動~好開心emily都有出黎,呵呵,初時以為佢怕晒~

沙田新城市中心~得知cyrena返左沙田,我又想睇下佢套uniform,所以就去左搵佢,同埋睇下佢放幾點~順便我又想睇下equipment,不過都無,應該旺角多些吧~我地有睇空中表演樂器....cool~都辛苦晒要爬上爬落令樂手可以飛來飛去咁表演~

尖沙咀~一邊出去一邊諗下點plan celebration~期間,我,cecilia,細米一度lost左佢地,原來佢地去左toilet~出到去.....好多人...真係無晒心情,響星光大道還實施人流管制~迫到都唔想take photo~都係等一陣再黎好過~不過harbour既design,concept跟上年有點相似~

預祝cyrena生日大壽~哈哈哈~等齊人,等埋阿may拎cake....又話出去jordan dessert,又話經九龍公園行無咁多人,又話響九龍公園mcdonald等齊人先行~鈍的cyrena都不為意,因其實佢唔expect我地今日同佢有celebration~只係大ryan又叫佢買野食,但又走開,之後又話唔好買,先俾佢覺得奇怪~呵呵呵~佢今年無得唱側田,就臨時叫佢搵個人同佢講聲生日快樂,否則唔理佢~佢都好乖,真係照做,仲因為咁而喊左,係因為個小朋友觸動左佢心靈~個小朋友好怕醜又不知所措咁又好細聲講左句生日快樂~cool~作死....上年個個surprise又唔見佢喊~

之後因為係mcdonald既地方,唔俾食其他野,於是我地咪行開食囉~不過垃圾都係留低~我地拍照,玩,呆,傻顛喪~d低能問題,有邏輯既人答唔到,就只有cyrena~例如:殺隆巴斯,黑貓白貓~佢仲好沾沾自喜,讚自己好聰明,陶醉於自己世界中~佢....又怪叫,又做出奇怪野,就係.......嫦娥~~唉~失禮死人~不過都好,大家咁先有野笑,有野玩,有野串~又同左細angel玩頭+apple~仲有欣欣既大笨象同埋飛機~好開心,好開懷咁大笑,大家又配合到,又有應我既白癡無聊idea及對話,perfect~細ryan自稱係新聞至子~而大細ryan係dins,佢地今日好襯~大ryan橫跨2個團~

dessert~之後由cyrena率領大家去松記dessert,不用點等,因我地肯坐門口~cool~~哈哈~今日都唔係花左好多錢~不過都食左幾多野~但係好充實又歡樂的一天~開心,開心,好開心~我都唔覺得累,雖然夜訓,又早起身~好精神咁~

佢地傾掂點出旺角之後12點多散~!

對了大ryan提議下次殺入大尾督,就響個度交車,再bbq~因來回+bbq太趕了吧?入大尾督係一個double既路程~唔知玉山training之riding之旅....會唔會剷入大尾督呢?我相信會~

>>December 26, 2006 at 5:00:38 PM GMT+8

2006 年 12 月 23 日 星期六 【颳風】

0400先訓~1230先起身~難得可以那麼晚才起來~

apply大學~肉痛~一共五間~中大$400,港大$300,浸大$150,城大$100 each~還有理大未開始~不過d大學都有其他choice既~係城大無~早知唔駛scan,因為好多都接受by mail咁收supporting documents~

睇下過左氣既港台節目,過渡青春~

所以sandy叫我訂cake,我就死都唔肯~因為太肉痛了~出左先,就即係=拎左錢出黎,通常都用左架勒~固執的我造成別人的不方便~

bbq~好奇怪,其實都有點不想去,一來貴,二來係joanjoan既同事我都唔識~都真係俾面joanjoan生日~去到竟見到debbie,great,不過佢都好sociable~我都真係行行企企~之後大家輪流燒大家的食物~哈哈~我燒到~I晒,因為個火control唔到,好大,好熱,顧唔掂咁多樣~之後佢地都有開始玩.....我地又由左一拳右一拳開始,真係好搞笑,你都唔知點解人地收個隻~笑死~有人亦都出左一樣既~有時收又唔知點解收左可以和個隻,可以唔駛輸先嘛~

差唔多時間就祝酒了~joanjoan係咁飲~慘慘~又遂個同佢對戰~最後就因為咁而嘔~我試過芝華士,好難飲~之後大家玩起,就猜partner,我成日都被人遺忘,因唔出聲,又讓我,哈哈哈~但最後有一次竟以一敵六,幫我partner贏左~因為我都幾lucky,無論玩幸運骰或者三盤兩勝,同埋大話骰佢地同我唔熟,唔知我講咩,又就我~debbie都試過唔駛出動我地呢d partners而大勝~

最後好快走,因為壽星唔係好掂嘛~其實我都真係唔係好o岩呢d生活~間唔中一兩次就好~同埋同佢地唔熟,我就無咁投入去玩~不過佢班同事都幾搞笑~都係成日蒲,落酒吧,有返咁上下年紀~今次joanjoan都叫左唔同既friend,有一堆因為有自己小圈子而匿埋一邊~

2點多散,我就走回家了~~最後$390落樓,肉痛~個度又唔多food~service又不好~不過最好就係boss既手抱bb~真係好似公仔~super cute~又著左聖誕老人衫~

>>December 26, 2006 at 3:38:28 PM GMT+8

2006 年 12 月 22 日 星期五 【颳風】

準時返工~仍然係陰風陣陣~

唔掂x'mas party~ymca判上判~仲話參加左比賽,唔怪得之有人企左響度,俾我就俾得好差,因為比賽,唔cut得?唔係嘛,有無諗過我地d老友記既感受?佢地都肚餓啦,又overrun晒~有無time keeper架~悶就cut啦~估歌仔不知所謂,佢地都唔識,做動作何字就好好多~仲有wor,佢地有d野搞好耐,都唔知佢地做乜,deadair晒,無人睇返個場架?唱歌,歌詞重覆+印漏,都唔知唱乜~穿珠仔,有好多佢地都穿唔到,個idea幾好,不過.....!!!搞到我地仲累過返一日工,仲慘過教下面的小朋友~我地都要插手,佢地都唔知自己做咩,無brief,成班人呆左企晒響度,又唔主動幫手~唉......只有一個小朋友比較醒架咋....!!!

食野,又排晒隊,俾d老人家食先得唔得?聽聞佢地響出面都搞到天翻地覆~得返咁少cake(2打,因其中2打俾d小朋友醫肚先,因佢地話有d老人家唔食)仲派俾佢地,佢地會嘈架~唉~算了~之後都有幫華姐洗野,因佢都無晒心機lu~咁多善後工作~老人家要咩?就只係有得食,有得拎,有獎抽~

lunch~大家無晒力,我有努力地去清食物~不過都有點頭暈~話我似義工,哈哈哈,佢問返老人家先知我新黎~不過......唉.....希望佢地好好反省一返~不過我會讚2個mc~雖然係小朋友,不過都識搞氣氛,又跟得到,不錯不錯~

1400先上返廣田,無咩野做,修下甲,因我都唔想做咩了~中文班都下星期三先整~無力~同下sarah傾電話~早左放工,都無咩野做~哈哈~1545就走lu~hehehe~原來冬至個日平田17xx就散晒收工了,cool~

去apm~因約左simon ho,俾份form佢~麻煩晒佢了~行左好耐,又同sandy傾電話~不用個多小時就行晒,最衰又無行山shop,不過都響it mickey買左2件衫~cool~因前陣子都執起左些n年前的衛衣~添返2件~唔知做咩都係鐘意個些牌子~都有一定價錢,我又唔係追牌子架wor,可能cutting同style o岩我~又響muji買左少少零食~cool~

跟simon discuss左有關補課既事~又靠佢了~consult佢~哈哈哈~不過2有好多班既同學仔俾我問既~佢終於走了,bill叫佢教晒我d command先~不過有咩要幫,佢都ok既~

其實尋日出去接phoebe既時候,突發奇想,覺得玉山一行係難得既,行完我會好滿足,亦都係一個好好既體驗,而且係一team人~只要係我想做既事情,其實其他野都唔會點難得到我,equipment,錢等等其實只係一d excuse~最緊要係自己想唔想去~因為只要係想去,好多野都係有辦法既,事在人為~如夢初醒~而且我覺得自己係得既,可以接受挑戰,我份人就係鐘意刺激新奇既野,又貪玩,唔踏出第一步?點一個人去back pack?自信心日漸增長中~我要訓練我既堅毅與耐性~意志意志.....好靚既景,好好既一個體驗~我係wild架嘛~興奮期待的心情似乎一發不可收拾~又可以train up自己的體能~相信響2007年,so pui ling應該係最fit既一年~最忙既一年~無後悔留返響香港,無後悔儲一年經驗先~

感謝神~因為好多事衪都會安排給我~令我不斷地相信,有失必有得~不止一件事令我體會得到衪的能力,而是累積的~我尋找到自己可以事奉衪的地方,我既優點,我既影響力,可以為衪做見証~亦是因為細細個就接觸衪,令我有如此性格,令我有良好的態度,令我思想正面,積極~似乎我都係時候返教會了,更彰顯衪的愛~我唔係有求於衪先禱告,而是多數響我有感恩的地方,我就會告訴衪~不過我唔保証成日都會靈修,看衪的話語,但我會make a promise,have a time schedule~

>>December 24, 2006 at 10:01:59 AM GMT+8

2006 年 12 月 21 日 星期四 【颳風】

camp quality x'mas party~

請左假去做義工~原本跟車,不過因phoebe要有人去接先得,又順道接埋瞳及阮教授,就先去第一城先~有phoebe詳盡的解說,我都識去,只不過行左去學校的後面~去到,個secruity問我係咪舊生,我話唔係,係家長要接人走,佢新黎唔知程序,咁我都好好,講左咩事,就叫佢打去校務處,因為phoebe都有同我講點處理~個sercuity打去話我係佢mummy,哈哈哈~榮升左做mummy~唔識去校務處有個好好既同學仔帶左我去~之後個miss問我係咩班?唔記得~咩級?唔知~~哈哈~好明顯我唔係佢mummy,連自己個女study咩都唔知~之後佢問我咩原因,我話做義工要帶佢走,咁佢就話即係parent's application啦~咁就叫校工叫phoebe落黎~哈哈哈~~

佢一黎到就叫我ling姐~hehehe~~穿晒~佢話如果問起,佢話我係佢表姐,我都唔記得自己可以做佢親戚添~唔一定係mummy架嘛~不過我一直都無認或否認~佢帶我去威院~幸好有姑娘幫我地搵到瞳~由於院教授有case所以唔走得~上左taxi,phoebe好熱,在taxi除內衣,女校通常都train up到呢個skill,不過好好笑~之後我就開始worry唔夠錢~幸好,都夠~仲有剩~加埋隧道費,有9折,$210,由沙田威爾斯親王醫院到repulse bay既酒店~

臨去到之際,course leader打俾我,幸好有phoebe幫我搞掂個taxi driver,佢都好緊張咁叫我叫敏卿落黎~因怕唔夠錢~幸好都夠~我都同taxi driver講~course leader打黎同我discuss about補堂的事,要我搞一個遠足,咦,有點頭大,之後我問佢有無requirement,佢話都無咩,只要有map reading,用下地圖指南針及行下就ok,佢話只要我有plan,有organise,有join就ok,可以叫其他人教及帶,哈哈~而且信得過我地,叫旅長,團長証明我有做就ok~咦咦...有點玄機~而訓練綱要個個lecture就只要有人考會員章就ok,佢就想一次過補晒,咁呢個好易~~由於我做義工,我都費事同佢傾咁耐,咁我話有問題就call back~~佢都好nice~我都有同佢talk about我既委任~佢叫我等既同時就做下plan~同埋都當我合格,close file~佢好有禮貌,因有一刻我要俾錢,叫佢等,等完佢仲話唔好意思阻住我~搵simon傾傾~

馬國明~今日嘉賓有佢,佢真係好怕醜,台上講野全程望住身旁個mc~唔怪得佢紅唔起~有同佢take photo~佢真係好polite~take photo前...你好~take photo後.....唔該晒~哈哈哈~

sun boy'z~英皇既人年年都有黎~大家都覺得一個人好handsome,唔知叫咩名,總之唔係steven同dennis~我話呢個響disco都好易執到~dennis好識搞氣氛,成日v嘩鬼叫~steven我覺得最有心,因聽到佢同助手講去行苗圃行動......真係好有心,又nice,又大隻~cool~我都係鐘意steven多些,有人話因為佢俾人雪藏過,所以....都識諗d,以前都係死靚仔一名~

cyrena話要少女一番,去排隊,不過我地呢d campanion無得拎~oh....!!!susan姐姐出到聲,lara同christine都唔俾,話polly要,就叫polly黎拎~其實因為susan姐姐想散貨~而三叔公都有叫,不過,anyway,都係義工嘛~算了~敏卿拎完返黎話唔想要,我仲好開心咁,點知佢話唔係俾我,down,我就叫佢同phoebe換,佢judge,咁phoebe拎左don & mandy,我就叫佢自己同敏卿換,咁就ok~好想聽don同mandy個隻~不過都同佢地狂take photo,我地一班傻人又一齊顛~瞳要再教育一下,因佢sun boy'z個位不知名靚仔唔肯整手蠟,佢喊.....之後就整!!!oh....咁樣唔得架wor~

有玩滑梯及手蠟,不過變左形,返到家又俾我整爛左~整之前都有研究整咩手勢~整左童軍敬禮~

家~完左就散,都無咩野做,好累,可能太晒~都叫左susan姐姐即場簽義工簿,因佢叫我claim錢~咁我就開cyrena個袋自己拎出黎俾埋susan姐姐~呵呵~機構印,佢真係check先再補吧~上次我都先俾人check完~

去細佬家scan野~因要apply大學~佢條友仔,原來要補習,take完bus返黎,食完dinner無幾耐又take bus~scan得好快,great~不過家姐個portable harddisk好難load,都係手指好些~睇左陣tv先走~今次take kcr+mtr~因大家take bus都暈,細佬唔舒服~不過真係貴好多~不過唔知做咩,一出開一個地方,就成日出......今早先take完馬鐵,今晚又take,哈哈~跟細佬玩,係咁跑,哈哈哈哈~好耐無跑得咁暢快~

online apply~scan完當然就係做野既時候.不過佢好似要identity card既copy.....點算?

哇哈哈哈~今日又顛左,死啦,好似越來越放肆~唔得,矜持少少先~死人david,行過黎見佢望望下,問佢做咩,話佢望到靚女要望多幾眼wor~真係激死~我要努力減肥先得~

今日見到tony,henry,gary,crystal,敏卿,polly,phoebe都幾開心~polly仲有x'mas gift俾我,great,好靚~靜雯同杰少無黎到~不過見到生命小戰士個個......唔記得叫咩名~大家不約而同地問我,你仲未換電話咩?

>>December 23, 2006 at 6:25:46 PM GMT+8

2006 年 12 月 20 日 星期三 【颳風】

奶粉~因為mummy同婆婆的關係,我訂左三花同雅培加營素俾佢地~當然唔駛佢地俾錢~因我都未開始俾家用,哈哈~似乎都唔駛俾,因我又要報大學,又想去玉山~

出去靈實醫院拎耆樂餅~~哈哈~有得出去~好彩歐陽姑娘幫我地問左,之後都識得搵小巴~因我都有在觀塘混過一陣子~之後去到醫院都搵左一陣,見到2名男人企響度,我都話唔知係咪迎接我地,原來真係,佢地向我地揮手~拎完就搭返小巴~去到觀塘,個個車長唔俾我地上,我地就take taxi~反正佢地都recommend我地take taxi~

英文初班~搞掂,就聽日交俾盧姑娘教,因我off~

度位for this sat~因為有60人之多,有request想要u 形,所以要度一下~幸好唔係開晒,唔係收都收死~之後華姐都無時停,又去拎野,又要幫ada手整星期六既野食,都無時間執好上堂既位,所以我執~

email~點下咁啦~lunch之前食左d cake,好飽~大約2點我就叮返我既lunch box~

好累~唔知做咩,好累,尤其對眼......可能都因為煩惱緊錢的問題~有取捨問題~

tutor~4個人......ok啦,心散,今日又俾我罵一獲勁既~真係慢~

8罐800克的奶粉真係好重,拎返屋企~練臂力~

>>December 22, 2006 at 4:26:30 PM GMT+8

2006 年 12 月 19 日 星期二 【颳風】

SANDY~~你都真係回得幾遲,我都唔記得左發生咩事~哈哈~要睇返d日記先知,呵呵~哇哈哈~似乎個日我既表現唔多適合你...哈哈哈...我就係成日都忍不到口~

今日都唔係太凍,只有2件衫~不過對手都係好冰!!!

驗糖尿~突然要驗,盧姑娘未返,歐陽姑娘出去帶活動,咁就係我,我都唔知要做d咩,幸好不多人,而且問華姐,之後都可以~~咁我又學識多一樣了~

中文班~改簿,今日係test~而且俾佢地revision之後,就開始test,test完就finish,無計,因接下來有活動~所以用左半小時only~~哈哈哈~~唔駛做堂課,唔駛做家課,good~

生日會~都幾多日參加~53位~原本我要帶啤牌個game,盧姑娘叫,之後我話唔好啦,我輔助佢,之後佢話唔好,之前個個姑娘都係咁~我就哦....之後都無咩同佢講野,唔係好理佢(真衰),不過有時都扮下野問下佢野,答下佢咁,有是答既時候都唔望佢架~之後唔知做咩,又唔駛我帶了,哈哈哈~不過都玩得好開心,都好投入~不過由於我要落去了,沒緣食cake,叫華姐留給我~呵呵~

tutor~因都快放假了~只有4個小朋友來~~可以慢慢教~亦可以準時走,因功課不趕~

由九龍地域搞既登上台灣玉山之旅的簡介會~由於有些心動就去聽聽什麼回事,行程如何,裝備如何~到過玉山的square分享,有片睇,不過挺悶,因quality不好,我差點睡了~都好似ok好玩,及不難行,最要小心的是落斜那一段吧!!~!而且因為都是高山,行得一定不會快,所以.....不用擔心~我相信應該可以,而且之前在香港也會train,edward還要相約一起練體力,什麼逢一三五去跑,真是有趣~不過會很冷,禦寒的不可少~2對手套,一對保暖,一對防水~2枝行山杖~暖水壺~路上的食物,保充能量的~保暖mask~羽絨睡袋~freeze,wind-stopper,core-tax等~唉......鞋又未有,背囊也未有~

大出血~對行山沒有什麼興趣,買了又好像沒有什麼用處,不用也會折舊~幸好有些大姊姊有~而且背囊及羽絨睡袋我又一直想要~不過團費已經$3800~又不包離境稅,簽証,保險等等........雖然包食宿,而當中亦包含了$2100導遊費,因上山是不同的,又一對六,很安全~很過癮,又有挑戰性~又差不多4000米~貪玩的個性出來了,只是不知道miss了這次,還有沒有機會~那我又要backpack~除非減半行程~又跟童軍們一起去,跟識既人一起,又有team work嘛~

晚上有跟edward msn,我叫他阿sir,他叫我叫他名字~我話好溶,佢話有得傾,平有平玩,而且他也有研究裝備~我跟他就有高木班開,佢話我地報唔到,因在職訓練沒有完成,而九龍地域應該暑假會開,呢個班係for我地既~我叫佢唔好呃我,因我就有可能唔報,反正我的委任証有障礙~而且在職訓練真的比較緊迫~他就見到我很surprise,想不到我對此有興趣,我就愕然,他竟記得我,他只有給我們上一課節而已~他就記得,因我是sectional skill之同學~佢反問我是不是不記得他~我有跟他說我會去台灣back pack,卻發現他也有back pack經驗,咦....有計傾~他問我做咩唔好歐洲,好多日本女仔都一個人去,cool~哈哈~在不久的將來,我也會,還可以向他取經~佢都係好鐘意歷險既人,見到他的相,cool~也說自己犯賤,要訓機場....(人是犯賤的,不介意)~即代表佢搞的,都會tough同埋experience的,都幾好~還就要搞個"作"冰"的~這個我就真的沒興趣~佢好有興緻,還說這是第一步而已~

問過龍會照報advance~十仔不報,因沒錢及在職訓練未完成,而且玉山之行也未必join~janny如果不撞期就報~but如果依家firm左九龍地域真係開,佢都唔想迫自己太緊,而上玉山都想人陪~呢d活動,阿sir同madam都陰魂不散(麥晶,呂sir,盧sir,鍾sir,),還見到他們~盧sir都幾好人,我一郁就問我想做咩,我話我唔要家長同意書,佢都幫我拎,佢話俾我d仔,我話邊度得,香港的山都未行,佢話點解唔得~咁又係,如果佢地有錢,父母俾,都係可以既~有時候我都可以落力promote一下~好..加油,唔可以抹殺他們的機會~我都想對他們公平一點~

與janny dinner~brief後一起去dinner,個間都不錯,好飽,唔知叫咩湯~一起傾下.......大家都keep in contact~間課室好凍,我成日都要將手放在頸取暖~幫十仔搵到首歌,響公司燒埋,又copy埋歌詞,又寫左歌名,碟名,我都算唔話得,咩都有齊~佢好緊張咁問我有無帶,哈哈哈~成日都見九龍地域d人,好面善,可能我每次上班都是九龍地域開的吧~估唔到crystal wong是有小孩子的媽媽,唔似~可能有d madam細過我都不出奇~

好累!!!唔知做咩,其實已經好累,無咩動力,無咩意欲,對眼就睜唔開,無咩神~懶洋洋的~

心大心細~但錢方面.....問題大.....可能就因為這樣令我很累..想不通,作不了決擇,菁菁叫我不要去,去玩好過....開支太大,我還要報大學~唉....心郁郁~不過2007年的我可能會變得好fit~

>>December 21, 2006 at 4:12:57 PM GMT+8

2006 年 12 月 18 日 星期一 【乍雨乍晴】

今天也不是太冷,但是下午當沒有了太陽,陣陣陰風,就真的很冷了~手也變得冰了~我什麼時候才去買暖包呢?

不用打碟,歐陽姑娘主動去,哈哈,可能上次見我也主動吧!!!我下星期主動打卡拉ok的碟吧,今星期五唔返,幸好不用打碟,否則辛苦了她~個個岑生真係好麻煩,只要牽涉到佢的利益就有意見,因佢今次唔係最早,咁有可能影響到佢只能唱一首,而後期中途有人加入,佢又唔滿意,又要我地set rules~仲要督盧姑娘,有無搞錯!!!好過份!!!

我就整下生日會的物資拼圖!!!哈哈~以及回email,改簿!!!

跟進banner事件~一早嘉永公司就打黎追問昨天收不收到banner,但無人收到,但說有蓋印!!咁驚?之後我想,會否送到與我們相隔不遠的議員office,點知......我去確認,係!!!佢都有幫我check,初時佢見到單只有速遞公司的名,就說沒有,後再找就見到了~headings都係俾我地藍田街坊福利會既!!!都唔知佢地點收野既,都唔check清楚~之後拆開,又有另一問題發生,就是不是我們的!!!咁得意......於是議員助理叫我留電話,再送過來時就找我們,我說:不用了,我地自己打去跟進!!!因為間公司點會再送去呢?

佢話:係囉,你自己跟進下啦~(佢d態度真係......)!!!仲有,佢問我點解送左佢個度,佢個問題都幾難答.....我就"哈哈哈(冷笑幾聲),因為佢地送錯左囉!!!.....又解釋返間banner公司外判嘛~咁都要問!!!佢既態度,哼!!!佢唔好過黎去洗手間,我話壞左~柯創盛議員都響度,裝下發生咩事,不過無插手~我都唔拎返佢地張單,咁盧姑娘再打去跟進間公司~

我地估,由於2間centre調亂左,另一間centre打去,佢地都唔知咩事,所以成日打黎問無理由....應該收到,因如果我地收唔到就可能lost埋人地個張!!!佢地做野都真係......!!!

派傳單,點知李兆強放早,oh...禮物俾唔到個小朋友添~返左中心再等循道,再派~~我跟細盧派左一陣,我就入去接小朋友了~之前入中心,盧生見到,叫唔好派,放假後派同埋應該印多d~最後盧生與盧姑娘初商後,就可以派了,盧姑娘六打黎了解發生咩事~仲問細盧係咪去左派,我話唔係,佢同我一齊坐左響中心,落到黎先知李兆強放早,(其實一早知,細盧話俾我知),一陣再等循道放再出去派~

tutor,得5人,大家都放假心情,不過唔可以令佢地太過份,都有罰~做晒功課就由得佢,未做就要做,不過通常做晒既悶就撩人傾計~不過聽日就派禮物,因怕佢地放假唔返黎~有聖誕靴加食物~佢地話我"dump"本~ok啦,最緊要佢地開心~乖d,聽話d,我有咩所謂~

準時放~good~返去準備apply non-jupas~~加油加油~依家想誠徵scanner~因我online apply~

thank you simon & bill~只要我25th前俾到份form張禮征sir,咁就遞上地域,咁simon靠人事就可以好快就幫我搞~thx,原本張sir約simon今日,不過我都未填!!!!都係勞煩simon幫我俾張生好些,因佢倆熟d嘛~yeah yeah~希望順利,我都後悔無跟足,依家先知咁麻煩!唉~問多d問多d~

今日都有同edmund傾電話~因我問佢我apply委任的事,幸好佢慣手勢,會copy,否則有可能食死貓,話佢辦事不力~

大家都係放假心情,好輕鬆,哈哈哈~

>>December 20, 2006 at 2:05:02 AM GMT+8

2006 年 12 月 17 日 星期日 【乍雨乍晴】

對手仍是冷~遲左~

盧姑娘send sms俾我話佢1100先返~但我問,咁活力操點,歐陽姑娘又請假,於是佢就先回來~最後佢都無出去~我仲諗住得我一個人的世界添~

打日記同改簿only~hoohoho~無野做~盧姑娘都成日撩我講野,我都識做地應下,哈哈~費事啦~

佢整左生日會既野俾我準備物資,話好似成日print出黎唔係咁好,因我地之前print左好多野,一個月內都換左2次墨,我話都ok,算啦,都係代用墨,又唔係好貴~唔知佢有無暗示,都有話下我,print下自己野呢?

lunch~食完,睇完newspaper就sleep~

三點鬆一鬆有點亂~下次一定要剔名~

tutor~都唔係太多人,都ok~大家都只係做假期功課,所以都不趕~我亦知有d人放假唔會黎補,good~哈哈哈~有d聽日已經唔返,我話,噢,無禮物了~佢唔制,我話都ok,因我要去派傳單,叫佢找我,因佢放學時應該見到我,叫佢記得問我拎~如果唔係就無~哈哈哈~

大家都係放假的心情~

準時收工~

決定跟janny去台灣玉山之briefing~聽下咋,未必去,話俾十仔知我搵到首歌,可在briefing俾佢,佢話咪乖學生囉,我話我去聽下咋,未必去架~

回家決定打返晒無打既支部技能班的日記~依家做咩都要jot低先,否則唔知自己做咩~無左個班,覺得自己清閒了不少,好似突然無野俾自己做咁~不習慣?空洞?

>>December 18, 2006 at 1:18:17 PM GMT+8