2007 年 1 月 5 日 星期五 【乍雨乍晴】

天氣驟降,大家要注意一點~身體要緊~

返工,遲了少許~星期六都是懶懶的~

歐陽姑娘叫我去帶運動,我話唔識,佢問我做咩唔學~我話下星期開始跟出去學~雖然有點唔想,不過耍下太極也好~

上下網,做下心理測驗,睇下書~盧姑娘請左假~handle左流感針事件~林姑娘托華姐拎野俾我打,又完成左~print日記~不過未print晒~

自己早10分鐘放,趕去嘉禾旺角睇~點知大家都遲到~~太累,心情有點差~有欣欣,cecilia,大ryan,sandy同我,一共5人去睇~

套戲初昤都有點悶,差點睡了.....有感動位....熱淚盈眶呢!!!好開心見到琪溫絲莉(Kate Winslet)不再糾纏一個唔會有結果的男人身上,而呢個男人根本不值得她愛,只是利用她,不斷藕斷絲連令女方不能放棄她,真是討厭~好開心見到佢響LA同一位著名的導演伯伯那麼投契,得著良多,眼界闊了~

亦都開心金美倫戴雅絲(Cameron Diaz), 祖迪羅(Jude Law)可以一齊~jude是那麼可愛的一個男人,她的兩位女兒同樣可愛,縱使要負起父兼母職的責任,有束縛,怕這個家傷未復元,怕有新戀情,怕買一送二,怕相處不來,怕感情受傷....亦明白父兼母職的難處,有不滿,有埋怨,但發現了女兒的可愛之處,一個說話令人傷心,一個是管家婆提爸爸呢樣個樣,但她倆都是愛爸爸的表現....亦是三劍俠,卻很喜歡這兩位女人~最可愛是她倆既tent,不是每個人都被邀得進這個tent一齊躺~

cameron以前都跟其他男人合不來....卻因為去了這個london小鎮,令她從爸媽分開以後再沒流過一滴眼淚,但走時卻......終於喊了~是他令她解開心結~一樣三劍俠的遭遇~大家各自有背景~cameron以前事事都計過度過....今次卻失控~更願意著住高跟鞋於雪地上跑......記得初次去卻因養尊處優慣了而差點pk~還嫌悶...想走呢.....幸好jude令她留下來~令cameron知道自己要咩,重生了~

大家各自都從"以前"中掙扎過來,重新振作,並再重新找到自己所需~可喜可賀~

晚上重遊<想入菲菲>的cafe裡,懷念通心意粉,及朱古力雪糕~後有emily,細ryan,cyrena join我地~好開心實施了禁煙條例....去邊到都唔駛點擔心~除左意粉,好似其他野都唔多好食.....西冷扒好用力切及咬,大ryan與西冷扒,emily與豬骨合演了一場角力賽~態度差了,也有一點....waitress吧,老闆還不錯~食物質素差左少少~不過還可以~大家玩....點解我要做左馬騮王?...大家傾傾傾....玩玩玩.....作弄一返,好開心好開心,久違了的感覺~到最後也是遺下只有我們慣常的6人組合~有多久沒試過這樣?happy....02xx先走.....我都差點睡著了~

決定不去幼稚園~哈哈哈~相信經驗一定會再有~吸引我是因為新鮮~有另一個理想,就應該放棄一點什麼吧~呵呵呵~

>>January 7, 2007 at 4:18:27 AM GMT+8

2007 年 1 月 4 日 星期四 【乍雨乍晴】

王子生日快樂~

又一日準時~

知道天氣冷了,freeze衛衣出動~

account~英文班~email~流感針單張~搬野~

收到一個news~主任找我,我正好出去搬野,原來問我有無興趣轉去幼稚園做~因坐counter個個女仔辭職~知道個一刻好興奮,嗯....點解呢?~其實都係求救......因為....都有點唔想調動~盧姑娘話咁都証明我做得野,先叫我~我話唔係....因佢話內部同事優先,主任話如其請個新的,不如搵個熟d嘛....點解搵我,我地好多都已經係幼稚園既人,盧姑娘係助理中心主任唔郁得,歐陽姑娘響度做左咁耐唔通郁佢咩~咁數黎數去都係得我既jei~

上完英文初班,落左去幼稚園同主任傾下~佢話俾我知有咩做....都係admin野~收錢,答下家長,印下野,派下野,提下野,出下活動幫下手,老師班內有需要又可幫下,打下野.....有時咪追下數~但最要緊既係頭腦清晰...因答野唔可以不一....溝通要足....免得損了形象.....自己做左咩要知,咁有人repeat叫我做,我都可以回應,返問一下仲有無需要~要記得小朋友及家長的名~因佢地交錢......咁就唔駛成日問~.....多野做左,無咁free,人際關係複雜左,又要重新適應~

主任都好客觀分析,好既唔好既~由於要返0830,咁我星期六可以放1300~但remind我記得一定要準時~由於我有童軍活動...咁主任想我以幼稚園優先,因有時捉d仔出黎都要靠我~人際關係是複雜的,因老師一堆,姐姐一堆,老人會所都唔會既~重新適應方面,佢話用1,2個月都可以的....!!!佢果真係見招拆招~其他野無咩變,不過就可能16xx先落去託管,可能唔駛接小朋友~雖然挑戰大左,又可以接觸多些小朋友,又無咁悶,又可以train下我既應對.....但我都係樂於響老人會所~

因剛剛開始,又與老友記熟了,又有些班帶緊,與同事關係不錯~捨不得~又無得回email~又無得print野~遲d上童軍班會有好多野做....咁就無左d私人時間~唉.......主任話最緊要對小朋友有興趣~歐陽姑娘remind我想要咩,要think about人事同埋係咪我想要既.....如果我想planning多些,咁幼稚園份admin一定唔o岩啦.....!!!!

但係老闆響我功輔班時召左我出去,同我講呢件事~不過佢既版本係....叫我去幫手~佢話老人會所應該無咩問題,有咩幫手先叫我上返去~同埋開小童軍,叫我幫手~我就係咁話諗下先....我話主任有同我講.....所以佢都係笑左2野,之後就返左入房唔理我~係咪無得選擇?星期一say左no睇下點先~明天見到大家,我要問一下~

功輔班得5人,一個返童軍,今日有4個~但都好似好忙咁~不過見到佢地慢慢進步好開心~見到余偉安肯努力學,緩慢進步中~關芷瑤由初初唔知抄咩手冊到今日都知自己做緊咩~鄧皓名就一直都醒,認中文字多了,不錯,不過耍性格,不過不論步姿及坐姿都輕佻,說話如是,態度如是~新黎的黃淇峰好搞笑,好乖,好似一個伯伯咁,樣似,動作似~新黎的湯嘉怡,態度差,又多野講,會不專心,都有點似關芷瑤,不過關小姐就傻傻地,湯小姐有點討人厭~湯小姐叫佢做呢樣就做個樣.....有時會咁....英文差,連英文字母都未能掌握...教左佢點讀,佢轉頭又唔記得,之後呆左~唔似關小姐都真係有去think咁,因有時都答到我~都係對湯小姐不滿~都係慢慢教啦~大家都算有進步~great~

1917先走~最後係教余偉安.....時間....真係俾佢激死,佢mummy響出面可能聽到心痛~不過最後佢都識,good~作死,人地叫佢09分,佢將分針指向9字.......要講幾次先清晰~其實我知道因為係我自己問題先咁無耐性,因為.....period~激動左少少~

唉~下星期要心平氣和點~

>>January 5, 2007 at 3:25:26 PM GMT+8

2007 年 1 月 3 日 星期三 【颳風】

又一日準時,不過又一日懶惰~

支持emily~

account~statistic~email~發呆~心理測驗~

tutor~9個學生?亂晒~狂罵人~大家又發呆~放完假心情還未回復~又有人喊,又要處理,還要耍性格~頭都暈~所以都有給答案~叫大家回去溫書~有時亦無暇教導~明天不可以這樣了,我不容許~要執正些,不可以讓他們這樣~狠心一些~不要做壞規矩~

我有問林姑娘,她說開多班,我話咁得意,因人也不是太多~她說怕我搞唔掂,如果我ok就不開~oh...我怕不能跟他們溫習而已~quality會不好~而且我一定會頭痛+頭暈~

搵simon+cyrena~要借dc俾simon及cyrena俾cheque我~之後一齊dinner,再陪simon搵噴雪就走了~多謝simon的dinner~我已欠他太多人情~應該我請~問我借dc用不著請我dinner吧?今日真的很呆....都想不到跟simon有什麼話說~

今日lunch cat又打來....我就毫不客氣趕收線~因為連續幾天也找我,我好好的lunch也沒了~我要看newspaper,也想好好地吃飯~沒有心情~

>>January 4, 2007 at 3:19:37 PM GMT+8

2007 年 1 月 2 日 星期二 【微冷】

哎....都係響床上滾~激死~不過返工仍是早到~

account~中文班~email~量血壓磅重~體重怎麼沒變?血壓如是~

今日中文班full of students,good~下星期又教簡體,cool~有人提議教詩?唔係嘛?今日都算有點氣氛~因我都有想下點教...點樣令呢班生動些~問多些問題~

教完班就呆下~咩都唔做~今日又唔駛接~

tutor~7位學生~好忙~成日叫佢地快d,唔好咁多野講~我又罵人了,可能嚇親新的~鼓勵新黎既小朋友唔好咁怕醜,講多些野~講野唔好咁細聲~其實最好佢地用晒d時間做功課,我就唔駛諗同佢地溫咩~準時走人~

又割肉了....$3800~~我d錢.....成日都唔黏我~

死,又貪吃了~

>>January 3, 2007 at 1:23:44 PM GMT+8

2007 年 1 月 1 日 星期一 【微冷】

新一年的工作天~早到..cool~~

sandy,真係好耐無傾,不過你算多了,因平時我會打給你及與你看戲~

2300 sleep~不過夠鐘時只響床上滾來滾去....無起身做運動~不過做左些拉筋活動~

做account~

不用打碟,因華姐不用先落去清潔,great~那個岑生好麻煩,多多意見,弄得我們都越來越不滿兼不想再有粵曲卡拉OK~他越是這樣,越令我們反感~有好多事情,都是由他自己造成~

有跟阿CAT跟JANNY通電話~

終於登入到YAHOO,好~

唔知cyrena既父母可否幫我出cheque呢?就要交台灣玉山之旅的支票了~又唔想勞煩janny,因友誼未至於此~send左大家既相,收到大家既reply,好得意~哈哈哈~

tutor黎左2個新小一的小朋友~oh......!!!努力~似乎又要慢慢教~有些學生還未上課,今天有5個~而我亦都不用早落去接小朋友~準時下課~

我明早要行樓梯~今天回家也有在8樓走8層~

>>January 2, 2007 at 1:23:42 PM GMT+8

2006 年 12 月 31 日 星期日 【微冷】

happy new year~多謝你地的祝福及sms~

對不起,就是我沒有send happy new year的念頭~不過我收到大家的~love u all~

12點多起身,因好累~cool~回左d email~send d相出去~打返晒d日記~雖然尋日有去倒數,唔知點解,亦不是太興奮,發覺自己真的不著重節日,反而是因為這樣而可以跟我喜愛的好友們一同渡過才感受到無比的快樂~

響2007年,我有咁既idea~

座右銘"生命影響生命"一直在我心中~

未試過的事,物,不會即時說不,不要俾自己既定的印象及情緒框住自己,應該勇敢地踏出一步去面對及嘗試,我要挑戰自己~尋找自己的潛能~

去做一件事或決定一件事都俾自己一個理由,不論是目的或藉口,為了別人或自己,只要使自己不要動搖,勇往直前,對自己充滿信心,就成功~

響2007年,繼續追求我既quality of life~I like natural~I like sharing~I like enjoying~full of love~

讓我84旅的深資童軍們爭光,開拓他們的眼界,進一步體驗normal的童軍生活,增強他們的童軍技能,讓童軍界更能認識他們,肯定他們~而且積極參與童軍活動,盡力支持童軍界的活動~亦希望中心可以盡力配合~不要再讓他們框在他們的世界裡面了~記得大都會露營裡面,玩過坐輪椅,去感受一下坐輪椅的難處,原來當值個個就係特能童軍總監,郭力行先生,應該有不少合作機會吧~

自己積極增值自己的技能,對自己有益之餘,對我既團都有莫大裨益~薪火相傳~

今年都會以童軍為首~相信會因為咁,可以改善自己與人溝通的能力,融入童軍運動,更有可能擁有handle大型活動的experience~而且開闊自己的眼界,認識朋友仔,社交圈子更闊~cool~

響呢段日子裡面,我覺得蘇佩玲又再重生了,變得唔知醜,放下尊嚴,虛心學習,唔理別人眼光,自信心增加了,開放了自己,顧慮少了,可以開懷地大笑,開心見誠地分享,勇敢了,目標清晰了,方向明顯了,更肯定自己~回想起,跳海也跳過,巨人梯玩過,歷奇games玩不少,trust fall亦成功了,機動遊戲又試過,ayp銀章我又捱過了......似乎都要找點突破~今年就有台灣玉山之旅,攻頂39xx米~考童軍木章~同埋back pack台灣之旅~

今年要操fit自己,真的成功有個健康的body~而且有些牌我也打算考了,歷奇導師,山藝等等~因我也想令自己的技能變得專業,好好地教育下一代,因為個人追求完美,要求高,所以skills一定有返咁上下標準,要好好栽培學員skills及態度~因我相信,只有自己想做,什麼難題也不算什麼,靠自己的堅毅與信心一定考到~別人可以,自己也可以,只要專心一點~我也要努力尋找自己的潛能吧!!!自己未經歷過,如何去體會學員的感受,明白他們的weakness及strengthen,從而支持及鼓勵他們?我相信自己~而且很吃香的~training也是可以生命影響生命的~

但一樣地,我的急躁,衝動,懶,三分鐘熱度,組織能力,固執,脾氣,認真,緊張,太sensitive...仍有待改善~雖然有進步....但也要加把勁~適當時候去運用~

自己變得開朗,搞事,活潑了....好像也吸引不少人,哈哈哈~因為主動了嘛,陽光型先可以更吸引人嘛~不過仍有靜靜的時候~有理無理地待人好,尊重,回應,溝通~因人家怎樣想你永遠control不了~但影響,榜樣是很重要~做好自己~盡力而為~同埋好人通常都係討人厭了,我個學生成日都話我係壞人,我都話唔鐘意我唔緊要,最緊要你好~~懷著"信望愛",會令我衝破難關,障礙與傷心~不要短視,要有遠大的目光及寬大的胸襟~有咩事....先停,再抽身,客觀看看周圍的環境,寫出來,回想,應該會令個人清醒一點~不會轉牛角尖~

prepare下我interview既野吧~依家都係適當的時機~因有heart,有feeling~

希望可以用愛感染你們每一個~

>>January 1, 2007 at 2:41:32 PM GMT+8

2006 年 12 月 30 日 星期六 【颳風】

cyrena生日快樂~

11點多少起來~陽光普照~

2點多去到香港95th週年紀念暨迎接2007世界100th週年的大都會露營~在九龍站附近,西九龍的一大片地~懷住興奮的心情出發,著得與個camp site唔係好match咁走入去~阿sir都話我似響時代count down個些~

唔知係咪新boot既關係~行到腳痛,起水泡~不過入到去都無咩野做~要simon到處陪我去~見到我班的同學仔,好開心地打招呼~哈哈哈~simon都問我做咩識咁多人~哈哈哈~有見到龍,十仔,michael,成(佢見到我,我俾糖佢,佢以為我俾章佢,真係童軍一名),janny,arthur,呂sir,madam mak,李sir,盧sir,昌~見唔到steven添~當然有同大家來個合照~不過有d無ar..miss左~哈哈哈~michael話差勇,eda無入~janny話俾我知佢地有遇上~hehe~估唔到響倒數撞到michael同melody~哈哈哈~開心開心~世界真是小~我都見到唐氏的義工~

我又好似自由行咁,影下大家的營門~cool~又巡遊一下個camp site~都識左一d人~simon好慘,一被人見到佢就問佢拎章~大家唔好誤會我地係一對先得架~入左去,見識左童軍的生活,佢地擺擋換章,好似街頭咁~好似d遊戲王咁,要出一個章對決,咁先可以同d童軍傾下計~好可愛的特色~大家將換左既章放響營証,show下,見到合適又換下~唔知係咪我成日笑,大家對住我都笑...見到d仔真係好得意..佢地呢d culture真係好有趣..見到佢地好仔細咁揀,又去研究一下咩章,傾下..用自己既章去換又bargin下,negotiate下..,所以我先咁好笑容~有d外國的,早知真係take photo,又唔敢,simon都叫我去影~

我差點入唔到去~我砍死simon~之後入到.....個個睇門口個個明知simon拎另一張証俾我,佢既手勢係叫我地快d入~哈哈哈~果然......識人都係唔同d~

大家都有問我無章,我話我點會有ar....之後都係大家俾我,真開心~我都收左simon唔少,仲有多謝佢既公仔~我要融入呢個culture,都係時候要買返些少~或者第時我既back pack,其中一個目的地就要去當地的scout shop~michael同埋呂sir都有俾我~呂sir都好神秘咁俾我,我初時以為佢做咩緊握拳頭,我仲響度研究佢個拳頭,真瘀,到佢叫我打開手先知佢手有野,原來係章,我偷偷地睇咩黎,俾佢地知道左,佢地又嚷住要,阿sir耍左佢地,我問佢地係咪人~請左阿sir食台灣的牛軋糖,佢請返我食蘋果,唔食就叫我咬一口,哈哈,我有食生果勒,唔好話俾我知想清左d蘋果先叫我食~我話事企邊度影相?鈍鈍的踢起左d沙~....即係佢地呢個camp site裡,要玩晒所有topic咁佢就儲夠一套,咁就好有紀錄價值~亦都見有人拎呢d去換,好心既章會阿sir通常都叫佢地自己儲~真係有品~不過有d就唔係了~

你會見到佢地d章一袋袋,仲用card holder裝起....真係pro~強~佢地章會收擋~我又幫手,唔通企響一邊咩~晚上好大風,凍死~之後...阿sir為左答謝我地幫手,有章派,真是不好意思~我又沒幫什麼~亦有與一女仔傾下~原來去外國,去童軍總會申請,咁去人地既scout shop,知道你係童軍會易話為d,cool~亦有跟一位阿sir傾....叫joseph吧~只有他問我名字,我沒有~

撞到edward sir~又叫人買眼鏡,呢d equipment既野遲d先算~佢話預左我,因我問佢deadline係咪一定要交form,又問係咪要團印.....原來我係領袖不用,又跟simon重複估唔到我join~唔知講開咩,我同佢開玩笑,我話咁你到deadine個個moment咪知我參唔參加囉~哈哈~佢話唔好搵呢d咁既野搞~點都預左我~心想...你係咪唔夠人join呢?

有一位阿sir煩煩地,叫jimmy,成日問我同simon係咪,又問下我工作,又問做咩除夕唔出去陪男友,真難答,我話無男友就搵朋友陪,佢話唔似,我個樣咁甜美,我都唔知點答,不過我都好得體地多謝左佢既讚賞先~不過我話呢d野順其自然啦~佢話如果simon o岩既話,咪要囉~我話:下....我一早話唔係,一早同佢劃清界線了~佢都係仲話,以為我地係~cyrena未到jei~真是的~對我有好感吧~不過我對他沒有,因為....有聽過他辦事能力有點....!!!

倒數show,有好多band~cool~有幾隊悶悶地,有時坐到抽筋~真係抽....辛苦~之後企響身玩又累....倒數完畢,與cyrena來個深情擁抱~$10入黎,抵....又唔太迫~又好似去左band show既mini concert咁~cool~記得坐坐下,有一個來自深圳的小妹妹問我係咪呢d show一直到0000,又問我會唔會睇晒~我話我會睇晒~我問下佢邊度黎,佢都有問我,我話我團無參加,只有來參加這個節目~之後佢閒時都有問下我野,問做咩佢地唔唱歌,話佢地好瘋狂咁~突然覺得自己好nice,早知同佢take photo~而且跟阿cat溝通日子有功.....不錯,對答流利~

原想話拉大隊出去~不過大家都各自有自己個團,出咩o丫~雖然michael都有問我係咪走,早知問佢有咩做.....不過佢地都應該有好多野要處理~大家都有公職在身~下次啦~完左...都12點多.....又無野做,simon又去take photo,我同cyrena咪走囉~到處都係咁多人...去到mcdonald有位,great,好累~share左個餐,又傾下計,cool~~2點多走了,因太累了~眼也差點合上了~

其間我有入到我地九龍城區的營地~simon交待左我既委任~阿sir話即刻簽~無得做in services呀~唉~快些少~之後區總監黎sir見我悶悶地,無野做,就俾左本singapore既特刊我睇,真係好厚,好豐富,不過都係history,有點悶悶地,又係英文,要好細心睇,最後睇下相.....果然有紀念價值,阿sir都有問我正唔正~途中,可以有團員出營,入營,要有証明,咁有d人漏左資料,咁有d成員係幫手,唔識中文,最後我都忍唔住出聲,因有英文名,對返就知咩音啦~余同佘分不到~彬與杉又分唔清~呢個男仔都好有禮貌咁唔該miss~欣賞~之後我包返本書,佢都好樂意咁幫我一把,great~good~可愛的小朋友~意料不到,覺得他們都很有自尊心,我咁出聲唔知佢地like唔like~有改觀~

仲有阿龍打返俾我,我一句就話:點呀,梁生~....點知原來唔係佢聽,因個個人問我係咪搵阿龍,瘀死~之後那人又一直吵,又重覆我的說話,阿龍就一直被騷擾~於是就俾左佢聽,佢話又話係男仔,係女聲黎架wor,死仔阿龍就一直話我係男仔~之後個個人跟我講新年快樂,我亦都有回應,又問我姓咩....唔知有無問我叫咩名,之後我問返佢...佢姓曾~之後就同阿龍傾返~傾開高木班~佢話....我既去與留並不重要,最要緊既係多一個人報,開既機會越大~死仔....由於旁人太騷擾,就收線了~michael又報,janny又報,龍又報,就報吧~雖然我仲未拎到....唉~

>>January 1, 2007 at 1:43:13 PM GMT+8

2006 年 12 月 29 日 星期五 【微冷】

今日有太陽,暖返不少~尋日真係好大風~凍到死~

carmen仔生日快樂!浩爸爸生日快樂~

今日差點唔記得落車,睇睇下newspaper,望望下....咦,到站了~真是失魂.....真的不在狀態的一天~

記得尋晚做左咩了,就是跟cat talk phone~因我見到佢教我台語的筆記,我要做筆記,哈哈哈~今日都有同佢傾....

無做咩~行來行去~reply左email~咩都想等新一年開始先做~搞下呢樣個樣,睇中心的小說~未夠鐘lunch又出左去睇newspaper~悠悠蕩蕩.....都有幫下盧姑娘睇下點拆數,俾意見~佢根本都識,有sense,唔想做之嘛~因要找單,睇日期,睇items名~

之後2點多大家一起走~我同華姐上廣田~我就睇小說,print埋少少野~之後cat打來又傾傾傾.....!!!華姐因在我旁,有聽我講普通話,佢都話挺好~我話不是勒.....因狀態不好,所以都不知點講...唔記得左~我亦都無心情學台語~

收工~又一day,今年完了~下年見~

出去搵sandy,因date左佢去長沙灣睇鞋~點知buy左對boot~之後過左工業大廈,都有睇中不過無貨,唔想做生意咁樣~行完成身散晒~太迫又細~又買左條手鍊~又出返太子,去返emily帶我去睇個間,最後響呢度買左~因好舒服,又難搵,又靚,不過heel可能高左少許~大家叫我當拖鞋穿~

大出血,散晒~臨時約出去dinner,介紹左金太郎俾佢,幾抵,有些都幾新款~great~咁既價,差不多~傾多陣,9點多....我意猶未盡,想去drink或dessert~最後去左油麻地個間starbucks,好耐無去,因係想去左好耐~

大家談天說地,童軍,工作,心情,男仔,得著~我真係好多野講~速度好快,轉得好快,諗到咩講咩,怕sandy跟不上,幸好佢適應了我,哈哈~諗到咩講咩先好,不過無次序,可能有點亂,此惡習仍未改好~好耐無傾得咁暢快,雖然累~眼也快合上了~我都是喜歡心靈上的接觸~唔知係咪抑壓左好耐,今日大出血,亦不計較用左幾多錢~應該有壓力...今日有點瘋狂~不是今日,前陣子才買了it mickey衫~可能也受節日影響~不過下個月找數就心痛了~原來我認真上來的樣子真的很嚇人....哈哈哈!!!!對不起~sandy還真的了解我~我也很喜歡sandy倚賴我的感覺,感到被受重視~

傾到過左人地收工時間都不知道,12點多了~之後又一直站響巴士站傾傾傾......傾到2點多,我都已經不斷問sandy要不要上車多次了~哈哈哈~佢依依不捨,傾開吧~多謝你的信任~

響starbucks,個4個麻甩佬...哈哈哈~sandy話我用厭惡的眼神,因佢地都有撩個靚女starbucks姐姐~雖然靚女有人撩,有人望是不錯,不過.....有時都挺討人厭的,君子一點,不過可能那4個人不順眼吧,又不是漂亮的男生~我個時響my shop幫手,都好怕呢d人~不過靚仔就不同,哈哈哈~很衰~

亦都讚細angel好好玩~跟她去玩就不錯,玩得很放....i like~個次玩頭跟蘋果應該細angel同cyrena一齊玩也可以的~細angel同cyrena都真的很投入角色.....good~~~哈哈哈~~好好笑~個日真係笑得很開懷~

我都好耐無同你地傾計了~唔知幾時有機會呢??我發覺得真係好愛你地~哈哈~愛又氾濫了~特別掛念菁菁,winnie po,同埋emily~

>>January 1, 2007 at 9:40:30 AM GMT+8

2006 年 12 月 28 日 星期四 【乍雨乍晴】

好野,返埋今日,聽日就好似放假~又對完d小朋友了~

改功課~打碟~睇national geographic~今日唱歌既人好快散~good~轉一轉心情,佢地一個月都唔係成日唱,就很願意幫佢地打碟~有一位老友記俾左包餅我~似賄賂,似食剩~anyway,我俾左華姐,而且佢地點對我,我都一視同仁,唔會對佢特別好d~只會心情好些,對個個都好,有笑容~

無野做就睇報紙~lunch~

上英文班~有新同學~尋日先準備教材,盧姑娘surprise地望住我~

歐陽姑娘問我仲去唔去玉山?我當然去,只是南部地震,而且天災也避不了,又是4月的事,不關事呀~

上完,又呆一個小時先落去tutor,因不用接小朋友就可以晏些~

那個小三的激死我~回家不做功課~等我答案~又唔肯認字~我一定要同佢家長講,原來佢mummy話佢自己講做晒功課,在家睇電視~講大話~自己唔上進,邊個幫佢?我講完,都無心情理了,唉,沒救~在我面前罵又有何用?沒用的~

放工,又去大眾買我想買既小袋子,唔知裝乜,但我好鐘意~雖然唔防水~我已買了一個用來去台灣,當小小錢包~之後佐敦下車,行去tst既hmv~因我好想去聽歌~聽千嬅新個隻~又可以運動~最後幫襯左buy千嬅及at 17的concert~cool~哈哈~懶得再去mk search了~車錢都在~而且成日聽免費歌,貢獻一下吧~

途中有跟bill談談童軍,我有好多plan,好想讓大家認識下我地既會員~我指童軍界~cool~有跟他說about我補功課的事~又問我義工個張點~都傾左一小時~佢仲未報優異旅團,simon叫我唔好寵佢,要佢自己做返,都只係填一張form吧~原來佢只係studying poly既part time higher diploma in social work,唔係嘛~仲要4年~仲要咁貴~仲以為佢係今年一月graduate添~原來只係完左個semester~oh..god~佢點專心?

又經九龍公園行返去home,順便睇下個健身徑,因不少時候我會來吧~做運動~不出去,可能因太大風,就跑樓梯~呵呵~仲有不足一個月,努力~

返到家都2200了~食dinner~不過很夜先sleep,唔知自己做過咩~不在狀態,累累的,有時突然唔記得自己想講咩,嚴重左少少~因念頭一閃,無抓緊~

開心今日出左去~哈哈哈~~好似見到barry??想去hmv好久了~一個人到處走走~hehe~

>>January 1, 2007 at 8:51:02 AM GMT+8

2006 年 12 月 27 日 星期三 【乍雨乍晴】

返工~仍是遲少少~歐陽姑娘請病假,我又懶懶閒~又print下野for supporting documents~

上唔到網,無得repy email~由於阿cat有野問我,我就用sinagirl個個先~因我聽說這個沒事~資訊科技發達的年代,一遇上癱瘓....真是.....大災難~

出糧?那麼早?good~happy~又同主任傾下account~要做9-11月之petty cash~同埋fixed asset,仲有呢一個年度的會員~

盧姑娘問我account可唔可以埋佢project既數~其實邊有唔得,不過我耍佢.....我話未做過,唔知點做,其實account好多時都接觸唔同的數,呢d就係挑戰,根本無話做唔到,係我唔想做~之後話好忙...剛剛主任又俾左d野我做~每個items我都要問返佢既def.,睇下放咩數入去,不如佢自己做好過~做完佢又睇~多此一舉~因為佢話唔識放d數入去,因個fundings有錢剩,可放中心的數入去,佢話唔識,未做過,大佬,有咩野係人一出生就識?靠sense放囉,唔係唔識,而係太複雜,唔想做咋~我都有此經驗~都幾麻煩架~最後佢都自己做,我又係咁講....佢就轉topic,哈哈哈~煩音勝了~

係唔知點解佢叫我做野都唔多想做~唔bind佢~知佢會俾我唔做,恰佢~哈哈~不過我樂意幫歐陽姑娘多些~同埋傾計都會願意多些~佢突然講一些女性問題,我初時都get唔到,可能係我保守,佢真係好奇怪~我無留意wor~不過佢都不時講一些呢d~不過我唔覺得佢同我地講呢d,會有什麼好感囉~我都係太保守了~佢都有講佢朋友的感情事,因煩到佢無得sleep,因佢係社工嘛~呢個都可以~不過都唔太想傾,亦都無咩好傾~因都幫不了什麼~都係無咩好感~

死啦,第時有人幫我跟野,都唔知自己係咪都俾左d既咁既感覺俾人~跟我依家既處境一樣~

print野又被佢發現了添,hehehe~

tutor~都係咁樣~準時走人~good~

>>January 1, 2007 at 8:29:35 AM GMT+8