2007 年 1 月 26 日 星期五 【颳風】

兩天合共只睡了5小時~原本打算今朝唔訓,但都係頂唔住~

上班~強~無講假,因唔想蝕~

call up~好彩有d野做下,就係聯絡一下老友記,我地下星期四,五去探佢地~咁我都無咁眼訓~

俾大家睇下我尋日個樣~hehe~俾我既同事睇,都話唔同樣~哈哈~我都係個句,人真係靠衣裝~我同佢地講,俾有個朋友話我似大"禁"姐~笑死佢地~

出新年時託管中心的安排~design左張notice,都幾靚,yeah~原來託管年三十放到年初八~yeah~就算我要返老人中心,我都可以早放~hoho~不過幼稚園既同工們就可以放到年初六呢~

lunch~無咩眼去睇news~

打不到日記~就執下手機既相~

上廣田,訓左~真係訓左~係華姐叫我先識wake up~

take 215x返home~因太累~唔想行咁多,又想響bus上sleep~真係好快返到home,又唔塞車,響poly落~我去到又剛開bus wor~great~返到home即bath先~

差不多2230就sleep~我返到home都無即刻sleep,因怕晚上睡不了~回到家就食下野~睇下電視~有套卡通好好睇架~響5點多,6點做架~

尋日好多外國人見到emily,都係咁拍佢地~哈哈~外國人就是如此,佢地見到人地結婚,佢地又好開心~不過如果我到左其他國家,見到咁,都會好開心,都會送上衷心的祝福,以及拍他們呢~自己也如是~

>>February 2, 2007 at 3:13:56 PM GMT+8

2007 年 1 月 25 日 星期四 【颳風】

今日係emily既大日子,成為潘太的一天~就係咁....嫁左了~

天公做美,只是早上有點清涼,下午有太陽,不太冷~令我地呢班咁少布的姊妹都沒有什麼~

全日都係咁perfect呀~yeah~emily organise得好好~準備得好好~今天好正~

emily今日真係好靚.....由朝到晚都係咁靚~係super靚~yoyo~~

起床~校左0610起床~因我太累了,太熟睡了,聽到春天花花幼稚園校歌,還想問為什麼那麼吵,不要那麼吵可以嗎?是什麼來的?最後我醒起是我的alarm clock~所以想起床頭的手提電話,拎起,熄左個alarm~emily一早就知是我的alarm了,還奇怪我為什麼還不走去關掉~哈哈哈~我太累了吧~

化妝師,jackco到~jackco到前,我就梳洗,更衣~我懂得用emily的沖水馬桶了~哈哈哈~要有一點技巧才可~由於伴娘裙的扣甩左,拉鍊位也沒有了那個手拉位,就求救,用扣針頂住~加上我有披肩,不成問題.總之唔甩就無野啦,我無所謂~化妝師好快手咁幫我set完頭,化好妝,就到emily了~可能我不習慣化妝吧,總覺得怪怪的,不襯我,對眼又變小了~不喜歡~不過,emily真係好靚.....呵呵~~由於她經常被relatives圍住,好難得先同到emily講~

姊妹到~未到前,大家都問我地址,由於尋晚由唔識去到由emily一路在電話上帶我去她家,最後成功到達,咁當然記憶猶新,而且仲好記得佢家的地址添~~之後同佢地briefing~分晒工~咁佢地有佢地咁執下個樣,準備一下games,伴郎又打下俾我之下,佢地終於上黎了~(後來在emily日記發現,潘生自己自爆,原來有好熟的兄弟教路,叫新郎哥唔好咁早上,因為會蝕底,唔怪得拖咁耐,激死,因打算落街,點知由於佢地咁遲,就有更改,幸好,我地d姊妹好醒,所有方案都有準備好,而且執生得好,才沒有亂子)

接新娘games~我有d質疑佢地係咪男人~拖拖拉拉~食芥辣朱古力,又話唔肯食~(後來伴郎告訴我,佢地都無咩食,食左dd,就掉左去後樓梯,呀.....男人,唔怪得唔知做咩中途走晒,以為佢地唔接了)~之後就answer 10個心心問題~我都無咩聽,因太嘈,又留意下emily情況~不過佢都好忙,打機.....不過佢d阿姨都係咁圍住佢轉,又take photo)~有唱歌,不過唔夠大聲,後期在大家一齊努力協助下,靜晒,姑丈就扮返emily的回應,好搞笑,好敷衍咁話是但啦~做掌上壓,唔肯做,新娘要99下,佢地咁多人,每人9下都掂啦~睇到人火都黎埋,emily個姑丈都滾滾地,面都紅埋~佢都有搞氣氛,成日扮emily話聽唔到~之後emily既daddy教路,又幫下口,佢地就響牆上做左...唉~

之後就係10個承諾~都係個d~都有朗讀~不過奇怪既就係,其中一個承諾唔知點解老婆出街,老公要成日打電話俾老婆~當中我有做下傳話個個,講下俾入面既人知發生緊咩事,因為太嘈,都唔係好聽得到~幸好我知道佢地玩乜,又跟得貼佢地既進度~閒時又做下time control~好叻叻,呵呵~最合作的就是最後一個遊戲,就是新郎要用腳響冰中夾返條key出黎~佢地其他兄弟都無咩幫手,係後期用手潑走d冰,但唔理,倒晒響地上,之後要我地清理,激死~不過夾到,勁~good~佢地真係好唔合作~差d趕唔到吉時,佢地唔玩,不如唔好接~之後拎條key象徵式地開emily的房門~就成功接了~最後0930就完成,早左~spare game沒有玩~

斟茶~呢個moment都未到我出手~因有四嬸~經過今日我應該記得emily的家人了~我就負責扶下emily起身~幫emily收利是~聽下各位阿姨的吩咐~而我亦都好快咁分工~哈哈哈~辛苦晒各姊妹~發覺我地無經過阿哥既褲襠下走出門口~而ida及菁菁負責撒米~新郎成日走得好快,真係要追先得~我又要用紅傘遮住新娘嘛~我簡直就是一邊學一邊問一邊做~幸好沒有出洋相~

出發到男家~由華舅父充當新娘車的司機~很合作,又有很多意見,人又好,good,又醒,架車都怖置得不錯,當然emily整既裝飾都好靚~~成班人仔無響emily家樓下take photo~唯有在男家take啦~因每一套衫都要影一影先得~由於d物資分得好散,幸好emily有2手準備,袋又有list有咩,我又有一張list,佢又pack得好,所以要拎時都好方便,一袋過~good~

男家斟茶~今次就是我了~我要負責,幸好有人幫手,伴郎托盤,有人幫我洗杯~否則一個人點得呢~初時程序仍有點亂,還好後來好smooth,其實是機械式的~伴郎幫我斟茶,我就遞杯,接杯,收利是,幫手戴手飾,扶新娘起身~阿傑就被徵召去洗杯~初時d杯每一個人都放響另一邊,搞到我接唔到,後來我叫下,示意一下,後面既長輩先俾我咋~cool~真係忙~成班兄弟姊妹就響後面觀望一下~

lunch~換衫~由於煮得太慢~jackco都上到黎了~又係佢教路既時間~通常都會煮唔切,唔好聽佢地講,寧願換左先,一路上妝就一路食~搞唔掂應該一早出聲~accessories個d應該邊化妝邊慢慢戴,咁就慳返好多時間~哇...初時真係嚇親,因記得拎婚紗,就唔記得仲有shoes,accessories,补的盒(最唔記得呢個)~幸好有佢地臨時幫手~初時都仲要問爸爸物資袋放左響邊~不過最緊要定,就唔會亂,今次我都做得不錯,幾陣定~因我都要問返emily仲有咩係要既~因佢地都問左好多次仲有無咩係需要的~真係麻煩晒~都係list返有咩要好些~物資,哈哈~平時做開個些表真係好有用~

於emily的老公日記上得知,jackco話emily好食得~因平時d新娘好少食~我同sandy都好快飽~幸好sandy有得留低~否則我都唔知點幫emily著衫~不過有左今次經驗,相信都獲益良多~識左好多野~都知應該點幫人著衫~yeah yeah~無左sandy,我一定手忙腳亂~hang住機,無咩concept~

伊甸園~好快就去到伊甸園,因為無塞車,cool~good~catch到個time~又麻煩左欣欣幫我拎con case~掛住emily d野,都唔記得自己d野~去到toilet,又唔識用水嚨頭~真是的~見到大細ryan~佢地架29人van仲未到~由於太大風,我地入左去先~出返黎先知佢地入左房,唔知整咩~幸好有sandy同jackco~cool~大家就等入去~佢地又take下photo咁~步入左,我同伴郎無野做,就坐下,俾左rings~emily眼淺了,傻豬~幸好有jackco教左新郎點抹tears~d妝都幾勁,無淚痕~我地都爭取到去take photo,哈哈哈~yeah~要快手d先得,唔好諗,叫你就要去影~因我地都開始俾人趕走~我地都好有風度咁叫emily既同學仔take先~佢地再think,就無得影架勒~我一行去emily度,佢既tears就不斷咁流,打算幫佢印下,不過太強勁勒,棉花棒不行了,一定要用tissue,真是的~

香港公園~大家響伊甸園附近影完~就去公園了~他們的家人都好客氣,往往都係我地影先~當然我地都好識做,即刻安排返d時間俾佢地影啦~後來拋完花球,可能佢地就走左了,因唔知幾時就無左佢地既蹤影~細angel係接左架~咁當然要啦~東東又話黎幫細angel接,之後求婚?真是的~我地不停去唔同景點take photo~cool~行到都好累~又上斜,落斜~因為emily thristy了,就由伴郎買野俾我地飲了~cool~掛住忙,飲水都唔記得了~幸好有ida同cyrena,幫輕左我,我先有得蛇下,坐下~有時都唔記得跟貼emily,注意佢有無喊,就遞上tissue~真是的~哈哈哈~失職~有時都唔記得係咪應該我去幫佢拎裙,見到sandy,cyrena幫手,我就想係咪自己失職,發現原來唔係,真係要另一個人做的,我都要顧得掂自己條裙,我可以既或見到emily有需要而沒有人在旁就去幫手~嚇親~

上環富臨海鮮酒家~影完靚相,當然就搵舅父去酒樓~大家都終於有喘息的機會~不過....呢個新娘都幾wild,行去酒樓途,都左穿右插,真是服了她~大家執下野,等一陣方便些~點知有人唔識做....又話要放低d野,講左幾次都仲唔快d....真係俾佢激死~講下一陣run down~俾碟班兄弟~佢地有些就去decoration~其間我地都take左不少photo~玩左陣,打左陣麻雀,有d打機~食左陣野,有金莎,有瑞士糖,keke~我當然偷懶,不過都唔放心,都四處張望~最後都離開左玩樂的地方,而emily話我都唔可以離她太遠~

差唔多了,有d姊妹迎賓~emily換衫,上妝,出去同人合照~辛苦晒~又到我補妝,set頭~呢個妝我勁滿意,好好多~靚幾多呀~真係感嘆人靠衣裝~咁我就不斷自拍,hoho,難得咁靚~又加上emily mummy件晚禮服有點意外,我就同佢換左件披肩,因我無所謂,我又唔係主角~大ryan終於話我唔似大"禁"姐了~激死~細ryan就話我之前敗筆於副眼鏡及個毛毛袋~因我揹住左,佢成日都問我係咪要揹住個袋take photo,無計,好貴重架,好大責任架~我著起件伴娘裙似阿典娜嗎?

我同sandy搞掂晒,我都呆左,之後sandy提我地去抹裙,對了,抹了一半~咁就入返新娘房,cyrena就跟住emily~又安排左拉鞭炮~我同sandy搞掂,佢就sleep,我就自拍~之後見咁耐,就出去催下,因個時間過左~我出左去幾次,又同jackco傾下點做~我又去催下酒樓,要收麻雀,我就走去收我地個檯,無計,熟既就叫佢地幫忙一下,因真係遲左~終於新娘入黎,跟足jackco指示,真的快好多~大家分工合作,各自配合~well done~新娘搞掂,到酒樓未得~我又出左去催幾次~太慢了~我每次話佢,佢都好唔滿意咁望我一下~

幾經辛苦,到mc講左introduction~就到好靚既emily入黎了~正~加上鞭炮,雖然有些拉唔到~不過都好正~到佢地講一番肺腑之言,真係感人~令人熱淚盈眶~喊得多好呀,emily都唔駛眼藥水~我就忙於俾紙巾2位媽媽及emily~原來福建人好少出到聲讚人,如果真係出到聲,就代表真係好好好了~emily一見到婆婆就喊了~她還就台下的阿姨都眼濕濕~食左第一道乳豬,又入去換衫~我倆基本上都有食野,每一道都有份,因主家席是分埋菜的~yeah~不過太飽了~新郎,新娘,我同伴郎都食唔到~不過由於要送客,無得食紅豆沙,嗚嗚嗚~佢地班野仲話好好味~而我同伴郎都係戇居居咁企響第二排笑臉迎人~但係我都係掛住我既紅豆沙........沙.....沙....

emily衫既次序是,早上是补斟茶,之後到男家斟茶後換拖尾婚紗去伊甸園,再到酒樓之後換补睇下邊d人未斟茶,再換綠色的跟大家合照,再換白色步入酒樓,再換紅色的敬酒,最後原意換綠色的送客,但因時間不夠,她又想跟大家傾計就不換了,那jackco幫她補完妝就走了~每一套都有跟她拍照~YEAH~咁靚點解唔影~

敬酒~我就負責執好裙擺,emily教路,拎起佢個鋼紗,但要推前,否則佢行唔到~真係好累~幸好又有酒樓公關,提醒我地唔可以行得太快,都追唔上,我就要好醒咁睇下zip咩位~唔好阻佢地之餘,新娘都可以入去~手又有手袋,又有吉盒袋.....拎完真係手都斷,震晒~哈哈哈~差唔多都識晒emily既relatives~仲有佢個d好可愛的表弟妹~都唔明有一位爸爸做咩係咁要佢個仔錫我以及同我跳舞,最後emily話佢地既錫只係臉貼臉,咁我都應承左~佢個仔都真係幾有性格,都幾有表演慾~佢阿爸都幾搞笑~

games~玩新郎,原本係估邊個係新娘,點知走晒,換晒兄弟上,emily匿埋,潘生都算醒,話個d手唔係老婆既~又無rings~哈哈~幸好都無親吻jei~之後佢都搵得返~哈哈哈~但佢地叫佢用佢最lum個句叫返老婆出黎,佢竟然講左句:"你響邊?"~~原來呢句係最lum既~之後表弟又唱下歌,跳下舞~亦都有兄弟唱歌做表現~家欣同阿拉mc都做得不錯,幾有氣氛,good~欣欣都好自然,金牌司儀係你了~今晚氣氛,效果都不錯~emily精心挑選的歌都好好聽,唔會好老土~great~~yeah yeah~~

執野~換衫~等2位mummy換完,新娘換完,就到我了~真係累到成隻野咁..即刻換返對birken stock~其實響酒樓未開席時我都有換~呵呵~真係辛苦晒各姊妹,全日又要戴con,又要high heel shoes~我都係下午先換con~中途又有得著birken stock~呵呵~點齊晒,無漏野,又趕emily mummy走,叫佢返去休息,我地搞掂就可以了~pack好野,d兄弟黎幫手拎就散了~

唱k~一班兄弟姊妹分左房咁唱k~初時d兄弟話搞,我地無人去,但之後又分房,好像有點兒那個~算了吧~佢地都真係好奇怪~一班餓狼?我都好耐無唱~好野,之後又有一段時間可以唔駛去唱了~yeah~唱到3點多閃人~好累了~

那個蠟鴨髀飯~沒風度,另一個攝影師不小心撞他一下,他刻意走去再撞一下,咩人?~真是~個個都撩~又輕挑cecilia一下~又差點搶我手機,話俾電話我~變態~佢地下午lunch,又叫人俾msn個d~真係怪人一班~佢地話似相睇,男一邊,女一邊~不過有幾個尚算正常的~那個人竟問我是不是結左婚,所以對程序那麼熟悉~我咪答佢,我醒jei~我真係第一次做伴娘好不好?我也是邊學邊做~連伴郎都問了我幾次~唉~做咩近期咁多人都話我結左婚?我真係好老咩?慘~~

呵呵~emily一家人都真係幾客氣~係咁讚我做得好~客氣得令我有點飄飄然~hehe~真係做得咁好咩?唔知潘生潘太有咩意見~最緊要係潘太滿意就好~因我都不是太貼身,有時都有走開偷懶~有咩意見,歡迎俾返我,有機會下次做好一點~搞到我好鬼開心~又俾人讚我靚wor~yeah~~努力再減肥~

伴娘果然很忙~反而伴郎都真係無咩野做架bor~不過都睇主家人用咩形式架jei~

我仍然疼她,但有時真的太過份了,似乎喪失了理智,很多藉口已不適用了,而且有點事情也不是理所當然的~學習及提高情緒智商是一個必須~我只是很傷心,而且我也再沒有替她爭辯的力氣了~希望有段冷靜期,令她自己想清楚吧~所以就算我有空,或許是藉口,但我今次不想再去幫她,而助長了一些壞習慣~

>>January 31, 2007 at 5:28:56 AM GMT+8

2007 年 1 月 24 日 星期三 【颳風】

早左去到幼稚園,點知夠人唔駛我,原來主任唔記得通知,我就上返老人中心~

活力操~toilet,有人被困,我連用key都開唔到,今日歐陽姑娘無返,就出去找盧姑娘求救~於是由唔識既人---我去帶~真係hang晒,佢地都知我唔識,就讀出黎求救~有好多公公婆婆都好好人,教我,我就跟佢地做~當然,實有人d人響度嘈,做咩帶帶下走左去,真是的~盧姑娘搞掂,開到wor...之後再研究,應該係個鎖內部有問題~

call up~打下俾d老友記,下星期我地去探訪,睇下方唔方便~

腳有點不適~發現有少少位突左出黎,比左腳多少少~可能今早走得太多了吧~

接小朋友~俾佢地玩~因佢地考完,只要佢地唔好咁大聲,無危險都俾佢地玩~我落左黎,林姑娘有咩做?咪又係無~我都唔明白,用不用要我地呢d老師落黎~可能有時盧生會叫下佢幫手~咁又要坐counter個d~有時真係唔知佢點安排人手~

俾鄧皓名搞到喊~點解?事源是佢地小息,佢要摺紙,我唔俾,佢問點解~我話每一次摺紙,次次都整到個地dirty~佢唔肯,仲摺,我又起火,佢都係...又話老師你大晒咩~之後又激到我,我話係~而佢都越來越激.....佢都唔肯道歉,俾左好多次機會,隔左陣,我又再俾,佢都唔理,我就打算響簿仔寫低,點知佢走過黎搶我支筆,見到我未拎佢本野,搶埋,我咪話就算佢搶晒我d筆又點,我可以問同學借~佢掉左我支筆,收埋佢d野,唔做功課,眼光亦很凌厲~之後佢發作了,因我叫d同學唔好望佢,佢地有時有望,佢就尖酸刻薄咁話望咩,係咁罵人地~我都唔理佢,只係control其他同學~等多一陣,有時我都啤住佢,我又再俾機會,佢唔理~我同林姑娘講~

之後又唔知因咩事,又同佢大吵,林姑娘入黎話下佢,佢都好激咁回應,係不顧一切咁駁回~一路駁一路喊~林姑娘都叫大家唔好理佢,唔好望佢~就係咁,我都忍唔住喊~我背住佢坐~教同學功課~佢唔知做咩,有時都整下我張chair,我唔理佢,因我真係好傷心~態度可以那麼差?之後佢兜左幾個圈,又望下佢地,好想融入返佢地,之後經過我旁講左聲對唔住就走左~

我知係時機,叫佢出去傾下,佢初時唔郁,我走過去叫佢~問佢做咩咁,明唔明點解我唔俾佢摺~問下佢在家中有無對父母咁~叫佢以後要注意一點,否則會很傷心~之後叫佢同返林姑娘,同學仔say sorry~咁我就教返晒佢做功課先,佢條友仔,自己未做完既功課自己剔左,之後佢自己拎返出黎刪除左佢~都算係咁啦~佢好快咁做晒,佢就同大家玩了~

今日幸好佢daddy接~佢daddy同我講其實佢有自閉症,叫"亞氏保加症"~12-13歲就會好返,因為邏輯思維會發育完整~但如果小時候做得不好,有可能好似news上個青年咁,自己孤僻咁....!!咁我都要小心些,唔可以硬碰硬,兜下圈先~但又唔可以太寵~鄧小朋友就係社交+寫字~這種症有別於自閉症的地方就是,他們智力及語言能力正常~

依家d小朋友真係好多問題~日後生左,有理無理都響適當時候拎去做下評估先~有時你真係唔知架~因好似鄧小朋友咁,我會以為佢係倔強,愛面子,自尊心強~原來佢唔接受係因為自閉症的特徵,習慣左個一樣,喜歡那一樣就只會做個d野~好似take bus就一定要,趕時間take mtr都唔得~而且不可以一時間處理好多野,佢接受唔到,load唔到就惡~佢daddy話佢唔識切身處地都想他人怎樣想,沒有顧及他人感受,所以社交比較差~

講真,我自己都有hang機既時候,一load唔到個一下火都係衝上黎~但都係個一下~咁我咪都有?有時我都會講得好尖酸刻薄架~不過我就會顧及他人感受囉~有時真係唔知~要好細心~因為有時都只係好輕微的~不過鄧小朋友都幾好,有時都肯接受,都會肯傾,而且主動講對不起~不過佢daddy都話大部份時間都有"亞氏保加症"的特徵~可能佢daddy都因疼皓名,所以心煩了,之後佢地都好想帶個仔快點回家~有感不願再講那麼多~講真,最後我都好滿意,因佢主動講對不起~佢個腦回復正常,都想同大家玩吧~

趕回家~呢期都好早,早放互,差唔多1935就回到佐敦,真快~快d執好野,沖好涼,整下呢樣個樣~10點多就到emily家~我問emily有無worry我點解咁耐都未上去,之後佢話對我有信心,知道我有分寸,所以不擔心~我跟住一家人的尾入lobby~想按lift時,點知大家都係37~去到emily家,點知原來他們住在emily斜對面~cool~~佢地就問我係咪姊妹,我就話自己係伴娘,之後話唔怪得之咁靚,哈哈哈~

去到,emily brief下我,佢上下頭,幫佢吹頭,抹指甲油,敷mask~呵呵...做emily既貼身妹仔~1點多就上床~同emily訓父母的床~傾計傾計....傾到2點多先sleep~~其實我已經很睏了~

>>January 28, 2007 at 3:05:13 AM GMT+8

2007 年 1 月 23 日 星期二 【乍雨乍晴】

準時~

量血壓體重服務~由於華姐落左平田開門,就由我地3位姑娘搞掂~似乎好似以後都係咁,所以老闆叫盧姑娘上午不要有活動~血壓算返少少~哈哈~體重無咩變,不過仲浮游緊~

盧姑娘講健康講座~我就search下台灣既資料及童軍的資料~做自己野,print野~

之後做起晒今星期興趣班的工作~因明天我不會到老人中心~

佢地都好早lunch,由於呢個week我都要早落去,所以我都早左出去睇newspaper,再交待俾盧姑娘知那些進度~

接小朋友~好長既一個lunch~因為明天考最後一科,常識,就由得佢地自己溫~黃達之唔肯溫,由得佢~叫佢抄又唔抄~唔理我,算了~真係唔睬我架~其他人自己溫,抄下書,練下字~

tutor~因為少功課,俾多次機會,只要佢地安靜,我就俾返小息,大家都有玩,要叫佢地斯文些,不要玩得唔開心~呢期都係俾佢地玩多~不過放完新年就唔係咁講了~

回想點解自己會做呢份工~我明明就不要老人家,我都已經迴避了,但見呢份工既時候,都知要對老人家,點解我仲要栽入去?如果我真是做老人中心,我時間就不用那麼長了,又不用功課輔導~5時收工,幾爽~又唔駛只係得女仔咁悶啦~唉...真係蠢~可能7000真的吸引吧,普通的活動助理那有這麼多?CYRENA話佢都會係咁,因為你個時只想要一份工,當時都很難好理智咁諗,有份工俾你都已經好好~那又對~anyway,我相信上帝的旨意,而且我自己亦都有一個好好的地方俾我去接觸小孩,磨練一下~

都算是清閒的一天~仍然貪吃,仍然有吃dinner~

>>January 28, 2007 at 1:59:07 AM GMT+8

2007 年 1 月 22 日 星期一 【颳風】

becky生日快樂~

打碟~頭暈,想嘔~唔知做咩,今次真係好唔舒服,見到華姐返黎,我即刻功成身退~真係未試過咁唔舒服,我已經校返無咁大聲了~而且己用tissue做耳塞,點解會咁?係自己身體問題還是音量太大呢?同埋我如果頭暈或頭痛太嚴重就會想嘔,唔知有咩事,可能耳垂不平衡,不過later都全身檢查,問下咩事先~......今次打碟真係誇張~之後我都坐響度休息~

其實今日賣奶粉,呢邊又唱粵曲,真係好嘈~下次不要同一天吧~

呆下,check email,食左2件粉果走人~個腦都run唔到~

今日係接5個小朋友~由於第2天test maths,就俾佢地lunch完,休息一陣,就印exercises俾佢地做~再加上有個家長已經剔定邊d exercises要做,咁仲好,我又用個d copy俾其他小朋友,最緊要佢肯~我都好細心咁教劉殷彤,因佢一遇到唔識就避,佢真係o丫,我都幾疼佢~佢地d睇鐘技能比較弱~遇到時間加減就唔記得晒最base既野~未load到~而黃達之,佢唔做都唔理佢住了~一陣到我班再貼身教吧~

tutor,俾我訓話~佢地響小息時好過份,玩到打交,又唔開心,又嘈~佢地事後靜晒聽我訓話~唉~激死~罰佢地無得小息~因大家考完試,又係另一學期開始,都無咩野做,而我都好鬆,無咩什俾exercises~不過佢地太過份就要話~佢叫佢地唔好再講事情經過,無用,因我無親身目睹,大家口供又不一,所以我都無信佢地,反而遂個及遂級去話~真是的~叫他們不要得寸進尺~仲問佢地知唔知咩黎,唔知就講解~激死,我都唔想罵~因都有點不適~佢地早俾人接走,又無咩野做,做完野都俾佢地玩,之後我都可以早放~yeah~

出去fitting~好快搞掂~見一見emily同潘生就走了~其實都未知伴娘有咩做,雖然是貼身,又話好忙好多野做......又唔可以確切咁講~算了~當天就知道了~smart少少就可以了~亦發現其中一位店主人住在emily樓下呢~cool~~世界真是小~

感謝上帝,時間剛剛好~幸好今天的玉山meeting改左,而奶粉商又沒有奶粉~否則我今天真的很趕,而且d野會好重~亦發覺個schedule的星期六及日真係密晒,而且比較重要的事情都沒有撞,還好~感恩~

去舊迎新~電話換了~衣服亦捐或掉了不少~我經常在想這是一種重生,一種脫變~因為東西都充滿了回憶,尤其與阿成有關的~人大了,taste有點不同了,不再喜歡寬大的衣服了~而且都趨向lady了一點~這很好,快點拍拖吧,而且自己心中亦趟開了一點,沒有那麼怕醜,顛左~當然,女性的矜持當然有,初期都會比較靜一點,不過已經沒有那麼慢熱吧~已經快了一點~哈哈~勇於表達自己的意見~哈哈~

cyrena依家做spy都做到厚臉皮了,good~有進步~係咁尋根究底,在問為什麼~good~沒有收埋了~雖然佢其實係仲顛過我,唔怕醜過我,積極進取過我~

港島地域~見到有通告標明該地域的人才可參與,我就覺得很有趣~用不用那麼label?雖然simon都說每一地域都是這樣,都是出通告既地域優先~不過也太明顯了吧~應該是我見識太少了~還大驚小怪呢~佢說有時九龍地域都是這樣~哦~或者可能避免其他地域既團員或領袖浪漫心神去報名吧~從好的出發點去想吧~

st.john~差不多到期了,寄了信來,叫我地去一天重溫課程,同埋考試~與cyrena夾了時間~希望不要拆開,她可是我的partner~原本1st choice是3月17日,不過亞龍叫我報輕便坎事班,日子撞了,我雖然覺無聊,不過佢太煩了,就報了~而st john就延期了~又傾左陣,講下玉山俾人奕飛機,佢又講阿勇打俾佢~哈哈哈~佢咁nice,阿勇一定搵佢啦~哈哈哈~~佢先唔會再搵我~哈哈哈~不過由於阿勇跟我做一個task時,take了photo,好似佢攬我咁,又俾阿龍講,激死我~夠了,不要再將阿勇同我講在一起了,反面~

>>January 25, 2007 at 4:37:35 AM GMT+8

2007 年 1 月 21 日 星期日 【乍雨乍晴】

哇,真係好凍好凍~唔係因為我病呀嘛?

真係....weak,有打哈"次"...弊~

佢地落左去幼稚園幫手,因為佢地去參觀益力多廠~由於我對腳既問題,所以不用去~點知有小朋友嘔~星期四到我去,因歐陽姑娘請假,我陪華姐啦,雖然我唔想咁頻撲~唉,又話最好有2個人,其他老師唔得閒,因為仲要上堂~

對腳,行得,不過仲腫~按下去仍痛~

改下中文簿~因今星期都要早落去,因小朋友早放,林姑娘又請假~所以興趣班不用我帶~盧姑娘問我,唔係以後都係咁嘛?我話唔係,this week jei,同埋都因為林姑娘請假,而且之前都已經唔駛我了~

今次早落去都唔係咁抗拒,因為lunch完俾佢地玩陣,叫下佢地自己study,印下exercises,好快就打發了~只要佢地肯做~最緊要黃達之肯做~佢真係....有時真係鬥佢唔過~唔理我,唔聽我講~你都真係無佢乎~我都無咁執著lu~壓力少了~鄧皓名又病了,所以都唔會咁惡~反而叫佢唔好講咁多野~又調佢位,等佢唔好吹冷氣~好多時都同佢地傾計,佢地又好多時有好多野同我講~漸漸好似唔係miss咁~哈哈哈~有時太鬆又唔好,但嚴格對他們長遠來就是好的,但有時又心軟~

早上還在頭痛,下午卻沒事了~

早走,hohoho~佢地考完試無咩野做~yeah~我都好鬆,無迫得佢地咁緊~不過秩序,態度都要執既~

放工,出左去tst心心拎野~走回家~

>>January 23, 2007 at 2:35:03 PM GMT+8

2007 年 1 月 20 日 星期六 【乍雨乍晴】

唔知做咩好累,唔想起身,11點先起身~

打下日記,食breakfast+lunch~

童軍集會~先是教些步操~哈哈~無咩準備,都有阿bill提點下~真係要當佢地唔識先得~仲要加上timing~雖然仲複雜,都可以試下既,如果佢想~之後帶下熱身,自己都拉到添~就到cyrena帶games了,都未玩晒,因大家都唔識摺飛機,要教佢地~今日都好開心咁完結~雖然步操有待改進,但都係一個好既開始~經驗中學習嘛~

全旅camp~我真係俾simon激死~stubborn到~我同佢個point唔同,我就只要有人黎認識我d仔,對唐氏綜合症及自閉症有認識,唔存有誤解,唔有歧視,更能體會共融係咩就可以了,其他都可以拆得掂~佢地真係好叻架,真係各有專長,雖然情緒有時不受控制,有時都好有性格,但好真,好純~但simon既point係,呢個係全旅camp唔係共融camp~又問佢地入黎做咩~義工?幫咩手?d野又未定?係咪有咁既需要先?佢地就算真係入黎,有咩人?幾男幾女?又要事前有個talk俾佢地初步了解我地既仔女~我話可以遲d先~佢話咩遲d,要快d~大佬呀,我既遲d唔係指個camp前幾日呀~我當然有分寸~

講開有位,佢地入到,又話行政做咩咁差,唔夠一半就應該cancelled~我話下,要用基金嘛~而且兩團都出錢,希望今次家長當義工,俾佢地free咁入,佢話蝕,而且要俾晒錢先~用左團費要交待~等等.....!!!我話,點會取消jei?今次既目的係咩先?大部分既人都去到~而且行政唔ok咪經驗中學習囉,你第一日做領袖都唔係即刻咩都識~佢話唔知咩叫經驗 學習~佢又話中心平時都有搞開架勒,唔應該容許咁既情況出現~

人地黎,如果我地做得唔好....唔知人地點講~佢話童軍好複雜好難解釋~我話我唔知你地o丫~我就好簡單,一聽到佢地共融就ok~佢地都好簡單,個阿sir想佢地體驗咩係共融,佢地直情係唔知咩黎~佢知佢班venture既性格,有d唔成熟既都唔會叫佢出,而且都考試,skills佢地都無乜,唔好期望d咩~我話我都唔期望~至於點搞,可以再傾~人地都會派d唔搞事既出黎~我地其實個camp大概做d咩都出晒,我都略略講左,又講左佢地角色係咩,有車接送(當然由家中往返我地中心take shutte bus個d車費就要自資啦),唔駛錢,唔識去我可以去接~有咩需要就出聲~我話佢地3算係幫我手,我既人,我一定關照佢地,幫佢地爭取benefit既,而且我人又好~哈哈哈~阿sir都話好欣賞我地呢d領袖,因係比較有耐心,愛心~

咁顧面子做咩?雖然你有木章,都唔駛咁驚~你一定有一定既talent啦~而且有咩意見咪接受囉~大家互相學習,互相成長jei~放低專嚴,面子,敞開心窗,接受及包容一切~我都在學習中~人地講咩咪由得人地囉,有時人地都要教育一下架~

而且佢竟然話唔做負責人~咁唔負責任既說話都講得出~我話負責人有4,bill,danice,simon,我~心胸狹窄到呢~講完一輪,又話都只係負責一day,因為佢2nd day走~唉~佢最初又話我做咩唔同佢商量,我同佢say sorry~因我都plan好上星期開會,點知佢臨時有事走先,就唔開~咁我都只係講左俾bill及cyrena知~又問我有無同scout個邊講~我話咁我返去問~佢又唔知講乜,又話關見到scout個邊咩事~cyrena又提議要venture內部同意先再與scout discuss~佢都無answer~唉~其實個main point都係,佢覺得我地唔尊重佢,又無同佢講,個camp唔夠人又唔同佢discuss應該點做~雖然你係老臣子jei....但你都走啦~又話唔知幾時會再返黎幫...但有應承我會返黎~你係咪真係為佢地好先?

我都承認無同佢講,就搵左人~我都道了歉~不過真係好複雜~bill話都要通知terry~心想,人地唔係九龍地域,又駛唔駛話俾上面知呢?真係煩~下次識做了~當然,佢係老臣子,都當然要尊重,有咩都搵下佢~但佢心中真係太狹窄~而且,佢係咪真係為班仔,大家都有目共睹,大家心照~

最後佢話佢無所謂,我話無所謂又會有咁多意見?佢話佢真係無所謂,當佢剛剛講既野發up瘋~我話係咁講,我咪當係發up風囉~佢又話...你真係當真?.....我咪回應,你咁講,我咪咁回應囉,但我話俾你知,你講d野我會記響心囉~之後我響msn同佢講,我話佢講既野有佢一定道理,我係有聽既~我同佢講,我真係當佢發up瘋都唔會係咁響msn要求佢用電話同我講?我點會唔在意?我亦都好緊張我既一班仔~任何有關的我都在意~

再一次俾我感到童軍自我風格很強~而且太複雜了~亦都顧慮太多~

mcdonald~集會完同左cyrena佢食mcdonlad~佢入左麥樂會,而佢仲欠我一個pie & tart,就轉為apple pie了~傾下計~

dinner~由於食左麥記,就只係食左少少~不過有葛湯,當然唔放過d葛啦~好味道~不過好飽~

emily~腸胃炎,唉,小心些,可能就到了~

又係試dvd轉mp3既事~搞到我頭都暈~好多software~哈哈~我在想,我既人生是不是都要耗在這些科技身上?神話俾我地知,物質只是身外物,到了天國,就乜都會無~我又追求quality of life~是不是太無謂?還是我學了這些,當中背後有些旨意呢?神會安排的.....而且自己也不是耗太多心神,有時不貼近日新月異的花花世界,不能打開話匣子,脫了節更不能傳福音吧?其實QUALITY OF LIFE都只是心靈上的滿足~好像去行下山,去旅行,去環抱大自然,物質都真係好少~物質你鐘意都係一短時間,時間過了,就不喜歡,被新歡所取代,對喔~我都反醒自己有否太過份,我都唔係買太多野~而且我都會collection完後又掉了~哈哈哈~回想也覺無謂~尤其偶像的東西~自己也要注意點~

聽歌~買左咁多碟,有排聽,hoho~~只怕唔夠時間~

唔知係咪作病~頭痛~死得.....下星期五先作病好無?咁我下星期六就請sick leave~

>>January 31, 2007 at 5:21:32 AM GMT+8

2007 年 1 月 19 日 星期五 【颳風】

尋晚2點多先sleep~今早9點多就醒,習慣了吧~

尋晚咁夜,係因跟我的朋友研究點將dvd,vcd轉去mp3,又將d mp3 direct cut~佢真係幫左我一大忙~謝謝~many thanks~佢又要幫我search wor~又係佢教我點用window media player將cd歌轉去mp3~cool~佢又成日share d野俾我~哈哈哈~~不過佢都識左好耐了,是因為我響msn add錯人,所以就識到佢依家~原本都唔係太理佢....不過傾下傾下都ok wor~哈哈哈~佢人真好,為人為到底呀~

在家中督促下弟弟study~又同下佢一齊溫下咁~又同cecilia,欣欣保持聯繫睇下emily gift點~

當然又搞下mp3~睇下mingdow既影片~有時星期六放下假都幾好~哈哈~如果有d病病地,請下病假都幾好~又清下電腦的files等~等多幾個月,再去整下部腦先~依家無錢~又想買返d台劇睇下~不過...joanjoan會買,我就唔買了~不過我還是想要買返王子變青蛙~定係由得它在我記憶中呢?為什麼我要買它呢?我是否真的再看呢?但過左咁耐我都仲想要bor~因真的好好看~其實都是喜歡自己擁有~好啦,有錢先啦,哈哈~消閒品~好看我,我都會買下來~

上73堂,得我一人,私人教授,cool~有咩問題就問,幾好,其實可以上佢forum及打去問...哈哈~anyway,都得知左好多knowledge,反正我又未玩咁多function~上到去都好似幾樣衰咁~哈哈~上星期個初階我唔上了~哈哈哈~不過有notes及file都不錯~哈哈~

去左行信和,買左janice,S.H.E之移動城堡concert及eason之get a life concert~又睇下seiko watch之實物~又睇下台劇~想買就買,真係支持歌壇,哈哈~無興趣既就問人有無就算了~

take bus,出左tst既心心叫佢改~之後行左giodano,買左3條褲~hoho~~在家留下遇上daddy,那時已經9點多了~先dinner~

腳還是有點腫,不過不痛了,但小腿痛~平田商場呢個都不錯~

緊密與emily,欣,cecilia聯繫~有關wedding gift~emily小心點,她有腸胃炎呢~可能太辛苦了,又要自己一人搬床"肉"~唉~佢真係一個好女仔呢~又大體,又識得諗,又肯捱,又醒,又有sense~如果唔係因為咁,佢都唔駛將婚禮簡單呢?她幾咁為人著想?令我越來越愛這個好朋友仔~亦都好感動呢~真的~

>>January 21, 2007 at 5:05:12 AM GMT+8

2007 年 1 月 18 日 星期四 【颳風】

準時~

今日早上盧姑娘請假,打算做好多自己野,打日記呀咁,雖然都有打,不過都是在下午的時候~

發生了一件不幸的事件~就是當我上班去坐地鑼的途中,在落樓梯的時候,一不留神,看newspaper叉錯腳,扭傷,成個人坐左響度~剛好有一列車到達,噢,很多人呢,即刻不理什麼就起來,不過自己又拎好多野,唉~痛住咁走,人地點睇我呢一幕都心中有數,只不過emiy既wedding ceremony同埋我既玉山之旅更加令我苦惱~真係好痛~幸好有得坐~

我仲係咁行返公司~歐陽姑娘問我做咩唔搭車~叫左華姐落去時順便睇下個間跌打開左未~再望下隻腳,腫左~shit~無用冰敷~因都打算去睇跌打,雖然有想過無得著返對鞋,都係唔理勒,睇左先,我都唔想再拖~有打去向菁菁求救~歐陽姑娘都叫我回家,咁樣唔得,盧姑娘又請假,咁咪得佢一個?下面有可能即時找不到人,又想見下佢地~我咁為公司做乜~個個都叫我回家,唔好返工~阿cat話應該先冰敷再熱敷~將那些血結塊再熱敷地流走wor~

咁得知開左,就落去睇~佢係咁推拿我條筋,痛到....我要掩口地盡情表現出我痛苦的表情~我叫個 醫師唔好理我~佢話都唔係太嚴重,條筋拉傷左,2日就好,而且解鬆鞋帶就可以穿回鞋了~佢同我傾計,邊度返工ar,人工低,唔好做呀咁~我話在家又無野做,佢話我可以在家湊仔,我話我未結婚架wor~佢之後話我27,8~我話我都未有呢個age wor,我好後生咋wor~佢話可能我皮膚比較黑~又話我靚女,仲話佢後生幾廿年,一定追我wor~我叫佢唔駛再兜勒,佢已經講錯野~

收到盧生call,問我26係咪有咩緊要事,我話係,我要做伴娘~佢叫我以後請假唔好一至五,因搵人替我好麻煩~我幾嬲,我都一早請啦,所以我落到去就特登話俾林姑娘知,因我知佢實將我講既野講俾佢知,我話我今早扭傷左,好多人都叫我走,不過我無走,因知道你地搵人難,所以我無走,仲突登俾佢睇,話我即刻去睇跌打~有時我都真係幾唔圓滑,個樣一定都嬲嬲地~嬲到我.....早知走左去好過~佢地知唔知扭傷呢d野可大可小,我就曾經因為處理不好而腰痛~無良心~我唔鐘意呢個boss~我要走~

咁我就坐響位,改簿,做下自己野,因st.john既first aid都就黎到期,佢寄左信黎,我要同cyrena夾時間一齊去考~咁我就篩選左些先~而且歐陽姑娘又用緊部腦,我就搵下自己野做~而我隻右腳都抽左出黎,搵野墊底,踩在地上,因有對鞋好唔舒服,而且佢有d醫流出來了~已經有少少沾染我對new balance了~其實尋日在office中,都有一不小心扭一扭~其實我扭左一扭,應該更加小心,之後會好易扭到~

lunch了~要戒口,不要牛肉,糯米類,酸辣~上英文班,我都同佢地講,由於我扭傷左,所以我都唔寫黑板了,曾生自薦去寫,我說不用了,又送了一張佛的card俾我,祝福我下次不要跌到~大家都很關心我,佢地都叫我不要上班,又叫我戒口,不用我走那麼多等等~thanks~~盧生,林姑娘個d..唉~我都有話俾盧主任聽,因佢打黎話monday去益打多廠,要我同華姐去help,我就同佢講我腳扭傷了,不要去會比較好,而且沒有請假,亦都唔打算走,叫佢唔好咁緊張,知你難搵人,佢就問我點整親....佢好驚我係工傷嘛~

功課輔導,話俾佢地知我腳有事,所以我都唔行黎行去copy野俾佢地做了~叫佢地自己溫書~今日都俾左好長時間佢地小息,大部分都考完了~余生搞到我好嬲,佢都唔知有無認真聽,有一條數講極都唔明~如:你有15本書,我比你多7本,兩人合共多少~佢就唔明點解公式係15+15+7~搞到我嬲到...氣喘~我無開口罵人,只是好靜咁,全班竟然靜晒.....好靜!!閒時我就望下余生~由於我未下氣就教鄧生做功課先~不過都亦都變得很有耐性,平心靜氣~又都告知新來3年級的李小姐中文有咩問題,佢唔夠creative,太死板,唔識得運用個腦圖,佢仲問我關腦圖咩事,我再解釋~又叫佢拎返我上次教佢做個中文工作紙....連老師都是這樣說~而且我教的另一樣東西,睇返answer都prove到我講的事是對的~佢都開始bind我了~最後余生都識了那題數只希望唔好俾返我~

關小姐,湯小姐,鄧先生都經常搞亂我課室秩序~唉~下次都係用眼堽住他們好了~不用出聲~鄧生都話我惡,轉頭話唔驚我,不過佢口硬~我對佢地,就好似對我既朋友一樣,當佢地話人既同時,我都會順便指出他們有什麼性格問題~希望佢地知道我係疼他們吧~暫時都可以的~

出太子,因裙要度size~好快搞掂~幸好我記得有帶齊野~無同佢地dinner,因為要戒口,家中又留了飯~之後就take bus返home了~

林姑娘同我講,盧生見到我咁,佢話如果好嚴重,聽日請假~我話,下?乜佢見到我咩?我唔覺囉~晚上盧姑娘都打黎,大家傾傾下,思前想後,都係留在家中休息好些,而且盧生都咁講了~唔好行那麼多~於是決定了,傾左都算叫病假....哈哈哈~~yeah~我可是沒有太多annual leave剩了~佢打黎就是為了益力多參觀及下星期我要早落去既問題~盧生話d興趣班叫盧姑娘再分配,盧姑娘一再強調,佢咁講即係無得改啦,盧生就是這樣~因為沒有辦法,林姑娘請假,初時林姑娘只叫我早去接,我十萬個不願意,咁早對住好慘,而且覺得係因為我講左個d說話就叫我接~因早期都要,之後知我忙,都係林姑娘接返,由佢地玩,做咩依家講完扭傷件事又要我接?最後先知佢請假....咁就沒問題,我好樂意,ok~

盧姑娘就幫我請假~hoho~仲send sms話俾我知搞掂了~記得填返假紙就ok了~

最後thx for細米,菁菁,cyrena,emily,歐陽姑娘,華姐,cat既關心了~

>>January 21, 2007 at 4:20:09 AM GMT+8

2007 年 1 月 17 日 星期三 【颳風】

好似又唔係想像中咁冷~

忙的一天~打針,emily不打了,因怕有effect,影響佢結婚就唔好了~講座,我負責set下場,睇下佢地有咩需要,我初時都有聽下,之後就出左去行行企企~由於同保良局要左100支流感針(之前政府又話緊拙,依家咪又放返出黎,好彩都有人執到平野,不過都過左少少時間)我地唔夠人,盧主任就上埋黎打~之後一齊傾system及解決方案,都1點多先lunch~辛苦晒盧姑娘,佢下午又要上堂,之後託管,都無咩時間食野~身體要緊~見到負責打針的姑娘,好似響camp quality見過,叫嚴姑娘,不過無相認~我地幾個都無打~呵呵~

早放的一天~真好,因明天是最後一天exam,幫大家溫晒,又走晒,正,早左10min,都真係好多~都應承佢地今日放長上小息,但要乖,否則....扣~乖左~大家今天都輕鬆,大家都算聽話~鄧生話我真係好惡~都有同下大家傾下計~哈哈~

去左心心拎改好左既bra~1930就出到tst~真快~問清楚有咩問題就可以拎返去~佢地d cup真係太大,我覺得因為無standard jei~其實咪又差唔多~要睇實際size先知~都可以去買既,但個d無謂野,咩減少肩背痛,講真....肩背痛成因有好多,可能bra都只係十分之一而已~咩矯型等等,功效是不是那麼大,我就有點質疑~~所以佢sale我,我都無反廳,不感興趣~由於我轉左帶,佢一對透明帶要$30~我當然說不用,以為佢會送俾我.....真是~

發現有時會在mtr車卡上遇上同一個男仔?哈哈哈~巧合而已~emily話我行桃花,講真,都真是巧合~同日,我見到報紙,一名男仔借故在mtr追女仔~仲wedding添~叫途人送花真係work,正~

今日歐陽姑娘著裙&boot呢~cool~少見~hehe~著多d啦~佢咁瘦~

n73,發現電話來時會有system讀出對方的名字,只限英文~不過,講真都聽唔到,不過幾得意~因今早我聽耿歌,emily打來,就聽到有人不斷說"emily...emily....emily"哈哈哈~真過癮~因我on左say caller name~哈哈~~

seiko錶~晚上就係咁叫人俾意見~得出結論係白色錶面863,851~不過亦可以考慮黑色錶面既,去試下先~hehe~~搞到12點多先sleep~欣欣就like紫色面~hehehe~~又買野?我d錢......!!!thanks sandy~

又plan下emily之wedding gift~

>>January 19, 2007 at 7:11:15 AM GMT+8