2007 年 2 月 5 日 星期一 【微冷】

準時~

今日開例會,幫手影下相,抽獎及收錢~應該有人抄錯no....因我見個個人既名已經被刪除.代表已不是我們的會員,後來在歐陽姑娘口中得知,她可能已經逝去了多時~嚇得我~尋日先有人講左童軍營地既故事~

改下中文班野~之後都唔係好想做野,就呆下~email~lunch就sleep~

tutor~換左人~依家有6個~通常一遇到有變化,都hang一陣機先~不過都要時間睇下d同學係點,再安排及要時間適應~佢地好嘈~亦發覺得依家d小朋友全是放1900的~我相對是由於梁老師不做了,新的老師是放早的,所以將早放既都調晒佢個邊~唉......多左一個成日話唔識做,又訓覺,又心散的難搞男同學~一個多咀,成日報串的女仔~小朋友...真是.....!!!

不過有時候,都要不斷咁提醒佢地做錯咩~大人都成日唔記得啦,何況小朋友~而佢地又貪玩係正常既,不過功課時功課,遊戲時遊戲,否則唔俾小息,有好多野唔係理所當然的~成日報串係想得老師歡心,不過要提醒咁樣會令人感到神憎鬼厭,而且諗下自己有無錯先~有好多野講左未必有即時既效果,不過持之以恆,我相信一點點既改變一定是有的,所以不要氣餒,不要放棄!!!如果叫左佢唔肯做,有時間就理解下咩事,傾左陣會好一點,不過真係要好有耐性,如果仲係堅持就由得佢先,期間不斷問及鼓勵~一日,二日還可以,但到第三日就要罰+罵了~讀左d野又係佢地既~

其實以上呢番話係講俾自己聽的~remind一下自己~鼓勵自己~我也不想迫得自己太緊,只會讓自己辛苦,睇開些都不錯,因有d野唔係話自己想點就點~不過就嘆下氣囉~

今日拎左d奶粉返家先~等joanjoan~因佢臨時date左我出去傾計~點知搵佢唔到,幸好佢仲記得約左我,佢電話唔知做咩收唔到~去左佐敦一間日本料理,都唔算太貴,有一個南瓜芝士墨魚麵真係好好味,不過真係太飽~多謝joanjoan~佢又出左bonus了~唉~我真係poor~無計,人各有志~佢都叫我去佢會所做~佢同我傾感情事,唉....我都想祝福佢,希望她今次不要太傷,愛情......真是令人掌握不到~要做既,就只要陪她,唔開心既就在她身旁,開心既佢都會跟那人分享吧~

男女之間,太煩,不要想太多,順其自然~做回自己~

同becky佢地越來越遠,因為大家玩既野唔同吧~我都唔like蒲bar個d~

>>February 8, 2007 at 2:16:55 AM GMT+8

2007 年 2 月 4 日 星期日 【颳風】

睡得太多~弄得我都唔係睡得好好~

準時~好累~搵野做~做12月petty cash~仲病病地,重鼻音,仲打咳嗽~lunch大家都在睡覺~

下午~呆下,打下日記,點下email~

yeah~終於check到我張委任証有了,有number了~九龍地域個個人成日都唔想幫我check咁,成日話最少要一個月,又講下呢樣個樣,又話要俾總會搞,我唔肯收線呀,我話我趕住報班~初時叫我俾低資料,點知講下講下就幫我check埋~真係懶到...11點多,聲音仲好似未訓醒咁~呵呵~即刻話俾course leader知,睇下我可否做in service先~

下午tutor~接小朋友,劉殷彤見到我都會出來了,平時會先跟其他同學傾計先出,跟我熟了呢,成日都同我傾計~tutor得4個小朋友~無計,又多假,又考完試~都幾好,重點執佢地d野~不過佢地唔努力都無辦法~又有性格~唉~唔單止處理佢地既功課,有時urgue,無禮貌,教返好都要handle埋~哈哈~

終於收到199th既電話~有人黎開會~不錯~一位avsl,一位venture~即刻向simon同bill報告~bill唔記得左要開會~亦都唔記得我地響centre開~我地venture scout leader metting先出去開之嘛,不是嗎?

遲左收工~無計,要幫余生背書~趕出去join我支部技能班的同學~十仔,michael,steven,arthur,eda,janny同我~最後都係去左pizza hut~大家傾下in service,近況,幫arthur班,傾下呢樣個樣~我同janny又吸收下新知識~arthur又講不同童軍camp site都有ghost story~真係多得佢地唔少~我就入洞梓了~不過arthur跟他們磁場很接近吧,所以先會遇到那麼多~而他也真的經歷了很多~佢都幾tough~

又互串下咁~十仔囉,想打俾arthur,點知打左俾我,俾我串,響我旁問我響邊,幾大聲~佢成日話我蝦佢~michael又成日用個肺講野~hehehe~佢話我好惡wor~哈哈哈~咁快俾佢知?可能做miss已經做得入型入格了~但佢係咁specify我要進修expedition囉~找死~arthur就成日俾我拆穿佢既年紀,俾我窒佢年紀大,hehe~想還擊?於是我用佢部mobile威脅佢,等佢mobile swimming先~steven成日招呼我地,成日叫我地食野,真是的,太客氣了,我就成日話佢迫我食野,哈哈~慢慢食,咁趕做乜?11點多走~我走回家~佢地話通常高木先有咁既gathering~誰知我地中班都已經有了~幾好呀~開心~大家都好期待下一次~不過都應該又係我約架勒~今次係janny propose,我約人,arthur跟十仔定食咩~合作無間~

我同janny都好需要報班~你地快d幫手搵人開~arthur開唔到呀~佢推左份TA~佢地叫我以rover scout身份wor~又係得wor~我成日用音波功碎碎唸,我要上班,我要上班~點知arthur選擇性地時運高~但一串他年紀就很大反應!

今星期真係無咩邊日回家dinner~為什麼突然這樣忙?晚上整理下台北住宿的資料~thx for eda幫我問下台灣有沒有平機票~佢由教師轉職做導遊~因太辛苦~都真係好開心識到佢地~今次幫唔到arthur班,唔好意思了~我真係爆schedule了~分身不暇~不過我都無咩skills,幫咩手呢?哈哈哈~

>>February 6, 2007 at 4:24:29 AM GMT+8

2007 年 2 月 3 日 星期六 【微冷】

camp quality為廣州camper搞的海泉灣之旅,今天是第二天~

0730 morning call~睡得很好~好暖~一覺到天光呢~我個女問我可否開燈睡,我就叫她嘗試一下不開,因為環保,加上我不會switch off toilet既,都已經好光了~一來太光睡不好,對眼睛又不好,二來要train下才可~試下啦~

又煲下水,整理下行裝,就落去breakfast了~好多人一早就起來了~無咩野食~雖然係buffet~不過有豆漿,不錯~有蕃薯,有好味的腸仔,好快就飽了~

咁早morning call做咩?又未咁早上車.....唉~不過都好既,時間太緊太趕又太累~這兩天都好輕鬆,好多時都在等時間過~等的比較多~所以在等的時候,都在睡~都睡了很多~休息很足夠~不過應該可以再安排多一項節目吧?不過可能車程都會比較遠,說到底,中國地方都比較大~

乘車,唔塞車就可以10分鐘到既九州水會泡溫泉~玩下笑~按摩一下~又可以到休閒室看電視,睡覺,上網,打桌球,等等~泡溫泉,有牛奶的,有咖啡的,有花的,有熱的,有冷的,有按摩的~我覺得不太特別~按摩的,我又受不了,有些打在我的大腿上,很癢,受不了,有些力又不夠~而且我不會刻意走去泡溫泉的人~由於浸了很久,手都皺了,我就叫我個女差不多就叫我,因要上水了~她還很想浸~不過太久也不好吧~而且很多人都已經走了~

泡溫泉都有點事發生~就是lara已經跟有關部門溝通過,有些人不下水,但要照顧小朋友,所以都要進去,不換泳衣~怎知道初時不淮~還好被lara說好了~不過只有女仔通融左~男仔個邊都如是~個locker好麻煩,原來條鎖一感應就是上鎖,要開鎖就要你的加服務員的才可開的~初時大家都不知道怎樣運作,呆左,幸好有些服務員解釋的很清楚,很有禮貌~我初時開不了locker,原來我自己鎖了,因我以為要用鎖先感應才可開嘛~

11點多沖涼~就上去休息~由於我們太遲了,好的位置都被佔有了~而且很多人都在睡了~由於我也累,就叫我個女自己去睇下,玩下~她都有點婆媽~我就說大個女了,自己去闖~找不到2個位,又不肯,我都沒所謂,最多我坐得不舒服而已~都說巡過了都沒有位呀~最後找到張sofa一齊坐~可能做得miss多,都不會太寵她們,哈哈哈,不會不出聲了,有錯就糾正~我就睡了~service不錯,有人幫我蓋毛巾~哈哈哈,這兩天不斷在睡~變豬了~差不多的時候就去找女~差點找不到,幸好有服務員幫我~

1點多lunch~好多人排隊~今次出左4轉,哈哈哈~都不錯的食物~cake麻麻~有些甜品不錯~lunch完後就臨別秋波了~跟我個女再拍一張照,就走了~我們都有交換聯絡方法~cool~

乘船,又睡~其實睡了很多,也不累了~1735已經下船了~走回家~途中遇到另一位campanion,還買ice-cream,不過他的body shape很好~整理一下,執好野,上下網(因我弟弟開了我的電腦,仲打機?俾我罵了一頓),換下衫,就落街join大家了~還好不趕,也有好多時間~

幫sandy慶生,於佐敦莊士敦廣場西南佳餚hot pot~cool~大家今日都好好笑,笑到肚痛,因為da神的關係~亦都解決左好多未知的問題~因每一次想discuss一樣野都會游走左~哈哈哈~成日要問返~發覺今日大家大部分都戴返眼鏡~哈哈哈~好full~thanks cecilia整既chocolate cake~發覺大家都好高薪~我真係好低~

講左俾大家知,我幫camp quality個小朋友斟茶時,被人"唔該,阿姨!!"......呆左~其實初時我都唔知,身旁的人都在笑,我問我個女先知~什麼?我有那麼老嗎?我明明樣子也很年輕~細ryan說是我眼鏡的問題?真的嗎?我都戴左幾年了~佢仲話因為我同佢地一齊先覺得我同佢地同年紀~哼哼哼~還好有cecilia,佢安慰我,被說阿姨,很多很年輕都已經做左阿姨了,著我不要太介懷~~怎麼搞的?而且為什麼我那麼在意?是真的老了才可在意.......噢~要認老了吧~今天有12人呢~大細ryan,東東,angel,ida,sandy,cecilia,欣,cyrena,菁菁,細米,我~

跟你們聚會真的好開心,真的,真的~真係好愛你地~果然係一班好好的朋友~而且我深信一定keep得好好~以前仲怕....好難齊人,so far黎講,好多時都有好多人~已經好好了~大家經歷夠多了~聊天也好~開玩笑也好~合作也好~都是一班好好的伙伴~

11點散~多謝細米的2R相~我真係好鐘意呀~yeah~蟻仔的畢業照~i love it~

>>February 6, 2007 at 3:46:00 AM GMT+8

2007 年 2 月 2 日 星期五 【颳風】

sandy生日快樂~璽生日快樂....(撞鬼,唔記得,星期一先記得,希望佢唔好嬲)

一早起身,請病假~

0725出門口,步行去尖沙咀中港碼頭離境大堂集合~早到,yeah~路途上同susan姐姐傾左陣,佢終於得知我返緊工,又叫我早d出聲,請我,嗯...可能是客套說話呢!!

今次去海泉灣,上次同香港的小朋友都有去過~今次d義工雖然都識,不過唔熟,仍是形單影隻,不過人大了,ok呀,可以照顧自己,而且我有機會都會講下野既,人地應該唔會以為我係啞的吧~~

0830船,再加上行車時間,匯合返班小朋友,都已經12點了,見面後就一齊lunch了~入境期間,發現我條line個個人超慢,最後都轉軚,亦告知同伴們真係好慢,點知有位同伴不信,仲邀我排返佢前面,我好肯定咁話,不用,我一定快過去,雖然已經到佢~~哈哈~給我說中了,佢走左,佢都仲係同一位置呢~哈哈~佢話人地三粒星,高級就慢d~~我報以微笑,佢好無奈~哈哈哈~

lunch,之前都有在這間吃過,還記得那dessert~好多campanion都吃不下,因剛吃完早餐不久~但我就肚餓了~因我在家breakfast完才出門的~我個位小女孩好健談,亦讓我了解地貧呢種病更多~yeah~有咩唔食得,有咩要注意~good~佢17歲,叫陳家怡~heheehe~~good~佢一估就中左我係23歲~佢又成日讚自己醒,我就黎嘔死~幾好呀,幾直率,性格幾好,健談,又乖,又識得照顧自己,不用我擔心~

去海泉灣,我唔玩機動games,幸好找到了一位姐姐會玩的,咁就可以陪佢玩~佢死都要我陪,我求她放過我~今日好少人,不太花時間排隊,所以1530就玩晒,地方又不大~但要1730才集合,途中遇到大家在遊蕩~我們玩了4次碰碰車~佢地玩左一次過山車~我又玩左一次微型海盜船,都有點離心,驚驚地,唯有跟架船同起同落,一同呼吸~無玩E型戰車,因會倒轉,而且好慢,我個女唔玩倒後的,所以她都只玩了過山車及碰碰車~跳樓機大家都唔敢玩~

入左聽音室~好像講鬼故咁~我個女怕黑,捉實我~唔知做咩,我都唔驚,哈哈~因都唔係鬼故,其實係俾你感受一下聲音的奇妙~我地都有玩3D互動個個....無鬼聊,又要尖叫,跑.....先有分~聽到人尖叫,真係耳都聾~你響出面望佢地玩仲開心,因真係好搞笑~佢地真係好投入,好high~由於我地半路入,所以都未get到發生咩事~

玩碰碰車~被讚技術好~哈哈哈~不過d車真係壞壞地~有時sense唔到,有時唔知做咩向後~要不斷試~哈哈~同佢地撞都幾開心~有次撞親我條腰~我個女有次同我相撞,撞到我個肺有點痛~而個女都問我應該點駕駛,我都分享左我既經驗俾佢知~每一次我地都想湊夠自己人玩~最後一次終於成功,加埋醫生護士~

1800 dinner,響上次間酒店裡面食,食早餐個度~2030先開show~大家食完又坐,我又tired了,佢地玩magic,拆穿了不少,做魔術師,一定要練得熟,不要俾人睇到破綻,分散別人注意,及有創意~之後出去行下,睇下音樂噴泉,睇下水幕電影,就夠時間入去睇"海邊的夢",上次也看過了~今次我已告知我個女我會訓~不過坐第一行既關係,都會醒下,因有D表演會響我地前面,360度台~我們有位CAMPER被拉左出去玩,表演,hehee~~個男仔ok,都有照做,就有份gift了~yeah~

返酒店~今次住君臨酒店~因明天我們去九州水會,泡溫泉~一個小時車程,大家也睡了~今天既行程是斷斷續續地sleep~我個女訓時呼吸聲都跟我一樣,有聲,哈哈~

上到hotel,即check野,睇下有無咩問題,煲水~個bell boy見到人多個層,又出左去help,只剩下我同個女~個女話佢唔理我地~大家bath完~傾下計,講左我d拍拖史俾佢知,佢拆cq俾佢地份gift-有模型,ron & mandy隻cds,及日曆(有我同cyrena份呢,之前敏卿有告訴過我),一點就叫佢sleep了~因我都tired~拎多張被,怕冷引致我睡不好~

bath時,水壓不太夠,水亦都不太熱~早上聽佢地講,原來大家都有同樣問題~

>>February 5, 2007 at 6:51:04 AM GMT+8

2007 年 2 月 1 日 星期四 【颳風】

阿may終於返來了~一早見到佢~

準時~

改英文簿~打碟~英文班,之後sharply落去接小朋友,因佢地今日去旅行早放,盧生叫我出去聽,佢都費事理,事後叫我因住d時間~工作好密的一天~

打碟其間,由於俾位好麻煩又斤斤計較的老友記試下打碟~咁我就坐響一旁輔助~咁都唔駛我點出手~不過我都有留意情況~

咁我就睇下我d document~於emily結婚當天,在香港公園中我接受了由渣打bank introduce的MSIG個人保險~咁我就睇下份野~而且mark低左問題,下星期會打去問了~保費唔高~但睇醫生都會俾返錢我,哈哈哈~good~對我呢d無咩大病痛的,都足夠了~

之後我又睇玉山份野,因下星期五有高山講座,prefer要pre-reading一次,咁我都好乖~返學又唔見我咁乖預習一次先?咁我有d問題都mark低左~不過當中有部分應該唔太適用,一來我地唔係wild camp,二來我地都唔係好高~不過好多高山症個d就特別睇多2眼~equipment反而因為太複雜又唔識,而且我又唔駛咁pro,又無咩錢,所以都係睇下,無咩idea~可能到時我會問...咩先係好重要,我先重點響個d地方吧~當然,我都有mark低左d問題~

返去home,都有不少野等我做~唉~不如唔好dinner,做左去,咪仲好,減肥?哈哈哈~我要去check下有無漏notes~更新下玉山情況~發現個時我真係無睇錯,佢話包機票架~唔包機票真係差好多~唉~激死~錢~我無架~阿bill仲打黎問我for特能童軍的韓國大露營,邊有$$$?我踩左入深淵~及跟進一下全旅camp,199th黎的事~要開始整理玉山響台北住宿的事,因我明天上廣州做義工~星期日晚又celebrate sandy birthday~星期一晚又出去dinner~星期三晚又要開會~星期五晚就有講座了~要快d整理才可~

今日好少小朋友返~其他班都係~可能是2月份的關係~假多,日子少,又過左考試,d家長就唔駛d小朋友返了~今日我都有3個~人少,反而佢地仲乖~我可以individual咁督促佢地,都幾好~都算清閒~又可以早d收工~余偉安叫我請佢食pizza~hahaha~佢條友仔,上堂唔聽功課做邊,搞到做錯晒,仲話我教錯,改左幾次都錯~連我都亂埋,就叫佢打返school問老師,又驚wor,係咁叫我問~我話唔得,咁大個仔,又唔係我d功課,最後都係佢自己問,叻仔~佢開左speaker,miss話佢掛住傾計,唔聽老師講有咩功課做,咁老師都好詳細咁講點做,good~之後我都教返晒佢~之後因得佢一人未做晒,就叫佢坐我旁,我督住佢做~佢好可愛,我好錫佢架~鄧小朋友又病,有少少發燒~由於大家都病病地,佢地想開門,關冷氣,我都應佢地要求,不過就叫佢地靜些~

今日有人黎睇下d圍身板點整~

去左睇醫生,拎左病假紙~有點內疚~自己又唔係好病,唉~太強壯了~

明天返廣州做義工~大家星期日見~

date左支部技能班同學monday dinner~打去都先要告知自己係咩人....."你好,我係支部技能班的同學,蘇佩玲"....就黎俾佢地打死~咁多人叫阿ling,邊知誰?check晒玉山notes~update左少少~聯絡左199th feb 7開會~good~快點搞埋夜行plan同埋住宿plan~幫唔到arthur班,so sorry~

各位好朋友仔~2月25日我唔可以同你地行山了,因為當天有玉山既遠足training~原本是this sunday,點知大家都唔得~就改期了~我覺得我比較有交帶,有發覺我俾d野係最快同最齊架~可能唔係最快,但都係快個d~就以training為例,佢地好多人都未答得實架~咁我咁緊張做咩?不過我性格如此,改不了~

>>February 2, 2007 at 3:27:15 PM GMT+8

2007 年 1 月 31 日 星期三 【颳風】

準時~

原來尋日已經出左糧了~嗚嗚嗚.....今日先收到~

decoration~摺通訊表~call up泰深訪之老友記,remind+因自己錯誤,duplicate左1個,所以要再搵多一個,而盧姑娘亦打漏左一個~email~send email invite section skills的同學dinner~

幾時跟主任商量有關我3月份每個星期六都要早走的事呢?同埋我諗下有邊d位可以說到?可以再度~但尋日又得知我3月31日既st john一天重溫課程又收左我了~oh....!!!

台灣民宿~阿cat跟得好貼~因佢都知個段時間係放假,怕無房~我叫佢幫我search,我整理就好了~最主要方便,乾淨,不太吵,環境不錯,又平就好了~雖然我地呢團係犯賤團~不過如果有好的,當然是最好啦~

lunch~上面裝修,好吵~頭都痛埋~食完漏左lunch box響kitchen,歐陽姑娘幫我拎返~

又是清閒的一天~自己又懶,唔做野~

依家2點俾老闆臨時徵召落去打信~原來佢要告一間名為興勝建築有限公司~因佢地d手工好差,個d圍身板爆開晒~認真誇張~仲反咬我地一口,話我地威脅佢地簽協議書~盧生話俾我知,法庭個d人都話佢地成日都俾人告,好狡猾,我地呢d慈善團體同佢鬥?認真厲害,叫我地搵社署幫手,盧生話佢地唔會得閒理我地咁wor~

打打下,有人黎搵盧生~佢倆係咁講潮州話~有d小朋友返黎又睇下佢地~之後夠鐘出去接小朋友,print左份野先~~之後份野就由陳老師改~因佢被徵召落黎坐counter~

今日tutor得4個小朋友~幾好~好舒服~不過我會concern佢地點解唔黎~又罵又tum先叫到佢地溫書,真是的~

出causeway bay,camp quality既office拎野~我響度think,出去cwb有咩做,咁難得~最後去左時代marks & spenser同埋sogo既city super睇下有無野食~掃了一點~yeah~一路跟cyrena talk直至cut線~

晚上sandy又打黎同我talk,關心下我~我無野wor~只是有點感慨&傷心,多謝關心~我自知幫不了忙~這些時情我都已經聽左不下數十次~不過無能為力~亦不會做什麼~只是做返我自己~亦不會因為任何人而不跟任何一方來往~只是在此事上,我應該會比較少出聲,少點評論~不過唔代表我會唔出聲~

bill唔見左上次開會d野,問返我2月11日營藝的事~亦發現忘記discuss about收費~俾左些少意見~因過往做法唔會唔收錢~都要視乎團費情況~不可用太多,也不可剩太少~呢一點,響領袖會議都應該要傾一下~咩行政,團章~

又感謝阿cat俾左d住宿資料俾我~我亦都dig起左少少心肝,睇下d捷運站~再睇下台北地圖,睇下我地既選點應該如何~咁集中些找民宿會比較好~而我地外國人的價與他們不同,可能要阿cat問一下~同埋睇下可否由cat check in,之後平d?還是怎樣?我都叫左sandy同cyrena幫手睇下有無平機票~

>>February 2, 2007 at 5:26:17 AM GMT+8

2007 年 1 月 30 日 星期二 【微冷】

小欣生日快樂~

遲了點~今日daddy都是在家,阿may在馬鞍山~

咦!!話咁快就星期三既?heheeh~這個星期不知做什麼,為何那麼快過?過埋今日就響呢度做左5個月了~COOL~而2月又好快過,咁就會半年了~好野~

得知我初五先啟市~yeah~多一日新年假~

改簿,打日記,處理借中心物品事宜,有位老友記家中電話壞了向我們求救~由於歐陽姑娘上左老友記的家,盧姑娘又開組,咁處理借野既事就交左響我手上~未試過,不過慢慢都知點做~最後都入一入去借左盧姑娘一陣~hoho~盧姑娘未開組之前,有位老友記想申請平安鐘,佢又真係問得好深入,我都o左咀~哈哈哈~我地幾個都有眉來眼去~心知咩事~最後佢終於走了,盧姑娘急住去開組~通常我會認為佢地想搵人talking~

通訊表~加左好多隻豬上去~yeah~又睇下有咩問題~哈哈哈~因新年關係,好多野都唔駛搞~yeah~多清閒~咁我就可以做下其他野了~加上託管中心放假個幾日我都可以早放~yeah~開心~呵呵~

中文班~同大家有第三次簡體字test~我俾左好多tips~哈哈~大家今次一定滿分,可以貼堂了,咁我就要諗下點整個board~哈哈~回復返中學生時代,整board呢~之後就同大家傾下飲食文化的禁忌~大家都有宣洩一下情緒,因通常後生呢代都唔會點理~不過其實好既都真係要聽既~佢地緊張你先咁煩jei~傾下傾下又落堂~唔駛大家做堂課同家課~佢地開心到~哈哈哈~開心又一day~只係同佢地傾下~佢地講既禁忌,我都有聽聞~歐陽姑娘都一齊聽~佢又偷睇佢地test呢~哈哈哈~

tutor~都係咁~俾一位三年級既mummy話我英文好差~教錯晒wor~我話佢咁話我唔公平,佢要mark低邊幾條錯,睇下我咪真係錯?只係有佢講,都無我講~咁就算我真係錯,都要俾我知錯咩先得架~我去改囉~講真,佢咁樣當住個小朋友面前咁話我,個小朋友又響全班咁講,我既威嚴咪無晒?我以後教佢地咪話我?無晒公信力?佢咁樣點做一個牧師呢?咁講野都得?佢既defination又係咩呢?呢個小朋友的功課都係小心d對~今日都有開火罵人~控制秩序~

林姑娘又請假?

回家~又食~daddy唔知做咩,打爛左個碗?又開火~~雖然妹妹有時唔抵爭~

好累~早點睡~阿cat好努力咁跟進我既住宿~thx~yeah~有跟janny通電~

仲有poly份form,補課個plan,仲有同大家行山條route都未搞~懶~

下午cat打俾我時,教緊細佬,佢地聽到我用普通話交談,余偉安問我,miss你又話唔識講普通話?我話,普通溝通都還可以,不過教你地同埋讀普通話幫你們溫默書就有難度~

>>January 31, 2007 at 2:36:35 PM GMT+8

2007 年 1 月 29 日 星期一 【颳風】

媽媽生日快樂~因她是計農曆的~爸爸叫我點都返去食一食~

準時~預算今天出糧,點知無~

call up 授訪的老友記~終於有50人了~great~

打日記~回email~

好野~84旅露營既夜行可以當我支部技能班的補課~yeah~咁就可能唔駛幫班,因未必開得成~整埋份plan就搞掂~cool~~開心~雖然路程短,佢都想我快點交貨吧~

發覺我3月份有可能全個月的星期六都要請假2小時~好似唔係咁好~希望有d班開不成~唉~不過如果幼稚園有活動都可以睇下點就~好忙咁.....如果唔係盧姑娘叫我講佢知,我都未知情況是如此~太誇張了~無計,要準備玉山之行~84又去wild camp~撞晒~好忙咁~不太妙,都唔知俾唔俾~盧生又打黎同我傾計就死了~好彩都係3月份~我自己都要小心安排時間~高木班有可能不報~如收,一係就補課架jei~唉~煩~同佢地傾下先~

lunch~好多野食~不過我堅持食我既lunch box~唔留多一日了~這兩天晚上吃了很多~不行~要注意~

tutor~我又開始開火了~因佢地再咁放肆,都唔係辦法,太心散了~不可再縱容了~

晚上去總會的九龍地域開玉山的會~發覺唔係報左就可以一定上到玉山~有小道消息,話有可能有4千多人爭90個位~不是嘛?連那間公司都祝我地好運?不是嘛?怎麼辦?我不要~所以那公司有後備路線,去雪山~我希望不要~而且資金不夠~我俾左$3800~$2100已經係導遊費~仲有機票,台証,台北2天的住宿未包的~oh..my god~為什麼我當時沒有冷靜看清楚,想清楚?好像踏入了一個深坑一樣...又要給錢了~天啊~所以,我們這team人就一起同生共死,一起為這個團努力合作,一齊搵銀了~我最怕就是籌集資金了~他們有找到sponsor(cash及equipment),又打算賣章,及申請基金~~有沒有新的辦法呢?

分了工~我做了財政~呵呵~因不想做宣傳,無咩藝術天份~其實財政都無咩野做~不過分了工,亦暫時沒有確切要做什麼~因呢度傾傾,個度傾傾,又有好多野要傾~又要俾意見~雖然好多野propose左出黎,我地都無咩新的idea,不過得個知字都係好既~章的design,自己唔得,就找人幫手吧~而且我都積極與阿cat聯絡,搵下台北的酒店,因為台灣人訂的價錢跟香港人訂的不一樣,那當然要麻煩阿cat了~如果可以的話~那我就要準備個list俾大家了~至於機票方面....就要睇下點樣可以平d,可能要搵阿勇,佢做導遊的呢~總之,有咩野要既,就去搵最平的,都算是籌募的其中一項吧~盡量減省開支~

至於equipment就盡量找discount及sponsor~~不過佢地呢d勁人,盧sir..個d都識人多過我啦~所以....hehe....最終都係靠佢地~我識個d都係staff only~如果我識boss就最好啦~哈哈哈~佢地年紀有返咁上下,識既人自然就有不同階層了,比較高尚的~

再同edward sir交待共融的事~因有要求199th要低調一點~佢就問why~佢話有咩就講,咁我無expect佢再問,因兩團團長都有此要求,所以我都要think一think,仲叫我透露同我urgue的人的名~我當然唔肯啦~個個人好似都同不少人唔o岩,一來protect佢,二來protect自己,免得影響我形象~都無咩人知佢響84th~之後我問左阿bill~佢話用義工身份,咁就可以光明正大資助佢地入camp,費事應付家長及童軍各支部~不過已知自己旅團聯合集會是沒有什麼的,不用通知,哈哈哈~simon說沒有那麼複雜~其實大家一聽到,就即刻呆左,表不不同意~因大家都唔覺得~

返家~有invite我dinner~死人edward sir問是否減肥,不是勒~我mummy birthday,要返家食~俾佢捉到,佢話之後有咩野,我都應該無咩excuse了~oh.....斷左自己後路添~因mummy生日都去開會~之前無預那麼多嘛~那會去看舊曆的~返到家~吃得很飽~又吃cake,又有湯,oh~~plan左只放肆到尋日而已~自己要注意飲食了~要節制,適可而止~

很晚才sleep,還打擾阿cat找酒店~傾症好耐,好似佢響香港一樣~哈哈~了解了他們的要求,找酒店就好多了~要近市中心,方便去玩~

>>January 31, 2007 at 6:50:27 AM GMT+8

2007 年 1 月 28 日 星期日 【乍雨乍晴】

咦?唔係10度咩~依家算左都係12度~唔怪得昨天都唔係咁凍~不過我有理無理都著左件羽絨先~

準時~

等盧姑娘俾名單我,因依家保良局的名單唔夠人,咁我就再去約多些老友記~不停地打~

今日都唔記得自己做過咩lu~只是期待出糧同埋明天開會~

tutor~都係咁~無野做就俾佢做~教下功課~返工時見到鄧皓名爸爸~

早放~yeah~咁就好早返home了~

好像無咩特別~但好累咁~記得早上落左一落幼稚園幫盧姑娘拎野~因佢地俾漏左華姐~其實盧姑娘知華姐忙,要去呢度個度,打算叫我拎,不過佢地又俾左華姐,不過又由於漏左既關係,我又再落去拎了~

記得lunch時,係咁教華姐點行去廣東道333號~因佢行左去科學館個邊~但個間不對,下次要先記得看地址啊~咁由於我都好熟路,就一路傾一路引佢去~佢讚我帶得好好~哈哈~無計,太熟了~佢有問路人,d路人係咁講街名,我叫華姐唔好理佢地,因佢都唔識邊條街架啦,waste time~有滿足感~

收到阿cat空運到港的烏魚子及她很喜歡吃的朱古力~未嚐烏魚子,但朱古力麻麻~一早也安排人在家收件~阿may要陪公公睇醫生~不過還好妹妹在家打機,通宵未眠~

再見~

>>January 31, 2007 at 2:43:47 PM GMT+8

2007 年 1 月 27 日 星期六 【乍雨乍晴】

0900起身~cool~~

跟弟弟玩不合比例,唔make sense既大富翁~不用半小時就玩完~

打下日記~食下野~俾自己放肆到星期一~之後又繼續努力~

今日童軍不用集會,不過要開會有關全旅camp~simon接受了我既199th~不過centre就想他們低調一點,真是用義工身份~傾左d細節,負責人~我地連營藝都傾埋~danice good,會用white board conclusion~,有目的,great~不過有d都未傾得夠,有d好details既野~物資,點做,內容等~不過下次開會再講都唔遲~都開到9點多~同simon,cyrena去食少少野~人地都差不多關門,都無咩野食剩了~10點多走~相比danice,bill真係差好多呢~

>>February 2, 2007 at 3:21:55 PM GMT+8