2007 年 3 月 17 日 星期六 【颳風】

大欣姐生日快樂~

睇樓~哈哈哈~又有一個好消息~就係daddy mummy佢地終於成功收返柯士甸道個層樓~上左去睇下,睇下可以有咩意見~發覺一定要大修,而且都無咁快,因為住緊呢度8月先滿約~雖然可以每人一間房,不過有可能比我現在還細,可能個toilet仲大過我地d房~但勝在有窗~到時睇下邊個要邊間先啦,咩都唔知~有一間拆唔到,可能要2人一間~

站崗~1045要到黃埔mcdonald集合~點知我未到1030就到左~之後見到d團員~我又去左搵細angel~佢有野俾菁菁~之後幫手安排一下~搞左一大輪,我地都唔駛分組,無分散我地,在場內站崗~哎唷,叫左佢地站崗唔可以拍手,因stand easy嘛,手放後面點拍?只要企好就已經係禮貌上的回應~見到barry葉文輝同埋區倩怡~william係咁嘈我,點解我只係話佢,唔話另一些領袖,我話咁遠點話呀?一直我倆都吱吱喳喳講不停~很快,我同cyrena都要離開了~去換衣服~我個bag太大,真係好狼狽~我聽到有人好無禮貌講係咪痾屎~

行山~好趕咁問christine響邊搭船,我倆買左少少野食,又剛好俾我地趕到船~呵呵~今次要讚cyrena一次,佢識得由碼頭行去交易廣場,爭取左不少時間去join佢地,因唔駛搵路,good~無行錯路~點知都係走左一班車~都叫brother唔好坐倒頭車架啦~一路佢都係食住野~今日天氣好,無咁大霧,不過好大風,搞到我有點頭痛~細佬驚,所以都行得慢,佢地都頂唔順叫我地行先~落山,因佢見到咁高,又驚,有時都有拖住佢,叫佢好似落樓梯咁~唉~罵不行,趕不行,唯有分散佢注意力~佢跌倒,真係嚇死我,仲要"r"個傷口去撥走d泥,唔記得帶急救用品~都叫佢唔好架啦,行得認真且正經一點~要我開口罵,又擔心~佢呀,無行山禮儀,又阻住佢地前進,唔俾佢地超越,又踢石仔,態度輕桃~真是的......之後都係我幫佢拎袋~

沿途上都有教弟弟我識既一點行山知識~不過佢都要係行多點先明~我都比較有耐心解釋了,有時俾d意見佢,等佢自己選擇~佢識自己睇我點上,點落~我都唔多出聲,由得佢自己揣摩,講太多反而佢唔明,話俾佢知點做,會唔識思考,太倚賴及麻木跟從~由於我要照顧弟弟,所以都好少與他們傾計~麻煩大家協助照顧我弟弟了~哈哈~由於一早我唔得閒,就麻煩了cecilia~點知cecilia由嬸嬸變左老嬸嬸了~kekeke~總之真係麻煩大家了~不過我又樂於帶佢出來走走,見多些~早知叫cyrena妹妹一起,我都好鐘意叫佢一齊~我弟弟似女仔,佢妹妹似男仔,哈哈,因佢要保護家姐,呵呵呵~家姐太鈍了~

一段原只有3小時既路程,用了3個多小時~不過都ok啦~去到佐敦mtr都係差唔多,又不用想點磨時間bor~今次行山有,大ryan,菁菁,cecilia,cyrena,細米,emily,我及弟弟~開心開心~不過,呢條路都幾悶~cyrena及細米建議呢條不適合我地班童軍行,ok,我都覺得~再找吧~大家都係在水霸開餐~cyrena響第一個三角網測站,用左好大力氣先上到,kekeke......好似弟弟之後上石搏咁~!都係咁肉酸~

查證左,腰帶應該夾住盤骨,如果在盤骨上,即是腰,咁d力咪去晒d肉到,唔係經盤骨到腳骨卸力?我知道自己點解有時腳步不穩,浮浮地lu,因為我第二天~就算自己行去bbq都係咁,狀態不佳~

無論在巴士上,地鐵上,我既袋都係咁阻地方~弟弟又想黏著我坐,不過大背囊阻住左~之後有位叔叔要落車,佢都好好咁想幫我托一下~不錯~菁菁跟我透露了弟弟的心聲~佢響馬鞍山唔開心~我都有跟菁菁講解一下情況,因佢不懂與人相處,響班上都無咩朋友~不過好的地方是佢肯講出來~哈哈~佢都跟菁菁講,因佢已認得菁菁了~呵呵呵~大ryan話佢中三性格如此,大個也如此,不會變了......那怎麼辦?....不可以做什麼了,順其自然吧~

bbq~佢地先去~由於我地分開左,佢地有d人入左車廂先~弟弟原想出閘先,我不許~咁跟弟弟回家,執少少野,梳洗下~先去百佳,想買chocolate cookies俾emily試,點知摺埋左,我又行去菲律賓會了~俾佢地話我係咪落入左個坑度~好大風~FOOD麻麻地~有勞emily,cecilia,川,細angel了~辛苦晒~d food ok啦~不過都係鐘意叉野燒~咁樣燒,亦都係台灣的bbq方式~似在家中多些~我都係等人服侍多,呵呵~好飽~好頭痛~不過享受與大家一起的時間~

>>March 22, 2007 at 4:05:13 PM GMT+8

2007 年 3 月 16 日 星期五 【微冷】

又落雨~明天怎樣?大家小心點~今日係因為要清annual leave而唔需返工~歐陽姑娘差點誤會了謝主任的notes,我再解釋一遍~而且再按note去分析,因3日分開左2樣野~有2日係放假,得31st係1400-1600~

原0820起身~不過都攤在床~10XX,阿cat打來,因跟我交待yha收據跟發票的不同~一種已含稅~我再搞清楚再話俾大家知有什麼分別好了~因為香港沒有那麼麻煩~之後佢叫我繼續訓,我話我已經醒了~佢仲好興奮咁,以勝利姿勢話......我好高興喔,吵醒了你~......她是神經病,變態~

發票的事，在台灣來說如果像你在便利商店或是商場拿到的發票，稅金是已經含在商品裡頭了，所以不會另外再加~~但是飯店的話，稅金通常會另外再加上去，才會開發票，發票就等於是我們的收據憑證之一，有些地方如果營業額沒這麼大的話，他們是不會提供發票，所以又會有另一種非正式的收據出現，但也是可以當憑證的，因為開發票政府會刻稅，所以單月的25號是發票開獎日，對中末三碼就有200元囉！不過現在真的很難對中了~~

打日記~肚痛~因為尋晚想清埋阿cat特地給我品嚐的烏魚子,還餘下一半,越吃感覺不對勁,好苦,又腥,受不了,棄掉~有可能放太久~今早我就有輕微肚瀉,瀉完就沒事了~還好~

與denice相約first aid practice既事~跟cyrena通電話~hehe~下星期五返中心~扮開會~因我地公器私用~haha~好衰~cyrena仲問點解要隱瞞~

出發去沙田~去沙田博康童軍中心上輕便炊事班~原來響女童軍中心旁~因我同janny食lunch食到唔知時間,要take taxi~$21~都ok~之後見到阿龍~原來佢都有份,又話打俾我~班導李榮光話等埋其他人先~我地有13人~

先由raymond lam wai man講def of light weight cooking~再走base咁學lo sir既萬用刀,國光既燃料介紹及raymond lam既cookset~之後再分2 team走base學李榮斌既鋁紙烹飪及國光既自製爐具~之後就係自己煮dinner既時間~食完我地咁多人就分左3 team,我,janny,龍被拆開~走base咁學由barry ko既食物種類與選擇,葉偉良既煮食方法及李榮光既餐單設計~

由於係親切既九龍地域搞~佢地所有人我都識既,除左班導~一d係上支部技能班識既,一d係區會開會時識既,一d係一齊上玉山識既~發覺自己上既班多是九龍地域舉辦既,呵呵~之前話唔上,因同cyrena都覺得唔多好玩~今次黎係因為阿龍叫,咁有時間咪上囉~發覺上多些班都唔錯,因佢地既目的都係想我地學到既野帶返旅團,宣揚開去~我發覺今次都俾我學識左好多野~我都未try過一個人煮飯俾自己食~又未試過自製酒精爐及器皿~下星期卻要交功課~咩野係輕便炊事呢?越上我就越清晰~而且真係好佩服佢地既planning令我真係越來越明白,體會箇中道理~

雖然當中好多野我都知,都接觸過~不過俾我感到既係大家一齊分享心得,都幾好~有咩問題就問,真係有人真真正正咁講俾我知,同我自己摸不著邊際,估估下,到依家有個outline都不錯~我係百分百信任佢地所講既一切~而且我上完都已經真係心郁郁咁想講俾我既84th知~我仲plan緊點講~點樣可以有氣氛些,唔好咁悶~點俾佢地玩呢?我又無阿sir咁多道具~又無佢地咁多經驗~真係要諗諗佢~我都jot左好多notes~

響煮食上,響選取食材時我都無好貪心~都無拎菇~因為唔想及懶得烚野~哄係要左青瓜,提子粒~主菜就係curry beef,仲要係一包包好似dessert咁個d~飯就係大會分的~不過太多,食不完~太多都唔符合light weight cooking既原則,應該剛剛好~煮既時間,包curry放響飯蓋上一齊加熱~青瓜提子乾等飯好加上去即食便可~唯一美中不足是,我唔夠gas~幸好有國光救我~barry ko都問我係咪無gas,反而我supprise佢記得我個名,我都好似只係同佢開過一次會~我有問佢又會記得我既,答案就係因為我有開過區會,勁,不過我都認得佢,人地大sir黎架嘛~不過我依家識煮飯了,煮完飯再上左一d theory,明左好多~選料,餐單個d響ayp上過了~不過有人經過4日3夜既expedition真係可以只剩下一小包垃圾,真係勁~小如一包不多於500ml既飲料~強~

上完又可以提醒我上玉山應該帶咩snacks~仲有~好多乾左既食物,好似豆腐乾,冬菇弄乾切絲~又輕,又易存放,又有益,營養夠~不過好唔好食就見人見智~上山唔建議帶蛋,一來蛋殼係唔食得要帶落山,二來難保存~建議可以帶奶粉~有豐富的蛋白質~不過飲唔飲都好睇個人,同埋上山都係幾日,無跟足食物金字塔唔死得人既~哈哈哈~

2100落堂~我team好快分晒工,約埋時間地點集合~真快~cool~好似無咩野~我地既lunch都係跟阿sir既demo~呵呵~好奸~

之後有同edward通電,講開分team無用~原來以我地學員角度覺得無用,因無team work可言,因買完既food,煮前要pack好響自己個子母兜中,煮完都要響自己子母兜,搞到好似分開煮咁,駛乜分team?拆散我地做咩?最後edward以行政及班導既角度講,方便佢地教學,因走base~無時間,無資料,而且太多人~上支部技能班都學過,因有一topic係教授技能的技巧~咁又係wor~咁做咩拆散我地?我又覺得大家合作既時間唔多,都係分team聽theory only~怕咩呢?edward未expain之前聽到我投訴都話係班導問題,不過佢好快咁分析及問原因,再解釋~cool~勁~bind~keke~響佢身上好多野學咁bor,又有耐性wor~又好人~我都有成日窒佢,好似無嬲咁bor~成日點醒我,多角度分析~cool~勁人~又有心~我話俾佢知我無佢地行政既經驗所以想不到,但點解阿龍係區領袖都係咁講?可能佢無咩幫過班掛~之後edward就話遲d會搵我....咦,有d驚wor~

上course都幾好,一齊分享及交流,又有野學,不錯既感覺~佢地又唔會嫌我蠢~我問個d問題又唔會笑我,發現新大陸咁興奮都唔會鄙視我呀,覺得我低能都已經不錯了~同學都幾好,有傾有講有笑~同janny一齊又開心,因大家都係咩都問個種~有咩都講~總之,有野學就開心~幾得意~我team既一member話我中左招了,因會好忙的~

>>March 22, 2007 at 3:37:17 AM GMT+8

2007 年 3 月 15 日 星期四 【微冷】

準時~又一星期了~好濕,最唔鐘意春天~有位小朋友唔聽,叫佢企好d,否則會滑倒,點知剛講完就應驗了~

早上有講座,同埋骨質疏鬆檢查~搞到12點多~

我就埋首於今個月account~因主任問~好快搞掂左俾佢~

lunch~攤左一陣~

英文班~陳麗娟返左黎lu~因佢入左院~佢都係要戒煙啦,醫生仲話佢,覺得咁輕鬆,6歲就食,唔怪得咳成咁~見佢精神左好多,靚左好多~容光煥發,good~今日齊人~早左落堂,因d字唔太深,佢地好快識~good~歐陽姑娘又拎我俾佢地d筆記讀,因有中文拼音,佢覺得好惹笑~你知唔知咩叫"漢池 波池"?就係"hot pot"了~佢好鐘意呢個~唔好笑呀,有時真係諗到頭都大埋~

tutor~依家有罰企機制都幾好~今日又少左2件~得5個~靜左少少~再唔係就全班罰企,真係好好多~令我專心埋首佢地既功課中~有見佢地長大,學習態度好左,明白小朋友既貪玩,都有想過自己係咪其實可以留低~為何當初有耐性,有支持,依家無左既呢?已經沒有興趣,沒有心了,自己變左~因為我已經下定決心,不再想,懶得煩了~不過最後我都係嘆左一聲,都係唔好勒~我諗我真係頂唔順,有要求,有壓力~就算第時都係要咁勞氣,就認命了,不用坐定定睇實佢地都ok的~我都係好動的~鐘意出外~依家成日都stay響indoor,都幾悶~一個program assistant成日都響indoor,唔係嘛~

其實我真係好錫佢地~可能太錫佢地,要求又高左~有期望~自己個性又急~自己又貪心~我覺得我輸左俾自己~佢地要時間去成長,我都要時間去磨練~佢地都好可愛~有時佢地真係鈍到我好炆,又唔細心想,唔認真做,又唔記~不過當佢地專心,做到,真係有努力,有認真,我真係由衷咁讚佢地叻仔,叻女~覺得佢地get到我為佢地好,睇到佢地既眼神,表現,不過都係貪玩~明白呢度都只係做功課,溫唔溫到都係其次~有時都係因為佢地自己慢~不過control唔到佢地,自己都有責任,唔可以成日都係咁架,無ability咁,唔得架wor~我係家長見到咁,都唔妥啦~最大問題係怕影響到我形象,覺得我辦事不力~其實都係託管jei~算了~黎黎去去我都係講個d~三篤屁~算罷啦~今次選擇得放棄,就不要想太多~下次再來吧~我見得太少,經歷得太少了~因有太多因素了~應該唔止一樣令我辭職既~

返家,打日記,處理返n咁多個玉山email,group返埋佢~又miss左曾梁辯論~不過明珠台,向世界中心出發都真係幾好睇,好鐘意內心世界,refresh me,見到另一面的謝霆峰,我都有鐘意過佢,真係幾靚仔~不過無咁多時間~仲有煎埋剩下的台灣特產,可能太耐了,變苦,我就不吃了~

執袋~聽日上輕便坎事班~試下個爐,怕gas唔夠~細妹問我幾多錢,我點知~佢買黎做咩?~聽聞佢上次跟唔知誰行山wor~唔好成日都得個空談啦~都唔實際~想呢樣個樣~都無樣做到~無行動力~太懶了~

>>March 17, 2007 at 3:20:17 AM GMT+8

2007 年 3 月 14 日 星期三 【微冷】

準時~

無咩野做~盧姑娘因為今星期日要帶大家出show,耍太極,所以係咁同大家練~都練到差唔多11點才回來~又基於我霸住個電腦入data,所以......佢都好少入黎~有感同佢溝通少左,覺得佢好孤單~覺得佢好慘~反而我同歐陽姑娘有講有笑~大家都同盧姑娘唔太夾咁~我有想到點解我唔鐘意佢,有可能係第一印象~個日第一日返工,我唔係遲到,不過唔知返廣逸老人中心,去左平田,之後問人先行到上去~我記得佢同我講左一句"你要記得你聽日返0900 wor",感覺好差囉,又唔問清楚咩事,一個社工係咁唔細心架咩,咁無同感心架咩,judge我~我都話盧生打黎係因為睇下我到左未,怕我lost左,因我打俾佢,話唔知返邊,又唔識行~我諗諗下,可能因為咁我就唔妥佢到依家,我都係今日先想起~

亦都發覺我都幾惡~哈哈哈~依家我都唔係點理佢咁滯~佢亦都唔會交d咩俾我做,可能因為我都走啦~平時都係,都無咩俾面佢~佢會唔會覺得佢個d social skills唔多得呢~佢有無發覺自己的問題,點解我地傾得咁開心,都無咩佢份,佢只會望,我地都無解釋~可能佢係助理中心主任掛~華姐都有同我講點解唔鐘意佢,因佢唔鐘意有人安排佢做咩,佢做左咁耐當然有分寸,亦都好有責任~佢自己識得安排,不勞其他人操心~佢都唔鐘意林姑娘及謝主任,因都係成日安排佢呢樣個樣~不過我都有同華姐解釋,因係盧生叫盧姑娘咁做~咁佢都無辦法jei~夾住中間,不過佢d態度及語氣都不討好~可能人夾人啦~好難解釋既~

呢幾日lunch歐陽姑娘都在煲劇~有狗咬狗,古怪屋同埋父子~

tutor~都係咁~日日如是~有時佢地做功課做得慢,溫唔到書而明天要dictation我都算了~哈哈哈~

之後出左mk,上毅成搵august~買左個osprey 55 l既袋~佢話女仔呢個就o岩了~返而meiji話我可以買85L~我諗唔駛啦,我都揹唔起,頂多日後BACK PACK帶多個BAG囉~反正我都有~august銷售技巧唔係好得,佢都sale唔到我~不過我呢d人係難些~傾下近況~都係唔買core tex褲~上到山唔死得掛~有埋gaiter可能好點,因august話都係show得少少褲出黎~因有褸及gaiter都遮左好多~佢個同事都唔知成日笑咩~我都幫左august唔少,佢有數要追架嘛~諗諗下.....個osprey有無比出面貴左呢?雖然有85折,不過阿sir話佢有d野標高左個價,又有discount咁咋wor~

august話係公價~不過見係識既,益下佢囉~反正我都懶得睇,有人介紹,教我點用都係好既~不過心郁郁,睇下出面咩價先~總覺得....有點笨笨的~不過有時都會笨既~咁之後咪小心d囉~況且有時我買野,feel一到就咩都唔理架勒,懶得煩嘛~折後$1267~唉~最貴既equipment,不過日後都有用既~august算係咁啦,陪我出出入入,無計,咁貴~佢話好少人好似我咁一上去就買野~都係睇架咋~不過睇個d牌子都唔係咩~不過d樽色都幾齊wor~不過買野都係睇多幾間,一定有d平d~個袋藍危都幾靚,我都幾鐘意~

揹住走,行返home都有點累,都真係要train下背負野~否則會死狗咁~見到一個熟人,想起....個時幫沙田既其中一個領袖~途中見到蔡淇俊~之前同玉山成員去完cwb買野,食沙嗲王時,見到...咩咩嫻~幾靚既~

九龍地域真係唔知點做野,之前話我既委任証直接落區,唔經佢地~點知總會打黎,因我要claim保險~佢問我委任証,我話未到手~我有追過,咁總會又幫我check過已落左地域了~總會話正常都會落左地域先,好少誇一層去區~點做野架佢地~佢地知唔知程序架~佢地既duty係咩架?一打去問野就band左先,成日都話無無無,又話要幾耐幾耐,好似唔想check咁~佢地忙咩呀~我都唔明佢地究竟做咩既~我唔客氣架~唔好再激我~可能佢地手頭上無啦~咁佢地都應該要知程序架~佢都答得好理直氣壯,真係唔響佢度~哈哈哈~

發覺個個跌打師傅由平田搬左上黎廣田~好彩佢唔認得我~

>>March 16, 2007 at 3:17:04 PM GMT+8

2007 年 3 月 13 日 星期二 【微冷】

白色情人節~仍然係好累~無力~遲到~

入data~email~

生日會~都唔駛我做咩~佢都無叫我,我又懶得去幫~不過我都出左黎活動室~只係幫下華姐分食物~整靚座壽包山~老闆問做咩電話無人接~並下命令無論有幾大型的活動都要留一個響office接電話~佢既資源安排都幾特別~不如請一個只係負責聽電話o丫?佢都好重行政既野~其他一概不管~果然係生意人~

tutor~湯小姐~自己又要嗲人陪佢溫書~成日叫我幫佢~俾佢企響我身旁溫書,又顧住同其人人傾計,玩~氣結~我無咁多時間陪佢溫,佢地功課又多左,又有好多唔識~佢自己只係讀生字,又唔肯背~之後同爸爸講我唔同佢溫~得架勒~好在我響佢講之前投訴左佢先~佢爸爸都話我怕左佢~好彩佢mummy個d都知佢會講大話~唉~我真係唔理得咁多~無奈+氣結~算了,佢脾氣算是好了點~賴皮及炆憎都好了點~

simon~我剛剛俾人激完~佢打黎,問點解無人~約1930,1910當然無人啦~又叫我快d,點快d呀阿生,我都係剛剛放工,我最好有隨意門~我放1900都唔會約大家1900啦下嘛~真係氣死氣死,嬲到我~又話佢約左人,關我乜事,你明知開會,約咩人?你唔得閒咪唔好黎囉~我都同佢開火~語氣都唔好~成鬼日都同佢嘈,激死~咩男人黎架~又即刻打俾cyrena呻下先~

開會~提阿man上GI course同埋佢既帽~升cyrena做avsl~講返區有咩~4-6月既活動~remind我想點,活動安排可能flexible處理,因想join多些區會及地域活動~與少年領袖團既共融呀~100th世界童軍同步大露營~想搞聯團玩歷奇,去灣仔~simon suggest離團團員有d紀念品呀,令他們覺得有價值~迫家長當值,家長都開聲話有咩幫即管說~good~開會到十點多~我同cyrena都無提點bill有咩要留意~cyrena講得佢有返d動力,積極左,又話上GI~唉~我暫不予置評~因為佢同你傾一定係咁認真,咩都好...但係做個時就.....!!!同埋你講咩佢多數都好,因佢無細想~denice話過佢唔夠firm~家長話乜佢都好~

i've got notification of interview of hd in social work~good news~yeah~開心到死~雖然只係hd~hehe~3月26日interview~請sick leave先~yeah~hohoho~~原本好累都醒神晒~

玉山又有新消息~最終兩隊都能上玉山,不過別隊會另有安排~遲我地一日攻頂,原路上原路落,不去八通關,去另一處健行,不攻北峰~事件終於完滿結束~

>>March 20, 2007 at 3:11:44 PM GMT+8

2007 年 3 月 12 日 星期一 【颳風】

二姊姊生日快樂~26歲了,佢話入賭場都仲俾人CHECK~以為佢未夠18~因有D睇人CHECK~

sandy今晚出發去milan~當然俾個電話先~初初找不到,原來執緊行李,嚇得我~一路逆風~加油~好好體驗~god bless you~love you so much~

遲到,暖左些~不過都穿大褸~怕陰涼~

有腰,無腰~因我著短袖,突然華姐話我瘦左,有腰~我即刻澄清,就算我有肚腩都係有腰的,兩件事,唔好混淆,佢話總之好睇左~歐陽姑娘話佢即刻醒晒~哈哈哈~幾好o丫~返工我會瘦,因一出左home,我係好少食野~無咁既時間,無咁既心情~

入data~print日記,曾無人響office,因歐陽姑娘同羅miss上左去廣田貼野,盧姑娘帶太極~要再把握時間,找機會print~email~

call bill~提佢開會,叫佢準備領袖津貼,議程,紀錄~問下洞梓個邊點~另外叫佢如果可以的話,響中心幫我帶埋cookset,gas,爐俾我~咁我星期六唔駛返去拎~呵呵~好彩提下,否則佢以為下星期,因cyrena講過今星期趕功課~不過要等下星期,cyrena就說算了~又改返,好明顯阿BILL心不在焉~

lunch+sleep~早左食,真係訓左一粒鐘~好累好累好累~

入data,打日記~

tutor~如是~日日都俾我罵~佢地好多功課,又嘈,忙~情緒不穩~

>>March 17, 2007 at 3:35:44 AM GMT+8

2007 年 3 月 11 日 星期日 【乍雨乍晴】

準時~

入data~入左好多,great~不過仲有好多~sign~

跟進住宿的事,阿cat找我,我找edward~好煩......因阿cat唔明白點解我地唔響香港俾deposit,因可以咁做,而且沒有bank charge呀~因edward之前講有,以為要deposit過去台灣~我就說,我唔想再煩,已經定了一個方法就去做,不要變了~我又說,一次過用台幣會比較好吧,唔係有匯率差,上次去泰國也是用不同rate去計~因也要兌錢~阿cat是怕佢俾左,我又無收據,怕yha反口,我就說不會,上一次佢黎香港,我幫佢落訂,我又無同佢一齊check in,都ok~應該可以啦~因為阿cat做事比較認真,有交帶,凡事親力親為,所以可以的話,她習慣自己去辦理,比較安全,有保証一點~

煩就煩在我要解說~又要交帶~我又要交待俾edward知,又再解說,因edward問係咪阿cat有難言之隱~oh...god~因為我又想知我地用咩價既10%/一半~因在香港俾就10%~在台灣俾就一半~果然edward無問清楚,又跟那邊溝通唔到呀下~由於yha要有會員卡先有優惠價~又唔知用不用先俾他們看,還是check in時玥俾也可以~最後我要阿cat問清楚~哎唷....好煩,傳來傳去~又好麻煩阿cat~今晚出email俾大家,告知最新情況~高透明度~

tutor~有個女仔喊,因為我太惡~哈哈~又要我tum返~佢話好掛住mummy~之後由其他同學口中得知佢係怕我~佢知佢係唔專心,心散我先罵她~之後到余生,佢地成日講野,我話佢地好嘈,佢就suggest邊個講野就罰企,由於佢都係口多多,成日俾我罰,就問我可否取消,當然唔可以啦~kakaka~鄧生唔肯溫書,佢daddy接我就講,原來係mummy俾太多電視佢看,搞到佢心散,睇到10點多呢~呢個都幾難搞,要好有技巧,否則.....佢真係坐響度~湯小姐,一話佢錯就發脾氣話唔識做,激死,又喊,我唔理佢,佢嗲人,要人陪佢一齊做,無計,在家中無咩人理佢~丘小姐,好乖,不過有時都無咩禮貌,都懶架,叫佢study,因我無時間同佢dict先,佢就傾計,玩,唔專心,我就話唔專心溫,有錯就罰抄好多次~林先生都係俾answer佢算了~

poly佢地做野都幾有效率,話我無俾ive成績~叫我fax返俾佢~上次我未寄,又打黎叫我寄~果然跟得好足呀下~其他university都無聲氣既~

同余生一齊行,同下佢傾計~呢條友仔.....好可愛,不過唔可以迫得太緊,要俾返d空間佢~如果我真係跑去追佢,佢一定跑走~最後我忍住,佢成日叫我捉佢,之後大家有距離咁慢慢行~hahahah~傾下計,幾好~佢已經無成日講唔識,教完唔記,唔想,唔了解~我都衷心咁讚佢叻仔左~有進步~加油呀~我唔響度既日子一定要努力~不過我相信會有更好的老師教佢地~余生口口聲聲話我係全世界最衰既老師,但又與我結伴同行一段路,hehe,甜在心~

多左一個新同學,姓李~呢個乖,勤力,不過都唔係好醒~

趕打日記~

>>March 14, 2007 at 4:26:02 PM GMT+8

2007 年 3 月 10 日 星期六 【颳風】

11點多起身~食左少少野~佢地好嘈,因大表哥,大表嫂由上面落左黎~阿媽一大早又唔知嘈咩~細佬又好大聲~真是的~跟大表哥寒暄幾句,佢係咁搵藉口叫我申請QQ,哈哈~我都唔理佢,用其他野耍左佢,況且我都好少同佢地傾計,好少見到佢地online~keke~~佢話佢自己都申請唔到msn wor~呵呵~

團拜~今日係84旅聯團團拜~一路見到朱詠冬~佢係咁回望我~一去到酒樓,就俾denice捉左去買獎劵,就係咁,俾人打劫左$50~我平時都唔買呢d野既~點解今年咁趕?係因為我地未交數,咁我地又有人無contact,無follow up,咪就係咁囉~我地響一日內都賣左3分1,50疊~我話如果早d俾我,我尋日就會叫大家買~又唔叫我去拎~我咁近~不過如果我在家的話當然ok~

好warm咁,因大家不斷問候我隻腳,做咩我唔感動既?要再跟他們建立多些關係先~多謝晒~雪瑩仲話想喊~simon問做咩講俾佢地知,大佬呀,成架ambulance黎左,唔通講我去pre trip咩,真係無佢咁好氣~由於我同cyrena由一張table轉左去另一張,因為唔知leader有一張,所以就收到double既禮物~呵呵呵~我會將呢d當係我臨走時俾補習班的禮物~呵呵~又有toothbrush同埋牙膏,咁我上玉山,去camp都ok了~great~大家都響開心既氣氛中過左呢個團拜~yohoho~~我地個table成日中獎,不過都拎返晒出去,因都係bears~無用~好明顯想清積存已久的貨~

cafe~一行人等,加連威老道無開,又行去krustford,行行下,最後去左美麗華一間cafe~坐坐坐,傾傾傾~danice好搞笑咁叫逐個講近況~差唔多1800散去~幾好o丫~多些呢d聚會~simon suggest搞84新舊領袖bbq,叫terry發起,好~因我地呢d已經叫唔郁舊個d了~記得我有打到俾christine fung,之後cyrena打都係留言了~為什麼這樣?中間有什麼誤會嗎?

遠足營~佢地去左,我單純的想,應該今次挺愉快吧~我又miss左一d野了~唔知佢地傾既過程係點~我八~

差點以為edward特登~這兩天他們作遠足營練習，已了解我們內部初期對抽簽的問題。我自己(edward)個人已經好辛苦，因要向兩班不同組織的隊友交代，差點誤會我是全心將自已所屬的組織隊員抽簽排序編在頭11位，好彩，我是一直保持高透明度，否則我便是今次最不開心的一個。難得有位隊員說出一個winwin的方案，便是抽中上玉山的其中兩個他組的成員繼續上山，意思他組可同時有兩代表上兩山，這意義。基於這個方案，令隊員打破初期的"不信任"。現在大家都開心去期待旅程的。.....睇完之後我都好開心~咁咪好囉,希望心裏唔係真係有d野~mountain hardware件事,都唔及呢件事影響大吧,呢件事都幾煩,勞碌左咁耐,大家都肯讓一步,得到既結果多麼令人安慰,咁以前一切恩怨都化解了吧~

>>March 17, 2007 at 2:35:56 AM GMT+8

2007 年 3 月 9 日 星期五 【颳風】

遲到~

入DATA~入入下,10點多謝主任叫我落去~由於有上次經驗,歐陽姑娘問我做咩,佢得知我地要重新釘裝d簿,就俾左個牙仔我用~最後真係覺得好方便,而且我亦都好醒咁拎走,因係中心d物資,當然拎走~

幼稚園~去到原來係計返d大假同補假俾我~佢計左我8個月,搞笑~有d假我亦都同佢clarify返晒~話咩我一日應返10小時,唔係8小時等,因合共仲欠我2日,咁我一日10小時架嘛~最後我都係賺左,可能,是但啦~由於我要補習,所以佢想叫我今日放,之後2星期六唔駛返~我當然唔想,今日去行山都未夠鐘~佢地都問我係咪又去camp,我話唔係,還野俾人,因我之前同主任話要去洗傷口~~同埋我黎緊三個星期六都有野做,我想拆散黎放~最後係黎緊2個星期六,17th及24th我唔駛返~31th放2小時,1300走~傾掂數,我問係咪可以返上去,佢話唔係,幫手整簿~之後主任都有問我上面有野做咩,我話有呀,好多data要入~

AL有4 2/3日,補假有1日1小時半~咁佢話即係6日~我已放4日大假~仲有2天.....扣左2個星期六...為一日~因謝主任話星期六係叫半日....心想,我可是要返7小時呢~再扣31ST既2小時,又好似蝕左~不過佢要認真同我計返,可能不是~但星期六我是返7小時,而我平日又要返10小時~又但係我都無8個月咁多~算了~佢當一日8小時咁計吧~有時都俾佢搞亂左,不過如果強硬上,可能BARGAIN多些~總之5天工作就算了~不過我怕要見工,interview個d唔知點算~咁就放晒我~一聽到放咁多個星期六我已經好開心~不過無得PRINT日記~

lunch,pre trip~我要早放左,大RYAN又未放,SANDY放左~最後大家各自諗食乜時,大RYAN都放工,SANDY又過左中環先,最後,都係大家一齊食~食完,買小小SNACKS就上山了~哈哈~我又唔駛理,大RYAN搵到點行~初時比較辛苦,我又影下相俾大家睇,俾大家知咩情況~因一直上斜,都幾高下架,之後都有研究等高線,因我覺得唔算密,但都有咁既效果,咁大RYAN都有話係少少密~我要記住先,如果唔係太高估低估就唔好啦~真係行多D山,睇多D都對自己有益~我地係1600開始,都算夜了,又大霧,大RYAN都徵詢我意見,我話只要上埋去睇下咩情況,太惡劣先原路落,因得一條山路,而且我又試過在霧中行,上次AYP考核,大東二東鳳凰山我都係咁行,我覺得應該OK~最後又見到其他人行,都唔係狩惡劣就當然完成左我地條路啦~

行完最辛苦既上山,SANDY又熱到面紅耳赤,大RYAN不斷話佢怕羞~落山好輕鬆,咁我又見到從我們身邊經過的外國人,咁我覺得我唔算大聲咁叫"WAIT PLEASE WAIT"....點知個外國人聽到,瘀,佢望住我地呢邊還好,佢之後走左,下次都係用普通話好些,EMILY話我見到外國人做咩用英文JEI,咁又係,我個時貪玩都無想得太多~之後又見到另一外國人同狗狗行山,點知其中一隻無繩既史納莎走左,越叫越走,最後佢跑去追返黎,外國人一直唸,隻狗好SILLY,又NAUGHTY,又同我地講要俾電話我地,我THINK佢既意思係萬一有咩事,因天漸黑,要我地幫手求救~~個外國人一路唸,我地就一路笑~

忘記買"食送"的女人~因有一女人從我們身邊經過,點知折返~佢地憑豐富想像力估計,佢唔記得買野~HAHAHA~另外,又有一跑山人士,問我地有無電筒,佢話呢度會好黑~咁我地當然答有啦~不過最後用不到~D人都真係幾勁,一人行山~大RYAN話無問題,原想佢都PLAN一個人,我話唔好,咁就有我地3個一齊勒~由於佢話係家樂徑都OK WOR~有咩事就唔OK架啦~同埋行完山路,總有一段可屎平路先出返去搭車~另外,我地響水霸食左APPLES同埋TAKE PHOTO就走了~落到去先開餐,哈哈~因食左LUNCH唔係好耐之嘛~

可能大霧,我覺得沿途無咩風景,路上又無咩野睇,NO GOOD~我都猶豫俾唔俾VENTURE行呢條路~都無咩野睇,不感興趣BOR~可能都係搵過吧~等CYRENA下星期行完再俾COMMENT我啦~個橋都唔係咁特別JEI,雖有幾百年歷史~最後我地1900上車~水都無咩點飲~佢地倒左~我個水袋D水都唔好味既~SANDY既衣著俾我地話,斜揹袋,牛仔褲,褸又大件,水又唔夠~唉....尋晚都提左架啦~真是的,對波鞋無咩坑,好似平底鞋咁~哈哈哈~會辛苦D囉,唔舒服些JEI~

因我同EMILY講,佢樣樣BAN,無波鞋,得斜揹袋,得牛仔褲,唔通為此再添咩~HEHE~我怕左佢,樣樣都話OKOK,無問題~由得佢~CECILIA話....哇....咁都得既~究竟即係點架,初時又話唔得,依家又OK~~哈哈~算吧啦,都係SUGGEST下JEI~你地辛苦你地既事~不過真係寬鬆少少好些囉~我地又唔係搞活動,自己朋友仔上山當然唔會太嚴格啦~記得以前既我,都係單邊袋上山,我都覺得無咩野~而且有一次由舊PC帶個段UNEXPECTED既一段,大家都HANDLE得到,應該無問題~都係建議JEI~

dinner~去富田,上次JOANJOAN帶過我去~點知南瓜茸墨魚麵沽清~失落~佢地叫我返HOME放低D野先~我洗埋腳,換晒成身夏天咁落去~不過懶得執袋,佢地就問我做咩揹返去~佢地終於見到我新BAG了~我好鐘意,好漂亮~大家亦見過我$350既褸了~HOHOHO~大家傾下計~COOL~我又不斷咁講自己野~見工,被狗咬,放大假,今日行山情況等~好多野講~我都希望EMILY數碼港份工見得成~好合她心意呢~有cecilia,大ryan,cyrena,細米,emily,sandy,我~

"L" CAFE~多左細ryan,ida,細米走左~大家又傾下見工,覺得見多d見學多d野呀~佢地有研究打機~之後ida同身子好弱既細ryan走先~cecilia都返home了~剩下我地幾個傾男朋友之要求~直到0300,人地關門先走~佢地都幾hei~都唔係做野咁~不過唔多人,不錯~開心的一天~因真係有太多野講~不過好睏~plan埋下星期之安排~仲有佢地既macau之旅~俾埋地圖佢地了~本來懶得搵,最後都dig起心肝~順便拎台北地圖~

0500 SLEEP~

女童軍~個經理2點多及6點多都打黎同我傾~最主要其實係想知份工係咪真係適合我做,我鐘唔鐘意~怕我唔鐘意做就無謂,又有咩影響咁~第一個電話因在office都唔方便~咁我將2個內容combine~次序不同~佢都有問我,既然我咁鐘意搞program,點解唔繼續做?我話呢度好少有呢樣野~我都有講我響呢度都有做文職野,都幾多~佢問,咁我呢度都係做文職,過到去又係,咪一樣?(其實我講俾佢知我呢度有做文職其實話俾佢知我都有做過,handle得到,我唔係只係搞program~不過明顯地get唔到,只怪我無講清楚)我話我唔鐘意呢度其實係因為有補習,我唔鐘意先唔做~

佢又問我點解唔揀返related既工~我又唔知點解好冷靜又俾我想起咁講,我話我讀social work,雖然搵返related既好d,不過佢地都會有placement,仲有既係當我study ive既時候,我year2搞過一個義工組,因為當時太投入,時間未能好好分配,引致我成績下滑,否則我可以credit畢業,我就係只差在個年既成績~(呢度要講得好小心,稍有不慎,就俾人focus左去我既weakness,成績下滑的原因,時間管理不好)所以我想要一份穩定d工作,好好俾我專心study~同埋我童軍個度已經有俾我program planning,都唔駛刻意再搵份related既工~

佢都一再強調好honest咁同我傾,去了解我想點~我都好appreciate有咁既經理~今次interview既經驗好好,令我想返好多野,好仔細咁想,好認真咁想自己想要咩~可能佢唔係刻意想去引渡我,不過已經好好了~我真係好需要一份穩定工作,在家附近,人工也不太低,時間不太長~好好俾我上course~plan童軍活動~同埋我都同佢講,佢呢份工係文員,但唔悶,因為都係d人報course呀,處理course既事,都幾得意,我有興趣,我都想知下女童軍有咩course,可以了解女童軍多一點,又可以contact下d領袖,有可能交流一下都不錯~佢聽完都笑~佢好認同,唔係only入data,都係有d興趣的data~不是悶的~

另外,我都remind左佢,我要study~佢話佢知,佢話如果我full time就咩工都做唔到~咁又係~不論related與否~同埋如果part time,都係頭先講左,搵份定d既俾我專心study~如果related既會好辛苦~因社福界工作時間並不定的~用好多人時間~咁我點可以讀得好呢~之後.....我好搞笑地...反串左個角色...就係叫經理再慢慢想清楚....~之後經理話keep in contact~作反~成日唔記得佢叫咩名添~hehehe~佢好似好鐘意我咁,好想請我,但怕我唔甘於文職......!!!雖然得$7500,不過夠近,又係5天工作bor~同埋有時有活動都有幫手,同埋佢都require d員工去上下course,做下義工~都不錯呀~

>>March 15, 2007 at 6:10:10 AM GMT+8

2007 年 3 月 8 日 星期四 【颳風】

超準時~我返到佢地都未到~

不用打碟~入data~

lunch+sleep~

edward sir之跟進及民宿~因為尋晚得知個結果,又加上小小插曲,有野收埋,無分享又俾我地知道左,edward sir咁當然想去玉山啦~不過未講之前,就公佈個result先~一則以喜一則以憂。憂的是我們只抽中11位獲准入山。原因是玉山國家公園的申請書一次最多12位，包含台灣技術嚮導，因此一張申請書是11位香港夥伴，另一張申請書是6位香港夥伴，六位香港夥伴的這張申請書卻沒有抽中。再談喜的的是，雪山主峰的入園證兩個隊伍都抽中了。

從以前的email來看,apex都無提到要分2支韱~而相信該名單的排名頭10位當然是我們最初報名個d啦~咁係因為睇下仲有無人有興趣,一齊share機票,share apex的cost~咁當然,有人贊助個d錢又除多左啦~分薄左~最後由阿ken脅左7位金章會的人,原本我地都想招攬多些志同道合的人士,不過咁o岩佢地都係金章會,我地就簡稱佢地係金章會了~幸好edward有咩email都forward俾大家,仲有人嫌多得滯,響一d涉及利益既事,就唔係咁講啦~我都話,唔好理人地點睇,總之我地做好自己本份,而且此活動由香港童軍九龍地域搞起,我地都唔想整臭自己個朵,係咪先?雖然大家之後都唔會有咩合作~雖然我地有童軍都係金章會,不過唔係活躍會員咁解~

經過小插曲,咁我地都志向去玉山,edward都concent大家既意願,一定要好firm~就係一定要去~我就話,其實我無所謂,依家真係,最初都真係唔係咁想,不過由阿cat及apex個邊得知,其實雪山仲靚~雪山除了名氣上不是東北亞第一高峰之外，她所有的攀山人想拿出來比較的項目都比玉山強得多，不僅風景優美生態豐富，更具有冰河遺跡，是可以站在圈谷上面感受千萬年前冰河冰斗留下痕跡的地方。咁我就無所謂,雪山都好吸引我~如果真係揀左去玉山,我想再去雪山~

「雪山主峰線」最大的特色之一，就是可以親臨冰河遺跡探訪；此區是台灣冰河遺跡最多的地方，目前已發現有35個「冰斗（圈谷）」地形。號稱台灣最美、最完整的冰斗地形，就位於雪山主峰下方，長約1000公尺，寬約600公尺的「雪山一號冰斗」。由遠方望之，碩大且壯觀，如同巨型大碗，橫陳天際，有「女媧補天在遺留人間的碗」之稱。除了特殊的地理景觀之外，這裏的動植物生態也是相當豐富的，許多台灣特有的植物、鳥類，在登山步道旁隨處可見。而攀登雪山主峰前必須穿越面積廣大的「雪山黑森林」，是亭亭聳立的冷杉純林，林相優美完整，走在其中，如入深山幽境，是東亞最大面積的冷杉純林，據說還有珍貴的台灣特有大型哺乳動物「台灣黑熊」出沒其中。另外，位於登雪山最主要的住宿地點三六九山莊後方的「雪山白木林」，是千百年前冷杉森林遭逢大火之後所留下來的特殊的景觀。

近年來雪季的雪山已經成為許多雪訓教學單位訓練雪地技術的一塊寶地，每年利用此地環境進行雪地技術教學的單位多達十個以上，多年來的進行已經訓練出一批冰雪攀登的好手．在地形方面，雪山圈谷地形平緩，非常適合初次進入高山環境的攀登者作為首次攀登的山峰，攀登路線坡度與地形變化有佳，攀登此山峰更能體會千萬年前冰河遺跡之壯碩景觀．

翠池位於雪山主峰的西側，海拔高3,520公尺，是由冰河作用產生的冰斗湖．是台灣最高的高山水池，也是東南亞最高水池，更是世界僅存的兩個還有水的冰斗湖（另一個在大陸的長白山）。翠池形狀呈長卵形，長約48m，寬約15m，深約1m，池水的範圍會隨著季節而變化，但即使是在凜冽的冬季亦不會凍結．圍繞著翠池池畔是一片美麗而罕見的高大玉山圓柏純林．不同於其他地方看到的玉山圓柏所呈現的匍匍狀灌木姿態，這裏的圓柏是亭亭玉立的高聳喬木．千百年來，在圓柏圍繞守護下如明鏡般的翠池，靜靜的躺在深山谷裏，映襯著藍天綠樹，散發著一股清幽縹緲的氣息．

咁ben同edward都會做到好盡力咁去申請埋其餘6位一齊上,不過好似機會好微~edward就係咁叫我今星期同佢地行~我話多我一個唔多啦,佢話佢都要人social一下~作死~經過小插曲,原來都聽聞阿ken有d問題~不過估唔到佢今次選擇同金章會共同進退,仲以為佢今次都騎牆添~edward都暗示佢唔係傻仔,總之第時有咩都唔好響佢身上找著數,因佢都係地域人~咁我就想,大家一team人上,點會分開?依家係雪山2 team人都抽到~加上我地個時想share cost先再招攬人,依家好似過河拆橋咁~仲有,佢地會不憤,而且我地又唔知佢地咩人,好難預計到佢地點回應,點想~況且佢地個邊都好似無咩回應咁~莫非佢地想睇下我地點做先行動?見招拆招?同埋就算我地一齊上同一個山,大家都分開行,大家都好似未夾到~無咩兩句~

edward說明,因我地今次地域出晒通告,授旗禮個d都出晒~咁我地依家唔係抽唔中,係抽到,我地唔去,好難跟上頭交待~嗯~呢個係一個方法~咁亦都真係既~不過我地避重就輕咁講囉~同埋好似無彎轉咁,無alternatives就ok~唔好有choice,就得了~如果再唔得,最後一步先講......有人sponsor我地個$10000,分俾佢地每人$500~用錢~不過如果無咩野都唔會講wor~咁都同佢傾左一陣子~睇佢都係決心上玉山架啦~不過都好,有cert~遲d想再去馬來西亞的神山,東南亞第一高峰,4095.2米~

edward亦得知我今星期唔去train~因我星期三同阿ken佢地搭車時透露左~我無equipment~咁打黎問我,做咩事唔去~之後我話想休息一下,同埋equipment都係原因,佢話我早出聲嘛~點知,傾傾下,因佢係咁想我去train,幫下手應付,我就透露左我要pre trip~oh....佢話要將我呢個惡行公告~大家用憐憫既心去體恤我唔去係因為隻腳.....點知自己又走去行~嗚嗚嗚~我都係唔可以講大話~加上我星期日有團拜,我想去嘛~俾佢話.....!!!hehehe~

好多電話~係咁傾~

英文班~都係咁教,由於一位入左院,一位唔記得,得返3位同學仔~佢地真係o丫~時間好快過~

bill及fansy前後找我跟進~問候下我,跟我交待事件既進度~總會知道了,就會寄form俾我填~區會個d都知道~咁洞梓個邊要再傾~我繼續保留追究的權利~因真係好嚴重,如果真係我d仔,佢地真係跑~咁仲死得~而且prefer佢地係綁住架wor~唔得,我都覺得嚴重,camp site黎架~講笑架~營地失職wor~監管不善~雖然大家童軍都唔想搞咁多野~不過想enhance個awareness囉~

女童軍~打了兩次給我~我明天再講~

tutor~yeah,這星期最後一天~仲有3星期而已~鄧小朋友有answer,作死,抄答案,要軟硬兼施佢先肯俾個answer我咋~佢咁做,即係唔駛我教啦,唔駛學野啦~激死~有時俾佢激到我想喊~好難搞~有時真係好無奈,好無助~

今天跟主任講電話~講俾佢知我事發經過,話我weak,但又話咁咪驚囉~真係矛盾~又同佢傾假既事~因this sat請2小時嘛~佢都問我係咪決定左,firm左~當然了~我期待已久~又問我搵到工未~

歐陽姑娘玩我電話~因佢想買~不過最後決定再物色,因易hang機~佢玩個時就試過了~佢好慌,我叫佢唔好驚~哈哈哈~冷靜些~哈哈哈~今日唔駛接小朋友,所以遲些落去~因我依家都係接一位,佢告知我今天有練習我就唔駛去了~

arthur~約左佢,佢借行山杖俾我,仲教我點用~同佢傾陣~點知janny同阿cat都找我~唔好意思~太多電話~佢真係瘦左好多,廿多磅~唉...情~佢穿西裝,好得意~未見過佢咁著~傾左陣,陪佢去到商務,佢就婉轉地趕我走了~

與denice msn~大家又傾傾傾~問候下我~罵我要洗傷口~又話佢做patient俾我practice去考first aid~咁夜仲未走~因佢用公司資源搵工~bill仲未知佢走,我話我會保密~上次simon我都無講~大家又討論下雙子座,佢話覺得我唔似~佢未同我合作過jei~hehe~未了解我而已~幾好o丫,同denice傾多左~發覺大家做野手法都幾似,都係有交帶,認真,有責任感~

plan下聽日pre trip d野~有sandy,大ryan,me~remind sandy服飾~又約幾點,一唔一齊食野咁~

好忙的一天~

>>March 14, 2007 at 4:21:33 PM GMT+8