2002 年 11 月 22 日 星期五 【晴】

尋晚訓訓下，Mandy急call我今日要番中大去edit份db的final documentation。我明明已經做好左自己個部分，我做的仲要係最多野做的，最後做edit分左工係佢嘛。我早上仲要5:??起身幫手做野，佢知道我訓了，仲要打左２次來，用ｄ唔禮貌的語氣咁話我。好唔開心。我做了我的工作，盡了我的責任，但係仲要被怪責，我覺得好唔被尊重。好委屈。我好唔想番中大呀，我真的迫唔出時間來的。咁樣我唔駛對我的團契組員負責任嘛？

但係諗諗下，自己係一組的，要be responsible。人家唔做姐，唔代表自己都有藉口躲懶，咪做多ｄ囉。即使其他人點，自己都要盡力去做好去，俾人地做多ｄ咪做多ｄ囉，學到野，係bonus來的。訓喇要。

早上看報紙檔，劉叔同我睇掌喎，佢話我好多好多喎，總之都唔錯啦，好開心啊。係咪唔係咁好呢，因為我唔應信喎，但係佢讚我喎，佢話我心底好喎，仲有好多的，我又好開心喎，嘻嘻。同佢一路傾，佢話爸爸唔鐘意我信基督教，叫我為左爸爸歡喜就唔好信，唔，我唔識點認對，但係我同佢話我唔會妥協。佢又問我會唔會考慮做警察喎，因為佢有後台，如果我做的話就無有怕。嘻嘻，又好似幾好玩喎，但係好驚驚的，唔。

之後同爸爸飲茶，我問爸爸剛剛報紙佬說爸爸唔鐘意我的信仰的問題。爸爸話佢唯一唔滿意我的地方就係呢樣。唔，點解咁喎。

補完習，就閃入CU，Mandy仲未起身。我番到宿再執好幾份野先打俾佢，佢都未起呀。我覺得有ｄ，唉。由早上11:00做到2:30，總算個layout好左少少。好彩買左個大麥包一路做一路吃咋。我覺得已經盡左全力了。趕起了即刻就番番陳瑞芝。唉。對不起，我的團契組員，犧牲左你地。

團契，係我好想發洩，玩玩既時候。不過累了。
爸爸尋晚嘔呀，好辛苦啊。爸爸。

之後快快番家煮飯，之後做埋ｄ手尾……
好倦的一日。
但係仲有好多野未做。

>>November 25, 2002 at 12:18:36 PM GMT+8

2002 年 11 月 20 日 星期三 【晴】

今日走左堂去探華媽媽，我買左張卡冒簽哂全班的名呀（除左華媽媽同LeeAnn同聰），我覺得好成功咁。去到仲未到探病時間，但係我都靜雞雞閃左入去，shu~，嘻嘻，估唔到咁都得呀。阿華佢好累，講野都無力，唔睬我～～我知道佢係好需要休息的，我唔好意思騷擾佢，快速地閃左喇。好好休息，要快ｄ好番呀。

之後閃去買蛋糕同ｄ乾糧俾同房同哥哥食，佢地要做lab，成日都無訓喇，今晚仲要繼續添，鄧佢地辛苦呀。買完就去meet 7B啦。見到大家喇又，仲有啤啤同其寧，去到仲見到我地就飛奔走佬的林家幸……仲有Mr Chiu同Ms Wong添。唔。德光無乜野，江峰同俊俊都OK，其他人就好好。

因為等阿鄧等左都一段時間，所以無出去找淑賢，不過可能係藉口來的，我想同7B一起呀。同7B一起食飯，我坐左台係全男的，最好食的呀，蝕左添；佢地好engine的喎，唔，傾下又被串下咁，好開心。

番到來喇，要繼續努力呀！

>>November 24, 2002 at 2:12:23 PM GMT+8

2002 年 11 月 19 日 星期二 【晴】

今日上完堂（8:30-12:15）就開始繼續我的低B (database的final documentation)喇，一路坐響個mon前面做，做做下已經5:00喇，要歇歇呀，如果唔係我驚會盲的呀。飲杯熱野，又同爸爸icq兩句，舒服哂。繼續繼續呀。我要努力呀。之後又繼續，做到7:00pm又好累累了，食下野，唔，繼續呀。依家已經11:40喇，唔知要做多幾耐呢？原來對住部電腦，時間真係過得好快喎。係咪因為咁，所以哥哥同Phoebe要浦lab呢？佢地好辛苦的呀，workload比我大好多好多架，加油呀，唔好捱病自己呀。華媽媽入左醫院呀，要做手術喎，痛痛呀，唔;-( ，哥哥要一個人攬個program喇，哥哥俾心機呀！爸爸又就快實習喇，要準備好多野的，媽媽又要趕paper，高高家姐又好大壓力喎，係喎，仲要小鈴姐姐都係喎，我的7B同學仔啦……唔，唔好捱殘自己呀大家。要好好照顧自己呀。我會記住你地的需要，為你地祈禱的。
"香港人呀，放鬆ｄ啦！"

>>November 20, 2002 at 3:40:18 PM GMT+8

2002 年 11 月 18 日 星期一 【晴】

爸爸好鍚我。哥哥好鍚我。7B同學仔好鍚我。馮馮好鍚我。仲有淑賢。差ｄ漏左媽媽添。嘻嘻，好幸福。

爸爸要準備實習，又要打好波，要睇住媽媽，又要睇住我，辛苦你喇。
高高佢話佢好多野煩，係乜野就唔好講啦，佢好辛苦，我估佢係好大壓力呀，要為佢祈禱。
華媽媽入左病院呀，唔，要為佢條腸腸祈禱添呀。
大家要小心身體，俾心機，唔好整殘自己呀，大家都辛苦喇。
我都要繼續努力呀。

>>November 21, 2002 at 3:44:29 AM GMT+8

2002 年 11 月 17 日 星期日 【晴】

同爸爸傾完，好左好好好好多呀。我知道自己已經無事喇。爸爸的了解同recognition令我好安慰呀。謝謝。我唔知可以講ｄ乜呀，一家人唔好咁客氣嘛，但係唔知點可以表達呀。爸爸同我講左咁耐，好好呀，為左我咁夜訓添，爸爸呀。爸爸好好呀。 不過呢，原來我仲咁小朋友喎，要人地recognise自己。艷艷，唔得咁樣喇。要大個女喇，唔。

咁今日完左堂就要去執埋份HRM的手尾，好彩呢排成日都唔覺肚餓姐。做完己經2:45喇。番宿個陣見到Jacqueline，係我DSE的professor，佢係我幾欣賞的人呀，係基督徒來的架，同佢傾左兩句，好舒服，佢叫我著多件衫呀，天氣凍喎，我真係著得好少嘛？佢關心我呀，嘻。

爸爸尋晚輔導我咁，要好夜先訓，搞到佢今日打得不太好呀。好彩都嬴波咋，爸爸有實力嘛，下次訓番夠，就會打番好架喇，加油爸爸。

晚上同7B食飯，傾傾同聚聚，一起圍住食飯，好耐無咁喇。好開心，見到大家。雖然係有ｄ唔知點樣講的感覺，大家都殘左，尤其係華媽媽，哥哥同雅虹呀。但係一起就好喇。
華媽媽肚仔好痛呀，唔。佢個樣呀。

我呢幾日打左百幾分鐘電話，呢個月會爆喇，唔。好彩19號就cut咋‥‥

>>November 24, 2002 at 2:05:43 PM GMT+8

2002 年 11 月 16 日 星期六 【晴】

完左午堂之後，繼續找7B的同學仔，好覺得大家係一起的呀，一齊都有呢種感受。同佢地一陣之後，就找爸爸媽媽佢地食飯喇。唔，又無胃口喇。不過都要吃的架，如果唔係會餓壞，要人擔心，唔要爸爸媽媽擔心。我知道有好多人關心我，謝謝大家。
心情仍然係咁沉著。
番宿既時候要不斷咁打俾人。馮馮找我呀，我一聽到馮馮把聲又開始忍唔住喊喇。馮馮佢話都有掛住我呀，佢問我點，同我傾偈，仲有話會搵我呀，之後佢仲send左SMS話我愛你俾我添呀，馮馮。之後打俾哥哥，哥哥一聽又話我又喊喇，我覺得哥哥好鍚我呀。佢幫我問costing的問題，又買水水俾我飲，之後仲送左盒朱古力俾食添。哥哥呀～～好幸福呀我。但係呢，我個心情仍然好沉重呀，我想靜靜，我想摺一摺，唔做野住呀。我覺得好多野做，好做唔哂呀。個db真係唔容易。之後我一路看小賣要打番哂俾大家約星期四的東西，唔。好耐無同啤啤鄧傾喇，佢話我講野慢左呀，唔。呢兩日見番咁多人，好滿足架。同個個傾一傾，知番大家多ｄｄ，真係講極都講唔完的架，7B人，陳記人，太令我懷念喇，好掛住你地呀。

原來詩婷的爸爸剛剛離開左，要為佢祈禱呀。

看完小賣，我繼續做我的db。有ｄfrustrated，因為鬼哥哥話個ER diag錯左，成個system要由頭來過喇。已經有ｄｄ沮喪咁，仲要Richard走左上來幾轉，都唔知係仲乜既，好irritating呀！我話我唔識點做個db，叫佢走，佢仲好似好想入來的，真的唔想理佢呀。佢仲叫我落去教我做添，no no喇。

之後放低ｄ野，同爸爸icq講，我覺得好倦呀。爸爸真係乜都知的。爸爸佢知道我的感受，同我分析，又敎我點諗。我個陣剩係識喊，我覺得自己好無用呀，YPY，對唔住呀。7B人點呀？德光無咁自責嘛？LoMing好ｄ嘛？你地難受，我都好難受呀。

同爸爸傾，我覺得有人了解我，爸爸呀。我原來係咁的，我真係唔了解自己呀。你開導我，我覺得響你裡面好被你保護，好安穩。但係我做唔做到呢？唔知道。但係我會盡力做好自己旳。爸爸我會做個好女兒的。媽媽你都唔好擔心我呀。

>>November 21, 2002 at 3:20:11 AM GMT+8

2002 年 11 月 15 日 星期五 【晴】

我又５點醒左喇，之後就係諗起7B的同學仔，我祈禱，一路到媽咪起身番工我先起黎同爸爸飲茶。我諗我原來仲未放得低呀。之前一路都忙，無時間諗番件事，但係番到屋企，無project功課個ｄ趕，我先睇到自己係唔掂架。我真係好無用。
之後要去譚李麗芬補習，好驚教唔好佢地。但係撘車時見到梁耀邦，係其中一個學生來的，同佢傾左兩句，我知道我得的。
之後媽媽lin俾我，媽媽關心我的。媽媽咁忙都仲顧住我~~
下午臨見阿Joe之前兩個字終於向千色店找到卡卡喇，我開始收班會費喇。見番大家，好有親切感，曾Sir仲係咁，英偉，江峰，俊俊，劉劉……好想同你地傾耐ｄ呀，你地點呀？
之後團契帶詩的問我地有無去顧及身邊的人，我諗起楊偉聰，YPY話過架，人先係最重要，我要多關心大家架，但係點解我咁自私，剩係理最近的人，遠少少的都唔理，佢係我的同學仔來的，最有需要的我就唔理，OK的我就放時間上去，好荒謬。我做緊ｄ乜呀？
爸爸又睇到我喇，唔。爸爸。

>>November 21, 2002 at 3:17:36 AM GMT+8

2002 年 11 月 14 日 星期四 【晴】

唔知點解個心重好沉重。
上完堂就趕番入屯門買卡，我覺得好倦呀，但係我知道要去買卡，去安慰阿聰家人、德光同LoMing。但係乜都買唔到。
呢排唔知點解食唔落野，好無胃口。我剛剛先發現呢樣野的，但係原來我己經係咁兩三日的喇，都係唔了解自己。不過我要照食野呀，唔好整壞自己身體呀，我仲有好多野要做的呀。我的 7B一家。
同媽咪飲茶個陣同媽咪講左件事，佢嚇親呀，我唔應該同佢講的。
原來一張好既卡係唔易找的，行左一個下午都找唔到呀。
仲有我要去照顧7B的同學仔，佢地個個都好難受，我的同學仔，我唔想見到佢地咁呀。我諗左好耐先諗到要買朱古力俾佢地，每人一粒，唔知會唔會好ｄ呢？張卡一定要聽日找到呀。
晚上lin俾成班7B人，接住兩日要走訪大家喇。
之後打去ｄ大酒店問，但係無record呀。唔，我應該要做ｄ乜呢？我乜都唔識呀。

>>November 21, 2002 at 3:16:52 AM GMT+8

2002 年 11 月 13 日 星期三 【晴】

尋晚早左ｄ訓。
今朝三點幾起左身。阿聰佢等緊我地回應，等左６日喇，我地要對佢負責任。YPY，點解咁自私，留個message咋，去睇睇留言版姐，成日自以為好忙，但係個個都一樣的，可能仲辛苦過自己添，仲乜我無去關心大家？點解我會咁架？德光同佢都係讀civil，日日見住佢，佢好自責；仲有LoMing，佢有一個向US相處兩年朋友仔向同一日離開左佢，佢好心痛；7B所有人的好心痛。我覺得好難過。我要去關心更多的人呀。再立志。

今朝我覺得好凍呀，明明平時天氣再凍ｄ我都唔覺凍的，我的身體唔通差左？要做多ｄ運動先得呀。但係一路對住電腦做功課，一路就想飲番杯暖野或者食野，所以朝早食左平時３倍的東西，係咪縱容自己呢？我可能真係想發洩下，食食食食食呀。我要暖暖。咁樣心理上滿足ｄｄ既。

到晚上傾B-law功課，傾到差不多10:00，好累，個腦無乜point。
我今日又無幫手宿生會活動，無去卡啦OK，無食宵。對不起。不過兩個活動我都好唔鐘意。

>>November 21, 2002 at 3:26:53 PM GMT+8

2002 年 11 月 12 日 星期二 【晴】

個心好拿住，好痛呀
我望住份報紙幅相，就不停咁流眼淚。
佢唔係基督徒
我諗起佢響前幾日的留言，我番上宿度睇番
好拿住
佢話讀書讀得好辛苦，唔知為乜，覺得好無意義
我點解無回應到
我打俾7B人，個個都問番我點，我響佢地眼中原來係咁的，唔。不過我向７B人既角色係一個細路女，嘻，大家都照住我，嘻。
好彩我係考完個final同lab test先知件事
我覺得好凍好累呀，好想有人攬住我，爸爸可以嘛？媽媽可以嘛？
我將自己卷左入張被度，諗住神抱住我咁，好累，好軟，就咁訓左喇。

晚上同爸爸icq了一會，我覺得自己無野喇。
今晚國宿有烹飪比賽，但係我無去幫手……唔想郁。
繼續我的paper。

>>November 21, 2002 at 3:29:05 PM GMT+8