2003 年 4 月 18 日 星期五 【晴】

今日個天無雲架，好靚呀。不過好熱啊。

晚上同大家一起食飯飯。但係得兩組人去的喎，好似join組活動咁。個砂鍋魚頭唔錯啊。第一次食的咋。好飽足呢。佢地話下屆團長的selection criteria係要食得呀，哈哈，要去去大食會睇睇邊個有番咁上下capacity咁，好得意呀。我同家揚今次表演無收大家錢，又無數陪談費，嘻嘻，對大家唔錯掛，哈。

之後就去受苦節聚會。我呢，原來唔知自己有乜罪，到底有乜呢？我剩係知自己係罪人。因為聖經話係。我的信仰係咪唔多concrete咁呢？唔制呀。我暗地裏係咪好壞，但係自已唔知呢？
何傑博士話當你認清自己的罪，就知道神的愛有幾深喇。我想知呀。我要諗番自己做過乜先……定係我跟本就係好多罪，所以塞住左，諗唔到？

之後原來我仲記得陳瑞芝的電話號碼架，哈哈，忠於陳記呀。我依家仲著緊條PE褲添呀，由F.1到依家的架，有9年喇原來，好舒服的褲子。

番到屋企飲多兩碗湯。我覺得會俾人打……

>>April 20, 2003 at 12:56:48 AM GMT+8

2003 年 4 月 17 日 星期四 【晴】

今日同組媽影畢業相，佢問我仲乜唔化妝，唔靚呀，唔要我咁……
我唔識呀！身為一個BA人，係咪有ｄ過份呢？
我諗番呢，同媽媽唔知傾乜，仲有係爸爸講講下野，都提到我讀busi，我個腦都即刻停左一停，有ｄ突兀咁，原來我一路都唔aware自己呢個identity的。

>>April 19, 2003 at 3:33:17 PM GMT+8

2003 年 4 月 16 日 星期三 【晴】

晚上考Marketing，係同成組人響Network Lab到做，一起合作，哈。
以為都OK架，因為岩左90%，但係又below mean喇，依家ｄ人咁勁既。

之後就一起食飯同傾傾偈，講番以前ｄ白痴野，乜都講，哈哈。細個個個都係咁的。
但係番到宿要做野lu，補番傾偈ｄ時間有突添呢，好累添，但係都抵既。
好飽足的一天。

>>April 18, 2003 at 4:27:10 AM GMT+8

2003 年 4 月 15 日 星期二 【晴】

番番學ｄassignments同projects就開始dead喇。
我要收心養性幾個禮拜先。之後就玩得架喇。

我呢幾日上完堂響宿都係食、睇materials、做projects、寫papers、溫書同訓。無乜特別。

食野囉，一路做一路食，又食左同房一條消化餅（要係加多100g的bonus pack添）同一條瑪利餅喇，自己的就都almost無哂喇，無左兩條大大包、兩pack花生餅、剩番個盒EDO餅、cereal……清倉咁，但係番左黎3日就搞成咁。點算呢？真係食得太多喇，剛剛食完lunch又俾人引左去食多份三文治同薯條，又無濟喎……你地睇我呢類野係咪開始有ｄ悶呢？唔講喇。

最特別就係訓響床度一路聽音樂一路睇那個asp，有ｄ悠閒咁，哈，不過都真係唔簡單呀。攞住本咁既野響手，有ｄpro咁呀，嘻，有兩寸厚架本書。asp呀~~~精神番喇。好，繼續繼續。

>>April 17, 2003 at 7:10:07 AM GMT+8

2003 年 4 月 14 日 星期一 【陰】

我發現，唔知寫乜好。

>>April 16, 2003 at 1:12:38 AM GMT+8

2003 年 4 月 12 日 星期六 【陰】

今日uncle fat生日啊。不過見唔到佢，無得同佢講生日快樂啊。

好耐無見過爸爸媽媽佢地咁添。

今日采采同我分享，係佢響團契的一些感受喎，唔，我無諗過佢會咁諗的架。可能好多人都會係咁諗的喎。可以做ｄ乜呢？

>>April 13, 2003 at 9:14:29 AM GMT+8

2003 年 4 月 11 日 星期五 【陰】

今日樂姨姨佢驚驚呀，我好似俾個好難的task佢做咁添。早上佢lin來講咁，唔。但係我估咁對佢好呢，佢今次同大家都熟左唔少咁呢。我覺得佢都做得好好呢，諗番我第一次帶詩既咕碌樣，笑死左大家，詩婷佢地剛剛第一上來就俾個咁既impression佢地，呵呵。真攞命呢。好彩個次爸爸媽媽唔響度咋，唔係會激死佢地呀。樂姨姨都好唔錯呢。邊個都會做得好過我呢。呵呵。

今次的活動比我想像中好呢，嘻。好鐘意大家啊。
初初唔知做乜好咁，唱完詩就食食同宣佈咁，我唔知講乜好咁，dead air左一會，之後都係玩玩，嘻，好開心啊，我鐘意沙灘呀。諗起之前的片段添，好開心的啊。PIN佢地今日生日呀，依家去左大浪西呢，唔，好恨一起去玩呀。

玩得一陣，就坐低分享下咁，不過我又呆左一個moment，因為又唔知自己講乜，拋左個波俾人講，呵，好奸呀，第一個的受害者係婉欣啊，噢。
之後就望住個海祈禱，好舒服啊。

我鐘意玩呀。好想快ｄ放假，可以盡情咁玩呀。我要去camp、露營、去沙灘玩、行山、游水、……多ｄ多ｄoutings，總之周圍玩。

穎怡佢地地好有貨呢，唔，仲有其他人呀，認識大家又多ｄ喇，下次可以找多ｄ人做野喇，嘻。謝謝神呀。不斷assign人做先。
今次之後，我有多ｄ信心去搞活動lu，呵呵。

走個陣阿芝佢話我可愛……佢細過我的架，都用呢個形容詞形容我……我要，扮得成熟ｄ先，呵呵。佢仲話會繼承我喎，唔，睇下先。咁快就要取代我……家下ｄyr1真係惡呀，哈。
我記得F.7的記念冊（我買左３左的，一本for同屆的同學仔，一本for老師們，一本係俾F.1仔仔的），佢地個個都話我可愛，３本記念冊ｄ人都係咁寫，夾埋咁，真係丫。
呵呵，讚我啊。謝謝大家。
諗諗下，都係做番自己算喇。

>>April 13, 2003 at 9:08:49 AM GMT+8

2003 年 4 月 10 日 星期四 【陰】

好野，爸爸無嬲我！

ooOoo（＝好圓＝好玄）
這是哥哥剛剛送給我的詩：

人皆生子望聰明
我被聰明誤一生
但願我兒愚且魯
無憂無慮到公卿

蘇軾寫的

哥哥問我依家係幾多歲，我唔記得喇又。我明明響職員camp問過爸爸的架，又唔記得喇，1/3問的嘛，但係，點解記埋ｄ奇怪野？爸爸我又想問喇，唔，我唔記得呀真係。？？？

之後哥哥話如果我真的老到唔記得野個陣，好多人都番左天家喎，但係我話我可能會早過哂大家咁，哥哥就話講下好喇，我唔明呀。之後佢就話要用ｄ奇怪既諗法先明。點解個個講ｄ野都咁難明。
佢話我思想簡單……

>>April 13, 2003 at 8:41:35 AM GMT+8

2003 年 4 月 9 日 星期三 【陰】

前幾日淋左雨，所以可能咁ou感冒，所以依家有隻耳聽唔到野呀。要早ｄ訓呀今晚。

我今日先諗到呢，原來我響團契自作主張咁，好唔尊重爸爸架。佢可能會難受架。一路都無從爸爸的角度諗。不孝啊艷艷。我要反省反省。

>>April 11, 2003 at 7:19:43 AM GMT+8

2003 年 4 月 8 日 星期二 【陰】

爸爸無唔要我呀，好彩啊。

下午番左CU開會傾pro。笑笑咁。無乜特別咁丫今日。

加番先，the study tour to Singapore唔知cancel定postpone左，所以５月會響番呢度lu。可以諗諗有乜玩。

今個holiday無得旅行。所以我開始左我既trip to the Holyland，不過係睇書的，呵，神遊下都好呀。睇到Jesus Christ 2000年前的足跡，就響度為我地犧牲，唔~~

>>April 11, 2003 at 7:12:05 AM GMT+8