2003 年 3 月 27 日 星期四 【晴】

早上上堂，我入課室個陣俾professor叫住左，原來係因為無帶口罩，要帶番先入得，好焗啊~~真的好似好誇張啊。
之後教會又話要停哂ｄ聚會咁……
仲有接住係停課，乜都suspend哂……

咁突然有時間，就出去尖咀攞番deposit（個陣定爸爸本書的），找找andy哥幫佢做ｄｄ野，同佢地飲杯野咁，望住個海，又幾好咁，不過有ｄｄ濛咁。

香港人……唔。定係我淡定過頭，無左ｄ危機感呢？

>>March 30, 2003 at 2:17:11 AM GMT+8

2003 年 3 月 24 日 星期一 【晴】

我要改改呀！我剛剛先知道做團長係要做乜喇。我之前concept係錯的架。我唔係一個好團長，唔識分配好ｄ工作。我一路以為辛苦的東西就唔好叫大家做，咁係對大家好。但係唔係架。原來團契係要大家一起跌倒、一起成長、一起經歷神的。如果佢地無機會去做野，就唔可以一起去成長同經驗神。我咁做係好自私的架。團契係屬於大家的架。大家都會be responsible to God，對不起呀大家。我要做一個好團長。做好facilitation的工作。仲有11個月俾我做好佢，好
。
我要找人幫我做下野先……嘻，找邊個好呢？
不過我都係唔多識做添，好的，咁就一起跌倒啦，呵。

好的，精神番喇。我之前係咪因為咁所以累累呢？唔……我既thinking process都幾長喎。蠢蠢呀。咦，我個腦原來都唔簡單喎，如果唔係我就可以好straight forward咁諗好，唔駛被困擾呢三兩個禮拜啦，係咪？點樣可以變得簡單ｄ呢？我想呀。

尋晚唔知係sit會定開會。我去的時候都唔知係乜來的，之後先知係活力崇拜的會喎。仲要有我個名響度的喎。一路開會一路都諗以諾團的大家會點，但係都係要為大局著想，所以都係被郁左喇。敬拜小組、以琳導師人、尼團約團導師、參與崇拜的、個個團友仔都會被影響，ｄ活動又會有大ｄ既牽制。要同大家傾傾呀。爸爸之後會更辛苦的架，頂得住嘛？今晚approach爸爸先。

我之後諗，如果我參與埋活力崇拜，我會burnt out的架。我想quit兒童部呀。依家已經有人substitute我的位置，一切都好smooth，神好似已經為我安排好咁。我唔係唔鐘意兒童部的工作或者唔鐘意同小朋友玩，要懶懶咁呀。我唔係想唔做野呀，我係樂意去做的架，個個位都係架。真的架。都係等我再客觀ｄ諗諗先。都係問問神著數ｄ。

爸爸今日mid-term完，我想晚上開完會找你呀。媽媽一路都俾hon pro咬住左喎又。我……唔理你喇。但係又真係好累累喎。都係到時先算啦。

>>March 25, 2003 at 10:55:46 AM GMT+8

2003 年 3 月 23 日 星期日 【晴】

這是婉婉生日啊！
Happy Birthday！

>>March 25, 2003 at 10:56:36 AM GMT+8

2003 年 3 月 22 日 星期六 【晴】

今日唔知點解累累啊，同爸爸媽媽同姨姨食飯個陣死左咁呀，sor呀，搞到無乜response咁。之後買ｄ野，番宿做project。真的要命啊。差不多8:00個陣個file開唔到，嚇死左，因為個program係唔support reverse、copy and paste……的，之後我唯有再快速地做喎，做到dead之前的唔夠半個鐘先pass去俾下一個人modify，噢，就係咁喇，再做一陣子東西，又一天。

>>March 25, 2003 at 4:15:26 PM GMT+8

2003 年 3 月 21 日 星期五 【晴】

去退修呢~~對上一次退修（唔計摺響宿的一次）係響UST的那一次lu。爸爸同朱哥哥打波仔，媽媽等我……之後孤獨地食tea……

真的好大風啊。初初覺得好舒服的喎，但係吹吹下，睜唔開隻眼，自己真的好渺小呀。小小的風都會支持唔到的喎。真的唔好自持ｄ乜呀。今次有聽話，有帶衫呀，呵。

之後同神傾偈，神同我講好多野，真的很多，完左都仲未講完啊，要再continue先得。我都曳啊，我同神bargain呢。我話我要搞掂我身邊的人，先再做出面的工作。如果你帶左一個人信但係唔理佢，佢會點呀？我覺得同一個人同行係要付出更多的喎，但係我覺得咁更有意義，我願意咁做。定係我應該信神的帶領，唔駛諗咁多，俾佢地自己經歷呢？自己都去開拓市場呢？
我之前仲同采采話我地已經走唔同的路添，佢係open overseas market，我係local market development的。我睇黎都係要……同神傾傾先。

謝謝Ceci。

>>March 25, 2003 at 11:14:39 AM GMT+8

2003 年 3 月 20 日 星期四 【晴】

上完堂就同MIS的同學影相，之後同家揚影。之後走左出去買野同睇書，晚上去家豪的家食飯同查經。無理份database lu。媽媽sent左SMS俾我呀，好開心。媽媽好錫我呀，嘻。

走之前先俾狗狗咀咀左，過左一陣先記得污糟要洗洗。采采之後提我呢排要小心，唔好食人口水尾個ｄ，我成日都唔為意添，采采真好。大家唔好好似我咁，要小心ｄ呀。之後同采采一起唱左詩（唔記得乜名的），傾左一陣傾，同采采一起好開心啊。
婉婉佢一路都靜靜呢，因為狗狗掛？佢縮左隻腳上sofa的架。穎怡佢地都好好玩架。
悠閒左一晚呢。同大家一起開心啊。 之後要努力我的 database喇。
爸爸都要加油啊！

詠茵中左肺炎呀，佢一個人一定會有好多掛慮的呀。
仲有原來做傳導好辛苦的架。

>>March 22, 2003 at 3:44:18 AM GMT+8

2003 年 3 月 19 日 星期三 【晴】

今朝睇新聞，見到唔想見的野。佢一幕幕咁show出來……個心沉左。Iraq的人民、派左去戰場的美國學生……我唔明呀。個世界已經無左邏輯咁。為和平所以要戰爭；contradiction來的。rediculous。點解基徒教國家要咁樣？點解咁自私？唔明。好多唔明。

下午同沙燕傾左幾分鐘，佢話末世個陣敵基督同假基督會出現。我有ｄ驚呀。
我諗起爸爸借俾我睇的末日迷踨，個情景出現響個腦到，會唔會真係咁架？similar的pattern出現左喇。

晚上同同房傾。
我地好難理解呀。

好末世呀。可以做ｄ乜呢？
要叫多ｄ人番團契-->教會，要帶多ｄ人聽到福音。我要努力。神會幫我。

個7B cell要積極ｄ喇，神要保守呀。
晚上叫左大佬番團契呀，小鬼組又助大左喇，呵。

>>March 20, 2003 at 3:55:54 PM GMT+8

2003 年 3 月 18 日 星期二 【晴】

聽日係咪真係要開戰呀？唔好呀！
點解咁荒謬架？點解呀？

今日早上9:00開始做DSE4070的project，中間抖抖，番左宿send message，渣灘啊，之後就繼續到晚上8:00，見到gen出來的OER同schema，要loading的感覺，噢，好滿足！雖然個OER有排執，但係由佢先喇，好肚餓啊。

漏左添，晚上同鬼哥哥傾要開7B的cell呀，要做喇，越忙就越多野做呢。好！黎料啦！好值得的。要祈禱啊。

>>March 20, 2003 at 4:02:44 PM GMT+8

2003 年 3 月 17 日 星期一 【晴】

尋日聽話肺炎好恐怖呀，有ｄ驚驚呀。
LeeAnn佢之前響威院實習添架，佢仲要之前有肺結核添架，佢點呢？
要小心ｄ先得呀。

今日我唔知點呀，係好累累咁。
之後軟哂咁呀。唔知做乜事。唔想郁咁。好想好似一pat野咁達響度，嘻嘻。
上完堂傾完proj就番宿，想訓訓，
但係好肚餓，所以都係食左先算，食完就訓咁，
但係碌左落床之後一陣就開始不停咁接電話呀，
roar！仲要俾Summer揭發左我偷懶訓覺。
所以醒左。都精神左ｄｄ既。
之後就聽左好多個電話囉，之後就食ｄ野咁，
到6:00就見professor，傾proj，
剛剛回來喇，好肚餓，食野先。
嘻。
一陣繼續努力。
今晚早ｄ訓。

大家又點呢？

>>March 18, 2003 at 1:23:42 PM GMT+8

2003 年 3 月 16 日 星期日 【晴】

見到人相信，好開心。見到人肯回轉，更開心。建立好關係，更更開心。
所以今日係好好開心。

努力啊，好多野做呢。
爸爸媽媽加油啊。

>>March 17, 2003 at 4:14:12 PM GMT+8