2003 年 2 月 7 日 星期五 【晴】

今天是媽媽的大日子，但是有點甚麼也沒準備好的感覺，係因為無乜時間，已經盡左力的架喇。媽媽生日快樂。

朝早上SQL，有ｄｄ沮喪咁，因為飛得好快，唔多明咁，遲ｄ要練練佢呀要。之後就番番屯門，等人整完熱水爐就找媽媽，同爸爸媽媽同姨姨食lunch。我到兩點幾先去到找佢地呀，希望佢地唔係等我先食啦。個禮物係有次找媽媽個陣聽到媽媽同爸爸講話要的，practical的咁，之後問過姨姨都話好的喎，姨姨有份夾喎，我估媽媽會鐘意多ｄｄ掛。

食完東西就番團契，我講大話俾爸爸媽媽揭發左……失敗啊。真係咁差嘛講得？算啦，唔再講喇。
我的同房番左黎呀，呵，要keep住番啊。之後有家揚+爸爸的團歌action song，好易學的，好野，我地有得一路玩一路唱，謝謝家揚。仲有我覺得嬌姐好大力呀，佢可以'咩'起我un過一個排球場喎，好累累的架，好強呀佢，佢可能就係女鐵人喇。之後無玩到第二個遊戲呀，好似好好玩咁架。之後就係吃東西，同媽媽慶一慶咁。同爸爸媽媽姨姨一起玩左一陣就要走喇。媽媽開心嘛？不過重頭戲應該係今晚同爸爸呢，呵。之後慳妹靜雞雞咁俾東西我喎，原來係鍾太俾左利是我啊，好開心，好開心。謝謝鍾太。不過我……衰左添，唔記得交番條鎖匙。對我咁好但係我仲為佢製造麻煩添。對不起呀鍾太。

係喎，媽媽話唔知點樣無細佬喎，但係唔知點爸爸話佢踢媽媽個肚喎，之後爸爸話……唔記得左添，可能係爸爸媽媽對細佬暫時無興趣住呀，我估。其實我都唔多明呀，媽媽話要寫番先喎。

之後去舅父的家燒東西吃，但係唔駛落手燒，唔係喎，燒左塊包包喎好似，其他的都係舅父一手包辦的。我覺得氣氛好好啊，講講笑咁，嘻。首先係食排骨，係舅母響大陸運番來的架，正啊，好美味的，之後小休係食左兩條番薯，香噴噴的，之後就燒雞翼，之後就非洲燒鵝，係ｄ皮黑左呀……變左片皮鵝，好似無左鵝既精粹咁，但係ｄ肉加埋ｄ汁好好味喎又，之後就燒雞，係金黃色的架，9個半好味呀今次值，所以就cher雞呀，嘻，ｄ雞係舅母養的架，係running chicken啊，所以好味ｄ架，嘻，仲有乜呢？之後食左兩個橙橙balance番咁，再一罐龜苓膏清清熱，非常飽足啊，呵。舅父應承我話下次帶朋友仔黎食個陣佢會施咒語，ｄ隻鵝個ｄ會燒得好靚，會金黃的架。好期待同爸爸媽媽婉婉朱軒采采……一起去食呀。

不過爸爸媽媽佢地應該會仲開心呢。嘻嘻。

>>February 10, 2003 at 3:34:06 AM GMT+8

2003 年 2 月 6 日 星期四 【晴】

出左去找Cherrie同家姐。佢地唱K，所以我遲join佢地。吸左好多二手煙，感覺好差呀。我見到佢同新男朋友仔攬埋一舊咁我覺得好核突呀，所以一路都無正視過佢地呀。定係其實咁係正常的呢？唔係喎，我見爸爸同媽媽攬攬，我覺得個picture好靚的喎。係喇我記得喇，Cherrie佢地係有其他動作的架，唔係純粹的……咦咦，好核突，唔諗。唔。

Cherrie話我肥左喎。我都唔知呢。可能新年食得多野左掛。

之後同家姐買袋。行旺角真的好辛苦呢，好多人，好嘈，好迫啊，ｄ東西都唔岩我睇呢，但陪陪家姐就唔同啦。我係咪奇怪左少少呢，唔鐘意行街的女孩子。晚上同家姐去紅螞蟻食焗飯，我覺得just OK的咋，不大好的。佢地拒絕左去食朱古力火鍋……都係唔做research，唔食lu。

之後同佢地分別，番宿，要抖抖呀。
番到宿呢，桂叔靜雞雞行埋黎俾左粒金莎我吃啊，好開心。

>>February 21, 2003 at 12:06:58 PM GMT+8

2003 年 2 月 5 日 星期三 【晴】

要番學lu，輕輕鬆鬆的一天。

>>February 10, 2003 at 3:37:16 AM GMT+8

2003 年 2 月 4 日 星期二 【晴】

今日早上飲完茶就同家姐行行咁。仲有７日家姐就走喇，我又要番學喇，無乜時間陪佢喇。

之後整好午飯就番中大傾pro lu。整左好多送呀，佢地應該夠食的。今次呢兩個projects都係食物的，我地揀左Haagen Daz同金龍船/補習社個我地的target。一路都係講食，所以好大家精神咁。傾得好開心。好想去食Haagen Daz的朱古力火窩啊，想像下ｄ朱古力加雪糕、生果、蛋糕，面頭的朱古力脆的……，但係貴貴架，豪一次啦，以後節衣縮食啦，我要同家姐一起食。爸爸媽媽你地二人世界呢，唔同你地一起喇，成日發熱發亮都唔係咁好呀。
做呢ｄreport真要命呢，要食好多東西做research，唔……都係唔好浪費＄＄喇，食少ｄ先得。
傾完ITB同MKT兩個projects之後就番番宿出財政報告同寫paper。唔，有少少威咁，因為可以好快咁做好ｄ野，嘻嘻。

之後就去舅父到食飯，係非常豐富咁，舅母好強呀。有魚、蝦、蟹、炒白合腰果、雞腎蜜糖豆、西芹炒雞柳、雞湯……碟碟都係加大碼咁大碟的架，美味啊。真的好滿足呀。總之做野時忍忍口，唔食條餅餅啦，有ｄｄ後悔添。

之後舅父叫我同家姐燒野食呀。之後就話星期六去，因為家姐下個禮拜三就走喇，我心諗可以同媽媽慶生日添架，如果爸爸未plan好星期六的行程的話。可以一起玩同食，之後仲可以打馬吊添架。我口快快咁同舅父話要燒鵝，因為爸爸鐘意食的嘛，佢就打電話去定鵝喇。但係我……仲未問爸爸去唔去的，有ｄｄｄ失敗咁。唔，爸爸果真已經計劃好左呢，嘻嘻，媽媽啊，我食埋你地個份啦。

舅父由細到大都好鍚我的架，真好，嘻。

唔，今日無端端多左一個表哥出現喎，我都唔知佢係邊個來的呀，但係佢又派利是喎，奇奇怪怪咁既，不過佢好好笑的架喎。

>>February 6, 2003 at 8:22:43 AM GMT+8

2003 年 2 月 2 日 星期日 【晴】

這是快樂的一天，又係天倫樂的日子呀。謝謝爸爸媽媽，佢地真的好好架。咁仲有樂樂小
姨同爸爸的妹妹芷瑩。

行程：葵芳-->金鐘-->海洋公園-->集古村-->睇雀仔-->滑浪飛船-->食chips個ｄ-->睇海獅-->睇海豚同海獅表演加食晏仔-->跳樓機-->姨姨飛雪冰-->撘cable car-->姨姨瘋狂時間，係飛天少女警地頭-->睇熊貓食野的地方-->rich到震花生醬waffle-->souvenir-->撘巴巴-->金鐘-->爸爸同媽媽送芷瑩and then做好多野，姨姨同我番屯門（唔知有無記錯的）

我初初有點點累呀，因為呢排趕projects同要陪家姐同要做屋企野。係啦，點算好呢，乜都未做好添。但係唔理lu。要盡情玩嘛，玩玩下就番番來喇，嘻嘻。

好後悔個陣無玩跳樓機呀，真的好好玩啊。

仲有食左好rich的花生醬waffle，咬落去會感動至死的架。我仍然係覺得因為係爸爸買既，所以先會咁bonus有大量花生醬的。

爸爸媽媽送了新年禮物給我，感謝呀。無言感激。我會好好用佢的。不過呢，唔駛成日送東西給我的架，我可以同你地一起就夠架喇，已經好滿足的喇。真係架。我呢，仲有ｄ奇奇怪怪咁，係有ｄ怕收禮物架。

我見到爸爸抱住芷瑩訓話個陣，我就覺得揪一個Ｂ係唔簡單呀。我真係要乖乖，唔好激爸爸媽媽心呀。

今日爸爸好慈父呀，爸爸呀。我第一次咁樣覺得咋。
唔，不過無得抱抱添，噢，大個得制無得呀……

今次同樂姨姨傾多幾句喇又，少少honour咁，嘻。佢會載住個花花的面"句"玩的架，不過望住佢會見到魔鬼耳仔架。

走個陣大家都累累咁呀，佢地響車上面訓覺覺呀，得媽媽無乜點訓咁。爸爸今晚有排先訓得添呀，唔，點打波仔呢？

>>February 6, 2003 at 8:21:59 AM GMT+8

2003 年 2 月 1 日 星期六 【晴】

早上番崇拜。好彩婉婉提提我咋，我唔記得左番架，因為之前係定左番大陸的，所以無理ｄannouncement，無左個意識要番番咁。謝謝婉婉呀。好開心的崇拜啊。

之後同朱軒同婉婉食lunch，食完就辦年貨，因為仲未買齊野呢，今年真失敗呀。好彩搞掂喇都。今日要睇哂ｄreadings先呀，如果唔係聽日會玩得唔開心架。

爸爸媽媽同家姐點呢？佢地應該同大家一起食緊好豐富的飯啊，團聚啊~~

>>February 6, 2003 at 8:48:24 AM GMT+8

2003 年 1 月 31 日 星期五 【晴】

新年快樂！新年團聚的氣氛好好呀，鐘意呀。

爸爸媽媽新年快樂，健健康康，靈命高ｄ再高ｄ，GPA步步高陞，你地兩個就sweet sweet啦。

恭喜發財，艷艷恭喜大家都發財。（加ｄ美源髮彩tone咁講）<--呢個係kidding咋，$$於大家黎講唔係咁重要的嘛。下面先係真的：
祝大家平平安安，健健康康，快快樂樂，靈命高高，順順利利，恭喜恭喜。


今日早上去公公婆婆到拜年，之後去食飯飯，但係間粥店無開呀，所以就食左燒味，之後就爺娘度，番家。爸爸話星期一去海洋公園呀，但係我要番大陸呀。

晚上，心郁郁的我決定去玩lu，呵。要做好ｄfollow up工作先不過。

>>February 6, 2003 at 8:39:47 AM GMT+8

2003 年 1 月 30 日 星期四 【晴】

辦年貨同陪家姐日。
但係唔記得買自己野添。由佢lu。

>>February 6, 2003 at 8:56:46 AM GMT+8

2003 年 1 月 29 日 星期三 【晴】

早上響酒樓見到姐姐，同爸爸同家姐一起飲茶，之後就同家姐一起行下咁，佢有好多野要買呢。但係……我好累累呢，番左家訓……家姐就stay響家等我……對不起佢添。晚上一家人食飯，好開心啊。我鐘意一家人食飯啊。

>>February 6, 2003 at 8:56:32 AM GMT+8

2003 年 1 月 28 日 星期二 【晴】

晚上同宿生會人一起食飯，之後就開會喇，今次呢個evaluation開到第二朝3:00呢。好開心的會。大家好似不斷分享咁，都唔想停呀。之後接住開逸攝會，我地諗住一起上呢個莊呢。我今次做宣傳呀。開完會就數錢錢，之後就清哂小賣的東西去，我覺得好奸咁呀，因為係無俾＄＄的喎，雖然一起玩咁好開心，但係都不是太好咁。之後一起食湯丸同叮牛肉同蘿蔔糕食，好飽啊。到5:10先閃呀。不過我番番上去執好野就走喇，無訓到呀，我想快ｄ找家姐嘛。番到屯門都7:00喇，響酒樓見到家姐呀，嘻。

噢……累累的一天呢。但係好開心的。

係喎，今日有個層友話我似林嘉欣喎，到底林嘉欣係邊個呢？我已經totally out左喇。
點解always都似一ｄ人既？唔。

>>February 4, 2003 at 1:59:53 AM GMT+8