2002 年 12 月 15 日 星期日 【晴】

星期六（14/12）采采睇到我靜左，之後問我乜事。采采都話無乜野的架，係我自己衰呀。爸爸睇人叻，我估你睇到我有野的，所以我都係自己招供先喇。係呢個星期自己好diminished。係因為自己曳曳。

首先係星期日（8/12）爸爸提醒我教壞左ｄ學生。好唔開心，因為我令佢地做左街邊ｄ飛仔，見到女仔會vio v個ｄ。我錯左呀。好唔想佢地變成咁，做左罪魁禍首，好唔好受。但係我應該點算？可以點教番好佢地？

之後就係因為我聽到爸爸同媽媽講話ｄ野flood去佢地度，之後自己諗喎，我無去顧及爸爸媽媽的感受。我剩係做自己鐘意既野，但係爸爸媽媽未必鐘意的。之後我記得爸爸話我似佢喎，咁我諗自己收到野既時候會唔開心喎，咁即係爸爸都會唔開心，咁……唔，對唔住，爸爸媽媽。艷艷真的好討厭呀。

之後星期六（14/12），見到爸爸隻眼好閃爍，好累好累咁，己經幫唔到佢，仲要咁煩到佢，就覺得自己好唔岩，好曳呀。所以就更加唔開心喇。爸爸我真係唔係唔睬你架。如果我聽到你叫我，我真係會去你度架，right away咁添架。對唔住爸爸，我星期六係唔敢去面對你，因為自己曳。仲有如果我去你的浸禮，我會著得好好的架，真架，唔好嬲我呀。

但係諗多兩日，今日（16/12）我又覺得，咁我表達對爸爸媽媽的關心方法來的嘛，唔，定係其實可能係控制唔到自己的一個藉口來的，唔理住先喇。仲有爸爸媽媽識得同人相處喎，咁唔鐘意會講的。所以結論係呢個禮拜的diminish係多餘的，自己要發大番先。

講番呢排啦：
上個星期響屋企，長期保持飽肚狀態，個肚好辛苦呀。我要好好控制下自己。

星期六（14/12）完左團契之後sit會喎，要做團長呀，好威威咁，嘻。但係會唔會拖垮成個團契。有天上的爸爸照住，我估無有怕呢。仲有呀，有爸爸嘛，我信爸爸。呵呵，好彩有爸爸。原來真係最低既會變最高既喎。唔，我要搞好個團契呀。我諗呢，如果媽媽都一起呢，我地一家人就霸壟斷哂咁喇。

星期日（15/12）采采浸呀，嘻。我同婉婉同采采影左一幅聖誕樹相呀，係采采浸禮之後影的。我影之前問過朱軒，因為我話我想同爸爸媽媽影第一張，佢話只要我堂呢張係第二張就得架喇。爸爸媽媽呀，我知你地呢排都好忙呀，我唔會要你地咁辛苦同我影的架，你地肯同我影我己經好好好好好滿足的，我想像到幅相的架喇，所以唔影都唔要緊架。謝謝你地呀。係呀，我唔知你地會再睇番我的日記的，所以我先之前咁寫架，我覺得……有ｄ難為情啊。

剛剛同哥哥打左一陣籃球，好想打波仔，好諧趣，哥哥話唔講得喎。原來自己唔識打波的呀，體能差左好多添呀，明明想堂年打社際玩得好開心架，要學下，玩多ｄ先得。爸爸同我玩。不過爸爸level太高喇，都係唔好。

仲有呢，我的近視好似深左呀，唔制。
我好想31號同爸爸媽媽上山去睇１月１號日出呀。得唔得呢？

>>December 16, 2002 at 11:24:23 AM GMT+8

2002 年 12 月 2 日 星期一 【晴】

宣佈：電話繩番生喇！Joy to the World！

>>December 3, 2002 at 3:20:26 PM GMT+8

2002 年 12 月 1 日 星期日 【晴】

哥哥笑我……笑左一個字，我估，係誇張左，佢就係咁響個窗到望出黎，用電話同我講：好得意呀，好好笑呀……就係咁由我等車到離開佢視線範圍。其實，有乜咁特別呢？雖然我都覺得自己似酒樓的樓面姐姐~~呢個哥哥
present完就番番宿，找哥哥影相，要俾爸爸睇。好怪怪的。之後哥哥不斷地同我講野引開我注意力先影到……用左好多時間呢，阻住哥哥去lab。
唔，我發現自己都係唔適合著suit的裙呀，只係一個朝早，絲襪就報銷左喇，著褲好好多呢。

同7B食飯，又一起圍埋食，好開心呀，好鐘意圍埋一起咁呀。一起傾偈，一起食野，好飽呢。響考final既時候咁奢侈下，又幾開心喎。係咪過份左ｄｄ呢？

>>December 3, 2002 at 3:20:00 PM GMT+8

2002 年 11 月 30 日 星期六 【晴】

哥哥生日，早上番左早堂找哥哥，佢話高高話仲乜用左24font喎。我都唔知呀，唔。麻煩哥哥幫我執手尾添。之後就問我仲乜唔cop＆paste之前的ppt。係囉，白痴左……我覺得媽媽見到一定會激死呀。都係唔敢搵佢喇。

爸爸睇我的日記呀。我以為爸爸唔會再睇添。
真係令人尷尬。唉唷唷~~
不過爸爸好好啊！

>>December 3, 2002 at 3:18:15 PM GMT+8

2002 年 11 月 29 日 星期五 【晴】

整ppt，整得好自得其樂，其實係自己唔知做乜咁，噢。但係整左好耐下呀，3個鐘有多呀，所以整完都唔敢打俾媽媽喇。我係白痴人呀。睇黎都係媽媽先得呀。

>>December 3, 2002 at 3:17:14 PM GMT+8

2002 年 11 月 27 日 星期三 【晴】

今日上完堂出左去沙田買蛋糕俾同房，佢聽日生日呀，但係要趕pro，我諗住今晚拎去lab到同佢倒數呀，嘻嘻。

響沙田見到ｄ聖誕的裝飾，ｄ小朋友，一家人佢地影相，我停左響度望住佢地。我見到佢地個樣好開心，好滿足，我都好開心呀。我到依家仲記得個氣氛同佢地開心既表情呀。好想同爸爸媽媽同哥哥一起影相呀。聖誕真係普天同慶的日子呀。嘻。
其實我好耐之前已經想同爸爸媽媽向屯門的大大聖誕樹到影相喇，我覺得張相會好幸福的。前兩個禮拜見到個陣就想喇，但係叫佢地無端端走去影，開唔到口呀。我覺得好靚呀。好恨呀。唔知幾時之後先可以達成呢個心願呢？唔，我都係唔好咁天真喇。 睇到人地咁開心，都好開心呀，乜都夠喇。

我之後買左兩個大大飽食呀，有一個係大的欖形Dark Rye Bread，係我想食左好耐的，嘻，滿足滿足番自己，要慢慢嘆呀。嘻。

>>November 28, 2002 at 12:39:51 PM GMT+8

2002 年 11 月 26 日 星期二 【晴】

晚上爸爸俾我睇佢教學生整的web page喎，個名叫"盧Sir的網頁"喎。我一睇既時候要諗一諗，先記得爸爸係姓盧喎。爸爸做左盧Sir，好似升左級咁。個身份唔同左，有ｄ遠咁。不過好得意呀，盧Sir，好大個呀。仲有爸爸ｄ學生鐘意佢呀，真好呀，只係兩日就已經咁，爸爸真叻呀，好開心。係咪好威呢，雖然爸爸叻叻係well known fact……突然覺得自己好無聊添。爸爸好累喇，佢除左要做老師仔，仲要趕好多好多功課。辛苦爸爸喇。

哥哥好似好倦咁。佢話好掛住屋企，好掛住張床……唔，聽到我有ｄ酸咁。我記得佢以前訓得好厲害架，SHM咁，仲要攬住阿福添，哥哥要訓好多架平時，但係呢幾日都無喇，辛苦呀。仲有ｄprojects好狼咁咬住佢唔放，話要同佢一起慶生日喎，哎呀呀……我off既時候佢又開始工作喇。

華媽媽今日拆線喇，一定好痛姐。但係華媽媽話唔係喎，佢厄我既，點會喎，佢想我好過ｄ呀。佢話佢同snoopy一起訓呀，真開心，嘻嘻。佢聽日開始浦lab生活喇，希望佢頂得住啦，要訓好ｄ呀今晚。

咦，好似無左媽媽既消息添……

好掛住大家呀，sem break要搞一次成功的7B活動呀。

>>November 28, 2002 at 12:14:30 PM GMT+8

2002 年 11 月 25 日 星期一 【晴】

前幾日隻左腳的腳板的唔知乜野筋痛呀，今日又痛喇，係上年右腳的那條呀，恰我。我唔想好似上年咁物理治療呀，上年要半年先好番，都係唔理佢喇。
我估行少ｄｄ就會好掛。

>>November 26, 2002 at 1:11:37 PM GMT+8

2002 年 11 月 24 日 星期日 【晴】

今日很倦啊，因為呢幾個禮拜都唔夠休息，原本以為番家可以的，但係呢兩日都係要周圍撲，好想休息呀。

朝早考完普通話final同上完Jacqueline堂就走左HRM番宿喇。我係個累到做唔到野，唔多諗到野，所以先skip lesson的。番到宿又掛住食野，摺野。但係上B-law的時候好多喇，聽到書。

爸爸今日實習喇，做老師真係唔容易呀，要好好好好好早起身喎，為ｄ學生變做早睡早起人。咁咪健健康康囉。我估ｄ學生會好鐘意爸爸的。我諗呢，ｄ女同學會成日找佢架。呢個係經驗之談啊，呵呵，剩係譚李麗芬的幾堂，ｄ男同學己經會等我放學喎，仲要同我講，死未？依家ｄ學生真特別。唔~~爸爸掂咁多，會好好好好好多人喜歡的，都係要有心理準備呀。媽媽呀。希望爸爸可以享受到教學生活，同學生建立好好關係，一切順順利利啦。神照住架喇。

媽媽又點呢？ｄpaper做成點呢？presentation呢？要食番多ｄ，對自己好ｄ，唔好捱壞身體呀。Take care。

>>November 25, 2002 at 3:22:23 PM GMT+8

2002 年 11 月 23 日 星期六 【晴】

今日學l’alphabet，好鐘意法文，好想學學學呀。咁如果可以去法國或者其他地方會更開心啦。媽媽就已經去到呢個level喇，強強呀。

我今日唔乖，因為我無耐性。雖然無發出來，但係個心咁諗都好唔岩呀。
我下午同媽咪飲茶，但係坐左個半鐘，覺得咁坐向到好奢侈，就好唔耐煩。我個list上面有好多野要做，我就覺得自己唔應該向度坐。我抑制住自己。我太被呢排的氣氛影響到。諗諗下個心又闊番喇。我向呢個moment同媽咪一起，就要enjoy個陣，唔好叫諗其他的。媽咪同ｄ姨姨傾得好開心嘛。陪得媽咪就唔好要媽咪陪番嘛。
唔，艷艷變成咁，仲乜呀？

之後去倉到買鞋，係澄澄教我去的，媽咪又叫埋姨姨同阿君一起去。唔，我要著suit喇。買完已經6:00喇，但係仲未有襯衫同袋同絲襪，所以走左去朱姐到借，仲借多套suit添。好耐無上過采采家喇，阿哥佢一見我就跳左出來咁話：好耐無見喇！珊姐，采采同朱姐佢地一起幫我找suit的配件，好感動呀。佢地好helpful，謝謝你地呀。係喇，之後去左惠康買屋企的雜貨同野食俾弟弟，但係太急喇，仲要無coupon，所以去到都番番轉頭。番到家就有飯食喇，好多送，好美味的湯，係冬蟲草魚肚煲雞，飲完好暖呀，謝謝媽咪。

食完飯就番宿喇，好累呢，一路向車上面都瞌上眼，呢幾日番到屋企太無休息喇。
之後看小賣都係無乜精神咁。

爸爸聽日開始實習喇，要好早好早起身呀，辛苦呀，爸爸加油！

>>November 25, 2002 at 12:10:19 PM GMT+8