2003 年 6 月 1 日 星期日 【晴】

早上同爸爸傾左一會，好開心啊~~佢太累呢不過。

晚上同加羊講番我的問題，原來爸爸lunch同佢傾過，所以就咁。
講左好耐無聊野先入正題呀不過。我估都有成個鐘咁。
佢同我道歉……真滴汗，無野的喎……
講完生活營的東東就講問題，唔……好多人都見到我呢個問題，教過我，佢都話自己好似公公……但係知道同做到又係兩回事來的。呢個就係個point喇。我已經試過將ｄ目標定得concrete，依家做緊的，不過仲係未做到的，俾ｄ時間我啦。
佢問問問問問……我的累累唔係佢認為的累累，我講過的感覺唔係佢理解的感覺，加羊苦惱左好耐咁，最後的結論係……佢終於明到8成喇，我係比佢extremeｄ，再加ｄ遺傳那些……複雜得佢……我都係要去organise一下先。
真的不簡單。
好耐無同人傾咁耐電話，過左我的sleeping hour，好累呀。

婉婉聽日要睇牙牙喇……

>>June 3, 2003 at 10:14:37 AM GMT+8

2003 年 5 月 31 日 星期六 【晴】

我今日再諗諗下，發現自己真係蠢蠢呀。我係咪自以為是呢？唔制呀，要揀的話，我可以即刻決定架：我唔要公公，我要爸爸媽媽。太不孝喇今次。係我唔認識爸爸媽媽就咁妄言，太曳太不孝喇。

早上舅父lin過來，原來二表哥的朋友仔中左SARS喎，佢地尋日玩左一日，所以我地都係唔去得佢地住喇。無得同媽媽去佢到farewell添。點好呢？我呢陣子累累呀，個腦成日的出唔到貨咁呀。舅父佢好彩都唔擔心姐。

完左崇拜去食飯同開會，好累啊。

完左之後加羊同我行番家的時候佢又教我要點做……那些喎。爸爸媽媽，今次真係佢自已過來的架，我覺得佢係想教我東西所以先同我講一會咁咋，我唔係突登找佢唔找你地的架。真的架。

睇到自己的精力開始唔夠喇。會累累咁。點解cher得咁盡呢我？我會唔會burnt out的呢？我唔想呀。我想繼續同大家一起學同做呀。神要教我啊。我求求你。我知你會照住我的。嘻。

婉婉好掛住你啊。你點呢？

>>June 1, 2003 at 12:19:11 PM GMT+8

2003 年 5 月 30 日 星期五 【晴】

今日激親爸爸幾次……
爸爸我真的在乎你同媽媽架，
我唔敢喇……

團契個陣唱伴我成長呀。個陣LeeAnn坐我隔離的。我覺得呢首歌係for 7B的。每一句都……之後就喊喊喇，LeeAnn佢明呀。

媽媽要走喇，噢。要好好享受個trip啊。神會保守媽媽肥野平安的。
之後lin俾舅父，我話要同朋友仔燒野食，佢話一口話好喇，諗都唔駛諗喎，仲要我話星期三都得喎，太好喇。可以同媽媽farewell，同爸爸媽媽朱軒婉婉一起。呵。

晚上麗芬問我兒童部的東東，我決定唔做喇。
謝謝婉婉。哎呀呀~~

>>June 1, 2003 at 8:41:01 AM GMT+8

2003 年 5 月 29 日 星期四 【晴】

我偷食左同房的餅餅呀，雖然佢走的時候authorize左話俾我食哂佢，但係我話我要清自己的貨，所以都係唔要喇……reject左佢。但係做做下野，我情不自禁咁食左，仲要一連3包咁（其實尋日係6包添架），之後就衰喇，肚仔痛！梗係因為太曳喇……下次唔敢喇。

不過之後碌左去同房張床到碌左幾碌咁，痛痛嘛，就發現自己唔見左的眼鏡喇，感動……因為我年頭已經唔見左一副，買番新的，但係又唔見左，所以決定唔再買喇，但係失而復得呀依家，謝謝神。

中午同爸爸談了一會。我都真係一個摺人來呀。明唔明呢？有時真會的喊的。唔。我對自己的信心的，但係我對神的信心好強。

下午搬宿。英姐太好人喇，貴叔都係呀，嘻。我pack好東東之後出去pantry飲水水，佢見到我就問我仲乜唔去寄存ｄ東東先，原來個陣就dead喎，我仲懵懵唔知添，之後但係因為太多人喇，所以借唔到手推車，英姐就即刻拎佢的私伙車出來俾我，仲教我同幫我推添呀，太好喇。Shu！因為唔可以借俾人的架。之後仲自己入黎check房，唔駛我叫佢咁添呀。

之後去到個房到，我無帶學生證，但係貴叔話見係艷艷就唔駛，呵，太好喇，之後推入去個陣佢問我有一舊係咪雪櫃喎，（係Phoebe的），（因為個規矩係唔俾寄雪櫃的），我話係，之後佢話我陷佢於不義……但係俾我寄喎，呵，太好喇。
之後仲有看更伯伯又幫我搬野喎。
今日個個都好幫我呀，謝謝呀。

之後發現，我同Phoebe加埋的東西就係小鬼的東西，點解可以有咁多野？

LoMing之後lin過黎喎，佢個邊零晨兩點的，佢真係丫。傾左個幾兩個鐘啊，今個月又要爆喇……算啦，見係LoMing。掛住佢呀。

在車上同Phoebe談談，呵。好咕碌，好開心啊。
累得要命的一天。

>>June 1, 2003 at 12:12:56 PM GMT+8

2003 年 5 月 28 日 星期三 【晴】

呢幾日聽加羊分析……
佢好好公公啊。
唔，要諗諗啊。
謝謝公公，真係學到好多野呀。
我發現，爸爸媽媽哥哥都唔夠佢了解我……太~~

但係，依家好眼訓啊！

>>May 29, 2003 at 12:40:53 PM GMT+8

2003 年 5 月 25 日 星期日 【晴】

白泥踩屎記！
參與者：加羊、海豚、詩婷、阿奶、余人、菜菜、小鬼同我
時間：2:00-7:??＠下白泥 -->飯局＠元朗
comment：好好玩的一日。又認識大家多多喇。多謝大家同我去啊。好滿足啊。但係，好累呢。

>>May 29, 2003 at 12:57:07 PM GMT+8

2003 年 5 月 24 日 星期六 【雨】

ref:朱軒留言
朱軒，我諗到喇，係結他他老伯的動作呢，太諧趣喇……想像到唔到呢？

咦，我仲乜要回應你？
唔睬你，唔睬你。

好奸呀。

>>May 25, 2003 at 12:38:54 PM GMT+8

2003 年 5 月 24 日 星期六 【雨】

早上同爸爸飲完茶，做埋家務就去入ｄｄ貨，噢。唔知買乜好又。
之後番午堂，要做司事啊。但係唔知點喎，收完奉獻走錯路，哎呀呀。
婉婉腫左呀，佢點呢？夏天大夫幫到佢嘛？
之後同采采一起食飯。因為之後要去家/嘉寶浸禮。但係無帶銀包，我仲同采采講話應該夠錢……好彩見到auntie melody，問佢借錢錢，真失敗呀。
竟然可以同采采一起去食，好感動。不過太窮困喇，要繼續我的緊縮政策。
繼文傑、采采，之係佢喇。家/嘉寶浸喇，好開心。要為佢唱個首歌呀。太好聽喇。幾時到Tobey、芯芯，幾時到我呢？
之後陪左采采行左一會，佢要買褲仔去番工呀。
但係我唔識俾意見佢。采采叫我妝扮下，佢話扮靚係女仔既天性，應該要識架，點解我唔係女仔？唔係喎，我都care自己的樣喎，我之前同神講話我如果無左隻眼，我會好唔開心喎。唔，煩呀。算。
好掛住上年同文傑同采采一起的日子呀。
采采加油！
爸爸加油！
婉婉你點呢？

>>May 25, 2003 at 12:34:54 PM GMT+8

2003 年 5 月 23 日 星期五 【陰】

Summer今日送左一本書俾我呀。謝謝佢呀。不過要等等先開得呀，呢排開左兩本，已經要了我的命喇。Summer太好喇。
今日團契係分享會，聽到好多團友仔的分享。大家都大個咁，relatively speaking。我同佢地真係一比下去呀。佢地會成日問神，但係我唔會，聽完就信咁，太蠢喇。Ceci話問多ｄ係好架，因為咁係同神傾偈。唔……但係我個腦有時唔明都會process下諗下架，真架。算啦，我份人比較簡單。
分享要讓團友仔先，兩個鐘都出唔哂ｄ人，所以無分享到。之後走個陣，加羊佢發現我無講過，我估遲ｄ生活營慢慢傾都得啦。到時全場人都唔會訓啦我估。吹水，yeah！
小白菜佢今日番黎喎，我之前icq叫過佢，佢終於番來喇，原來佢剛剛番來的。原來。佢無端端帶左幾本旅行的書俾我，我r哂頭咁。之後問番佢，原來係唔知幾耐之前同佢傾偈仔，我話想去旅行，佢就找左呢ｄ俾我，仲要係由Canada空運番來的，太好喇佢。重申一次，佢無野的架。已經三年幾前架喇。
之後呀，爸爸佢七個幾鐘無食野喇，佢真係令人擔心呀。咁對自己，都唔鍚身，爸爸真係……大個人嘛。

>>May 25, 2003 at 12:33:21 PM GMT+8

2003 年 5 月 22 日 星期四 【晴】

早上起來就繼續工作，做到差不多時間就落lab print埋ｄ東西佢。之後就同雅虹佢地食飯飯。哎，到底仲有幾多生日飯食呢？有點煩煩咁。食完傾傾偈，我鐘意啊。

之後佢地唱K，我就咋咋弟弟去番教會找膠片閃走左，咪搞呢。好討厭卡啦OK啊。
有好多歌都找唔到，哎呀呀，救命，之後Ken同家豪同'彭'哥哥幫我找，佢地太好喇。嘻。

番到家又開始庇護工場工作。

晚上阿Ket考完試lin過黎，佢原來同我都係咁諗的，好少有的人呀。嘻。佢話我係小綿羊，哈哈好得意，好啦，我都鐘意羊，接受啦。不過佢仲煩惱中啊。希望佢靈裡面快快咁成長啦。要記得ｄpromises呀。

>>May 24, 2003 at 1:44:57 AM GMT+8