2003 年 6 月 13 日 星期五 【雨】

今日唔多舒服，唔知點解呀。
掛住祈禱會，唔記得要抄團訓、報告有ｄ亂，呢咁hae、無乜精神……真的有點點對唔住大家咁。今日有ｄｄ太充實咁。

我真係無乜主見呀，好煩人咁……爸爸係咪呀？唔。

今日見到云婆婆佢好開心，同佢傾傾，讀經，又解俾佢聽，嘻嘻，好滿足呀。佢分享左佢既信主經歷，仲有佢鍾意既係詩篇廿三篇喎，嘻，之後……開心啊。

今晚要早ｄｄ休息，
明天要做好好的陪人人！

>>June 14, 2003 at 1:41:20 PM GMT+8

2003 年 6 月 12 日 星期四 【雨】

今日開始要積極ｄ，hae左兩日，唔係幾掂呀。

早上又係平時咁啦。

下午去左跑步仔，個身仲係好重呀，唔制呀，仲要唔夠氣添；明明肉體上面想繼續，但係就係唔夠氣……raor！我要練下先，做個健康人。點可以叫婉婉同媽媽做多ｄ運動呢？要健康呀。係喎，婉婉身體點呢？
我跑到唔多夠氣個陣，諗住行幾個圈cool down下咁，就響個個moment突然落大大大雨喎，估唔到要咁cool down呀。Well，我番到屋企就變左全新林艷欣囉。

之後沖個靚涼，爽哂。再食兩塊餅餅，就開始lin俾final人、愛Sum組員仔、7B人……呵，要催迫大家呀，我好似好恐怖咁添。

哎呀，我覺得自己好奸呀，因為我約620同7B同學仔去啤啤鄧（中七老師仔）飯局，又book 620打波仔（當然係就團友仔先既）；我有諗係想叫埋7B人一起打，之後順勢去……咁好似一連串咁，等佢地識識團契人咁……好奸呀好奸呀！我幾時開始變成咁架呢？算啦。仲係有ｄｄ接受唔到。

今日無乜點睇野添。

爸爸呀，又唔食野~~激親呀。

爸爸我要聽故事呀！我要我要我要！！
應承左唔得奸奸架，呵呵！幾時有得聽呢？嘻嘻。

>>June 14, 2003 at 1:29:24 AM GMT+8

2003 年 6 月 11 日 星期三 【雨】

原本今日係去長洲的架。但係因為呢陣子都落雨，所以取消左。

今日早上係俾雀仔叫醒的，好似好有詩意咁呀，仲要係好鬼好天咁喎，raor！

之後呢，又係做早上平時自己的東東，再執執相，食ｄ野就番U交concentration form喇。響車上面突然好好好大雨，我聽個司機話自己好似渣緊船-->之後就話渣潛艇，哈哈。不過真的好大雨呀。突然間咁。仲要隔離lane撞車添呀，哎唉唉~~

次次婉婉找我我都唔響度呀……唔。乜得咁……

去到荃灣，餓餓喎，買左腸粉食，呵呵；之後就去買包包。

番到U，搞掂ｄ野，呵。
就響呢個moment，個袋個抽抽甩左。所以成袋放左入背囊，呵。唔駛抽仲舒服喎。

之後同爸爸去買衫衫。呵。我覺得爸爸著衫好爸爸呀。諗下先，有無ｄｄ型人feel呢？呵。爸爸啊。

之後呢個禮物的問題呢，我仍然係覺得，心意呢ｄ野，一張卡就夠喇……

之後就去meet加羊公公同佩琦食飯。呢個其實係以諾團飯局黎架。Well……當然又要經驗艱辛的找地方食野時間啦。

之後就傾傾偈，食食野咁。呵呵。
食飽飽喇。番家喇。又一日喇。

媽媽佢平安呀，呵。希望個strike唔影響佢既旅程，可以開開心心咁繼續啦。呵。
好想揹背囊去旅行，四圍去咁啊。

>>June 14, 2003 at 12:40:53 AM GMT+8

2003 年 6 月 10 日 星期二 【雨】

繼續執野。

今日睇番中個３本記念冊，一路睇一路喊。好掛住大家呀。佢地個個都話我細路女，成日笑……好照顧我呀。依家睇番先知自己以前都係咁喎。我以為自己入到U跌左level先係咁添。華媽媽仲list低我唔見左ｄ乜，叫我唔好唔見埋佢呢個媽媽；澄澄話我可愛呀，嘻；死Ket話我咁鬼瘦，好心就增下肥……真係好錫我呀……個個7B人都好好呀；ｄ1B仔仔寫偶像個格都係寫曉蓮同頓珠，哈哈，佢地點呢？；ｄ老師仔寫的都好感動呀……
突然諗，係咪寫記念冊都要寫ｄ好野的呢？全部都係個ｄ形容詞既……
之後睇少少傻相，哈哈，太有趣喇，太懷念喇。

咁落去，成個暑假都執唔哂喎……要停下先。

>>June 14, 2003 at 1:04:59 AM GMT+8

2003 年 6 月 9 日 星期一 【雨】

今又執東西，我想做好ｄfiling佢，搞搞ｄ小學到依家的相相、卡卡、信信……全部都好有記念價值的架，救命呀，好多呀。

一路執一路睇……有排睇喇……就係咁喇。今日睇左ｄ澳門相，呵，不過最開心個ｄ響個腦到呀，係我……唔識用部相機之過啦；仲有ｄ女人.com的，哈哈！3D的那盒相仲有排睇呀……

婉婉今日睇牙牙呀，OK唔OK呢，痛痛呀我估……唔。

要為采采祈禱呀！！

爸爸話包包好味道呀，呵呵呵，好開心。我開始get到佢鐘意食ｄ乜喇，終於。呵呵。
不過我係買架咋，我唔識整的……等我some day有一天學下先。相信都唔會係短期既事喇。

>>June 14, 2003 at 1:30:51 AM GMT+8

2003 年 6 月 8 日 星期日 【雨】

今日早上跑步仔，但係唔敢去得太盡，因為好耐無郁過……所以跑左好少咋。爸爸一次就3000，有排都追唔到添。跑左2000咋……
之後曬左兩機衫同搞掂ｄ廚房東東就閃出去lu。因為要同細佬買兩條包。但係結果係買左一條俾佢……爸爸的仲多過佢添。
之後同爸爸食飯飯，唔。要諗諗先。今次那個東西唔算數，之後先算啦，好嘛，爸爸？
呢陣子濟左喎。
之後打波仔，我唔記得自己有遮遮添……爸爸就咁就濕左lu。我入到更衣室先……噢……
入去個陣見到譚李麗芬的學生，佢地打羽毛波，同佢地傾左一陣咁，佢地仲記得我呀，呵。傾左兩句，笑笑咁。
打波仔好好玩啊。一起就好的喇。爸爸好好大力呀；芝芝佢都話好好玩咁；詩婷好開心啊；仲有余仁佢地呀，真係。大家都好enjoy咁呀。繼續搞打波仔先得。
好想去得成長洲啊。好想同大家一起郊遊，傾傾偈，唱唱詩呀。
之後就同爸爸買補習書仔，途中見到婉婉添呀。佢要散財喎，無端端咁既。
再之後就番屋企。今日好累咁既？
反省下先。

>>June 10, 2003 at 4:53:10 AM GMT+8

2003 年 6 月 7 日 星期六 【雨】

今天同阿Ken同慳妹同爸爸食lunch。食食傾傾咁。
Ceci肚仔又痛痛，唔生性呀。佢點呢？要溫書仔添架。
之後食完出唔切去采采的graduation ceremony。
所以跟左爸爸行去找朱姑姨。仲有婉婉同朱軒添。
之後佢地打波仔，爸爸一有波打就好開心咁；佢好得意，好似小朋友咁；爸爸同朱姑姨同朱軒一起打波仔，我覺得佢地好有默契，嘻。
佢地打波仔個陣同婉婉傾兩句，呵呵，太耐無同婉婉傾喇，成日都夾唔岩時間咁……幾時可以一起呢？
打完之後朱姑姨閃走，就行行再四散。
見到爸爸揹住佢個骨”慘慘”仔仔，酸哂咁……
之後又同爸爸分別，但係肚仔餓，去左買包包吃，我買左個大大的那隻，原本想食ｄｄ，留番聽日食的，但係食食下又食哂……
出到去換完CDRW就去meet莊員，時間剛剛好。太好玩喇。我由9:00話走，但係Su su不斷夾野俾我食……又傾傾咁，到10:15先成功閃得。累累呢。
之後又同爸爸傾左兩句，好開心。爸爸佢先剛剛番宿咋。
番到屋企就好晚咁。洗白白訓覺。

>>June 10, 2003 at 4:37:13 AM GMT+8

2003 年 6 月 6 日 星期五 【晴】

今日媽走了，佢要去旅行啊。
我見到爸爸呆左一個moment咁……不過我早走左，所以都唔知呢。
婆婆就更加咁。
媽媽會平平安安、開開心心的。神會照住佢的。

爸爸真的好好啊.....

婉婉好helpful呢；采采都係啊。

>>June 7, 2003 at 1:40:14 PM GMT+8

2003 年 6 月 3 日 星期二 【晴】

今日係歷奇日。
係分組玩遊戲，之後di-brief咁。好好玩的。
完左ｄwarm up game後，第一個game係送綿羊，為左隻羊羊，海豚手都震呢，
之後係電網，真係手都軟呢。
之後行圈圈，隻手好痛架。
呢ｄ都係build up團隊精神，建立信心咁。
lunch之後的盲眼game睇肢體合作同盡忠咁。
學到：reinforce大家之前的教導，分工合作！響自己的崗位盡！無錯，各人有唔同恩賜，唔同角色，咁就要就住所有的去發揮。
等我apply下先……嘻。（個腦轉動中）

今日有乜特別呢……
１．青蛙話：你呢個弟兄掂呀！　（我又做一次弟兄喇……好！）
２．我好鐘意個beat呀：無無謂謂，食大個胃，YEAH！
３．仲有被電一分鐘，呵呵，太得意喇。
４．今日Summer好毒呀，向我狠下毒手……爸爸救命呀！
５．破左戒……唔……後悔左喇……都係自己

>>June 5, 2003 at 9:02:56 AM GMT+8

2003 年 6 月 2 日 星期一 【晴】

今日係打排波日。
想當年我明明係明明成日打架，但係點解我會搞到咁……都未夠10年……
咕碌片段：踩響布布度、用面面接波……太過份喇。自己。
好痛啊。算啦，同大家一起玩……

婉婉佢都無乜野，good！要快快好番啊。

佩琦俾左張卡我喎……thanks。原來佢覺得我唔開心喎……真係ｒ頭呀。Well……應該係佢見我成日傻傻咁掛。其實點會唔開心呢。好多東西我係知道的架。娛人娛己咁，呵呵。我認知之後，自己選擇，見到大家enjoy，我好開心的架。唔……佩琦都幾sensitive啊，佢係會關心身邊的人的人來的。佢應該係一個好組長啊。

我記得Auntie Melody同我講過我話唔好將ｄ唔係咁開心的東西催眠自己變做開心的。佢咁同我講，我覺得係因為佢成日見我笑。其實我知的……每個人都有唔開心的東西，個分別係在於佢點process同present出來咁。咁當然有ｄ人係多ｄ呢ｄ事情，depends on God，但係都係same principle，一樣的。我唔係唔催眠自己話無唔開心，只係我learnt a lesson，之後就會無左件事……所以加羊前排問我，叫我講ｄ唔開心野佢知，哇，過左去的唔開心事我真的無乜印象呢。諗到頭都爆。或者我都係無乜呢ｄ問題啦，呵呵，感謝神。
要為他人祈禱。

>>June 7, 2003 at 1:26:53 PM GMT+8