2003 年 1 月 27 日 星期一 【晴】

恭喜發財，恭喜大家發財，國士無雙恭喜大家都發財。同莊員一起唱新年歌仔，一路行一路唱，雖然得３兩個人唱，但係都好歡喜呀。原來自己都識唱ｄ新年歌架喎。ｄ人仍舊係咁摸埋我個頭呀，佢地慘喇，我係low GPA喎，咁佢地，噢，I can't help啦。繼續食油角，呵，開始喉部不適添。
其實呢，ｄ人摸摸我個頭，我覺得好encouraging咁呀，好開心的。我係細路女呀。

洗完樓詠恩煲芝麻胡湯丸呀，好味道，食左３碗呢，飽飽呀。嘻，謝謝呀。

>>January 28, 2003 at 4:30:16 PM GMT+8

2003 年 1 月 26 日 星期日 【晴】

晚上同人掉左間，唔駛看小賣，嘻嘻，所以可以去洗樓同宿生拜年同派糖果呀。好開心呀，我攞住GPA妹妹呀，摸完佢個頭GPA會過３的架。好得意的架，有ｄ宿生好high咁摸，之仲會拍埋我地個頭咁架，好好玩的。我聽晚洗樓要笠左GPA妹妹先，嘻嘻。要俾爸爸媽媽摸摸呀。仲有運財童子添呀。好好玩呀，以後無乜機會同莊員一起咁洗樓玩喇，唔捨得添。係呀，ｄ角仔都幾好味呢。

今日仲做左乜呢？早上起身發現自己條頸有ｄ痛，訓得衰呀應該。到下午上完堂同Mandy E食左咖啡焦糖　蛋，我唔recommend媽媽食的。之後食完就番番宿，食左ｄ餅，仲有乜呢？唔記得添？之後好似訓左呀。是旦啦。

係呀，家姐番左香港喇，不過仲未聯絡上。唔知佢點呢？

>>January 28, 2003 at 4:28:35 PM GMT+8

2003 年 1 月 25 日 星期六 【晴】

早上番完崇拜就閃去保叔到攞蕉，之後俾影印同學仔，再join番婉婉一起出去UST睇爸爸同朱軒打波仔。搞到無同爸爸媽媽一起食飯，仲要媽媽等我咁，仲有無講番晚上會點，好無交帶呀我，我唔會再咁的架喇。對不起呀，爸爸媽媽。

同婉婉搭61X個陣同慳妹一起喎，咁就字字朱基左喇，嘻嘻。“如果一個團友活在嘲笑中，佢就會學識害羞。”不過婉婉仍然係無乜表情呀。Sor sor呀，婉婉唔會嬲既。要造就下添，唔好意思呀。

之後我爬上ｄ石上面望海，好舒服的。同神靜靜傾偈仔，感覺好好。我個心靜番，我知道喇。我要做神的工具，好好聽你話。神我好愛你呀。你對我太好喇，俾左太多bonus我了，有錫我的爸爸媽媽，有關心我的婉婉采采，有好好的環境，又好好保守我……太多太多喇。所以上番去即刻攬番住媽媽，嘻嘻，唔好蝕左咁，媽媽係我的寶寶來的。
響呢度同神一起太舒服喇，唔捨得走添，要再黎過呀。

仲有朝早媽媽送左馬騮仔俾我呀。我會掛響宿舍個書台度的，咁就會成日見住喇。不過我係馬騮嘛？我係肥馬騮，我係肥馬騮……咁係啦。但係我無馬騮咁精靈，又無咁跳跳紮喎……是旦啦。

爸爸媽媽話要有細佬喎，小弟弟會係佢地的結精喎，不過唔知係收番番黎的定係結左婚之後生個ｄ喎。咁如果佢真係出左世咁，我都會鍚佢的架。佢有爸爸媽媽鍚真會好幸福的架，我唔得咁自私架。要照顧小弟弟添。不過佢唔得咁曳踢媽媽個肚架。

響爸爸媽媽同婉婉朱軒兩對人中間的感覺好特別的。佢地都好好呀，無嫌棄我喎，又無話我阻定喎。不過我暫時仲未覺得自己阻定喎，好似好無自知之明咁添。所以我都係會繼續響爸爸媽媽同婉婉朱軒中間做我的電膽仔，發熱發亮咁，哈哈。不過如果你地想我閃的話就出聲喇，我會走佬的架，識趣少少咁。

婉婉同媽媽都好似好唔舒服咁。係咪有男朋友仔就會有人照顧住同挨住，所以就倚賴左佢，就會咁架呢？唔，不過諗諗下又係inter-dependent的喎，男孩子的心態啊～～你地都好甜呢。係呀，我唔係話你地唔獨立既意思呀。明唔明呢？
不過我都係enjoy我的獨來獨往的生活多ｄ。


係呀，仲有唔見左散銀包呀，今年已經唔見左野，咁即係呢年都唔會唔見喇，太好喇。今次唔見$1?+包包，much better than上年同前年的了。

我寫ｄ野係咪有ｄ難明呢？真係跌左level添。
我決定寫番呢個日記喇，既然朱軒覺得我唔寫係一個遺憾，唔…咁我就寫啦，哈。其實寫下無壞掛。不過依家知道婉婉同朱軒都會睇的喎。不過要保持神秘咁，唔好俾咁多人睇到好ｄ。唔該唔好揚出去俾咁多人睇丫。
好眼訓添，要訓覺覺喇。大家早抖。

>>January 27, 2003 at 7:52:02 AM GMT+8

2003 年 1 月 23 日 星期四 【晴】

我覺得自己market緊自已。唔。
到底呢個係咪真正的自己呢？
我對自己，我覺得對自己係坦白的，
我對人呢？我對那些我想遠離的人，我會無左自已的。
我原來係一個咁假的人呀。唔。

但係屈哥哥有次響沙灘傾偈仔個陣叫我唔好咁熱情，咁我selectively對ｄ人差ｄ咁……
爸爸又講過話我唔好太熱情。
我係touchy的人來的，我鐘意掂我鐘意的人。
唔，我已經有improvement喇……算啦，no excuse的。
好麻煩呀。roar。
唔理喇。

我諗呢，我寫呢個日記都係market緊自己，我唔想咁樣lu，咁即係呢個日記既意義於我已經ｘ然喇。唔。係咪係時候close左佢呢？

>>January 24, 2003 at 1:51:07 PM GMT+8

2003 年 1 月 23 日 星期四 【晴】

尋晚食宵，大家都high high地咁，好好玩。不過好累咁添依家，唔記得做左乜添。註：我無飲酒的架，所以呢個唔係飲完酒懵懵懂所以唔記得呀。仲有ｄｄ後遺症係喉嚨痛呀，唔。
今朝早上番學有ｄ唔習中，因為同莊員一起上同累累呀。

下午找爸爸媽媽，係想見見佢地咁咋。佢地對眼都好閃爍呢，不過唔係因為精靈個隻呀。唔。
其實呢，我覺得爸爸媽媽都好重視對方喎，爸爸會好care媽媽講的東西，even係一個好簡單的形容詞or whatever。所以有ｄ會有ｄｄ磨擦，但係呢ｄ小小的磨擦令佢地更了解對方，另關係更好。如果俾我，我會唔care的，最多係個刹那少少突兀，我又會無野的，同我一起的朋友仔原來都好悶呢。
Once again,我覺得爸爸有ｄ大細路。

之後見到婉婉呀，miss婉婉呀。佢同朱哥哥好好呢。朱哥哥要鍚佢多ｄｄ，如果唔係我會對付你的架。

由NA望落去吐露港，ｄ萬家燈火的景好醉人，累累，但係好enjoy，好美呀。這是我愛香港的原因之一呀。

>>January 24, 2003 at 1:27:51 PM GMT+8

2003 年 1 月 22 日 星期三 【晴】

今朝早我又無上堂喇。
今次係因為trapped左響個車入面呀。架巴士停左(~8:20)，我就check check organiser睇睇自己的東西咁，到我finished左(~9:00)，架巴士仍然見到置樂喎，唔，已經大半句鐘呢，就算唔塞，個陣番CU都完堂lu，咁我就lin俾同學仔交帶番咁，但係嘈醒左佢添，噢……我就決定落車啦。之後好多人followed呀，我行屯門公路呀，哈哈，係on my bare foot喎。我第一次咁行咋，好特別啊。咁我扶埋其他人跳落路側邊的欄就閃番家lu。可以執執屋同入入貨喇。今日可以同媽咪飲茶喇。

晚上同婉婉傾左兩句，唔，我覺得對婉婉唔住呀。個心好唔安樂呀。
之後同爸爸講，我知點解喇，蠢蠢呀我。我會做番自己的。

今晚要食宵呀，新莊請，yeah！我前排諗番呢，原來咁入U到依家咁多次宵我都未俾過$$喎，呵呵，好抵呀。

>>January 24, 2003 at 1:30:41 PM GMT+8

2003 年 1 月 21 日 星期二 【晴】

放學找Maggie補習，所以番屯門。
佢好開心咁呀，好似high high地咁。嘻。敎到佢真好。

媽咪煲左花旗參煲雞啊，好味道。

>>January 23, 2003 at 12:02:26 PM GMT+8

2003 年 1 月 20 日 星期一 【晴】

同房病病呀，唔，真辛苦咁，要好好照顧佢先。

>>January 23, 2003 at 12:03:47 PM GMT+8

2003 年 1 月 19 日 星期日 【晴】

早上走左普通話堂，純粹係自己唔想上，我覺得好悶，佢教唔到野，所以要襯最後一堂唔take attendance走呀。係咪藉口俾自己呢？Anyway啦。我自己覺得就得啦。

晚上劉丹夜話，佢果然係好演戲人呀。但係佢講的對我黎講都好老生常談咁，每個人的經歷都影響佢地的人生觀同價值觀-->之後就看投票counter，又笠左幾隻暖蛋，可以俾媽媽，小姨姨……呀，嘻嘻。好cheap呢我-->看完counter就開GM，我去唔到千人宴、最後一次GM同一次拜年呀……無得同莊員一起玩同食添。點解宿生會仲有咁多活動既，明明落莊喎，呢個月個個禮拜都有at least三個items喎，好似過份左少少咁。但係遲ｄ無得再搞lu。

>>January 22, 2003 at 1:35:45 AM GMT+8

2003 年 1 月 17 日 星期五 【晴】

今日係同團契燒野食的大日子。今日忙忙呢，朝早要上堂無去開會，我估大家都會辛苦呀，因為呢個會真的唔簡單呢。有ｄ唔岩咁，自己無盡到責。

番到屯門之後就找媽咪，接住就去找Maggie同Candy。佢地好開心咁，但係講到讀書佢地就哎~~咁喇。但係佢地好肯聽我咁，總算做左ｄｄ野咁啦。氣氛都不錯呢。我收佢地車錢咋，因為Candy佢的經濟問題呀，咁我都係想幫到佢地。所以算啦。其實我另有目的的架，我想同佢地番團契呀。我咁樣係咪好陰險呢？原來我都咁奸架。

之後走去美樂meet大家。終於可以見團契人喇，呵，好開心呀，見到大家，精力又番番黎喇。但係好多人都病病呀，Ceci啦，Sam啦，肥野啦，詩婷啦，要小心身體先得呀。

買野食時呢，張姑娘成日講價喎，就連$0.5都講喎，佢好enjoy呢。但係如果唔多的，我覺得唔駛咁執著既又。咁當然係越平越好啦。小鈴都好好呀，因為我的電話無電呀，佢俾我飛線去佢到喎，仲幫我接電話添呀，好好呀。

之後番番去，時間差唔多喇，所以開始lu。呵。之後越來越多人添呀，真好。我地唱唱詩，唱團歌，敬敬拜，之後玩遊戲，再燒野食。玩個陣呢，明仔佢地唔玩呀，為我地準備食物同透爐喎，真好呀。次次活動都總要有人犧牲咁添。

今日又激親爸爸好多次喇，有意無意間咁，但係……都係我唔生性既。到差不多時候呢，媽媽嘔嘔呀，唔~~我見媽媽嘔左幾次架，好辛苦咁，可能係ｄ食物唔乾淨呀，媽媽呀。之後同爸爸一起行行吹吹風希望會好ｄ啦。
同大家聚聚真開心。

>>January 22, 2003 at 1:35:20 AM GMT+8