2003 年 4 月 28 日 星期一 【晴】

今日摺響宿舍。

>>April 29, 2003 at 10:44:37 AM GMT+8

2003 年 4 月 27 日 星期日 【晴】

今天撘巴巴番學時祈禱，祈左成程屯門公路呀，流眼淚咁。
之後諗同爸爸媽媽的關係，就流多ｄｄ咁，所以合埋眼，因為有好多人響車上面呀。我諗起自己有次響呢個日記話想要大大聖誕樹相，之後爸爸（或者係媽媽）就話去影，我覺得好感動啊，因為，……仲有諗起自己有好幾次想retreat，好想摺埋自已，匿入爸爸媽媽入面的感覺，好有靠山的咁，好幸福架。唉哎哎……

番到學校就考頹試，等既時候驚自己唔記得俾卡婉婉俾媽媽俾肥野，所以將張卡夾響書入面。考完之後去還書，但係本書放左入drop box之後先記得張卡……Jesus，未拎出來啊。所以要等到1:30，等ｄlibririan clear個drop box先可以問佢地攞番。

我唔番宿住呀，因為同房仔今日4:00考major，呢個時候番一番會騷擾佢的，仲有係唔駛上lab，所以可以響CC Can後面的地方坐，睇書仔，望住ｄ樹樹好舒服，有ｄ悠閒既感覺。不過好曬啊。

搞掂書同卡的問題，就閃落pond cresent坐草地，靠住樹望住湖咁坐。向上望呢，係好嫩的綠色的葉，陽光透落黎咁，好靚啊。靠住顆樹，好實在，好似挨住爸爸媽媽，挨住神，好滿足。
一路同神傾偈，好感謝神。呢排太易流眼淚喇。我諗呢，自己好自私呀，我點得咁樣架？只有我去問爸爸媽媽支取（i mean spiritually），但係佢地有需要的時候我唔知，唔知 => 無理佢地 => 唔關心佢地、唔愛佢地。太過份喇。我諗如果我對一個人有期望，但係佢feel indifferen，我會唔開心的。怪唔得不孝。對唔住。我但係可以點做呢？唔制呀。
我對神係咪又係咁呢？對唔住神呀，我覺得係even worse添。我要多ｄ找神傾傾偈。
我對其他人又係咪咁呢？

雖然係曬咁，但係有風吹過黎，神真好。
唔知慳妹今日點呢，曬曬咁，頂帽對佢有用就好喇。
番上宿先發現原來有好多好細的蚊咬我呀~~兩隻手有差不多二十點紅色點點咁。

今日好似去左退修咁。呢個禮拜個人都好累呀，因為唔識寫個program，成日對住佢玩try and error咁。但係今日精神番ｄｄ喇，努力埋呢兩個禮拜就得喇。
今日開始鐘意中大多過科大。

>>April 28, 2003 at 2:19:33 PM GMT+8

2003 年 4 月 26 日 星期六 【晴】

今天爸爸突然變得很恭敬的樣子，很見外咁，有ｄｄ唔開心。
不過聽到爸爸祈禱，好溫柔的聲線咁，好耐無聽過喇，好感動的，開心番。
但係響禱告中我覺得好難受，因為聽到睇到感受到人家好缺乏，好無助，好需要支持，佢地仍然要撐，真係心痛的。所以哽咽，喊喊。
媽媽好好呀。佢係關心囡囡的媽媽。

同家揚影相相後就同慳妹一起走，佢他去食飯咁。
慳妹又再次提醒我唔好內疚或者有呢ｄnegative的情感，因為呢ｄ係撒旦的工作黎架。我唔可以咁諗呀。
很累人。明天要考試同繼續我的database喇。
Cheer up艷艷、cheer up大家。

>>April 27, 2003 at 8:31:28 AM GMT+8

2003 年 4 月 25 日 星期五 【晴】

今日好眼訓，所以帶左阿福，諗住一路撘車個陣訓訓咁。但係，見到明仔、朱軒佢地，又想講野喎，仲要越講越精神添。所以，成程車都無訓到。
去到見到銘謙，佢好開心咁呀。
唱Household of Faith的時候，望住銘謙同阿Cat就剩係識笑，笑到梗左咁，個嘴郁唔到，唔知自己唱乜。
除左袍之後，之後爸爸叫我我先見到佢，叫左爸爸之後先再發現媽媽原來響隔離。
媽媽我叫你先叫你先。爸爸剪左頭髮，仲未睇慣啊。不大自然咁。會唔會遲ｄ睇慣左之後又長番呢？
同大家分別就跟車番到屯門，響車上面同文林仔傾偈，嘻，加羊原來係我的公公來的呀，佢依家先話我知。之後就join埋Summer，同大家去市中心飲野傾傾偈。我又兩度無聽Summer電話喇，全部人一起blame我呀下……
好累……
到好夜先記得婉婉寫左信仔俾我。謝謝婉婉，I feel the same啊。

>>April 27, 2003 at 8:30:27 AM GMT+8

2003 年 4 月 24 日 星期四 【晴】

好眼訓、好眼訓！
番到宿成個人散左咁，唔想郁呀。
成日響lab高度集中咁，睇唔明又要成日玩try & error咁，呢個戰鬥好攞命啊。
今日終於成功做左一個function喇，呵呵，好開心呀！
ｄengine人（賤人，哈）成日都要咁，真係好辛苦呢。
不過做好ｄｄ野會好有成功感喎，嘻，哈~~
繼續苦戰......

今日下午食左碟頹飯，好滿足啊。

>>April 26, 2003 at 1:45:26 AM GMT+8

2003 年 4 月 23 日 星期三 【晴】

今日又係響 lab度生活喇。
做做做，同ｄ組員（Jacky、AirLun同Jenny）做到呆左，唔知做緊乜咁，就開始大戰喇。佢地３個圍"嘔"我，迫左我入牆角打，嗚，之後又迫左我入台底打……嗚。不過好開心。好似個陣響camp咁，俾Pin佢地用腳夾住幾個鐘咁，郁都唔郁得，仲要俾佢地ｒ腳皮底添呀。嘻嘻，好開心的片段呀。
但係呢，個network lab有幾部閉露電視的喎，會唔會俾人笑呢？
打完之後，大家都無mood做野喇，唉~~

要繼續努力！

>>April 24, 2003 at 12:26:51 PM GMT+8

2003 年 4 月 22 日 星期二 【晴】

早上要上堂，又多一個final喇……滴汗。不過database唔多駛溫，都好ｄ。

呢幾日早上都有同uncle fat傾兩句（thro' icq的），好親切的。uncle真好。
佢讚我乖呢，呵。

下午同婉婉print野，又濫用network lab喇。會唔會one day有一天俾人blacklist左呢？
同婉婉一起好開心啊，見到佢笑笑咁就夠喇，嘻。
同婉婉飲完野番宿，又忍唔住食野喇，一路做一路食咁。明明響婉婉面前好乖的架。

睇到一篇關於李樂思的article，佢話旅行如果為左享樂，咁就會好浪費的。諗番一生裡面，有好多野好重要，that takes time to pursue的，我要擺少ｄelement of食響我生命先得呀。

我響度諗呢，除左響屋企，我響好多地方（團契啦、7B啦……）的image都係咁小朋友咁，係咪有ｄ問題呢？遲ｄ再address呢個問題先。

>>April 23, 2003 at 1:36:42 PM GMT+8

2003 年 4 月 21 日 星期一 【晴】

依家祈禱好開心，因為享受同神的關係。
我體驗到為人家迫切祈禱的……唔識講添。
總之，好幸福。

7B個bbs突然好興盛咁，大家講番以前的片段，好開心的回憶。好想同大家排排坐食食dog food，去camp玩……

今天開始db的proj了，好大舊。但係開始有ｄ眉目咁，好ｄ喇。
我見到呢，文化既差距喎。響我組有一個北京黎的交換生，佢會將自己排得前過其他野喎。我覺得做group project要向成組人負責任，所以會盡量去同大家一起做，如果唔得先至去同大家傾傾咁；但係佢係會話要考試，所以唔黎做咁。但係我地個個都要考。我的其他組員聽左之後唔知點咁，好似有ｄ嬲咁。無commitment會做得好唔開心，唔productivev的架。和而不同下嘛。不過佢都應該要知道自己的責任架。
呢個係咪唔同的文化-->唔同的value呢？好似見到多ｄ野咁。

之後同莊員一起食夜晚飯，傾傾偈，一起食飯好開心。佢地有野隱瞞我呀，唔……算。

晚上有一個宿友仔無端端上左黎同我傾偈，分享佢的生命；我見到佢好需要神呀。神會改變佢的。我覺得佢會聽我講的，但係我想佢係因為神而去聽……唔識點講添。

>>April 23, 2003 at 1:08:08 PM GMT+8

2003 年 4 月 20 日 星期日 【晴】

我今日早上執執野，揭番ｄ相、信那些東西，有好多箱的。

我問自已，到底邊個先係我的同行者？對不起呀神，我第一個唔係諗起你呀。
我見到婉婉、3D一家、7B人、小dd佢地……佢地陪住我走過好多路。
婉婉呀，我地的交換日記啦（雖然寫左唔耐就……），個一大盒信啦，我呢個moment唔敢開黎睇番呀，太多喇，仲有睇完之後一定做唔到野的。感動得……我melt左喇。真的好感動。係你同我同行左咁多年。
仲有ｄ相片，好開心的片段。
已經almost４個月無7B聚喇，好掛住大家。我要搞活動，同大家玩玩傾傾聯誼聯誼！

晚上仲收到梁牧師的信添，好開心。

你話點解可以咁rich的呢？豐足呀。好滿足呀。
我呢個罪人都係……謝謝神。

>>April 21, 2003 at 1:15:38 PM GMT+8

2003 年 4 月 19 日 星期六 【晴】

我尋晚諗到ｄｄ喇。
我係有罪的架。首先我係自私的，好似之前響團契入面咁；仲有我除左人之外，仲在乎其他野的喎，尋日何傑話有先天殘疾的人會問神喎，我諗如果我無左隻眼都會好唔開心的，YPY講佢唔會問Y me，我要學學佢呀，我太自以為是喇，好差呀；仲有我細個都做過衰野喎，我收埋過家姐枝膠水架；係啦係啦，仲有我咁諗都唔得謙卑，仲唔係罪？
對不起呀神。祢真的很愛我。

今日見到爸爸媽媽佢地都黑左喎，原來地去東坪州呀。俾佢地捷足先登添。因為我同7B人遲ｄ都會去呢。我地係由上年講到依家的，哈哈，失敗呀。不過今次應該都會成喇。係呢，我估佢地都玩得好開心呢。

仲有今日見到uncle fat好多次，但係都同佢打唔到招呼喎……佢見唔到我呀，唔制……佢太神出鬼沒喇。

繼續工作啊。

>>April 21, 2003 at 1:22:20 PM GMT+8