2003 年 9 月 3 日 星期三 【微雨】

今日上完堂有時間靜靜，因為roomate走左番屋企，可以自己一個人。
我鍾意一個人既時間。俾自己抖抖，唔駛同人交代，嘻。

我好感恩呀！因為有神，有教會的弟兄姊妹……
響對住ｄ同學仔個陣，就好掛住教會的大家。
同佢地好格格不入，唔想講野……
教會真係我的家咁。有你地真好。

我想上堂，好想去學野，但係我又唔鍾意同ｄ同學仔一起。
所以我避緊去適應。原來係咁喎。
我都係靜靜咁上堂啦。做個乖學生。

怪唔得阿奶有咁大衝擊。為你祈禱。

要去聽recruitment talk、考ILETs；個心都未ready，唔想郁。
加羊晚上問我係咪覺得社會係洪水猛獸，哈哈，好似誇張左ｄ。
我唔想無左做大學生呢個特權；
見到番工的人，好累，無哂自己的時間；唔想咁樣；

好想freeｄ-->我係個想自由的人
好想做小朋友-->我係個唔想大的人，定係我係逃避緊長大、去面對社會？
爸爸媽媽呀~~

>>September 5, 2003 at 12:10:55 AM GMT+8

2003 年 9 月 2 日 星期二 【暴雨】

我覺得……暫的番學生活好悠閒，有ｄ糜爛咁。好唔想上堂添。
怪唔得媽媽話我地一家都係個四個英文字啦……LAZY~~

頭個三堂又oeverrun，噢，好一個吹水的professor。今個sem的major很要命呀。
之後lunch完就上Elt，又係ｄdiscussion同做做practical skill那些咁……噢。

同婉婉食晚飯，今次食麻婆豆腐，食到個胃同喉嚨好唔舒服……唔……
之後上婉婉處一會就閃喇。婉婉個處太舒服喇，搞到人家就訓著咁。
番到宿層聚一下，識識ｄ層友仔，今年的層友仔都好nice呀，嘻嘻。食食咁喇又。

食完之後又攤響床處讀經，攤攤下訓著左喎，好墮落既生活呀。響受下先，呵呵。

個腦好想空一空。做好ｄ野就算喇，俾自己抖抖先。
之後要pick up番自己。明天開始再努力！

>>September 5, 2003 at 12:12:27 AM GMT+8

2003 年 9 月 1 日 星期一 【驟雨】

今天下午媽媽黎左呀，我原本以為媽媽會唔黎架，但係佢黎左喎。
呵呵～～媽媽呀～～太好喇～～呵呵～～
其實我無諗過媽媽會入黎中大找囡囡架，好遠的嘛……

同媽媽去coffee con食完粉粉之後就入宿轉左一個圈，無乜特別的。
之後就閃去飲啡啡傾偈喇。呵呵。不過爸爸出唔到黎呀。
今次飲左mocha，嘻嘻，好好味；媽媽就飲左americano，媽媽好似好pro咁呀。
傾傾咁，very free呀。

之後就番番宿，媽媽就去找朋友仔繼續lu。
行上宿個陣被風吹郁咁喎，好勁呀。
之後響宿樓下lin俾爸爸，睇住ｄ風好澎湃咁，好大的風呀！不過好安全呀呢處，呵。

之後同同房傾傾偈，聽聽佢分享。感情呢家野真要命呀。好多矛盾呀。
呢陣子好多人同我講呢類東東。我總係唔識回應。
相愛唔係應該好甜蜜的嘛？但係可以變成咁喎。好大傷害。
定係中間無神響處就變成咁呢？
anyway，都係神最好。永遠都唔變。好安穩既靠山。挨落去唔駛驚架。嘻嘻。
仲有屋企人添呀。

之後再同余仁傾左兩句，我都不其然咁comment：小朋友對話。我都幾小妹妹呀。嘻嘻。

好快樂的一天呀！！
謝謝媽媽。仲有爸爸添啦。仲有身邊的人添啦。呵。

>>September 5, 2003 at 12:24:23 AM GMT+8

2003 年 8 月 31 日 星期日 【晴】

番學lu。完全未ready個心呢。上堂個陣覺大家都好有文化，坐都坐得斯文ｄ……我實在太野人喇……好想除拖……嘻嘻，要快ｄ識應番先得喇。仲有上堂好眼訓……今日頭幾堂已經係ｄ哽野喇，仲要overrun添，要俾心機先得。大家都係呀！仲有係我越黎越覺得同一眾BA格格不入，點算？

爸爸婉婉你地點呢？媽媽今日又做乜呢？嘻。聽日可以見媽媽lu，呵呵。我要同媽媽傾偈偈。

係呀，原來我間房睇到日出架喎，呵。好靚呀。不過又係晨早起來咁。今天晚上要早ｄ訓先得。之後又同莊員同層喎，佢地間房好屋企呀，多野到丫。

晚上同Phoebe傾傾，食完就訓喇，好眼訓呀，嘻。我無跟莊員去食同入貨呀。


我諗呢，依家面對的東東，seem not so good，但係對爸爸黎講都係ｄblessings黎架。

媽媽明天見，呵呵。

>>September 2, 2003 at 2:55:07 AM GMT+8

2003 年 8 月 30 日 星期六 【晴】

今天早上捐血呀，我第一次咋。呵呵。不過無乜突別咁喎。我重左5 lb呀，呵。
之後完左午堂就去洗營，又曬燶左喇。我見到余仁一個洗，乜都掉俾佢做咁好唔隱心。佢尋日講過ｄ做野問題喇……

下午同爸爸媽媽食飯飯，好富貴咁呀好似，係ｄtea time食豬骨煲喎。嘻嘻。同爸爸媽媽一起真好呀。

之後去meet番爸爸媽媽，媽媽幫我拎枕頭呀，嘻嘻，媽媽好好呀~~其實媽媽應該係累累的架……
去完幾日山藝班之後，乜都好輕呀，嘻。好似好勁咁呀。

再之後就食野，再去大興。佢地打波仔。同大家玩玩咁。媽媽同高高好專心咁俾分呀，好佩服佢地呀。係咪平時佢地都係咁的呢？
之後原來媽媽又胃痛……要好好保養一下先呀。媽媽呀~~

好鍾意同爸爸傾偈偈，聽爸爸講野。

>>September 2, 2003 at 1:36:19 AM GMT+8

2003 年 8 月 29 日 星期五 【晴】

今天下午同暑期的班人食飯。一起食食咁。食完之後就番番去，但係仲未飽添，嘻……所以買左飽飽吃，嘻嘻。好滿足呀。余仁佢又笑我……woo~~

番到去搞掂團契東東，就閃去幫手，但係就整親手手，個一下腫左好大舊呀，有ｄｄ驚驚呀，不過好快就細舊番喇。嘻。summer話要十日八日先好得番……之後唔覺意敲門，好輕輕咁已經痛到雪雪聲喇，之前界手界腳都無咁痛呀……之後爸爸同我推左兩下咁，好爸爸，呵。爸爸成日整親咁好痛痛囉。

之後同余仁傾，係咪一個小朋友同另一個子朋友傾咁呢？佢個人好多野收埋左架。同佢傾傾好舒服呀，嘻嘻。

之後再同采采傾祈祈禱，好耐無咁喇，聽到采采分享……為佢祈禱。

再之後媽媽佢ｄ腳指疼哂喎。媽媽……佢問問我喎，好care我的感受啊，媽媽……不過我無呀，嘻嘻。爸爸好爸爸嘛。
爸爸呀……係係，我真係少左笑，笑得無以前咁多。我應該係顧慮多左好多野呀我估。己經交託左、放低左好多的，但係太多東東喇真係……真係點算好呢？我好鍾意同大家相處呀。
但係爸爸係咪都係呀？我覺得爸爸呢年真係殘左好多呀……唔……

好想一pat野咁融左入爸爸媽媽處呀。好愛你地呀。
好想俾多ｄ時間你地呀。

>>September 2, 2003 at 1:33:22 AM GMT+8

2003 年 8 月 27 日 星期三 【晴】

到早上都仲係……下午都仲係……點？哎呀……唔敢lin俾爸爸呀。

爸爸之後lin過來，佢話無野咁，個心安落左多多喇，呼。

今日檢索下ｄ後遺症：原來ｄ皮膚乾哂喎，仲黑左好多添呀，呢幾日都好似唔係好曬呀。仲有好多火蟻蚊到痕痕咁呀，呢ｄ咁既部位真係好難受呀……
但係，我更愛行山！呵呵。因為好似知多ｄｄ咁呀。仲有體能同意志都好左呀，呵。謝謝神保守呀。

開始曬喇今日。Thanks God！

>>September 2, 2003 at 1:32:17 AM GMT+8

2003 年 8 月 26 日 星期二 【陰】

經過昨晚的一談，大家準時多了，在預定時間前把所有東西做好了。Yeah！替大家高興呀！之後一起吃過東西，喝熱horlick……真寫意。

接著我們學繩結，一起練練便去考了。不懂得的時候總有弟兄姊妹幫忙教導，真好。

之後是分team行，終於可以跑跑喇。終於可以跑，可以跳落山喇！仲有可以一起傾偈添呀，太開心喇。找到目標便跑呀，跳呀，衝呀，跟著海豚和奶奶真的很爽呀。途中有一頭狗狗跟著我們，我們也與牠同行，good dog。當中用了學過的東西去找路，很有用呢。見到其他組，跟他們打招呼，叫加油，分水給他喝，談兩句……好弟兄姊妹。
到最後馬路，我跑不了，只能急步走，奶和海豚不會掉下我，我們一起走呀。謝謝他倆。我們一起拖住手咁衝回亭，一起衝，一起的呀，真的很開心呀！唔……感覺……唔識形容呀。
我的精力回來了，可以再繼續行喇。嘻嘻。

原來Ceci余仁中暑呀，無事就好喇。

之後就去溪到玩玩水，cool la la下。嘻嘻。仲有睇四仔添呀。好壞呀不過。但係爸爸佢唔鍾意咁喎。媽媽之後講番，原來係因為佢驚我之後同其他人都係咁。但係我唔會的架。我唔敢呀。爸爸媽媽真的好爸爸媽媽呀。嘻嘻。佢地好緊張我，仲好循循善誘添，好滾動！

番到出市區，覺得乜都好乾淨呀，條街好乾淨，個地好乾淨，牆好乾淨……天呀。Ｄ雞飯令人好飽足，咁樣一餐真係好好感動呀。

回歸喇。咁就完左喇。Ceci~~最後的喇~~

係呀，我唔見左個compass，唔見左個地圖，但係我找到多ｄ自己喇，呵呵。


晚上同爸爸講左兩句，我同爸爸講，之後我覺得好唔開心呀，因為我令爸爸失望，係講錯個wording……仲要覺覺左……

之後醒左一醒，就一路諗……我以為自己可以無左呢個爸爸媽媽的關係喎，但係唔係我想像中咁容易呀……我想攬住爸爸媽媽唔放……之後爸爸會以後都唔再同我講野……我唔再響佢心目中佔有個位置，一ｄ都唔重要咁，爸爸佢會少左個朋友仔講野……可唔可以當無事呀？爸爸~~媽媽點算呀？

>>September 10, 2003 at 4:25:49 AM GMT+8

2003 年 8 月 25 日 星期一 【雨】

第二朝，好眼訓，個個都係好眼訓。狀態係……3/10。
個袋比之前輕好多喇，不過……
重有又係遲左先pack好營走得咁。真係要諗諗佢先得呀。

教練問完我地狀態值之後就俾我地lite kit行，感恩呀。所以easy job，好快搞掂。
一道行一道傾，坐響山上面唔多想郁添，嘻嘻。

之後就去黃石碼頭。個個上哂去就唔落去幫手……ｄ公家野……

去到第二燒烤場，海豚已經幫大家set好營，真好呀，做少ｄ，哈。
之後傾左一陣，不過好似negative左少少呀，責備大家咁……點可以positively mo大家呢？

晚上我覺得自己唔負責任呀，因為一早就去左覺覺，無一起做番ｄcommon duties……好累呢，呵呵。

原來一team人要有commitment，去take care大家、負責任，唔剩係顧自己，
我估要傾好分工，認知自己的duties……先可以架。呢樣野要去學下先。
或者真係要一個leader出來，係咪呢？

>>September 2, 2003 at 2:50:50 AM GMT+8

2003 年 8 月 24 日 星期日 【雨】

早上一起食早餐，好得意呀我覺得，好開心啊。我第一次咁樣set營去wild camp，第一次咁食東東，哈哈。

不過大家好似唔多合作好咁呀。我地之後都無傾傾點分工既……所以做得好唔efficient咁，要遲左好多先搞掂走得。之後要諗諗先得呀。

爸爸一路都照住我呀，呵呵，我知道的架。
響山同楊明玩，好好玩呀。佢俾左好多黑金飽飽我食呀，好好味呀。仲有同幾楷野一起癲添，呵。

但係我有處跑左上山，令爸爸唔開心呀。不過我係做錯左的架。我無對大家負責任呀。好，以後唔再犯。

俾火蟻咬……roar！好鬼痛呀真係。
我既impulse反應就係除褲。之後Ceci突然高呼，我以為佢又被咬呀，但係唔係喎，原來係因為有車經過，我個陣先記得自己無著褲，完全唔記得呢樣野呀……Crazy呀。

落赤徑個陣真的好難捱呀，明明望住赤徑，但係行極都係咁高，roar！個膞頭痛死左，係麻木左，無埋感覺添，雙腳軟軟地，個膝頭好傷呀，又做傷膝青年喇大家。大家話一休，我就彎低身，膊頭唔掂呀……不過係挑戰大家的意志呀！大家都捱過左喇。

去到赤徑，the only thing i wanted to do就係訓。
媽媽好照顧我呀，大家都好累累的架，但係累累媽媽~~佢俾藥藥我食，仲took care我食東東，俾我早ｄｄ訓咁，我的好媽媽~~

>>September 2, 2003 at 2:36:39 AM GMT+8