2003 年 3 月 15 日 星期六 【晴】

今日呢，見到爸爸媽媽呀，我以為會見唔到架，unexpected的架。我走去練詩個陣經過安定美食廣場，之後媽媽飛撲左出黎，好開心呀，之後仲有爸爸添呀，仲有朱姐同auntie melody同肥野添呀。佢地一起食飯飯呀。
之後同爸爸媽媽行番去一陣，爸爸好想打波仔咁，但係佢又要溫書仔，好辛苦咁，打波仔定溫書……其實安排到時間，想打就打嘛，定係仲有其他constraints呢？don't know呀。

之後完左就去左同高高家姐換證，再去美門，高高唔見左銀包呀（11/3），佢好唔開心呢。我響佢唔見銀包個日送左個公仔俾佢，鼓勵下佢咁架，因為佢之後個日要交paper，佢話好慘咁呀。但係就咁喇。公仔腳頭唔好呀佢話，唔。之後就番番家再找媽媽。

我以為爸爸會去左打波仔，呢個moment會餓餓的，仲有媽媽鐘意蛋撻，所以就等新鮮出爐蛋撻俾佢地呀。但係原來爸爸好乖呀，我上到去見到佢溫書仔，勤力學生咁呀，爸爸加油呀；仲有婆婆同姨姨都響度添喎，好人齊咁，好開心呀。我去到媽媽同爸爸就迎出黎，好warm啊。婆婆好好呀。呢個真係好似我的家咁呀。嘻~~~好滿足。

>>March 18, 2003 at 1:42:20 PM GMT+8

2003 年 3 月 9 日 星期日 【晴】

呢個禮拜會點過呢？
已經唔想list個schedule出來喇。密左。
聽日要傾pro，無得同7B食飯，有ｄ若有所失咁。
努力啊。大家都係啊。

>>March 12, 2003 at 2:44:18 AM GMT+8

2003 年 3 月 8 日 星期六 【晴】

今日爸爸同朱軒同阿肥踢Nike的５人足球，不過無得睇呀。我估ｄ對手都會好強，會有ｄ野睇呢。
今日都係好累呀。因為唔在狀態，之後又同兒童部的小朋友仔跑，所以俾佢地渣乾左……
我下個禮拜番番法文班喇又可以。
練完詩去左采采度。佢教我唱"請差遣我"，好耐無同采采一起分享唱詩喇，我地今期的主題曲係請差遣我同守望者呀。好開心。我同佢互相講左呢陣子同神的經驗，今個禮拜係我地的立志week呀。嘻。佢同我講話回教的勢力助大……我好怕呀。但係中國會係一個send工人的地方呀。我同采采依家的方向都唔同左喇。但係都係要盡忠做神的管子呀。我地對神要有信心呀！我要盡力呀，神呀，繼續燃燒自己。好鐘意同采采一起。個心好喜樂呀。
一路唱住歌仔咁。
諗番自己之前對短宣咁indifferent，好唔岩呀。真的好需要人呀，祈禱。
之後就買'送'番家，做埋ｄ手尾準備好ｄ'送'就走喇。要番宿爭取時間做野啊。
爸爸媽媽呀，你地點呀？我好似好耐無同你地傾咁呀。你地加油呀。
唔，ready喇，呢個禮拜開始喇。


>>March 12, 2003 at 2:45:42 AM GMT+8

2003 年 3 月 7 日 星期五 【晴】

Database mid-term完之後，professor話下個禮拜要交project，噢，未教架……
番到屯門就同媽咪食飯、查下野咁，之後就番去開會同團契。但係好累累，神智有ｄ唔清醒咁，唔知自己講乜。不過year2人係咁樣架喇。
但係番到來見到大家好開心呢。
係呀，媽媽呀，我唔駛整powerpoint喎，因為我番到去個陣鍾太已經做好左喇。仲有個計劃失敗左喇，我遲ｄ同你講番丫，唔。
之後晚上補習，賺我呢個禮拜的駛用呀。但係唔多記得ｄ野，對唔住個學生咁，要溫溫書先得。

>>March 12, 2003 at 2:42:03 AM GMT+8

2003 年 3 月 6 日 星期四 【晴】

今日咕碌左，俾哥哥笑左好耐，佢笑得好衰呀~~~好彩同房都唔係笑得好厲害……

下午開會完番來就溫書仔，一路溫就一路食，唔小心食左我同房一條瑪利餅同自己一條麥餅。哎，無喇又。點解我長期都要同同房入貨？點解呀？

之後都係有ｄｄ唔明，落去問問同學仔，同佢磨左一會，就去左找高人，但係去到佢地打機，掛住玩咁，之後就落去staff can食飯，食得太飽足，依家好想訓……點好？

唔得呀，依家要溫書！好緊決的。

擔心嘉敏添……

>>March 7, 2003 at 11:39:00 PM GMT+8

2003 年 3 月 5 日 星期三 【晴】

今日又中招喇~~~我仲乜咁呀？
救命呀～～

尋日訂個本書無喇，下午辰衝打過來話John Wiley無哂internation edition，得番硬皮版，要$1160啊，我記得我去amazon睇都係US$110.95，計計下仲平過thro'佢買，所以都係reject左佢。但係找唔到爸爸……點算？呼叫呀~~~
我剛剛search過，brand new的最平都要US$99.95，加埋shipping會喊的架……點好？媽媽話爸爸鐘意新的書架，所以要呢個喇，但係係咪真的要呢？

>>March 12, 2003 at 2:48:27 AM GMT+8

2003 年 3 月 4 日 星期二 【晴】

今日下午上完堂食左個蛋糕仔就走左去尖咀喇。好似放縱下自己咁，唔好屈響宿溫書，俾自已出去行行咁。我今日終於行"暈"哂我organiser個list的書局喇。我竟然無迷路呀，嘻嘻，剩係睇地圖同不斷問人咁咋。遲ｄ要再慢慢逛佢地，睇睇書先得呀。

行左好多呀，最後都係全部out of stock，香港無哂貨喇，好彩星光行俾到個code我，所以可以去辰衝到定咋。但係都果真唔平呢，肉痛呀，但係總比Amazon/ Page One平既，佢地要US$110.95呀，嚇死人呀，依家讀書真係……你叫我地ｄ窮苦學生呀~~唉。仲要3個禮拜先有，都差不多sem尾喇，爸爸點算呀？

係呀，今日但係唔知點解濟左少少咁，個牛油蛋糕真的咁厲害嘛？可能係之前的一條蜜芽糖餅同半條紫菜餅作怪呀？但係尋日都食左雪糕都無事架，嘻嘻，華媽媽話食完好有罪疚感咁，不過真的好rich呢，好好味，好滿足啊。食完有少少寒意添。凍凍先唔記得帶衫，先再諗起之前應承過爸爸要帶衫出街的添，唔乖添。

講番今日先，咁番到來真的累累呢，所以有獎獎自己，買左條包包同大大pack cereal俾自己吃，滿足啊，呵。

但係呢，好日唔出下街，一出街又中招喇。我又俾一個女人叫我去佢公司到度身影相喇。但係我蠢左喇，因為我趕時間，所以俾左個電話佢，之後佢就打過來喇，點算好？好蠢好蠢呀。

>>March 6, 2003 at 1:52:01 PM GMT+8

2003 年 3 月 3 日 星期一 【晴】

我原來真的好細路女的架。

今日哥哥sent左封e-mail俾我，佢讚我呢，我好開心呀，我原來想人家讚我喎，好似小朋友咁。真係唔岩呀。

我諗番喎，當爸爸拍拍我個頭個陣我好好好好好滿足架，可以開心到好似狗仔咁跳跳架喇。

之後仲有我好鐘意人家同我講人生的道理喎，諗番前幾日auntie Melody、慳妹、之前淑賢、小航……我覺得佢地好錫我呀。係咁佢地先教我咁多野。我響佢地度好小朋友咁呀。嘻嘻。幸福呀。

唔～～～

>>March 5, 2003 at 4:39:39 AM GMT+8

2003 年 3 月 2 日 星期日 【晴】

今朝換衫個陣發現個膊頭損左同瘀左喎，我估係響camp度碌落地個陣整親的喇，家豪呢隻馬好野性難馴呀，搞到我墮馬呀，哼~~哈哈。


今日下午番到宿，唔想做野同溫書住，去左同神靜靜。我匿埋左響被竇入面，攬住羊羊，仲有爸爸媽媽給我的猩猩仔，好溫暖，好似浸左響神的愛入面咁架。我諗起好多野，YPY、爸爸媽媽、一ｄ弟兄姊妹、F.7同學仔、小ｄｄ……好多的人。之後就忍唔住喊喇。神再次reinforce我，我由佢到重新得力。我要學YPY燃燒自己。爸爸媽媽呀，我好無用呢。
之後唔知點解諗起爸爸媽媽話佢地死個陣要點個ｄ，我又喊喇。我唔要爸爸媽媽死呀。唔要呀。乜都唔知，聽唔到你地話要點呀，唔可以架。


我又平靜番喇，謝謝天上爸爸。

>>March 3, 2003 at 12:52:24 PM GMT+8

2003 年 3 月 1 日 星期六 【晴】

早堂個陣講話肢體的支持。我覺得神既愛圍響我身邊，圍響爸爸媽媽度，我又有多一重係爸爸媽媽的愛，好暖呼呼的。

今日同Auntie Melody行左一陣，我問佢做媽媽係咪會好辛苦架，佢話係呀。媽媽都會好辛苦姐。仲有爸爸都係呀。朱軒呀，我同你都會激親爸爸媽媽架。不過auntie Melody又話但係又好開心咁喎。

之後佢教左我ｄｄ做人既道理呀。佢都話我唔好攬哂ｄ東西黎做。我原來……好啦，我講講自己睇法啦。我地係一起為神作工嘛，無你同我之分的，咁我乜都唔識，諗野唔夠全面，所以爸爸做帶領等等的management工作，我做落手的，慢慢學爸爸；
爸爸的時間表full左，佢連休息的時間都無，佢係辛苦的架。爸爸已經做左佢做到的，做左好多野，盡左力去做的架；
我呢，我知道的，我知道做鎖碎野好累人，我願意做唔係因為盲目的聽爸爸的話，係因為我愛爸爸，所以我願意，盡力去做，唔要見到佢辛苦，唔要叫佢憂心，要佢安心做自己的東西。諗諗下，自己對住爸爸媽媽又有少少盲目既……自打左咀巴添。仲有係我有個concept in mind，is that做野唔會做死人的架，somehow有得著添架。呵呵，有著數架。
唉哎，講咁多好煩，仲乜要解釋。算算，I don't really care大家點睇的，indeed。唔講喇。唔好再問我呢類問題喇，please。no喇no喇。

講第二ｄ，講下我呢幾日的反思啦。
我get到神想我做乜。唔係去短宣，去傳福音。That's why我無興趣做呢樣野住。神同我都知道我的心態，去度都係玩的，唔係去服事神同人的。外地對我黎講係見世面同享受的地方。佢要我響團契裡面學習。我唔係要誇口，我只係神的工具，好微小的。我看重的係人呀。我要建立人的關係。呢ｄ唔係一朝一夕的，關係係要一起同行，可能係life long的。神俾我愛人的心，我要做好關顧的工作；神俾我呢個崗位，要教我做人處事，要我學習；呢ｄ係裝備黎架。神呀。我要做的係長時間的commitment。呢ｄ係我對神的回應。我有好多support。我唔會咁易collapse的架。

好想去退退修。
諗起YPY。
爸爸媽媽，你地今個禮拜加油呢。媽媽小心飲食，健健康康，爸爸打波仔安安全全，盡興ｄ，時間分配好多多，休息，讀書打波仔。為你地、為大家祈禱。

>>March 3, 2003 at 1:05:47 PM GMT+8