2003 年 4 月 7 日 星期一 【雨】

今日原來係爸爸生日喎又。Happy Birthday to Papa.

今日下午同團契人打波仔，我覺得好開心啊，可以跑來跑去玩，但係其他人係打波仔的架。一切只因我咕碌。但係我都總算掂到波仔呀，嘻嘻，不過係爸爸佢地俾波仔我咁囉，呵。點解我唔識打波仔既？不過爸爸打得好叻呀，爸爸平時就係咁威架喇，嘻。其他人都好叻啊，朱軒、Summer、淑敏同詩婷兩姊妹、Ceci、琪琪……果真有ｄ料到啊。好開心，呵。繼續
仲有婉婉都好開心喎，嘻，真好啊。
仲有撞到阿牛阿朱佢地喎，仲有阿君添呀，呵呵。真開心。

今晚2:45am有皇馬對紅魔呀，如果皇馬真係嬴左咁點算……爸爸。但係呢ｄ實力既野，魯爾仔、費高同稍牙仔生生性性啊。我覺得會好好睇呢。

大家都開開心心就好喇。

>>April 9, 2003 at 12:09:57 AM GMT+8

2003 年 4 月 6 日 星期日 【雨】

弟弟今天說我生積啊……我都係既，真係有ｄ恐怖既。點解啊？（以前中三羅震宇的口頭禪，嘻）我已經增加了productivity啊，做得多就要吃得多？定係肥左所以要食多ｄ呢？難明啊。係喎，我肥左喎，有長進喎，呵呵。要控制一下自己，唔，意志力啊。好似忍者咁。忍。

之後傾pro發現個db唔開工唔掂喇……好，要學好ｄｄ，暑假要同教會整好佢。我要努力向上。

>>April 7, 2003 at 9:15:27 AM GMT+8

2003 年 4 月 5 日 星期六 【陰】

今日早堂完左之後，同梁牧師講左兩句喎，原來佢有次崇拜講導話個姊妹為弟兄姊妹喊個個係我喎……已經係上年的事喇，個陣真的唔……佢同我一起祈禱……哎呀呀，諗番起又想喊諗添……大個女唔得咁喇。佢咁忙忙都仲記得我呀，之後佢話遲ｄ同我傾偈喎，好開心呀，嘻。
諗番呢，呢三兩年原來真的發生左好多事呢。有好多經歷，全部都係值得高興的，神真的好照住我呀。點解可以咁幸福既。

>>April 7, 2003 at 9:18:14 AM GMT+8

2003 年 4 月 4 日 星期五 【陰】

爸爸今天教了我東西啊。我真的無考慮教會的動機立場啊，下一回要謹慎一點先得呀，唔可以替大家製造咁多麻煩的架，有意無意的係的。唔，都係唔解釋咁多喇，好似找藉口咁。我真的有唔小心啊。
之前做的，都唔駛向任何團體交代的，現在的不同了，要向神、向大家交代的，要細心一點才行。LoMing同爸爸的講得岩咁，團契係容許大家犯錯同學習的地方，大家都好包容同會教導的；如果響出面，我可能己經一早俾人家媽左，仲有唔知點樣的後果添。諗番爸爸的語氣，一路的說教咁，嘻嘻，好幸福啊。爸爸真好。
但係短短呢兩個月，我已經犯左唔少錯呢，呵，會激死人啊，要長進下先得啊。

下午買左notebook喇，好貴啊。但係估唔到響豐澤都可以講價呀，真的好得意呀。個代表同我走左一轉，之後番番去同我同個公司講價，再送贈品俾我咁，哈哈，咁都得喎。好好彩啊，可以遇到佢地，同我搞掂呢ｄ野呀，嘻。之後有個sales話乜咁賤呀，原來係個價咁賤既意思喎，好抵死啊。

諗番下午朱軒同婉婉lin過來找我，佢地係咪無野做想找我玩呢？我點解無諗到既……佢地會唔會失望左，之後暗罵waste左個call呢？噢。我真的有ｄ蠢蠢呢，咁遲先sense到，下次同我講野都係直接ｄ好ｄ喇。

>>April 7, 2003 at 9:12:58 AM GMT+8

2003 年 4 月 3 日 星期四 【陰】

很想搞活動啊，可以大家一起聚聚咁，團契的、爸爸媽媽婉婉佢地原級團體的、7B同學仔的……好想大家可以有多多建立相交分享的機會啊。真的很想啊。仲可以玩添。
但係唔識搞啊。諗番呢，原來自己咁耐一路係剩係識去約人，唔識去搞氣氛同埋將ｄ活動要計劃得週詳ｄｄ咁。好彩係大家個凝聚力強，叫左出來就可以吹好耐，做乜都唔會悶的。諗番ｄ片段就覺得好好笑添，嘻。但係唔得咁啊，要負責任啊，我要學習呢樣野先得。
今日哥哥讚我啊，呵呵。
晚上食左７碗粥喎，唔覺唔覺咁……有時真係覺得自己幾過份。

>>April 7, 2003 at 9:10:25 AM GMT+8

2003 年 4 月 2 日 星期三 【晴】

今日爸爸生日啊。生日快樂！我估爸爸佢響宿，有好多好玩的宿友陪住，會好開心呢。

今朝我等左婆婆幾個字就走左喇，我估佢係唔記得左呢。唔。
之後我自己行左上麥理浩徑，好後悔無帶聖經響身，無得響舒服環境讀經靈修添。
之後就explore上山，我第一次上去咋，住左咁耐第一次咋，嘻嘻。不過好sin（滑），所以我上到個plateau到，無上到山頂呀。但係望落下面，海呀，好舒服啊。我估爸爸都上過呢度lu。我要同采采一起再上，要上到頂的。唔知采采記唔記得我地約左聽日上青山呢？
之後番番落黎，又發現多ｄｄ野，好開心啊，神好似帶我見識下，之後或者同團友仔佢地行咁，係咪呢？

遲ｄ再續呢日先。
爸爸生日快快樂樂啊，今晚同媽媽開心ｄ啊，bless u！

>>April 3, 2003 at 8:27:23 AM GMT+8

2003 年 4 月 1 日 星期二 【晴】

明天係爸爸生日。

早上跑左幾個圈仔，自己的體能差左好多啊，唔，唔開心添。

下午哥哥話我肥左again，知道喇。
之後我問佢我點樣可以嚴肅ｄ，佢話只要我唔講野同唔笑就得架喎。我之後諗左一陣，諗諗下，好似唔得架喎……我個樣咕碌都可以係好認真的嘛……真煩惱呀。

之後出去傾pro，到夜晚先搞掂ｄｄ咁，噢，好漫長的工作。但係我發現自己對住呢ｄproject會act to be得認真ｄ架。

>>April 3, 2003 at 8:04:39 AM GMT+8

2003 年 3 月 31 日 星期一 【晴】

媽咪話我肥左喎。之後照下鏡，又好似係喎，呵呵，肥左呀，仲乜心廣體胖左既？係咪因為響屋企成日食呢？都可能係既。點算呢，自己已經唔在作戰狀態喇，遲ｄ點爆呢？有ｄ驚添。依家ｄnotes都仲未溫哂添，噢……太悠閒lu。
呢幾日實在太放暑假喇。有d墮落左既感覺添。內疚咁......

>>April 3, 2003 at 7:46:37 AM GMT+8

2003 年 3 月 29 日 星期六 【晴】

今日開會原來想認真ｄｄ咁，但係都係咕碌左……點算呀爸爸，哎，唔好無眼睇呀。no improvement at all....不過今次我又知多少少下次應該要點喇。

之後夜晚打左俾舅父，佢話下次會整番餐好的喎，唔，嘻嘻，舅父失準呀。

>>April 3, 2003 at 7:18:17 AM GMT+8

2003 年 3 月 28 日 星期五 【晴】

今日係慶生日日。爸爸生日快樂！你生日前我都應該見唔到你呢。

個生日會係for婉婉同爸爸的。不過我都有少少失敗咁，一去到元朗就俾人'督'爆左……無得surprise咯。我果然係一個唔識搞氣氛的人呀。等我遲ｄ搞下氣氛小組玩下野先，嘻。

其實我好開心啊，因為同表哥,朱軒,婉婉,uncle,auntie傾偈仔，到可以岩傾咁，個氣氛好好咁，好開心啊。佢地唔知點解好快就混熟咁，可以一起笑笑咁，真好呀。見到你地笑得開心就開心啊。哈哈，花旗參。到爸爸媽媽同姨姨黎到，我就同舅父佢地喇，因為我怕佢地悶悶呢。唔知你地點呢？我估你地一起有得傾咁，都ｏｋ掛。我見大家都笑笑咁。今次係第一次來的，大家會唔會唔自然呢？我覺得大家都好客氣咁，食都唔敢食得多咁。

番到家都晚晚喇。
其實未決定去舅父到之前係想去麥當勞搞生日會的架，不過佢唔知點解唔俾大人開，所以就改左黎呢度。係啦，就咁啦。

>>April 3, 2003 at 7:09:27 AM GMT+8