2002 年 11 月 7 日 星期四 【晴】

好累好累好累！
等車的時候，企向度訓著左……
撘車的時候，攬住個書包訓左……
番到家的時候，個腦諗住自己訓左……
到底我做緊乜呢？想訓呀。 zzz

>>November 24, 2002 at 2:16:07 PM GMT+8

2002 年 11 月 6 日 星期三 【晴】

我要暫時摺左本日記先喇
因為無時間寫住呀.......

>>November 7, 2002 at 2:59:16 PM GMT+8

2002 年 11 月 3 日 星期日 【晴】

開完MIS的會後，我可以預視到我之後的一個月會好伸俐的呀。要找outsource呀。
之後找媽媽，已經兩個禮拜無找媽媽喇，可以俾ｄ乜媽媽呢？行去火車站途中突然諗起Med Can蛋糕仔or檸檬批喎，就折返去買，但係得朱古力批，都好啦，係同一collection的，希望媽媽鐘意食啦。
番到家，又開始忙碌了……

>>November 28, 2002 at 1:10:07 PM GMT+8

2002 年 11 月 2 日 星期六 【晴】

呢兩晚訓覺都俾人嘈醒喎。我尋晚都無乜為意，累累嘛，繼續訓番。今晚聽到佢地係鬧交，好有火藥味，好覺得好唔開心呀，家庭有紛爭，我估佢地兩個同佢屋企人會好難受的。傷害左對方。好想呢個世界無呢ｄ問題呀。感謝神俾我有一個有愛的家，又俾bonus我，有基爸爸同珞媽媽。我記得爸爸話過佢同媽媽會吵架，但係佢地都係正面的，唔會攻擊既，所以佢地好好呀。感謝主。
主日學完左，我去找阿肥同佢交帶番個project的細節，一路講佢都明喎，我覺得佢好叻啊。我問佢如果個workload太大的話就算咁。佢話佢做唔到，但係可以做我地的顧問。我失望啊。因為對佢有期望。如果我應承左人，就算點都會做到的。所以我都期望阿肥會係咁。但係諗番，係自己的問題呀。我估我係將自己的一套加左向人身上呀。采采都話過我太重誠信喇，會被縛死的。人家無義務幫我的。阿肥之前義不容辭就答應幫，佢時間唔許可，都答應做顧問，咁佢已經好好好好幫忙的，好衰呀艷艷，艷艷壞喇。唔可以咁的架。而且我咁諗唔代表人家的要咁做的。阿肥係執事，咁所以佢咁樣做都應該岩的，我要學番佢先岩呀。仲有阿肥係執事，佢好忙的，我都唔體諒佢，好唔岩呀。對不起呀，阿肥，我咁樣諗。我唔會再咁的架喇。原諒我吧。

>>November 28, 2002 at 1:06:43 PM GMT+8

2002 年 11 月 1 日 星期五 【晴】

晚上滾大眼魚湯喎，咁洗魚佢陣掉左個勾，原來個勾彈左落地下，咁我踩到魚勾，但係都無為意，繼續切瓜瓜咁。媽咪入黎廚房，佢就問仲乜事地下咁污糟，我望番個地下先知地下有成灘血呀。原來隻腳流緊血喎。我切埋ｄ野就去沖沖隻腳，用ｄ雲林南白藥敷敷佢。仲有好多血流緊出黎呀。呢個moment好想打俾爸爸媽媽或者哥哥去咋嬌呀。不過爸爸媽媽去的function應該仲未完喎，哥哥又唔敢打去，所以都係無打到。之後諗諗下，兒童部聽日得我一個喎，我睇黎都唔可以同佢地玩，咁馬太班無人點算？之後死死地去找朱軒求救，叫佢俾ｄ人名我，阿Yu同Jesse太好喇，一口就應承我。佢地兩個仲好細心咁問我點添，叫我休息多ｄ……感動。好似好渣灘添，聽日唔駛番兒童部了。麻煩你地喇。

>>November 28, 2002 at 1:14:02 PM GMT+8

2002 年 10 月 29 日 星期二 【雨】

下午meet Jacqueline，個proposed system被佢ban了呀，個scale太細了。不過自己客觀ｄ睇，如果我係ｄclient，都真係convince唔到我去carry out個system既。但係之前的工夫就變左sunk cost了。係呀，我見到Jacqueline的office有聖經呀，好開心呢，即刻多左ｄｄ親切感呀。係喇，我睇到個情況好唔樂觀呀，時間有限，但係仲未摸清個business model，未design好個system，仲有個database同management report添，要快快contact番個client同開meeting了。４個credits的架。

今日同房同男朋友仔慶生日走左番屋企，所以今日可以霸哂間房，好free啊。食飽飽之後，一路聽歌仔，一路訓向床上面睇notes，又可以早ｄｄ訓喎，嘻，我10:00就訓左喇，好舒服呢。其實呢排成日都好累呀，好想訓多ｄ，點解呢？唔知道呀。

>>October 31, 2002 at 4:57:07 AM GMT+8

2002 年 10 月 28 日 星期一 【晴】

上完堂番宿，下午要溫mid-term的，但係攬住ｄnotes訓左呀，訓左兩個鐘呀。
舒服呀！

晚上要早ｄ訓－－訓訓訓，好似一隻豬咁，食飽就訓，嘻嘻。

>>October 31, 2002 at 5:00:27 AM GMT+8

2002 年 10 月 27 日 星期日 【晴】

早上普通話mid-term，但係無乜感覺咁，考完就算咁。之後就番宿換裙去present。又好似無乜特別咁。咁係咪即係好順利呢？感謝神啦。

一過之後就傾project，我地成組人由1:30開始傾，傾到5點多ｄ先draft好個web-page的layout，一路講我就一路有ｄ擾心，因為係out-source左俾阿肥做的，我地越傾越ideal，越傾越多野做，我驚阿肥會做死的呀，好對唔住佢。阿肥得唔得架呢？傾到5點左右，都仲有個database system同management report既layout未講，唔多明咁，所以走上去Jacqueline的office去問。已經８個頭昏腦脹喇，遲ｄ再傾過啦。

番到宿，好累累，所以沖個涼之後就訓左落床，訓到咁上下就去煮飯食，之後開GM，但係唔知點解tutor房無哂人喎，睇睇報紙啦，睇完就番上去溫溫書，但係訓左喎又，懶懶呀，嘻。點解會咁倦的呢？但係訓訓覺，好享受啊。

>>October 29, 2002 at 5:43:26 AM GMT+8

2002 年 10 月 26 日 星期六 【晴】

早上好無精神，好唔想番兒童部呀，但係今日無人向到，朱哥哥要打波，May又病病，所以唔可以走呀。好彩今日阿Yu出現左呀，加埋大頭姨姨，佢地真好呀。今日ｄ小朋友好乖呀，永彥又聽無曳曳喎，之後安安佢地又無咁怕羞喎，嘻嘻，真好。

之後番屋企煮飯，我整左蒸釀豆腐，呢個送係我好想食好耐的喇，好好味呀。

係呀，下午無去睇爸爸比賽，向屋企幫細佬寫好篇Jupas的文文，溫溫普通話mid-term同準備聽日HRM的presentation，都無去到關心清遠小組啊。

做到累累，襯有少少時間，我去左找飯飯俾爸爸喎，但係行哂成間supermarket兩次都 找唔到呀，係咪已經唔賣喇？好想買到呀。之後食完飯又番宿喇。

之後就去做presentation的rehearsal，同Mandy同Wendyland癲癲咁，好好笑好開心呀。不過Mandy不斷索我喎，咁我著住背心喎，佢就係咁索我隻手臂，佢話好香呀，我估係ｄ沐浴露味來的，我覺得佢好似咸濕佬呀，哈哈，講笑咋。
係呀，夜晚行長命斜好feel的喎，伸開雙手好似飛機咁之字咁跑落黎，好free呀，舒服。

>>October 29, 2002 at 5:45:57 AM GMT+8

2002 年 10 月 25 日 星期五 【晴】

星期六，早上去譚李麗芬補習，ｄ學生乖左呀，真好。之後公公同婆婆黎左屯門，我又去補習，番到家又做下陪客，做下乖孫咁啦，之後晚上同埋舅父佢地一起食飯，食飽飽，又一日lu。舅父話快ｄ去佢到玩呀，佢叫我約一班朋友仔一起，可以燒野食，食盆菜，打馬吊，釣魚魚……不過都無時間去玩呀。但係舅父太好喇。

其實成日都咁忙，一樣野接住一樣野咁，真係幾累的。

>>October 28, 2002 at 9:49:03 AM GMT+8