2003 年 2 月 28 日 星期五 【晴】

呢個camp令我睇到自己無乜領導的材能。我鐘意聽人講意見，聽左喇generate左idea或者其他都唔會講出來的。真係的呀，我唔鐘意出聲。係ｄstraight forward的東西，跟住大家的思路的東西我先會講。講野都係配合番自己level，都係呢個娛人娛己的角色好玩ｄ，簡單簡單。呵呵，我都係忠於呢個角色呢。

唔，我個腦諗緊乜，唔知有無人知呢？

一隊人合作，要一起contribute的，第一個game de-brief完之後我知道要開始喇。講多ｄｄ，果然係好好多，成隊合作得好好多，大家都開始develop默契、信任……之後的更加漸入佳境咁。我感受到team spirit呀。我要學習呢樣野呀。

響唱營歌個陣，唱到：能不變一生守護你，爸爸望住我唱呀，我望住佢，覺得好warm呀，爸爸呀~~爸爸第一次要係俾媽媽，之後就俾我，感動得要死的呀。我都係架。成首歌都係，esp副歌呀，好溫暖的歌。charge up番咁。好幸福。

我最鐘意玩的係大腳八同水戰。水戰好好玩呀，嘻嘻，不過碌左落地呀。但係去得唔夠盡咁添都係。

回程個陣慳妹教左我少少做人既道理呀。我好鐘意聽呢ｄ教導的架，好似之前淑賢佢地都係咁同我講的口吻咁，我覺得好親切，佢地錫我咁。收到。

>>March 3, 2003 at 1:06:52 PM GMT+8

2003 年 2 月 26 日 星期三 【晴】

到底神係咪要我去傳福音呀？婉婉呀？我真的好indifferent。我覺得……都係唔講。我係有點critical的呀。

>>March 2, 2003 at 3:52:47 PM GMT+8

2003 年 2 月 25 日 星期二 【晴】

之前幾日好累累，所以唔記得寫日記呀，唔好意思呀。

尋日早上個頭有ｄｄ暈暈暈咁，好想走堂呀，但係都係去左上。但係去度又頂唔住，去左library，但係又恰唔到喎。不過上完之後兩堂，晏就番宿食左野就碌左落床一陣，舒服好多lu。

今日我揀左study tour的地方喇，其實我係ｄ尾尾籌，所以無得揀，係last幾個位的呀。我會響5月18-24日去的架。不過我不是太大奇望呀，我依家只係為左substitute一個stot而去的。但係到時可能唔係咁諗既又。

我依家諗緊我的暑假會點呀。絲路/短宣？婉婉叫我去短宣呀。
撫心自問呢，我比較想去絲路，我想去見識見識，去玩。
如果今年唔去，可能成世都去唔到lu。要有齊大家，又要一起有時間。
短宣的main concern係我無commitment，我仲係好indifferent咁；仲有係屋企人唔鐘意。我知道會係一個好的經驗來的。
找仲有時間去諗的既。

要努力努力呀，響團契度，要兼顧幾多野呢，自己太多野都唔識喇，原來真的一ｄ都唔簡單呢，之前明仔同+羊原來都唔輕鬆呢。辛苦佢地lu。

好多野做好多野做呢~~

係呀，剛剛Sam哥打過來呀，已經成年無傾過喇，係開心既，不過佢都幾proud呢。好懷念澳洲的生活添。諗番原來去過佢到一日咋，但係到依家都仲記得我，仲叫我做妹妹添，真好呀。

>>February 26, 2003 at 11:45:59 AM GMT+8

2003 年 2 月 22 日 星期六 【晴】

唔知點解唔多舒服呀，早上同爸爸飲完茶己經係喇。可能係尋晚訓得唔好呀。我尋晚3點幾無端端起左身，個腦就係諗住團契的人同野咁，所以就祈禱。祈完就都訓唔到，就溫溫書仔，mid-term嘛，之後過多陣就訓lu。

之後上早堂都唔多集中到咁，完左早堂同阿池去置樂影印順勢買東西俾爸爸媽媽同婉婉同哥哥吃，番番來就去兒童部，完左就想閃番家喇。但係見到玲玲喎，就同佢行番陳瑞芝，傾一陣咁，嘻嘻。之後就番家了。番到去，同媽咪飲茶咁，都仲係唔多妥咁呀，做乜呢？要休休啊。番番屋企就同媽咪傾一陣偈咁，做下野，食下野。

晚上番到宿又精神番，繼續做野lu，呵。又charge up番了。
我今日點解會咁既呢不過？

>>February 24, 2003 at 4:56:21 AM GMT+8

2003 年 2 月 20 日 星期四 【晴】

剛剛Loming lin過來，同佢傾左almost兩個鐘。響我眼中，一個好叻、好盡心事奉神、好愛神的女孩子。我好proud of佢的架。我第一次咁聽佢分享，好honour啊。Loming佢依家experiences好多好大的拉力，我想像到佢依家的境況，好想同佢一起喊呀。但係我乜都幫唔到佢，剩係識講ｄ無乜實際用途的cliche。神要起用一個人，真的會不斷咁啄磨佢，神俾緊功課Loming呀。Loming，我會記念住你的。
Loming的分享提醒我要做神的工具，好好咁服事人。我只係一件工具來的咋。好小的、好小的。

爸爸又整親喇，唔，佢無得打波仔住lu又。咁樣成日傷，隻腳會好唔開心架。

今日朝早present，覺得ｄYear3好presentable呀，要覺下佢地ｄskills啊。之後同佢地傾偈，佢地話上個sem佢地趕networking個project個陣，連續一個禮拜由個lab開門做到閂門，中間仲要無食野喎，oh Jesus！好難想像……但係今個sem的database會更哽的喎，oh Jesus，好"r"（第5聲）。都係遲ｄ先算。

之後番到宿見到詠恩化左妝，我番番房同同房（Phoebe,IE人）講話engine人都要識化妝架，仲話佢下年點算，呵呵咁。但係俾佢插番我呀，原來我係BA人，依家都要識化妝的架，點算好？唔識呀。遲ｄ先算lu。我總有一日會識架。

之後lunch同房同男朋友仔煮粉粉一起吃。真的好不好意思呀。因為男朋友仔佢剩係食左兩粒餃餃，同房又驚我唔夠食左兩"注"麵，佢仲未食早餐添架。但係我衰衰呀，清左之後仲唔飽，再響佢地面前整多個杯麵食。佢地整俾我食我仲咁，真的好唔好意思呀。我下次應該忍一忍口呀。其實我之後仲食多佢罐粟米，食左佢包麥芽餅，依家仲食緊佢罐南乳餅，得番五份一，唔唔好意思，再一半添丫……聽日要自首呀……好唔好意思，要快ｄ入番貨俾佢添呀。

>>February 21, 2003 at 12:31:21 PM GMT+8

2003 年 2 月 18 日 星期二 【晴】

大家都好似有好多野做好忙咁。我好似比大家都悠閒咁既。可能有爸爸幫我organise同做團契的東西，又有我親愛的同房同鬼哥哥教我db的r頭問題，very helpful咁，太好lu。定係我做的東西都on schedule，感覺就好好，好有精力呢。

大家都要健健康康、精精靈靈、做野就efficientｄｄ，要為忙忙的大家祈祈禱啊。

>>February 20, 2003 at 3:12:16 AM GMT+8

2003 年 2 月 17 日 星期一 【晴】

今日我番生番喇。Good~~！

>>February 20, 2003 at 3:11:10 AM GMT+8

2003 年 2 月 16 日 星期日 【晴】

突然好掛住爸爸媽媽
我張檯上面有爸爸張相同媽媽同我合照的相的，頭先望住佢地，之後就會笑架喇。
佢地點呢？
我唔知點解諗起爸爸個樣，爸爸好殘好累累咁，爸爸係咪好多野做呢都？

>>February 18, 2003 at 5:24:58 AM GMT+8

2003 年 2 月 13 日 星期四 【晴】

原來自己久久都無寫日記添，我呢陣子呢，好好呀，仲好健健康康咁，但係有ｄｄ熱氣咁，因為自己對自己太好咁喇，都係怪自己啦。係有ｄｄ忙忙咁既。我剛剛發現自己睇野個陣就會一路食野的，因為隻手free掛。我今日就係咁食左almost(係仲有４楝of the upper layer剩左的)半罐曲奇同3包餅(係細的梳打餅同時時食咋，唔係大的架今次)，諗番前兩日都係咁，不過唔係食曲奇囉。但係真係唔掂架咁喎，會熱氣死的。我係咪唔應該再縱容自己呢？
真的唔知點算添，下個禮拜會好甘呢。其實係好充實既。到時會死到出黎掛，都係唔好諗咁多喇。Year2的生活真熣燦啊。爸爸媽媽你地之前原來的唔簡單呢。這是我下週的schedule：
星期日：崇拜+兒童部、present rehaersal
星期一：普通話test、睇牙醫、ITB present、OM assignment、交職
星期二：MKT test、傾pro
星期三：OM test、見professor
星期四：傾pro、會員大會
星期五：DSE4150 present
星期六：DSE4070 assignment，之後上完堂番團契，and then meeting
之後的一個禮拜會好少少的既，所以呢，我應該下下個禮拜會番生的架，到時再見大家啦。

>>February 18, 2003 at 5:25:49 AM GMT+8

2003 年 2 月 8 日 星期六 【晴】

早上番崇拜，家姐話倦唔番呀，少少失望。原來梁牧係我的師兄啊，我地都係讀聖安多尼架。我仲要同佢有similar experience添呀，佢有哮喘病病，無考試，但係老師幫佢作分喎；我二年級個陣上體育堂個陣要分組，有兩個同學仔要同我一組，所以拉住我兩隻手跑喎，有一個拉贏左，但係我就俾佢拉住咁跑，之後跌低左，個手爭落地，隻手'較'ｄ骨就裂左喇，所以我右手爭個較係大個左邊的少少架。我有唔知個幾月無番學架，之後學唔駛排隊架，好似有特權咁，嘻，係喇，我個成績表又有分喎，係咪好似呢？

之後同家姐同采采一起食lunch，去大拇指食，采采請的架。之後探文健，佢好擔心咁，不過都真的好突然的，去左三幾個字就閃喇，佢都好生猛既。

去采采家找番采采同家姐，同采采媽媽一起，采采啊，好耐無找你喇。之後影卡，好靚的呀我覺得。之後去市鎮公園飲飲野傾傾偈。但係我杯野未到市鎮公園已經KO左……佢地仲可以一路傾一路飲呀……好好的氣氛啊。諗番以前PE堂跑圍住個湖跑，懷念啊，之後同采采跑左個半圈，好舒服呀。分別了，家姐話采采變左呢，嘻，采采成長左好多啊。開心。

番到家就食ｄ野就閃喇，要番宿做野啊。爸爸媽媽同家姐就去拜年食飯。

爸爸佢地睇波仔，睇得開心ｄ啦。我番到宿都立左一陣架，不過。

因為同下莊數錢同同佢地分析問題，到2:00先訓得，累啊。

>>February 14, 2003 at 1:48:31 PM GMT+8