2003 年 1 月 16 日 星期四 【晴】

今日朱軒入來同婉婉同我一起食飯呀，佢地好開心呀，我覺得佢地的關係令我好舒服呢。我地食完野就一起去婉婉宿下面坐同訓下同傾傾咁，佢地不斷咁笑呢，嘻，越來越眼訓呢。

之後婉婉上堂，我同朱軒就入去我的宿喇。我帶佢入soc房，請左佢食Maxibon呀，不過未請過爸爸同媽媽食先添，唔制。我記得爸爸響生活營請過我食朱古力甜筒架。仲要張大合照係同RB一起食住杯雪糕影的架。嘻嘻。不過個陣都唔多熟爸爸，係剛剛識添架。原來識左爸爸都唔夠一年喎。媽媽就仲短時間添呀。係喇，之後朱軒就訓覺覺喇，我就lin電話俾人。

婉婉上完堂，咁佢地一起走佬，我就去買東西同做埋ｄ雜不甩野就番番宿。婉婉唔好多心啊，我真的唔覺得你唔理我的架，我覺得好好呀，一ｄｄnegative的感覺都無架，真的架。婉婉你太鍚我喇。真好。

晚上炒五香肉丁粉粉同菜菜同雲吞俾哥哥同同房吃呀，我濟濟食唔多呢。哥哥同同房都讚好味呢，呵呵！
哥哥洗碗個陣我就訓左喇，今日好累呢。

>>January 17, 2003 at 1:02:22 PM GMT+8

2003 年 1 月 15 日 星期三 【晴】

今日下午無拉拉咁找爸爸呀。其實係朝早上完堂icq知爸爸隻腳整親，但係佢又要搬宿喎，咁會好辛苦的架，所以就閃去喇。但係上完堂爸爸同媽媽已經出發左喇，噢，佢地係驚我辛苦呀，爸爸媽媽太好喇。但係爸爸隻腳會好辛苦的呀。

咁去到呢，就等同爸爸媽媽飲茶喎。爸爸隻腳踝好似隻”老”水蛋咁呀，唔，點好？除左吃東西，仲有乜呢？係呀，如果爸爸媽媽結婚呢，可以做花女呀，不過到時應該會嫌我唔可愛同太大舊喇。仲有，唔多記得添。爸爸媽媽。

食完就番番宿執野喎，見到佢地今朝拎左好多野呀，好重的架，唔。執到媽媽要走就同媽媽走。同媽媽一起好開心啊，不過媽媽好累呢，仲要開會呀，唔。咁仲同媽媽一起買衫仔添，呵呵，媽媽。之後就同媽媽行去個條茅街，咁就分別喇。我番番百佳買東西吃，嘻，之後番宿lu。8:00修章9:00正諮，好累呢。

>>January 17, 2003 at 12:45:06 PM GMT+8

2003 年 1 月 14 日 星期二 【晴】

下午哥哥請食tea，好飽好飽呀。呢個就係低GPA的安慰，都可以彌補到少少既，嘻。哥哥無端端講搵工問題喎，佢響到諗左好好好好耐，仲要一路笑住咁諗，話想像唔到我會番工呀～～噢。之後好夾梗的話，可能我應該去教下小學，仲要係小一至小三的，大個小小都會蝦我～～唔，唔制呀。我唔想呀。

之後食完tea又傾完呢，就番番Shaw，有Food Expo喎，又去掃野食啊，呵，唔駛$$的架，飽飽呀，嘻。識人真好。

晚上同roomate傾喎，佢又好似話會番番團契呀，呵，感謝呀，多謝大家，多謝神。仲有呢，佢話我唔似會教書喎，呵呵，安慰ｄｄ喇。

>>January 16, 2003 at 3:20:28 AM GMT+8

2003 年 1 月 13 日 星期一 【晴】

這幾天開始不在狀態。我只是覺得累。所以我在這兩天都午睡了。
但我知道我更需要重組一下自己。我的思路不大清晰。
是太多的工作rush來嗎？Anyway。

這幾天都偷食院慶物資和宿生會物資，曳左少少咁。但係太多野吃呢，有爆穀機，可以整無限量爆穀吃，又有溫暖腐碌蛋，又有咖喱魚蛋蘿蔔，又有茶葉蛋……豐富死。就落莊喇，有ｄ唔捨得ｄ特權添。

>>January 14, 2003 at 1:59:42 PM GMT+8

2003 年 1 月 12 日 星期日 【晴】

今天很累啊，下午上完堂同add完科就番番宿喇。好想訓啊。
我就係咁，食左餅餅同飲左兩杯暖暖豆漿，好溫飽咁訓。可以就此死去喇。好舒服啊。
訓到上Assembly，但係訓到個額頭有一條"痕"咁……噢。不過應該無人見到掛。
上完Assembly詠恩整晚飯俾我同鬼哥哥吃啊，好幸福呀。我係沖沖下涼佢就入黎話煮野俾我吃喎，隔沖涼的阿蓮就話好恨好恨喇，之後就傾偈咁，嘻，詠恩好好呀，好好人，嘻，謝謝。
之後要開會，佢地兩個傾IE野，唔，無乜點傾添。但係食完野精神好多呢。
開完會，發現呢個月真的無喇，噢。好tight呢。

我要俾心機，響團契度assist爸爸（最多），為大家祈禱（都係多），做好功課（少）同搞好宿生會野（再少ｄｄ）。

爸爸點呢？要諗好多野呢？辛苦爸爸呀。我唔識呀。
媽媽開始番學喇，辛苦無呢？媽媽你累累嘛，要小心身體，唔好捱壞呀。
Pray for you all.

>>January 13, 2003 at 1:55:47 PM GMT+8

2003 年 1 月 11 日 星期六 【晴】

下午團契開會呀，我覺得自己好蠢蠢呀，
唔知道，我覺得好亂，ｄpoints好散，好無智慧啊艷艷。
到底以諾團應該點先可以對大家最有幫助，造就到大家？

我見爸爸個樣好失望。但係我真的幫唔到。
幫唔到不突止，仲成左負累添。
我都要檢討檢討下。
媽媽呀。
辛苦爸爸喇，為個團……

好累呀，成日都好累，暈暈岳岳咁，sor sor大家。
番到屋企比響宿累好多呢。

我要祈禱

>>January 13, 2003 at 2:35:05 PM GMT+8

2003 年 1 月 8 日 星期三 【晴】

尋晚同同房傾番信仰的問題，唔，講到心到up呀，佢覺得好辛苦呀，佢一路講，但係我俾唔到任何幫助佢，剩係可以做佢的一個聆聽者。我好唔想見到佢放棄神呀，好唔想，好唔想呀。佢前兩個禮拜答應我話呢個禮拜開始番團契的架，但係佢唔番喇。我最後話想同佢一起祈禱，佢都拒絕左，好傷呀，我係咪俾左好大壓力佢呢？我可以點做呢，爸爸、父神可唔可以教我點做呢？可以透過我／神你自己引導佢嘛？我要更切切咁為佢祈禱。

>>January 9, 2003 at 1:47:17 AM GMT+8

2003 年 1 月 7 日 星期二 【晴】

太太太太太感動喇，鬼哥哥太好喇。感動得要死呀！我上完堂番到宿就見到張台上面多左ｄ野，睇真ｄ，就發現係哥哥給我的呀，哥哥。呢個moment，我飲緊枝水呀，哥哥仲記得係bonaqua，770ml的呀，仲有仲有呀……哥哥太好喇。warm死喇。哥哥鍚哂你。嘻。係呀，哥哥都好累累喎，今個sem有睇到都手心冒汗的好多野做，依家仲同學傳寫hp添，唔好捱殘呀，哥哥為你祈禱。

仲有今日婉婉啊，婉婉lin來呢，呵。

神好恩待我呀，俾咁多人鍚我。

係呀，剛剛去med can買左個新鮮出爐蛋糕仔吃呀，暖呼呼的喎，外脆內軟，美味呢，好想同哥哥+爸爸+媽媽+婉婉+采采……分享呀，太美味喇。

今晚有為食會呀，我依家煲緊番薯糖水，偷食緊沙律同餃子，好味呢，呵呵，曳曳啊。

>>January 8, 2003 at 11:10:26 AM GMT+8

2003 年 1 月 6 日 星期一 【晴】

今日有ｄ頭昏腦脹呀，入到班房professor就響度講java，聽得明......我估都有40%既，佢越講就越ｒ頭添。之後佢就問有無year2的喎，但係得我一個人舉手的呀，佢地全部都寫過program架，仲要有CS人添喎。死掉了。呢個係我的1st language來的，頭都暈咁呀~~好彩professor好好啊，佢行過黎喎同我講左一陣，仲叫我多ｄ搵佢呀。不過都大大獲喇，遲ｄ要找人求救先得喇。

好想冬眠一下呀。

>>January 7, 2003 at 11:42:10 AM GMT+8

2003 年 1 月 5 日 星期日 【晴】

響宿有ｄ懶洋洋既感覺，好舒服的喎又。
食到暖暖，訓到飽飽，
不過個人少左ｄ朝氣咁添，噢。

>>January 6, 2003 at 8:29:58 AM GMT+8